رواية حبيبي المدير ماهر واحلام كاملة جميع الفصول

خرجت أحلام من عربيتها الصغيرة وهيا مش مستوعبة كل اللي بيحصل معاها ..بتبص للظابط بدهشه وهوا كان بيبصلها بغضب فاتكلمت بصدمه وقالت:انتوا هتاخدوني علي فين انا معملتش حاجه؟ً

الظابط بصلها بغضب وقال:معملتيش حاجه دا انتي هتشوفي أيام سوده؟

اتضايقت أحلام من أسلوبه معاها وقالت لنفسها ان مهما كانت ايه غلتطها ملوش أبدا الحق انه يعلي صوته عليها ويكلمها بالاسلوب دا فقربت منه وعلي ملامحها الغضب وقالت:انا مش هتحرك من هنا غير لما تفهموني هروح فين الأول؟

الظابط بصلها بإستغراب  وقال:هتروحي القسم وعارفه ليه علشان كنتي هتموتي العسكري بسبب اهمالك للقواعد اللي فرضها عليكي القانون يا أستاذه؟

هزت أحلام راسها والدموع في عينيها وقالت: ماشي بس بلاش اركب البوكس دا ممكن اروح بعربيتي او اركب اي عربيه بس المهم اني مش هركب البوكس دا مهما حصل ومتنساش حضرتك اني بنت؟

الظابط لاحظ عنادها واصراها  فاحترم كلامها بما انها بنت فعلا وقال:علشان بس البوكس مليان  بلط-جيه هتركبي في عربيتي .

خلص الظابط كلامه وبص للعسكري اللي واقف وراها وقال:فضيلي يا أبني الليله دي خلينا نشوف حكايتها ايه الاستاذه دي  في القسم..؟

وقفت احلام في جنب لحدما العساكر انتهوا وفضوا المكان زي ما هو طلب منهم فبصت للظابط وهو شاورلها تمشي وراه وركبت في عربيته ؟

احلام قالت بتساؤل:هتعملوا ايه في عربيتي؟

الظابط بص للعربيه وقال:متقلقيش عليها دي هتكون في الحفظ والصون دي في حماية الحكومة؟

احلام بلعت ريقها وهزت راسها والظابط اتحرك بالعربيه.

____________

بعد مرور ساعه وصلوا قسم الشرطة ودخلت احلام مكتب الظابط وقعدت تبصله وهيا ساكته .

الظابط قال بتساؤل:مش عاوزه تعملي مكالمه كده اي حد يجي يلحقك بدل ما انتي بتصوري المكتب بقالك ساعه.

احلام انتبهت ليه ورفعت وشها ليه باهتمام وقالت بتساؤل :هو انا ممكن اتصل بحد فعلا؟

الظابط هز راسه وهيا حركت راسها بالرفض وقالت:لا انا هحل مشكلتي بنفسي..

بصلها الظابط بصة اعجاب ولاكن اتغيرت لما شافها وقفت وقالت :انا ممكن ادفع اي كفاله هيفرضها عليا القانون علشان مش هينفع افضل هنا أكتر من كدا الوقت اتاخر وانا بنت وطبعا ليا سُمعتي ؟ 

الظابط هز راسه بتفهم وبصلها وقال:طيب اتفضلي يا انسه مش انسه برضوا؟

هزت احلام راسها وبصت للورقه اللي حطها قدامها وهوا شاورلها تاخدها وتشوف الكفالة اللي هتدفعها وهيا قربت من الورقه واخدتها واول ما شافت المبلغ بصتله وقالت:لا انا بقول أتصل بأي حد يجيلي وخلاص!

الظابط مقدرش يكتم ضحكته وبصلها وقال:ايوا كده ارجعي لأصلك!

احلام كانت متضايقه من الموقف اللي اتعرضتله فقعدت تاني علي الكرسي وهيا بتفكر مين ممكن يجي يساعدها  في الوقت دا ، 

أول واحده جت في بالها على طول هيا مروه وقعدت احلام تفكر لو هتقدر مروه  تساعدها في دفع الكفاله ولاكنها ادركت ان مروه يا دوبك علي قد حالها وكفايه عليها انها بتصرف علي بيت ابوها من شغلها  فغمضت عينيها بتعب وبعدها مسكت تيلفونها واتصلت بمروه لان مفيش قدامها غيرها واول ما سمعت ردها كان..؟

مروه قالت بغيظ:ايه يا احلام بتقفلي في وشي يا..؟

قاطعت احلام كلامها وقالت بصوت حزين:مروة أنا في القسم؟

اتصدمت مروه من كلامها ووقفت وقالت:في القسم ؟ ليه يا احلام ايه اللي حصل!

بصت احلام للظابط ورجعت همست بصوت واطي وقالت:وانا بكلمك كنت هخبط عسكري واقف في الكمين وجابوني هنا علي القسم وبدات تشرح لمروه كل التفاصيل واول ما جت تحكيلها عن الكفاله مقدرتش تمسك دموعها وقالت:الكفاله كبيره اوي يا مروه انا مش عارفه اعمل ايه؟

مروه كانت لبست هدومها وهيا بتكلمها وقالت:استني يا احلام انا هجيلك!

احلام هزت راسها بالرفض وقالت:لا يا مروه خليكي انا مش عايزه اتعبك معايا انا بس عاوزه منك خدمه بسيطة وهكون ممتنة ليكي اوي !

مروه هزت راسها باهتمام وقالت:قولي يا احلام!

بلعت احلام ريقها وهزت راسها وقالت:انتي قولتيلي ان ماهر الصياد رجع مصر صح!

مروه هزت راسها وقالت:ايوا دا بقالوا كتير هنا؟

احلام كملت كلامها بصوت ضعيف وقالت: هو انتي تقدري توصليله ،يعني معاكي رقمة او اي حاجه توصليله منه عن طريقها!

مروه فكرت في كلامها وبعدها قالت: لا انا معييش رقمه بس انا اعرف انه عنده شركه كبيره جدا هنا في مصر بأسم عيلته وهو معروف اوي كمان انتي ممكن تقولي للظابط علي اسمه وهو هيقدر يوصله!

احلام هزت راسها وقالت:خلاص يا مروه انا هتصرف بس قبل ما اقفل علشان خاطري خليكي عندك ومتجيش ..،مروة قاطعت كلامها ولاكن احلام قالت برجاء:ارجوكي يا مروه خليكي عندك اسمعي كلامي ؟

مروه هزت راسها بقلة حيلة وقالت:حاضر يا احلام بس ابقي طمنيني عليكي انا مش هنام النهارده غير لما اتاكد انك وصلتي البيت بالسلامة!

احلام هزت راسها وقالت:حاضر متقلقيش هكلمك!

انهت كلامها وقفلت المكالمه ومسحت دموعها وبعدها اخدت نفس عميق وبصت للظابط وقالت:انا معنديش غير شخص واحد هوا اللي هيقدر يجيلي في الوقت دا ..الظابط هز راسه ليها وهيا كملت كلامها وقالت:بس المشكله اني مش عارفة أوصلة!

الظابط رفع حاجبه باستغراب وهيا كملت كلامها وقالت:هوا شخص معروف جدا وحضرتك هتقدر توصلة بسهوله !

الظابط هز راسه وقال:مين الشخص دا؟

احلام قالت بجديه:ماهر الصياد؟

___________

في قصر كبير وبالتحديد في منطقة راقية جداا كان قاعد ماهر الصياد علي كرسي مكتبه وبيتكلم مع المساعد بتاعه وإبن اخته في نفس الوقت حمزه .

ماهر بص  لحمزه وقال بجديه : اعمل حسابك انت هتسافر دبي الاسبوع الجاي علشان تتاكد ان كل حاجه ماشيه كويس في الشركة الجديده واوعي يا حمزه وانا بحظرك تستهون بالموضوع وتقضيها لعب!

حمزه رفع حاجبه بضيق وقال:انا يا خالي بلعب بق بتشك في قدراتي ماشي يا مدير.

وقف ماهر وقال:انا بس بحظرك يا ابن اختي علشان لما اعاقبك متزعلش وتروح تعيط للست الوالده..

حمزه بصله بضيق وقال:هتفضل طول عمرك كده  قاسي وجد ومش هتتغير ابدا..

ماهر حط ايديه في جيبه وقال:مش كفايه انك لين هيبق انا وانت يا حمزه..

اتغاظ حمزه من اسلوب ماهر معاه وقال بصوت اقل من الهمس: يا عم ارحمني وانت شبه ال..؟

ماهر ضربه علي دماغه وقال:سامعك علي فكره..

حمزه اتصدم من كلامه وبصله وقال: هيا بقت كدا طيب انا ماشي..

ماهر ابتسم ابتسامه خفيفه علي جنان حمزه ورجع قعد علي مكتبه تاني علشان يظبط باقي الاوراق ولاكن قبل ما يقفل باب المكتب افتكر حاجه مهمه وخرج  يجيبها من برا المكتب  .

________

في قسم الشرطة*

الظابط بص لاحلام وقال بصدمة:بتقولي مين!

احلام قالت بجديه:بقول لحضرتك ماهر الصياد؟

الظابط ضحك علي كلامها وقال:انتي عارفه معني كلامك دا ايه!

احلام بصتله باستغراب وهزت راسها بالرفض وهوا وقف وقال: انتي مش عارفه توصليله وفكراني انا هعرف اوصله؟

اتفجأت احلام من كلامه وسألته:ليه حضرتك مش هتعرف توصله هوا مش هنا في مصر!

الظابط ضرب كف علي كف وبصلها وقال:لا هوا في مصر بس مستحيل اعرف اوصله دا ماااهر الصياد؟

قال اسمه بهيبه كبيره وهيا من كلامه فهمت ان ماهر مش مجرد شخص عادي ومن الواضح انهم فعلا مش هيقدروا يوصلوله!

__________

خرج حمزه من القصر واتجه لاحدي الملاهي الليلية وكان بانتظاره مجموعة كبيرة من البنات واول ما شافهم رفع ايده وقال:هاي بنات؟

البنات قربوا منه بفرحه وقالوا:هاي بيبي انت كنت فين بقالك كتير مختفي؟

حمزه قرب من بنت منهم وحط ايديه علي ظهر-ها العا-ري وقال:انا موجود علي طول بس الفتره دي كان عندي شغل كتير؟

بنت منهم قالت:اه اكيد خالك المدير المتوحش دا كان ضاغط عليك في الشغل؟

حرك حمزه راسه وهوا بيشرب من الـ كاس وقال:ايوا هوا المدير المتوحش خالي فعلاً.

البنت ضحكت وقربت منه وقالت:طيب ايه هو انا موحشتكش يا بيبي ولا ايه؟

حمزه بصلها باعجاب وقال:معقول يا روحي دا انتي وحشتني اكتر من اي يوم تاني تعالي هنا..

البنت ابتسمت وقربت منه وبدأوا الإتنين يرقصوا مع بعض علي الموسيقى العشوائيه والانوار المختلطة وباقي البنات باصين عليهم وبيضحكوا!

كان قاعد علي البار شخص بيتابعهم وكان من الواضح انه معجب جدا بالبنت اللي بترقص مع حمزه فقال صديقه:اي يا چو معقوله لسا بتفكر فيها بعدما كرفتلك!

الشاب بص لصديقه وقال:اسكت دلوقت يا أنور علشان شكلي هكسر دماغ اللي اسمه حمزه دا النهاردة.

صديقه ابتسم بسخريه وقال:تفتكر بردو يا چو انك هتقدر انت ناسي دا يبق مين ولا خاله مين .

چو وقف بغضب وقال:يبق مين يعني دا مجرد حشرة افعصه برجلي ..انهي كلامه وضرب بخفه علي كتف صديقة وقال:استني انت هنا وشوف انا هعمل فيه ايه؟

صديقه بصله بتسليه وقال:وريني اخرك يا عم چو..

اتحرك الشاب في اتجاه حمزه والبنت ووقف قدامهم وسحب البنت من ايديها وقرب من رقبتها علشان يقب-لها ولاكنها صرخت وقالت بغضب:ابعد عني يا حيو-ان..

حمزه بص للشاب بغضب وبعد البنت عنه ولكمه في وشه وبص للبنت وقال بتساؤل :انتي كويسه يا ديدي؟

البنت هزت راسها بالايجاب وهو رجع بص لچو بغضب ولاكن چو كان الغضب عاميه فقرب من حمزه تاني ولكمه في وشه وحمزه بدا يردله الضربه بغضب أكبر وبدأ الكل يتدخل في الخناقه و بعد مرور بعض الوقت.

الملهي الليلي اتقلب لخناقة كبيره بسبب ان چو كان ليه اصدقاءه في المكان وقدروا كلهم يعملوا دايره كبيره حوالين حمزه ويوقعوه في النص..

البنت اتصدمت من اللي بيحصل وخافت اكتر علي حمزه منهم  فخرجت تيلفونها بسرعه وعملت مكالمة سريعه وقالت:ألو بوليس النجدة إلحقوناااا؟ 

_________

في قسم الشرطة ..

وقف الظابط وبص لاحلام وقال بسرعه:خليكي هنا متتحركيش لحدما ارجعلك.

احلام بصتله بخوف وقالت:هو ايه اللي بيحصل حضرتك رايح فين؟

الظابط :عندي مأموريه سريعه هخلصها وارجعلك بس اوعي تخرجي من هنا انتي فاهمه؟

احلام هزت راسها بالموافقة والظابط خرج بسرعه من المكتب من غير ما يقول اي كلمه زياده وسابها قاعده لوحدها في المكتب..

وبعد مرور وقت كبير الظابط مكنش لسا رجع وقفت احلام بزهق وقالت بهمس:هو اتاخر ليه؟

كان الظابط طلع مأموريه في محافظة تانيه وبسبب انه هيتاخر بعت رساله لظابط تاني صديقه يبلغ احلام انها تمشي ويسلمها عربيتها؟

ولاكن بسبب ان صديقه كان مشغول مع الشباب بتوع الملهي الليلي مقدرش يشوف الرساله في وقتها! 

سمعت احلام صوت دوشه كبيره جايه من برا فتحت الباب علشان تشوف ايه اللي بيحصل شافت مجموعه كبيره من الشباب والبنات اللي كان شكلهم متبهدل ومن الواضح ان كان في خناقه كبيره بينهم ،خرجت علشان تدور علي الظابط وتشوفه ليه اتاخر لان  الساعة بقت واحده بالليل وهيا خايفه تفضل هنا اكتر من كده لانها محتاجه ترتاح بسبب ضغط اليوم عليها؟

في غرفة الظابط كان واقف و بيبص للشباب وبيقول 

الظابط بغضب :مين فيكوا اللي بدأ الخناقه!

كل الشباب شاورو علي چو ولاكنه انكر اللي حصل وشاور علي حمزه وقال:يا فندم هو اللي بدأ انا بس كنت بدافع عن نفسي!

الظابط بص لحمزه اللي وشه متبهدل وقال:انا لولا عارف انكم ولاد ناس محترمه كنت رميتكم في الحبس دلوقت بس انا مش هعمل كده علشان سُمعة اهاليكم متبوظش بسبب استهتاركم ده؟

حمزه بص للظابط وقال:بعد اذنك يا فندم انا عاوز اعمل مكالمه ؟

الظابط بصله وقال:اتفضل يا استاذ وانتوا كل واحد فيكم يتصل باي حد يجي يضمنه ؟

الشباب والبنات اللي واقفين بدأوا يتصلوا بأهاليهم وحمزه اتصل بماهر واول ما رد عليه قال بسرعه :ايوا يا خالي انا في قسم الشرطة تعالي خدني؟

__________

احلام كانت بتتمشي في القسم وهيا بتبص لكل ركن فيه لحدما وصلت لصوت  الغرفه اللي خارج منها الدوشه الكبيره  فبصت علي اسم المكتب ولقت مكتوب عليه  الرائد

(وائل نصار) فقربت اكتر من الباب علشان تسمع ايه كل الدوشه دي والشباب دول جايين في ايه وهي مقربه من الباب فجاه سمعت صوت رجولي جاي من وراها بيقول بتساؤل :بتعملي ايه عندك يا استاذة؟

يتبع بقلمي الكاتبة شيماء صبحي 

 كانت أحلام بتتمشي في القسم وهيا بتبص لكل ركن فيه لحدما وصلت لصوت الغرفه اللي خارج منها الدوشه الكبيره  فبصت علي اسم المكتب ولقت مكتوب عليه  الرائد (وائل نصار) فقربت اكتر من الباب علشان تسمع ايه كل الدوشه دي ولاكنها فجأه سمعت صوت رجولي جاي من وراها بيقول:بتعملي ايه عندك؟

وقفت مكانها بخضه ولفت جسمها بالراحة وأول ما عينيها جت في عين الشخص دا قالت :حضرت الظابط؟

العسكري رفع حاجبه باستغراب وقال:مين حضرت الظابط دا!

رفعت احلام ايديها وشاورت علي مكتب الظابط اللي سابها ومشي وقالت: حضرت الظابط اللي في المكتب اللي في اخر الممر أنا بدور عليه؟

اتفاجئ العسكري من كلامها وقال بضيق: حضرت الظابط دا طلع مأموريه في إسكندرية ومش هيجي غير بكرة بالليل.

احلام اتصدمت من كلامه وقالت:يعني ايه ؟

 يعني انا هفضل هنا لحدما هوا يرجع بالسلامة !

العسكري وقف في مكانه وقال:انتي جايه في ايه يا استاذه علشان اقولك علي الحل ؟

احلام لفت وشها بضيق من الجملة وقالت:انا مش جايه في حاجه حضرت الظابط هو اللي جابني  هنا ..

العسكري هز راسه ليها وقال:طيب استني بقا هنا لحدما الرائد وائل يفضي وهدخلك ليه؟

احلام بلعت ريقها وهزت راسها بالموافقه وبصت للعسكري بتعب وقالت:طيب هو مفيش كرسي اقعد عليه او اي حاجه طيب ؟

العسكري بص حواليه وملقاش غير الكرسي بتاعه فبصلها بصه طويله وبعدها هز راسه وهوا بيشيل الكرسي وبيقربه منها وبيقول:اقعدي هنا..

هزت راسها وقعدت ودقايق وبدات  ناس تقرب منهم ومن الواضح كده انهم اهالي الشباب اللي موجودين في مكتب الظابط؟

العسكري قال بتساؤل:مين حضراتكم!

اتكلم راجل كبير وقال:انا سليم النجار والد دليلة جالي بلاغ من شويه ان بنتي هنا؟

العسكري بصله بضيق وقال:ثواني يا حج هبلغ حضرت الظابط بوجودك!

الراجل رجع خطوتين لورا بتعب واول ما احلام لاحظت انه تعبان وقفت وقربت منه وقالت:ممكن حضرتك ترتاح علي الكرسي هنا لحدما يرجع العسكري'

الراجل هز راسه بالموافقه وبصلها وقال:انا متشكر جدا يا بنتي معلش هتعبك معايا!

احلام ابتسمت ابتسامه بسيطة ورجعت خطوه لورا وسمحتله يقعد وبعد دقايق خرج العسكري ومعاه البنت اللي كان حمزه وچو بيتخانقوا علشانها واول ما شافها والدها قام بتعب وقال:ايه اللي حصل يا  دليلة يا بنتي انتي كويسه؟

البنت بصت لوالدها بغضب وقالت: بابي لو سمحت متقوليش دليلة انا اسمي ديدي ؟

والدها اتحرج من اسلوبها معاه قدام الناس ولاكنه قرب منها ومسك وشها بحنيه وقال:ازاي حصل كل دا انتي مش قايلالي انك عند ورد صاحبتك!

البنت بلعت ريقها بتوتر وقالت:ايوا انا كنت عند ورد بس وهيا بتوصلني حصل كل دا؟

العسكري كان مصدوم من كلام البنت وكذبها علي والدها فبص لوالدها لقاه راجل غلبان فقرب منه الورقه اللي في ايديه وقال مقاطعاً لكلامهم :اتفضل امضي هنا يحج ربنا يهدي اولادنا جميعا؟

والد  دليلة اخد الورقه ومضي عليها وبعدها بص للعسكري وقال:متشكر يابني؟

العسكري هز راسه وقال:تقدر تاخد بنتك وتمشي يا حج وبعد كده متخليهاش تفضل برا البيت لوقت متاخر تاني؟

البنت بصت للعسكري بغيظ وبعدها مسكت ايد والدها ومشيت وبعدها دخلوا بقيت الاهالي لمكتب الظابط واخدوا اولادهم ومفضلش غير حمزه وچو؟

الظابط بص لحمزه وقال:عدي ساعه ومحدش جه ياخدك ايه مش عاوزينك ولا ايه؟

حمزه بص للظابط بضيق وقال:لا يا فندم ممكن يكون مشغول بس هو زمانه جاي!

چو بص لحمزه بسخريه وقال: اكيد هيجي منت نن عينه برضوا يا قلب خالو؟

حمزه اتعصب من كلام چو وكان هيقرب منه ولاكن الظابط  قال بصوت عالي:اييييه عاوزين تدخلوا الزنزانه ولا ايه مش مكفيكم اللي انتوا عاملينه في بعض!

چو بص لحمزه وابتسم بسخريه وبعدها بص للظابط وقال:لا متشكرين يا حضرت الظابط مكتبك انظف .

العسكري خبط علي الباب وقال:والد يوسف علام برا يا فندم؟

الظابط هز راسه بالموافقه وقال:خليه يتفضل؟

چو بص لحمزه وقال:مع السلامه يا زومه وابق سلملي علي ولي امرك ماهر بيه!

حمزه ضغط علي ايديه بضيق وبص علي والد چو واللي كان بيعتذر للظابط علي اللي حصل من ابنه ووعده انه هيعاقبه واخده ومشي؟

وخارج المكتب احلام كانت قاعده وسرحانه لحدما فاقت علي صوت خطوات لشخص بيقف قدام العسكري وبيقول بجديه:حضرت الظابط موجود؟

العسكري بصله بانتباه وقال:ايوا موجود مين حضرتك؟

ماهر بجديه:ماهر الصياد؟

احلام اول ما سمعت الاسم رفعت عينيها بسرعه وبصت للشخص اللي واقف قدامها وهيا مش مصدقه عينيها (كان لابس بدله رسميه ومصفف شعره لورا وكانت ملامحة حاده جدا ولاكنه وسيم اوي)  حست احلام بنبض قلبها بيزيد بطريقه غريبه وكانت مش قادره تسيطر علي نبظات قلبها فـنزلت عينيها بسرعه وهيا مش قادره تصدق ان دا يبق ماهر الصياد صديق طفولتها ؟

العسكري عدل هدومه وقال بفرحه:حضرتك ماهر الصياد صاحب شركة الصياد للحديد والصلب ؟

ماهر هز راسه وقال:ايوا ممكن ادخل ولا هتسألني أسأله تانيه؟

العسكري هز راسه بتوتر وقال:لا ثواني يباشا هبلغ حضرت الظابط بوجودك.'

ماهر هز راسه وحط ايديه الاتنين في جيبه و العسكري قال كلامه ودخل للمكتب بسرعه.

أحلام كانت لسا باصه في الارض فقررت انها ترفع عينيها وتبصله مره تانيه ولاكنها اتصدمت لما لقته بيبص عليها فاتوترت اكتر من الاول وغمضت عينيها بتمالك لحدما سمعت صوت العسكري بيقوله:اتفضل يا فندم؟

دخل ماهر للمكتب واول ما عينيه جت في عين حمزه بصله بغضب ولاكن لما بص للظابط لقاه واقف وبيرحب بيه بابتسامه كبيره؟

ماهر قال بثقه: انا ماهر الصياد خال حمزه الشناوي والواصي عليه؟

الظابط قال بفرحه:دا شرف كبير جدا يا فندم اني اقابل حضرتك رغم اني كنت اتمني الظروف تجمعنا في وضع احسن من كده بكتير !

ماهر هز راسه  بهدوء والظابط بص لحمزه وقال:مش كنت تعرفني يا حمزه يا حبيبي ان ماهر بيه يبق خالك؟

حمزه رفع حاجبه للظابط بغيظ ورجع بص لماهر علشان يخلصوا من الموضوع لانه زهق من وجوده القسم وعاوز يمشي!

ماهر بص للظابط وقال بتساؤل:اقدر اخد حمزه وامشي ولا في اجراءات لازم اعملها؟

الظابط ابتسم وقال:اجراءات ايه بس يباشا دا احنا تحت امرك تحب حضرتك تشرب حاجه عندنا هنا كل حاجه .

ماهر هز راسه بالرفض وقال :متشكر ليك يا حضرت الظابط انا للاسف مستعجل بس لو حضرتك حابب تشرب حاجه معايا تقدر تزورني في مكتبي في اي وقت؟

الظابط هز راسه بفرحه وقال:دا شرف كبير جدا ليا يا فندم والله .

ماهر هز راسه والظابط مسك ورقه وقربها منه وقال:اتفضل حضرتك بس امضي هنا وتقدر تاخد الاستاذ حمزه  بالسلامه ؟

ماهر بص لحمزه بتحذير وبعدها مسك القلم ومضي علي الورقه وبص للظابط وقال:شكرا جدا يا حضرت الظابط تعبتك معايا؟

الظابط ضحك وقال:ولا تعب ولا حاجه يا باشا احنا تحت الخدمه في اي وقت؟

ماهر هز راسه ووقف ومد ايديه وسلم علي الظابط وعدل بدلته وبص لحمزه وشاورله يتحرك قدامه !

الظابط وقف وقال باحترام:اتفضل يا ماهر باشا اتفضل يا حمزه باشا نورتوا المكتب .

خرج حمزه الاول ووراه ماهر وبعدهم خرج  الظابط واتحرك ماهر وحمزه وقبل ما يمشوا الظابط قال بفرحه :نورت القسم يا ماهر باشا؟

ماهر بصله بصه سريعه وهز راسه ومشي؟

 الظابط مكنش مصدق انه اتكلم مع ماهر الصياد شخصيا لانه دايما بيسمع عنه ولاكن عمره مشافه فلف بجسمه علشان يدخل لمكتبه ولاكن انتبه للبنت اللي قاعده علي الكرسي وباصه في الارض وساكته؟ 

قال بتساؤل :مين حضرتك يا انسه ؟

احلام  انتبهت لصوته فرفعت عينيها ليه ولما اتاكدت ان ماهر مشي وقفت وقالت:انا احلام بلعت ريقها وكملت كلامها وقالت: أحلام محمد السباعي؟

العسكري بص للظابط وقال:دي كانت مع حضرت الظابط تامر بس هو طلع مؤموريه وسابها قاعده في المكتب فانا قولتلها تستني هنا لحدما حضرتك تفضى وبعدين ادخلهالك؟

الظابط هز راسه وقال:طيب اتفضلي معايا يا انسه خلينا نتكلم عندي في المكتب. 

احلام هزت راسها وابتسمت ليه ودخلت مكتبه وبعدها العسكري قفل عليهم الباب.

كان ماهر وقف اول ما سمعها وهيا بتقول إسمها  للظابط  فاستغرب حمزه وسأله :وقفت ليه يا  خالي في حاجه ولا ايه؟

كان ماهر بيفكر في الأسم لانه بالنسباله مألوف جدا فبص وراه لقي ان البنت اختفت فبص لحمزه وقال:مفيش حاجه اتحرك قدامي؟

حمزه هز راسه بضيق واتحركوا الاتنين لخارج القسم وركبوا في عربية ماهر ودقايق وكانوا اتحركوا وكانوا في طريقهم لقصر الصياد!

_______

في مكتب الظابط كان فاتح تيلفونه وبيبص فيه وبيقول: انا ازاي ما اخدتش باللي من الرساله بتاعت تامر.

احلام كانت مركزه معاه فقالت بانتباه:رسالة ايه يا فندم؟

الظابط بصلها وقال: الرائد تامر بعتلي رساله اني ابلغك تمشي واسلمك عربيتك ف معلشي يا انسه انا كنت مشغول زي ما انتي شايفه وما اخدتش بالي خالص؟

احلام بصتله بفرحه وقالت: حضرتك بتقول اني همشي؟

الظابط بصلها وقال:ايوا تقدري تيجي معايا اسلمك عربيتك من المخزن؟

احلام هزت راسها وخرجت معاه من القسم واتجهوا الاتنين لمكان كبير مليان بالعربيات  ومعظم اللي فيه عربيات متهالكة من الواضح انها موجوده من سنين؟

الظابط بص للعربيات اللي موجوده جديده وقال وهو بيشاور علي عربيه سوداء :دي عربيتك يا انسه؟

احلام بصت للعربيه وهزت راسها بالرفض فهز راسه وشاورلها علي عربيه تانيه وقال:يبق دي؟

احلام هزت راسها بالرفض فابتسم وهو بيشاور علي عربيه حديثه وقال:تبق دي؟

احلام هزت راسها بالرفض  وابتدت هيا تدور بعينيها  لحدما شافت عربيتها كانت ورا عربيه ضخمه ولصغر حجمها مكنتش باينه ، 

رفعت ايديها وهيا بتشاور علي عربيتها بفرحه وقالت :عربيتي؟

الظابط بص عليها ولقاها بتقرب من عربيه بعيده فبص علي العربيه وضم حاجبه باستغراب لأنها كانت عربيه موديل قدييم جدا وصغيره يدوب تكفي فردين وشكلها ميطمنش اللي يركب فيها، 

قرب الظابط منها وقال:طيب يا انسه بما انك لقيتي عربيتك تقدري تاخديها وتروحي لبيتك لان الوقت اتاخر!

احلام هزت راسها بابتسامه ولاكن لما افتكرت الغرامه  اللي هتدفعها ضمت حاجبها بحزن وقالت:طيب والغرامه اللي هدفعها؟

الظابط ضم حاجبه وقال باستغراب:غرامة ايه يا انسه.

احلام:ال٢٠ الف اللي كنت هدفعهم غرامه علشان كنت هخبط العسكري في الكمين؟

ضحك الظابط وقال:الظاهر ان تامر باشا كان بيهزر معاكي بس لو في غرامه فعلا هتدفعيها فهيا مبلغ بسيط لانك مسببتيش اي آذي لحد ، بس مش مشكله كلنا اخوات يعني ومحلوله المهم دلوقت خلي بالك من نفسك وانتبهي وانتي سايقه؟

احلام اتصدمت من كلامه وهوا سابها وخرج وشاورلها تخرج بسرعه علشان هيقفلوا الباب 

فركبت عربيتها بسرعه وساقتها لحدما خرجت من المخزن .

الظابط ركب عربيته وشاورلها تمشي وبعدها اتحرك من قدامها فهزت راسها بالموافقه وشغلت عربيتها وخرجت من المكان كله واتجهت لبيتها.!

___________

في قصر الصياد.

وصل ماهر وحمزه واول ما دخلوا من البوابه خرج حمزه بسرعه من العربيه واتجه لداخل القصر وطلع لاوضته ولاكن قبل ما يقفل الباب كانت ايد ماهر بتمنعه.

حمزه قال بضيق:انا تعبان ومحتاج ارتاح خلينا نأخل كلامنا لبكره؟

دفعه ماهر للداخل وقرب منه وقال:انت عارف اللي انت عملته النهارده ده عقابه ايه؟

حمزه هز راسه وقال:انا اسف يا ماهر بس انا مكنتش غلطان دا هو چو ابن ال** اللي جر شكلي الأول.

ماهر قرب من حمزه ومسكه من هدومه وقال:انا حظرتك قبل كده يا حمزه تاخد بالك من تصرفاتك متنساش ان اسمك مربوط باسمي دلوقت وانا ليا سمعتي ومش كل شويه هاجي اخدك من قسم  مختلف .

حمزه لف وشه بضيق ورجع بصله وقال:انت ليه مش عايز تصدقني؟

ماهر سابه وقال بتحذير: انت اللي اخترت انك تشتغل معايا يبق تعيش وتتعامل بالطريقه اللي اقولك عليها  .

حمزه بص لماهر بضيق وقال:بس انا معملتش حاجه قولتلك هو اللي بدأ جر شكل… .

 ماهر قاطع كلامه وقال:انت بق شايف ان الموضوع سهل ؟…..انت مش واخد بالك يا استاذ انك نضجت يعني مش عايز اسمع كلام العيال دا تاني ..،…انا قولت ممنوع تروح المكان دا وتبعد عن العيال دي  يبق كلامي يتسمع ولاكن انت مبتحرمش مش عاوز تكبر ابداا ؟

حمزه ضرب الحيطة بغضب وقال:كفاية ضغط عليا بق يا ماهر وبعدين انا مش ألة علشان تتحكم فيا بالشكل دا  انا بني ادم يعني بغلط وبضعف هو انت ايه مبتغلطش ابدا؟

ماهر بصله بلوم وقال:لا مبغلطش يا حمزه علشان انا  بحسب كل خطوه ١٠٠ مره قبل ما اخطيها بس لو انت شايفني بغلط فغلطتي الوحيده هيا انت يا حمزه  كنت غلط لما وافقت اجيبك هنا معايا علشان انت مكانك مش هنا انت مكانك معاهم علشان انت شبههم يا حمزه؟

حمزه سكت وهوا شايف ماهر بيضغط علي ايديه علشان يتمالك اعصابه فهز راسه وقال:خلاص يا ماهر انا اسف وبعدين انا برضوا دمي حامي مبعرفش اسكت علي اي اهانه تتوجهلي فكفاية اوي لحد كده النهارده؟

ماهر قرب منه وقال: اسمعني كويس  يا ابن اختي دا هيكون اخدر تحذير ليك ولو عملت اي حاجه تانيه متعجبنيش اعتبر نفسك بره ومش بره هنا بس لا بره من مصر خالص انت فاهم؟

حمزه بصله بصدمه وماهر خرج وسابه وهوا قرب من الباب وقفله بغضب وقرب تاني من الحيطة وخبط عليها بقوه وقال بغضب:مش همشي يا ماهر،… دموعه نزلت وكمل كلامه بزعل وقال: انا هفضل هنا ومهما تحاول تثير غضبي برضوا مش همشي انت فاهم..

 وقف حمزه ضرب في الحيطه لما ايديه جابت د*م  فبص لنفسه في المرايه بغضب وقال:  انا مش همشي وهفضل هنا وانا مش شبههم انا زيك انا نضيف يا خالي انا مش شبههم !

خلص كلامه وقرب من السرير رمي جسمه بتعب وبص للسقف وقال: مش هسيبك لوحدك يا ماهر؟

__________

في غرفة ماهر كان بيدخن سيجارته بكل غضب بسبب استهتار حمزه دايما ووضع نفسه في مشاكل وهو عارف ومتاكد ان لولا وجوده كان زمان حمزه دلوقت في السجن مع البلطجية والمجرمين وهو مش شبههم فحاول يهدي من  اعصابه علشان ميتعبش اكتر لحدما فجاه  جت في دماغه احلام وهيا بتقول اسمها للظابط وقد ايه كان واضح ان اسمها مش غريب عليه فردده في دماغه لحدما فجاه افتكر صاحبة نفس الاسم فقال بتساؤل:معقول تكون هيا؟

يتبع بقلمي شيماء صبحي 

ماهر كان بيدخن سيجارته بكل غضب بسبب استهتار حمزه دايما ووضع نفسه في مشاكل وهو عارف ومتأكد ان لولا وجوده كان زمان حمزه دلوقت في السجن مع البلطجية والمجرمين وهو مش شبههم فحاول يهدي من نفسه علشان ميتعبش اكتر لحدما فجاه جت في دماغه احلام وهيا بتقول اسمها للظابط وقد ايه كان واضح ان اسمها مش غريب عليه فردده في دماغه لحدما فجاه افتكر صاحبة نفس الاسم فقال بتساؤل:معقول تكون احلام دي هيا نفسها احلام بتاعت زمان ولا مجرد تشابه في الأسماء ..؟

كان بيتساءل ولاكنه لما افتكر ان أحلام صديقته زمان كانت غير محجبة هز راسه بلامبالاة لانه  متأكد ان اللي شافها النهاردة كانت محجبه وغير ان ملامحهم مختلفه تماما فنهي النقاش من دماغه بسرعه واتجه لمكتبه وقعد علي الكرسي بتعب وفضل لمدة دقايق يهدي اعصابه وبعدين اخد نفس طويل وخرج من الدرج علبه دواء واخد منها حبايه وبعدها قرب من السرير وفرد جسمه عليه واول ما غمض عينيه راح في نوم عميق….

___________

وفي يوم جديد صحيت احلام بتعب وقامت  علشان تجهز هدومها وتستعد للشغل ، وهيا بتجهز افتكرت ماهر لما شافته امبارح وقد ايه اتغير بطريقة كبيره.. حتي ملامحه بقت مختلفه تماما عن لما كان في اعداي فقالت بابتسامه خفيفه:لا وبق احلي بكتير عن زمان..؟

خلصت لبس وبدات تلف طرحتها وبعد دقايق كانت خلصت.

 قربت من شنطتها وشالتها بسرعه وخرجت من الشقه وهيا بتدندن اغنيه لفيروز وبتقول..:.

أنا لحبيبي وحبيبي إلي

يا عصفورة بيضا لا بقى تسألي

لا يعتب حدا ولا يزعل حدا

أنا لحبيبي وحبيبي إلي

 فتحت عربيتها وركبت وبعدها افتكرت مروه فقررت تتصل عليها وتعرفها اللي حصلها في القسم لانها امبارح نامت من التعب ومردتش علي اتصالاتها .

اول ما مروه ردت عليها قالت بلهفه:عاملة ايه يا احلام طمنيني عليكي النهاردة!

احلام ابتسمت وهيا بتقول:وهكون عاملة ايه زي الفل طبعا الحمد لله.

مروه استغربت السعادة اللي في صوت احلام فقالت بتساؤل:انتي رايحة فين يا احلام وايه صوت الدوشه اللي حواليكي دي؟

احلام ابتسمت وقالت:رايحه الشغل هكون رايحه فين يعني يا مروه اي اسألتك الغريبه اللي علي الصبح دي؟

مروه هزت راسها وقالت وهيا بترفع حاجبها بتساؤل :بس انتي مش سيبتي الشغل امبارح يا احلام رايحة الشغل بق ازاي دلوقت؟

احلام بلعت ريقها وقالت برفض:لا مهو انا مش هسيب الشغل بسهوله كده انا لازم اوري المدير اللي اسمه فهمي دا مين هيا احلام السباعي وهتعمل فيه ايه؟

مروه حطت ايديها علي وشها بصدمه وقالت:هتعملي ايه يا احلام ارجوكي كفايه انتي مش ناقصه تتجرجري في الاقسام مره تانيه؟

احلام زادت من سرعة العربيه وقالت:متقلقيش يا مروه انا مش هستخدم اي عنف انا بس هديلة قلمين كده قدام الموظفين علشان معرفتش اديهملوا امبارح لأني كنت تعبانه؟

مروه اتصدمت من جنون صحبتها فقالت بقلق:بس انا قلبي مش مرتاح بلاش يا احلام  دا راجل مفتري وممكن يتبلي عليكي وانتي اصلا فيكي اللي مكفيكي  مش ناقصه مصايب!

احلام هزت راسها بالرفض وقالت:خلاص بق يا مروه بطلي تقولي الكلام دا متخلنيش اضعف وارجع في كلامي انا قولت هضربه قلمين يعني هضربه قلمين .

مروه اتنهدت وقالت:طيب يا احلام استنيني اجي معاكي ونضربه مع بعض انا مش هسيبك لوحدك تاني علي الاقل هديلوا انا قلم وانتي قلم علشان ميبقوش كتير عليكي؟

احلام ضحكت علي كلام مروه وقالت:لا يا حبيبتي خليكي انا اصلا هخلصهم علي السريع واروح اقدم علي شغل في شركة جديده!

مروه هزت راسها بالموافقه وقالت:طيب يا احلام اما اشوف اخرتها معاكي ايه النهارده المهم بس خلي بالك علي نفسك ولو حصل اي هجوم عليكي ابقي اتصلي عليا علي الأقل الحق اجيبلك اسعافات اوليه من العياده او اتصل بالاسعاف؟

احلام هزت راسها بالموافقه وقالت:طيب هبق اكلمك يا مروه يلا مع السلامه !

قفلت مروه المكالمة مع صديقتها وبصت للتيلفون بتوتر وقالت:لي بتعملي كده في نفسك يا احلام مش كفايه عليكي اللي انتي فيه ؟

انهت مروه كلامها ورجعت تيلفونها في شنطتها وبعدها دخلت للعياده اللي شغاله فيها وهيا بتقول بنشاط:صباح الخير يا دكتور صالح حضرتك منور العيادة!

الدكتور بصلها وابتسم وقال:صباحك ورد يا مروه تعالي يا بنتي والنبي ناوليني العلاج بتاعي خليني اخده علشان منسهوش زي امبارح!

مروه حطت شنطتها علي المكتب وقربت من الدرج وخرجت منه علبه الدواء وجابت مايه وقدمتهم للدكتور وقالت:اتفضل يا دكتور بالشفا ان شاء الله؟

ابتسم الدكتور صالح واخدهم من ايديها وقال:ربنا يجعل شفايا علي ايدك يا مروه انتي بنت حلال وانا بعزك زي بناتي بالظبط؟

ابتسمت مروه بخجل وهزت راسها بشكر وقالت:دا انا محظوظه اني شغاله مع حضرتك والله يا دكتور ولو رجع بيا الزمن كنت هختار الشغل مع حضرتك من غير تردد؟

ضحك دكتور صالح علي كلامها وحط الكوبايه علي المكتب وقال:اسمعي يا مروه يا بنتي في دكتور هيجي يتدرب معايا هنا في العياده عاوزك تساعديه اول ما يوصل اصله لسا متخرج ومتوصي عليه جامد !

مروه هزت راسها بأدب وقالت:حاضر يا دكتور حضرتك تأمر وانا انفذ!

الدكتور صالح قال بابتسامه:الله يعزك يا مروه ،يلا يا بنتي روحي علي مكتبك ودخليلي اول كشف؟

مروه هزت راسها وخرجت من المكتب وقالت بصوت واضح:اول كشف الاستاذه منه اتفضلي يا استاذه الدكتور في انتظارك.

________

في الشركة اللي شغاله فيها احلام .

دخلت احلام وهيا شايلة شنطتها وبتبص لبقيت الموظفين بابتسامه ولاكنهم كانوا متجاهلينها ومركزين في شغلهم؟

احلام ضمت حاجبها باستغراب وقالت:هما مالهم دول اول مره يبصولي كده!

واحد من زملائها كان واقف واول مشافها قرب منها وقال بصدمه:ايه اللي جابك هنا يا احلام مش المدير طردك امبارح؟

احلام غمضت عينيها بضيق ورجعت بصتله وقالت:المدير طردني فعلا بس هو بق مقالكوش علي السبب الحقيقي؟

زميلها قال :قالنا طبعا بس انا عندي ليكي سؤال هو انتي فعلا كنتي عاوزه المدير يتجوزك وهو رفض؟

احلام فتحت عينيها من الصدمة وقالت:انا اتجوز دا (فهمي ).ضحكت وهيا بتقول اسمه بسخريه وبعدها بصت حواليها وهزت راسها  ليه وقالت:دا مين اللي قال الكلام الأهبل دا؟

زميلها بص حواليه وهمس في ودنها وقال:هاجر يا احلام السكرتيره بتاعته الصبح قالت قدام نعمه وعنايات انك إمبارح بالليل دخلتي اوضة المدير وقعدتي تعملي حركات مش تمام قدامه وطلبتي منه يتجوزك وهو رفض ؟

احلام ضربته بالقلم وهيا بتقول:اخرس يا قليل الادب؟

الشاب بصلها بصدمه وقال:انا مالي يا احلام بتضربيني ليه هو انا اللي قولت!

احلام بصت لبقيت الموظفين وهزت راسها وقالت:بق علشان كده مش راضين تبصولي ،عدلت هدومها وقالت: طيب هو فين بق ابو كرش دا انا لازم اعرفه مقامة!

وقف قدامها زميلها وهو بيمنعها وبيقول:رايحه فين يا احلام انتي فاكره انه مأكدش كلام هاجر للموظفين!

احلام بعدت عنه بخطوه وضمت ايديها الاتنين وقالت بتساؤل:كماان وأكد ليكوا ازاي بق إن شاء الله  شرحلكوا التفاصيل؟

زميلها قال بخجل: بالفيديوا دا يا احلام؟

فتح تيلفونه قدامها وهيا اول مشافت  الفيديوا اتصدمت "كان فيديوا قصيرليها وهيا بتشد المدير عليها وهوا بيبعدها.

احلام قالت بصدمه:الفديوا دا مش حقيقي دا معكوس انا اللي كنت ببعده من عليا  مش بقربه دا بني ادم قذ*ر دانا هطين عيشته النهاردة!

زميلها مسك ايديها بسرعه وقال:استني يا احلام المدير معاه ضيف مهم في مكتبه استني لما يمشي وبعدين ابقي روحيلة واعملي وقتها اللي انتي عايزاه!

احلام شدت ايديها بغضب وقالت :ابعد عني يا زياد انا عفاريت الدنيا بتتنطط قدامي دلوقت فسيبني امشي؟

زياد بعد عنها بخوف لتطلع غضبها عليه وهز راسه وسابها تعدي !

مشيت احلام بكل غضب في اتجاه مكتب المدير واول ما وصلت ضربت الباب برجليها بقوة لدرجه ان المدير اتخض من مكانه ووقف يبصلها وهو مصدوم!

احلام كانت ماسكة تيلفون زياد في ايديها وكان عليه الفيديوا قربت منه وهيا متجاهلة الشخص اللي قاعد علي الكرسي وقالت:بق انا عايزه اتجوزك يا ابو كرش انت، لا وايه واخد فديوا ليا وانا بقل منك وعكسوا علي اساس اني عاوزاك تقرب مني  ،

المدير بص للشخص اللي قاعد قدامه بتوتر ورجع بصلها بصدمه وقال:احلام انتي بتعملي ايه يا حبيبتي مش كده اخرجي دلوقت وهنتكلم بعدين؟

احلام قالت بجنون:حَبك برص يا ابن الوارمه تعالالي هنا!

المدير بعد خطوه لورا وهيا طلعت علي مكتبه ورمت كل اللي عليه برجليها وبعدها قربت منه وقالت:انا امبارح معرفتش ارد علي طردك ليا وكلامك اللي زي السم لاني كنت تعبانه بس النهارده مش هسيبك ويا انا يا انت يا فهمي النهارده؟

المدير كان مصدوم من قوتها وسرعتها في انها توصله وهيا باللبس الطويل دا؟

احلام وقفت قدامه ونطت وهيا بتديله قلم علي وشه ورجعت تضربة قلم تاني ولاكن إيد قويه منعتها فحاولت تبعد ايديها ولاكن مقدرتش فلفت تشوف مين الشخص دا واول مشافته قالت :سيب ايدي ؟

الشاب قال :اهدي يا انسه وسيبيه خلينا نتفاهم ونحل المشكله؟

احلام بصت لفهمي بغضب ورجعت بصت للشاب دا وقالت: بقولك سيب ايدي انا مش هييبه غير لما اخد حقي منه!

الشاب قال بصوته القوي :انا المقدم ياسرغنيم وبقولك سيبيه دلوقت يا اما هتصرف تصرف مش هيعجبك؟

احلام  اول ما سمعت كلامه نزلت ايديها بسرعه وسابت فهمي وبعدت عن المكتب وهيا بتاخد نفسها بصعوبه وبتبص للشاب باستغراب..

الشاب قرب منها خطوه و قال: ممكن افهم ليه اتهجمتي عليه بالشكل دا؟

احلام شالت شنتطها علي كتفها وبصت للشاب وقالت:علشان هو راجل مش محترم ويستاهل اكتر من كده.

فهمي قال بصوت ضعيف:يا ياسر باشا دي بنت مجنونه حضرتك متصدقهاش. احلام بصت لفهمي بغضب وهوا قال بتعب وصوت متقطع:هوديكي في داهيه يا بنت ال*

احلام بصت للشاب وقالت:سامع اهو بيغلط فيا؟

الشاب مسك ايد احلام وقال:تعالي معايا يا انسه واشرحيلي اللي حصل علي هدوء..

فهمي بصله وقال بصوت عالي:رايح فين يا ياسر باشا والعقود اللي هنمضيها!

ياسر بص لفهمي بجديه وقال: قطعها انا لغيت المشروع خلاص..

احلام بصت للشاب وهو ماسك ايديها بصدمه فسحبت ايديها وقالت:انا ممكن اجي معاك واشرحلك بس بدون لمس!

ياسر ابتسملها وهز راسه وبعدها شاورلها تخرج وهوا خرج وراها!

كان فهمي بيحاول يقوم بصعوبه ولاكن مقدرش فمسك جهاز السماعه وقال بصوت عالي علشان الموظفين يسمعوه:حد يجي يلحقني هنا يا شويه متخلفين!

اول ما سمعوه الموظفين جريوا علي مكتبه بسرعه واحلام ضحكت علشان قدرت تاخد حقها منه فبصت للشاب اللي ماشي جمبها وابتسمت بفخر وهوا كان مركز معاها وبيبصلها بدهشه !

_______________

وقف ياسر برا الشركه وهو بيبص لاحلام وبيقول:ممكن نتكلم في مكان هادي اي رأيك نروح كافيه انا اعرف كافيه كويس قريب من هنا!

احلام رفعت حاجبها بصدمه وقالت:لا انا مش فاضيه احكي حاجه اصلا انا عندي مقابلة شغل كمان نص ساعه وكدا هتأخر عليها؟

رفع ياسر حاجبه بتساؤل وقال: المقابلة دي في شركة ايه ؟

احلام بصت في ساعتها بإستعجال وقالت:مش فاكره إسمها بصراحه لإنوا كبير بس انا متظره امشي لاني هتاخر؟

ياسر هز راسه بالموافقه وهيا قالت:طيب عن اذنك بق يا حضرت الظابط ..قاطعها ياسر وقال:بس انا لازم اسمع الحكايه منك متنسيش اني رفضت التعامل معاه بسببك!

احلام بصتله بصدمه وقالت:بسببي انا هو انا عملت ايه؟

ياسر هز راسه وقال:عرفتيهولي علي حقيقته البشعه وانا مش هقدر اتعاون معاه بعد اللي عملة فيكي..

هزت احلام راسها وبعدها شاورتله وقالت بابتسامه :طيب هستأذن انا بق مع السلامة وان شاء الله لو اتكتبلنا نتقابل تاني هحكيلك اللي حصل ؟

ياسر هز راسه بالموافقه وهيا اتحركت من قدامه بسرعه وهيا فخوره بنفسها علشان قدرت تاخد حقها ومتسيبش واحد زي فهمي يهينها  …

ابتسم ياسر وهو بيبص عليها وقال بهمس:هنتقابل تاني يا مجنونة!

_____________

بداخل مطار القاهرة الدولي كانت واقفه وهيا بتبص للمكان بإعجاب شديد بنت جميلة تدعي ب سيلين تركية الأصل ولاكنها عاشت في  دبي اكثر من ١٠ سنوات وكانت بتدرس اللغة العربيه ولاكن مش بتتكلمها كتير ؟

اول مشافت جمال المطار اتكلمت عربي مكسر وقالت :إنها بلدٍ رائعة سيتعجب ماهر انني قد اتيت اليه في مصر ويقبلني كزوجته كما وعدني ابي منذ سنوات بعيدة؟

 قالت كلامها بابتسامة واسعه وبعدها اتحركت وهيا ماسكه شنتطها في اتجاه بوابه الخروج واول ما خرجت فتحت تيلفونها وطلعت رقم ماهر واتصلت عليه ..

كان ماهر في اجتماع مهم في الشركة فكان تيلفونه علي الوضع الصامت ومأخدش باله انه بيرن فكمل كلامه مع المدراء وقال: كل تركيزكم الفتره الجايه هيكون علي الشحنه اللي رايحة ايطاليا كمان ٣شهور مش عاوز اي غلطة تحصل لان الغلطة مش هتغفر .

هزوا المدراء راسهم بإحترم وهو وقف وقال:كده الاجتماع انتهي كل واحد يتفضل علي  شغله!

خرج كل اللي في الغرفه بانتظام وفضل ماهر واقف يبص علي السماء وبيتأملها بكل هدوء علشان يفضي كل الافكار اللي في دماغه..

همست سيلين بحزن وقالت:لماذا لا ترد ماهر اشعر بالحزن الان!

سواق تاكسي قرب منها وقال بانجليزي :welcome to egypt 

سيلين قالت بتذمر: انا اتحدث العربية!

سواق التاكسي ابتسم وقال:اهلا وسهلا يا استاذه نورتي مصر؟

سيلين قربت الشنطة عليه وقالت:شكرا؟

السواق اخد منها الشنطه وشالها حطها في شنطة عربيته وبعدها قرب من الباب الخلفي للعربيه وفتحلها الباب وقال:اتفضلي يا استاذه؟

ركبت سيلين العربيه وهيا بتبص لشكلها بنوع من الرضا وبتقول:ارجوك سيدي اريد الذهاب الي الصياد شركة؟

السواق ابتسم وقال: حضرتك تقصدي شركة الصياد للحديد والصلب؟

سيلين هزت راسها بالإيجاب وقالت:نعم اريد ان اذهبها؟

ابتسم السواق علي طريقة كلامها وهز راسه بالموافقه وقال:عيوني يا استاذه ارتاحي وكلها دقايق وهنوصل؟

بصتلة سيلين بعدم فهم ولاكنها حست انه يقصد انه هيوصلها للشركه فطلعت تيلفونها وبدات تصور نفسها وتصور الاماكن اللي بتعجبها لحدما عدي وقت و انتبهت لصوت السواق وهو بيقول:وصلنا يا استاذه احنا دلوقت قدام شركة الصياد ؟

انتبهت سيلين وبصت للمكان وهزت راسها وطلعت من جيبها ١٠٠ دولار وادتها للسواق وهو اول مشافها نزل بسرعه من العربيه وفتحلها الباب وطلعلها شنطتها وقال بحماس:تحبي اوديلك الشنطة فين يا استاذة؟

ابتسمت سيلين وهيا بتبص علي شكل الشركة الضخم ولما انتبهت لكلامه شاورتله علي الشركة وقالت:الي هناك؟

السواق هز راسه ومشي قدامها وهوا شايل الشنطه لحدما وصلوا عند البوابه الرئيسيه وبصلها السواق وقال:اي خدمه تانيه يا استاذه؟

سيلين بصتله وقالت:شكرا جزيلًا يا سيدي؟

السواق فرك ايديه بفرحه لما لقاها بتفتح شنطتها ولاكن اتغيرت ملامح وشه لما لقاها ماسكه تيلفونه فهز راسه بحزن وسابها ومشي؟

سيلين اتصلت علي رقم ماهر وعلي وشها ابتسامه عريضه ولاكنه مردش عليها  فدخلت للشركه وقربت من مكتب الاستقبال وقالت:اريد مقابلة ماهر الصياد؟

البنت بتساؤل:حضرتك في ميعاد سابق!

سيلين حركت راسها بالرفض وقالت:اخبريه سيلين يالماز بانتظاره؟

البنت هزت راسها وقالت:اتفضلي ارتاحي هنا لحدما ابلغ مستر ماهر بوجودك؟

سيلين قعدت علي الكرسي وبعدها البنت اتصلت بمديرة مكتب ماهر وبلغتها بوجود سيلين وبعد دقائق جالها الرد من سكرتيرة ماهر وقالت:بلغيها ان مستر ماهر مشغول وخلي منعم يوصلها للقصر بتاعه !

البنت هزت راسها وقالت:حاضر؟

قفلت البنت مع سكرتيرة ماهر واتصلت برقم منعم السائق الخاص ب ماهر  وقالت:تعالى بسرعه يا منعم علشان توصل الاستاذه للقصر بتاع مسترماهر.

اجابها منعم وقال:حاضر؟

سيلين بصت للبنت بانتباه وقالت:يمكنني مقابلة ماهر الآن !

البنت هزت راسها بالرفض وقالت:مستر ماهر مشغول حاليا وطلب من السواق بتاعه يوصلك للقصر بتاعه لحدما يخلص شغل!

سيلين هزت راسها بحزن وبعد دقايق وصل منعم واول مشاف سيلين ابتسم وقال:انا منعم السواق الخاص بمستر ماهر الصياد وهوصل حضرتك للقصر؟

سيلين هزت راسها بالموافقه وهوا اخد شنتطها منها ومشي وهيا خرجت وراه واتجهوا الاتنين لعربية ماهر وركبوا فيها.

_________

وفي شركة ديكساشيال دخلت احلام وهيا ماسكة السي في بتاعها في ايديها وقربت من مكتب الاستقبال وقالت:عندي مقابلة عمل مع المدير علشان وظيفة السكرتيرة اللي اعلنتوا عنها امبارح بالليل!

موظفة الاستقبال هزت راسها وقالت بابتسامه :المدير في استقبالك يا استاذة احلام .

احلام استغربت ان الموظفة عارفه اسمها ولاكنها هزت راسها بالايجاب ومشيت وراها لحدما وصلوا لغرفة المدير العام للشركة!

الموظفة قالت بابتسامه:اتفضلي يا استاذة المدير جوه!

هزت احلام راسها بالموافقه والموظفة سابتها ومشيت واول ما احلام خبطت علي الباب جالها الرد بسرعه.

اول ما فتحت الباب حست بشوية توتر ولاكنه مستمرش كتير لانها اتفاجأت اول ماشافت الشخص اللي قاعد علي مكتب المدير.

يتبع بقلمي شيماء صبحي 

"موظفة الاستقبال هزت راسها وقالت بابتسامه :المدير في استقبالك يا استاذة احلام .

احلام استغربت ان الموظفة عارفه اسمها ولاكنها هزت راسها بالايجاب ومشيت وراها لحدما وصلوا لغرفة المدير العام للشركة!

الموظفة قالت بابتسامه:اتفضلي يا استاذة المدير جوه!

هزت احلام راسها بالموافقه والموظفة سابتها ومشيت واول ما احلام خبطت علي الباب جالها الرد بسرعه.

اول ما فتحت الباب حست بشوية توتر ولاكنه مستمرش كتير لانها اتفاجأت اول ما شافت الشخص اللي قاعد علي مكتب المدير.

قالت احلام بصدمه وهيا بتقرب منه :حضرت الظابط؟

وقف ياسر وهو بيبص عليها بابتسامه وبيقول:ازيك يا انسه احلام اتفضلي ارتاحي !

بصتله احلام بصه اخيره مليانه بالدهشه وهزت راسها بالموافقه وقعدت قدامه علي الكرسي.

ياسر قعد علي الكرسي تاني وكانت عينه مركزه مع احلام اللي اتكلمت وقالت:انا بصراحه متفجأه ومش عارفه ازاي حضرتك مدير الشركة بس انا مش هسألك إزاي فالأحسن ندخل في الموضوع علي طول؟

ياسر ضحك وهز راسه ليها وهيا حطت السي ڤي بتاعها قدامه علي المكتب وقالت:اسمي احلام محمد السباعي عندي ٢٨ سنه خريجة كليه تجاره قسم إدارة اعمال اشتغلت متدربه  في شركة صغيرة تحت ادارة مجموعة البدر وبعد سنتين تدريب اتنقلت في الفرع الرئسي  وفضلت هناك خمس سنين وطبعا معايا شهادات خبره وكل حاجه موجوده عند حضرتك في الملف دا ؟

ياسر كانت عينيه عليها وهيا بتتكلم بتركيز فحرك راسه بابتسامه وقال:هايل؟

احلام هزت راسها بابتسامه بسيطة وهو فتح السي ڤي وبص عليه وهيا كانت بتدعي انه يقبلها لانها محتاجه للشغل  جدا؟

ياسر قفل الملف وبصلها وقال:انا مقدر منصبك في شركة البدر سابقا ولاكن الوظيفة اللي شركتنا عرضاها هيا مجرد سكرتيرة ؟

احلام هزت راسها بتفهم وقالت:اكيد يا فندم انا كل الكلام دا عرفاه علشان كده جيت اقدم علي الوظيفه …وانا معنديش اي مشكله اني اشتغل سكرتيره وابدأ رحلتي في شركتك من جديد؟

ياسر سكت وهو مركز مع ملامحها الجميله وبيفكر في كلامها ولاكن قاطعت تركيزه هيا احلام لما وقفت وقالت:حضرتك سكت يبق انا اترفضت ولا ايه !

ياسر وقف بسرعه وقال: اي الكلام دا لا طبعا انا مقولتش كده ؟

احلام بصت في الارض بخجل وسكتت وهو حط الملف في درج مكتبه ورجع بصلها وقال:اتفضلي اقعدي يا استاذة احلام انتي اتقبلتي للوظيفه؟

احلام ابتسمت وهيا بتبصله بفرحه وبعدها هوا طلع ورقه فيها عقد العمل و الشروط  اللي فرضاها الشركة وقال:دا عقد عملك هنا وموجود كل الشروط اللي الشركة حطاها تقدري تراجعيه كويس وبعدين تمضي هنا؟

شاورلها علي مكان الأمضة وبعدها وقف تاني وقال:انا هخرج برا اخلص حاجه علي السريع كده لحدما تخلصي براحتك!

هزت احلام راسها بابتسامة وبعدها بصت في الورقه الي معاها  بكل تركيز واول حاجه عينيها جت عليها كان المرتب واللي صدمها اول ما قرأت المبلغ فقالت :٣٠٠٠ الاف دولار؟ دا بجد؟ يبقوا كام بالمصري دول!

قالت كلامها بدهشة كبيره

وبعد مشافت المرتب بدات تقرأ الشروط بسرعه وبعدما اتاكدت ان الشروط  مناسبه ليها اخدت نفس طويل بهدوء ومضت علي العقد؟

بعد دقايق رجع ياسر للمكتب واول ما عينه جت في عينيها ابتسم وقال: نقول مبروك!

ابتسمت احلام وقالت:ان شاء الله !

قعد ياسر واخد منها العقد وقال:بما ان النهاردة اخر يوم في الشهر فهتبدأي شغلك رسمي  من بكرة ولاكن انا شايف انك تروحي دلوقت تاخدي فكرة عن المكتب بتاعك وتشوفي لو ناقصك فيه حاجة!

احلام هزت راسها بالموافقه وقالت: حاضر يا فندم!

ياسر هز راسه وبصلها بصه طويله وقال:ممكن أسألك سؤال يا احلام وتجوابيني بصراحة!

اتوترت احلام من كلامه ولاكنها هزت راسها بالايجاب وقالت:اتفضل يا فندم؟

ياسرعدل لياقة قميصه وقال: شركة البدر هي الأفضل في التصدير ولا في شركات احسن منها؟

ابتسمت احلام لما سمعت سؤاله فهزت راسها براحة وقالت:لا في احسن منها اكيد ؟

ياسر قال بفضول:ممكن اعرف شركة ايه؟

احلام طلعت من شنطتها كارت بإسم الشركة وحطته قدامه وقالت:شركة المأمون أفضل من البدر بكتير ..هما في الحقيقة منافسين لبعض بس الفتره الأخيره البدر بدأت تنهار بشكل تدريجي بسبب اهمال المدير الرئيسي ولاكن المأمون كويسة واكبر الشركات بتتاعمل معاهم في التصدير والاستلام من داخل وخارج مصر فأنا بحكم خبرتي في البدر بقولك انهم مش جيدين بما فيه الكفايه وبرشحلك المأمون ؟

بصلها ياسر وقال بشك: احلام انا مقدر انك طلعتي من شركه البدر بطريقه مش احسن حاجه بس انتي متأكده من كلامك دا!!انا محتاج أصدر شحنه حديد كبيره لخارج مصر وعاوز شركة ثقة!

احلام هزت راسها بجديه وقالت:حضرتك انا مش بقول كده علشان اللي حصلي منهم  بس فعلا دي الحقيقه وتقدر تسأل بحكم مركزك يعني ووقتها هتعرف اني بقول الحقيقه؟   

ابتسم ياسر وهوا بيبص للكارت وبيقول: طيب يا احلام انا واثق فيكي وبالمناسبه شكرا علي المساعده !

هزت احلام راسها بابتسامة وقالت:العفوا يا فندم، بس انا عندي سؤال لحضرتك مهم بصراحه مش هقدر أجله لبعدين!

هز ياسر راسه بالموافقه وقال: اتفضلي انا تحت أمرك.

احلام هزت راسها وقربت منه وقالت بهمس :هو ازاي حضرتك مقدم قد الدنيا وفي نفس الوقت مدير شركة؟

ياسر بصلها وضحك علي سؤالها ولاكنه جاوبها وقال: في الحقيقه يا انسه انا كنت مقدم فعلا ولاكن استاقلت من اربع سنين بسبب شوية مشاكل ملوش داعي اذكرها وبحكم خبرتي مع شغلي في شركة والدي ايام الدارسه أسست شركتي اللي انتي شيفاها دي واهي ماشيه !

احلام هزت راسها وضحكت علي كلامه فوقفت وهيا بتقول بابتسامه:حضرتك قولتلي اني اروح اشوف وضع مكتبي قبل ما ابدأ شغل؟

ياسر هز راسه وهيا شالت شنطتها وقالت:طيب انا هروح اشوفه بعد اذن حضرتك طبعا!

ابتسم ياسر وهو بيشاورلها تخرج وبعدها اخد نفس طويل وهو بيبص للكارت  وبيقول :يبق اتوكلنا علي الله واعتمدنا علي شركة المأمون'

______________

بداخل شركة الصياد للحديد والصلب.

دخل حمزة الشناوي وهوا لابس نظاره شمسيه وماسك للوجه ، قرب من مديرة مكتب ماهر الجديده وقال:ماهر باشا جوه يا انسه؟

البنت رفعت وشها ليه بانتباه وقالت: ايوا يا فندم أقوله مين حضرتك!

حط حمزة ايديه الاتنين في جيبه وقال بغرور:المساعد الخاص بيه ودراعه اليمين حمزة الشناوي؟

البنت وقفت باحترام وقالت:تشرفنا يا فندم اتفضل مستر ماهر موجود وتقدر تدخله !

حمزه هز راسه وبصلها من فوق لتحت وقال:اعمليلي قهوه زياده وهاتيهالي علي المكتب جوا.

البنت هزت راسها بالموافقه وهو مشي من قدامها ودخل لمكتب ماهر واول ما شافه نايم علي الكنبه قال :جايلك نفس تنام بعد اللي عملته فيا امبارح!

اتكلم ماهر وهو مغمض عينيه وقال:ايه اللي جابك يا زفت مش المفروض تجهز شنطتك علشان سفرك.

حمزه قلع النظاره والماسك وقال بغرور:جاي اغير جو حاسس بخنقة وبعدين هسافر ازاي وانا بالشكل دا المفروض تقولي ارتاح شهرين علي الأقل!

اتنهد ماهر وبعدها فتح عين واحده بصله وقال: شكلك حلو المره دي الضرب كله متقسم علي وشك بالتساوي!

اتضايق حمزه من كلامه وحط ايديه علي وشه وقال بوجع:يا رب تجرب علشان متتريقش عليا تاني!

قام ماهر من علي الكنبة اول ما سمع كلامه فبصله بسخريه وقال:اولا موضوع سفرك دا مفيش فيه رجوع وانتهي النقاش فيه.

ثانيا ودا الأهم بمناسبه المولد اللي  حصل في وشك دا بعد كده متعرفش عدوك رد فعلك وبعدها تزعل ؟

حمزه رفع حاجبه بسخريه وقال:انا معملتش كده انا معرفتهمش حاجه!

ماهر بصله بنص عين وقال:لازم تخلي رد فعلك مفجأه لعدوك و اوعي تعرف خصمك خطوتك الجايه مهما حصل ولا تعرفه نقطة ضعفك ايه ، وعلشان تقدر تتغلب عليه وتكون واثق من خسارته لازم تكون سابقه بخطوه بمعني انه لما يحاول يقرب منك علشان يأذيك تكون مديلة الضربه اللي تخليه ميعرفش يقوم تاني .

حمزه سقف بقوه وقال:والله كلامك جميل بس انا خصمي مكنش واحد دول كانو سبعه؟

ماهر كمل كلامه بابتسامه وقال: والله حتي لو كانو الف مكنتش هتقدر برضوا عليهم عارف ليه؟

حمزه قال بسخريه: ليه يا استاذ ماهر؟ 

ماهر بصله بصه طويله  مليانه بالسخريه وقال:علشان انت لين!

نفخ حمزه بضيق وقال:بطل كلامك دا لو سمحت؟

جلس ماهر علي كرسي المكتب وبصله وقال:طول ما انت عارف نتيجة المعركة من الأول ومتأكد ان هتخسر يبق هتخسر لانك بتكون دارس الوضع الحالي بس وناسي ان ممكن العدد يزيد في لحظة وانت بالنسبالهم ضعيف.

انت فكرت انك لما هتضربه هتقدر عليه ولاكن مكنتش متوقع ان ليه اصحابه في المكان وبسهوله هيوقعوك وهتكون خسران؟

حمزه سكت وماهر بصله وقال:لازم تخلي خيالك واسع وتتعلم ان تتغلب علي اي حاجه مهما كانت ضعف قوتك .

قال كلامه وقرب منه ورفع صوباعه وحاطه علي دماغه وقال:ربنا ادالنا عقل نفكر بيه ونقدر نحسب بيه برضوا 

فا انت دخلت معاهم المعركة رغم انك متأكد من خسارتك فانا في قاموسي بسميك غبي..

حمزه هز راسه وبعد عنه ولبس نظارته والماسك وقال:انا كنت غلطان لما فكرت اني اجي هنا واتناقش معاك انا راجع القصر تاني؟

ماهر وقف وقال: لو كنت سمعت كلامي ومروحتش المكان دا مكنش كل دا علشان حصلك ،المهم استني انا جاي معاك!

حمزه بصله بغيظ وخرج وماهر لبس جاكت البدلة وخرج وراه؟

_____________

بداخل قصر الصياد.

كانت نايمه سيلين في اوضتها اللي الخدم جهزوها ليها وكانت ماسكة موبايلها وبتتكلم مع صديقتها الاجنبيه لينا وبتقول:انا الان في غرفة النوم وعندما يعود ماهر الي القصر سيخبرني احدي الخدم وسأذهب للتحدث إليه !

لينا:حسنا سيلين اتمني لكي رحلة سعيده في مصر واتمني ايضا ان تصبحين حبيبة تلك المغرور..قاطعهم صوت والدها فقالت باعتذار:انا اسفةٌ يا سيلين سأغلق الخط لقد عاد ابي من الخارج؟

هزت سيلين راسها بالموافقه وقالت:حسنًا لينا سنتحدث مرة اخري !

انتهت من كلامها وقفلت المكالمه .

وبعد مرور دقايق طرقت الباب احدي الخادمات!

وقفت سيلين بحماس وقربت من الباب وقالت:هل عاد ماهر!

البنت هزت راسها وقالت:ماهر باشا في انتظار حضرتك تحت.

هزت سيلين راسها بحماس وقالت:اخبريه انني قادمه اليه بعد دقائق.

البنت هزت راسها بهدوء ونزلت وسيلين قربت من شنطتها وخرجت منها بلوزه قصيرة وشورت قصير وبدات تبدل هدومها !

حمزه قال بضيق:مين سيلين دي اللي لازم اقابلها انا عايز اطلع انام!

ماهر بصله بغضب وقال:لو مسكتش هقوم اكمل عليك واخلي وشك الجميل دا يبق بلون واحد!

حمزه بصله بضيق وسكت وبعد ثواني نزلت سيلين وهيا لابسه شورت قصير لفوق الركبه وبلوزه لفوق السُره وجزمة بكعب عالي وكانت بتعمل صوت واضح وهيا نازله علي السلم!

حمزه رفع عينيه يشوفها واول ما شاف شكلها وقف بصدمه وقال:هي دي سيلين يا خالي؟

ماهر هز راسه وهو متفاجئ من شكلها الجرئ فبصلها بصدمه وقال:ايوا هيا ؟

ماهر قال وهو مركز مع تفاصيل جسمها:اهلا بيكي في مصر يا سيلين!

قربت منه سيلين وهيا بتحض-نه وبتق-بله من شفا-يفه وبتقول:انا سعيده انني رأيتك ماهر لقد افتقدتك كثيرًا !

حمزه كان واقف مصدوم وهو باصص لماهر ومش مصدق انه با-سها فعلا فبص لجسم سيلين وقال:اهلا سيلين انا حمزه ؟

سيلين كانت مركزه مع ماهر وهو كان حاطت ايديه علي وسطها بزهول ومركز مع عيونها بتوهات  لحدما قاطع نظراتهم حمزه وهو بيشد سيلين عليه وبيقول: اهلا سيلين انا حمزه ابن اخت ماهر!

سيلين بصت لوجه حمزه بصدمه وقالت:اوووه يا الهي ما هذا !

حمزه بصلها بتوهان وقال:دي واوا؟

سيلين قربت ايديها الاتنين من وشه ولمسته برقه وقالت:من فعل بك هذا يا  رجل!

حمزه حط ايديه الاتنين علي وسطها وشدها عليه قال:ولاد الحرام هنقول ايه بق؟

سيلين بصت لعينيه بصدمه وقالت:هل هم اغبياء يجب ان تخبر الشرطة وتأخذ تعويضًا !

ماهر كان مصدوم من جرأة حمزه رغم صغر سنه فمسك ايد سيلين وشدها عليه وقال:انتي ايه دبانه رايحه علي اي حاجه كده تعالي هنا؟

حمزه بص لماهر بغيظ وقال:بق دي دبانه يا عديم النظر؟

ماهر اتصدم من كلامه ووشه احمر وقال:انت قولت ايه؟

حمزه بلع ريقه وقال:بقول يعني ان انت مش قصدك تقول انها دبانه يعني و..؟

سيلين كانت واقفه تبص عليهم وهيا مش فاهمه كلامهم لحدما فجأه حمزه جري من قدامها وماهر وراه وهيا مبقتش عارفه تتصرف ازاي فجريت وراهم وهيا بتقول بابتسامه:انها لعبة رائعة ماذا تسمونها في مصر؟

__________

بداخل عيادة الدكتور صالح .

دخل الدكتور الجديد اللي هيتدرب في العياده وهو بيبص لكل ركن فيها باعجاب!

انتبهت مروه لوجوده فقربت منه وقالت:حضرتك الدكتور اللي هيتدرب هنا؟

هز الشاب راسه وقال بابتسامه :ايوا انا دكتورعلي حمدان !

مروه سلمت عليه وقالت:حضرتك نورت العياده يا دكتور في الحقيقه دكتور صالح بلغني النهارده الصبح بوجودك معانا هنا في العياده وبلغني اساعدك بما اني بقالي اكتر من ٨ سنين بشتغل معاه هنا في العياده!

بصلها علي بدهشه وهو بيقول: تشرفت بحضرتك يا ..؟

مروه قالت بإبتسامه:انا مروه المساعدة الخاصه بدكتور صالح !

علي ابتسم وقال:تشرفت جدا بحضرتك يا استاذه مروه !

مروه هزت راسها وقالت:دا الشرف ليا انا  ..اتفضل حضرتك دكتور صالح في انتظارك !

علي هز راسه ودخل لمكتب الدكتور وهيا رجعت لمكتبها وهيا بتبص للبنت اللي عليها الدور وقالت:دا دكتور مش مريض مش هيتأخر هما خمس دقايق بس وهيحرج وبعدها هتدخلي؟

البنت هزت راسها وقالت:لا مفيش مشكله يا انسه مروه براحتكم !

مروه ابتسمت وهيا بتهز راسها وبدات تراجع الحجوزات وهيا بتبص للكمبيوتر اللي قدامها بتركيز !

بعد مرور دقايق خرج علي وهو بيبص لمروه وبيقول: الدكتور عاوزك جوا يا استاذه مروه!

مروه انتبهت ليه وهزت راسها بالايجاب ودخلت بسرعه لمكتب الدكتور؟

الدكتور صالح  قال بجديه:تعالي يا مروه انا اتكلمت مع دكتور علي وفهمته شغله هو هياخد المكتب اللي انا طلبت منك تجهزيه اول امبارح انا عاوزك تدخليله المرضي اللي هيغروا علي الجروح لحدما ابلغك بالجديد ودلوقتي دخليلي المريضه اللي عليها الدور؟

مروه هزت راسها بتفهم وقالت:تمام يا دكتور بعد اذن حضرتك؟

هز الدكتور راسه وهيا خرجت وبلغت البنت اللي عليها الدور تدخل وبعدها شاورت لعلي على مكتبه ودخلوا الاتنين مع بعض؟

مروه بصت للمكتب برضا وقالت:انا شايفه ان المكتب تمام ولا حضرتك شايف ايه !

علي هز راسه بالايجاب وقال:لا كله تمام شكرا لتعبك معايا يا استاذه مروه؟

مروه بصتله بهدوء وقالت:اتفضل يا دكتور ارتاح علي مكتبك و انا دقايق هدخل لحضرتك المرضي اللي هيغروا علي الجرح زي ما الدكتور طلب مني وطبعا مش محتاجه اقول لحضرتك لو احتجت اي حاجه انا موجوده؟

علي بصلها بابتسامه وقال:حاضر يا استاذه مره متقلقيش؟

مروه هزت راسها  بابتسامه وخرجت ودخلته اول بنت وبدا علي يغيرلها علي الجرح ومروه كملت شغلها مع الدكتور. ________

بعدما احلام اتاكدت ان مكتبها مناسب وان مش ناقصها حاجه خرجت من شركة ديسكاشيال وعلي ملامحها ابتسامه مليانه بالرضا .

اتجهت لجراچ العربيات وركبت عربيتها وخرجت برا المبني الضخم واول حاجه جت في دماغها هيا انها تروح السوبر ماركت وتجيب مستلزمات الشهر بتاع البيت.

وبعد مرور ساعه وصلت احلام لسوبر ماركت كبير خرجت من عربيتها واتجهت للداخل واخدت عربية تسوق وبدأت تلف في السوبر ماركت..

وفي الجانب التاني كان موجود حمزه وجانبه ماهر اللي ماسك علبتين من الفول وبيقول:العادي ولا الاسبايسي؟

حمزه قال بضيق:انا مش فاهم دلوقت احنا بنعمل ايه هنا كان ممكن تبعت اي حد من الخدم لازم تنزل بنفسك وتجرني معاك كده؟ 

ماهر بصله بضيق وقال: كل اللي بعتهم مبيفهموش حاجه وبعدين انت تمشي جمبي وانت ساكت؟

حمزه ضرب الارض بغضب وهو بيبص حواليه بضيق فبص لعلبتين الفول اللي ماسكم ماهر وقال بغيظ : سيب بق الفول دا وخلينا نركز علي المهم عايز اخلص .

بصله ماهر بغضب وحمزه ابتسم لما افتكر سيلين فقال: بقولك ايه يا خالي هي سيلين  المزه دي هتقعد معانا قد ايه؟

ماهر حط علبتين الفول مكانهم وقال:شهر او شهرين زي مهيا تحب!

ابتسم حمزه وقال:حلو اوي الكلام.

ماهر اتحرك بالعربيه وبصله وقال بسخريه:متنساش انك مسافر اخر الاسبوع دا !

حمزه ضم حاجبه بحزن وقال:لييييه بتعمل فيا كده؟

ماهر سابه يتكلم مع نفسه ودخل قسم اللحوم..وبعد دقايق حمزه انتبه ليه وجري وراه وقال:يا خالي بق استني انت ليه مش راضي  تخليني افضل هنا مش عاوز اروح دبي!

ماهر بصله وقال:انت ليه عامل دوشه اسكت ازعجت الناس!

حرك حمزه راسه بالإيجاب وقال:حاضر !

ماهر بدأ يختار احتيجاتهم للحوم وبعدها بص لحمزه اللي كان مركز مع البنات اللي حواليه فقرب منه وقال:فيك حيل تعاكس البنات هات العربيه دي 

وحصلني.

حمزه هز راسه وهو بيضحك للبنت اللي بتبصله وبتضحك ..

ماهر قرب منه تاني وضربه في رجله وقال:مش هعيد كلامي يا حيوان اتحرك؟

حمزه انتبه ليه ومسك العربيه بضيق واتحرك وراه لحدما دخلوا قسم تاني؟

احلام كانت في قسم الاسماك  وبتبص علي كل الانواع بجوع قالت وهيا بتشاور علي نوع من انواع السمك :الكيلو بكام لو سمحت !

الشخص:ب٤٠٠ يا استاذه دا جاي من اسبانيا !

احلام اتصدمت من السعر فهزت راسها وقالت:طيب عاوزه سمكه؟

الشخص اتصدم من كلامها وقال: سمكه واحده يا استاذه؟

احلام حست بالاحراج لانه علي صوته  بطريقه ملفته فقالت وهي بتهز راسها بالموافقة :ايوه سمكه واحده بس هاتها كبيره!

الشخص هز راسه وهو بيبص عليها من فوق لتحت باستغراب معتقد انها بخيله  لان نوع السمك دا صغير فالسمكه اللي هيا طالباها مش هتشبع طفل صغير فوزنلها السمكه وادالها الكيس وقال بغير نفس :اتفضلي يا استاذه !

اخدت احلام الكيس وحطته في العربيه وبعدها اتحركت  من قدامه واتجهت لقسم اللحوم!

عدي ماهر واحلام من جمب بعض بالعربيات ولأن كل واحد مركز مع الطريق اللي ماشي فيه منتبهوش لبعض..

حمزه وهوا ماشي ورا ماهر خبط في احلام بدون قصد فقال بغرور:مش تحاسبي يا انسه ولا انتي مش شايفه!

احلام عدلت طرحتها اللي اتفكت من أثر الخبطه وقالت:حضرتك اللي خبطني وكمان عاوزني احاسب؟

حمزه بصلها من فوق لتحت بضيق وقال:ايوا تحاسبي يعني انا اللي احاسب؟

احلام ضغطت علي اسنانها بغضب وقالت:حضرتك لو فاكرني هخاف من الشويتين دول تبق غلطان وبعدين انت فاكر نفسك مين علشان تكلمني بالاسلوب دا روح والنبي شوف مين اللي مديلك علقه واتشطر عليه!

حمزه بصلها بصدمه لانه لابس الماسك والنظاره ورغم كل دا لاحظت الورم اللي في وشه فقال:انتي  شكلك كده مجنونه بق؟

احلام زقت العربيه بعيد عنها وقالت بغضب:لا مش مجنونه بس لو عايزه ابق مجنونه هبق مجنونه؟

حمزه رجع لورا بخوف من حركتها وهيا بتزق العربيه فقال بصوت عالي:يا خاااالي ؟

ابتسمت احلام بسخريه وقالت:ايوا كده ارجع لأصلك يا جبان!

حمزه  قال بغضب:انا مش جبان!

وصل ماهر علي صوت حمزه العالي  فبص عليه لقاه واقف يبص للبنت اللي قدامه بخوف واضح في عينيه فقال بتساؤل وهو بيقرب منهم:خير يا انسه بتتخانقي معاه ليه؟

احلام انتبهت للصوت اللي جاي من وراها فقالت بصوت واضح:بما انك خاله ابق قول للست والدته انها معرفتش تربي.. لفت بجسمها علشان تشوفه ولاكنها اتصدمت لما اكتشفت انه يبق ماهر الصياد؟

يتبع بقلمي شيماء صبحي 

وصل ماهر علي صوت حمزه العالي  فبص عليه لقاه واقف يبص للبنت اللي قدامه بخوف واضح في عينيه فقال بتساؤل وهو بيقرب منهم:خير يا انسه بتتخانقي معاه ليه؟

احلام انتبهت للصوت اللي جاي من وراها فقالت بصوت واضح:بما انك خاله ابق قول للست والدته انها معرفتش تربي.. لفت بجسمها علشان تشوفه ولاكنها اتصدمت لما اكتشفت انه يبق ماهر الصياد؟

ماهر اول ما شافها استغرب لان ملامحها مش غريبه عليه فقرب منها وعلي ملامحه الجديه وقال:تقدري تقوليلي ايه اللي حصل بالظبط؟

احلام اول ما شافته بيقرب منها سكتت لانها كانت مركزه مع ملامحه اللي مش قادره تصدق انها حقيقيه ؟

اتكلم ماهر تاني ووجه كلامه لحمزه وقال:ايه اللي حصل يا حمزه وليه بتتخانق مع الاستاذه؟

حمزه بص لأحلام بغضب وقال:انا كنت ماشي وهيا خبطت فيا وبقولها تاخد بالها لقيتها بتكلمني بالاسلوب دا هيا باين عليها كدا يا خالي مجنونه؟

احلام فاقت من شرودها علي كلمه مجنونه اللي قالها حمزه بصوت واضح وكأنه يقصد انها تسمعها كويس؟

احلام بصت لحمزه بغضب ورجعت بصت لماهر وقالت :حضرتك بقى خاله؟

ماهر بصلها وقال :ايوا انا ؟

احلام بصت لحمزة من فوق لتحت وقالت بضيق:الاستاذ ابن اختك دا مش محترم وتقريبا كده نسي يتربي؟

ماهر اتضايق من كلامها وبص لحمزه بغضب لانه دايما بيعمل مشاكل ومش بيتعلم من اخطائه فقرب منه وكان لسا هيتكلم لقي اتصال من مدير حسابات الشركه بص علي الاسم باهتمام و فتح المكالمه وبص لحمزه بضيق وقال: بقولك ايه انت تحل مشكلتك دي معاها بعيد عني انا مش فاضي للكلام دا واقسم بالله يا حمزه لو ملقيتك ورايا خلال خمس دقايق اعتبر نفسك في دبي من بكرا ومش هتشوف مصر تاني  ؟

حمزه فتح عينيه من الصدمه وقال:انت هتسيبني هنا معاها بجد يا خالي ؟

ماهر هز راسه ورجع بص لاحلام وقال:للاسف انا مش خاله ولا اعرفه يا استاذه وهو عندك اهو حلوا مشكلتكم مع بعض!

احلام استغربت كلامه وفكرت انه بيهزر ولاكن اللي صدمها انه اتحرك من قدامهم وخرج من المكان .

حمزه بلع ريقه وهو بيبصلها وبعدها قال:هو انتي مش هتمشي بق ؟

احلام بصتله وقالت بغيظ:بق انا مجنونه!

حمزه حرك راسه بالرفض وقال:مين قال كده !

قربت منه وهيا بتمسكه من هدومه وبتقول:انت هتستعبط  يلا انا سمعاك وانت بتقولها بصوت قد كده !

حمزه حرك راسه بالرفض وبلع ريقه بتوتر وقال:انا…اكيد مش قصدي عليكي انتي انا كنت اقصد واحده كده وهيا في الحقيقه مجنونه..شبهك؟

احلام رفعت حاجبها وهوا غمض عينه وقال:والله اسف؟

احلام زقته بعيد عنها  لدرجة انه وقع علي الارض وقالت بضيق:انت باين عليك لسا عيل صغير وانا مش هضيع من وقتي معاك كفايه عليك اللي حاصل فيك انا اصلا مش ناقصه.

حمزه اتوجع من اثار الخبطه وحاول انه يقوم ولاكنه مقدرش…. احلام مشيت من قدامه و قربت منه بنت من اللي في المكان ومدت ايديها ليه وقالت بتساؤل :انت كويس؟

حمزه رفع عينيه بص للبنت لقاها منقبه فهز راسه وقال:لا بموت هو انتي ممكن تكلملي الإسعاف!

البنت ضحكت وهيا بتبص لحالته وقالت برفض:انا هشوف اي حد من اللي في المكان يساعدك خليك هنا وحاول متتحركش !

حمزه حرك راسه بالموافقه والبنت اتحركت من قدامه وقربت من شاب من اللي شغالين في السوبر ماركت وشاورت علي حمزه وقالت:تقريبا كده الشاب دا مش قادر يتحرك ممكن تساعده لو سمحت؟

الشاب بص لحمزه وهز راسه بالايجاب وهيا شكرته ومشيت والشاب قرب من حمزه وقال:هات ايدك يا استاذ ايه اللي حصلك بس!

حمزه حرك راسه بالرفض وقال: لا ايدي ايه انا مش قادر اتحرك هو انا ممكن اطلب منك طلب وارجوك متستغربش؟

الشاب هز راسه بالموافقه وقال:اتفضل يا فندم!

حمزه قال بتعب:ممكن تشيلني !

الشاب اتصدم من كلامه وردد كلام حمزه بعدم إستيعاب وقال :اشيلك؟

حمزه طلع من جيبه مبلغ كبير وقال:خد دول حلال عليك بس ارجوك شيلني لحد العربيه اللي واقفه برا؟

الشاب بص للفلوس بدهشه ورجع بص لحمزه وقال:انت بتتكلم بجد يعني انا لو شيلتك هاخد كل الفلوس دي؟

حمزه مسك ايد الشاب وحط فيها الفلوس وقال:امسك كده حطهم في جيبك بس والنبي خرجني بسرعه ؟

الشاب ابتسم وحرك راسه بالموافقه وقرب من حمزه اللي نايم علي الارض وشاله علي ضهره .

_________

كانت احلام اخدت باقي طلباتها واتجهت للكاشير وحاسبت عليهم وخرجت من المكان وهيا في طريقها للجراچ علشان تاخد عربيتها شافت ماهر وهو واقف قدام عربيته الفخمه وبيتكلم في التيلفون بصوت عالي وغاضب وكان بيقول:يعني ايه مش عارفين تتصرفوا امال انتوا شغلتكوا ايه في الشركه مدراء علي ايه بق مهيا بقت سايبه  ،اسمعوني كويس المشكله دي لو مخلصتش خلال ساعه اعتبروا انكم مطرودين !

احلام اتخضت من طريقته في الكلام ومكنتش متوقعه انها تقابله تاني بعد كل السنين دي ..وقفت تبص عليه من بعيد وهيا مش مستوعبه انه مش فاكرها فابتسمت علي سذاجته لانهم كانوا قريبين من بعض وقت الاعداديه ..كانت بتبص علي شكل عروقه اللي بتظهر بسبب عصبيته واللي كانت متفجأه منه هيا شخصيته اللي اتغيرت تماما عكس الاول لانه كان معروف بطبعه الهادي !

ماهر قفل التيلفون بضيق ولف بجسمه علشان يشوف حمزه اتاخر ليه لقي احلام واقفه تبص عليه وساكته!

بصلها بصه سريعه وركب عربيته واتحرك للخارج بسرعه وهيا اول ما انتبهت انه اخد باله من وجودها قربت من عربيتها  بخجل وحطت فيها الاكياس اللي كانت شايلاهل واتجهت لكرسي القياده وشغلت المحرك واتحركت بعد ثواني للخارج؟

بعد دقايق وصل الشاب وهو شايل حمزه للجراش وكان بيصدر اصوات بتدل علي ثقل جسم حمزه.

اول ماوصلوا حمزه بص للمكان باستغراب وهو بيقول: هي فين عربيه خالي؟

الشاب نزله وقال:كده خلاص يا أستاذ انا عملت اللي اتفقنا عليه استأذن انا بق ؟

حمزه  كان بيبص حواليه وكانت عينيه علي شكل العربيات اللي موجوده و ولما اتاكد ان  عربية ماهر مش موجوده وانه اتخلي عنه فعلا وسابه ومشي بص للشاب وقال برجاء:انا متشكر ليك جدا بس انا هطلب منك طلب اخير؟

الشاب بصله بابتسامه وقال:اكيد اتفضل يا استاذ انا تحت أمرك؟

حمزه بص لجيب الشاب اللي حطله فيه الفلوس وقال وهو بيشاور عليه :ممكن تجيب الفلوس اللي انا اديتهالك علشان اروح بيها؟

الشاب ضم حاجبه بضيق وقال:بس احنا يا استاذ متفقناش علي كده؟

حمزه غمض عينيه بتعب وقال:طيب هات  ٥٠٠ جنيه بس اروح بيها؟

الشاب بص للارض بتفكير وقال بصوت واطي: كتير اوي ٥٠٠ جنيه عليه ..اخد نفس سريع ورجع بص لحمزه وقال: استني يا استاذ انا عندي حل وان شاء الله هيعجبك؟

حمزه ابتسم وهو بيبصله والشاب طلع من جيبه ٢٠ جنيه وقال:بص يا استاذ انت هتاخد العشرين جنيه دول وهتخرج من المكان دا خالص وهتمشي علي اليمين شويه لحدما توصل لاخر الطريق هتدخل شمال هتمشي شويه كمان هتلاقي موقف ميكروباصات جديد هناك تقدر تركب منه اي حاجه توصلك للمكان اللي انت عايز تروحه؟

حمزه بصله بصدمه وقال:انت اتجننت عشرين جنيه ايه اللي اروح بيها وبعدين ايه موقف دي انت متعرفش انا ابق مين؟

الشاب هز راسه باستغراب وقال:لا  والله معرفش هو صحيح مين حضرتك؟

حمزه بلع ريقه وقال:انا حمزه؟

الشاب سلم عليه بعشم وقال:تشرفت بيك يا استاذ حمزه انا بق محمد اتفضل ادي العشرين جنيه وزي مقولتلك يمين في شمال هتلاقي موقف؟

حمزه بص للفلوس بدموع وقال: هيا بق فيها استاذ بعد الكلام دا هات دا انا مني لله؟

الشاب ابتسم وسابه ومشي وحمزه فضل يبص علي المكان اللي حواليه بصدمه وبعدما استوعب اللي بيحصل معاه اخد نفس طويل واتحرك لخارج الجراچ.

___________

في شركة الصياد كان جميع المدراء في غرفة الاجتماعات في انتظار قدوم صاحب الشركة ماهر الصياد وبعد مرور دقايق قربت السكرتيره الخاصه بمكتب ماهر من الغرفه وقالت:مستر ماهر وصل؟

جميع من في الغرفه وقفوا احتراما لقدوم ماهر الصياد ولاكن اول ما دخل ماهر بصلهم بغضب وقال:انا جيت بنفسي علشان اشوف المشكله بس صدقوني دي اخر مره هعمل فيها كده ولو اللي حصل دا اتكرر تاني مش هيحصلكم خير؟

السكرتيره قربت من الشاشه الكبيره اللي بيعرضوا عليها المشاريع وقامت بتشغيل مقطع فيديوا لرئيسة مجلس الاداره في الفرع الايطالي ؟

ماهر بص للفيديوا بتركيز وبدا الكل ينتبه ويركزوا مع كلامها ..

ماهر قدر يفهم المشكله ببساطه وبص للمدراء وقال:عرفتوا ايه حل المشكلة دي؟

واحد من المدراء بص لماهر وقال:اعتقد يا فندم ان اللي حصل دا بسبب منافس جديد دخل السوق بتاعنا فجأه وقدر يتواصل مع الوفد الايطالي الخاص بينا وقدر يقنعهم بعرض اكبر من عرضنا !

ماهر بصله بانتباه وقال:ايه اللي يخليك تقول الكلام دا وهل انت متاكد من كلامك دا ؟

المدير وقف وقال:ايوا يا فندم انا متاكد دي شركه اتأسست من اكتر من أربع سنين والرئيس التنفيذي ليها كان ظابط واستقال…،الشركه دي يا فندم كانت بتصدر حديد في مصر وخمس دول عربيه ولاكن الظاهر ان المدير بتاعها حاطت عينه علي العالميه ؟

ماهر بص للمدير وقال:اسمه ايه صاحب الشركه دي؟

المدير:اسمه ياسر غنيم يا فندم هوا ابن رجل الاعمال المتوفي فتحي غنيم واعتقد انه كمل مسيره والده بس بطريقته هو وقدر يثبت اسمه بسرعه في السوق؟

ماهر وقف وعدل جاكت البدلة بتاعته وقال بجديه: الشحنه دي مش هتروح من ايدينا احنا مش مبتدئين لسا علشان نخاف من شركة صغيره زي دي انا عاوزكم تكملوا شغلكوا زي منتوا وانتي يا همسه(همسه: السكرتيره الخاصه بماهر) ابعتي رساله للوفد الايطالي بلغيهم اني عاوز اقابلهم ضروري ؟

السكرتيره هزت راسها بالايجاب وهو بصلهم بضيق وخرج من الغرفه واتجه لمكتبه !

كل اللي في غرفة الاجتماعات اخدوا نفسهم براحه كبيره اول ما خرج ماهر بصوا لبعض بابتسامه كانهم اخدو براءه.

بدا كل واحد يرجع لمكتبه ونزل خبر في الشركه بإن الجميع يستمر في عمله لان المشكله اتحلت.

وفي مكتب ماهر كان نايم علي الكنبه وهو حاطت ايديه علي دماغه بتعب … اخد نفس طويل وقال بصوت شبيه بالهمس:اه منك يا حمزه مش هتعقل ابدا نفسي تتعلم تكون عاقل ليوم واحد؟

_________

حمزه كان وصل لموقف الميكروباصات بعد وقت كبير واول ما وصل لقي المكان زحمه واكتر من شخص بينده علي نفس المكان في نفس الوقت.

حمزه بص للفلوس بغيظ وقال:طيب انا المفروض اروح فين دلوقت!

واحد من السواقين مسك ايد حمزه وقال:اتفضل يا استاذ انت رايح فين؟

حمزه بصله بخوف من هيئته وقال:القصر؟

السواق بصله من فوق لتحت وقال بسخريه:قصر ايه لمؤاخذة ؟

حمزه قال بابتسامه :القصر بتاعنا؟

السواق  قال بتساؤل وهو بيغمز بعين واحده :ايوا انتوا مين برضوا معلش؟

حمزه لاول مره يحس بخوف بجد لان المره دي ماهر مش معاه فبص للسواق وقال:انت تعرف ماهر الصياد؟

السواق ضحك علي كلامه وقال:انت قصدك بق الصياد ماهر وكده شغل ابتدائي يعني ؟

حمزه ابتسم وقال:اي حاجه المهم نوصله؟

السواق قال وهو بيهز راسه بالرفض :لا انا رايح مدينة نصر هتيجي؟

حمزه هز راسه بالموافقه وقال:ايوا هاجي اهي اي حاجه المهم ابعد عن المكان دا بسرعه؟

السواق بصله من فوق لتحت بشك وقال:الا صحيح يا اخينا هو انت لابس كمامه ليه ومكتف نفسك هو انت تعبان ولا تكون عامل مصيبه كده وعايز تهرب ؟

حمزه اتخض من كلامه فقال برفض:لا ابدا  انا لابسها بس علشان ..سكت وهو بيفكر يقوله ايه والسواق كان مركز معاه وفجأه حمزه عطس بطريقه قويه لدرجه ان اكتر من شخص انتبهه ليه ..

السواق  بعد عنه بسرعه وقال بخضه :اي دا انت شكلك تعبان بجد ولا ايه  ..

حمزه هز راسه بالرفض وقال:لا والله انا كويس.

عطس تاني فالسواق بعد عنه  اكتر وقال:ابعد انا مش ناقص انا عندي عيال بصرف عليهم؟

واحد من السواقين التانيين قرب من السواق اللي كان بيتكلم مع حمزه وقال بتساؤل :في ايه يا شوقي ماله الاستاذ؟

 السواق بص لحمزه بحزن وقال:شكله كده عنده تعب وحش وال يعوذ بالله  اوعي تركبه معاك ليعديك يابني انت مش ناقص؟

حمزه اتصدم من كلامهم عليه فقال برفض:انا كويس انت بتقوله ايه يا حج انت ؟

السواق بص لحمزه بشك وبعد عنهم وقال بصوت عالي علشان يسمع بقيت السواقين:الاستاذ دا شكله تعبان يا رجاله  وممكن يعديكم اوعي حد يركبه معاه؟

حمزه اتصدم لما سمع كلامهم فبص حواليه بفقدان أمل وقال:انت فين يا خالي تعالي الحقني والنبي بق؟

____________

في منزل احلام !

دخلت وهيا شايله الاكياس وبتفتكر اللي حصلها النهارده من اول خناقتها مع مديرها السابق لتعينها في شركة ياسر ومقابلتها الغريبه لماهر الصياد وقريبه..

قعدت علي الكنبه وهيا بترجع ضهرها لورا وبتاخد نفس طويل وبتقول:هو ازاي ماهر الصياد زي مبيقولوا عليه  يعني رجل اعمال وصاحب  مركز كبير نازل كده عادي السوبر ماركت يجيب طلبات البيت وكأنه معندوش خدم او مساعدين؟

احلام قالت كلامها باستغراب وتساؤل ولاكنها فجأه افتكرت صديقتها مروه وانها لازم تكلمها فقامت علشان تجيب تيلفونها من الشنطه واول ما طلعته لقت أكتر من مكالمة فائته من خطيبها السابق فاستغربت ورفعت حاجبها وهيا بتقول:هو انا نسيت اعمله بلوك ولا ايه؟

رجعت قعدت علي الكنبه تاني وهي بتبص لرقم  خطيبها السابق وبتفتكر ذكري بينهم لما قالها:(يعني انتي مش هتعيشي مع امي في نفس الشقه دي بتحبك يا احلام وبتعتبرك زي بنتها .

احلام بصتله بصدمه وقالت:انت بتقول ايه يا اكرم انت عايزني اعيش مع امك أُمال شقتك دي هتعمل فيها ايه؟

اكرم قال بتوتر:م ما انتي عارفه يا احلام ان اخويا زينهم هيخطب الشهر الجاي وهو عرف اهل العروسه خلاص ان دي هتبق شقته؟

احلام قالت بعدم إستيعاب كلام أكرم: يعني ايه واحنا يا أكرم احنا ذنبنا ايه ليه عازيني ادخل علي عفش امك انت ليه محسسني انك هتتجوزني علشان تصلح غلطة.

اكرم قرب منها وقال بدهشه:ايه الكلام دا يا احلام انتي عارفه اني بحبك وشاريكي؟

احلام قالت بضيق:امسك يا أكرم دبلتك اهي لما يبق ليك كلمه علي اخوك يبق نتكلم .. انا هبلغ عمي يجيلكوا وهيكون معاه باقي شبكتك ؟

اكرم فضل باصص للدبله وساكت وبعدما استوعب كلامها قال :هو انتي بتسيبيني يا احلام انتي ناسيه اننا بنحب بعض من ايام الكليه؟

احلام بصتله بلوم وقالت:انا اسفه يا اكرم بس انا مش هقبل بالكلام اللي بتقوله دا انا استاهل شقه عفشها يكون جديد وانا اول واحده استخدمه انا مش من الشارع علشان اقبل بالوضع دا. 

اكرم بغضب:ماشي يا احلام انتي حره انا كنت فاكر انك بتحبيني ومستعده تحطي ايدك في ايدي بس انتي طلعتي انانيه ومبتحبيش غير نفسك.)

فاقت احلام  من ذكرايتها علي صوت رنه تيلفونها وكانت مروه اللي بتتصل؟

ردت احلام بسرعه وقالت:بنت حلال والله يا مروه انا كنت لسا  هتصل عليكي؟

مروه ابتسمت وقالت:حبيبتي طمنيني عليكي عملتي ايه؟

اتنهدت احلام وهيا بتقول:كل خير استني بس اقوم اجيب اي حاجه اكلها وانا بحكيلك لاني جعانه اوي؟

مروه ضحكت علي كلامها وقالت:دا شكل الموضوع كبير اوي علي كدا؟

احلام هزت راسها وقالت بابتسامه :دا فيه سهر للصبح دا…

مروه ضحكت واحلام دخلت لللمطبخ ورجعت بعد دقايق وهيا شايله طبق فاكهه كبير وحطته قدامها علي الكنبه وبدات تاكل وهيا بتحكي لمروه تفاصيل يومها وانهت كلامها بذكرها لخطيبها السابق وقالت:أكرم اتصل عليا  النهارده اكتر من مره بس انا ماخدتش باللي مش عارفه ازاي؟

مروه اتصدمت لما سمعت كلامها وقالت باستغراب:اكرم وهو بيتصل عليكي ليه هو مش خلاص خطب من يومين.

احلام اتصدمت اول ما سمعت كلامها وقالت:هو اكرم خطب.

مروه قالت بحزن:ايوا من يومين انا عرفت الموضع بالصدفه من واحده جارتنا بس مرضتش اقولك علشان عارفه انك هتضايقي.

احلام سكتت وهيا بتفكر في كلامها وقالت:لا مكنتش هتضايق ولا حاجه  ربنا يسعده!

مروه هزت راسها بحزن وقالت:احلام انتي لسا بتفكري فيه!

احلام هزت راسها بالنفي وقالت:لا يا مروه اكرم كان خطيبي بس دلوقت مفيش بينا حاجه ؟

مروه هزت راسها بتفهم وقالت:طيب انا مضطره اقفل علشان ابويا صحي وانتي عارفه بق لو مجهزتش الاكل ممكن يعمل ايه؟

احلام هزت راسها بالموافقه وقالت:طيب يا حبيبتي مع السلامه .

مروه قفلت المكالمه واحلام فضلت تبص لرقم اكرم وكان باين علي ملامحها الحزن فقربت من الاكياس اللي جابتها  وشالتهاودخلت بيها للمطبخ وبدأت تحط كل حاجه في ماكنها لحدما فجأة لقت تيلفون غريب في كيس من الاكياس فطلعته باستغراب وهيا بتبصله بتساؤل واول ما فتحته لقت صوره لماهر وجمبه حمزه  وكانوا الاتنين لابسين بدل رسميه ومن الواضح ان في حد فيهن واخد جايزه ..شهقت بخضه وهيا بتقول:ايه اللي جاب التيلفون دا  هنا !يتبع

فجأة لقت تيلفون غريب في كيس من الاكياس فطلعته بإستغراب وهيا بتبصله واول ما فتحته لقت صوره لماهر وجمبه حمزه فشهقت بخضه وهيا بتقول:ايه اللي جابه هنا دا !

مسكت التيلفون وحطته علي الرخامه بتاعة المطبخ وبدات تجهز لنفسها أكل لانها مأكلتش من الصبح.

وهيا بتطبخ لقت اتصال من التيلفون اللي لقته في الكيسه فقربت منه وهيا بتقرأ الأسم وبتقول باستغراب(مين المدير المتوحش دا) فضلت تبص للرقم باستغراب لحدما المكالمه انتهت فرجعت التيلفون علي الرخامه مره تانيه وكملت طبخ.

____________

في قصر الصياد.

 دخل ماهر وهو بيبص حواليه وبيدور علي حمزه ،قرب منه واحد من الخدم وقال:حمدلله علي السلامه يا ماهر باشا اجهز لحضرتك العشاء ؟

ماهر هز راسه بالرفض وقال:لا مليش نفس .

الشاب هز راسه باحترام وقال:تحب حضرتك اعملك قهوه ؟

ماهر هز راسه بالرفض وقال وهو بيبص حواليه:هو فين حمزه؟

الشاب هز راسه بعدم معرفه وقال:حمزه باشا لسا مرجعش القصر من وقت ما خرج مع حضرتك؟

ماهر بص للشاب وقال:انت متاكد ؟

الشاب هز راسه وقال:ايوا يا باشا متاكد انا كنت موجود هنا وصدقني لسا مرجعش؟

ماهر هز راسه بالموافقه واتحرك للداخل وهو بيخرج موبايله من چاكت بدلته فتح جهات الاتصال وضغط علي رقم حمزه واستنى رده؟

كان التيلفون بيرن بنفس الرقم فاحلام قربت منه تاني وفصلته بضيق لان صوت الرنه كان مزعج؟

ماهر بص لرقم حمزه بضيق وقال: بق بتقفل في وشي لما ترجع حسابي معاك !

اتجه لغرفته علشان يرتاح ولاكنه وقف علي صوت سيلين اللي بتقول بدلع:ماهر الي اين تذهب؟

ماهر بصلها وقال بتعب:داخل اوضتي  ارتاح شويه ؟

سيلين قربت منه وهيا بتحط ايديها علي صدره وبتقول بدلع :يمكنك ان تستريح في غرفتي انها مريحه كثيرا؟

ماهر بص في عيونها بتوهان وقال :هيا فعلا مريحه بس بقولك ايه يا سيلين انا بجد تعبان ومش فاضي لحركاتك دي؟

سيلين مسكت ايديه وقالت:حسنا ماهر لا تقلق سأكون لطيفه الليله .

ماهر هز راسه بالموافقه ومشي وراها لحدما دخلوا لغرفتها!

ماهر بص علي السرير بتعب وقال:طيب اطفي النور بق علشان انام.

سيلين ضمت حاجبها برفض وقالت:ماهر اعلم انك متعب ولاكني اريد قضاء الليله معك لقد افتقدتك كثيرا!

ماهر نام علي السرير وحط ايديه الاتنين ورا رقبته وقال:طيب وريني بق هتعملي ايه؟

سيلين ابتسمت وقالت:اريد ان ارقص لك ،لقد شاهدت اليوم  الكثير من الافلام المصريه وتعلمت الرقص واريد ان أجرب لاول مرة  امامك.

ماهر هز راسه وهو بيبص لجسمها وقال:موافق  وريني بق اتعلمتي ايه؟

سيلين ابتسمت وقلع-ت الروب اللي كانت لبساه ووقتها ظهر لبسها القصير ،اول ما شافها ماهر قام وهو مصدوم وشاور عليها وقال:ايه اللي انت عاملاه في نفسك دا يا سيلين ؟

سيلين ضمت حاجبها بحزن وقالت: هل فعلت شئ خاطئ انا فقد اردت ان اجرب الرقص المصري؟

ماهر كان بيبص عليها وعلامات الدهشه علي عينيه فقربت منه سيلين وحطت ايديها علي رقبته بدلع وقالت:هل تسمح لي بالتجربه امامك!

ماهر هز راسه بالموافقه وهيا جريت بسرعه شغلت الشاشه علي اغنيه مصريه وبدات ترقص قدامه وهوا كان مصدوم؟

(كانت سيلين بتحرك جسمها بقوه وكانها بتتألم )

رفع ماهر ايديه وهو بيطلب منها توقف الاغنيه وهيا اتحركت بسرعه وقفلت الشاشه وقربت منه وقالت بقلق :ما المشكله ؟

ماهر قال باستغراب:ايه اللي بتعمليه دا انتي بترقصي ولا بتتوجعي؟

سيلين ضمت حاجبها بعدم فهم وهو قال:يا سيلين يا حبيبتي دا مش رقص شرقي دي الصباره الراقصه بترقص احسن منك .

سيلين رفعت حاجبها وقالت بتساؤل:نعم لما تقول هذا انا افعل كما تفعل البنت التي كانت بداخل الفيلم؟

ماهر هز راسه بالرفض وقال:انا متاكد انك مشوفتيش فيلم مصري لان دي مش حركات مصريين ابدا!

سيلين قربت منه تاني وقالت:حسنًا لقد فهمت ان رقصي لم يعجبك ولاكن لدي عرض أخر!

ماهر وقف وهو بيقول بتعب:ارجوكي سيبني اروح انام؟

سيلين قربت منه وقالت برفض: ماهر انتظر انا اريد ان اقضي معك المزيد من الوقت؟

ماهر حرك راسه بتعب وهيا قربت منه وقالت:هل تريد ان اغني لك؟

ماهر ضحك علي شكلها وهيا بتحاول معاه فهز راسه وقال:ماشي لو كان كده تمام لاكن بلاش ترقصي اتفقنا؟

سيلين هزت راسها بابتسامه وهو رجع نام علي السرير وهيا بدات تغني وتقرب منه وتعمل حركات جريئة وهو كان بيتفرج عليها ومبسوط.

___________

وفي الموقف .

كان الوقت اتاخر وحمزه قاعد علي الرصيف بتعب حط ايديه في جيبه وقال :هو راح فين التيلفون دا معقول يكون وقع مني ؟

قرب منه راجل عجوز وقال بتساؤل:هو انت بخير يا ابني انا شايفك قاعد نفس القاعده دي بقالك كتير فقولت اجي اطمن عليك؟ 

حمزه اول مشاف الراجل بصله بفرحه وكانه آمله الاخير حاول انه يقف والراجل ساعده لحدما سند طوله فقال برجاء:ممكن لو سمحت تديني موبايلك اعمل مكالمه ؟

الراجل هز راسه بالموافقه وطلع من جيبه تيلفونه البسيط وقال:اتفضل يا ابني؟

حمزه ابتسم واخد منه التيلفون وقال:شكراا اوي يا عمو.

الراجل ابتسم علي كلامه وخبط علي كتفه وحمزه بدا يكتب رقمه بسرعه علي التيلفون وبعدها ضغط علي كلمة اتصال؟

كان وقتها التيلفون بيرن عند احلام فقربت منه وقالت بغيظ:هو انا مش هخلص بق  من صوت الرنه المزعجة دي؟

بصت للرقم ولقت انه بدون إسم فقفلت المكالمه وقالت:ميخصنيش علشان ارد؟

كان حمزه متفاجئ ان اللي اخد التيلفون قفل المكالمه إتصل تاني وفي المره دي احلام ردت بغيظ وقالت:ايوا مين؟

حمزه قال بلهفه:ايوا لو سمحتي دا تيلفوني هو وقع مني ممكن حضرتك تبلغيني عنوانك او لو تعرفي تجيبهولي هكون ممتن جدا ليكي؟

احلام استغربت وقالت بتساؤل:هو مين حضرتك؟

حمزه استغرب سؤالها ولاكنه جاوب وقال:انا حمزه صاحب التيلفون اللي معاكي دا؟

احلام هزت راسها وقالت:هو انت بق اللي حطيت التيلفون في حاجتي؟

حمزه استغرب كلامها وحس ان صوتها مش غريب عليه فقال بتساؤل:هو انتي مين؟

احلام:انا اللي قليت ادبك عليا يا بتاع خالو؟

حمزه قال بصدمه:هو انتي ،بقولك ايه كفايا اوي حركاتك دي ورجعي التيلفون انا عارف انك سرقتيه من جيبي؟

احلام اتفجأت من كلامه فقالت بضيق:احترم نفسك بدل ما اقفل في وشك ومش هرجعلك التيلفون؟

حمزه قال برجاء: لا والنبي متقفليش ، انا اسف بس ممكن تجيبيلي التيلفون والنبي؟

احلام بصت في الساعه وقالت برفض:مش هينفع اخرج في الوقت دا ممكن ابعتهولك مع اي حد بكره؟

حمزه هز راسه بالرفض وقال:لا مينفعش لازم دلوقت علشان خاطري ؟

احلام اتفجات من كلامه فقالت بتساؤل:انت مستعجل ليه متخفش عليه اوي كده انا اصلا معايا تيلفون احدث منه.

حمزه بص للراجل اللي متابع المكالمه من اولها وقال:والنبي يا انسه اعملي معايا معروف وانا والله مستعد اعمل اي حاجه تطلبيها  مني بس المهم ترجعيلي التيلفون او لو مش هتقل عليكي تجي تروحيني بالمره؟

احلام اتصدمت من كلامه وحست انه اكيد بيعمل كده علشان يوقعها واكيد حاطت خطه علشان اللي عملته فيه الصبح لانها عارفه ان اولاد الاغنياء دول بيبقوا فاضيين وممكن يعمل اكتر من كده فقالت برفض:اسفه مش هقدر مع السلامه؟

قفلت المكالمه وهو اتصدم وقال : الو يا استاذه الو طيب انتي كنتي املي الوحيد هعمل ايه دلوقت يارب؟

الراجل قرب من حمزه وقال:لو خلصت يابني هات التيلفون علشان امشي ؟

حمزه بصله بحزن وقال:لو كنت حافظ رقم خالي كان زمانه لحقني بس هقول ايه انا دايما كده  حظي  نحس!

الراجل اخد منه التيلفون وطبطب عليه وقال:والله يا بني كان علي عيني اساعدك بس انت شايف الدنيا بق حالها عامل ازاي ودلوقتي كل واحد يدوبك مكفي نفسه!

حمزه هز راسه بتفهم وقال:انا متشكر جدا ليك يا عمو معلش تعبتك معايا!

الراجل اخد منه التيلفون واتحرك من قدامه وحمزه رجع قعد علي الرصيف تاني والمره دي دموعه نزلت وهو بيقول:يا رب انقذني من اللي انا فيه دا انا مش حمل البهدله دي والله؟

الراجل العجوز رجعله تاني بعد دقيقه وهو بيديله التيلفون وبيقول:في واحده علي التيلفون عاوزاك يا ابني؟

حمزه بصله بلهفه وقال:عوازاني انا؟

الراجل هز راسه وحمزه اخد التيلفون من ايديه بلهفه وقال:ايوا مين ؟

احلام بتساؤل:انت فين ؟

حمزه قال بفرحه:والله كان قلبي حاسس انك طيبه وانا مش ههون عليكي؟

احلام ضحكت علي كلامه وقالت:اخلص بدل ما اقفل في وشك!

حمزة وقف بسرعه وقال :لا والنبي استني انا هقولك علي العنوان؟

بص للراجل وقال:والنبي يا عموا اوصفلها احنا فين دلوقت؟

الراجل هز راسه بالموافقه واخد منه التيلفون واتكلم مع احلام ووصفلها العنوان وبعدما خلص قفلت معاهم المكالمه؟

حمزه بصله وقال بتساؤل :ها قالتلك ايه؟

الرجال قال بابتسامه:قالت انها جايالك في الطريق؟

حمزه حط ايديه علي قلبه بفرحه وبص للسماء وقال:شكرا يا رب شكرا يا رب؟

الراجل سابه ومشي وحمزه رجع قعد تاني علي الارض وهو حاسس بفرحه  كبيره لانه اخيرا لقي حد يساعده!

__________

وفي عربية احلام كانت مشغله اغنيه هاديه وبتدندن معاها عشان متسمعش اصوات الدوشه اللي حواليها ،وبعد مرور ربع ساعه وصلت اخيرا لموقف الميكروباصات اللي حمزه موجود فيه ركنت عربيتها ونزلت وهيا معاها تيلفونها وتيلفون حمزه قربت من العربيات اللي موجوده وبدات تدور عليه وفي الوقت دا كان حمزه قدر يقف علشان يشوفها وهيا داخله عليه وكانوا الاتنين بيدوروا علي بعض لحدما حمزه خبط في واحده بالغلط ومن سوء حظه انها كانت حامل ووقعت علي الارض.

البنت بصراخ:اااه بطنتي انت غبي لااا اابني الحقوني يا نااس؟

كل اللي في الموقف اتجمعوا علي صراخها واولهم احلام اللي جريت بسرعه واول مشافت البنت بتصرخ وحمزه واقف يبص عليها ومصدوم مسكته من هدومه وخرجته برا اللمه بسرعه  قبل ما حد ينتبه لوجوده وجريت بيه في اتجاه العربيه وقالت:استخبي هنا لحدما اروح اشوفها وارجعلك.

حمزه هز راسه بالموافقه وهيا اتحركت في اتجاه البنت فقربت منها وقالت:امسكي ايدي متخافيش انتي كويسه الخبطه دي مش هتسبب اي ضرر متخافيش؟

البنت بصتلها وقالت بعياط:بتتكلمي جد اصل انا حسيت بوجع في بطني؟

احلام سندتها لحدما وقفتها وقالت:لا متخافيش هو بس علشان انتي اول حمل ليكي فخايفه ؟

البنت بصتلها بصدمه وقالت:اي دا انتي ازاي عرفتي انه اول حمل ليا؟

احلام بصتلها وقالت:علشان ببساطه انتي باين عليكي في الشهر الاول او التاني يعني لسا بطنك مكبرتش وبعدين ماشيه وفارده رجلك ليه وحاطه ايدك علي ضهرك ،لسا بدري علي الحجات دي يا حبيبتي .

البنت ضمت حاجبها وقالت:بس الدكتور قالي اني اي حركه ممكن تنزل الحمل دا فانا بنفذ كلامه؟

احلام هزت راسها وقالت:صح يبق لازم تروحي للدكتور بسرعه وتطمني علي البيبي بعد ازنك بق علشان عندي ولاده حالا؟

البنت بصتلها بصدمه واحلام جريت في اتجاه عربيتها وفتحت الباب لحمزه وقالت :اركب بسرعه؟

حمزه ركب جمبها وهيا اتحركت بسرعه من المكان وبعد دقايق اخدت نفس طويل وقالت:هو انت كنت بتعمل ايه هنا؟

حمزه كان باصص عليها وعيونه فيها دموع وقال:انا متشكر جدا انتي طلعتي جدعه اوي انا اسف علشان اللي عملته معاكي النهارده .

احلام اتفجات من كلامه فهزت راسها وقالت:اهدي بس واشرحلي ايه اللي حصل معاك ؟

حمزه رجع بضهره علي الكرسي وقال:خالي سابني ومشي وانا اديت فلوسي كلها للشاب اللي شالني علي ضهره وخرجني من السوبر ماركت واما طلبت منه فلوس اروح بيها ادني عشرين جنيه وجابني هنا و..(بدأ يشرحلها كل اللي حصل معاه وهيا كانت بتسمعه وبتضحك )

حمزه قال بتساؤل:هو انا بقول حاجه تضحك؟

احلام حطت ايديها علي بوقها وقالت:ايوا انت كل كلامك يضحك !

حمزه ضم حاجبه بضيق وقال:انا اول مره اتحط في الموقف دا كنت عايزاني اتصرف ازاي؟

احلام وقفت ضحك وقالت:خلاص اهدي وبعدين انت بتعلي صوتك عليا؟

حمزه قال بتراجع:انا لا ابدا والله انا اسف؟

احلام لفت وشها وابتسمت ورجعت قربت منه التيلفون وقالت:اتفضل تيلفونك انا معرفش وصل لحاجتي ازاي  .

حمزه اخد منها تيلفونه بلهفه وقال:شكرااا .

احلام هزت راسها وقالت:اتفضل بق انزل؟

حمزه بص حواليه وقال :انزل فين هو انتي مش هتوصليني!

احلام ضمت حاجبها وقالت برفض:اوصلك ليه هو انا اعرفك وبعدين انت طلبت تيلفونك وانا جبتهولك اتفضل بق انزل خليني اروح الوقت اتاخر؟

حمزه بصلها بدموع وقال:يعني يرضيكي افضل هنا لوحدي وانا مش عارف اي حاجة هنا وكمان انتي ناسيه اني جسمي كله وجعني بسبب انك خبطيني جامد ولا نسيتي ؟

احلام رفعت حاجبها وقالت:انت هتعيط لا بقولك ايه لو فاكر اني هضعف واوصلك انسي!

حمزه بصلها برجاء وهيا ضمت بوقها وقالت:خلاص قولي عنوانكم فين؟ 

حمزه ابتسم وقال:قصر الصياد طريق***الصحراوي؟

احلام هزت راسها وقالت:طيب اربط الحزام علشان همشي علي سرعه عاليه!

حمزه بص علي العربيه وهو بيقول:هيا العربيه دي فيها سرعه اصلا؟

احلام اتضايقت من كلامه وقالت:طيب اربط بس الحزام وهتشوف؟ 

حمزه هز راسه وكان لسا هيربط الحزام لقاها اتحركت بسرعه و كان هيتخبط في دماغه .. 

احلام قالت بابتسامه وهي بتبصله :دا علشان لما قليت ادبك عليا  في السوبر ماركت النهارده.

حمزه بصلها بغيظ ولاكن ملامحه اتحولت للفرحه لانه اخيرا هيروح القصر فطلع رقم ماهر واتصل عليه .. 

كان ماهر وسيلين لسا مع بعض وكانت سيلين فرحانه انها قدرت تخليه مبسوط وبيستجاب معاها   تيلفون ماهر كان بيرن فقالت بتساؤل:من يتصل بك في هذا الوقت؟

ماهر بص للتيلفون وبص علي اسم حمزه بصه سريعه وقال:مش مهم قوليلي بق كنا بنقول ايه؟

سلين ابتسمت وهيا بتقرب منه وبتق-بله وبعدها بعدت عنه وهيا بتقول:اريد ان أريك شيئٌ ما؟

ماهر هز راسه وهيا وقفت وبدات ترقص تاني وفي المره دي قدرت تظبط الرقصه صح وهوا كان مصدوم ؟

احلام بصت لحمزه اللي ماسك التيلفون وعلي ملامحه الغضب فقالت بتساؤل:مالك ؟

حمزه قال بضيق:خالي مش بيرد عليا .

احلام بصت للطريق تاني وقالت: عنده حق ميردش؟

حمزه بصلها بصدمه وقال بغيظ:وليه بق ان شاء الله انا مش غريب عليه انا ابن اخته؟

احلام ابتسمت بسخريه وقالت:يعني بذمتك في حد يتصل علي حد في الوقت دا ؟

حمزه هز راسه وقال: اه انا عادي؟

احلام بصت للقصر اللي قدامها وقالت:هو دا طريقالقصر؟

حمزه بص للمكان وهز راسه وقال:ايوا بس هوا احنا ازاي وصلنا بسرعه كده؟

احلام ابتسمت وهيا بتحط ايديها علي عربيتها بفرحه وبتقول:البركه في زقزوقه حبيبتي ؟

حمزه قال باستغراب:افندم مين زقزوقه دي !

احلام تجاهلت سؤاله وقربت من بوابه القصر الضخمة واول ما وقفت العربيه اتفتح باب صغير وواحد من الحراس قال بتساؤل:مين حضرتك؟

احلام بصت لحمزه علشان يرد علي الراجل وهو قال:انا حمزه باشا افتح البوابه؟

الحارس هز راسه بالايجاب وقال:حمزه باشا اتفضل حضرتك حمدلله علي سلامتك ؟

البوابه اتفتحت وكانت ضخمه واحلام كانت مبهوره ولاكن مظهرتش اعجابها فاتحركت بالعربيه لحدما وصلت قدام الباب الرئيسي فبصت لحمزه وقالت:وصلنا؟

حمزه هز راسه بالايجاب وقال:انتي لازم تنزلي تشربي حاجه انا مش عارف اشكرك ازاي علي اللي عملتيه معايا النهارده؟

احلام هزت راسها بالرفض وقالت:العفو بس انا مش هينفع افضل هنا اكتر من كده لازم اروح علشان عندي شغل بكره بدري،

حمزه قال برفض:لا انتي لازم تنزلي انا مستحيل اسيبك تمشي كده  من غير ما اشكرك علشان خاطري بق وافقي ومش هتتاخري متخافيش ؟

احلام  هزت راسها بالموافقه ولما استوعبت اللي عملته استغربت انها ليه بتتأثر برجاءه ليها وبتنفذ كلامه فنزلت من عربيتها وهيا بتبص للمكان بصدمه وهوا فتح البوابه ببصمته ودخل وشاورلها تدخل وراه؟

احلام دخلت وراه وبصت لتفاصيل القصر بدهشه لان القصر فوق الوصف والخيال قالت بصوت اشبه بالهمس:دا فعلا حقيقي؟

حمزه سابها تتفرج علي القصر براحتها وقرب من باب الخدم وقال:مرسي انت يا اللي اسمك مرسي؟

مرسي خرج بسرعه وقال:نعم يا حمزه باشا؟

حمزه همس في ودنه وقال:عاوزك تجيب كل اللي عندك من حلويات لمحاشي بق بقولك ايه انا معايا ضيفه عاوزك تظبتها انت فاهم؟

مرسي شاورله علي عيونه الاتنين وقال:من العين دي للعين دا يباشا بس انا عندي ليكي خبر '

حمزه هز راسه وقال:خير خبر ايه؟

مرسي:ماهر باشا سأل عليك كتير وانا قولتله ان حضرتك مرجعتش للقصر من وقت ما خرجتوا مع بعض؟

حمزه هز راسه وقال:هو فين ماهر باشا دلوقت؟

مرسي همس في ودنه وقال بخجل :في اوضه الانسه سيلين؟

حمزه اول ما سمع كلامه حس بالغيره من كلامه فقال بضيق:طيب ادخل انت اعمل اللي قولتك عليه وبسرعه؟

مرسي هز راسه ودخل للمطبخ وحمزه قرب من احلام وقال بابتسامه:انفضلي من هنا نورتي  المكان؟

احلام هزت راسها ودخلت وهوا كان بيبص علي السلالم والغضب مسيطر عليه واول ما قعد قال :

احنا صحيح متعرفناش انا حمزه الشناوي؟

احلام :تشرفنا انا احلام السباعي!

حمزه ابتسم وقال:طبعا انتي عارفه ان خالي يبق ماهر الصياد ودا بق عنده شركه الصياد للحديد والصلب وانا ابق دراعه اليمين في الشغل؟

احلام هزت راسها وقالت:تشرفنا؟

حمزه ابتسم وبعدها مرسي قرب منهم وهو شايل صينيه كبيره ووراه بقيت الخدم وكلهم قربوا علي السفره؟

احلام اتصدمت من كميه الاكل اللي جايبينها فبصت لحمزه وقالت :هو انت عازم حد ولا ايه؟

حمزه بصلها وضحك وقال برفض:لا دا كله ليكي؟

احلام ضحكت وهيا بتبص للكميه وقالت:انت شكلك فهمتني غلط خالص انا اصلا مش باكل بعد الساعه ١٠بالليل؟

حمزه اخد قطعه من الحلويات وقربها منها وقال:بس لو جربتي دي هتغيري رئيك؟

احلام بصتله باستغراب واخدت منه قطعه الحلويات وجربتها واول ما اكلتها بصتله بصدمه وقال:واو اي الجمال دا مين اللي عملها؟

مرسي ابتسم وهو بيقول:دول الشيفات اللي عندنا يا هانم؟

احلام ابتسمت وقالت:بلغ الشيف انه ابدع بجد؟

مرسي بصلها وابتسم وحمزه بصله وقال:اتفضل انت يا مرسي وانتو كمان؟

كل الخدم مشيوا وفضل حمزه واحلام باصين للاكل بجوع؟

حمزه قال:اتفضلي يا احلام البيت بيتك وبعدين دا علشان اللي عملتيه معايا؟

احلام ابتسمت وبصت للاكل بجوع وقالت:رغم اني مش بحب اتقل في العشاء بس الاكل مغري بصراحه؟

حمزه هز راسه وبدا ياكل علشان يشجعها تاكل وهيا كانت مبسوطه لان الاكل لذيذ بطريقه تجنن؟

بعد مرور دقايق سمعوا صوت ضحكه عاليه جايه من فوق احلام استغربت وبصت لحمزه وهو قال:دا اكيد حد مشغل التيلفزيون ونساه؟

احلام هزت راسها وقالت:تسلم ايديك بجد الاكل جميل بس انا مضطره امشي بق علشان  الوقت اتاخر اوي؟

حمزه مسك ايديها وقال برفض:لسا بدري انتي لسا مشربتيش حاجه طيب!

احلام كانت لسا هتتكلم فقاطع كلامها مرسي اللي كان جايب كاس من العصير الفريش وهيا اول ما شافته هزت راسها وقالت:طيب !

حمزه ابتسم واخد العصير من مرسي وقدمه لها بنفسه وطلب من مرسي يفضي السفره لانهم خلصوا اكل !

ورجعوا الاتنين قعدوا في الصالون .

بعد مرور وقت مش كبير سمع حمزه صوت كعب عالي نازل من علي السلم رفع عينيه يشوف صاحبه الصوت واتفاجئ من شكل سيلين اللي لابسه لبس جريئ بزياده  واول ما احلام انتبهت ليها شهقت بصدمه وهيا بتقول:لا حول ولا قوة الا بالله؟

حمزه وقف بسرعه وقرب من سيلين وقال:انتي ايه اللي لبساه دا ؟

سيلين بصتله وضحكت وقالت:اهلا حمزه كيف حالك انا ذاهبه لكي احضر كأس من المطبخ؟

حمزه بص لاحلام بخجل من شكل سيلين فهز راسه وهيا اتحركت للمطبخ وهو قرب من احلام وقال:انا اسف علي المنظر اللي شوفتيه دا بس هيا اصلا مش مصريه؟

احلام هزت راسها وقالت:طيب كفايه اوي كده انا هستأذن انا بق علشان الوقت أتأخر وعلشان برضوا الطريق هيبق طويل؟

حمزه هز راسه بالموافقه وقال:طيب انا متشكر جدا يا احلام خلي بالك علي نفسك!

احلام ابتسمت وهيا بتبصله وقالت:وانت كمان ابق خلي بالك علي نفسك وبعد كده متثقش في اي حد غريب اتفقنا؟

حمزه هز راسه بالموافقه وهيا خرجت من القصر وركبت عربيتها واتحركت للخارج وحمزه قرب من سيلين اللي شايله كاسين وقال:خدي هنا انتي رايحه فين وبعدين هو فين خالي؟

سيلين قربت منه بطريقه جريئة وقالت:انه في غرفتي هل تريد ان تاتي معنا وتشاركنا السهره؟

حمزه حس باشمأزاز منها  ومن طريقتها وفجاه جت في دماغه احلام وكان في فرق كبير بينهم فقال برفض:لا اتفضلي روحيله انتي ولا اقولك انا اللي طالعله ؟

سيلين ضحكت وهي بتبص عليه وبتقول:فتي غريب ولاكن وسيم ..قالت كلامها وطلعت بعد دقايق وراه ولاكنها اتفجأت ان ماهر مش موجود في اوضتها .

خرجت بسرعه وهيا بتنده عليه لحدما لاقته دخل لغرفه حمزه وكان حمزه بيزعق فيه وبيقول:انت مستحيل تكون بني ادم يا خالي ازاي تسيبني مرمي كده ومتعبرنيش وكل دا علشان مين الملزقه التركيه دي؟

ماهر بصله وقال بغضب:احترم نفسك واتكلم معايا بأدب انت فاكر نفسك مين علشان تكلمني كده ؟

حمزه عيونه دمعت وقال:فاكر نفسي ابن اختك وانت خالي بس انا لاول مره اتذل واللي رايح واللي جاي يعاملني وكأني مشرد بس هقول ايه كل اللي همك هيا مصلحتك .

مسح دموعه بحزن وقال:انت كان عندك حق انا همشي ومش هقعدلك فيها تاني .

ماهر اتفاجئ من كلامه وبص وراه لقي سيلين واقفه وماسكه كاسين وبتبصله وبتضحك فضم حاجبه وقال بغضب:ارجعي اوضتك يا سيلين ونامي !

سيلين اتصدمت وقالت:هل هناك مشكلة؟

ماهر قاطع كلامها بصوت عالي وقال:قولتلك امشي يا سيلين؟

سيلين خافت من صوته العالي وهزت راسه وجريت علي اوضتها وماهر بص لحمزه اللي مطلع شنطته وبيجهز هدومه فقرب منه وقال:اعمل حسابك لو مشيت مفيش رجوع تاني؟

حمزه هز راسه وقال:خليك كده يا خالي افضل اخسر اللي حواليك واحد ورا التاني لحدما تبق وحيده وانا علشان مبقاش واطي مش هحكيلهم اي حاجه وهسكت خالص احتراما للعشره اللي بينا؟

ماهر بصله بضيق وسابه ومشي وحمزه بص عليه بزعل وقال:ماشي يا ماهر يا صياد اما اشوف بق هتعيش لوحدك ازاي؟

ماهر دخل اوضته ورجع بعد دقايق وهو معاه باسبور سفر حمزه ومبلغ من الفلوس ورجع تاني لأوضته وقال:امسك ومش عايز اشوف وشك تاني انت فاهم؟

حمزه بصله برفض وقال:لا متشكر انا هاخد الباسبور بتاعي بس ولاكن انا مش محتاج فلوس منك ؟

ماهر اتصدم من كلامه فحطله الفلوس علي سريره ومشي ولاكن حمزه مشي وراه وقال:انا قولتلك مش عايز منك حاجه انا معايا فلوس ومش محتاج مساعده من حد؟

ماهر هز راسه واخد منه الفلوس وقال:طيب وفرت اتفضل بق اخرج من اوضتي؟

حمزه هز راسه بزعل منه وقال:طيب انا ماشي ؟

ماهر هز راسه بجمود ولف وشه وقال:مع السلامه؟

حمزه هز راسه وخرج من اوضته وعلي ملامحه الحزن الشديد ولاكنه ابتسم اول ما سمع صوت ماهر بينده عليه فوقف وبصله واول مشافه قال بجمود:نعم عاوز ايه؟

ماهر طلع من جيبه ورقه وقال:دي وقعت منك؟

حمزه بص للورقه باستغراب وقال:لا انا مفيش حاجه وقعت مني ؟

ماهر قرب منه وحط الورقه في جيبه وقال:لا وقعت انا متاكد؟

حمزه هز راسه وقال:طيب انا ماشي! لف جسمه علشان يمشي ولاكن ماهر شده عليه وحضنه جامد وقال:رايح فين يا حيوان انت!

حمزه عيط اول ما ماهر ضمه لحضنه وقال:هسيبك وامشي مش دا اللي انت عايزه؟

ماهر هز راسه بالرفض وقال:لا طبعا انا مقدرش اعيش من غيرك انا بقول كده علشان بتعصبني؟

حمزه بصله بغيظ وقال:ولما انت عندك قلب كده وبتحس ليه دايما قاسي عليا؟

ماهر قال وهو بيخبطه علي ضهره بغيظ:عايز اعمل منك راجل يا لين؟

يتبع بقلمي شيماء صبحي 🩷

"في بداية يوم جديد بتفح احلام بلكونتها علشان تدخل ضوء الشمس لكامل الغرفه ابتسمت اول ما ضوء الشمس لمس بشرتها  ضمت ايديها الإتنين ورا ضهرها وأطلقت صرخه صغيره بتدل علي إستعداها ليوم جديد.. اتحرت ببطئ لحدما وقفت قدام دولابها وفتحته بتلقائية وهمست بحماس: يا تري هلبس ايه في اول يوم شغل ليا؟

وفي الجانب الأخر كان استيقظ ماهر الصياد وخرج من غرفته الفخمه لكي يستعد  لعمله .

كانت احلام بتختار اللبس اللي هتروح بيه و كانت ماسكة دريسين في ايديها وبتبص لكل واحد شويه بتفكير وفي نفس الوقت كان ماهر بيختار بدله ليه ومحتار يلبس لون ايه  النهارده  ..

احلام اختارت فستان بيچ هادي وهو اختار بدلة سوداء !!…

خرجت احلام من اوضتها وهيا بتتجه للحمام بتاع شقتها البسيط علشان تغسل وشها وفي نفس الوقت كان ماهر بياخد شاور في الحمام الضخم بتاعه وكانت عضلات جسمة بتظهر كل ما يحرك جسمه بعفويه!

خرجت احلام بعد دقايق من الحمام وهيا بتنشف وشها بالمناديل وكان ماهر خارج وهوا لافف فوطه علي وسطه وماسك فوطه تانيه وبينشف بيها شعره.

بدأت أحلام تجهز بشرتها وتحط كريم مرطب وبعدها الميكب اليومي بتاعها وكان ماهر بينشف شعره بالاستشوار وبيسرحه لورا بتركيز علشان يطلع متساوي.. 

بعد مرور نص ساعه ..

خرجت احلام وقفلت باب شقتها بإحكام و نزلت بحماس علي السلم  واول ما خرجت من العماره اللي ساكنه فيها  قربت من عربيتها  وشالت الغطي من عليها وبعدها ركبت في كرسي القياده واتحركت لعملها .

وفي قصر الصياد 

خرج ماهر من جناحه واتجه لغرفة حمزه  وفتح الباب ببطئ واول ما لقي انه نايم ابتسم وسابه يرتاح النهارده وخرج..نزل علي السلالم وهوا بيبص في ساعته واول مشافه السواق نازل علي السلم  خرج بسرعه من الباب وقرب من عربية ماهر وفتحله الباب ..وصل ماهر بعد ثواني واول ماشافه السواق قال بابتسامه :صباح الخير يا ماهر باشا!

ركب ماهر العربيه وقال:صباح النور يا منعم.

ابتسم منعم السواق وقفل الباب واتجه بسرعه لكرسي القياده واتحرك بالعربيه؟

في عربيه احلام .. شغلت أغنية لفيروز كعادتها وبدأت تدندن معاها وبحركة لإراديه خرجت ايديها من شباك العربيه وهيا بتبص للسماء وكانت مبتسمه وهيا بتستنشق الهواء باستمتاع؟

وفي الجانب الاخر ماهر كان بيبص علي السماء بتأمل واول ما فتح ازاز العربيه ابتسم ابتسامه خفيفه وهو بيستنشق الهواء النقي باستمتاع وقال وهو بيوجه كلامه لمنعم:الجو حلو النهارده.

ابتسم منهم وهز راسه بالايجاب وقال:فعلا يا فندم؟

وصلت احلام قدام شركة ديسكاشيال للحديد والصلب وركنت عربيتها في الجراچ واتجهت للباب الرئيسي وعلي وشها ابتسامه جميلة.

وفي شركة الصياد وصل ماهر وفتحله منعم الباب واول ما نزل وقف رجال الأمن باحترام لأستقباله.

دخل ماهر وهو بيبص لكل الموظفين برضا لان الموظفين منظمين ودي اكتر حاجه هوا بيحبها   ..قربت منه السكرتيره وبدأت تعرفه جدولة اليومي وهوا كان بيسمع ليها وبيهز راسه بالموافقه.. دخلوا الاتنين للأسانسير وهيا اخدت نفس طويل بسبب مجهودها في الكلام وضغطت علي زرار الدور العاشر وبصتله وقالت بنفس متقطع :كده خلاص يا فندم؟

حرك ماهر راسه بالايجاب وهيا رجعت لورا واول ما باب الاسانسير اصدر صوت وصولهم شاورت بايديها علي الباب اللي اتفتح وقالت:اتفضل يا فندم؟

خرج ماهر من الاسانسير واتجه لمكتبه وقفل وراه الباب.

وفي الجانب الاخر وصلت أحلام لمكتبها واول حاجه عملتها هيا انها دخلت لمكتب ياسر واول مشافته ابتسمت وقالت:صباح الخير يا حضرت الظابط المدير ياسر؟

ياسر ابتسم اول مشافها وضحك اول ما سمع كلامها فهز راسه ليها وقال:صباح النور يا احلام اتفضلي  ؟

دخلت احلام وهيا معاها التابلت الخاص بيها وقالت:انا  امبارح  جهزت لحضرتك جدول بخصوص الاجتماعات اللي هتحضرها النهارده بس طبعا اكيد حضرتك لسا مشربتش قهوتك انا ممكن اجهزهالك قبل ما نبدأ.

ابتسم ياسر وهز راسه بالموافقه وقال:عندك حق يا احلام انا فعلا لسا مشربتش قهوتي .

احلام هزت راسها بابتسامه وقالت:حضرتك بتحب قهوتك تكون ايه؟

ياسر قال:مظبوطه.

احلام هزت راسها بابتسامه وقالت:تحت امر حضرتك دقايق وهتكون عندك ،بعد اذنك يا فندم.

ياسر هز راسه بالموافقه وهيا خرجت من مكتبه واتجهت للكوفي كورنر وبدأت تجهزله القهوه…

__________

وفي ايطاليا .

كانت ليانا مديرة الشئون القانونيه في الفرع الخاص بشركة الصياد في ايطاليا قاعده مع بنت من الوفد الايطالي اللي متعاونين مع الفرع الرئيسي في مصر واتكلمت وقالت:يريد مستر ماهر مقابلتكم في مصر بخصوص الشحنه التي يتم تسلميها بعد ٣أشهر؟

البنت اللي من الوفد اتكلمت وقالت:نحن نعتذر بشأن ما حصل في تلك الفتره الأخيره ولاكن رئيس شركتنا تلقي عرض رائع من شركة ديسكاشيال المصريه و يريد تغييرالاتفاق مع مستر ماهر و التعاقد مع شركة ديسكاشيال بدلا من شركة الصياد؟

ليانا هزت راسها بتفهم وقالت:مستر ماهر يريد عقد اجتماع بشأن هذا الموضوع واريد منك سيدتي ان تخبري الرئيس بأن العقود التي تمت إمضتها في مصر يوجد بها شرط جزائي كبير بخصوص ذلك التغيير!

البنت هزت راسها وقالت بتفهم : حسنا سأخبره ولاكن اعذريني ليانا أنا مضطرة ان انهي الإجتماع الآن !

هزت ليانا راسها وشاورتلهم يخرجوا وبعد دقايق وقفت وهيا بتبص لتيلفونها وبتقول: ستغضب كثيرا عند سماع ذلك  يا مستر ماهر.

قالت كلامها وضغطت علي زرار الاتصال وهيا بتقول:اتمني ان ينتهي كل هذا في اسرع وقت وتعود الأمور كما كانت من قبل .

(في مصر)

السكرتيره ردت علي المكالمه الدوليه اللي تلقتها من ليانا وبلغت ماهر بأهمية الوضع وحولتله المكالمه..

ضغط ماهر علي زرار الرد وقال بالانجليزي:مرحبا ليانا ماذا حدث ؟

ليانا اخدت نفس طويل وبدأت تشرح لماهر كل  اللي حصل مع الوفد الايطالي بخصوص الشحنه واول ما ماهر سمع كلام ليانا  قال بغضب:حسنا ليانا لقد فهمت الأمر ولاكن قبل ان يأتي الرئيس الي مصر اريد منك ان تفعلي شيء من اجلي؟  

ليانا هزت راسها بالموافقه وقالت:حسنا سيدي؟

ماهر قفل المكالمه بعدما شرح ل ليانا الأمر اللي عاوزها تنفذه فاتنهد بضيق وقال وهو بيفكر في ياسر غنيم وباين علي ملامح وشه الغضب الشديد؟

_________

في شركة ديسكاشيال.

انتهت احلام من عمل القهوه ودخلت لمكتب ياسر وهو اول ما شافها وقف واخد منها القهوه وقال:شكرا يا احلام .

احلام ابتسمت وقالت:العفوا يا فندم.

ياسر اخد رشفه وقال:لا بجد جميله تسلم ايدك.

احلام هزت راسها بخجل وهو قال:اتفضلي اقعدي علشان نتكلم في الشغل.

هزت احلام راسها وقعدت قدامه وهو رجع قعد علي مكتبه وقال:خديلي ميعاد مع مدير شركة المأمون الساعه ١٠ واعملي حسابك هتحضري معايا .

احلام هزت راسها وقالت:حاضر يا فندم.

ياسر بص للاب توب اللي قدامه وقال:بصي يا احلام شركتنا دلوقت بتصدر اكبر شحنه حديد هيتم اصدارها علي مدار اخر ١٠ سنين في المجال دا ،بس مشكلتنا الوحيده هيا ان معانا منافس ومش اي منافس دي اكبر شركة موجوده في مصر والوطن العربي في صناعة الحديد. 

احلام هزت راسها باهتمام وقالت:شركة مين يا فندم.

ياسر قال بجديه: شركة الصياد. 

احلام اتفاجأت من كلامه وحست بقلبها اتهز اول ما ذكر قدامها اسم الصياد فقالت بفضول :وحضرتك خايف من وجود الشركة دي ليه؟

ياسر بص لسقف المكتب وقال:لان الصفقه دي كانت ليهم بس لما انا قدمت عرضي لنفس المجموعه الايطاليه عجبهم عرضي اكتر وبلغوني الموافقه واني هستلم المشروع مكان الصياد.

احلام بصتله وقالت بزهول:واكيد يا فندم شركة الصياد لما عرفت الخبر دا اتقلبت فوق وتحت واكيد المدير اتصدم من الخبر.

ياسر هز راسه وقال بابتسامه :دا اكيد اتجنن خصوصا انهم كانوا مضوا معاه العقد وهو كان بيجهز للشحنه ودافع فيها ملايين ؟

احلام رجعت بضهرها لورا وهيا مش مستوعبه اللي بتسمعه فقالت بقلق:بس كده حضرتك لازم تمضي عقد انت كمان معاهم لان دي الحاجه الوحيده اللي تخليك تجهزلهم الشحنه لانهم ممكن يرجعوا في كلامهم في اي وقت ..

 ياسر بصلها باهتمام وقال:هما حاليا بلغوني انهم هيلغوا معاه العقد وهينزلوا مصر في خلال يومين .

احلام هزت راسها وقالت:بس برضوا لازم تاخد خطوه بخصوص الموضوع لانهم في لحظه اتخلوا عن شركه زي دي بسبب عرض اكبر فحضرتك مش متخيل ممكن يعملوا ايه معاك خصوصا ان مفيش اي عقود تثبت صحة اتفاقكوا؟

ياسر عجبوا كلامها وقال:عندك حق يا احلام ..اتفضلي دا رقم مديرة مكتب الرئيس هناك اتواصلي معاها وبلغيها اني بأجل موضوع أمضة العقود للنهارده وشوفي ردهم ايه؟

احلام هزت راسها بالموافقه وقالت:حاضر يا فندم بعد اذنك ؟

ياسر هز راسه بالموافقه وهيا خرجت لمكتبها وبدات تجهز كلامها اللي هتقوله  وهيا بتاخد نفس طويل وبعدها اتصلت بمديرة مكتب الرئيس الايطالي..واستنت ردهم؟

________

في قصر الصياد…

صحي حمزه علي صوت خبط الباب قام من علي السرير بنوم وقرب من الباب وفتحه واول مشاف اللي واقفه قدامه قال بضيق:خير يا سردين؟

سيلين ضمت حاجبها وهيا بتبصله وبتقول:هل تقصدني ب سردين؟

حمزه فتح عينيه الاتنين وهو بيبص لجسمها الملفت بانتباه فحرك راسه بالرفض وقال:لا قوليلي ايه اللي جابك علي الصبح كده عاوزه ايه؟

سيلين ابتسمت وهيا بتبصله وبتقول:لقد استيقظت اليوم باكرا وعندما ذهبت لغرفه ماهر اكتشفت انه ذهب الي العمل وانا اريد التسكع  أشعر بالملل الشديد؟

حمزه حرك راسه بالرفض وقال:ولا تسكع ولا متتسكعش انا مش قادر للكلام داااا؟ قال كلامه وسابها وددخل لجوه الاوضه..

سيلين دخلت للغرفه وقربت منه وهيا بتتنطط وبتقول:أرچوووك حمزه تعالَ معي !

حمزه اتفاجئ من حركاتها الغريبه فضم حاجبه وقال:طيب هسكعك حاضر بس روحي دلوقت خليني انام شويه مش قادر والله ؟

سيلين هزت راسها بالموافقه وخرجت وهو قفل الباب في وشها ورجع قرب من السرير ونام  بتعب.

بعد مرور دقايق حس بايد ناعمه بتمشي بلطف علي خده فابتسم وهو بيقول:يا ولاا ياجامد ايه الحلاوه دي؟

سيلين كتمت ضحكتها وهيا بتبص عليه وهو بيضحك وبيقول كلام عشوائي وبيعمل حركات بوشه بتضحك..

فضلت سيلين تحرك ايديها علي وشه كله لحدما قررت انها تقرب من جسمه ..

حمزه حس برعشه او لما حطت ايديها علي صد”ره فتح عينيه بخضه لأنه حس ان الوضع مش مريح واول مشافها بتبصله وبتضحك قال بخضه :انتي بتعملي ايه مش انا قولتلك عايز انام!

سيلين قربت منه وقالت برفض:اريد الخروووج يا ابن اخت ماهر؟

حمزه حط المخده علي وشه بغيظ وقال:لا بقولك ايه انا مبحبش شغل الاجانب دا انا اتعرضت لصدمه عصبيه وفكريه ومحتاج ارتاح علشان أعرف اتخطي اللي حصلي ؟

سيلين قربت منه اكتر وشالت المخده من علي وشه وقالت بدلع: واذا اخبرتك ان تأتي معي من أجلي…رمشت ثلاث رمشات ببطء وكملت كلامها وقالت:ارجوووك!

حمزه بص في عينيها بتوهان وهز راسه بالموافقه وقال : بعد اللي عملتيه دا ابق غبي لو رفضت ..موافق طبعا؟

سيلين ابتسمت وطبعت قبله سريعه  

علي خده ووقفت وهيا بتقول بحماس: حسنا سأذهب لتغير ملابسي وسأنتظرك في الأسفل.

حمزه هز راسه بالموافقه وهيا خرجت من اوضه وسابته  قاعد مصدوم ومش قادر يتحرك؟

_________

وفي ايطاليا ردت السكرتيره الخاصه بالرئيس في الشركة الايطاليه علي الاتصال اللي جالها من شركة ديسكاشيال وقالت بالانجليزي:مرحبا من معي؟

ردت عليها احلام بالإنجليزي وقالت:أنا احلام مديرة مكتب مستر ياسر غنيم رئيس شركة ديسكاشيال للحديد والصلب.

البنت الايطاليه :مرحبا بكي احلام اخبريني ما الأمر؟

احلام:يريد مستر ياسر ان يمضي العقود اليوم لكي يبدأ في تجهيز الشحنه لكم؟

البنت هزت راسها وقالت:اخبري مستر ياسر بان المدير التنفيذي سيأتي اليوم الي مصر وسوف يأتي اللي شركتكم لمضي العقود..

احلام هزت راسها بالموافقه وقالت:حسنا سأخبره  شكرا لكي ..

البنت قفلت معاها المكالمه واحلام رجعت بضهرها للكرسي وهيا بتفكر في كل الكلام اللي قاله ياسر بخصوص انه اخد الشحنه من ماهر .،

ومكنتش مستوعبه ان ماهر هيسكت علي حاجه زي كده بسهوله فحست بتوتر شديد وهيا بتاخد نفس طويل لان الوضع مش مريح …!

____________

في قصر الصياد .

جهزت سيلين واتجهت لغرفه حمزه واللي كان بيغير هدومه و بيلبس التيشرت فتحت الباب واول مشافت عضلات جسمه وقفت مزهوله..

حمزه اتفزع من دخولها لغرفته بالشكل دا فبصلها وقال:هو انتي يا بنتي متعرفيش حاجه اسمها تستأذني قبل ما تدخلي؟

سيلين قربت منه وهيا مبتسمه وكانت عينيها علي شكل جسمه اللي مش لايق علي سنه ابدا؟

حمزه قال بتوتر:سيلين انتي بتقربي كده ليه عيب تبصيلي كده هقول لخالي؟

ضحكت سيلين وحطت ايديها علي كتفه وقالت باعجاب شديد: حمزه اخبرني كم عمرك .

حمزه بلع ريقه وقال:ليه بتسألي..

حركت سيلين ايديها علي صدره وقال:أتساءل  لكي افكر في الامر؟

حمزه حس من كلامها انها مش ناويه علي خير فبعد عنها بسرعه وقال:لسا صغير وبعدين هو مش انتي مرتبطه بخالي ماهر؟

سيلين هزت راسها وقالت:لا اعلم كيف تكون علاقتي بخالك ولاكن انا كنت اتسائل فقط لماذا انت خائف..

حمزه هز راسه ولبس التيشيرت بسرعه وبص عليها وقال:انا خلاص جهزت يلا بينا عاوزه تروحي فين؟

سيلين قربت منه وقالت:ملهي ليلي؟

حمزه بصلها بعيون مفتوحه وقال:علي الصبح كده .

سيلين هزت راسها وقالت:هل يوجد ملهي ليلي يعمل الان!

حمزه حرك راسه بالرفض وقال:لا طبعا مفيش شوفي حاجه تانيه..

سيلين هزت راسها وقالت:حسنا حمزه سنذهب الي المول اريد شراء بعد الأشياء !

حمزه  وافق وقال:طيب استنيني تحت وانا نازل وراكي؟

سيلين بصتله باستغراب وهوا شاورلها علي وشه وقال:هلبس ماسك وهظبط الدنيا كده علشان العلامات دي متبانش.

حركت راسها بتفهم وخرجت من الاوضه وهوا بص علي الباب بضيق وقال:دا انتي ملزقه بشكل؟

____________

بعد مرور وقت،، 

وصل حمزه وسيلين للمول ….خرجوا الاتنين من عربيه حمزه واتجهوا للداخل ..بدات سيلين تدخل محلات تشتري منها لبس وحمزه كان بيحاسب عليهم وبدات تدخل من محل للتاني وهوا ماشي وراها وشايل الشنط بدالها ..

حمزه قال بتعب:كفايه كده ايدي وجعتني هو انتي جايبه كل الحجات دي لمين..

سيلين شاورت علي مطعم وقالت:هل تريد ان تتناول الباستا؟

حمزه هز راسه بجوع وقال:دا لو سيادتك موافقه فانا طبعا موافق..

سيلين اتحركت في اتجاه المطعم وهيا مبتسمه وهوا قرب منها بسرعه وقال:استني تعالي هنا امسكي كده ..

حط في ايديها كل الشنط وقال:ادخلي بق ورايا ..

سيلين بصتله بدهشه وهوا دخل للمطعم وقال:اتفضلي يا بيبي!

دخلت سيلين وحطت كل الشنط علي الكرسي جمبها والباقي علي الارض وقالت:انهم ثقال جدا كيف كنت تحملهم؟

حمزه كان بيبص للمنيو ومش مركز معاها لحدما لقي الاكل المناسب ليه وشاور للشاب اللي واقف وقال:لو سمحت.

الشاب قرب منه وعلي وشه ابتسامه  وقال:تحت أمرك يا فندم؟

سيلين بصت للشاب باعجاب لانه وسيم وقالت: من فضلك اريد باستا سي فود !

الشاب بص لجسمها بصه سريعه وهز راسه بالموافقه وبص لحمزه وقال :وحضرتك يا فندم!

حمزه كان ملاحظ نظرات الشاب الجريئة لسيلين فاتضايق وقال:لا مش عاوز حاجه انا اكلت خلاص..

الشاب هز راسه وقال:تمام يا فندم زي ما تحب؟

الشاب اتحرك من قدامهم وسيلين بصت لحمزه وقالت :ما بك حمزه لماذا رفضت طلب الطعام؟

حمزه بصلها وقال بغيظ:مفيش حاجه وبعدين في ايه يا سيلين هو انتي مفيش اي حد مالي عينك كده انا قاعد معاكي!

سيلين ضمت حاجبها بعدم فهم وهوا قال:خلاص متركزيش المهم انتي هتعملي ايه تاني؟

سيلين بصت للشنط اللي جابتها وقالت برضا:سأكتفي بهذا اليوم؟

حمزه هز راسه وقال:طيب الحمد لله اسيبك انا بق؟

سيلين :الي اين تذهب؟

حمزه قال بغيظ منها:الحمام يا سيلين هروح الحمام؟

سلين ابتسمت علي رد فعله التلقائي وهزت راسها وهوا مشي من قدامها وهوا متضايق منها؟

دخل حمزه للحمام بتاع المطعم من غير ما يبص علي الباب وكان المكان فاضي ..دخل في حمام من الصغيرين وبعد دقايق بدأ يسمع اصوات بنات في المكان وكانوا بيضحكوا ..

حمزه حط ايديه علي وشه بصدمه وهمس  وقال:هو انا دخلت حمام ايه؟

البنات اللي في المكان في بنت منهم خبطت علي الباب اللي حمزه موجود فيه وقالت بتساؤل:في حد هنا؟

حمزه هز راسه ومتكلمش فالبنت خبطت تاني وهوا قرر يعمل اي صوت علشان تعرف ان المكان مشغول فخبط علي الباب هو كمان فالبنت قالت :تمام لو سمحتي ممكن تخرجي بسرعه علشان كل الاماكن التانيه مشغوله !

البنت التانيه قالت: هو انتي هتدخلي مش احنا اتفقنا هنعدل الميكب علشان ماما مستناينا وكده هنتأخر؟ 

البنت التانيه هزت راسها بالموافقه  وبصت للباب اللي حمزه فيه وشاورت علي وشها انها هتعدل الميكب بتاعها فالبنت التانيه فهمتها وهزت راسها…..

حمزه اخد نفس براحه لما حس انهم خرجوا لان اصواتهم احتفت  وقرر يفتح الباب ولاكنه اتصدم لما لقاهم لسا واقفين؟

البنات كانوا بيعدلوا الميك اب بتاعهم ولسا هيخرجوا اتصدموا لما شافوه  واقف قدامهم !

بنت منهم صرخت وهوا من الصدمه صرخ زيها؟؟ 

اصحاب المكان جريوا علي الصريخ واول ماشافوه مسكوه والبنت قالت بخوف :متحر””ش امسكوه ..

حمزه حس انه مش عارف يحرك جسمه من الصدمة اللي اتعرضلها.. وقف بيبص للبنات والشباب اللي بيقربوا منه ويحرك راسه  بخوف؟

سيلين كانت سمعت صوت الصراخ ووقفت وهيا بتقول لشاب من اللي في المكان :ما هذا الصوت؟

الشاب قال :تقريبا كدا في  واحد دخل حمام البنات وشكله كده متح”رش..سيلين ضمت حاجبها بتقز”ز والشاب اتحرك من قدامها وهيا قعدت تستني حمزه يرجع ولاكن بعد وقت حمزه مجاش فوقفت وهيا بتقرب من الحمام وبتدور عليه بعينها ملقتوش ولاكنها سمعت صوته جاي من بعيد وهوا بيحاول يفهم الناس انه دخل حمام البنات  بالغلط ..

سيلين قربت من الصوت واول مشافته  وفي شباب ماسكينه من هدومه قالت بقلق :حمزه ماذا تفعل هنا؟

حمزه بصلها وقال بلهفه :تعالي يا سيلين فهميهم اني مش متحر”ش!

سيلين قربت منهم وهيا بتقول:ابتعدوا انه متح”رش..

حمزه بصلها بصدمه وقال: انتي بتقولي ايه يخربيتك بقولك مش متحر”ش؟

سيلين هزت راسها وقالت:حمزه ابن اخت ماهر ليس متح”رش؟

الشباب بصوا عليها بإعجاب لان لبسها قصير وملفت وحمزه بعد عنهم وقال:سمعتوا اهي بتقول اني مش..بص علي الشباب لقاهم بيبصوا لسيلين ومش منتبهين لكلامه وهيا عماله تبتسم ليهم وكانها مش منتبه للي بيحصله ..

قرب منها وقال:دول شكلهم مجانين يا سيلين تعالي نخرج من المطعم دا؟

واحد من الشاب مسك حمزه وقال بغضب :استني هنا هو انت فاكر ان دخول الحمام زي خروجه ولا ايه؟

حمزه اتعصب ونزل ايد الشاب بغضب وقال:نزل ايدك انت مش عارف انا ابق مين ولا ايه ؟

الشاب بص لوش حمزه المتبهدل وقال بتهديد:لا معرفش هو مين حضرتك؟

حمزه قال برفع حاجب  :انا حمزه؟

الشاب ضربه علي كتفه بتهديد وقال:طيب اهلا يا حمزه؟

حمزه اتصدم من رد فعل الشاب والمره دي زقه بغضب وقال: انا هوديك في داهيه انت فاكر اني هسكتلك؟

الشاب وقف وهو بيقول:هتعمل ايه ياعني انا اللي هوديك في داهيه يا مت"حرش؟

حمزه بص لسيلين وقال بجديه :اطلعي انتي استنيني بره اما اشوف الوحش دا ماله كده علي الصبح؟

الشاب بصله بتحدي وسيلين خرجت وحمزه قرب منه وقال:قولي بق كنت بتقول ايه؟ حمزه قرب منه علشان يضربه ولاكن الشاب كان ضربه بقوه لدرجه ان حمزه وقع علي الأرض أغمي عليه؟

_____________

في شركة ديسكاشيال..

كانت احلام بتتصل علي شركة المأمون علشان تاخد منهم ميعاد لياسر وبعدما انهت المكالمه لقت اتصال من رقم غير مسجل ردت عليه باستغراب واول ما سمعت الصوت كان :استاذه أحلام محمد السباعي معايا؟

احلام هزت راسها بالايجاب والشاب قال:حضرتك لازم تيجي المستشفي حالا؟

احلام بخضه:خير هو حصل حاجه؟

الشاب هز راسه وقال:اييوا يا فندم لما حضرتك تيجي هتعرفي؟

احلام هزت راسها وقفلت معاه المكالمه وهيا حاسه بقلبها بيدق جامد فقربت من مكتب ياسر وخبطت علي الباب بسرعه واول ما سمحلها بالدخول قالت: مستر ياسر انا بستأذن من حضرتك هخرج ساعه وهرجع تاني ؟

ياسر بصلها باستغراب وقال:خير يا احلام في حاجه حصلت ولا ايه؟

احلام هزت راسها وقالت:لا با فندم خير متقلقش بس هوا موضوع خاص بيا  حضرتك وصدقني مش هتاخر هيا ساعه واحده بس ؟

ياسر هز راسه بالموافقه وقال:تماما يا احلام بس انتي عملتي اللي طلبته منك؟

احلام هزت راسها وقالت:ايوا يا فندم وانا كنت بكلم دلوقت مديرة مكتب مدير شركة المأمون والميعاد كمان ساعه يا فندم.

ياسر هز راسه بالايجاب وهيا استأذنت منه وخرجت بسرعه وهيا حاطه ايديها علي قلبها وبتقول:استر يا رب؟

وفي المطعم اللي موجودين  فيه سيلين وحمزه .

دخلت سيلين بخضه اول ما سمعت صوت ضربه قويه .. بصت للمكان لقت حمزه واقع علي الارض ومش بيتحرك والشاب مقرب منه وعلي وشه الخوف وبيحاول يصحيه..

صرخت سيلين وبسبب صوتها العالي اتقلب المكان وكل اللي في المطعم راحوا يشوفوا ايه اللي حصل؟

سيلين قربت من حمزه وهيا بتقول:هل قمت بقت"له اخبرني ماذا فعلت به يا غبي هل تعلم من يكون؟

الشاب كان خايف ليكون قت*له فبدأ جسمه يرتعش وهيا ضربته علي جسمه بقوه وقالت:اسعاف اتصل بالإسعاف دعنا ننقذه؟

مدير المطعم وصل علي صوتها واتصدم اول ما شاف الوضع قال :ايه اللي بيحصل هنا؟

سيلت بصتله وقالا:اسعاف انقذوا حمزه ..

المدير بص للشاب اللي خايف وقال:انت هببت ايه؟

الشاب هز راسه بخوف وسكت… المدير قال وهو بيشاور علي شاب من اللي شغالين:شيلوه وهاتوه في عربيتي بسرعه ؟

سيلين كانت بتعيط والشباب قربوا منهم  و شالوا حمزه واتحركوا بيه لخارج المول… 

وفي شركة الصياد..

تيلفون ماهر رن وكانت اللي بتتصل سيلين واول ما رد عليها ماهر اتكلمت بالإنجليزي بسبب صدمتها.

ماهر قال بتساؤل :خير يا سيلين علي الصبح ؟

سيلين قالت بعياط: ..ماهر..حمزه فاقد الوعي

  ونحن ذاهبون الي  المستشفي الآن!

ماهر اول ماسمع كلامها وقف بصدمه وهوا بيقول:بتقولي ايه حمزه ماله؟

سيلين عادت كلامها مره تانيه وقالت:نحن ذاهبون الي المستشفي لقد تشاجر مع احدهم وفقد وعيه بالكامل!

ماهر صرخ فيها وقال:مستشفي ايه..

سيلين بصت حواليها وقالت لشاب من اللي معاها ف يالعربيه:ما اسم المستشفي؟

الشاب قال اسم المستشفي بصوت عالي واول ما ماهر سمع الاسم  قفل التيلفون بسرعه وخرج من مكتبه بجنون لدرجة ان الموظفين كانوا مندهشين من سرعته في الجري وبدا الكل يبص لبعضه وعلي ملامحهم القلق  الشديد لان دي اول مره يشوفوا مديرهم في الحاله دي.

خرج ماهر من الشركه وركب عربيته واتحرك للمستفي وعلي ملامح وشه القلق والغضب..

قلقان علي حمزه وقلبه مليان غضب علي اللي ضرب حمزه؟

وفي المستشفي وصلت عربية مدير المطعم وخرج منها حمزه وهما شايلينه الشباب اللي شغاليين واول ماشافوهم قسم  الطوارئ اتحركوا وهما بينقلوه علي الترولي؟

دخلوا بيه لغرفة الحالات الطارئة وبدأ الدكتور يكشف عليه ..

وبعد مرور دقايق وصل ماهر قدام باب المستشفي خرج من عربيته وهو بيجري في اتجاه قسم الطوارئ بلهفه .. كانت سلين خارجه مع الدكتور اللي بطمنها علي حمزه وبيقول بالانجليزي:لا تقلقي لقد فقد وعيه وهو الآن بخير؟

خبط فيهم ماهر وهوا داخل لغرفة الطوارئ واول ما سيلين انتبهت لوجوده سابت الدكتور ودخلت وراه.. كان حمزه لسا نايم بسبب الحقنه اللي اخدها واول مشافه ماهر دموعه نزلت ومسك ايديه وهو بيقول:صدقني المره دي مش هسيب حقك بس انت تقوم بالسلامه؟

سيلين قربت منه وقالت:ماهر ؟

ماهر بص عليها وهوا بيمسح دموعه بسرعه وقال.ايه اللي حصل وانتو كنتوا فين ؟

سيلين خافت من شكل ماهر فبعدت عنه وقالت:ذهبنا الي المول لكي نشتري الاغراض ولقد تشاجر مع احدهم و….! 

ماهر خبط بإيديه علي الحيطه جامد بغضب لدرجه ان المرضي اللي في المكان صحيوا علي صوته وهوا بيقول:اسكتي؟

سيلين حطت ايديها علي بوقها بصدمه وهو بص لحمزه وحط ايديه علي شعره وغمض عينيه بآلم.. وصل الدكتور علي صوت ماهر واول مشافه قال بدهشه :ماهر باشا؟

وقف ماهر وبص للدكتور وقال:هو عامل ايه دلوقت يا دكتور طمني عليه؟

الدكتور بص لحمزه وقال:متقلقش يا فندم هوا بخير دلوقت هو بس فقد وعيه بسبب قوة الضربه اللي اخدها ؟

ماهر ضغط علي ايديه بعصبيه وبص لسيلين وقال:مين الحيوان اللي ضربه ؟

سيلين بصت حواليها وقالت:الشاب الذي يعمل في المطعم..

ماهر هز راسه وكان هيخرج ولاكن وقف لما ايد مسكته بص وراه لقي حمزه صحي وباصص عليه ..

ماهر قرب منه وقال بلهفة:انت كويس؟

حمزه ابتسم علي خوف ماهر عليه وهز رايه وقال:انا بخير بي انت رايح فين ..

ماهر حضنه بحب كبير وقال:الحمد لله انك بخير.

الدكتور كان واقف يبص عليهم وساكت لحدما فجأة دخلت عليهم ممرضه وقالت:دكتور الحقنا بسرعه..

الدكتور بص عليها وقال:في ايه..

البنت قالت بقلق وقالت:في حاله حرجة في قسم العناية المركزه!

الدكتور خرج بسرعه  وكانت علامات  القلق علي وشه وكل الدكاتره اللي في المستشفي 

بدأو يتحركوا علي نفس الغرفه اللي البنت ذكرتها ..

كان كل المرضي اللي موجودين بيبصوا علي شكل الممرضين والدكاتره اللي بيجروا وهما مش فاهمين ايه اللي بيحصل..

حمزه بص لماهر وقال بفضول:هو ايه اللي بيحصل يا خالي!

ماهر حرك راسه بعدم علم وحمزه وقف وهو بيقول:شكل في حاجه  كبيره حصلت علشان كده كلهم بيجروا؟

ماهر مسك ايد حمزه علشان يمنعه وقال:رايح فين اقعد ارتاح!

حمزه هز راسه وقال: عايز اعرف بيجروا ليه ؟

ماهر شاله ورجعه علي السرير وقال:هتعرف لما اي حد يرجع ابق اسأله وبعدين انت في ايه ولا في ايه قولي مين اللي عمل فيك كده؟

حمزه بص لماهر باستغراب وقال:من امتي وانت بتهتم.

ماهر ضربه بخفه علي بطنه وقال:اتكلم بدل ما اخلص انا عليك..

حمزه هز راسه وقال:مفيش  دا سوء تفاهم وخلاص خلص .. ماهر هز راسه بضيق وقال:حمزه انا مش بسألك دا كان ايه انا بقولك مين اللي ضربك؟

حمزه افتكر الشاب اللي ضربه وبص لماهر واول ما لاحظ انه ضاغط علي اعصابه قال برفض:مفيش يا خالي انا اللي بدات المره دي وبعدين الشاب ملوش ذنب انا اللي كنت غلطان..

ماهر هز راسه بعدم اقتناع وحمزه قال علشان يغير الموضوع:  صحيح يا خالي  انت عرفت اللي حصل ازاي!

ماهر بص علي سيلين اللي واقفه وباصه في الارض ورجع بص لحمزه ورفع حاجبه وقال:اللي حصل دا مش هيعدي بالساهل علشان تبق عارف..

حمزه تجاهل تهديده وبص للممرضه اللي دخلت عليهم الغرفه وقال:لو سمحتي هو ايه اللي بيحصل في المستشفي اصل كل الدكاتره جريوا فجأه كده..

الممرضه بصت لحمزه وقالت بحزن: دا مريض كان في غيبوبه من ٨ سنين وفاق النهارده..

حمزه ابتسم وقال:بس دا خبر حلو ليه حضرتك حزينه وانتي بتقوليها..

الممرضه هزت راسها وقالت:حلو في ايه بس يا استاذ دا يعيني  الراجل فاق من هنا ودخل العمليات من هنا ربنا مع بنته اصل تكاليف العمليه اللي هيعملها دي صعبه اوي..

حمزه رفع حاجبه بدهشه والممرضه قربت منه وقالت: خليني اطمن عليك ..

ماهر بعد خطوه علشان يسمحلها تطمن علي حمزه وهيا اول ما خلصت كشف عليه قالت:انت بقيت كويس تقدر تخرج عادي ؟

حمزه هز راسه بالموافقه وماهر بصله وقال:خلينا نمشي علشان مبحبش جو المستشفيات دا؟

حمزه حرك راسها بالموافقه وقام وبص لسيلين وقال:يلا يا سيلين هنمشي..

سيلين هزت راسها ومشيت جمبهم واول ما خرجوا حمزه انتبه للبنت اللي بتجري بسرعه وهيا بتعيط بهستريه واول ما دقق في ملامحه شهق وقال بصدمة:أحلام؟

يتبع بقلمي شيماء صبحي..

الممرضه بصت لحمزه وقالت بحزن: دا مريض كان في غيبوبه من ٨ سنين وفاق النهارده..

حمزه ابتسم وقال:بس دا خبر حلو ليه حضرتك حزينه وانتي بتقوليها..

الممرضه هزت راسها وقالت:حلو في ايه بس يا استاذ دا يعيني  الراجل فاق من هنا ودخل العمليات من هنا ربنا يسترها مع بنته اصل تكاليف العمليه دي صعبه اوي..

حمزه رفع حاجبه بدهشه  والممرضه قربت منه وقالت: خليني اطمن عليك ..

ماهر بعد خطوه علشان يسمحلها تطمن علي حمزه وهيا اول ما خلصت كشف عليه قالت:انت بقيت كويس تقدر تخرج عادي ؟

حمزه هز راسه بالموافقه وماهر بصله وقال:خلينا نمشي علشان مبحبش جو المستشفيات دا؟

حمزه حرك راسها بالموافقه وقام وبص لسيلين وقال:يلا يا سيلين هنمشي..

سيلين هزت راسها ومشيت جمبهم واول ما خرجوا حمزه انتبه للبنت اللي بتجري بسرعه وهيا بتعيط بهستريه واول ما دقق في ملامحه شهق وقال بصدمة:أحلام؟

ماهر بص علي المكان اللي حمزه بيبص عليه وقال:احلام مين؟

حمزه بص لماهر وقال:انا متاكد انها احلام دي شكلها بتعيط جامد انا هروح اشوفها؟

ماهر مسكه من ايديه علشان يمنعه وقال:استني انت رايح فين انت لازم تروح علشان ترتاح مش واخد بالك من اللي وصلتله دا انتي معدش فيك حته سليمه؟

حمزه بص علي المكان اللي دخلت فيه احلام وقال:بس يا خالي دي ساعدتني واكيد محتاج مساعده انا متاكد انها كانت بتعيط.

ماهر رفع حاجبه وقال:ساعدتك امتي دي وفين!

حمزه بصله وقال بضيق:امبارح يا خالي لما فضلت في الشارع من غير فلوس وتيلفون هيا جت ساعدتني ووصلتني القصر ..

ماهر قال باستغراب:ليه ايه اللي حصلك وفلوسك وتيلفونك راحوا فين؟

حمزه بعد عنه وقال:اسال نفسك يا خالي ما انت لو مكنتش سبتني وقتها مكنتش كل دا حصلي..

ماهر ساب ايديه وقال:يعني هتعمل ايه دلوقت هتيجي معايا ولا هتروح مع اللي ساعدتك دي؟

حمزه مسك ايديه وقال:لا هروح اشوف اللي ساعدتني وانت هتيجي معايا ..

ماهر بصله وقال:انت شكل الخبطه اللي اخدتها فقدتلك الجزء اللي باقي من عقلك!

حمزه تجاهل كلامه وبص لسيلين وقال :سيلين استنينا هنا لحدما نرجعلك ..

سيلين هزت راسها وقعدت علي كرسي الاستراحه وحمزه مسك ايد ماهر وقال:انت ليك معارفك هنا وممكن تساعدها اكتر مني..

ماهر بصله بضيق وقال:علي فكره انا كده هزود عقابك..

حمزه كان بيدور علي احلام في كل مكان لحدما شافها قاعده بتعيط قدام غرفة العمليات ..

حمزه شاور عليها وقال:هي دي احلام اللي قاعده هناك..

ماهر بص علي البنت اللي بيشاور عليها وحس انه شافها قبل كده قال بتساؤل وهو بضم عينيه:انا شوفتها فين قبل كده!

حمزه بصله وقال:احلام دي نفس البنت اللي كنت بتخانق معاها في السوبر ماركت امبارح  بس علي فكره دي طلعت جدعه اوي واحسن من واحد كده اعرفه..

ماهر فهم انه يقصده فقرب منه وعلي ملامح وشه الانزعاج وحمزه قال بهدوء:خالي ممكن تيجي معايا نشوف مالها!

ماهر بص عليها ورجع بصله وقال برفض:لا روح لواحدك هيا ساعدتك انت ولا ساعدتني انا..

حمزه اتغاظ من كلام خاله فقال بضيق:طيب شكرا يا خالي انا هروح اشوف مالها؟

ماهر سابهم واتجه لمكتب الاستقبال علشان يدفع تكاليف الكشف بتاع حمزه وهو واقف قدام البنت قال:اتفضلي لو سمحتي حساب الكشف..

البنت هزت راسها وقالت :حضرتك قريب المريض اللي وصل فاقد الوعي؟

ماهر هز راسه بالايجاب وقال:ايوا انا؟

البنت اخدت بصتله وقالت:الشخص اللي جابه دفع الحساب يا فندم ..

ماهر هز راسه وكان هيمشي ولاكنه وقف لما سمع  البنت زميلتها اللي قالت: المدير بيقولك ادي الورقه دي للأنسه احلام محمد السباعي !!

 ماهر اول ما سمع الاسم وقف وهو بيبص ليهم بتركيز؟

البنت قالت بحزن:والله البنت دي صعبانه عليا دي بقالها اكتر من ٨ سنين بتدفع تكاليف المستشفي لوحدها تفتكري هتعرف توفر حق العمليه فعلا؟

ماهر بص للبنتين وقال بتساؤل:لو سمحتي يا انسه هي احلام اللي بتتكلمي عليها دي والدها مريض هنا..

البنتين بصوله وهزوا راسهم ..

ماهر قال :ماله والدها عنده ايه؟

واحده فيهم قالت:انا اسفه يا فندم بس دي معلومات تخص اهل المريض بس.

ماهر هز راسه وقال:انا بس عاوز اعرف اسم المريض واسم زوجته اظن دي حاجه عاديه ؟

البنت هزت راسها وقالت ايوا يا فندم بس هو انت تقرب ليهم!

ماهر هز راسه وقال:لو عرفت اسم المريض وزوجته احتمال اتاكد اذا كنت اقربلهم ولا لأ لاني اعرف شخص بنفس الاسم فعايز اتاكد اذا كان هوا ولا لأ؟ 

البنت هزت راسها وقالت:المريض اسمه محمد منصور السباعي وزوجته فادية علاء الدين .

ماهر مكنش مصدق اللي سامعه فركز في اسم البنت وهيا بتقول اسم بنت المريض وهيا قالت:عنده بنتين الكبيره اسمها مريم محمد السباعي والبنت الصغيره احلام محمد السباعي…

ماهر بص للبنت وهيا قالت:حضرتك تعرفهم؟

ماهر هز راسه بدهشه وقال:ايوا ؟

البنت ابتسمت وقالت:تحب تعرف حضرتك تفاصيل اكترعن المريض !

ماهر هز راسه وقال:انا سمعت انه عاوز عمليه وتكاليفها صعبه ممكن اعرف المبلغ المطلوب كام؟

البنت بصت لصديقتها ورجعت بصتله وقالت:العمليه دي بتحتاج حقن بتيجي من برا مصر وتكاليف الحقن دي ٥ مليون جنيه مصري !

_______

قرب حمزه من احلام اللي كانت بتعيط وحاطه ايديها علي وشها ..حط ايديه علي كتفها وقال:أحلام؟

رفعت احلام وشها ومسحت دموعها علشان تعرف تشوف ملامحه واول ما شافته بوضوح وقفت وهيا بتقول بصدمة :حمزه؟

حمزه بص لغرفة العمليات بحزن وقال:هو انتي واقفه هنا ليه وبتعيطي ليه  بالشكل دا ؟

احلام اخدت نفسها بصعوبه وقالت:مفيش يا حمزه انا كويسه ..ضمت حاجبهع وهيا بتبصله بتفحص وبتقول : انتي ايه اللي جابك هنا؟

حمزه شاور علي المكان اللي جه منه وقال:كنت هنا بكشف وشوفتك وانتي بتجري بسرعه وبتعيطي فقلقت يكون حصل معاكي حاجه؟

احلام بصت للارض بحزن وسكتت وهوا قرب من ايديها ومسكها بلطف وقال:انا معاكي يا احلام وهقف جمبك علشان انتي الوحيده اللي وقفتي جمبي فلازم اردلك الجميل!

احلام مقدرتش تقاوم دموعها لان دي اول مره حد يقولها الكلام دا فقعدت علي الكرسي وشاورتله يقعد وهوا كان بيبص عليها ودموعه متجمعه في عينيه حاسس انها  بتتألم جامد ؟

احلام فضلت تعيط لحدما حاولت انها تهدي شويه علشان تقدر تتكلم فبصتله وقالت:والدي جوا في غرفة العمليات لسا فايق من غيبويه دامت ل٨ سنين وهوا دلوقت محتاج…؟

مقدرتش تكمل كلامها بسبب انها مش عارفه تقوله ايه في الاول وفي الاخر حمزه ابن اخت ماهر يعني لو قالتله انها محتاجه فلوس ممكن يطلب من خاله وهيا مش هتسمح انها تتحط في الموقف دا قدامهم؟

حمزه كان باصص عليها بتركيز وهيا اخدت نفس طويل وقالت:ان شاء الله هيكون بخير؟

حمزه ابتسم وهوا بيطبط عليها وبيقول:ان شاء الله يا احلام متقلقيش هيقوم بالسلامه..

احلام غمضت عينيها و ضغطت جامد علي ايديها وهوا وقف وقال:محدش طمنك عليه لحد دلوقت؟

احلام هزت راسها بالرفض وهو بص حواليه علشان ينادي لاي دكتور ولاكنه ملقاش حد ..

رجع قعد جمبها وهيا كانت بتحاول تسيطر علي حزنها وهوا كان بيدعي ان والدها يقوم بالسلامه..

عدي علي وجود حمزه واحلام قدام غرفة العمليات ساعه كامله ..احلام بصت لحمزه وقالت:حمزه روح انت علشان شكل قدامهم كتير علي ما  يخرجوا وانت باين عليك انك محتاج ترتاح!

حمزه هز راسه بالرفض وقال:لا انا هفضل جمبك لحدما نطمن عليه مع بعض ..احلام هزت راسها ورجعت بصت للارض وهوا كان بيبص عليها واول ما افتكر كلام الممرضه عن والدها وانه محتاج عمليه وفلوسها كتير فقال بتساؤل :صحيح يا احلام هيا العمليه دي تكاليفها كام؟

احلام استغربت سؤاله فقالت :دي عمليه مؤقته من غير فلوس ؟

حمزه قال باستغراب:يعني ايه مؤقته ؟

احلام بصتله بحزن وقالت:يعني بيحاولوا يعالجوا الورم اللي في الدماغ مؤقتا لحد ميعاد العمليه الرئيسية!

حمزه هز راسه بتفهم وقال:تمام يبق العمليه الرئيسيه دي محتاجه فلوس كام؟

احلام اتوترت من سؤاله تاني و فقالت :مش كتير اوي ان شاء الله!

حمزه هز راسه وقال:طيب انا هستأذنك اروح الحمام وارجع؟

احلام هزت راسها وهوا اتحرك من جمبها واتجه لقسم الاستقبال وقال:لو سمحتي كنت عاوز اعرف تكاليف عملية والد احلام كام؟

البنت بصتله وقالت برفع حاجب:حضرتك بتسأل ليه ؟

حمزه قال باهتمام:هدفع الفلوس..

البنت ابتسمت علي كلامه وقالت:لا الفلوس اتدفعت خلاص؟

حمزه بصلها وقال بدهشه:بجد مين اللي دفعها ؟

البنت افتكرت كلام ماهر ليها وانه هيدفع الفلوس مقابل انها متعرفش هويته لا اي حد حتي احلام ..

فبصتله وقالت:دي معلومات سريه مينفعش اقول لاي حد عليها؟

ضرب حمزه بايديه قدام مكتبها بغيظ وسابها ومشي وكان بيدور علي خاله وسيلين اللي فجاه اختفوا .. طلع تيلفونه واتصل علي ماهر واول ما رد عليه قال بغيظ:انت فين يا خالي؟

ماهر قال وهو بيعدل جسمه علي السرير براحه:انا في القصر ايه حصل حاجه ولا ايه في حد ضربك تاني؟

حمزه اتغاظ من كلامه وقال برفض:لا محدش ضربتي بس انت ازاي تسيبني تاني وتمشي؟

ماهر اخد نفس طويل وقال:منعم السواق بتاعي مستنيك تحت ومتخافش دا معاه الحزام الاسود هيعرف يدافع عنك كويس..

حمزه أتضايق من كلام ماهر فقفل التيلفون وبص حواليه لحدما افتكر احلام ورجع ليها تاني ..

_________

في الشركة اللي شغاله فيها احلام رجع ياسر من الاجتماع اللي كان في شركة المأمون وعلي وشه ابتسامه لانه اخيرا حل مشكلة التصدير .. قرب من مكتب احلام علشان يبلغها تحضر معاه اجتماع تاني فاستغرب انها مش موجوده..

دخل مكتبه بص فيه لقاها مش موجوده برضوا طلع تيلفونه واتصل علي رقمها وكانت مشغول..

بدأ يحس ان في حاجه مش مظبوطه فاتصل عليها تاني وكان رقمها اتقفل خالص.. بص لتيلفونه بصدمه وقال:يا تري ايه اللي بيحصل معاكي يا احلام..

_________

في المستشفي خرج الدكتور من غرفة العمليات واحلام اول ماشافته قالت بلهفه:طمني يا دكتور بابا عامل ايه؟

الدكتور حرك راسه بحزن وقال:للاسف الوضع مش كويس لازم يعمل العمليه ضروري الورم بيكبر في الدماغ كل ما بنأجل  العمليه؟

احلام حست ان قلبها اتقسم نصين من كلام الدكتور فهزت راسها بدموع وقالت:انا هتصرف يا دكتور بس ارجوك اعمل اي حاجه علشان يعيش انا مليش غيرو؟

الدكتور هز راسه وقال : يا بنتي والله  انا بعمل اللي اقدر عليه والباقي علي ربنا ..ربنا معاكي..

احلام هزت راسها وقالت:طيب هوا هيفضل في الغرفه دي لحد امتي يا دكتور؟

الدكتور:هوا دلوقت تحت المراقبه بس انا اللي عايزه اقوله انه هيقدر يستحمل لحد اسبوع علي الاقل لان لو اتاخرنا اكتر من كده ممكن الوضع يسوء اكتر ووقتها مش هنقدر نعمل اي حاجه وحتي الحقن مش هتجيب نتيجه ..

احلام هزت راسها بتفهم والدكتور اتحرك من قدامها وهيا خرجت من المكان واتجهت لقسم الاستقبال وقالت:ممكن حضرتك تجيبيلي الوصل اللي هحول عليه الفلوس؟

البنت اللي في مكتب الاستقبال ابتسمت وهيا بتقول:الفلوس اتحولت يا انسه وانا بلغت الاداره والدكتور المسؤول عن حالة والدك وان شاء الله هيعمل العمليه اول ما الحقن توصل مصر بعد يومين؟

احلام وقفت متصنمه مكانها اول ما سمعت كلامها ف قالت بدهشه:بتقولي ايه؟

البنت مسكت ايد احلام وقالت:والله الفلوس اتدفعت وان شاء الله والدك هيكون بخير؟

احلام هزت راسها بالرفض وقالت:مين دفع الفلوس؟

البنت اتوترت من سؤالها وقالت:بصراحه اللي دفع الفلوس رفض يعرفك عن هويته بس بيقولك ان دي حاجه بسيطه قدر يقدمهالك وانه متشكر علي اللي عملتيه معاه؟

احلام اول ما سمعت كلام البنت اول واحد جه في دماغها هوا حمزه جريت بسرعه لخارج المستشفي وهيا بتدور عليه مسكت تيلفونها وهيا بتتصل علي رقمه وعيونها متغرقه دموع؟؟

_____

 حمزه كان رجع لغرفه العمليات تاني واول ما شاف المكان فاضي واحلام مش موجوده خرج يدور عليها ..جاله اتصال من رقم غريب فاول ما فتح المكالمه سمع صوت احلام وهيا بتعيط وبتقول:ليه عملت كده؟

حمزه ضم حاجبه وقال :احلام؟

احلام زادت في العياط وقالت:انت حطتني قدام الامر الواقع انا مش عارفه اعمل ايه قولي يا حمزه ارجعلك الفلوس دي كلها ازاي؟

حمزه كان بيسمع كلامها وهوا مستغرب فقال بتساؤل:هو انتي فين يا احلام انا بدور عليكي؟

احلام بصت حواليها وقالت:انا خرجت من المستشفي؟

حمزه اول ما سمع كلامها جري بسرعه في اتجاه باب الخروج وهيا كانت بتسمع صوت انفاسه السريعه وهوا بيجري لحدما شافته خارج وراها واول ما عيونها جت في عينيه لفت وشها بسرعه؟

حمزه قرب منها وهوا بيحاول ياخد نفسه بهدوء وقال:انتي كويسه؟

احلام هزت راسها بالرفض وقالت:مش عارفه ؟

حمزه قال وهوا بيمدلها ايديه :تعالي نقعد هناك نرتاح..شاورلها علي كرسي للاستراحه وهيا هزت راسها ومشيت معاه!

حمزه بصلها وقال:انتي عارفه يا احلام ان دي  اول مره ليا اساعد حد؟

احلام بصتله وهوا ابتسم وقال:طول عمري وانا بلاقي اللي يساعدني فاظن ان دي فرصتي اني اساعد اي حد وبصراحه انا مبسوط ان الحد دا انتي؟

احلام بصت للارض وقالت: يعني انت فعلا اللي دفعت الفلوس؟

حمزه هز راسه بالرفض وقال:لا بس انا قلبي حاسس ان اللي دفع الفلوس شخص انا عارفه كويس..

احلام بان علي ملامحها التوتر الشديد وقالت:مين ؟

حمزه افتكر ماهر وقال:خالي يا احلام ماهر الصياد؟

يتبع بقلمي شيماء صبحي..

احلام " يعني انت فعلا اللي دفعت الفلوس؟

حمزه هز راسه بالرفض وقال:لا بس انا قلبي حاسس ان اللي دفع الفلوس شخص انا عارفه كويس..

احلام بان علي ملامحها التوتر الشديد وقالت بتساؤل :مين ؟

حمزه افتكر ماهر وقال:خالي يا احلام ماهر الصياد؟

اتصدمت احلام اول ما سمعت كلامه ووقفت بسرعه وقالت باعتراض:ليه هوا انت اللي طلبت منه يعمل كده؟

حمزه حرك راسه بالرفض وقال بتردد:انا مكنتش اعرف انه هيدفع الفلوس بس انا فعلا طلبت منه يساعدك وهو رفض في البدايه بس..

احلام ضمت حاجبها وهيا بتستوعب كلامه فرجعت بصتله وقالت بهدوء:حمزه ممكن تخليني اقابله دلوقت؟

حمزه بصلها لثواني بتفكير وهز راسه بالموافقه وقال:طبعا تحت امرك!! 

احلام هزت راسها بهدوء وقالت:شكرًا يا حمزه..

اتجه احلام وحمزه  لخارج المستشفي واول ما جت تركب عربيتها وقفها حمزه وهو بيمسك ايديها وبيقول برفض : لا انا معايا عربيه خلينا نروح بيها احسن!

احلام بصت حواليها وهو شاور علي عربيه فخمه كان واقف قدامها شاب لابس بدله وباين عليه الرقي  بصتله بصدمه وقالت: انت متاكد ان هي دي العربيه!

حمزه هز راسه وابتسم وهيا هزت راسها بالموافقه واتحركت هيا وحمزه في اتجاه العربيه..

بعد دقايق العربيه اتحركت بيهم وطول الطريق كانت احلام باصه من الشباك وحمزه كانت عينيه عليها ومبتسم… كان مستغرب انجذابه الشديد ليها رغم ان اول مقابله ليهم مكنتش احسن حاجه…السواق كان بيبص علي حمزه وبيبتسم واول ما حمزه انتبه انه مركز معاه لف وشه وبص قدامه بتوتر شديد ..

طلعت احلام تيلفونها اول ما افتكرت ياسر وانها استأذنت منه انها هتخرج  ساعه واحده بس هيا دلوقت اتاخرت وعدي ساعتين ..فتحت تيلفونها علشان تتصل عليه وتبلغه انها مش هتعرف ترجع الشركه النهارده بس لقت ان تيلفونها فصل بصت للسواق وقالت:لو سمحت ممكن تشحن لي التيلفون دا عندك؟

منعم هز راسه بابتسامه وقال:طبعا يا هانم تحت امرك!

ابتسمت احلام بهدوء ومدت ايديها بالتيلفون ومنعم اخده منها ووصله بالشاحن..

حمزه بص عليها بصه اخيره وابتسملها ولاكنها لفت وشها بسرعه ومنتبهتش ليه..

حس بالاحراج ولف وشه وفضل ساكت طول الطريق..

بعد مرور ربع ساعه بلغهم منعم انهم وصلوا للقصر ..انتبهت احلام وهزت راسها ولاكنها اول ما بصت علي القصر قلبها فضل يدق بسرعه كبيره …بصت لحمزه وهوا شاورلها تنزل فهزت راسها ليه بالموافقه وبصت لمنعم وقالت:ممكن تجيب تيلفوني لو سمحت!

هز منعم راسه بالايجاب وادالها تيلفونها وهيا اخدته منه ونزلت من العربيه ..

حمزه اتحرك خطوتين وهيا فضلت تبص علي المكان وكانت حاسه بتوتر شديد بلعت ريقها بصعوبه لان دي المره الاولي اللي هتتكلم مع ماهر بجديه ومتوتره اكتر انه يكون افتكرها  ؟

رجعت اخدت نفس طويل وبصت لحمزه وهزت راسها علشان يدخلوا..حمزه مشي وهيا وراه لحدما دخلوا لجوه القصر..

بص حمزه لواحد من الخدم وقال:بلغ ماهر بيه اني وصلت ومعايا ضيفه عاوزه تقابله؟

الشاب هز راسه باحترام واتحرك بسرعه لجناح ماهر وحمزه بص لاحلام وابتسم وشاورلها تستريح في الصالون لحدما ماهر ينزل! 

دقايق وسمعت احلام صوت خطوات نازله علي السلم رفعت عينيها تشوفه وحست ان قلبها هيوقف من كتر مكان بيدق بسرعه..

كان ماهر نازل علي السلم وهوا حاطت ايديه في جيبه وباصص علي المكان اللي قاعدين فيه  بتفحص ..اول ما شافه حمزه وقف وقرب منه بسرعه وهمس في ودنه وقال:احلام عاوزه تتكلم معاك بخصوص الفلوس اللي دفعتها للمستشفي ؟

ماهر بصله وقال باستغراب:فلوس ايه اللي بتتكلم عنها؟

حمزه ابتسم وقال:الفلوس اللي دفعتها يا خالي انا متاكد ان انت اللي دفعتها وخد بالك موظفه الاستقبال قالتلي علي كل حاجه؟

ماهر رفع حاجبه بصدمه وقرب من احلام اللي قاعده وهيا اول ما لقته واقف قدامها وقفت بسرعه وقالت:انا احلام السباعي؟

ماهر هز راسه وقال بهدوء : تشرفنا انا ماهر الصياد؟

احلام ابتسمت ابتسامه خفيفه وهزت راسها 

وحمزه وقف في النص وقال مقاطع نظراتهم : اتفضلوا ارتاحوا اتفضلي يا احلام اقعدي ..اتفضل يا خالي؟

قعد ماهر مقابل احلام وهيا قعدت وكانت من خجلها بتتجاهل انها تبص في عينيه..

ماهر فضل مركز مع ملامح وشها الهاديه واللي اتغيرت تماما عن زمان وكان مستنيها تتكلم علشان يرد علي اسالتها ولاكنها فضلت الصمت وفضلت باصه في الارض وهيا ساكته..

حمزه بص علي احلام وابتسم وقال:  تحبي تشربي حاجه يا احلام ؟

احلام اتكلمت بسرعه وقالت برفض:لا شكرا متتعبش نفسك ؟

ماهر ابتسم ابتسامه خفيفه اول ما سمع صوتها من تاني  ولاكن  ابتسامته اختفت بسرعه اول ملقاها بصتله وتلاقت عينيهم مره تانيه وقالت بهدوء :انا جيت اتكلم معاك بخصوص الفلوس اللي دفعتها لوالدي في المستشفي..؟

ماهر هز راسه باستماع وهيا كملت كلامها وقالت:في الحقيقه انا مضطره اقبلهم لاني فعلا محتجاهم وحاليا مش هقدر اوفرهم بس انا جيت اتفق معاك علي حل علشان اقدر ارجع الفلوس مره تانيه؟

حمزه وماهر كانوا باصين عليها وساكتين وهيا استغربت نظراتهم ليها فاتوترت اكتر من الاول وقالت:ممكن امضي معاك عقد بخصوص الفلوس علشان تضمن اني ارجعهم ؟

وقف ماهر اول ما سمع كلامها وهز راسه بالرفض وقال:انتي ليه متاكده ان انا اللي دفعت الفلوس؟

احلام استغربت كلامه وبصت علي حمزه وقالت:حمزه اللي قالي كده؟

ماهر بص لحمزه بغيظ ورجع بصلها وقال:تمام يعني انتي متأكده انك عاوزه تمضي معايا عقد بخصوص رد الفلوس.

احلام هزت راسها بالموافقه وهو هز راسه وقال:وانا موافق بس عندي اقتراح احسن من العقد؟

احلام هزت راسها باستماع وقالت:اقتراح ايه؟

ماهر حط ايديه في جيبه تاني وقال:شركتي محتاجه لموظفين وانا شايف ان دي فرصه كويسه ليكي تشتغلي وتسددي الفلوس من راتبك؟

احلام ضمت حاجبها بضيق وقالت:بس انا بشتغل في شركه ومش مستعده  اني اسيبها؟

ماهر رفع حاجبه وقال بفضول:شغاله في شركة ايه؟

احلام افتكرت الخلاف الكبير اللي بين شركته والشركة اللي شغاله فيها فقالت وهيا بتفكر في شركتها القديمه:بشتغل في شركة البدر؟

ماهر هز راسه وهو بيبص عليها بهدوء وقال:تمام اللي انتي شيفاه .. حابه تمضي العقد امتي؟

احلام هزت راسها وهيا بتقول بلهفه:لو ينفع دلوقت انا معنديش مانع ؟

ماهر كان مركز مع تفاصيل وشها وقد ايه كان واضح انه مستغرب تغيرها المثير للدهشه فقال لنفسه:هي دي احلام فعلا البنت الشقيه بتاعت زمان..

احلام لاحظت شروده فقالت بتساؤل :حضرتك معايا؟

ماهر انتبه ليها وهز راسه وقال :دلوقت مش هينفع بس ممكن تيجي الشركه عندي بكره ونمضي العقد في مكتبي..

احلام بلعت ريقها وقالت بتفكير: بس انا مش عارفه هيكون عندي وقت اجي شركة حضرتك بكره ولا لا لان الفتره دي عندي ضغط شغل بس حاضر هحاول هو حضرتك بتكون فاضي امتي؟

ماهر بصلها بصه طويله وقال:في اي وقت؟

احلام بعدت عينيها عنه بسرعه وهزت راسها بالايجاب وقالت:يبق اتفقنا ؟

ماهر هز راسه وهيا وقفت وقالت بخجل:انا بستأذن منكوا لازم امشي !

حمزه وقف قدامها بسرعه وقال باستغراب :استني شويه يا احلام انتي لسا جايه وبعدين  انتي مشربتيش اي حاجه؟

احلام ابتسمت وقالت وهيا بتبص لحمزه بهدوء :انا مش جايه اتضايف يا حمزه انا مشغوله دلوقت بعد اذنكوا انا لازم امشي وان شاء الله نعوضها في وقت تكون الأمور فيه احسن من كدا؟

حمزه هز راسه بتفهم  وقال:اللي تشوفيه يا احلام بس انا هاجي اوصلك!

احلام هزت راسها بالموافقه وهوا بص لماهر وقال:بعد اذنك يا خالي..

ماهر هز راسه بالموافقه وحمزه بص لاحلام وشاورلها بايديه علي الباب وهيا مشيت وهو مشي وراها وخرجوا الاتنين من القصر ..

فضل ماهر واقف يبص عليها وهيا ماشيه جنب حمزه وعلي ملامح وشه ابتسامه هاديه مش فاهم مصدرها ايه!!!

 """" 

__________

ركبت احلام مع حمزه في عربيته واتحركوا لخارج القصر .. اخدت نفس طويل براااحه وبعدها مسكت تيلفونها واتصلت علي ياسر واول ما سمعت رده قالت:مستر ياسر انا بعتذر لاني اتاخرت علي حضرتك بس انا للاسف مش هعرف ارجع الشركه تاني النهارده ممكن حضرتك تسمحلي اخد النهارده اجازه ؟

ياسر ضم حاجبه وقال باستغراب :بس انتي عارفه يا احلام الوضع عامل ازاي عندي وانا هكون محتاجك في اجتماع النهارده لانك بقيتي مديرة مكتبي رسميا ولازم تكوني معايا في كل مكان اروحه يخص الشغل؟

احلام هزت راسها بتفهم وقالت:يعني افهم ان حضرتك رافض اني اخد بقيت اليوم اجازه؟

ياسر :انتي كده بتحطيني قدام الأمر الواقع يا احلام بس انا هحاول اتصرف ولو فعلا مش هتعرفي ترجعي فتمام النهارده  اعتبريه اجازه؟

احلام اخدت نفس طويل وهزت راسها وقالت:انا فعلا مش هقدر ارجع الشركه معلش يا فندم انا اسفه.. انا عارفه انك هتكون محتاجني بس بجد الوضع عندي صعب شويه  ومش هعرف اجي والله ..!

ياسر هز راسه وقال:خلاص يا احلام انا هتصرف بس اعملي حسابك بكره هيكون عندنا شغل كتير ومفيش اي اعذار تانيه؟

احلام هزت راسها وقالت بهدوء :حاضر يا فندم!

ياسر قفل معاها المكالمه وخرج من الشركه واتجه لبيته وبدا يجهز للاجتماع اللي هيحضره في شركة الصياد و هيكون مع الشركه الايطاليه واللي هيكون موجود فيه ايضا ماهر الصياد؟

احلام بعدت التيلفون عنها واخدت نفسها بصعوبه..

حمزه كان بيسمتع لمكالمه احلام باستغراب وقال اول ما خلصت كلامها :دا مديرك!

احلام بصت عليه و هزت راسها وهيا بتحط تيلفونها في شنطتها وبتقول:ايوا؟

..حمزه بصلها وقال بابتسامه:انتي مش معرفاه ان والدك تعبان ولا ايه؟

احلام هزت راسها بالرفض وقالت بتوتر:لا انا محدش يعرف حاجه عن والدي غير القريبين مني بس؟

حمزه ابتسم وهو بيبص لملامح وشها باعجاب وبيقول :يعني افهم من كدا ان انا بقيت  من القريبين منك!

اتنهدت احلام وهزت راسها بالموافقه وهو حس ان قلبه طاير من الفرحه فبطئ من سرعة العربيه علشان يقضي معاها  وقت  اكتر.. وهيا غمضت عينيها بتعب لان اليوم كان مليان بصدمات ومحتاجه تاخد قسط من الراحه..

____________

في المساء وبالتحديد بداخل غرفة الاجتماعات الخاصه بشركة الصياد وصل مدير الشركة الايطاليه وفريقه ..واول مشافتهم مديرة مكتب ماهر بلغته بوصولهم وهوا لف الكرسي بتاعه وواول ما شافهم  قال بجمود:مرحبا كريس؟

مدير الشركة الايطاليه شاور لبقيت فريقه يقعدوا في اماكنهم وهو قرب من ماهر وقال:مرحبا ماهر كيف حالك..

ماهر هز راسه وابتسم وقال:انا بخير ولاكن اتسأل عن احوالك عل انت بخير !

كريس ابتسم وهو بيعدل بدلته وبيقعد قصاد ماهر وبيقول:انا ايضا بخير شكرا لاهتمامك ماهر الصياد..

ماهر هز راسه وابتسم وقال:هل نبدأ الاجتماع الان!

كريس هز راسه بالرفض وقال:انتظر قليلا لدي ضيف مصري سيحضر معنا الاجتماع ..

ماهر بصله باستغراب وكريس شاورله علي باب الغرفه وثواني والباب اتفتح ودخل منه ياسر وجمبه المحامي الخاص بيه…

ماهر بص لياسر بتساؤل وقال:مين دا؟

ياسر بص للمحامي بتاعه وابتسم وقال:اتفضل يا متر!

دخل المحامي وقرب من ماهر وياسر قعد علي الكرسي الي جنب كريس وبصله وقال:حمدالله علي سلامتك كريس؟

كريس ابتسم وهز راسه بشكر وبص لماهر اللي باصص عليهم ومستغرب وبيقول:ممكن اعرف ايه اللي بيحصل هنا دا؟

كريس هز راسه وقال:اريد ان اعرفك بياسر غنيم مدير شركة ديسكاشيال ..

ياسر بص لماهر وقال:ازيك يا ماهر باشا اتشرفت بمعرفتك ..

ماهر رجع ضهره علي الكرسي وبص لكريس وقال بجمود :ماذا يفعل هذا الشخص في شركتي ولماذا يحضر معنا الاجتماع..

كريس حط ايديه الاتنين علي المكتب وشاور لمساعدته تطلع العقود وقال:اريد شركة الصياد ان تتعاون مع شركة ديسكاشيال بخصوص الشحنه الصادرة خلال ٣اشهر اريدها ان تنتهي في خلال شهر واحد؟ 

ماهر فضل باصص عليه وساكت لحدما ياسر قاطع كلام كريس واتكلم وقال:بصراحه انا كنت رافض الموضوع دا بس لما كريس بلغني ان الشحنه مهمه لمشروعه فوافقت ..

ماهر بص لسكرتيرة مكتبه وقال:اتصلي  بأنور المحامي خليه يجي الاجتماع حالا؟

السكرتيره هزت راسها باحترام وبعدت كام خطوه عنهم واتصلت بالمحامي وماهر بص لكريس وقال: لقد بلغتني عندما كنت في ايطاليا انك سوف تنهي الصفقه معي وتتعاون مع شركة اخري وانا بلغت مديرة مكتبك بالموافقه ولاكن اعتقد انها نسيت ان تخبرك  فقمت بتوصية المحامي الخاص بشركتي ان ينهي العقد والان يجب ان تدفع لي الشرط الجزائي ؟؟ 

كريس بصله باستغراب وقال:ماذا تقول انت .. هل ترفض عرضي لك وتبلغني بهذه السخافات ؟

ماهر هز راسه بالموافقه وقال بالمصري :طبعا انت اتعاونت مع شركتي كتير ودي مش اول صفقه بينا ولاكن انا اللي ينهي معايا صفقه بسبب طمع ميلزمنيش ؟

كريس بصله باستغراب وقال:ماذا تقول ماهر؟

ماهر ابتسم وبص لياسر وقال:ترجملة كلامي؟

ياسر بص لماهر باستغراب من رد فعله الغريب وهز راسه وترجم كلامه لكريس واول ما كريس سمع كلامه وقف وقال بغضب:هل تتلاعب معي ماهر هل نسيت من اكون؟

ماهر حط ايديه في جيبه وقال:لم انسي ولاكن انت الذي نسيت من اكون انا ماعر الصياد!

كريس بص لياسر وقال بغضب :حسنا هذه الشحنه مِلكُ لشركتك  يا ياسر..

ياسر ابتسم وهز راسه وكريس بص لماهر وقال:حسنا يا ماهر ولاكن لا تنسي ان شركتك بدوني  ليس لها قيمه !

ماهر بصله وسكت وبعد دقايق دخل المحامي ومعاه العقود وقرب من ماهر وقال:مستر ماهر اتفضل العقود!

ماهر ابتسم وشاورله علي كريس وقال:اديله عقد واستلم الشيك منه؟

المحامي هز راسه وقرب من كريس اللي كان باين علي ملامح وشه الغضب فبص للعقد بضيق ومضي عليه وبص لماهر وقال:لقد انتهي كل شئ بيننا ولاكن لا تنسي انك سوف تندم ؟

ماهر ماهتمش لكلامه وبص لياسر اللي كان باين علي ملامحه الفرحه وابتسم بسخريه واول ما المحامي اخد الشيك اللي فيه فلوس الشرط الجزائي قرب من ماهر وقال:اتفضل يا مستر ماهر امضي علي العقد ؟

ماهر مضي علي العقد وشاور للمحامي يروح يصرف الشيك ويحول الفلوس لحساب الشركه والمحامي هز راسه بالموافقه وخرج؟

وكريس بص لبقيت فريقه وقال بغضب:لقد انتهي الاجتماع فلنذهب!

فريقه وقف وياسر معاهم وقبل ما يخرجوا كريس وقف وبص لماهر اللي مبتسم بغضب وقف الباب وراه؟

ماهر اول ما خرجوا بان علي ملامح وشه الانزعاج فبص لسكرتيرته وقال:تقدري ترجعي لمكتبك ..

السكرتيره هزت راسها باحترام وخرجت وهوا وقف يبص للسماء واخد نفس طويل بضيق وبعد دقايق من وجوده علي نفس الوضع عدل هدومه وخرج من الشركه واتجه للقصر علشان يرتاح ..

____________

وفي يوم جديد صحيت احلام واستعدت للشغل بسرعه وقررت انها تروح المستشفي تطمن علي والدها الاول واتحركت بسرعه لخارج الشقه وركبت عربيتها واتحركت للمستشفي وفي الجانب الاخر كان ماهر راكب عربيته وماشي في اتجاه المنطقه اللي ساكنه فيها احلام وكان معاه منعم السواق واللي كان قدر يجيبله عنوانها لانه كان ناسي بسبب انه ساب المنطقه من اكتر من ١٣ سنه ..

اتجهت احلام لداخل المستشفي وعلي ملامح وشها التوتر واول ما وصلت لغرفة الدكتور المسؤول عن والدها قالت :طمني علي بابا يا دكتور عامل ايه النهارده؟

ابتسم الدكتور اول ماشافها وقال: الحمدلله يا احلام متقلقيش والدك حاليا بخير وانا عرفت انك دفعتي الفلوس وان شاء الله العمليه هتتعمل بعد بكره ..

احلام حست بقلبها بيوجعها فقالت بخوف:انت متاكد يا دكتور ان ممكن يرجع زي الاول والورم دا يختفي خالص؟

الدكتور هز راسه وقال بخزن:والله يا احلام انا مش عارف اقولك ايه لان فعلا العمليه هتكون صعبه جدا ونسبة نجاحها١٠٪؜ فكل اللي  اقدر اقولهولك انك تدعيله ان ربنا يسهل كل حاجه ويتم شفاءه علي خير..

احلام صعبت عليها نفسها ودموعها بدأت تنزل وقالت:ان شاء الله هيكون بخير يا دكتور!

الدكتور طبطب عليها بحنيه وقال:ان شاء الله..

احلام مسحت دموعها وقالت:طيب انا همشي بعد اذن حضرتك يا دكتور!

الدكتور هز راسه وقال :اتفضلي يا بنتي !

احلام خرجت من غرفة الدكتور وهيا حاطة ايديها علي قلبها بالم وبدأت تفتكر ذكيرات الحادث اللي وصل والدها للحاله اللي هوا فيها وافتكرت لما والدتها اطلقت من والدها و اخدت اختها الكبيره واختفت  بعدما الدكاتره بلغوها انه دخل في غيبوبه وانهم لازم يصبروا عليه لحدما يفوق علشان يعمل العمليع وبلغوهم بتكاليف المستشفي …

فاضرت احلام تعتمد علي نفسها رغم انها كانت في اول سنه ليها في الجامعه بس قررت تشتغل جنب دراستها علشان تقدر تدفع تكاليف المستشفي وبسبب حالتهم الماديه كان عمها بيساعدها ولاكن بحجات بسيطه فبدأت دموعها تنزل بغزاره بسبب تذكرها للايام القاسيه اللي عاشتها وهيا لوحدها ..

خرجت من المستشفي بعدما حاولت تهدي من نفسها وقدرت تهدي بعد معافره منها  فقربت من عربيتها ركبتها واتحركت في اتجاه الشركه..

________

وفي منطقه احلام كان وصل ماهر بالعربيه واول ما وقف قدام بيتها بدأ يفتكر ذكريات بينه وبينها وقد ايه كانت بنت جميله ومليانه بطاقه ايجابيه وحيويه غير طبيعيه..

ابتسم ماهر اول ما افتكر ذكرياته معاها وكان بيتخيلها في اول يوم ماهر وصل للمنطقه وكان طفل انطوائي وهيا قدرت تساعده انه يكون اجتماعي ..اترسمت ابتسامه واسعه علي شفايفه وكان متابعه منعم فقرب منه وقال:حضرتك تعرف المكان دا؟

ماهر انتبه ليه وهز راسه وقال:ايوا اعرف المكان دا اكتر من اي حد تاني؟

ابتسم منعم وقال:هو بصراحه المكان هنا مريح نفسيا رغم انك تشوف ان الشوارع والبيوت بسيطة الا انها مريحه وكانها بتفكرني بايام الدفي واللمه الجميلة بتاعت عيلتي!! 

ماهر هز راسه وهو بيبص لتفاصيل بيت احلام ولفت نظره البيت اللي كان عايش  فيه مع عيلته فيه فقرب منه بلهفه وقال:دا لسا زي ماهوا متغيرش..

منعم قرب منه وهو بيبص للبيت وبيقول:حضرتك شكلك عارف حجات كتير هنا..

ماهر هز راسه وقال:دا كان بيتنا وانا صغير ..

منعم بصله بدهشه وقال:يعني  حضرتك عيشت هنا في المنطقه دي ..

ماهر هز راسه وقال:ايوا عيشت هنا اجمل سنين في حياتي بس كل حاجه بتتغير ومفيش حد بيفضل علي حاله وطبعا الناس الجميله سابونا ومشيوا؟

منعم هز راسه بتفهم وهما واقفين ماهر لقي راجل عجوز بيقرب منهم وهما بيبصوا للبيت وبيقول بتساؤل:بتدورو علي حاجه يا استاذه!

ماهر بص للراجل العجوز وقال:لا احنا بس كنا بنشوف …سكت ماهر اول ما دقق في ملامح الراجل وقال بصوت هامس:استاذ سلامه..

الراجل ضم حاجبه وقال: هو انت تعرفني يا ابني..

ماهر نزلت من عينيه دمعه مليانه بالفرحه وقال:طبعا اعرفك انت مش فاكرني يا استاذ سلامه انا ماهر الصياد ابن محمود الصياد صاحبك من ايام المدرسه..

الراجل العجوز بص لماهر بتفحص وقال:ماهر انت ماهر؟؟

ماهر هز راسه بفرحه والراجل العجوز قرب منه وحط ايديه علي وش ماهر وقال بحب:مااهر انت فعلا مااهر عنده  نفس الضحكه دي!

ماهر ضحك من قلبه علي كلام الاستاذ اللي كان بيدرسله وكان صديق لوالده الله يرحمه..

ماهر حضنه بفرحه وبدأ يفتكر ذكرياته مععاه لان الاستاذ سلامه كان  بيحب ماهر واحلام وكان شايف من وهما صغيرين انهم هيتجوزو وكان  ماهردايما بيتعصب اول ما يسمع كلامه لانه شايف ان احلام بنت مزعجه ومتصلحش انها تكون زوجته وانه بيعتبرها مجرد صديقه ..

الاستاذ سلامه قال بلهفه:١٣ سنه يا ماهر ١٣ سنه بعيد عننا ومش هاين عليك تيجي تزورنا حتي دا حتي البت احلام اتخطبت ولما سالتها انتي نسيتي ماهر وحبك ليه ضحكت ومردتش عليا ..ماهر اتصدم اول ما سمع كلامه عن احلام والراجل كمل كلامه وقال:انت تصدق برضوا يا ماهر انها تنساك انت ناسي كانت بتحب ازاي؟

ماهر كان بيسمع كلامه وقلبه بيدق وكأن بسبب كلامه دا احيى في قلب ماهر مشاعر قديمه كانت مدفونه في قلبه فبصله وقال بتساؤل :هيا احلام اتخطبت! بقلمي شيماء صبحي 

يتبع 

الاستاذ سلامة: ١٣سنه بعيد عننا ومش هاين عليك تيجي تزورنا  دا حتي البت احلام اتخطبت ولما سالتها انتي نسيتي ماهر وحبك ليه ضحكت ومردتش عليا ..

ماهر اتصدم اول ما سمع كلامه عن احلام والراجل كمل كلامه وقال:انت تصدق برضوا يا ماهر انها تنساك انت ناسي كانت بتحبك ازاي؟

ماهر كان بيسمع كلامه وقلبه بيدق وكأن بسبب كلامه دا أحيىَ في قلب ماهر مشاعر قديمه كانت مدفونه في قلبه فبصله وقال بتساؤل :هيا احلام اتخطبت!

الاستاذ سلامه هز راسه بالموافقه وقال:ايوا اتخطبت لزميلها ايام الكليه بس سابوا بعض من شهرين تلاته يعني مش فاكر اوي ؟

ماهر هز راسه وقال بهدوء:صحيح يا استاذ سلامه هو البيت بتاعنا مين اللي اشتراه؟

الاستاذ سلامه ابتسم وقال: محدش يابني دا البيت من وقت ما سبتوه وهو زي ماهوا محدش سكن فيه ولا حتي قرب منه!

استغرب ماهر كلامه وقال: غريبه اوي يا استاذ سلامه يعني ايه محدش سكنه هو مش المفروض ابويا باعه لناس وكانو بينقلوا عفشهم قبل سفرنا!

الاستاذ سلامه ضم حاجبه بتذكر وقال :فعلا يابني معلش بق الايام نستني الحكايه دي بس برضوا يابني الناس دي مقعدوش في البيت لان والدك الله يرحمه رجعلهم فلوسهم تاني وكتب البيت تاني بأسمه!

 ماهر مكنش مصدق كلامه فضم حاجبه وقال:ابويا رجع البيت تانيه باسمه!!!بس ازاي واحنا سافرنا بعدما بعناه بيومين!! 

ضحك الاستاذ سلامه وقال:دي حكايه طويله يابني ميعرفهاش غيري انا والمرحوم والدك والله  يرحعهولنا بالسلامه الاستاذ محمد والد احلام!! 

قلب ماهر اتحرك اول ما الاستاذ سلامه ذكر اسم احلام تاني فهز راسه باستماع وقال:يعني احنا اتضحك علينا وسافرنا والبيت بتاعنا موجود..

ضحك سلامه علي كلام ماهر وهز راسه وقال:ابوك الله يرحمه كان عارف قسي الغربه يابني وزي مايكون قلبه حاسس انكم هترجعوا تاني لمصر فساب ليكم البيت دا اهو حاجه تلم شملكوا من تاني .

ابتسم ماهر وهوا بيقرب من الاستاذ سلامه وبيضمه لحضنه وبيقول:والله يا استاذ سلامه من غيرك مكنتش هعرف اي حاجه تخص البيت انا متشكر جدا ليك..

سلامه بعد ماهر عنه بغيظ وقال:متشكرا ايه وكلام فاضي ايه انت لازم تيجي البيت انت واحشني اوي دول ١٣ سنه….حط ايديه علي صدر ماهر وكمل كلامه وقال:عندنا الله يكرمهم مرتات عيالي عليهم طبيخ ولا اجدعها طباخ في الإمارات !! 

ضحك ماهر وهز راسه بالموافقه وقال:حاضر انا موافق بس اعذرني النهارده اصل عندي شغل كتير وحضرتك عارف ان الشغل مش بيتاجل بس انا وعد مني ليك هاجي وهقعد معاك اليوم كله ..

ضحك سلامه وهز راسه بالموافقه وقال:ماشي يا شقي انا هصدقك المره دي  بس انا عندي ليك سؤال يابني ومتأخذنيش فيه..

ماهر هز راسه وقال:اتفضل انا تحت امرك’

ابتسم سلامه وهز راسه وقال وهو بيشاور علي عربية ماهر :هي دي عربيتك!

ضحك ماهر وهز راسه بالموافقه وقال:ايوا تعالي اوريهالك انا عارف انك بتحب العربيات من زمان!

ابتسم سلامه بحماس وكانه مستني  يسمع كلام ماهر من بدري فقرب من العربيه وفضل يسمي الله وهو فرحان بشكلها!

ماهر بص لمنعم وقال:هات المفتاح!

منعم استغرب كلام ماهر وضم حاجبه وقال:خير يافندم!

ماهر بصله وخبطه في كتفه وقال:متركزش وهات المفتاح وبقولك ايه خليك هنا لحدما ارجعلك !

منعم مكنش فاهم ايه اللي في بيدور دماغ ماهر فهز راسه بالموافقة وقال:المفتاح في العربيه يا فندم!

هز ماهر راسه وسابه واتحرك للعربيه وقال وهو بيبص للاستاذ سلامه اللي واقف يبص للعربيه بفرحه:اي رئيك تاخدني بالعربيه لفه سريعه كده في المنطقه هنا؟

الاستاذ سلامه قرب منه وهوا مش مستوعب كلامه فقال بتردد:انت متاكد يابني من كلامك دا ..

ابتسم ماهر وهز راسه وقال:انا وعربيتي تحت امرك!

سلامه فرح من كلامه وقال:بس يابني انا عمري ماسوقت عربيه زي دي؟

ماهر هز راسه وقال:بسيطه ممكن انا اسوق المره دي واوعدك المره الجايه هعلمك عليها !

سلامه هز راسه وماهر اتحرك للجه التانيه وفتحله الباب وسلامه ركب وهو فرحان وبعدها ماهر ركب في كرسي القياده واتحرك من قدام منعم اللي واقف يبص عليهم وهو مصدوم ومش مستوعب ان ماهر الصياد بنفسه بيتصرف كل التصرفات دي وغير مبالي بشكله العام!

ماهر كان سايق ببطئ وبيبص لسلامه ومبتسم وسلامه كان مش مصدق نفسه وكانه في حلم ..بص لماهر اللي باصص عليه ومبتسم وطبطب عليه وقال:ربنا يخليهالك ويكفيك شرها يابني!

هز ماهر راسه وقال بابتسامه:اللهم امين!

سلامه وهوا بيبص حواليه شاف بيته فقال :نزلني هنا يابني علشان تروح انه علي  شغلك ..

ماهر بص للمكان اللي بيشاورله عليه وقال: هتنزل هنا!

ابتسم سلامه وقال:ايوا يابني دا بيتي احفظه بق علشان لما تيجي المره الجايه ..

هز ماهر راسه ووقف العربيه قدام البيت اللي شاور عليه سلامه واول ما نزل بص لماهر وقال:خلي بالك من نفسك ومتنساش تعدي علي بيت عمك محمد وتسلم علي احلام دي هتفرح اوي لما تشوفك..

ماهر كان قادر يسمع صوت ضربات قلبه كلما اسمها يتذكر قدامه فهز راسه بالموافقه وقال:حاضر يا استاذ سلامه..هعدي عليها!

سلامه ابتسم ودخل للبيت وشاورله وماهر هز راسه واتحرك من قدامه بسرعه ..

كان منعم ساند بجسمه علي الحيطه ومستني ماهر يرجع واول مشافه عدل نفسه وقال:حمدالله علي السلامه يا فندم!

ماهر نزل من العربيه وركب في الكرسي الخلفي ومنعم قرب من العربيه بسرعه وقال:تحب حضرتك ترو…ح.

قاطعه ماهر وقال:الشركة!

هز منعم راسه بالموافقه وشغل العربيه واتحرك لخارج المنطقة وطول الطريق كان بيبص لماهر من المرايه وهو مش مستوعب ايه اللي حصله اول مشافه الراجل العجوز وازاي  طلع اجتماعي رغم انه طول الوقت راسم الجديه ومش بيسمح لحد يتكلم معاه غير في الشغل

فحرك راسه وضحك واول ماعينيه جت في عين ماهر في المرايه عدل نفسه علي الكرسي بتوتر وبلع ريقه  وبص علي الطريق وهو بيدعي ان ماهرميطردوش !!

__________

في قصر الصياد صحيت سيلين وقربت من غرفة حمزه وفتحت الباب بهدوء …كان حمزه نايم من غير التيشرت ورافع ايديه ورا رقبته وكانت عضلات جسمه واضحه ،،

 قربت منه سيلين وهيا بتبص لجسمه بإعجاب شديد وبتقول بهمس:كيف تمتلك هذا الجسم المثير والاخرين يضربونك بسهوله .. حركت كتفها بتسأول وكملت كلامها وقالت:انت غريب الاطوار يا حمزه؟

حمزه نزل ايديه علشان يتقلب للجه التانيه وهيا كانت بتتابعه باستمتاع ..قربت منه وقعدت جمبه علي السرير وحطت ايديها علي جسمه برفق..

حس بيها حمزه وفتح عينيه واول مشافها بتبصله وبتبتسم ..قام بخضه وهو بيحط ايديه الاتنين علي صدره وبيقول بشهقه:سيلين .انتي بتعملي ايه هنا!

سيلين ضحكت وهيا بتقرب منه اكتر وبتقول:انت مثير جدا يا حمزه اريد ان.. ..

وقف حمزه بسرعه وقام من علي السرير قبل ما سيلين تكمل كلامها ..فـ قرب من التيشرت اللي كان رميه علي الارض ولبسه بسرعه وهوا بيبص عليها وبيقول:قولتلك انا لسا صغير علي الحجات وبعدين هو مش المفروض العكس..؟

قامت سيلين وهيا مصممه تقرب من حمزه فمسكته من رقبته وقربته من وشها وقالت:هل ترفض التجربه معي لأول مره!! 

حمزه صرخ بصوت عالي وهو بيقول:يا خااالي..

بعدت سيلين عنه وهيا بتقول بخضه:ماذا تفعل انا امزح!

هز حمزه راسه بالرفض وقال:لا انتي كنتي بتتكلمي جد والله لأفضح-ك يا سيلين واقول لخالي علي كل حاجه وهقوله برضوا علي الولد بتاع المطعم ..رفع صباعه وهو بيشرحلها .

سيلين ضحكت وقربت منه تاني وقالت:حسنا حمزه انا اتحدث بجديه ..اخبرني هل تريد التج…!

جري حمزه بسرعه من قدامها وخرج من الاوضه ونزل على السلم وهو بيقول بصراخ:مرسييييي..

خرج مرسي من المطبخ علي صوت حمزه العالي وقال بخضه :خير يا حمزه باشا ايه اللي حصل!

وقف حمزه ورا مرسي ومسك في هدومه بقوه وقال:الحقني من البت اللي فوق دي بلغ بوليس الاداب بسرعه !

مرسي بص حواليه وقال:بنت مين يا باشا!

شاور حمزه علي السلم وقال:سيلين التركيه!

مرسي  ضم حاجبه ورجع بص علي السلم تاني وملقاش حد فابتسم وقال :شكلك كنت بتحلم يباشا اصل مفيش حد واقف علي السلم!

حمزه بعد عنه وبص في عينيه وقال بغيظ :انا مقولتش انها علي السلم ..دي في اوضتي ؟

مرسي بصله بدهشه وقال:في اوضتك وبتعمل ايه هنااك يباشا هي مش ليها اوضه!

حمزه بصله وقال برفض:معرفش  بق روح طلعها اعمل اي حاجه وبقولك ايه انا عاوز حد يركبلي ترباس في الاوضه!

مرسي هز راسه بالموافقه وقال:بس يا باشا ماهر بيه مانع ان يتحطلك ترباس في الباب انت ناسي حضرتك اخر مره عمل ايه دا كسر الباب خالص..

حمزه افتكر اليوم اللي اطرد فيه من المدرسه في اول سنه ليه في مصر وماهر مقدرش يستوعب وجري وراه وبسبب ان حمزه قفل علي نفسه بالترباس اضطر ماهر يكسر الباب ومن وقتها وهو مانع ان باب حمزه يتقفل بقفل؟

مرسي كان مركز مع وش حمزه ومستني اجابته فحمزه هز راسه وقال:بقولك ايه هيا اوضتك مترتبه!

مرسي استغرب كلامه ولاكنه جاوبه وهز راسه وقال:ايوا يا حمزه باشا بس حضرتك بتسأل ليه؟

حمزه حط ايديه ورا شعره بخجل وقال:اصل انا عاوز انام شويه وهيا عارفه كل الاوض اللي في القصر ومش هتسيبني اكمل نوم زي البشر فانا هنام في اوضتك دلوقت لحدما خالي رجع من الشغل؟

مرسي ضم حاجبه وقال بسخريه من كلام حمزه:بَشر ؟

حمزه كان اتحرك خطوتين ولاكنه وقف علي صوت برطمة مرسي فقال بتساؤل:في مشكله لتكون متضايق اني هنام علي سريرك؟

مرسي عدل وقفته وقال برفض:لا ابدا يا باشا تحت امرك دا المكان مكانك ؟

حمزه هز راسه بغرور وقال:امال ايه بَشر دي مش عجبك اني بنام لحد العصر ولا ايه؟

مرسي بص في الارض وقال بتوتر:حضرتك تعمل اللي انت عايزه انا اسف..

اتحرك حمزه من قدامه ودخل لاوضته واول مشاف انها عاديه والسرير صغير قال بغيظ:منك لله يا خالي علشان جبتلنا المصيبه دي للقصر منا كنت مرتاااح كل يوم باخد علقه والدنيا تمام ولاكن الا شرفي انتوا فاهمين!

قال كلامه بصوت واضح وكأنه بيكلم شخص قدامه..وبعد دقايق من البرطمة خلص حمزه كلام علي سيلين وماهر وفرد جسمه علي السرير ونام !!

___________

في شركة ديسكاشيال..

كانت احلام في غرفة ياسر واللي شرحلها ان الشحنه بقت من نصيب شركته وانهم حاليا شغالين عليها ولاكن لازم يعملوا اجتماع النهارده مع كل مدراء الاقسام  في الشركة وقال وهو بيختم كلامه:طبعا انتي هتبلغيهم بنفسك والميعاد بعد ساعه!

هزت احلام راسها بالموافقه واستاذنته تخرج وهوا ابتسم وشاورلها تخرج..

خرجت احلام من مكتب ياسر واتجهت لمكتبها وقعدت علي الكرسي وهيا بتفكر في ماهر وازاي هتروحله الشركه ..بصت في تيلفونها وقررت تتصل علي مروه وتبلغها باللي حصل علشان تقولها علي حل ..

"رواية حبيبي المدير بقلمي شيماء صبحي "

كانت مروه مشغوله مع الدكتور الجديد وكانت بتساعده يدي حقنه لمريض بيخاف من الحقن كانت مروه مسكه الشاب من دراعه وبتقول:يا استاذ اهدي دي مجرد شكه بس..

الشاب بصلها بغيظ وقال:مش عايزها انا مش بحب الحقن اصلا؟

مروه بصت للدكتور وغمزتله بانها هتلهي الشاب في الكلام وهو يديله الحقنه بسرعه وبالفعل مروه بدات تتكلم مع الشاب وهوا كان بيرد عليها بعصبيه لحدما دكتور علي اداليه الحقنه واو ما دخل الابره الشاب صرخ  في وش مروه ..وهيا من صدمتها بسبب صوته العالي خافت الناس اللي برا يخافوا فضربته بالقلم والشاب سكت..

الدكتور بصلهم وقال:كده خلاص يا استاذ بالشفاء العاجل ان شاء الله..

الشاب بصلهم وقال بصدمه:انتوا دكاتره انتوا ازاي تخدعنوني كده..

مروه بصت لعلي وغمزتله يبتسمله وقالت:يعني يا استاذ هو احنا بنعمل كده ليه مش علشان حضرتك تخف بسرعه وبعدين الدكتور غلب معاك وبقالنا ساعه بنشرحلك انها مجرد شكه ومش هتحس بحاجه ..

الشاب وقف وهو بيحط ايديه علي مؤخرته بألم وبيقول :مش ههحس قال  دانا هورديكوا ..

خرج الشاب من الغرفه بغيظ منهم  ومروه مكنتش قادره تكتم ضحكتها اكتر من كده فضحكت وعلي كان مصدوم من اللي حصل فبصلها ولما لقاها بتضحك بهستريه ضحك هو كمان ..

قاطع ضحكهم رنه تيلفون مروه والي اول مشافت اسم المتصل بصت لعلي وقالت:بعد اذنك يا دكتور هرد على المكالمه  دي بسرعه ،تحب حضرتك ادخل المريض الي بعده ولا استني شويه..

علي ابتسم وقال:لا عادي دخلي الي عليه الدور؟

مروه هزت راسها وخرجت من مكتبه وبلغت البنت اللي عليها الدور تدخل وقربت هيا من مكتبها وردت علي احلام؟

مروه بابتسامه:طمنيني يا احلام عامله ايه ؟

احلام هزت راسها وقالت:انا بخير الحمد لله انتي عامله ايه!

مروه:الف حمد وشكر يا حبيبتي ،قوليلي المستشفي كانوا بيتصلوا عليكي ليه!

احلام :بابا فاق من الغيبوبه ودخل العمليات علشان كده اتصلوا عليا..

مروه شهقت بصدمه وقال:انتي لسا بتعرفيني دلوقت اخص عليكي يا احلام هو دا برضوا الي بينا!

احلام قالت بهدوء:معلشي يا مروه حقك عليا بس والله انا مكنش فيا عقل اعمل ايه ولا ايه المهم دلوقت انا بتصل عليكي علشان اقولك اعمل ايه في المصيبه  اللي انا فيها دي؟

مروه هزت راسها وقالت بدهشه:مصيبه ايه دي كمان قولي يابنتي صباحك عسل انتي واخبارك الحلوه دي ؟

احلام ابتسمت غصب عنها من كلام مروه وقالت:حاضر هقولك بس عاوزه حل اتفقنا..

ابتسمت مروه غصب عنها وقالت:احكي انتي بس الاول وسيبيني افكر بعدها؟

احلام هزت راسها واخدت نفس طويل وبدأت تحكي لمروه صحبتها كل اللي حصل امبارح  من اول اتصال المستشفي لحد ما راحت لقصر ماهر واتفقت معاه علي امضي العقد..

مروه قالت بصدمه:يعني انتي قابلتي ماهر ..

احلام :ايوا؟

مروه بضحكه:ماهر يا احلام انا قصدي ماهر الصياد؟

احلام قالت بغضب:ايوا قابلته يامروه انتي لسا هتستوعبي قوليلي هخرج انا من الشركه ازاي واروحله دا مصمم امضي العقد في مكتبه..

مروه هزت راسها وقالت وهيا ضامه عينيها بتفكير:اهم حاجه دلوقتي طمنيني ابوكي عامل ايه وهيعمل العمليه امتي؟

احلام :بابا الحمدلله كويس وهيعمل العمليه بعد بكره؟

مروه اول ماسمعت كلامها وقفت وقالت بصوت عالي:انتي عارفه يا احلام انتي بت بارده والله؟

احلام اتصدمت من سماعها لكلام مروه وقالت :نعم  انا بارده؟

مروه بصت حواليها وقالت وهي بتعتذر للناس اللي في العياده : معلشي اصلها عصبتني!

الناس اللي في العياده هزوا راسهم وهيا رجعت قالت:يعني ابوكي فاق من الغيبوبه ودخل للعمليات وهيعمل العمليه بعد بكره دا كل دا كوم وانك قابلتي ماهر الصياد وهو دفع فلوس العمليه كوم تاني وفي الاخر حضرتك قاعده في الشغل عادي كده ولا كان في حاجه حصلت؟؟؟ 

احلام سمعت كلامها وهزت راسها وقالت بضيق :يعني اعمل ايه دلوقت يا مروه اتنطط ولا من الفرحه امشي علي الحيطه والناس يقولوا اتجننت .. 

مروه ضحكت علي كلام احلام غصب عنها فقالت :اهو اعملي اي حاجه عبري فيها عن اي صدمه او فرحه حتي..

احلام اتنهدت وقالت بهدوء: انا قاعده عادي ياست مروه علشان انا مش عارفه اعمل ايه ..انا لسا متعينه هنا امبارح ومكملتش اول يوم شغل واخدته اجازه والنهارده عندي شغل ومضغوطه وقال ايه الاستاذ ماهر عاوزني اروحله شركته واللي هيا اصلا منافسه لشركتي ..انتي عارفه يا مروه لما سألني بشتغل في شركه ايه قولتله ايه؟

مروه اطلقت صوت:امم واحلام كملت كلامها وقالت بابتسامه :قولتله البدر يعني هوا ميعرفش الحقيقه وانا دلوقت مش عارفه هستاذن من المدير القفل دا ازاي ولا عارفه هعمل ايه معاه بعد بكره علشان العمليه .. ختمت احلام كلامها بصوت عالي ونرفزه..

مروه قالت بهدوء :طيب اهدي يا احلام  بدل ما القفل يسمعك ويطردك واحنا ماصدقنا اشتغلني؟

احلام رجعت بضهرها لورا وقالت بعد تنهيده طويله:حاضر اديني سكت ممكن بق تقوليلي ايه هو الحل..

مروه هزت راسها وقالت:بصي انتي كملي شغلك عادي وسيبيلي موضوع ماهر انا هجيبلك منه العقد لحد البيت وتمضيه؟

احلام اول ما سمعت كلام مروه وقفت من علي الكرسي وقالت:البيت ليه هو انتي هتعملي ايه؟

مروه حركت دراعها وغيرت نظرتها وبصت للفراغ وقالت: اديني انتي عنوان شركته والنهارده بالليل هتعرفي ؟..بقلمي شيماء صبحي 

يتبع

"امام شركة الصياد للحديد والصلب كانت واقفه بنت وهيا مساكة شنطتها بإحكام وبتاخد نفس طويل وبتقول بحماس: اخيرا هقابلك يا ماهر يا صياد ..

انهت كلامها واتجهت للداخل وقربت من مكتب الإستقبال وقالت بابتسامه :مساء الخير!

موظفة الإستقبال ردت عليها بابتسامه وقالت:مساء النور يا فندم اتفضلي !

البنت قالت وهيا بتبص حواليها بصه سريعه :لو سمحتي انا عاوزه اقابل ماهر الصياد!

موظفه الاستقبال هزت راسها بالموافقه وقالت: ممكن اعرف في ميعاد سابق !

هزت راسها بالموافقه وقالت بهدوء :ايوا !

موظفة الاستقبال هزت راسها وقالت وهيا بترفع سماعة التيلفون:اسم حضرتك ايه يا فندم!

ابتسمت البنت وقالت:احلام؟احلام السباعي..

هزت موظفة الاستقبال راسها بابتسامه وقالت وهيا بتعدل التيلفون علي ودنها:ممكن اعرف الاستاذه احلام السباعي واخده ميعاد من مستر ماهر ولا لأ..

سكرتيره ماهر استغربت الاسم وقالت برفض:لا مستر ماهر مبلغنيش انه هيقابل حد النهارده بس انا برضوا هسأله معلشي خليكي معايا ثواني..

البنت اجابتها بالموافقه والسكرتيره قامت من علي مكتبها وقربت من غرفة ماهر وطرقت الباب ..

اجابها ماهر وسمحلها بالدخول ..فدخلت السكرتيره وهيا بتقول باحترام: مستر ماهر بلغوني في الاستقبال ان في بنت اسمها احلام عاوزه تقابل حضرتك!

انتبه ماهر للاسم ورفع راسه وقال بانتباه:اسمها احلام ايه..

السكرتيره ضمت عينيها بتذكر وقالت: متهيألي يا فندم احلام السباعي..

ماهر هز راسه بالموافقه وقال :ايوا صح بلغيهم يدخلوها واول ما توصل هنا بلغيني قبل ما تدخليها..

حركت السكرتيره راسها بتفهم وقالت:حاضر يا فندم بعد اذنك!

حرك ماهر راسه بالموافقه وسمحلها تخرج والسكرتيره خرجت من مكتبه ورجعت لمكتبها ومسكت التيلفون وقالت:ايوا في ميعاد خليها تطلع علي مكتب مستر ماهر !

موظفة الاستقبال هزت راسها وقالت:تمام مع السلامه؟

قفلت المكالمه وبصت للبنت اللي قدامها وقالت:اتفضلي يا انسه المكتب في الدور العاشر المدير في انتظارك؟

حركت البنت راسها بابتسامه وقالت بامتنان:شكرا ليكي!

الموظفه هزت راسها وابتسمت وبعدها اتحركت البنت للداخل وقربت من الاسانسير واخدت نفس طويل وبعدها دخلت وضغطت علي زِر الدور العاشر..

في مكتب ماهر كان قاعد وهو بيبص علي الباب بتركيز وكان قلبه بينبض بسرعه""مكنش فاهم معني توتره لمقابلتها رغم ان دي مش اول مره يشوفها فيها ..اخد نفس بهدوء ولف الكرسي وهو بيبص للسماء من خلال الازاز وبيحاول يهدي من نفسه علشان يقابلها بجمود كالعاده ..!!

دقايق والباب خبط ودخلت السكرتريه الي كانت ماسكه في ايديها فنجان قهوه وبتقول بابتسامه هاديه :مستر ماهر اتفضل قهوتك!!

ماهر كان ضاغط علي ايديه ومكورها واول ما سمع كلام السكرتيره لف بالكرسي وقال بتسأول:هي فين !

السكرتيره باستغراب:هي مين يا فندم!

ماهر بضيق:احلام؟؟ البنت اللي بلغتني انها عاوزه تقابلني؟

السكرتريه بصتله وقالت بتوتر:لسا موصلتش يافندم هيا تقريبا كده لسا في الاسانسير؟

ماهر قال بتساؤل:ليه كل الوقت دا هو الاسانسير عطلان ؟

السكرتيره هزت راسها بالرفض وقالت:لا يافندم الاسانسير كويس بس انا مش عارفه هيا اتاخرت ليه بس انا ممكن اتصل علي الاستقبال واسألهم؟

ماهر هز راسه بالرفض وقال:لا ارجعي علي مكتبك ولما هيا توصل بلغيني علي التيلفون قبل ما تدخليها؟

السكرتيره هزت راسها بالموافقه وخرجت من المكتب وماهر مسك فنجان القهوه وشربه علي مره واحده وبعدها اخد نفس طويل وقال بضيق:انت ليه متوتر كده دي بنت عاديه يعني ؟

سمع صوت التيلفون بيرن فحس بقلبه بيدق من جديد قرب من التيلفون ومسكه وحط السماعه علي ودنه وقال:ايوا؟

السكرتيره:الانسه احلام وصلت يا فندم ادخلها لحضرتك!

ماهر حط التيلفون علي المكتب وقرب من الكرسي بتاعه وعدله وقعد عليه وهو بيعدل هدومه وبعدها اخد نفس و مسك التيلفون تاني وقال:دخليها..

السكرتيره اجابته بالموافقه وقفلت المكالمه وشاورت للبنت اللي قدامها تتدخل وقامت فتحتلها الباب..

ماهر كانت عينيه علي الباب مستني دخولها واول ما الباب اتفتح وشافها اتصدم ..

دخلت البنت وعلي ملامحها ابتسامه جميله وبتبص لماهر….

ماهر قال بجديه::انتي مش احلام؟ مين انتي ؟

البنت ابتسمت وهيا بتقفل وراها باب مكتبه وبتقول بصدمه:اي دا يا ماهر معقول مش فاكرني؟

ماهر حرك راسه برفض ورفع حاجبه وقال:لا مش فاكرك مين انتي؟

مروه حطت شنطتها علي الكرسي اللي قدام مكتبه وقالت بحزن :لا انا زعلانه منك بجد يا ماهر بق مش فاكرني دا انا ياما دافعت عنك وكنت باخد مكانك الضرب كله ..معقول تنسي كل دا؟

ضمت شفايفها بزعل وهو دقق اكتر في ملامحها وقال بتذكر:الكلام دا مش غريب عليا هو انتي م.مروة .. قال بدهشه وهو بيبص لوشها :انتي مروة سلطان؟

مروه هزت راسها بفرحه وقالت:ايوا انا ازاي معرفتنيش..

ماهر قام من علي الكرسي بتاعه وقرب من الكرسي المقابل لمروه وقعد عليه وكانت علامات الدهشه واضحه علي وشه قال بصدمة:ازاي يعني وبعدين انتي غيرتي اسمك لنفس إسم احلام ولا ايه ؟

مروه هزت راسها بضحك وقالت:لا مغيرتش اسمي بس انا قولت دي الطريقه الوحيده اللي هعرف اوصلك بيها اصل بصراحه كنت متوقعه انك مش هتعرفني لما تشوفني بس مش مشكلة هسامحك لاجل العشره اللي بينا؟

ماهر حرك راسه برفض وقال:مش مصدق بجد انتي لسا زي مانتي متغيرتيش ؟

مروه ضمت شفايفها بزعل وقالت:لا يا ماهر انت غلطان انا اتغيرت دا انت حتي معرفتنيش اول ما دخلت ؟

ماهر هز راسه وقال:صحيح انتي اتغيرتي يا مروه بس كـ شكل ولاكن الاسلوب وطريقة الكلام زي ما هيا!!

مروه حست بالاحراج من كلامه فهزت راسها ببطئ وقالت:انت برضوا اتغيرت اوي يا ماهر بس مش الشكل بس وحتي الاسلوب اتغير!!همست بصوت واطي وقالت:كلامك قاسي علي فكره..

ماهر رفع حاجبه وحط ايديه في جيبه وقال وهو بيحاول يلطف الجو: نورتي الشركه يا مروه !

مروه هزت راسها وقالت:دا نورك ..متأخذنيش يا ماهر انا بصراحه جيت علشان موضوع خاص بأحلام صحبتي !

ماهر انتبه ليها او لما ذكرت اسم احلام وقال بتساؤل :مالها احلام!

مروه بصت في عينيه وقالت:احلام مش عارفه تجيلك علشان تمضي معاك العقد اللي اتفقتو عليه فانا جيت اخد العقد بدالها واخليها تمضي عليه في شقتها بما انك يعني مُصر انه يتمضي في شركتك!

ماهر هز راسه باستغراب وقال:هيا احلام بعتتك هنا علشان كده!

مروه هزت راسها وقالت:مش بالظبط اوي انا اللي اقترحت عليها بصراحه احي بالها بما انها مشغوله يعني وغصب عنها مش هتعرف تيجي فانا قولت اساعدها!

ماهر وقف وقال بضيق:لا ما تقلقيش يا مروه بلغيها اني مش مستعجل وانه براحتها تيجي في اي وقت مش شرط النهارده يعني!!

مروه وقفت وقالت بتساؤل:يعني ايه انت مش مستعجل دي البنت فقدت اعصابها من التوتر!!

انتبه ماهر لكلامها وقال:افندم'

مروه ضمت حاجبها وقالت:لأ ولا حاجه ..خبطت بايديها علي رجليها وقالت:طيب استأذن انا بق فرصه سعيده يا ماهر اشوفك مره تانيه ان شاء الله؟

ماهر بصلها وهز راسه وسكت وهيا رفعت حاجبها وقالت:طيب مع السلامه !

ماهر هز راسه وابتسم وقال:مع السلامه يا مروه نورتيني؟

هزت راسها وخرجت من مكتبه وهيا ضمه شفايفها بتعجب من ماهر واول ما اتاكدت انها بعدت عن مكتبه بمسافه كويسه اتصلت باحلام وقالت بتساؤل:بقولك ايه يا احلام هو ماهر كان بخيل وهو صغير ولا هوا اتغير بعدما سافر؟

احلام قالت باستغراب من كلام مروه :ليه ايه اللي حصل!

مروه بصت حواليها وقالت بتقزز:لما اجيلك هحكيلك بس قوليلي عملتي ايه مع ابن اخته اللي كلمتيه؟

احلام ضمت عينيها بتذكر وقالت: متسأليش بجد يا مروه دا فضلني ضحك بجد مش قادره معقول يكون في شخص لذيذ كده!

مروه ابتسمت علي كلامها وقالت:لا بحيث كده احكيلي خليني اتخطي اللي حصلي من شويه دا واضحك..

احلام ضحكت وهيا بتحكي لمروه اللي حصل بينها وبين حمزه…

(فلاش باك قبل ساعتين من الآن)!!!

احلام قالت بضيق:ممكن بق يا مروه تقوليلي ايه هو الحل..

مروه هزت راسها وقالت:بصي انتي كملي شغلك عادي وسيبيلي موضوع ماهر انا هجيبلك منه العقد لحد البيت وتمضيه؟

احلام اول ما سمعت كلام مروه وقفت من علي الكرسي وقالت بصدمة :البيت ليه هو انتي هتعملي ايه؟

مروه حركت دراعها وغيرت نظرتها وبصت للفراغ وقالت: اديني انتي بس عنوان شركته والنهارده بالليل هتعرفي ؟

احلام حركت راسها بفضول وقالت:لا انا لازم اعرف ايه اللي بيدور في راسك فهميني!

مروه ضحكت وقالت:مفيش ياستي بكل بساطه هروح الشركة واتعامل علي اني انتي احلام لحدما هوا يعرف اني موجوده وهقابله فهيكون جهز العقد ومضي عليه اقوم انا اتاخر شويه علي اوصل لمكتبه وادخله ..هو صح هيتفاجئ بيا بس وقتها هقنعه بق واخد منه العقد وارجعوله بعدما انتي تمضيه..!

احلام غمضت عينيها وهيا بتفكر في كلام مروه وقالت :بصراحه يا مروه انا مغلطش لما قررت اخليكي صديقتي المقربه بجد عاش لأفكارك ..بس دلوقت انا عاوزه ابلغك ان ماهر دا غير بتاع زمان خالص انتي هتتفاجئي بنفسك!

مروة ضحكت وهزت راسها وقالت:مش مشكله انا بحب الصدمات!

ضحكت احلام وقالت:طيب انا هتصل بحمزه ابن اخته واخد منه عنوان الشركه وانتي لما تخلصي ورديتك الاولي ابق استأذني ساعه وروحيله !

مروه هزت راسها بالموافقه وقالت:ماشي يا حبيبتي انا هقفل بق علشان ورايا شغل وانتي ابقي ابعتيلي العنوان في رساله؟

احلام هزت راسها بالموافقه وقالت:طيب يا روحي يلا مع السلامه!!

قفلت احلام المكالمه وطلعت رقم حمزه اللي سجلته لما كان بيوصلها لبيتها واتصلت عليه؟

كان حمزه نايم والتليفون بيرن بأسم احلام ..حرك جسمه بنوم وهوا بيتجاهل صوت رنته المزعجة واول ما التيلفون فصل احلام بصت لرقمه تاني وقررت تتصل عليه مره تانيه!!

حمزه قرب من تيلفونه بضيق وقفل المكالمه واحلام اتفاجأت وقررت انها هتتصل عليه لاخر مره علشان تكون عملت اللي عليها واول ما اتصلت عليه رد وقال بنوم :مين؟

احلام سكتت وهيا بتفكر تبدأ معاه كلام ازاي وهو قال بضيق:انت ياللي بترن ساكت ليه متتكلم!

احلام استغربت كلامه فقالت بجديه:انا احلام؟

حمزه اول ماسمع صوتها قام من علي السرير بسرعه وقال بدهشه:احلام ازيك!

مسكت احلام ضحكتها لانها كانت سامعه صوته وهوا بيقوم من السرير وبياخد نفسه بسرعه وغير تغيير صوته من النوم للانتباه الشديد فقالت :الحمدلله انا بخير يا حمزه انت اللي اخبارك ايه!

حمزه ابتسم وقال بحماس:انا بخير يا أحلام الحمد لله ..

احلام هزت راسها وقالت:يارب دايما ..سكتت لثواني وقالت:انا اتصلت بيك علشان عاوزه منك طلب بسيط!

حمزه قال بسرعه:اتفضلي يا احلام انا تحت امرك في اي حاجه!

احلام ابتسمت بفرحه من كلامه وقالت:انت عارف اني هروح لخالك في شركته بسبب العقد اللي همضيه معاه بس انا بصراحه مش عارفه عنوان الشركة ؟

حمزه ضحك علي كلامها وقال:بس كده عيوني العنوان قريب متقلقيش مش بعيد؟

احلام قالت باطمئنان :طيب كويس قولي هو فين؟

وصفلها حمزه مكان الشركه بالتفاصيل وهيا اول ما سمعت كلامه عرفت المكان فقالت بإبتسامه:شكرا ليك يا حمزه بجد مش عارفه اقولك ايه !

حمزه ابتسم وقال: علي ايه بس يا احلام دي حاجه بسيطه'

احلام كانت بتستعد علشان تقوله انها هتقفل المكالمه ولاكنها وقفت مصدومه من سماعها لصراخ حمزه وهو بيقول:نهارك إسوود انتي عرفتي مكاني ازاي؟

سيلين بصتله بضيق وقالت:هل تختبئ مني يا حمزه هل تعتقد بانني لم اعرف مكانك!!

حمزه طلع فوق السرير وقال بخوف من هيئتها: انا عايش في القصر دا من ثلاث سنين وحافظة بالعافيه بس انتي ماشاء الله فريتي القصر كله في يومين بس..

سيلين بصتله وابتسمت وقربت منه وقالت:حسنا هل تقصد بكلامك انني رائعه؟

حمزه حرك راسه ورفع ايديه يبعدها عنه وقال: ابوس ايدك يا سيلين والله انا لسا صغير وانتي عندك خالي اهو كبير وتقدري تعملي معاه اللي انتي عايزاه بس انا والله لسا صغير علي الحجات دي وخالي لو عرف هيموتني؟

سيلين قربت منه تاني وقالت برفض:من قال هذا ماهر سوف يتقبل الأمر بدون اي رفض لقد اخبرتك انني اريدك مره ولا اريد ان اسمع اي اعتراض..؟

احلام كانت ضامت حاجبها وهيا بتسمع كلامهم مع بعض واللي دهشها اكتر صوت حمزه اللي كل شويه يتحرك من مكان للتاني وصوته يعلي وهو بيرفض البنت اللي معاه ..!

حمزه كان ماسك التيلفون في ايديه وبيحرك راسه بالرفض وبيقول:مستحييل انتي اكبر مني بكتير وبعدين انا لما افكر اعمل كده هختار بنت من سني او اصغر مني ولاكنت انتي لااااا يا سيلين انتي حبيبة خالي ؟

احلام اتصدمت لسماعها لكلامه بان خاله مرتبط فتجاهلت اللي سمعته وقررت تقفل المكالمة ولاكن وقفها المره دي صوت حمزه اللي بيقول بصوت عالي:احلاام لو انتي لسا معايا علي التيلفون تعالي والحقيني دي عاوزه …

سكت وهوا مش عارف يشرحلها اللي سيلين عاوزاه يعمله معاها فقال بضيق من سيلين:عاوزاني اعمل..؟

رواية حبيبي المدير بقلمي شيماء صبحي

ضحكت احلام علي طريقته في الكلام لانه لما بيكون محتاج مساعده بيطلبها بطريقته دي فبتضحكها..

سيلين مسكت التيلفون من ايديه وقالت وهيا بتفصل المكالمه وبتحدفه علي السرير…هل تعتقد انني سوف اخاف عند سماع ذلك ،لقد اخبرتك انني اريدك وانا الان اتحدث بجديه..هيا لنفعل ذلك الآن !

حمزه كان بيبصلها بصدمه وهيا بدأت تقلعه التيشرت وهوا كان واقف ومتصلب مكانه مش قادر يتحرك سيلين لمست جسمه بتلزز وقالت:انت رائع جدا هل تعتقد بانني سوف اضيع مثل هذه الفرصه انتَ كِنز يا حمزه وانا المحظوظة بحصولي عليك!!

حمزه بدأ يحس بانه تايه بسبب نظراتها الغريبه ليه وهيا قربت من وش حمزه ببطئ وبصت في عيونه بتوهان وقبل ما تق"بله اتلقت سيلين ضربه علي راسها من مرسي اللي كان واقف وراها و ماسك خشبه في ايديه وبيبص لحمزه بقلق..

حمزه فاق لنفسه وهو بيقول:ايه اللي بيحصل انا فين؟

مرسي قرب منه وقال بخوف عليه:حمزه باشا انت كويس انا شوفتها وهيا بتقرب من الاوضه ومكنتش اعرف انها جريئه اوي كده ..سامحني اني مصدقتش كلامك في الأول؟

حمزه بص علي الارض وبص علي سيلين اللي واقعه مغمي عليها وقال: خلي اي حد من الخدم يطلعها اوضتها ويقفلوا عليها الباب كويس من برا لحدما خالي يرجع ..بص حمزه في عين مرسي وقال:انت شاهد يا مرسي علي اللي كانت بتعمله معايا علشان هخليك تحضر معايا قدام خالي!!

مرسي بلع ريقه بتوتر وهز راسه وقال:ماشي يا حمزه باشا بس انت هتعمل ايه دلوقت؟

حمزه مسك التيشرت بتاعه وقال:انا هروح اي مكان اهدي فيه اعصابي لحدما خالي يرجع من شغله علشان يكون عندي طاقه اشحرله اللي حصل!

مرسي هز راسه بالموافقه وحمزة خرج من اوضته وهوا بياخد نفسه بصعوبه ومش متخيل الموقف اللي اتحط فيه ..

(تعريف حمزه الشناوي:يبلغ من العمر19 عاما يدرس بكليه الهندسه في اول سنه.. دخل حمزه الهندسه بسبب ضغط ماهر الصياد لانه شايف ان حمزه ليه مستقبل فيها ولاكن في الواقع حمزه رافض التعليم من أساسه ولاكنه بيروح الكليه كل فتره علشان يرضي خاله ..اتولد حمزه في مصر من اصل ام مصريه واب يوناني ..انفصل والديه وهو في عمر5 اعوام وبسبب انشغالات والديه قام ماهر الصياد بتبنيته وأصبح المسؤل عنه قانونيا بعد ان اصبح راشدا والمدير التنفيذي لشركة الصياد)

حمزه صحيح بيحب البنات بس عمره متخيل انه في يوم ممكن يعمل حاجه زي دي في بنت ويأذيها حتى لو كانت هيا اللي طالباه برضوا كان رافض رفض تام ..

افتكر احلام وبص لتيلفونه ولقي انها قفلت المكالمه من ١٠ دقايق فاتنهد بضيق وقال:انا مش هسكت علي اللي حصلي المره دي وسيلين دي لازم خالي يوقفها عند حدها يا اما بق انا اللي هتصرف معاها بطريقتي..

قال كلامة بجديه وخرج من القصر واتجه لعربيته وركبها وبعد دقايق كان اتحرك لخارج القصر..!

_____________

انهت احلام كلامها مع مروه وبلغتها انها هتقابلها بالليل في بيتها بعدما يخلصوا شغل علشان يشرحوا لبعض كل التفاصيل ..

مروه ابتسمت وقالت:طيب اشوفك بالليل يا قلبي!

ابتسمت احلام وقفلت المكالمه واتجهت لعملها ..

وفي شركة الصياد كان ماهر في اجتماع بخصوص شحنه جديده لعميل استرالي وكان ماهر بيبلغهم باهميه الشحنه دي وانها منقذه للشركه بعد انتهاء عقدهم مع الشركة الايطاليه ..

كل المدراء كانوا بيسمعوا كلامه بانتباه وبعدما انتهي الاجتماع كان وقت الدوام خلص ..بلغهم ماهر يخرجوا من الغرفه واتحرك هوا لمكتبه اخد الجاكت بتاع بدلته واتجه لخارج الشركة..

كان في استقباله منعم السواق الخاص بيه واللي اول مشافه قرب من العربيه بسرعه وفتحله الباب!

ركب ماهر العربيه ودقايق وكان منعم اتحرك للخارج فضل ماهر يبص علي غروب الشمس بسرحان وانتبه علي كلام منعم واللي بيقول:حضرتك شكلك مأكلتش حاجه من الصبح ايه رئيك اوديك مكان جديد ومختلف وبيعملوا اكل خطير..

بصله ماهر بانتباه وقال: عندك حق انا فعلا ماكلتش حاجه من الصبح ..طيب وديني المكان دا بس اعمل حسابك هتاكل معايا؟

منعم بصله باحراج وقال:بس حضرتك !

ماهر لف وشه وقال:انا مش باخد رأيك يا منعم انت عارف اني مش بحب اكل لوحدي!

منعم حرك راسه بتفهم وقال:اللي تشوفه يا فندم..

ماهر هز راسه وفضل يبص علي الطريق وعلي العربيات اللي ماشيه جمبه لحدما فجاه شافها وهيا مطلعه ايديها من شباك العربيه ومن الواضح انها بتدندن اغنيه وسرحانه..

استغرب ماهر ونزل ازاز الشباك علشان يتأكد انها فعلا احلام واول ما فتح ازاز العربيه بص عليها ودقق في ملامحها واتاكد انها فعلا احلام ..

منعم لاحظ نظراته للعربيه اللي ماشيه جمبهم فقال بتساؤل:في مشكله حضرتك !

ماهر بصله وهز راسه وقال بالرفض:لا خليك انت بس في اللي بتعمله وركز في الطريق؟

منعم هز راسه بحرج وماهر بص عليها ولفت نظره شكل عربيتها وابتسم اول ما افتكرها لانها كانت اول عربيه ركبها في حياته كانت لوالد احلام وكانوا كلهم فرحانين وقتها اول ما والدها اشتراها لانها كانت عربيه غاليه وقتها ومش اي حد بيشتريها وكانت معجزه بالنسبالهم لان والدها كان غاوي عربيات من زمان بس اللي ماهر استغربه هوا تعلق احلام بالعربيه دي لخد دلوقت رغم انها اصبحت قديمه ومش موجود منها كتير ..

احلام كانت اخدت بالها من العربيه اللي ماشيه جمبها بقالها فتره وكان اللي فيها قاصدين بصت عليها وقالت بضيق:مالو دا ماشي بالراحه لي معقول يكون بيتريق علي عربيتي!!

ماهر قفل ازاز الشباك بسرعه لما انتبه انها بتبص علي العربيه ..

اتحركت احلام وسبقتهم شويه ومنعم بص لماهر وقال:حضرتك البنت اللي راكبه في العربيه اللي قدامنا دي بتغلط فيا؟

رواية حبيبي المدير بقلمي شيماء صبحي

ماهر استغرب كلامه وقال:بتغلط فيك ازاي؟

منعم شاورله عليها وهيا ماشيه قدامهم وبتغلط فيه باستخدام اشارات العربيه الخلفيه واول ما ماهر ركز معاه واتاكد من كلامه ضحك علي حركتها المجنونه؟

منعم كان متضايق من احلام وغلطها فيه فزود من سرعته وسبقها ورد عليها باستخدام اشارات عربيته واحلام اتعصبت اكتر وبدأت تطلع قدامهم وتغلط بالاشاره ومنعم يتعصب اكتر ويسبقها ويرد عليها وابتدأت خناقه كبيره بين منعم واحلام لحدما قربت منه وقالت وهيا بتشاورله يفتح ازاز عربيته:انت فاكر نفسك شقي؟

منعم ضم حاجبه وقال:افندم؟

احلام طلعت من جمبها ازازه مايه فاضيه ورمتها عليه وقالت:مش علشان راكب عربيه غاليه يبق فاكر اني هسكتلك!

رمت الازاه وسبقتهم وماهر كان مستغرب حركتها ومش مستوعب انها لسا بعقلية الطفلة المجنونه لحد دلوقت فبص لمنعم وقال وهو بيحاول يسخنه عليها:اي دا هو انت هتسكت علي الاهانه دي ولا ايه!

منعم بص لماهر وقال بعيون حمرا: تسمحلي حضرتك اخد حقي!

ابتسم ماهر وهو بيشاورله عليها:اتفضل؟

احلام كانت اتحركت بسرعه وسبقتهم ولاكن منعم كان حطها في دماغه وزود من سرعته لحدما وصلها واول ما بقي في نفس مستواها خرج من عربيته ثلاث ازايز مايه فاضيين ورماهم في عربيتها لأن ازاز الجانب التاني كان مفتوح وبصلها بسخريه وقال:الظاهر يا استاذه انك لسا بتتعلمي السواقه وبعدين ما احنا قولناها مره خليكم في البيت ليه بتتعبوا نفسكوا وبتقرفونا معاكم بسواقتكم اللي بتدمر الطرق دي!!

احلام بصتله بصدمه وهيا مش مستوعبة اللي عمله فشاورتله يقف في جنب وهوا هز راسه ليها بعصبيه ووقف عربيته وهيا وقفت عربيتها وراه وخرجت منها بسرعه وفي ايديها مفتاح كبير وبتقرب من عربيتهم وبتقول وهيا بتشاور علي منعم:انزلي..

ماهر كان باصصلها من خلف الازاز بصدمه ومش قادر لايفهم ولا يستوعب كمية الجرأة اللي هيا فيها وازاي بنت زيها يكون عندها الشجاعه انها تتخانق مع راجل في الطريق كده …لأ وماسكه في ايديها اله حاده وبتهدده !!

منعم بص حواليه وهو بيدور علي ايد حاجه يدافع بيها عن نفسه ولاكن ماهر وقفه وقال :خليك انت يا منهم مكانك وانا هخرجلها!

منعم كان هيتكلم ولاكن ماهر منعه ونزل هو من العربيه وبص عليها وقال بتساؤل:خير يا استاذه عاوزه تتخانقي مع السواق بتاعي ليه!!

احلام لفت بجسمها بغيظ وقالت: اختار السواق بتاعك كويس علشان ميعرضكش ل….بصتله وسكتت وهيا بتقول بقدمة :ماهر..

عدل ماهر جاكت بدلته وقرب منها ومسك المفتاح من ايديها وقال:بق في بنت محترمه تمسك دا وعوزه تتخانق بيه في نص الشارع..

احلام بصتله بصدمه وقالت:انت بتعمل ايه هنا!

ماهر كان مركز في عينيها وهيا كانت ساكته وهيا مركزه مع عيونه وهو اول ما انتبه للوضع اللي هما فيه فتح الباب لمنعم وقال:انزل خد حقك منها؟

احلام بصتله بصدمه ومنعم بصلها بغضب ونزل من العربيه فاحلام بحركه لاراديه جريت علي ماهر ومسكت فيه جامد وقالت:هات المفتاح!

ماهر حرك راسه بالرفض وقال:مينفعش دا اسمه غش لو فعلا عاوزه تاخدي حقك خديه من غير استخدام اي سلاح مساعد!!؟

منعم كان بيبص عليها والغضب مالي قلبه وهيا بصت لماهر بضيق وقالت: انت بتتحداني !

ماهر قرب من وشها اكتر وهز راسه وقال:ايوا اعتبري تحدي ؟

احلام غمضت عينيها وهزت راسها وقالت بضيق:بس لو حصله اي حاجه انا مش مسؤله عنه انت اللي هتتحمل المسؤليه كاملة!

ماهر استغرب كلامها وهيا كانت بصاله بتحدي كبير واول ما هز راسه ليها بالموافقه قربت من منعم وقالت:ها ايه اللي عندك بق '

منعم رفع ايديه علشان يدافع عن نفسه واحلام بصتله بتحدي وقالت:عندك فرصه تتراجع معاك 20 ثانيه ..

منعم هز راسه بالرفض وقال بتحدي:لا مش هتراجع!

احلام هزت راسها بالموافقه وقالت:افتكر اني قولتلك اتراجع ..

منعم هز راسه وقرب منها خطوه وهيا بصتله بصدمه بسبب فرق الحجم اللي بينهم فبصت وراها لقت ان ماهر واقف يتفرج عليهم ومركز معاها ..بلعت ريقها وقالت:علي فكره انا ممكن!!

منعم ضرب بايديه علي دماغها وهيا بحركه سريعه حركت راسها وبصتله بصدمه وقالت: ايه دا انت بجد عاوز تضرب بنت هو انت مش عارف ان دا غلط'

منعم بص لماهر وقال:مديري سمحلي اخد حقي وانا بصراحه مش بلاقي الفرصه دي كتير ..

احلام بصت لماهر بطرف عينيها ورجعت بصت لمنعم وقالت:يا نهار اسود الحق العربيه بتتحرك لوحدها!

منعم اتخض وبص علي العربيه وهيا اتحركت بسرعه لعند ماهر وقالت:انت هتندم علي فكره!

ماهر بصلها باستغراب وهيا شدت المفتاح من ايديه وقالت:لولا انشغالي بحجات اهم كنت ضربته واتحبست بس معنديش وقت اقضيه في السجن دلوقت!

ماهر بص لمنعم اللي بيقرب منها وعلي وشه علامات الغضب فشدها عليه جامد لدرجه انها بقت في حضنه ورفع ايديه يمنع منعم انه يقرب منها ..

احلام كانت مصدومه من حركته السريعه ولاكنها اول ما شمت ريحته غمضت عينيها باستمتاع ورفعت حاجبها بشئ من الدهشه ومتحركتش من مكانها لحدما سمعت صوته بيقول:اركب العربيه وانا هخلص الموضوع معاها!

فتحت عينيها وبصتله وهو بصلها وقال:انتي كويسه؟

احلام هزت راسها بالموافقه وهو بعدها عنه وقال:انتي مجيتيش شركتي ليه وبعتي مروه بدالك!

احلام بلعت ريقها بتوتر من قربها ليه وقالت:علشان كان عندي شغل؟

ماهر دقق في تفاصيل وشها وقال باستخدام حواجبه في الشرح:بس عندك وقت تتخانقي في الشارع مش كده!!

احلام بصتله بصدمه وهوا بعدها عنه وقال:اتفضلي المفتاح بتاعك اهو واركبي عربيتك وانشي علشان السماء بدأت تضلم وانتي مشوارك كبير..

احلام كان قلبها بيدق بسبب قربها منه فكانت واقفه تبص عليه وهو ركب العربيه وقفل الباب وراه وشاور لمنعم يتحرك وهيا اول ما استوعبت انها لسا مكانها متحركتش ركبت بسرعه عربيتها واتحركت …!!

وفي الطريق حطت احلام ايديها علي قلبها اللي كان بيدق بسرعه ومش بيقف وكل ما تغمض عينيها صوره ماهر وهو مقرب منها بتظهر قدامها فاستغربت ان كل مشاعرها المدفونه من سنين رجعت تاني في اقل من لحظه فهزت راسها وقالت: معقول ماهر يكون افتكرني وافتكر ايامنا مع بعض ؟بقلمي شيماء صبحي

تفتكروا بق ايه اللي هيحصل بين احلام وماهر بعد المقابلة المجنونه دي🫢😂

رجعت احلام بيتها بعد خناقتها مع منعم السواق الخاص بماهر الصياد..دخلت تغير هدومها علشان تجهز اكل وبعدما انتهت دخلت للمطبخ وكانت بتشوف هتطبخ ايه ..

طلعت احلام السمك اللي اشترته من كام يوم علشان تعمله واول ما فتحت التلاجه سمعت صوت جرس الباب ..قربت من الباب وفتحته ولقت ان مروه اللي كانت بترن الجرس.

احلام بابتسامه:نورتي البيت يا مروتي!

مروه قربت منها وحضنتها وقالت :وحشتييني اوي يا احلام!

ضحكت احلام وهيا بتضمها ليها وبتقول:وانتي اكتر ..بس عارفه جيتي في وقتك تعالي نعمل الاكل مع بعض..

مروه خرجت من حضنها وهزت راسها وقالت:هتعملي اكل ايه انا هاكل معاكي النهارده؟

قفلت احلام الباب ومسكت ايد مروه وقالت:سمك ؟

ابتسمت مروه بحماس وحدفت شنطتها علي الكرسي وقالت وهيا بتتجه مع احلام للمطبخ:حلاوتك يا احلام '

وقفت مروه واحلام في المطبخ وبدأو يجهزوا السمك وبدات مروه تتكلم وقالت: الاستاذ المحترم اللي بق باشا ونسي ايام زمان لما كان بينضرب من كل واحد شويه لما روحتله معزمش عليا بكوبايه مايه ولا اي حاجه دا حتي معرفنيش ؟

ضحكت احلام علي كلامها وقالت:انتي رايحه تاكلي وتشربي ولا رايحه تجيبي العقد !

مروه ضربتها بخفه علي ضهرها وقالت:بس برضوا هو مش احنا بنشوف برضوا ان رجال الاعمال دول او ماحد بيدخل مكتبهم يروح ماسك التيلفون ومتصل علي السكرتيره ويقولها:اتنين قهوه او اتنين عصير انما دا ..دا عماله اقوله انا همشي يهز راسه وميردش عليا..

حضنتها احلام وهيا بتضحك بشده من كلامها لانها بتوصف اللي حصل بعصبيه فقالت وهيا بتقبلها من خدها:والله انتي عسل يا مروه!

ضحكت مروه علي كلام احلام وهزت راسها وقالتي:يلا مش مهم هيا جت عليه بق منا متعوده ريقي ناشف دايما؟

ضحكت احلام اكتر لتذكرها لمواقف مروه الكتيره لما كانت تروح عند حد من قرايبهم ويعزموا عليها بالعصير وقبل ما تشرب منه تحصل حاجه وتضطر تمشي من غير ما تبل ريقها بسبب المشوار؟

طبطب احلام علي كتف مروه وقالت :استني يا بت يا مروه انا افتكرت عندي عصير مانجا لسا فريش ملمستوش ..

مروه ابتسمت وبصتلها وقالت بفرحه:بجد !!والله انتي اللي بتجبريني دايما يا احلام!!

ابتسمت احلام وغسلت ايديها بسرعه وفتحت التلاجه وطلعت منها ازازه العصير وادتها لمروه وقالت: يلا بلي ريقك براحتك!!

مروه غسلت ايديها من اثار السمك وبدات تشرب بلهفه وهيا بتقول:يااه طعم المنجه يشرح القلب..

ابتسمت احلام وبدات تغسل السمك لحدما مروه تخلص براحتها وقبل ما تجهزه للقلي وقفتها مروه وقالت:صح يا احلام هو انتي هتطبخي السمكه دي ليكي وليا ليا!

احلام بصت للسمكه اللي كانت مشترايها من كام يوم وقالت:لينا احنا الاتنين يا مروه؟

مروه ضمت عينيها وقالت بصدمه:انا فكرت انك بطلعي سمكه سمكه بس بجد انتي بتشتري بالسمكه الواحده؟

احلام هزت راسها بالموافقه وقالت:معلشي يا مروه انتي عارفه ان الفتره اللي فاتت دي كنت علي الحديده بس ان شاء الله اوعدك اول ما اقبض اول راتب ليا هعزمك علي اكلة سمك برا محصلتش؟

مروه طبطبت عليها وقالت بابتسامه حنونه:لا يا حبيبتي متحرمش منك انا راضيه هاكل معاكي ممكن بس تديني ديل السمكه دي هيشبعني ؟

احلام بصتلها بغيظ منها وضحكت وقالت برفض:طيب علشان غلاستك دي مش هديكي حاجه؟

مروه ضحكت وقالت:احسن برضوا اهو مش هبوظ الدايت..

احلام مقدرتش تقاوم ضحكتها وقربت من مروه وقالت :بقولك ايه انا مش عايزه اضحك علشان منساش اللي ورايا ف اسكتي؟

مروه بصت في عينيها وضحكوا هما الاتنين بهستريه لحدما بدأو يستجمعوا نفسهم من تاني وبدات احلام تاخد نفسها وهيا بتقول:خليني اقلي السمكه اللي… بصت في وش مروه اللي بتحاول تكتم ضحكتها وضحكت عليها اكتر..

مروه ضربتها بخفه وبدات تضحك بقوة لحدما سمعوا صوت الباب بيخبط فوقفوا ضحك هما الاتنين واتحركت مروه علشان تفتح الباب وكان شاب من اهل المنطقه اللي بيخبط وكان ماسك في ايديه كيس اسود وبيقول بخجل :هيا احلام موجوده!

مروه هزت راسها والشاب قرب الكيس من مروه وقال :امي بعتالها دا وبتقولها انها اسفه علشان اتاخرت عليها لانها كانت مشغوله؟

مروه اخدت منه الكيس وهو بصلها وقال:بعد اذنك!

مروه شاورتله يقف وهو وقف بخجل وهيا قالت:اقولها مين ؟

الشاب بص لمروه ورجع نزل عينيه بسرعه وقال:قوليها الحاجة ميرفت وهيا هتعرفها؟

مروه هزت راسها وابتسمتله وهو مشي من قدامها بسرعه واول ما مروه قفلت الباب الشاب حط ايديه علي قلبه وقال بتوتر: مكنتش متوقع انك موجوده عندها بس انا مبسوط اني شوفتك؟

دخلت مروه للمطبخ وقربت الكيس من احلام وقالت:الحاجة ميرفت بعتالك الكيس دا وبتقولك انها اسفه علشان اتاخرت عليكي لانها كانت مشغوله؟

احلام ابتسمت واخدت الكيس منها وقالت:بعتته مع صابر ابنها ولا ايه؟

مروه حركت كتفها وقالت :معرفش بس هوا كان شاب طويل وخجول؟

احلام بصتلها باستغراب وقالت :خجول؟

مروه حركت ايديها بعفويه وقالت:ايوا اصل عمالي يبصلي وينزل عينيه بسرعه كده فخمنت يعني انه مكسوف بق او معرفش ماله؟

ضحكت احلام وهزت راسها وقالت:طيب كتر خيرهم ..كملت احلام كلامها وقالت بحماس: عارفه يا بت يا مروة الكيس دا في ايه !

مروه قالت بفضول:ايه!

احلام قفلت علي الزيت اللي كانت هتقلي فيه السمكه وقالت بفرحة :فطير مشلتت!

مروه ابتسمت وقالت:دا جه في وقته والله يلا يابنتي خلينا ناكل الاكل اللي يستاهل نبوظ الدايت علشانه!

ضحكت احلام وهيا بتحط السمكه في الكيس تاني وبتحطها في الفريزر وبتقول:ملناش نصيب ناكلها النهارده هأجلها ليوم تاني؟

ضحكت مروه واخدت الكيس اللي فيه الفطير وحطته في طبق وبعدما احلام نظفت المطبخ دخلوا الاتنين للصالون وبدأوا ياكلوا..

مروه قالت وهيا بتاكل:صحيح يا احلام بخصوص ياسر مديرك هتعرفيه ازاي ان ابوكي هيعمل عمليه وانك محتاجه تاخدي اجازه؟

احلام هزت راسها وقالت بهدوء :مش عارفه يا مروه بس انا مش عايزه اقوله ان ابويا تعبان بصراحه انتي عارفه يعني اني مش بحب ان حد يعطف عليا وهو لما يعرف حالته وكده اكيد هيوافق علي الاجازه وممكن يديني فلوس وانتي عارفاني بق الحته دي بتجرحني ؟

مروه هزت راسها بتفهم وقالت:طيب انتي بتقولي انك مكملتيش يومك امبارح وهو كان متضايق لان كان عندكوا شغل بس بعد بكره عندكوا شغل برضوا ولا ايه!

احلام حركت راسها وقالت بضيق:بصراحه لو علي الشغل فهوا مبيخلصش بس انا بفكر اهو اجبهالو ازاي!

مروه بدات تكمل اكل وهيا بتفكر لحدما خطر في بالها فكرة فقالت بصوت علالي:لقيتها؟

احلام انتبهت ليها وقالت بفضول:ايه هيا؟

مروه ابتسمت وقالت:انتي ترني عليه النهارده علشان متخجليش تطلبي منه بكره فتقوليوا ان اهلك في الاسكندريه هيجولك زياره وانك لازم تاخدي اجازه علشان دي اول مره يزروكي فيها من ٨ سنين ؟

احلام فكرت في حلها فهزت راسها برفض وقالت:لا يا مروه مش هتدخل عليه وبعدين بقولك دا كان ظابط ياعني فاهم الحوارات دي كويس ؟

مروه ضمت حاجبها بضيق ورجعت تفكر في حل تاني لحدما انتبهت علي صوت احلام واللي قالت:عرفتها؟

مروه بانتباه:ايه ؟

احلام:انتي يا مروه !

مروه قالت بتساؤل:انا ايه؟

احلام قالت بابتسامه وهيا بتشاور عليها:انتي الحل يا مروه؟

مروه عدلت هدومها وحطت ايديها علي صدر-ها وقالت وهيا بتهز راسها بالرفض :الا شرفي ؟

ضحكت احلام وحركت راسها بالرفض وقالت:لا انتي فهمتي ايه انا قصدي انك انتي اللي هتكلميه يوم العمليه الصبح وتبلغيه اني تعبانه جدا ومش هعرف اروح النهارده؟

مروه رفعت حاجبها وقالت:لا يا شيخه طيب ما هوا ممكن يعملك فيها المدير الشهم ويقول انه لازم يجي يطمن عليكي وقتها بق هنعمل ايه؟

احلام بصتلها بغيظ وقالت:يعني دي برضوا مينفعش!

مروة هزت راسها وهي بتشاور علي نفسها وبتقول:سيبيني بس افكر ''

عدي وقت ومروه واحلام قاعدين علي نفس الحاله وساكتين وبعد مرور نص ساعه وقفت مروه وهيا بتشاور علي احلام وبتقول:بس هوا دا؟

احلام انتبهت ليها ومروه قالت:انتي هترني عليه وتقوليله ان ابوكي تعبان وهيعمل عمليه ومحتاجه اجازه علشان تفضلي معاه في المستشفي ؟

احلام مسكت شنطة مروه اللي كانت جمبها وحدفتها عليها وقالت بضيق:برا يابت ؟

مروه بصتلها بصدمه وقالت:يا لهوي بق بتطرديني يا احلامو؟

احلام قالت بصوت عالي :احلامو ؟؟؟والله لو مامشيتي يا مروه لاقتلك هو انا ناقصاكي؟

مروه ضحكت وهزت راسها وقالت:ماشي يا احلامي المره دي هسامحك لاني مليت بطني خلاص بس بعد كده انا مش هسكت علي المهزله دي..

احلام وقفت وقربت منها ومسكتها من هدومها وقالت بتهديد:عارفه يا مروه الحل اللي قولتيه دا انا هعمل فيه ايه؟

مروه هزت راسها بعدم فهم واحلام حركت راسها وقالت بابتسامه:هو دا اللي انا هعمله!

مروه فتحت عينيها من الصدمه واحلام فتحت باب شقتها وقالت:نورتيني يا مروه يلا بق روحي شوفي وراكي ايه!

مروه بصتلها بدهشه وقالت:يا بت بطلي حركاتك الواطيه دي بتخليني اندم اني صاحبتك!

احلام ابتسمت وهيا بتحدفلها قبله في الهوا:معلش بق يا رور اصلي لسا هرن علي المدير و فيها ساعتين اقناع دي..

ضحكت مروه وهزت راسها وقالت:ماشي يا احلام لما تكلميه ابق طمنيني عملتي ايه !

احلام هزت راسها ومروه قربت منها وحضنتها وقالت:مع السلامه يا حبيبتي خلي بالك علي نفسك واقفلي الباب عليكي كويس؟

احلام ابتسمت وهزت راسها بالموافقه ومروه خرجت من البيت واحلام قفلت وراها الباب ورجعت تاني للصالون مسكت تيلفونها وجابت رقم ياسر واتصلت عليه..

كان قاعد ياسر في الفيلا بتاعته وجانبه والدته وبيتكلموا بخصوص الحفلة اللي ياسر هيروحها وهيكون فيها رجال اعمال مصرييت ومن باقي الدول العربيه ؟

والدته قالت وهيا بتشرب من فنجان قهوتها:الحفله دي مناسبه ليك وهناك هتلاقي اصدقاء والدك اللي ليهم معارف خاصه خارج مصر ممكن تتعرف عليهم وتستغل وجودك بانك تعرض عليهم افكارك الجديده والمشاريع اللي بتفكر فيها ؟

ياسر حرك راسه بالموافقه وقال:بس يا ماما انتي عارفه ان الحفله دي مينفعش اروحها لوحدي وبعدين لازم يكون معايا بنت وتكون حلوه؟

ضحكت والدته وهزت راسها وقالت بابتسامه:وانت بق فاكر ان حاجه زي دي ممكن انساها طبعا انا كلمت بنت نهال صحبتي وقولتلها انك عاوز تقابها واخترعت حجة انك مش معاك رقمها وهيا بصراحه مرفضتش ؟

ياسر ضم حاجبه باستغراب وقال:بس يماما بنت نهال دي مجنونه وانا محتاج بنت هاديه علشان متعمليش مشاكل في الحفله؟

والدته ضمت شفايفها بتذمر وقالت:يعني انت عندك حل تاني غيرها ورفضناه..

تيلفون ياسر رن برقم احلام فاول مشاف اسمها هز راسه بالموافقه وقال:اكيد عندي!

والدته ضمت حاجبها وهيا بتحاول تشوف مين اللي بيتصل عليه وايه سبب ابتسامته العريضه دي ..

وقف ياسر وقال:بعد اذنك يا ماما هرد علي المكالمة دي وارجعلك نكمل كلامنا؟

والدته هزت راسها وقالت :تمام يا حبيبي بس ممكن اعرف مين اللي بيتصل عليه وايه سبب الابتسامه الجميلة دي..

ضم ياسر حاجبه وقال برفض:دي السكرتيره بتاعتي الجديده يماما وبعدين احنا هنتكلم في الشغل فلازم يعني يكون في خصوصيه ولا ايه!

حركه والدته راسها بشك وهزت راسها بالموافقه وهو اتحرك من قدامها بسرعه وطلع في الجنينه ورد علي احلام..

احلام بلعت ريقها وقالت:مستر ياسر انا اسفه اني بتصل عليك دلوقتي بس انا كنت عاوزه اطلب منك حاجه ولاني مكسوفه اطلبها منك في المكتب فقولت اطلبها منك علي التيلفون!

ياسر هز راسه بالموافقه وقال :اتفضلي يا احلام حاجة ايه!

احلام غمضت عينيها واخدت نفس بصعوبه وقالت:انا كنت عاوزه اطلب من حضرتك … جرس الباب رن عندها فقطعت كلامها وهيا بتبص علي الباب وبتقول: لو سمحت يافندم خليك معايا بس ثانيه واحده!

حرك ياسر راسه وقال بهدوء:تمام اتفضلي!

اتحركت احلام في اتجاه الباب وفتحته واول مشافت الشخص اللي قدامها قالت بصدمه:ماهر؟

ماهر هز راسه وضم عينيه وقال :انا جيت في وقت مش مناسب ولا ايه؟

احلام بصت للتيلفون وفصلت المكالمه بينها وبين ياسر بسرعه ورجعت بصت لماهر بصدمه اكبر وقالت:اي دا انت عرفت عنواني منين!

ضم ماهر حاجبه وقال وهو بيرجع خطوه لورا:انتي ناسيه اني متربي هنا وانك جارتي من زمان!

احلام اتوترت من كلامه وهزت راسها وقالت:بس برضوا ايه اللي جابك دلوقت مش المفروض اني كنت بتخانق معاك انت والسواق من ثلاث بس !

ماهر حرك راسه وابتسم وقرب منها وقال بهدوء :انا جيت علشان اطلب منك طلب بما انك يعني مسبتيش المنطقة هنا من زمان ..؟

احلام حركت راسها بالموافقه وهو بص حواليه وقال بهدوء :عاوز المفتاح بتاع البيت بتاعنا اظن انه معاكي..

احلام ضمت حاجبها بدهشه وقالت وهيا بتردد كلامه باستغراب:مفتاح بيتكوا؟

ماهر هز راسه بالموافقه وقال:الاستاذ سلامه قالي ان والدي الله يرحمه ساب المفتاح مع ابوكي وقالي انه حاليا معاكي وانا محتاجه ضروري !

احلام بصت لنفسها ولاقت انها بقالها كتير موقفاه برا فقالت وهيا بتشاورله يدخل:اتفضل ادخل جوه خليني اشوف المفتاح دا موجود فين؟

ماهر هز راسه بالموافقه ودخل وهيا سابت الباب مفتوح ودخلت وراه..

كان ماهر بيبص لتفاصيل البيت بابتسامه لانه زي ماهوا متغيرش من سنين بص علي باب اوضتها اللي متغيرش من سنين وافتكر ذكرياتهم مع بعض لما كانو اطفال نسي نفسه وكان هيدخل يشوف الاوضة ولاكنه وقف علي ايديها اللي بتمنعه؟

احلام قال بتساؤل:الصالون مش من هنا؟

ماهر هز راسه بالموافقه واتحرك للاتجاه التاني وهيا اتحركت بسرعه لغرفة والدها وطلعت من الدولاب علبه فيها كل الاوراق المهمه اللي والدها محتفظ بيها!!

شافت مفتاح شكله غريب فاخدته وخرجت برا وقالت وهيا بتقرب من ماهر :هو دا؟

وقف ماهر وهو بياخد منها المفتاح وبيقول:مش متاكد بس ممكن اجربه ولو مطلعش هو..

قاطعت احلام كلامه وقالت:يبق هدورلك عليه بكرة لاني محتاجه انام؟

ماهر بصلها وحرك راسة بالرفض وقال وهو بيبص في ساعته:لسا الساعه٨ بالليل ؟

احلام اتوترت من موجوده معاها لوحدهم فهزت راسها وقالت:ايوا مهوا انا بنام دلوقت؟

ماهر رفع حاجبه واتحرك من قدامها وقبل ما يقفل الباب قال:لو مطلعش هو المفتاح هرجع اخد المفتاح بتاع البيت الاصلي..

قال كلامه ومشي ومسبلهاش وقت ترد عليه ..

فضلت احلام واقفه مكانها لثواني بتستوعب كلامه ولحدما انتبهت انها وقفت قدامه بلبس البيت جريت بسرعه ولبست اسدال علشان تستعد لرجعوه مرة تانيه؟

الباب خبط بعد وقت وهيا قربت تفتح الباب واول مشافت منعم واقف قدامها قالت بضيق:خير؟

منعم قرب منها المفتاح وقال:ماهر باشا بيقولك مش هوا دا المفتاح ؟

احلام حركت راسها بضيق وقالت.بس انا قولتله ان مش فاضيه ادور علي المفتاح التاني دا قوله بكره؟

منعم حرك راسه بالموافقه وطلع تيلفونه واتصل بماهر وقال:الانسه بتقولك انها مش فاضيه تجيب المفتاح!

ماهر رد عليه ومنعم هز راسه وقفل المكالمه وبص لاحلام وقال:ماهر باشا بيقولك انه طالع يدور عليه بنفسه!

احلام اتصدمت اول ما سمعت كلامه واتوترت من كلامه انه طالع تاني وقالت:دا شكله اتجنن ولا ايه هوا مش عارف اني عايشه لواحدي هنا.

منعم سابها ونزل وهيا قفلت الباب بسرعه ووقفت وراه وقالت برفض:الظاهر اني لازم اعامله زي اي حد بيتخطي حدوده معايا لانه بق جريئ اوي !

ماهر وصل قدام شقتها وخبط علي الباب واحلام ردت عليه من جوا وقالت:قولتلك مش هينفع وتعالي بكره؟

ماهر حرك راسه بالموافقه وحط المفتاح في الباب ولقاه فتح فدخل وهيا كانت ماشيه بتقرب من الصالون واتفجأت بيه فنح الباب وواقف وراها؟

صرخت بخوف من وجوده وقالت:يا لهوي انت بتعمل ايه مينفعشي انا عايشه لواحدي هنا ولو حد شافك..هتبقي فضيحة !!

ماهر قفل الباب وراه ودخل وهو بيتجاهل كلامها وقال:انا اديتلك فرصه انك تجيبلي المفتاح بنفسك وانتي رفضتي ومتقلقيش انا عارف اوضة عمي محمد كويس يعني مش هحتاجك في حاجه شوفي انت هتعملي ايه ومتشغليش بالك بوجودي..

احلام حركت راسها بالرفض وقربت منه ومسكت في ايديه تمنعه من الدخول وقالت:لا انت فاكرني هسيبك تدخل بيتي كده عادي.. الظاهر يا استاذ انك مش في وعيك!

ماهر رفع حاجبه وهو بيبصلها بصدمه وبيقول:افندم! انا ايه؟

احلام بصتله بتوتر وقالت بهدوء:اسمع بق انا عارفه انك دفعتلي فلوس بس برضوا انا مش هسمحلك تبوظ سمعتي انت فاهم!

ماهر ابتسمت علي كلامها وقرب من وشها وقال :متقلقيش محدش منتبه اصلا اني موجود هنا وبعدين يا ستي لو حصلت مشكلة متقلقيش انا ممكن اصلح غلطتي عادي...

حست بقلبها بيدق جامد من قربه ليها فغمضت عينيها وقالت برفض:لا انا مش..؟

سابها واتحرك لداخل الاوضه وهيا جرييت وراه وهيا حاسه بغضب شديد من وجوده معاها والباب مقفول عليهم فقربت منه علشان تشده وتوقفه ولاكن ماهر فداها وهيا كانت هتقع فسحبها عليه بسرعه وبص في عينيها وقال: مش قولتلك شوفي هتعملي ايه ومتشغليش بالك بيا..

احلام كانت سرحانه بسبب نظراته ليها وريحة برفانه اللي شدتها وخلتها مش منتبه لكلامه..

ماهر دقق في ملامحها وحس بقلبه بينبض فبعدها بسرعه وقال :طيب خلاص انا همشي بس لو بكره مجبتيش المفتاح مش همشي غير وهوا معايا..

احلام بلعت ريقها بصعوبه وحاولت تاخد نفسها وهوا كان بيبصلها ومبتسم علي شكلها وتوترها اللي مخلي وشها احمر وكانها حاطه مورد خدود..

احلام بصتله وهزت راسها وقالت:طيب بكره انا هجبهولك بس متدخلش بيتي تاني بدون اذني !

ماهر هز راسه ومسك اقديها حط فيها المفتاح اللي اخده منها وقال قبل ما يمشي:متنسيش وعدك ليا انا هاجيلك بكره واخد المفتاح!

احلام هزت راسها وهيا بتبص لايديها اللي ماسكه ايديها فبعدت عنه بسرعه وشاورتله علي الباب وقالت:اتفضل؟

ماهر هز راسه وابتسم وخرج من البيت بسرعه ونزل تحت لمنعم اللي كان واقف وساند علي العربيه ..

ماهر خبط بكف ايديه علي العربيه وقال: وديني القصر؟

منعم انتبه ليها وهز راسه وقرب من العربيه بسرعه وقتحله الباب وبعدما ماهر ركب اتجه منعم لكرسي السواقه وشغل العربيه واتحرك..

________

في شقة احلام كانت ماسكه التيلفون وبتبص لرقم ياسر وبتصرخ بصوت واطي علشان متزعجش الجيران وقالت بعيظ:هعمل ايييييييه ؟

ياسر اتصل عليها وهيا اتخضت وفتحت بسرعه واول ما سمعت صوته اللي بيقول:احلام انتي كويسه حصل حاجه ولا ايه!!

احلام غمضت عينيها وهيا بتفكر ترد تقوله ايه ولاكن جتلها فكرة انها تستغل اللي حصل وتطلب منه اجازه فقالت:مستر ياسر ممكن اطلب من حضرتك طلب وارجوك متضايقش؟

ياسر رد عليها بالموافقه وقال:اتفضلي يا احلام ؟

احلام بلعت ريقها وقالت:بعد بكره انا محتاجه اخد اجازه ؟

ياسر اتصدم من كلامها وقال بضيق:بس يا احلام انتي لسا واخده اجازه امبارح ؟

احلام دموعها نزلت غصب عنها بسبب الضغط اللي هيا فيه وقالت:معلش يا فندم غصب عني والله بس يا ريت تتفهم وضعي لان الموضوع حساس جدا بالنسبالي ومش هقدر اقول اكتر من كده !

ياسر هز راسه بالموافقه وقال:ماشي يا احلام بس انا عاوز منك طلب مقابل الاجازه اللي هتاخديها؟

احلام هزت راسها بالموافقه وقالت باستسلام:اتفضل يا فندم؟

ياسر ابتسم وقال:عاوزك تحضري معايا حفله اخر الاسبوع دا هتكون في فندق خمس نجوم هنا في القاهره قولتي ايه..؟

احلام فكرت في كلامه وقالت بتردد:مستر ياسر انا اسفه بس انا عمري ما حضرت اي حفلات خصوصا اني محجبه والحفلات دي بتكون..

قاطعها ياسر وقال:لا متقلقيش الحفله دي مش زي اللي انتي فهماها خالص دي هيكون فيها تكريم لرجال اعمال معروفين واحنا هنحضر زي بقيت الناس ..

احلام هزت راسها بالموافقه وقالت:تمام يا فندم بس انا مش عارفه ايه اللبس المناسب لحفلة زي دي!

ياسر ابتسم وقال بهدوء:لا متقلقيش خلي موضوع اللبس دا عليا انا بس عايز اتاكد لو انتي فعلا موافقه !

احلام حركت راسها بالايجاب وقالت:متقلقش انا موافقه يا فندم؟

ابتسم ياسر بفرحه وهز راسه وقال :طيب يا احلام متقلقيش بخصوص الاجازه انا هتصرف زي ما اتصرفت امبارح بس انا مش عاوز اي عذر لموضوع الحفلة لاني اعتمدت عليكي خلاص ؟

احلام ضحكت وقالت:لا خلاص يا فندم انا هحضر معاك متقلقش!

حرك ياسر راسه بهدوء وقال:طيب يا احلام يبق اتفقنا مش محتاجه اي حاجه !

احلام حركت راسها بالرفض وقالت بتوتر:لا شكرا يا فندم متحرمش منك!

ابتسم ياسر وقال:طيب مع السلامه؟

احلام:مع السلامه يا فندم؟

قفلت المكالمه وبصت لنفسها وصرخت وهيا بتقول:ايييه اللي انااا عملته داا حفلة ايه اللي هروحها معاه هو انا ليا في الحجات دي وبعدين دا بيقول فيها رجال اعمال يعني اكيد ناس مش سهله وممكن ..وقفت بصدمه وهيا بتقول:ممكن يكون موجود فيها ماهر برضوا ؟؟؟؟

دخلت بسرعه تغسل وشها علشان تفرق من اللي هيا عملته واول ما لمستر المايه وشها دموعها بدات تنزل وهيا بتقول بتوتر:انا اسفه مش هعرف احضر الحفله دي يا مستر ياسر!!

بصت لنفسها في المرايه قالت بغيظ:بعد ايه بق اسفه بعد ايه ما خلاص انتي اتدبستي ..ً

افتكرت السبب اللي وافقت علشان وقالت:بس بابا اهم انا لازم استعد علشان عمليته ولازم انام دلوقت علشان بكره يعدي وبعده يجي واخلص بق ؟؟

دخلت تنام وهيا بتفكر في كل اللي حصل وبسبب توترها معرفتش تنام بسهوله ولاكن بعد معافرة منها قدرت تستسلم وتنام!!

__________

في قصر الصياد وصل ماهر واول ما دخل لقي مرسي بيستقبله وبيقول:حمد لله علي سلامتك يا ماهر باشا؟

ماهر حرك راسها وقال :الله يسلمك يا مرسي فين حمزه؟

مرسي بلع ريقه وقال:حمزه باشا؟

ماهر بصله وهز راسه وقال:وهو في كام حمزه في القصر !

مرسي حرك راسه وقال بتوتر:حمزه باشا خرج يا فندم من بدري بسبب الانسه سيلين!

ماهر وقف لما انتبه لكلامه وقال باستغراب:مالها سيلين بحمزه !

مرسي قرب منه وقال بخجل :اصل يا ماهر باشا الانسه سيلين كانت عاوزه حمزه باشا يعمل!!!

قاطع حمزه كلام مرسي وقال بصوت عالي وهو داخل عليهم :خاللي سيلين دي لازم تمشي من القصر!

ماهر بص وراه وهو بيقول باستغراب:ليه؟

حمزه قرب منه وبص لمرسي وقال:من امبارح وهيا مش مظبوطه وبتقرب مني بطريقه مش حلوه وكانت عوزاني..بص لماهر وقال :لامؤاخذة يعني يا خالي كانت عايزاني اعمل معاها حجات مش تمام و..!!

ماهر كان بيبصله وهو مصدوم وبيقول بغضب:ايه اللي بتقوله دا وهي فين سيلين؟

حمزه اتخض من صوته وقرب من مرسي وحضنه وهو بيقول:فوق محبوسه في اوضتها؟

ردد ماهر كلامه بصدمه اكتر وقال:محبوسه؟

حمزه ومرسي حركوا راسهم بالموافقه وهو سابهم وطلع علي السلم واتجه لغرفه سلين ولقي ان في اتنين من الخدم واقفين قدام الباب بص عليهم بغضب وقال:انزلوا شوفوا شغلكم !

البنتين جريوا بسرعه من قدامه وهو فتح الباب ودخل شاف سلين قاعده علي الارض وبتعيط وبتشاور عليه وبتقول:اريد العوده اريد العوده يا ماهر ؟

ماهر قرب منها وهوا بيساعدها تقوم وبيقول:ايه اللي حصلك يا سيلين وليه حابسينك هنا بالشكل دا؟

سيلين حضنته بقوه وقالت بعياط:ابن اختك يا ماهر كان يريد ان ينام معي؟

ماهر اتصدم اول ما سمع كلامها فبعدها عنه وقال بغضب:حمزه اللي طلب منك كده؟؟

سيلين مسكت وشه ماهر بايديها الاتنين وقالت بدموع:هل تصدق بانني افعل مثل هذه الاشياء مع مراهق مثله انا فقط كنت امنعه..

ماهر بصلها وسكت وهيا حضنته تاني وزادت في العياط اكتر وقالت:هل هستتزوجني يا ماهر هل ستنفذ كلامك لأبي؟

ماهر بصلها وضم حاجبه وقال باستغراب:اتجوزك!

سيلين حركت راسها وقالت بدموع:هل نسيت وعدك لابي عندما كنت في دبي لقد قلت بانك ستتزوجني بعد عودتك لمصر .؟يتبع بقلمي شيماء صبحي 🥰

ماهر قرب من سيلين اللي كانت واقعه علي الارض وهوا بيساعدها تقوم وبيقول بتساؤل :ايه اللي حصل يا سيلين وليه حابسينك هنا بالشكل دا؟

سيلين حضنته بقوه وقالت بعياط وكانت قاصده انها تحسسه انها مهزومة :ابن اختك يا ماهر كان يريد ان ينام معي؟

ماهر اتصدم اول ما سمع كلامها فبعدها عنه وهوا بيردد كلامها في دماغه ورجع قال بغضب:حمزه اللي طلب منك كده؟؟ 

سيلين مسكت وش ماهر بايديها الاتنين وهيا بتحرك راسها بالموافقه وبتقول ببكاء شديد:هل تصدق بانني افعل مثل هذه الاشياء مع مراهق مثله انا فقط كنت امنعه عن فعل هذا بي ..

ماهر بصلها وسكت وهيا حضنته تاني وزادت في البكاء لدرجه ان جسمها بدأ يرتعش اكتر وبصت في وش ماهر وحركت راسها بإنهزام وقالت:هل هستتزوجني يا ماهر هل ستنفذ كلامك لأبي ؟

ماهر كان مستغرب الحالة اللي وصلتلها !!!

سيلين قالت كلامها وهيا بتبصله ومستنيه رده وهو كان من صدمته مش عارف يرد عليها يقولها ايه ولاكنه اكتفي بانه ردد كلمتها تاني وقال:اتجوزك!!!

سيلين  حركت راسها بإيجاب وحركت راسها وقالت بدموع:هل نسيت وعدك لأبي عندما كنت في دبي، لقد قلت له بانك ستتزوجني بعد عودتك لمصر  .

ماهر بص في عينيها وهو بيفتكر كلامه لوالدها من اكتر من ثلاث سنين  فحرك راسه وبصلها وقال بهدوء:انا شايف ان اعصابك متوتره دلوقت تعالي معايا اغسلي وشك كده وفوقي وانا هنزل تحت اشوف ايه حكايتك انتي وحمزه دي واتاكد من كلامك؟

سيلين مسكت في ايديه علشان تمنعه وحركت راسها بالرفض وقالت وهيا بتترجاه : لا تذهب ارجوك يا ماهر ابقى معي انا خائفة جداا ..

ماهر بص عليها لقاها لسا بتعيط وماسكه فيه جامد كأنه هيهرب منها  فهز راسه بالموافقه وقال:طيب انا معاكي اهو يا سيلين بس انا لازم افهم ايه اصل الحكايه لاني مصدقش ان حمزه يعمل كده معاكي ..

سيلين حضنته وبصتله وهو هز راسه ليها وقال:هو صحيح حمزه  طايش وبيحب البنات بس مستحيل يعمل كدا دانا اللي مربيه؟

سيلين قالت بزعل:هل تقصد بانني كاذبه؟

ماهر بصلها اكتر وحرك راسه بهدوء وقال بجديه :انا مش عايز اظلمك برضوا يا سيلين بس انا هتاكد من اللي حصل دا بنفسي واللي غلطان فيكوا هياخد عقابه..

سيلين حركت راسها بتردد وقالت بتساؤل :اخبرني ما هوا ردك علي كلامي!هل ستتزوجني؟

حس ماهر بضيق شديد في صدره فحرك راسه وقال بهدوء:انا مش عارف يا سيلين اقولك ايه بس بصراحه انا مكلمتش والدك ولا قولتله حاجه دي كل الحكايه ان هوا اللي اقترح عليا اتجوزك وانا اللي قولتله اني مش بفكر في الجواز دلوقت لاني ممكن بعدما ارجع مصر اغير رأيي فمحبتش اظلمك معايا..

سيلين حركت راسها بتفهم لكلامه وقالت بحزن: لقد فهمتك يا ماهر انت لا تحبني؟

ماهر بص علي ملامحها بتفكير وحرك راسها بهدوء وقال:لا يا سيلين انا بحبك بس مش الحب اللي انتي تعرفيه انا بحبك كصديقه؟!

دموع سيلين نزلت وهيا بتبعد عنه وبتقول بغضب: ولاكن ماذا عن الشيئ الذي فعلناه سويا هل تسمي هذه صداقة؟

ماهر مسك ايديها وقال برفض:انا اسف يا سيلين بس انا في الفتره دي كنت مضغوط وعملت كده غصب عني.؟

سيلين حركت راسها بضيق وقالت برفض:انت مخادع يا ماهر لقد ظننت انك تحبني لقد اعطيتك كل حبي ولاكن انت كاذب ؟

قالت كلامها واتحركت من قدامه وهوا كان بيبص عليها ومصدوم  فقرب منها ومسك ايديها بسرعه وهيا قالت بصوت عالي:اتركني سوف اعود الي منزلي لن اسمح لك باهانتي مرة اخري..!

ماهر ضمها لحضنه وهو بيقول برفض:اهدي يا سيلين ومتفكريش بالطريقه دي خلينا نتفاهم احسن!

سيلين عيطت في حضنه وضمته ليها اكتر وبعدما هديت شويه بعدت عنه وهيا بتمسك وشه بايديها وبتقول وهي بتبص في عينيه:ما الأمر يا ماهر انا لا افهمك !! هل تحبني ام تحب فتاه غيري ..اخبرني لماذا تفعل هذا بي ..كملت كلامها بحزن وقالت:اشعر بالغضب والغيرة الشديده؟

ماهر استغرب كلامها وبص في عينيها بحيرة شديده وسكت وهيا صرخت في وشه وقالت  بقهر:لماذا تنظر لي هذه النظره ماهر!! لقد اعتقدت انك تحبني لذا انتظرت عودتك بفارغ الصبر وعندما علمت بانك مازلت عازبا اعتقد انك تنتظرني ولاكن اعتقد بانني كنت مخطئة! 

ماهر اتصدم من كميه الجرأة اللي خلتها تصرخ في وشه بالطريقه دي وهو ملوش ذنب في اي حاجه ..هيا اللي كانت بتقرب منه وهو كان بيرفضها ولاكن بسبب حركاتها المثيرة مقدرش يتحكم في اعاصبه وغلط ولاكن هيا دلوقت بتلومه هو وناسيه نفسها وان الغلط الاول والاخير كان من طرفها فقال وهو بيحرك راسه بعدم استيعاب من كل كلامها : انا مش بحب حد بس لو فضلتي تتكلمي معايا بالاسلوب دا انا ممكن ارجعك بلدك حالا؟؟ ؟

سيلين اتوترت من كلامه وابتسمت بخفه وقربت منه وقالت وهيا بتبص في عنيه وبتحاول تغريه مره تانيه ::عندما كنت في دبي كانت علاقتنا جيده ..كنا نخرج ونقضي وقت ممتع سوياا ولاكن ما الذي تغير!!  انت لست ماهر السابق هل عودتك الي مصر غيرت شخصيتك واصبحت قاسي القلب؟

ماهر حرك راسه بالرفض وقال بضيق :لا انا متغيرتش انا زي مانا وعلشان كده انا بطلب منك تديني فرصه افكر في علاقتنا الاول لاني مش عايز اتسرع وارجع اظلمك معايا …بس برضوا اللي حصل بينك انتي وحمزه انا محتاج شرح ليه لاني هزعل جدا منك لو طلعتي بتخدعيني كل دا؟

سيلين اتوترت وحركت راسها بتردد وقالت:انا فقط … سكتت وماهر كان مركز معاها فقالت وهيا بتبلع ريقها :أقول الحقيقة؟

ماهر هز راسه بالموافقه وقال:طيب ارتاحي انتي دلوقت واانا هبعتلك بنات من الخدم يساعدوكي تغيري هدومك دي وتظبتي شكلك وبرضوا هشوف حمزه واعاقبه علي اللي عملة معاكي !

سيلين شدته عليها وهيا تقصد حمزه بكلامها وبتقول بخوف :لا تفعل له شئ  لقد سامحته ارجوك سامحه من اجلي وابق معي الليله ..؟

ماهر حرك راسه بالرفض وقال:لا يا سيلين لازم الموضوع دا يخلص النهارده خليكي هنا ومتخرجيش ابدا مهما حصل ماشي ؟

سيلين حركت راسها بالموافقه وهو خرج وسابها ونزل لتحت وكان بيدور علي حمزه بعينيه في كل مكان وكان متضايق من اللي حمزه عملة فيها ؟

حمزه كان في المطبخ واقف جمب مرسي اللي بيعمل قهوه وبيقول:تفتكر خالي اتأخر ليه يا مرسي ! معقول كان بيعاقبها فعلا؟

مرسي حرك راسه بعدم علم وقال: مش عارف يا باشا بس لو كان ماهر باشا بيعاقبها كنا سمعنا اي صوت يعرفنا  !

حمزه حرك راسه بتفهم وقرب من مرسي واخد منه القهوه وقال:طيب انا عاوز انام في اوضتك النهارده كمان لاني خايف اروح اوضتي ودي بت مش سهلة ومش هتهدي غير وهيا مغتص..؟

دخل ماهر المطبخ وقطع كلامهم وقرب من حمزه  مسكه من هدومه وقال بتهديد:تعالي عاوزك؟

حمزه بص لمرسي بخوف وحرك راسه بالرفض وقال:ماسكني كده ليه يا خالي؟

ماهر سحبه عليه وقال بضيق :هنتفاهم يا حبيب خالك متخافش؟

حمزه بص لمرسي بخوف وقال وهو بيحرك راسه علشان مرسي ينقذه وقال :الحقني يا مرسي..

ماهر تجاهل كلامه و اتحرك وهوا ماسك حمزه وسحبوا وراه واول ما وصلوا للصالون ماهر قعد حمزه علي الكتبه  بغضب وقال:عاوز شرح للي حصل بكل التفاصيل ومش عايز كدب ؟

حمزه بلع ريقه وقال بتوتر :انا بقول الحقيقه يا خالي .. انا كنت بصحي علي ايديها وهيا بتقرب مني بطريقه مش كويسه وحتي لما روحت نمت في اوضة مرسي جت ورايا حتي اسأله مرسي شاهد علي كل حاجه … بص وراه وقال وهوا بينادي علي مرسي يجي :يا مرسي تعالي؟

ماهر حرك راسه بالموافقه وقال:ماشي يا حمزه 

انا هثق فيك وفي كلامك وعارف انها اللي عملت كده بس برضوا انا عاوزك متنساش اللي وراك وانك مسافر دبي علشان تشوف شغلك واعمل حسابك هتسافر بكره الصبح بدري؟

حمزه اتصدم من كلامه وحرك راسه بالرفض وقال: هو انت بتعاقبني ليه…انا مالي .. انا مش عاوز اروح دبي خليني هنا معاك؟

ماهر قال بضيق:دا شغلك وانا مش عايز فيه اي اعتراض وبعدين انت بقالك يومين مرتاح ولا بتعمل اي حاجه  ..عمتا انا حجزتلك الطياره وانت قوم جهز شنطتك علشان متضيعش وقتك بكره وتتاخر؟

حمزه دموعة اتجمعت في عينيه وقال بحزن:بس انا مش عاوز اسيبك يا خالي انا مش عايز ارجع دبي تاني انا مبسوط هنا ابعت اي حد مكاني؟

ماهر اتضايق من كلامه وحرك راسها بالرفض ووقف وقال:دا اخر كلام عندي وبعدين انا حذرتك قبل كدة متستهونش بالشغل لان دا اللي بناكل منه عيش وبعدين مالك خايف كده ليه وكانك اول مره تروح دبي ؟

حمزه رفس الارض بضيق وقرب منه ومسك دراعه وقال برجاء:يا خالي بق علشان خاطري خليني هنا مش عايز ارجع تاني هناك انا بحب مصر؟

ماهر بصله وحرك راسه برفض وحمزه غمض عينيه وهو بيفكر في حجه تمنعه من السفر فجه في دماغه احلام وعملية والدها فقال وهو بيمثل الحزن:يعني يرضيك يا خالي احلام تقول عليا عيل ومش قد كلمتي بعدما وعدتها اني هكون جمبها يوم عملية والدها؟؟ 

ماهر لفله بصدمه اول ما حاب سيرة احلام وقال باستغراب:احلام؟؟ وانت مالك ومال احلام وايه اللي وعدتها دي؟

حمزه مسك في ايديه تاني وقال :انت ناسي انها وحيده وملهاش حد وهيا بصراحه صعبت عليا تكون لوحدها في حاجه صعبه زي دي فقولتلها اني هكون معاها ووعدتها خلاص؟

ماهر ابتسم بسخريه وقال:يا عيني دانت عندك قلب اهو وبتحس؟

حمزه ابتسم وقال:طالع لخالي؟

ماهر ضربه في بطنه وحرك راسه بالرفض وقال:ملكش دعوه بحد وشوف شغلك احسن!! 

حمزه اتنطت وهو بيصرخ بغيظ وبيقول:لااا بقق انا مشش عااوز اساافر انا عاوز افضل هنا مليش دعوه؟

ماهر ضربه علي دماغه بغيظ وقال:اطلع جهز شنطتك بدل ما اخليك تقيم هناك ومترجعش مصر تاني؟

حمزه بغيظ:علي فكره بق انت قاسي وقلبك دا من حجر!

ماهر رفع حاجبه بصدمة وحمزه زقه وطلع وهو بيخبط برجله علي الارض ودموعه بتنزل وبيقول بحزن:مش هسافر ومش هلم حاجه!

ماهر كان واقف يبص عليه وهوا مش مستوعب حركاته وبيقول بهمس:دا اكيد عنده طفولة متاخره دا مش طبيعي!! 

كانت واقفه بتابع مل اللي بيحصل هيا سيلين كانت عينيها علي ماهر وهوا واقف وابتسمت وهيا بتقول:حسنا هذه فرصتي الاخيره !

قالت كلامها ودخلت اوضتها تاني بسرعه وماهر طلع لاوضته علشان ينام وحمزه كان قاعد في اوضته بيعيط بسبب سفرة لدبي وهوا مش عايز يسيب ماهر ..فضل يفكر في حل يمنعه من السفر احدما جت في دماغه خطك فقام بحماس علشان ينفذها .

____________

وفي صباح يوم جديد ..صحي ماهر بدري واتجه لغرفة حمزه علشان يصحيه يجهز علشان طيارته واول ما فتح باب الاوضه أتفاجأ ان حمزه مش موجود والسرير كان مترتب والاوضه نظيفه ..

استغرب ماهر ورجع اوضته تاني مسك تيلفونه واتصل برقم حمزه وكان التيلفون غير متاح..

خرج من اوضتة واتجه لغرفه مرسي واول ما فتح الباب لقي حمزه ومرسي نايمين في حضن بعض والاتنين بيصدروا اصوات مزعجة وهما نايمين …!  

ضم ماهر حاجبه بضيق وقرب من حمزه وقال وهو بيحاول يصحيه :حمزه ..حمزه!! 

فتح حمزه عينيه  ببطئ وبصله وقال بنوم:خير يا خالي ؟

ماهر ضغط علي دراعه بغيظ وقال:قوم علشان طيارتك بعد ساعتين ؟

حمزه غمض عينيه تاني وحرك راسه برفض وقال:معلشي يا خالي مش هقدر اسافر النهارده جسمي تاعبني ممكن ناجلها لبكرة؟

ماهر حرك راسه بالرفض وقال:لا ويلا قوم بدل ما اشيلك بنفسي واوديك للمطار وانت بالبيچاما كده واضحك عليك الناس؟

قام حمزه بنوم وبصله بضيق وقال:نفسي اشوفك ملهي في حاجه وسايبني في حالي؟

ضربه ماهر بخفه علي دماغه وقال بغيظ من كلامه:قوم يا حمزه مطلعش عفاريتي عليك؟

حمزه هز راسه بالموافقه وقام ومشي بنوم وخرج من الأوضة؟

ماهر فضل يبص علي مرسي اللي نايم وفاتح بوقه ومش حاسس بيهم وبجودهم وقال:لا اله الا الله كان نايم جمبك ازاي دا؟

قال كلامه وخرج وبص علي حمزه اللي طالع علي السلم بنوم فقرب منه بسرعه وسنده وقال:متمسلش واتظبط انا مش بهزر!

حمزه كان نايم فعلا فاستغل ان ماهر جمبه وساب جسمه خالص…ماهر اتصدم انه نام فعلا وهوا ماشي فشاله علي ضهره و طلع بيه  لأوضته وحطه علي السرير وقال بضيق:قوم يا حمزه وراك طياره هتتأخر؟

حمزه سحب الغطا علي جسمه وكمل نوم ولاكن ماهر كان مُصر علي سفره فشغل نور الاوضه كله وطلع شنطة صغيرة لحمزه وبدأ يحطله فيها هدوم وحمزه كان سامع الدوشه اللي ماهر عملها وفتح عينيه بضيق!

حمزه قال بضيق:في ايه علي الصبح انا مش قولت محدش ينظف اوضتي غير لما اصحي!

ماهر مسك الهدوم وحدفها عليه وقال بغضب:دا انا اللي هنضفك دلوقت لو مقومتش كده وجهزت!

حمزه ضم حاجبه وقال بصدمه.خالي؟

ماهر رفع حاجبه وقال بضيق:قوم اتحرك واجهز يا حمزه دا اخر تحذير ليك؟

حمزه حرك راسه وقام ودخل الحمام يغسل وشه علشان يفوق وبعدما خرج بص لماهر اللي بيظبطله هدومه وبيقول:فاضل ساعه ونص قدامك ربع ساعه تجهز فيهم وربع ساعه للمطار لازم تكون هناك قبل ميعاد الطيارة بساعه؟

حمزه هز راسه وبدا يجهز وماهر كان خلص تجهيز للشنطه وخرج من اوضة حمزه ورجع اوضته تاني ومسك تيلفونه واتصل بمنعم وقال:انت فين؟

منعم قال باحترام:موجود تحت يا فندم!

ماهر حرك راسه بالموافقه وقال:خليك مع حمزه لحدما الطياره تطلع علشان تتاكد انه سافر واوعي يضحك عليك يا منهم ويضيع ميعاد الطياره انت فاهم؟

منعم حرك راسه بالموافقه وقال:تحت امرك يا فندم؟

قفل ماهر المكالمه وفرد جسمه علي السرير وبدا يفكر في كلام حمزه ليه بخصوص احلام وعملية والدها وقال:عندك حق هيا هتكون لوحدها بس متقلقش يا قلب خالك انا هكون معاها؟

ابتسم علي كلامه ونام وبعد ربع ساعه صحي علي صوت رنة تيلفونه وكان المتصل منعم؟

ماهر رد عليه باستغراب وقال:خير يا منعم حصل ايه؟

منعم قال بتوتر:ماهر باشا في كارثه ؟

ماهر قام بسرعه وقال:خير حمزه حصله حاجه؟

منعم حرك راسه بالرفض وقال:لا يا باشا حمزه بيه كويس بس كل كوتشات العربيات نايمه ؟

ماهر اتصدم من كلام منعم وقال وهو بيتوعد لحمزه:طيب هوا حمزه فين؟

منعم بص لحمزه اللي قاعد في العربيه وبيبص عليه :حمزه بيه قاعد في العربيه يباشا بس انا مش عارف اعمل ايه لو عالجت الوضع دلوقت ممكن البيه يتأخر علي المطار؟

ماهر حرك راسه بالموافقه وقال:لا يا منعم خليك انا اللي هوصله بس لحدما انا انزل اتصرف عادي كانك مش عارف تعمل ايه اتفقنا؟

منعم بموافقة:اتفقنا يباشا؟

ماهر ابتسم بسخريه علي حركات حمزه المعتاده وقام لبس هدومه بسرعه ونزل لغرفة سريه وخرج منها بعد دقايق وهوا ركاب ريز غاليه واتحرك بيها  للجنينه؟

حمزه كان بيقول وهو بيبص لمنعم وبيمثل انه متعصب :خير يا منعم بقالك كتير ساكت انا كده هتاخر علي الطياره؟

منعم بصله وقال بتردد:يا حمزه بيه الكوتشات كلها نايمه انا مش عارف ابدأ منين واحل ايه؟

حمزه قال بعصبيه:وانا اعمل ايه دلوقت انت عارف لو الطياره فاتتني خالي هيعمل فيا  ايه!

وصل ماهر وهو سايق الموتسيكل وبيقرب منهم وبيقول بسخريه:خالك مش هيعمل حاجه متقلقش قوم يلا اركب ورايا ؟

حمزه اتصدم وهو بيبص لماهر اللي سايق الموتيسكل وبيقول :اي دا يا خالي انت جبت الريز دي منين؟

ماهر بص لمنعم وقال:هات شنطة الاستاذ من العربيه وحطهاله علي رجله بعدما يركب؟

حمزه حرك راسه بالرفض وقال:لا انا كده ممكن اقع وبعدين الشنطة كبيرة؟

ماهر ابتسم وقال:متقلقش اركب بس ومنعم هيحطهالك كويس؟

حمزه لف بوشه وغمض عينيه بضيق ورجع قرب من ماهر وركب وراه علي الريز ومنعم كان جاب الشنطه وحطها علي رجل حمزه وقال:امسكها كويس يا حمزه باشا هيا صغيره يعني مش هتسببلك اي اذي ان شاء الله؟

حمزه قال بخوف: دا بيقول اذي؟

اتحرك ماهر خطوتين وقال وهو بيوجه كلامه لمنعم:حل مشكلة العجل دي لحدما ارجع؟

منعم حرك راسه بالموافقه وماهر بص لحمزه وقال:امسك نفسك كويس علشان متوقعش؟

حمزه مردش عليه وكان ضامم حاجبه بغيظ وماهر ابتسم واتحرك بالموتسيكل لخارج القصر ..

___________

في المطار وصل ماهر وحمزه بسلامه ونزلوا الاتنين واول ما حمزه بص علي المطار بان علي ملامحه الحزن الشديد فبص لماهر وقال بحزن:مع السلامه يا خالي؟

ماهر ابتسم وحضنه وقال:خلي بالك علي نفسك وحاول متقربش من حد وركز في اللي انت رايح علشانه؟

حمزه حرك راسه بالموافقه وقال:طيب يا خالي انا عندي ليك طلب واتمني تقبله؟

ماهر بصله باهتمام وحمزه قال:متسيبش احلام لوحدها وابعت اي حد يكون معاها وقت العمليه؟

ماهر هز راسه بالايجاب وقال:خايف اوي عليها كده ليه!

حمزه ابتسم وقال:دي ساعدتني في وقت ما اعز الناس اتخلوا عني ودا واحبي اني اقف جمبها واردلها الجميل؟

ماهر ضم حاجبه بضيق وقال:قصدك لما ضيعت نفسك بغباءك؟

حمزه بص لماهر بضيق وقال:ماشي يا خالي بس علي فكره المفروض اللي كان يركب الطياره دي سيلين الملزقه دي مش انا لان البلد دي بلدي وانما هيا بلدها دبي؟

ماهر حط ايديه الاتنين علي كتف حمزه وقال:خلي بالك علي نفسك يا حمزه واول ما هتوصل هتلاقي رجالتنا مستنينك اهم حاجه تسمع كلامي وتركز في شغلك وملكش دعوه بحد ماشي؟ 

حمزه حرك راسه بالموافقه وحضن ماهر وبعد ثواني بعد عنه وقال:هتوحشني يا خالي

ماهر ابتسم وقال:وانت كمان يا حمزه هتوحشني؟

ابتسم حمزه بحزن واتجه لداخل المطار وفضل ماهر واقف مكانه كام دقيقه يبص علي المكان وبعدها اتحرك للقصر؟

____________

اشرقت الشمس وذقذقت العصافير واعلنت الرياح عن بداية يوم جديد.. صحيت احلام واستعدت للشغل وفي الجانب التاني كان ماهر جهز وركب عربيته واتجه للشركة!! 

دخلت احلام للشركه وعلي ملامحها ابتسامه هاديه واول ما وصلت لمكتبها اخدت نفس طويل ودخلت لمكتب ياسر وقالت بابتسامه :صباح الخير..

كان المكتب فاضي لان ياسر  لسا موصلش فضمت حاجبها بخجل وقبل ما تفتح احلام الباب علشان تخرج كان ياسر وقف قدامها وقال بابتسامه:صباح الخير يا احلام!

ابتسمت احلام بتوتر وقالت:صباح النور يا مستر ياسر؟

دخل ياسر واتجه لمكتبه وقال:اعمليلي قهوه وبلغيني بجدول النهارده؟

احلام هزت راسها وقالت بابتسامه جميلة:حاضر يا فندم؟

خرجت احلام من مكتبه وهوا فرد ضهره علي الكرسي وهوا بيقول وهو بيبص علي الباب:مش بطاله يا احلام ؟

رجعت احلام بعد دقايق وهيا ماسكه فنجان القهوه في ايديها وبتقرب منه وبتقول:تحب حضرتك ابدا ولا لما تشرب القهوه؟

ياسر هز راسه وقال:لا ابدأي عادي يا احلام؟

ابتسمت احلام وهزت راسها وقالت:مدير مكتب الحسابات محتاج يقابل حضرتك وبعد ساعه حضرتك لازم تروح المصنع لان في مشكله مع المهندسين ومحتاجين حضرتك علشان تحلها وقبل الظهر في مقابلة مع وسيط من الوفد الايطالي بخصوص عقد الاستلام بتاع الشحنه وان شاء الله بعدما حضرتك ترجع بالسلامه هتراجع علي الملفات اللي طلبتها مني امبارح وانا هجهزها واحيبها لحضرتك كمان شويه ؟

هز ياسر راسه بالموافقه وقال :تمام يا احلام انا عاوزك تروحي شركة المأمون مكاني وتوصلي العقد دا للمدير شخصيا وتبلغيه ان الشحنه بعد شهرين من دلوقت؟

احلام هزت راسها بالموافقه وقالت:تحت امرك يا فندم!

ياسر هز راسه وقال:هتروحي علي الساعه ١١ وبعدما تخلصي معاكي ساعه فري للبريك؟

ابتسمت احلام وهزت راسها بالموافقه وقالت:تمام يا فندم بعد اذنك!

ابتسم ياسر وشاورلها تخرج وهيا خرجت وبدات تكمل شغلها..

__________

في الطياره ..

اعلن كابتن الطياره عن  قرب وصولهم لارض الإمارات المتحدة وبدأت المضيفات تصحي الركاب اللي نايمين علشان يستعدوا للهبوط.

قربت بنت من حمزه وقالت بهدوء:يا فندم قربنا نهبط لازم تستعد للهبوط؟

حمزه فتح عينيه وهوا بيبصلها وبيقول بهدوء:حاضر؟

المضيفه ابتسمت ومشيت من قدامه وهوا عدل نفسه علي الكرسي وبص حواليه وهو بيستوعب اللي بيحصل وبعدما انتبه لكلام كابتن الطياره ربط الحزام واخد نفس طويل وبص من الشباك وهوا بيبص علي شكل المطار من بعيد ..

هبطت الطياره بسلام وخرج حمزه منها واستلم شنطته وخرج من المطار؟

كان في استقبالة عربيه فخمه وحراس ركب العربيه واتحركوا للفيلا اللي هيقعد فيها حمزه واول ما وصل بص للخدم وقال:انا هطلع ارتاح ولما الساعه تيجي ١٠ صحوني؟

الخدم هزوا راسهم بالموافقه وهوا اتجه لغرفة ونام وفي الخارج كان واحد من الحراس المسؤلين عنه بيتواصل مع ماهر في مصر وبيبلغه بعودة حمزه بسلام..

____________

خرجت احلام الساعه ١١ وركبت عربيتها علشان تروح شركة المأمون ..وصلت بعد وقت قصير ودخلت للشركه وقدرت بسهوله تدخل لمكتب المدير وادتله العقد وبلغته بالكلام اللي ياسر طلب منها توصلهوله..

وبعدما خلصت خرجت من الشركه وهيا بتبص في ساعتها وبتفكر هتعمل ايه في الساعه الفري اللي معاها.. 

احلام افتكرت ماهر والعقد اللي هيمضوه مع بعض وقررت انها تستغل الوقت دا وتروح تمضي العقد معاه في مكتبه ..

طلعت تيلفونها علشان تراجع العنوان اللي قالهواها حمزه وبعدما حفظته ركبت عربيتها واتحركت في اتجاه شركة الصياد؟؟ 

بعد طريق اخد منها ربع ساعه وصلت احلام اخيرا قدام شركة الصياد ..

خرجت من عربيتها وهيا بتبص لضخامه الشركه بانبهار ..دخلت وهيا بتقرب من مكتب الاستقبال وبتقول:عندي ميعاد سابق مع مستر ماهر الصياد؟

موظفة الاستقبال هزت راسها بالموافقه وقالت:اسم حضرتك ايه؟

احلام:احلام السباعي؟

موظفة الاستقبال ضمت حاجبها باستغراب وقالت:انا سمعت الاسم دا مش غريب عليا هوا حضرتك جيتي الشركة هنا قبل كده؟

احلام حركت راسها بالرفض وقالت:لا دي اول مره؟

البنت هزت راسها ورفعت حاجبها وقالت:طيب ثواني ابلغ مستر ماهر بوجودك ؟

احلام هزت راسها بالموافقه والبنت رفعت سماعه التيلفون وبلغت مديرة مكتب ماهر باسم احلام وبعدما سكرتيرة ماهر سمعت الاسم استغربت وقالت:هيا مش دي نفس البنت بتاع امبارح؟

موظفة الاستقبال هزت راسها وقال:صح انا برضوا استغربت الاسم بس تقريبا كده دي مش نفس البنت؟

سكرتيرة ماهر استغربت وقالت:مش نفس البنت ازاي ؟

موظفة الاستقبال بصت لاحلام بشك وقالت:مش عارفه بس البنت اللي جت امبارح مختلفه خالص عن دي!

سكرتيرة ماهر قالت:تمام انا هسال مستر ماهر وهرد عليكي خليكي معايا ثواني؟

الموظفة حركت راسها بالموافقه وهيا بتبص لاحلام باستغراب ..وسكرترة ماهر اتصلت عليه وقالت:في بنت أسمها احلام السباعي موجوده تحت وبتقول ان في ميعاد سابق ليها يا فندم؟

ماهر حرك راسها بالموافقه وقال: ايوا خليها تدخل ؟

السكرتيره هزت راسها وقالت:اوقفها يا فندم عندي ولا ادخلها علي طول لحضرتك؟

ماهر:لا دخليها علي طول؟

السكرتيره هزت راسها بالايجاب وقالت:تمام يا فندم؟

قفلت المكالمه مع ماهر ورجعت مسكت سماعة التيلفون وقالت:خليها تطلع لمكتب مستر ماهر ! 

موظفة الاستقبال هزت راسها بالايجاب وقالت:تمام؟

قفلت المكالمه وبصت لاحلام وقالت:مستر ماهر منتظر حضرتك المكتب في الدور العاشر؟ 

احلام حركت راسها بالموافقه وقربت من الاسانسير وركبت فيه وضغطت علي زر الدور العاشر والسانسير اتحرك؟

وصلت بعد دقايق وهيا بتبص لتفاصيل المكان واول ما انتبهت للمكتب الضخم اللي في الوش دورت علي مكان السكرتيره  شافت  غرفه صغيره في جمب فيها بنت قاعده علي مكتب ومن الواضح انها السكرتيره الخاصه بيه..

قربت احلام منها وقالت بهدوء:آنا احلام السباعي وفي ميعاد سابق ليا مع مستر ماهر؟ 

السكرتيره بصتلها من فوق لتحت باستغراب وهزت راسها وهيا بتشاور علي مكتب ماهر وبتقول :مستر ماهر في مكتبه وفي انتظارك؟ 

استغربت احلام نظرات البنت ليها فاتحركت خطوتين ورجعتلها تاني وقالت:عندي سؤال بس لو سمحتي؟

البنت انتبهت ليها وقال:اتفضلي يا استاذه؟

احلام بصت علي شكلها وقالت باستغراب:هو انتي ليه بتبصلي كده وكانك تعرفيني هو احنا اتقابلنا قبل كده؟

البنت حركت راسها وابتسمت وقالت:لا متقبلناش بس انا مستغربه بس من اسم حضرتك لان في بنت جت امبارح لمستر ماهر وكانت بنفس الاسم؟

احلام حركت راسها بتفهم  لما افتكرت مروه وقالت: امم تمام بتقولي دا مكتب  مسترماهر؟

البنت هزت راسها واحلام  قربت من الباب وخبطت عليه وبعدما سمعت صوته دخلت للمكتب وهيا بتقول:السلام عليكم!

ماهر كان مركز في اللاب اللي قدامه وكان شغال عليه فرد عليها من غير ما يرفع عينيه:وعليكم السلام ورحمة الله اتفضلي ؟

دخلت احلام وهيا بتبص علي المكان بصه سريعه وبتقرب منه وبتقعد وهوا كان مركز في اللاب ومش منتبه ليها!

احلام فضلت بصاله ومستنياه يسيب اللي في ايديه ويدلها اهتمام بما انها موجوده قدامه ولاكنه فضل مكمل شغل ومبصلهاش؟

احلام اتضايق من حركته ووقفت وقالت:الظاهر ان حضرتك مشغول هأجل وجودي لوقت تاني؟

ماهر انتبه ليها وهيا كانت ماشيه ولكنها وقفت علي صوته وهو بيقول:معلشي يا احلام ما اخدتش بالي من وجودك اتفضلي ارتاحي خلينا نتكلم!

أحلام هزت راسها ورجعت تاني وبصتله وقالت:انا جيت بخصوص العقد اللي قولتلك عليه!

ماهر هز راسه وقال:تمام بس انا عايز الاول اطمن لقيتي المفتاح ولا لسا؟

احلام ضمت حاجبها برفض وقالت:لا لسا بس هو مش المفروض ان البيت دا  اتباع ومبقاش لوالدك ولا انا اللي فاقدة الذاكره!

ابتسم ماهر وحرك راسه بالرفض وقال:هو صحيح اتباع ولاكن شفوي يعني مش رسمي ولاكن هوا في الحقيقه  لسا بيتنا !

احلام حركت راسها بتفهم وقالت:طيب لو حضرتك جهزت العقد ممكن نمضيه!

ماهر بص حواليه وهو بيقول:دي اول مره تيجي فيها للشركه صح؟

احلام هزت راسها وهوا بصلها وسكت وهيا استغربت ليه مش بيرد عليها بخصوص العقد فشاورلته تاني وقالت بهمس: بخصوص العقد ؟

ماهر حرك راسه ليها ومسك تيلفونه واتصل علي السكرتيره وقال:اتنين شاي ويكون السكر برا ؟

احلام ضمت حاجبها باستغراب وهوا بصلها وقال:بتشربي الشاي صح؟

احلام حركت راسها بالموافقه وهو بص للاب توب وقفله وقال:بقالك قد ايه شغاله في شركة البدر؟

احلام بصتله بدهشه وقالت :حضرتك بتسأل ليه؟

ماهر رد عليها بهدوء وقال:اصل انا مستغرب انك متعلقه بالشركة اوي فبسال بقالك فيها كام سنه؟

احلام بابتسامة مصطنعة:٧ سنين؟

ماهر بدهشة:الظاهر انهم بيحبوكي اوي علشان كده بقالك كتير معاهم؟

احلام افتكرت اللي حصلها في الشركه وقالت بسخريه:فعلا بيحبوني اوي؟

ماهر حرك راسها بتفهم وهيا قالت وهيا بتبص في ساعتها:ممكن نمضي العقد لو جاهز؟

ماهر حرك راسه بالموافقه والسكرتيره خبطت علي الباب ودخلت وهيا شايلة صينيه فيها ماجين وبتقرب منهم!

حطت الصينيه علي الطرابيزه الصغيره اللي قدام احلام وبصت لماهر واللي قال:شكرا يا همسه تقدري ترجعي لمكتبك!

خرجت السكرتيره واحلام بصتله وقالت :ممكن نمضي العقد؟

وقف ماهر وقرب منها وقعد قدامها وبدا يحط سكر في الشاي وبعدما خلص قرب منها المج الخاص بيها وقال:اتفضلي؟

احلام اخدت منه المج وقالت وهيا بتبص لساعتها بتردد:لو سمحت انا مستعجله ممكن نمضي العقد؟

ماهر ضم حاجبه وقال:مستعجلة ليه اشربي الشاي الاول؟

احلام هزت راسها وشربت من المج وهيا بتبص عليه وهوا بيشرب من المج بتاعه وبيبص للسقف وساكت!

احلام طلعت تيلفونها ولقت ان عدي نص ساعه من الساعه الفري فقالت وهيا بتحط المج علي الطرابيزه اللي قدامها تاني :حضرتك انا هدفع كل شهر  ٢٠٠٠ دولار وان شاء الله اخلص  دفع المبلغ من غير ما اقصر مع حضرتك؟

ماهر اول ما سمع ٢٠٠٠ دولار بصلها بصدمه وقال:انتي بتقبضي بالدولار؟

احلام حركت راسها بالموافقه وهو ابتسم وقال:كويس !

احلام ابتسمت ابتسامه خفيفه وهوا قرب من مكتبه وطلع ورقه من قلب دوسيه كبير وقرب منها وقال:دا العقد اتفضلي؟

احلام حركت راسها بالموافقه وهيا بتاخد منه العقد واو لما بصت فيه اتحولت ملامحها للصدمه ورجعت بصتله وقالت بتساؤل:ايه دا ؟

ماهر رفع حاجبه باستغراب وقال:ايه في مشكلة في العقد ولا ايه؟

احلام مسكت العقد وقربته منه وقالت:دا مش عقد اتفاق يا فندم دا قسيمة جواز؟

ماهر ضم حاجبه باستغراب وقال وهوا بياخد منها العقد وبيبص فيه بصدمه:قسيمة جواز ؟

احلام بصتله بضيق وهوا قرب منها القسيمة وقال:معلشي اتلغبط ثواني اجبلك العقد ..

قام من قدامها وجاب ورقه تانيه من غير ما يبص فيها وادهالها وقال:اتفضلي ؟

احلام اخدت العقد وبصت فيه ووقفت تاني بضيق وهيا بتقول :يا فندم مش دا ولا دا دي شهاده وفاة هوا حضرتك حطيت العقد دا فين؟

ماهر بصلها بدهشه وقال:شهادة وفاه يساتر يارب وريني كده؟

احلام ادتله العقد بضيق وهو بصلها وقال:معلشي يا احلام اصل كل حاجه داخله في بعض ثواني اجبلك العقد..؟

بدأ الوقت ينفذ من احلام وعدي علي وجودها في مكتبه ربع ساعه كمان وهوا بيدور علي العقد وهيا بتبصله ومستغربه ؟

ماهر مسك اخر ورقه وقال:ان شاء الله يطلع العقد؟

احلام بصت في ساعتها بضيق وبصتله وهو قرب منها الورقه وهيا اخدتها و بصت فيها وقالت: اخيرا؟

ماهر اخد نفس وقال:الحمدلله !

احلام بصت في العقد ولاقت انه مش حاطط شروط لاي مبلغ وانها تدفع اللي هيا عايزاه فبصتله وقالت بدهشه:يعني حضرتك موافق ادفع اي مبلغ في الشهر؟

ماهر حرك راسه وقال:ايوا بس المبلغ ميقلش عن عشرة جنيه؟

احلام بصتله وقالت بضيق:حضرتك بتهزر صح؟

ماهر حرك راسه بالرفض وهيا بصت تاني في العقد وهوا كان بيبصلها وبيحاول يخفي ابتسامته لحدما لقاها مضت علي العقد وقالت:يبق اتفقنا يا فندم بس انا محتاجه نسخه من العقد دا تكون معايا؟

ماهر بص حواليه وقال:انا فعلا كنت عامل نسخه تانيه بس انا كده مضطر ادور من اول وجديد!

احلام بصت في ساعتها برفض وقالت:لا خلاص انا هاخد النسخه وقت تاني بعد اذنك لازم امشي لاني هتاخر علي شغلي!

ماهر حرك راسه بالموافقه وهيا خرجت بسرعه من المكتب وهوا ابتسم علي شكلها وبص في العقد وشاف امضتها وقال : مجنونه انتي يا احلام فاكره اني هاخد منك فلوس فعلا ولا ايه؟

خرجت احلام من شركته وركبت عربيتها بسرعه واتحركت بيها وهيا بتبص في ساعتها بتوتر لان الساعه كانت علي وشك الانتهاء فاخدت نفس بضيق وقالت:يارب ماتخرش ..مكنتش اعرف ان كل دا هيحصل..

ماهر كان واقف في مكتبه وهو بيبص عليها من الازاز وشايها وهيا بتتحرك بعربيتها فارتسمت علي شفايفه ابتسامه خفيفه وبعدها رجع قعد علي الكرسي تاني وبدا يكمل مراجعه لملفات الشحنه الجديده وكان باين علي ملامح وشه وهو شغال انه مبسوط ..؟

بعد ربع ساعه وصلت احلام للشركة ودخلت وهيا بتجري بسرعه لحدما وصلت لغرفة ياسر ودخلت وهيا بتحاول تاخد نفسها بصعوبه وقربت منه علشان تبلغه انها رجعت ولاكنها اتصدمت لما سمعت صوت  غريب موجود مع ياسر في المكتب وكان بيقول:دلوقت هيعقد صفقه علشان يعوض الخساير اللي خسرها بسبب الشحنه اللي حضرتك خدتها منه  بس المهم دلوقت بخصوص الحفله اللي هيتكرم فيها هتعمل ايه هتسيبه ياخد العروض دي كلها لوحدها يباشا؟

ابتسم ياسر وبان علي ملامح وشه الخبث وقال:متقلقش انا عندي خطه مدبره كويس هقدر اوقعه بيها بسهولة؟

الشاب بصله وقال بتساؤل:هتعمل ايه يباشا؟

ياسر افتكر احلام وقال:طعم بسيط هقدر من خلاله اشتتله افكاره واخليه ينسحب من الحفله ويسيب كل حاجه بمنتهي السهوله!

الشاب ابتسم وقال بفضول اكتر :ممكن اعرف ايه الطعم دا اللي هيخلي ماهر الصياد بجبروته  يسيب الحفلة كده وكمان يتدايق !

ابتسم ياسر وهو بيذكر اسم احلام وبيقول: هجيبلوا معايا الحفلة حبه القديم؟

الشاب بصله بصدمه وقال بفضول:وهو ماهر الصياد دا  بيحب عادي كده يباشا !

ابتسم ياسر وهز راسه وقال:ايوا انا متاكد انه كان بيحبها واللي حكالي القصه دي شاب عارف البنت دي كويس وعارف انها كمان كانت بتموت فيه !

الشاب اتحمس اكتر لسماع اسم الشاب والبنت وقال بفضول :مين دي يا فندم !

ياسر ضم ايديه وحطها على المكتب وقال بسخريه:اكرم و دا يبق خطيب البنت اللي كان ماهر بيحبها ومتربي معاها كمان وانت عارف بق مين البنت دي؟ 

الشاب قال  بفضول:ميندي  يا فندم!

ياسر بابتسامة:احلام السكرتيرة بتاعتي!

احلام كانت بتسمع كلامهم وحست وكان في سكينه انغرزت في قلبها  دموعها بدات تنزل بغزاره وهيا بتحاول تستوعب اللي سمعته فحركت راسها برفض وقالت بدموع :لا اللي بيحصل دا مستحيل..لا دا اكيد مش حقيقي..!

___________

يتبع بقلمي شيماء صبحي 

احلام كانت بتسمع كلامهم وحست وكان في سكينه انغرزت في قلبها  دموعها بدات تنزل بغزاره وهيا بتحاول تستوعب اللي سمعته فحركت راسها برفض وقالت بدموع :لا اللي بيحصل دا مستحيل..لا دا اكيد مش حقيقي..!

سمعت صوت خطوات بتقرب من الباب فرجعت بسرعه لمكتبها وهيا بتمسح دموعها علشان تبان طبيعيه؟

خرج الشاب اللي كان مع ياسر من المكتب وبص علي احلام اللي قاعده ومركزه في اللاب توب اللي قدامها وابتسم!

رفعت احلام راسها تشوفه ولاكنه كان لف وشه ومشي ..اخدت نفس بصعوبه ووقفت تاني وقربت من مكتب ياسر وخبطت واستنت رده؟

كان قاعد ياسر علي كرسي مكتبة وراجع بجسمة لورا وبيبص للسقف بهدوء  سمعت صوت طرق علي الباب فرد بالموافقه:ادخل؟

دخلت احلام وهيا ماسكه في ايديها التابلت اللي عليه باقي جدول ياسر وبتقول:حضرتك فاضل اجتماع اخير بعد ساعه؟

ياسر بصلها واستغرب شكلها فسالها بقلق وقال:تمام بس انتي كويسه يا احلام وشك مالة!

احلام بصتله بضيق ولاكن غيرت نظرتها بسرعه وابتسمت وهيا بتقول بهدوء:انا كويسه يا فندم !

ياسر حرك راسه وقال:انتي رجعتي من برا امتا؟

احلام:لسا واصله يا فندم!

ياسر حرك راسه بتفهم وقال بابتسامه:الحفلة اللي طلبت منك تحضريها معايا هتكون بعد يومين وطبعا انا هبعتلك الفستان اللي وعدتك بيه؟

احلام حركت راسها بالموافقه وهو ابتسم وقال:الحفلة هتكون الساعه ١٠ بالليل !

احلام غمضت عينيها وهيا بتحاول تتمالك اعصابها وقالت:تمام يا فندم بس انا مش هقدر اتاخر كتير برا البيت يعني …

قاطع ياسر كلامها بموافقة وقال:متقلقيش يا  احلام مش هنتاخر وحتي لو حصل هوصلك بنفسي لحد بيتك!

احلام هزت راسها بالموافقه وهوا ابتسملها وكان مركز مع وشها وبيفكر في خطته ولاكن هيا كانت واقفه بتفكر هتتصرف ازاي بعد اللي سمعته وازاي تخلص نفسها من الورطه اللي وقعت فيها؟

احلام قالت باستأذان:بعد اذنك يا فندم انا هخرح اكمل شغلي ..

ياسر حرك راسه بالموافقه واحلام اتحركت من قدامه بسرعه وخرجت من الغرفه وقربت من مكتبها وهيا بتبص علي تفاصيل المكان باختناق ..

قعدت تكمل شغلها ولاكنها حست باشمئزاز وفضلت تفكر امتي وازاي ياسر قدر ينفذ خطته دي من غير متاخد بالها..

فضلت احلام علي نفس الحاله وهيا قاعده بتفكر لحدما انتهي وقتها في الشغل وقامت بسرعه من علي المكتب وشالت شنطتها علي كتفها ودخلت مكتب ياسر لقته بيشتغل علي اللاب توب بتاعه ومركز فيه ..اتكلمت احلام وقالت:انا همشي يا مستر ياسر بعد اذنك!

بصلها ياسر وحرك راسه بالموافقه وهيا   خرجت من مكتبه وهيا بتفكر هتعمل ايه !! 

في الجانب التاني ماهر كان خلص شغله وقاعد في مطعم مع منعم السواق بتاعه  وبيتكلم معاه بخصوص احلام وخطيبها اللي سابته وكان منعم جابلة كل المعلومات اللي طلبها واتكلم وقال: اسمه اكرم الحسيني  يا فندم دا كان زميلها من ايام الكليه واتخطبوا في اخر سنه بدبلة وبعد سنتين اتخطبوا رسمي واستمرت خطوبتهم ٤ سنين وانفصلوا فعلا من شهرين بس انا عرفت حاجه غريبه اوي يا فندم!

ماهر كان بيشرب من العصير وحرك راسه بالموافقه وقال:عرفت؟

منعم ضم حاجبه باستغراب وقال:لما روحت منطقة اللي اسمو اكرم دا عرفت انه خطب بنت خالته من اسبوع بالظبط ؟

ماهر ضم حاجبه باستغراب وهوا بيفكر في كل الكلام اللي قاله منعم ورجع بصله وقال:يعني بقالهم اكتر من٨ سنين بيحبوا بعض وبعدما سابها بشهرين خطب واحده غيريها؟

منهم حرك راسه بضيق وقال:انا عرفت يا فندم سبب فسخ خطوبته مع الانسه احلام؟

ماهر بصله باهتمام ومنعم قال :طلع انه ادي لاخوه الشقه اللي كان هيتجوز فيها  ولما الانسه احلام عرفت اتضايق وفشكلت الخطوبه لانه طلب منها تتجوز في شقة والدته وهيا رفضت؟ 

ماهر ضم حاجبه وهو بيحرك راسه بضيق وبيقول: جدعه احلام انها رفضت؟

منعم :حضرتك بلغتني بمهمه اعملها تخص برضوا والد الانسه احلام ؟

ماهر حرك راسه بالموافقه وقال:ايوا عملت ايه بخصوص ميعاد العمليه؟

منعم:الدكتور لسا محددش الميعاد يا فندم لانه مستني الانسه احلام علشان يبلغها الاول بحالة والدها الظاهر كده ان والدها تعب تاني؟

ماهر قلق من كلامه وقال بضيق:وانت عرفت الكلام دا امتي وازاي مبلغتنيش؟

منعم :النهارده الساعه ١٠ يا فندم انا روحت المستشفي بنفسي وانا اسف يا فندم بس حضرتك كنت مشغول طول اليوم ومعرفتش اوصلك بسبب ان السكرتريه في كل مره بحاول ادخل لمكتبك تبغلني انك مشغول؟

ماهر حط فلوس علي الطرابيزه وبصله وقال:طيب قوم خلينا نمشي ووديني علي المستشفي ؟

منعم حرك راسه بالموافقه وماهر خرج من المطعم ومنعم وراه واقبل ما ماهر يركب العربيه سبقوا منعم وهو بيفتحلة الباب.. ركب ماهر العربيه ومنعم ركب بعده واتحرك بسرعه وخرجوا من المكان؟؟؟

__________

كانت احلام راكبه عربيتها وفي طريقها للمستشفي علشان تطمن علي والدها وتعرف من الدكتورالميعاد اللي هيدخل فيه والدها للرفة العمليات..

كانت طول الطريق سرحانه بتفكر في حالة والدها والكلام اللي سمعته في الشغل وكان دماغها هينفجر من شدة التفكير ..

وصلت احلام  للمستشفي بعد وقت مش كبير ودخلت بسرعه واتجهت لمكتب الدكتور المسؤل عن حالة والدها..

خبطت علي الباب وقبل ما ندخل سمعت صوت الدكتور بيتكلم مع شخص وبيشرحله حالة والدها ؟

الدكتور بحزن:للاسف مش هنقدر نعمل العملية بكره لان وضع الاستاذ محمد ميسمحش بسبب انه دخل في غيبوبه تاني واحنا لحد دلوقت مش عارفين السبب لان كانت حالته مستقره ولاكنه فجأنا الصبح انه دخل في غيبوبه؟

ماهر اللي كان قاعد قدام الدكتور وبيسمع كلامه فقال بتساؤل :يعني مش ممكن يفوق تاني يا دكتور وانا بقول يعني  مينفعش تعملوا العمليه وهو في الغيبوبه؟

الدكتور حرك راسه بالرفض وقال:مينفعش نعمل عملية خطيرة زي دي والمريض في غيبوبه لاننا بنحتاج نطمن عليه في وقتها وهوا مش هيساعدنا نعرف اذا كانت العمليه نجحت ولا لأ؟

احلام كانت واقفه وبتسمع كلامهم ودموعها بتنزل بغزاره الدكتور انتبه لوجود شخص واقف برا المكتب وبيحرك اوكرة الباب وقف وهوا بيفتح الباب واول مشاف احلام قاعده على الارض ومنهاره في العياط  قرب منها بلهفه وقال وهو بيسألها بقلق :انسه احلام انتي كويسه؟

ماهر اول ما سمع اسمها وقف بسرعه وهوا بيبص عليها و كان الدكتور بيحاول يساعدها وهيا وقفت وكانت بتمشي ببطئ بسبب بكائها الشديد ..

ماهر كان بيبص عليها وقلبه واجعه قرب منها ومسكها مكان الدكتور وقال:ارتاح انت يا دكتور وانا هساعدها؟

الدكتور حرك راسه بالموافقه وساب احلام وماهر خلاها تسند عليه لحدما قعدها علي الكرسي وقعد هوا علي الكرسي المقابل ليها!

احلام كانت بتمسح دموعها بايديها والدكتور قرب منها علبه المناديل اللي علي مكتبه واداهالها وقال بتساؤل:انتي كويسه يا احلام  حاسه بحاجه ؟

احلام اخدت المناديل منه  وبدات تنشف دموعها وهيا بتحرك راسها بـلأ.. ماهر كان مركز معاها وهيا بتعيط وفهم انها سمعت كلامه هوواادكتور فبص للدكتور وقال:الانسه احلام شكلها سمعت كلامنا انا وانت يا دكتور لو ينفع تطمنا علي وضع الاستاذ محمد يكون احسن؟

احلام انتبهت لكلام ماهر وبصت للدكتور وقالت بصوت ضعيف:أرجوك يا دكتور قولي بابا ماله؟

الدكتور قعد علي كرسي مكتبه وبص لاحلام وماهر وقال بحزن:والدك يا احلام للاسف دخل في غيبوبه تاني بس المره دي مختلفه عن المره اللي فاتت لاننا مش قادرين نحدد السبب والمشكلة اللي خلته يدخل في غيبوبه بعدما كانت حالته مستقرة وفي استعداده للعمليه!

احلام رجعت بضهرها لورا وهيا بتحاول تتحكم في دموعها وقالت:يعني هتعمل ايه دلوقت يا دكتور؟

الدكتور قال:هنرجعه تاني لغرفة الرعايه وهيتحط علي كل الاجهزه من جديد  واحنا جبنا الحقن بتاع العمليه وفي استعداد تام لحدما يستعيد وعيه تاني واول ما يفوق هنعمله العمليه ان شاء الله!

احلام حركت راسها بالموافقه وقالت بقلق :هوا انا ممكن اشوفه يا دكتور ارجوك !

الدكتور حرك راسه بالموافقه وقال:طبعا اتفضلي!

احلام وقفت والدكتور بص لماهر اللي قاعد وساكت وقال:ماهر باشا حضرتك تقدر تشوفه انت كمان..

ماهر حرك راسه بالموافقه وخرجوا كلهم واتجهوا لغرقة العنايه المركزه اللي موجود فيها والد احلام!

قابلتهم ممرضه ولبستهم لبس معقم علشان يقدروا يدخلوا الغرفه وبعد دقايق دخلت احلام وجمبها ماهر والدكتور للغرفة،.

اول ما احلام شافت والدها نايم والأجهزة في كل مكان في جسمه دموعها نزلت بغزارة ومسكت في ايد ماهر اللي واقف جمبها وقربت منه حضنته وهيا بتحرك راسها بالرفض وبتبكي ..

الدكتور كان بيبص عليها بحزن وماهر كان متوتر لانها حضناه فحط ايديه علي ضهرها بالراحه وطبطب عليها وهيا كانت بتزيد في البكاء وبتقول بهمس:هو مش عايز يصحي ليه مش عايز يشوفني ليه انا تعبت اوي من غيره بجد تعبت اوي والحمل بق تقيل ..

ماهر كان بيمسح باديه بلطف علي حجابها وبيبص بحزن علي والدها ..الدكتور قرب منهم وقال:كفايه يا بنتي واخرجي علشان المريض بيحس بينا ولما يلاقيكي  حزينه ممكن يرفض يستجاب لينا؟

احلام خرجت من حضن ماهر ببطء وبصت للدكتور وقالت:هو بيحس بينا ازاي يا دكتور وانا بقالي ٨ سنين باجي واتكلم معاه وبطلب منه يرجع وهو رافض هو انا عملت حاجه زعلته طيب .. انا محتجاه معايا اوي يا دكتور والله محتجاه!

ماهر بص للدكتور وقال وهو بياخده وبيبعدوا بمسافه عن احلام:لو سمحت يا دكتور خلينا نفضل معاه لوحدنا شويه واوعدك مش هنتاخر!

الدكتور حرك راسه بالموافقه وقال:طيب يا ماهر باشا  بس بلاش تخليها تعيط كتير علشان المريض بيتأثر؟

ماهر حرك راسها بالموافقه والدكتور سابهم وخرج وفضل في الغرفة ماهر واحلام!

قرب ماهر من احلام وقال وهوا بيبص لوالدها:قربي منه المره دي يا احلام وكلميه عرفيه اللي انتي حاسه بيه وعرفيه قد ايه انتي محتجاه عارف انك كلمتيه كتير ولاكن ممكن المره دي تكون مختلفه وممكن يستجاب لكلامك يا احلام !

احلام بصت لماهر وجه في دماغها كل اللي سمعته عنهم فدموعها نزلت اكتر وهيا بتحرك راسها بالموافقه وهوا ابتسملها بتشجيع وقال:افتحي قلبك وقوليليه كل اللي مخبياه عنه يمكن حاجه بسيطة يسمعها تخليه يفوق..

احلام حركت راسها وقربت من والدها وهو قرر يسيبها لوحدها ويخرج وهيا مسكت ايد والدها وبدات دموعها تنزل وهيا بتقول بحزن:بابا؟

انا عارفه انك سامعني وحاسس بيا . 

الدكتور قالي كده بعد اول ساعه دخلت فيها الغيبوبه من ٨ سنين …بلعت ريقها واخدت نفس طويل وكملت كلامها وقالت :انا مش قوية يبابا زي ماكنت بقولك ولا حتي قد المسؤليه ..دموعها نزلت اكتر وهيا بتقول:انا ضعيفه اوي ومحتاجه حضنك استخبي فيه ..انا عيشت كتير بدافع عن نفسي وباينه قويه علشان محدش يستغلني او يضحك عليا بس ..بس يبابا انا ..انا كنت فاكره كده كنت فاكره اني قويه . بس اكتشفت اني ضعيفه اوي من غيرك ...ممكن علشان خاطري تقوم وتعمل العمليه وترجع معايا البيت تاني … 

البيت ضالمه بقاله سنين من غير وجودك  البيت وحش اوي ..وحش اوي من غيرك …مش كفايه عليا  اكون وحيدة لحد كده …احنا محتاجين نرجع تاني عيلة سعيده .. محتاجين بعض…انا عارفه انك زعلان علشان ماما ومريم سابوني لوحدي ومشيوا بس انا اوعدك اول ما تفوق هدور عليهم ومش بس كده انا  اوعدك اني هقلب عليهم الدنيا وهلاقيهم بس ..بس انت قوم …قالت بصوت ضعيف ..علشان خاطري.

قالت كلامها وركعت علي رجليها وحطت دماغها علي السرير ومسكت جامد في ايد والدها وغمضت عينيها بتعب .. وبعد دقايق فاقت علي ايد بتحسس علي طرحتها بهدوء فتحت احلام عينيها وهيا بتبص حواليها وكانها مستنيه اللحظة دي من سنين.. واول ما رفعت وشها وشافت صاحب الايد بيبص عليها ودمعه من عينيه بتنزل.. صرخت احلام بفرحه وهيا بتحضنه وبتقول بعدم تصديق :باباااا؟

صرختها كانت كفيله انها توصل للدكتور وهو في مكتبه ..فتح ماهر الباب اول ما سمع صوتها وكان قلقان ليكون الاستاذ محمد توفي ولاكنه وقف وهو مصدوم لما لقي احلام ماسكه ايد والدها اللي كان فاتح عينيه وبتقول:انت انت صاحي ولا انا بحلم!

والدها حرك عينيه ببطئ وكانه بيبلغها انه كويس..

احلام بصت حواليه ولقت ماهر واقف يبص عليها جريت عليه بفرحه وهيا بتحضنه وبتقول:بابا فاق يا ماهر بابا صحي انت اخدت بالك سمع كلامي انت كان عندك حق..

ماهر ابتسم وهو بيسمع كلامها ورفع ايديه يضمها لحضنه بفرحه وهوا حاسس بشعور جميل وهيا مقربه منه بعدت عنه احلام وهيا بتستجمع نفسها من جديد وبصتله بخجل وقالت:فين الدكتور؟

ماهر بص عليها بتوتر وقال:الدكتور مش عارف..

احلام  هزت راسها وقالت:هروح ادور عليه.. ماهر حرك راسه بالموافقه وتذر خرجت بسرعه من الغرفه وهيا بتدور علي الدكتور وبعدما جريت علي مكتبه ولقته قاعد وبيشرب قوه قالت بلهفه:بابا صحي يا دكتور؟

متنسوش متابعه صفحتي 

الكاتبة شيماء صبحي shaimaa sobhy

الدكتور كح وهو بيبصلها بصدمه وبيقول:بتقولي اييه؟

احلام دموعها نزلت بفرحه وقالت:ارجوك يا دكتور طمني عليه هوا فتح عينيه وحتي حرك ايديه ولمس طرحتي !

الدكتور خرج بسرعه من الغرفة وضغط علي زرار الإنذار وبلغ ممرضه تبلغ بقيت الدكاتره ان مريض الغيبوبه فاق من تاني  ..

احلام خرجت من مكتب الدكتور وهيا بتجري وبترجع لغرفة والدها  تاني وكان ماهر خرج والدكاتره بتتحرك للغرفه لحدما وصلت احلام وقربت منه وقالت وهيا بتسأل ماهر :حصل ايه بابا كويس؟

ماهر حرك راسه  بالموافقه وقال:ارتاحي هنا لحد ما الدكتور يخرج ويطمنا عليه ؟

احلام حركت راسها بالموافقه وقعدت علي كرسي الاستراحه وهوا كان واقف ومتوتر بسبب اللي حصل وقربها منه  ..

وفي غرفة والد احلام قرب الدكتور من والدها وهو بيبصله وبيقول:دي معجزه!

والدها كان صاحي وكان في وضع يسمحله بالكلام فبعد جهاز الاكسجين من علي وشه وبص للدكتور وقال بصوت ضعيف  :بنتي فين احلام بنتي راحت فين !

الدكتور بصله وقال علشان يطمنه:بنتك كويسه وواقفه برا مستنياك تخرجلها وانت في احسن حال 

محمد والد احلام ابتسم براحه وقال بتعب:انا كويس؟

الدكتور حرك راسه بالموافقه وقال:ارتاح دلوقت لحدما نطمن عليك وبعدها نشوف هنعمل ايه!

والدها حرك راسه بالموافقه والدكتور ركبله جهاز الاكسجين تاني وبلغ بقيت الدكاتره اللي موجوده يبدأوا يفحصوه بسرعه وبعد مرور نص ساعه !

خرج الدكتور من الغرفه وعلي وشه ابتسامه عريضه قربت منه احلام وقالت بلهفه:خير يا دكتور طمني؟

الدكتور بص لاحلام بسعاده وقال:والدك بق بخير ولاكن لازم نعمل العمليه في اسرع وقت بس الموضوع دلوقت واقف علي موافقته ؟

احلام حركت راسها بفرحه وقالت:هيوافق ان شاء الله هيوافق :يعني هوا دلوقت هيفضل هنا؟

الدكتور: هيفضل مؤقتا لانه مينفعشي يخرج بسبب انه لسا خارج من عمليه جراحيه بس دلوقت اقدر اطمنك عليه واقول انه يقدر يتواصل معانا ودا هيسهل علينا الجراحة الجايه ونسبه نجاح العمليه دلوقت اتحولت من ١٠٪؜ ل٥٠٪؜

احلام ابتسمت وهيا بتغمض عينيها وبتقول:شكرا يارب شكرا يارب؟

الدكتور بص لماهر وقال:ممكن كلمك علي جنب يا ماهر باشا؟

ماهر حرك راسه بالموافقه والدكتور استاذن احلام ومشي مع ماهر وبعدوا عنها بمسافه كبيره  …الدكتور وقف ماهر بايديه و قال بجديه:الاستاذ محمد حالته استقرت زي منا قولت دلوقت بس في مشكله هتقف معانا ؟

ماهر بصله باستغراب وقال بتساؤل:مشكلة ايه يا دكتور؟

الدكتور رفع حاجبه وقال بخجل:تكاليف العمليه زاد مليون جنيه..انا عارف ان الحقن كانت غاليه ولاكن مضطرين نجيب حقن تانيه علشان نضمن نجاح العمليه ١٠٠٪؜ 

ماهر حرك راسه بالموافقه وقال:اعمل اللي تشوفه يا دكتور اهم حاجه الاستاذ محمد يكون بخير ومتقلقش انا هدفع اللي تقول عليه بس بلاش تعرف احلام اي حاجه عن الفلوس. دي وكويس انك بلغتني انا بالموضوع دا بدالها؟

الدكتور حرك راسه بالموافقه وقال بابتسامه:اللي تشوفه يا ماهر باشا واحنا تحت امرك!

ماهر حرك راسه وقال: انا هضيفلك ٥٠٠الف تحت الحساب وعاوز الاستاذ محمد ياخد افضل خدمة  هنا في المستشفي؟

الدكتور حرك راسه بفرحه وقال:تحت امرك يا فندم بعد اذنك!

مشي ماهر وقرب من احلام اللي كانت بصه عليه وساكته وقال:انتي كويسه دلوقت يا احلام!

احلام بصت عليه وحركت راسها بالموافقه وهو بص علي غرفة والدها وقال:طيب انا شايف ان وجودنا دلوقت ملوش لازمه لان الدكتور بلغني ان والدك دلوقت تحت تأثير الادويه اللي اخدها وحاليا هو نام؟

احلام هزت راسها بتفهم وقالت:تمام!

ماخر شاورلها تتحرك قدامها وهيا مشيت وهوا وراها لحدما خرجوا من المستشفي ..

منعم كان واقف في استقبال ماهر واول مشافه خارج مع احلام فتحله العربيه واستناه يقرب منه ولاكن ماهر تجاهله ووقف مع احلام وقال:تحبي اوصلك بعربيتي انا شايف ان اعصابك تعبانه وهيكون صعب عليكي تسوقي؟

احلام بصت في عينيه وافتكرت وقتها الكلام اللي سمعته من ياسو والشخص اللي كان معاه والخطه اللي عملوها  علشان ياسر  ياخد مكانه في الحفله فحركت راسها بحزن وقالت:لا شكرا انا بخير؟

قالت كلامها وقربت من عربيتها علشان تفتح الباب ولاكنها فجاه حست بتعب شديد بسبب ضغطها علي اعصابها لفتره طويله ..

ماهر لاحط انها مش بخير فقرب منها تاني وقال :.انتي كويسه؟

احلام بصتله وقالت بتعب:موافقه توصلني بعربيتك بس انا مش عايزه اسيب عربيتي هنا؟

ماهر حرك راسه بالموافقه وشاور لمنعم يقرب منه واول ما منعم وصل ماهر بص لاحلام وقال:فين مفتاح عربيتك!

احلام طلعت مفتاح عربيتها وقربته منه وهو اداه لمنعم وقال:سوق العربيه دي لحد بيت احلام ؟

احلام بصت لمنعم وقالت بجديه:خلي بالك وانت سايق ومتاكلش مطبات انشي بالراحه؟

ابتسم ماهر علي كلامها ومنعم بصلها وحرك راسها باحترام وبص لماهر اللي شاورله يسمع كلامها ومنعم ركب عربية احلام واتحرك بيها وماهر بصلها وقال:عربيتي هناك خليني نمشي احما كمان!

احلام حركت راسها بالموافقه وقربوا من عربيه ماهر وهوا ساعدها تركب وركب في كرسي القياده ..وبعد ثواني اتحرك بالعربيه ..

وفي الطريق احلام كانت بتفكر في كل اللي حصل علي مدار اليوم وكانت حاسه بتعب من التفكير فبصت لماهر ولقته سايق ومركز في الطريق وكانت ملامحه جميله..ابتسمت احلام لتذكرها لكلام ياسر لما قال انها كانت بتحبه وانه كمان كان بيحبها فضحكت بسبب انهم فاهمين غلط وانها فعلا كانت بتحب ماهر ولاكنه عمره مابادلها الحب وكان بيعاملها بحرص شديد بعدما اعترفتله بحبها ليه؟

ماهر انتبه ليها وبصلها وهيا نزلت عينيها بسرعه ولفت وشها فابتسم علي خجلها ورجع بص في طريقه تاني..

احلام اخدت نفس وبصتله تاني وقالت:هو انت ممكن متروحش الحفلة؟

لف ماهر راسه ليها وبصلها بصدمه وقال:حفلة ايه؟

احلام بلعت ريقها وقالت:الحفلة اللي هتروحها بعد يومين علشان تتكرم فيها؟

ماهر رفع حاجبه بدهشه وقال:وانتي عرفتي ازاي اني رايح الحفله دي ؟

احلام اتوترت اكتر وقالت:سمعت عنها لانك مشهور جدا وكله بيتكلم عليك ..بس قولت ايه علي كلامي؟

ماهر حرك راسه برفض وقال:مقدرش مروحش دي حفلة مهمه وتقدري تقولي كده انها معموله علشاني..

احلام حركت راسها بتفهم وقالت وهيا بتذكر اسم حمزه:هو فين حمزه بقالي يومين معرفش عنه حاجه هو كويس؟

ماهر حرك راسه وقال  :ايوا كويس؟

احلام لفت وشها وهيا بتبص علي الطريق وبتدعي من قلبها ان تحصل اي حاجه تخلي موضوع الحفله دا يخلص من غير ما ماهر يتضر فيها ؟

وصل ماهر قدام بيت احلام بالعربيه وبصلها وقال وهو بينبهها :وصلنا  ؟

احلام حركت راسها بهدوء وخرجت بسرعه من العربيه وهو نزل وراها واول ما بصتله قالت:شكرا علي كل حاجه عملتها علشاني النهاردة..تصبح علي خير؟

ماهر بابتسامه :وانتي من اهل الخير!

احلام مشيت ببطئ في اتجاه بيتها واول ما وصلت قدام الباب بصت عليه ولقته واقف يبص عليها باهتمام ..ابتسمت بحزن وهو حس انها لسا مش كويسه فقرب منها تاني وقال:انا ليه حاسس انك مش بخير وبتكدبي؟

احلام بصتله باستغراب وقالت:لا انا بخير؟

ماهر قرب منها اكتر وحط ايديها علي رقبته وقال:مش مصدقك خليني اساعدك؟

احلام اتصدمت من قربه ليها فبصت لملامحه بتوهان وهوا بصلها وقال بتنبيه:اتحركي معايا يا احلام!

احلام هزت راسها ومشيت خطوطين ولاكنها اتفجأت بيه بيشلها وبيقول:احنا كده مش هنوصل معلشي بق متضر اوصلك بنفسي؟

اول ما بصتله قالت:شكرا علي كل حاجه عملتها علشاني النهاردة..تصبح علي خير؟

ماهر حرك راسه وقال بابتسامه :وانتي من اهل الخير!

احلام مشيت ببطئ في اتجاه بيتها واول ما وصلت قدام الباب بصت عليه ولقته واقف يبص عليها باهتمام ..ابتسمت بحزن وهو حس انها لسا مش كويسه فقرب منها تاني وقال:انا ليه حاسس انك مش بخير وبتكدبي؟

احلام بصتله باستغراب وقالت:لا انا بخير؟

ماهر قرب منها اكتر وحط ايديها علي رقبته وقال:مش مصدقك خليني اساعدك؟

احلام اتصدمت من قربه ليها فبصت لملامحه بتوهان وهوا بصلها وقال بتنبيه:اتحركي معايا يا احلام!

احلام هزت راسها ومشيت خطوطين ولاكنها اتفجأت بيه بيشلها وبيقول:احنا كده مش هنوصل معلشي بق مضطر اوصلك بنفسي؟

اتصدمت احلام ومسكت في رقبته جامد وهيا بتقول بخوف:نزلني انا كده هقع!

ماهر رفعها علي صدره اكتر وقال وهو بيبص في عينيها: لا متخافيش؟

احلام فضلت ساكته وهوا اتحرك لداخل البيت وهوا شايلها و طلع بيها علي السلم لحدما وصل قدام باب الشقه و قال بتساؤل:فين المفتاح!

احلام حركت ايديها علشان تنزل وهوا مسكها جامد وقال:لا طلعي المفتاح بس من الشنطة وانا هفتح الباب.. احلام وشها احمر بشده وحركت راسها بخجل وطلعت المفتاح من شنطتها بتوتر ومدت ايديها بيه وهوا اخده منها وسندها بايديه جامد وفتح الباب ؟

اتحرك بيها لداخل الشقه لحدما نزلها علي كرسي من اللي في الصالون بالراحة ..احلام بصت في الارض بتوتر شديد وهوا عدل هدومه واخد نفسه وهوا بيقول بتساؤل :انتي بخير!

احلام حركت راسها وهيا باصه في الارض فابتسم ماهر وبص حواليه وقال بتساؤل:مش ناويه تجيبيلي المفتاح ولا مش عاوزه نرجع جيران تاني؟

احلام حركت راسها تاني بالموافقه وقالت بهدوء وهيا لسا باصه في الارض:لا هقوم اجبهولك؟

قالت كلامها بخجل واتجهت لاوضه والدها وهو قعد علي الكرسي مكانها واستناها تخرج!

احلام دورت علي المفتاح في نفس الدولاب اللي دورت فيه انبارح ولاكنها ملقتش اي مفاتيح ..فضلت تبص في كل مكان وهيا بتخمن ممكن والدها يكون حط المفتاح دا فين..

بصت علي الدولاب مره تانيه وهيا بتبص عليه من فوق حست ان فيه صندوق موجود بس مش باين اوي..رجعت كام خطوة لورا وهيا بتحاول تشوف كويس ايه اللي فوق الدولاب.. وقبل ما توصل للحيطة وتتخبط فيها لقت ايد بتمنعها.. بصت وراها بخضه ولقت ان ماهر هو اللي واقف وبيقول:اتاخرتي ليه؟

احلام بلعت ريقها بتوتر وهيا بتشاور علي الدولاب وبتقول: انا مش لاقيه المفتاح بس شايفه حاجه زي صندوق موجود فوق تعرف تجيبه ..

ماهر حرك راسه بالموافقه وقرب من الدولاب وبسبب انه طويل قدر يجيب الصندوق دا بكل سهوله!

كان الصندوق من الركنه مليان تراب واول ما ماهر نزله نزل التراب كله علي هدومه ..احلام شهقت بصدمه وهيا بتقرب عليه و بتقول:يا نهارد ابيض هدومك باظت ؟

التراب كان غرق شعر ماهر وهدومه فحط الصندوق علي الارض وبصلها وقال:هو فين الحمام!

شاورتله احلام بايديها في اتجاه الحمام وهوا خرج وهيا فضلت تبص عليه بخجل شديد..

رجع ماهر بعد دقايق وكان مسح التراب من علي شعره وكان فاضل شويه علي هدومه..

احلام مسكت فوطه من اوضة والدها وقربت عليه وقالت:في شويه تراب علي ضهرك خليني امسحه؟

ماهر حرك راسه بالموافقه وهيا بدات تمسح التراب برفق لحدما خلصت واتاكدت ان هدومه رجعت نضيفه تاني؟

ماهر بعد عنها بمسافة وقال وهو بيبص علي الصندوق: لقيتي المفتاح!

حركت احلام راسها وقالت:لسا ؟

ماهر بص علي الصندوق وقرب منه تاني وقال وهو بيحاول يفتحه: ساعديني نفتح الصدنوق دا يا احلام لانه مقفول جامد!

حركت احلام راسها بالموافقه وقربت عليه وهيا بتمسك الصندوق قدامه وبدأوا الاتنين يفتحوه؟

اول ما اتفتح الصندوق كان مليان صور كتيره وبسبب الركنه كانت برضوا مليانه تراب ..احلام مسكت مجموعه صور وحطتها على الأرض وكانت بتدور علي المفتاح وهيا بتحط الصور اتفجات انها ليها صور كتير هيا وماهر وهما صغيرين!

احلام مسكت صورة من الصور وهيا بتبص عليها بدهشه لانها كانت فاكره ان الصور دي ضاعت من زمان ولاكن مكانتش تعرف ان والدها طلع محتفظ بيهم كل السنين دي!

ماهر انتبه ليها وبص للصوره اللي في ايديها وقال بدهشه:يااه هيا الصور دي لسا موجوده!

احلام خجلت من قربه ليها وهوا بيمسك الصوره من ايديها وهيا حركت راسها بالموافقة علي كلامه وقالت:الظاهر ان بابا كان محتفظ بيهم وانا معرفش!

ماهر طلع بقيت الصور من الصندوق وكانت معظمهم صور للعائلتين وهما متجمعين وكانت صوره منهم كانت لاحلام واختها مريم اللي اكبر منها بسنتين ولماهر كانوا الثلاثة واقفين جمب بعض وبيضحكوا بفرحه..

ماهر بص لاحلام وهوا بيشاورلها علي الصوره وبيقول بتساؤل:هي فين مريم انا مشوفتهاش و فين مامتك؟

احلام اتوترت من كلامه وقامت وهيا بتنفض هدومها اللي باظت بسبب التراب وقالت بتردد:انا هروح الحمام انظف هدومي وارجع!

ماهر بص عليها وحرك راسه بالموافقه وهيا خرجت بسرعه ودخلت للحمام وهيا بتمسح دموعها اللي نزلت !

ماهر فضل يدور علي المفتاح ولقاه وبعدما بص وراه يشوفها لقاها لسا مخرجتش فرجع كل الصور في الصندوق تاني ولاكن اتبقت صوره كانت مقلوبها مسكها ماهر علشان يحطها في الصندوق ولاكنه اتفاجئ انها صوره لاحلام وهيا في اول سنه ليها في الاعدادي وكانت لسا بشعرها ..كانت احلام بتضحك في الصوره وكانت ضحكتها جميلة اوي ..ابتسم ماهر لتذكرة وقت ما اخدلها الصوره دي في الاستديو من ورا المصور فابتسم ومسك الصوره وحطها في جيبه بسرعه وقفل الصندوق تاني وخرج من الاوضه …

احلام خرجت من الحمام بعدما نظفت هدومها واول ما لقته واقف قدامها قالت بتوتر:لقيت المفتاح!

ماهر حرك راسه بالموافقه ورفع المفتاح قدامها وقال:ايوا؟

احلام حركت راسها وهوا قال:انا همشي يا احلام خلي بالك علي نفسك واقفلي الباب عليكي من جوا كويس؟

احلام هزت راسها بالموافقه وهو مشي من قدامها وهيا مشيت وراه ..خرج ماهر من الشقه وهيا خرجت وراه لحدما نزل ماهر علي السلم بسرعه وقبل ما يخرج من الباب الرئيسي للباب بصلها وقال بهدوء :تصبحي علي خير؟

احلام ابتسمت بهدوء وقالت:وانت من اهل الخير!

ماهر مشي وهيا قفلت باب الشقه كويس زي ما طلب منها ماهر و قربت من الشباك بسرعه وطلعت رقبتها برا برفق تشوفه ولقته ركب العربيه وكان منعم فاتحله الباب بعدت عن الشباك و دقايق وسمعت صوت العربيه اتحركت فقفلت الشباك ودخلت اوضتها علشان تنام؟

_________

تاني يوم صحي ماهر علي صوت رنه تيلفونه قام بضيق وهوا بيشوف مين اللي بيتصل عليه واول مشاف الاسم رد وقال بضيق:خير؟

حمزه اتكلم وقال بتساؤل:عاوزه ارجع مصر؟

ماهر قال بضيق قبل ما يقفل السكه في وشه:بتصحيني علشان كده؟

حمزه اتصل عليه تاني وماهر رد وقال بعصبيه:خير يا حمزه عاوز ايه علي الصبح؟

حمزه دخل علي ماهر الاوضه وهوا ماسك التيلفون وبيقول بغيظ :بق بتقفل في وشي يا خالي؟

قام ماهر من علي السرير بصدمه اول ما سمع صوته في الاوضه ..حمزه قرب منه وقال بتوتر:ايوا انا رجعت مصر تاني!

ماهر وقف بصدمه اكبر لما اتاكد ان اللي شايفه حقيقي فـقرب من حمزه اللي واقف بتوتر وقال:انت بتهزر ؟

حمزه قرب عليه اكتر وقال:افهمني الاول قبل ما تعمل اي حركه وتتهور !

ماهر مسح علي وشه بغيظ وقال:اتكلم قبل ما اخلص عليك واريح البشريه منك؟

حمزه بلع ريقه وقال: اصل انا امبارح بالليل لقيت چيدا عرفت مكاني وجات هددتني لو مرجعتش معاهم الفيلا هترجعني بالعافيه وانا بصراحه خوفت اروح معاها فحجزت علي اول طياره لمصر وجيت علي هنا؟

ماهر اخد نفس طويل بعصبيه وقال وهو بيمسك حمزه من هدومه:هوانا مش قولتلك متشغلش بالك بحد وتشوف انت رايح علشان ايه وبس ..

حمزه خاف منه وقال بتوتر:منا خوفت!

ماهر سابه وهو بيبص حواليه وبيقول:هيا الساعه دلوقت كام!

حمزه بص في ساعته وقال:٦الصبح؟

ماهر سابه واقف ودخل للحمام وقفل الباب وحمزه قرب منه وخبط علي الباب وقال بتساؤل:خالي هو انت هتعمل معايا ايه اصلي خايف بصراحه من سكوتك دا؟

ماهر مردش عليه وحمزه بلع ريقه وقال:انا بخاف من سكوتك دا طيب اعمل اي حاجه طيب طمني ؟

ماهر فتح الباب بقوه لدرجه ان حمزه اتفزع فبصله وقال بعصبيه:لو متحركتش من قدامي حالا ومشيت هتزعل جامد اوي؟

حمزه بصله وقال:خالي هو انت متعصب؟

ماهر دخل تاني للحمام وهبد الباب في وشه وحمزه ابتسم وهو بيقول بصوت واطي:انا كده اطمنت يبق اروح انام مع مرسي بق؟

خرج حمزه من غرفة ماهر واتجه لغرفه مرسي اللي كان بيرتب اوضته علشان يستعد لشغله واول مشاف حمزه داخل عليه ومبتسم قال بخضه:حمزه بيه هو انت جيت امتي؟

حمزه قرب من مرسي وحضنه وقال:لسا حالا ..تصدق انك الوحيد اللي عاملي قيمه في المكان دا؟

ابتسم مرسي وهو بيقول بخجل:لا متقولش كده يا حمزه باشا حضرتك ليك مركزك و تستاهل كل خير..

حمزه حضنه بحب وقال:انا من غيرك مش عارف هعيش ازاي انت حبيبي يا مرسي!

ضحك مرسي وقال بتساؤل:حضرتك هتنام هنا ؟

حمزه شاورله وهو بيقول بابتسامه:فاهمني من غير ما اتكلم كمان!

نفض مرسي السرير بسرعه وقال:الاوضة تحت امرك يا بيه تحب احضرلك لقمة تاكلها لان شكلك هفتان من السفر؟

حمزه حرك راسه بالموافقه وقال:عندك حق يا مرسي انا هفتان وجعان وتعبان اوي ..

مرسي حرك راسه بحزن وقال:ياعيني عليك يا حمزه بيه انت بتتعب بصراحه طول الوقت من سهره لسهره ومن سفر لسفر ومش بترتاح !

حمزه حرك راسه بالموافقه ونام وفرد جسمه علي السرير وقال :عندك حق يا مرسي..

مرسي حرك راسه وقال بدهشه:لا حول ولا قوة الا بالله يارب هموم من دي..

قال مرسي كلامه وخرج من الغرفه وساب حمزه يرتاح من السفر .

في غرفة ماهر؟

كان ماهر ماسك تيلفونه وبيتكلم فيه بغضب وبيقول:انا مش قولت ملكوش دعوه بينا بتتعرضيله ليه ..سكت وسمع ردها ورجع قال بغضب أكتر :انتو اللي اتخليتوا عنه الأول ولو سمحتي يا چيدا ملكيش دعوه بيه وانسيه .. حمزه خلاص مش عايزك ركزي في حيااتك وحبي ولادك التانيين وهو بخير من غيرك متقلقيش ..

والدة حمزه واللي اسمها چيدا قالت باعتراض علي كلام ماهر :انا عارفه انك بقيت مسؤول عنه بس متنساش برضوا اني مامته؟

ماهر رد عليها بعضب اكتر وقال:لا انتي اللي متنسيش انك اتخليتي عنه ورمتيه بعدما انفصلتي عن ابوه وهو كان طفل وفي اشد احتياجه ليكي ولحضنك بس انتي كنتي انانيه ومفكرتيش فيه يبق مش عايز اسمع انك اتعرضتيله تاني .. اخد نفس وقال بتنهيدة :انا عارف انك اختي وليكي معذه عندي بس الا حمزه يا چيدا لانه مستحيل يعيش معاكي انتي وجوزك دا ..

والدة حمزه حركت راسها وقالت بضيق:ماشي يا ماهر انا غلطانه.. انا كنت عاوزه اعرفه علي اخواته علشان بيسألوني عليه وعاوزين يقابلوه ويقضوا معاه وقت بس مدام انت مش عاوزه يشوف اخواته يبق اللي انت شايفه بق و انا عملت اللي عليا ..

ماهر قفل المكالمه بضيق من كلام اخته وبص علي الباب وخرج وهوا بيتجه لغرفة مرسي لانه عارف ان حمزه موجود هناك..

كان حمزه نايم وضامم المخده في حضنه ومبتسم لانه اخيرا رجع للقصر تاني وكان عارف ومتاكد ان ماهر مش هيسفره تاني بعد اللي حصل ..

دخل ماهر للاوضه وهو بيبص عليه وبيقول:متصلتش عليا ليه قبل ما ترجع مصر؟

حمزه غمض عينيه ومثل انه نايم ولاكن ماهر قرب منه وضربه في بطنه وقال بغيظ: لو موقفتش كده وكلمتني راجل لراجل كلها ساعتين وهتكون تاني في دبي؟

حمزه اول ما سمع كلامه قام بسرعه من علي السرير وقال: لا انا خلاص قومت؟

ماهر بصله من فوق لتحت وحرك راسه وقال بتساؤل:مكلمتنيش ليه واستأذنتني قبل ما ترجع مصر..

حمزه بلع ريقه وقال بتردد:قولت انك مشغول ومردتش ازعجك!

ماهر غمض عينيه بضيق وقال :تزعجني؟

حمزه رفع ايديه الاتنين علشان يدافع عن نفسه ولاكن ماهر كان مسكه من هدومه وقال:حلو الكلام هتقوم كده بق زي الشاطر تاخد شاور دافي وتغير الهدوم الحلوه دي وتلبس بدله من اللي انا جبتهملك وتستناني برا في الصالون ؟

حمزه حرك راسه بالموافقه وماهر سابه وقبل ما يخرج حمزه قال بتساؤل:ليه بق ؟

ماهر بصله وقال قبل ما يمشي:هتعرف لما تجهز؟

رجع ماهر لاوضته وحمزه خرج من غرفة مرسي وطلع اوضته وبدأ ينفذ كلام ماهر واخد شاور ولبس بدله رسميه ووقف قدام المرايه يداري بقيت الورم اللي في وشه علشان شكله يكون متناسق مع البدله .. وبعد ما انتهي حمزه من الاستعداد الساعه اصبحت ٧:٣٠ نزل قعد في الصالون ودقايق ونزل ماهر وقرب منه وقال وهو بيتفحص شكله:ممتاز يلا بق علشان تعرف مهمتك الجديده!

حمزه وقف وحرك راسه بالموافقه وماهر خرج وحمزه وراه ..ركبوا الاتنين في عربيه ماهر وكان منهم متفاجئ بوجود حمزه فبص لماهر في المرايه وقال بتساؤل:هو حمزه بيه رجع امتي يباشا؟

ماهر بص لحمزه بصة سريعه ورجع بص لمنعم وقال :النهارده الفجر ؟

منعم حرك راسه بالموافقه ورجع بص للطريق وكان حمزه باصص علي ماهر وهو عايز يتكلم ولاكن خايف من رد فعل ماهر ففضل ساكت طول الطريق لحدما لقي العربيه وقفلت قدام الشركة؟

ماهر بصله وقال:انزل؟

حرك حمزه راسه بالايجاب ونزل وبعده خرج ماهر من العربيه !!

دخلوا الاتنين للشركة وكان الموظفين بيبصوا عليهم باحترام .. وصلوا الاتنين قدام قسم الحسابات اللي في الشركة ..ماهر بص علي نصر مدير القسم وقال:استاذ نصر تعالا لو سمحت!

انتبه نصر لوجود ماهر وقرب منه بسرعة وقال بابتسامه:صباح الخير يا مستر ماهر؟

حرك ماهر راسه وقال:صباح النور يا نصر..ماهر شاور علي حمزه اللي واقف جمبه ويبص علي المكان بضيق وقال:حمزه هيكون معاك متدرب من النهارده عاوزك تعامله كأنه موظف عادي ..انا بعرفك اهو يا نصر اعتبره موظف وانسي خالص اني خاله!

حمزه بص لنصر اللي بيبصله وبيبتسم ورجع بص لخاله وقال بصدمه:نعم يعني ايه يا خالي الكلام دا؟

ماهر تجاهل اعتراض حمزه و بص لنصر وقال:انا عاوزه يتعلم كل حاجة من الصفر وعاوزك بق تخليه ميبقاش عنده وقت خالص حتي انه يروح لامؤاخذة للحمام .. انت فاهمني يا نصر؟

نصر ابتسم علي كلام ماهر وبص لحمزه وحرك راسه بالموافقه وماهر بص لحمزه وحط ايديه علي كتفه وقال:بالتوفيق يا زومه انا هكون معاك اهو لو حبيت تنتحر عندي في الدور العاشر شباك واسع متقلقش مش هيدايقك وانت بتنط؟

حمزه كان باصص عليه بدهشه وماهر سابه واتحرك وحمزه بدا ينادي عليه بخوف وبيقول:خالي استني خلينا نتفاهم ياااا خالي ياا ماهر ..

ماهر تجاهله وكمل طريقة وحمزه بص لنصر اللي مركز معاه وساكت وقال بتوتر: انت بتبصلي كدا ليه متبصليش كده؟

نصر قرب من حمزه وحط ايديه علي كتفه وقال : تعالي معايا يا حمزه باشا ..نصر ضم حاجبه لما افتكر كلام ماهر ليه فقال وهو بيعيد كلامه تاني :قصدي يا حمزه بس تعالي معايا؟

حمزه نزل ايد نصر بضيق وقال:هاجي معاك بس بلاش لمس..

نصر حرك راسه بالموافقه ودخلوا الاتين لبقيت القسم ونصر شاور علي حمزه وهو بيقول بصوت عالي:رحبوا بزميلكم الجديد حمزه؟

كل اللي في القسم بصوا لحمزه باستغراب ونصر ضحك وقال:علي حسب كلام مستر ماهر مدير الشركه قال اننا نعامله وكأنه شاب عادي وملوش علاقه بمستر ماهر فهوا هيكون متدرب معانا فاللي عنده شغل عاوز يخلص يحطة علي مكتب الاستاذ.. قال كلامه وهوا بيحط ايديه علي كتف حمزه وحمزه حس انه عايز يعيط بسبب المصيبه اللي حط نفسه فيها فبص علي الموظفين اللي باصين عليه وبيضحكوا بشر وهو رجع خطوه لورا وقال:فين مكتبي دا؟

قربت منه بنت وقالت وهيا بتشاور علي مكتب:دا مكتبك بس مش ليك لواحدك الانسه ياسمين شريكتك فيه؟

حمزه ضم حاجبه وهو بيهز راسه بضيق وبيقول بغيظ:ومين بق ياسمين دي!

دخلت بنت جميلة وهيا بتقول بتساؤل:مين اللي عاوزني!

الموظفين شاورو علي حمزه وهو اول ما رفع عينيه علشان يشوف البنت دي اتصدم من شدة جمالها فرفع ايديه بتوهان وقال:انا …

يتبع بقلمي شيماء صبحي 😍

اول ما وصل ماهر لمكتبه اتلقي اتصال من منعم واللي بيقول:انا اسف على ازعاجك يا ماهر باشا بس انا نسيت ادي المفتاح للانسه احلام امبارح فبستأذن حضرتك اروح ارجعلها مفتاح عربيتها؟

ماهر فكر في كلامه لثواني وقال برفض:لا يا منعم خليك انت وانا اللي هروح انت فين دلوقت؟

منعم:انا في الجراچ يا فندم بركن العربية؟

ماهر :طيب جهز العربية واستناني قدام الشركة وانا دقايق وهكون عندك!

حرك منعم راسه بالموافقه وقال:تمام يا فندم؟

ماهر قفل تيلفونه وبص علي مكتب السكرتيرة وقال:أجلي اي اجتماع هحضره النهارده ولو حمزه سال عليا عرفيه اني مشغول وقوليله يرجع يكمل شغله!

السكرتيرة حركت راسها بالموافقه وهوا سابها وخرج من المكان وركب الاسانسير ..

كان منعم خرج العربيه ووقفها قدام باب الشركه واول ما شاف ماهر فتحله الباب ماهر وقفه و قال:خليك انت يا منعم واعتبر النهارده اجازه!

منعم حرك راسه بالموافقه وماهر قال بتساؤل:فين المفتاح !

منعم خرج المفتاح من جيبه واداه لماهر وبعدها مشي بعدما استأذنه ..ركب ماهر عربيته واتحرك بيها وهوا ماسك في ايديه مفاتيح عربيتها وبيضحك علي شكل الميداليه اللي حطاها ..

__________

كانت احلام صحيت وجهزت علشان تروح المستشفي وقبل ما تخرج من البيت افتكرت مفتاح عربيتها وانها نسيت تاخده من السواق بتاع ماهر امبارح .. مسكت تيلفونها وهيا بتبص فيه وبتقول بضيق:طيب ودا انا هوصله ازاي؟

سمعت صوت عربيه بتفرمل قدام البيت بصوت واضح.. اتحركت في اتجاه الشباك بسرعه وبصت تشوف مين  ولقت ان ماهر هو اللي موجود ..اتوترت جداا وبعدت بسرعه عن الشباك لما لاحظت انه خرج من العربيه وبيبص عليها ..قالت بتوتر:ايه اللي جابه علي الصبح كده ..معقول يكون جايبلي المفتاح بنفسه..

رن ماهر الجرس بعد دقايق وهيا خرجت تفتحله الباب واول مشافته قالت بتساؤل:صباح الخير!

ماهر بص لشكلها بابتسامه بسيطه وقال:صباح النور يا احلام عاملة ايه النهارده!

احلام بخجل:الحمدلله بخير ..

ماهر طلع المفتاح من جيب بدلتة وقال  وهو بيدهولها:نسيتي مفتاحك امبارح اتفضلي..

احلام اخدت المفتاح وهيا بتقول بابتسامه:شكرا تعبتك معايا .

ماهر حرك راسه بهدوء وابتسم واحلام اتكلمت وقالت بتساؤل: المفتاح اللي لقيته امبارح طلع بتاع البيت!

ماهر حرك راسه بالموافقه وقال:ايوا الحمدلله ..  

احلام هزت راسها وهوا قال :تحبي اوصلك معايا في طريقي !

احلام قالت برفض:متشكره انا هروح بعربيتي.

ماهر ضم حاجبه وقال باستغراب:انا متهيألي شوفت كوتش العربيه نايم وانا معدي عليها دلوقت!

احلام فتحت عينيها من الصدمه وقالت :بجد ولا بتهزر!

ماهر ابتسم وقال:وانا هكدب ليه انا متاكد انه كان نايم!

احلام جريت بسرعه من قدامه وهيا بتبعده عن طريقها وخرجت من البيت وهيا بتقرب من عربيتها وبتبص علي الكوتش بحزن:مين اللي عمل الحركه الواطيه دي علي الصبح!

ماهر قرب منها وقال:ممكن يكون عيل صغير انتي عارفه العيال دول بيبقوا اشقيه قوي!

احلام ضمت حاجبها بغيظ وقالت:دا يبق عيل مش متربي وقليل الادب علشان فكر يلمس عربيتي !

ماهر مسك رابطة عنقه وفتحها شويه وهو بيقول بتوتر:ممكن اوصلك بعربيتي علشان متتاخريش لو مستعجله؟

احلام بصتله وقالت بضيق:بس انا لازم اعرف مين المهزأ دا الأول..

ماهر وشه احمر من كلامها وقال بضيق:فعلا لازم نعرف مين دا ونسيب بق اللي ورانا يتعطل!

احلام بصتله باستغراب وقالت:انا اسفه اني عطلتلك معايا  تقدر حضرتك تتفضل وانا هعرف اتصرف مع اللي قرب من عربيتي ؟

ماهر بص حواليه وقال بتساؤل:هتعملي ايه!

احلام شاورت علي كاميرا المكتبه اللي قدامهم وقالت:من الكاميرات دي ..مشيت خطوتين علشان تذخل للمكتبه ولاكنه مسك ايديها ووقفها وقال:بس اعتقد ان الكاميرا دي زويتها معكوسه ومش هتجيب العربيه كامله ممكن تستني وانا هصلحلك الكوتش بدل ما تضيعي وقت علي الفاضي..

احلام بصت لعربيتها بزعل ورجعت بصتله وقالت برفض:لا مش عاوزه اتعبك معايا انا لما اخلص اللي ورايا هغيره انا؟

ماهر سألها بفضول وقال:هتغيري الكوتش!

احلام حركت راسها وقالت:ايوا عادي انا بغيره علي طول..

ماهر حرك راسه بانبهار وقال:طيب كويس تحبي بق اوصلك ولا امشي!

احلام ضمت عينيها بتفكير وحركت راسها بالموافقه وقالت:ماشي بس استناني هقفل الباب كويس فوق كويس ..

ماهر حرك راسه بالموافقه وركب عربيته وهيا دخلت بيتها تاني تقفل الابواب وهوا كان قاعد في العربيه ضاغط علي ايديه جامد بسبب غلطها فيه وهو مش قادر يرد عليها .

احلام خرجت من البيت وقربت منه وهيا بتفتح الباب وبتركب جمبه وهوا قال بتساؤل:هتروحي الشركة!

احلام حركت راسها بالرفض وقالت:لا هروح المستشفي انا واخده اجازه النهارده؟

ماهر حرك راسه بالموافقه واتحرك بالعربيه ..

__________

وفي قسم الحسابات بداخل شركة الصياد ..

جلس حمزه علي المكتب وكانت بجانبه البنت اللي هيشاركها في المكتب ..حمزه بص للبنت دي و اللي اسمها ياسمين وقال بتساؤل:انتي جديده هنا اصل انا اول مره اشوفك؟

ياسمين بصتله وقالت بالموافقه:ايوا لسا متدربه بس هو حضرتك كنت هنا قبل كده اصل انا حاسه اني شوقتك قبل كده برضوا؟

حمزه ابتسم وعدل هدومه وقال بكبرياء :ايوا انا كنت باجي كتير بس يمكن مانتبهتش ليكي  ..

ياسيمن كانت شغاله علي اللاب توب بتاعها ومضغوطه وهوا قاعد يسألها ومش بيعمل حاجه فبصتله بغيرة ورجعت بصت لنصر وقالت:مستر نصر هوا المتدرب الجديد دا معندوش حاجه يعملها غير الكلام ولا ايه مش هيشتغل زيي ويقسم معايا الشغل؟

حمزه بصلها بصدمه واستغرب طريقة كلامها عليه وهيا بصتله ورفعت حاجبها بضيق فاتعصب اوي من حركتها وقال بهمس:انتي بتقولي ايه متخليكي في حالك هو انا طلبت رأيك!

ياسمين رفعت حاجبها بغيظ من كلامه وقالت:بقولك ايه يا استاذ انت من اولها كده خليك في حالك انا مش بحب الكلام الكتير علي الصبح وبعدين انا عندي ضغط شغل ومش فاضيه للكلام الفاضي دا؟

حمزه اتغاظ اكتر منها وقال:لا بق متشوفيش نفسك عليا مش علشان يعني انتي حلوة حبتين هتتأمري عليا هو انتي متعرفيش انا ابق مين ولا ايه؟

كل اللي في القسم بصوله بدهشه لما سمعوا وصفه لياسيمن وبصوا عليها وضحكوا وهيا خجلت من كلامه وقالت بغيظ:عيب اللي بتقوله دا وبعدين انت هتكون مين ياعني واحد لسا متخرج ومبتدأ في شركة يعني نو خبرة؟

حمزه رفع حاجبه بدهشه منها وقال :وانا اللي كنت فاكرك ملاك بجناحين  دانتي طلعتي مش سهله يا اسمك ايه بعد كده هيبق  نو امان لاي حرمه في المكان؟

الكل ضحك علي كلام حمزه بقوه  وياسمين حست بالاهانه من كلامه فبصت لنصر وقالت بضيق :حضرتك انا مستحيل افضل انا والبني ادم دا علي نفس المكتب لو سمحتي شوفله اي مكان تاني يشتغل عليه؟

حمزه بص لنصر ورفع حاجبه بغضب ونصر بصله وبلغ ريقه لانه مهما كان فهوا حمزه الشناوي ابن اخت صاحب الشركه فبص لياسمين وقال:معلشي يا ياسيمن استحمليه وبعدين دا حمزه لذيذ بس انتي اللي لسا متعرفيهوش؟

حمزه بصلها وهوا مستني يسمع ردها علي كلام نصر وهيا بصتله بضيق وحركت شفايفها بطريقه معاكسه لبعض وقالت بهمس:لذيذ وهيا فين اللذه دي مش باينه؟

حمزه كان هيقرب منها ويمسكها من رقبتها ويخنقها لانه كان فاكرها رقيقه ولاكنه اتصدم فيها  وقف علي صوت نصر اللي بيقرب منه وهوا شايل ملفات وبيقول:ياااا استااذ حمزه جبتلك الملفات اللي هتراجعها وتنقلها عندك علي الايميل ؟

حمزه بص لكمية الملفات اللي في ايديه وقال بدهشه :كل دوول؟

نصر حط الملفات قدامه علي المكتب وقال:ايوا وبعدما تخلصهم هتلاقي هناك شاورله علي مكتب مليان ملفات:هتجيب ملفات السنه اللي فاتت وتسجلهم برضوا علشان مستر ماهر هيراجعهم؟

حمزه ضم دراعه علي المكتب وحط دماغه وقال بغضب:حااضر..

مشي نصر ورجع لمكتبه وياسيمن بصت لحمزه بغيظ وقالت:عجب؟

حمزه سمعها ورفع وشه ليها وقال بغيظ:بيئه..

ياسمين رفعت حاجبها باعتراض ولاكنها اول ما بصت لنصر اللي بيحظرها تكمل شغلها ومتركزش مع حمزه حركت راسها باحترام وكملت شغلها..

__________

وفي المستشفي وصلت احلام وماهر وقبل ما احلام تخرج وقفها ماهر وهو بيقول:هاجي معاكي اطمن علي حالة الاستاذ محمد..

احلام قالت بتساؤل:بس مش ممكن كده تتاخر علي شغلك!

ماهر ابتسم وقال وهو بيحرك راسه:لا متقلقيش انا المدير هناك؟

احلام حركت راسها بخجل من ابتسامته ليها وهوا خرج من العربيه وهيا خرجت بعده واتجهوا الاتنين لداخل المستشفي .. 

وفي مكتب الدكتور المسؤول عن والدها دخلوا الاتنين وهما بيبصوا للدكتور واحلام قالت:صباح الخير يا دكتور ممكن اعرف بابا عامل ايه النهارده؟

الدكتور بصلها وحرك راسها بابتسامه وقال:بخير الحمدلله ابتسملها وكمل كلامه وقال:صباح النور يا احلام .. اتفضل يا مستر ماهر!! اتفضلوا ارتاحوا؟

قعدت احلام وماهر قعد علي الكرسي اللي قدامها والاتنين كانو مركزين مع الدكتور واللي كمل كلامه وقال:ان شاء الله العمليه هتتاجل شويه يعني بالكتير اوي اربع ايام لحدما والدك يتحسن شويه بحيث ان واعيه الكامل يرجع علشان نقدر نتكلم معاه ونفهمه ايه سبب المشكلة وحلها وطبعا لازم يعرف كل حاجه عن حالته ؟

احلام بصت لماهر بقلق ورجعت بصت للدكتور وقالت:يعني يا دكتور تأجيل العمليه دا مش هيكون خطر عليه اصل انت قولتلي قبل كدا كل ما نأجل العمليه حالته هتسوء اكتر..

الدكتور حرك راسه بالرفض وقال:فعلا انا قولتلك كده بس بعدما والدك دخل في الغيبوبه  دي وصحي منها تاني اقدر اقولك انه اتحسن كتير ودي في حد ذاتها معجزة من عند ربنا بس برضوا هوا دلوقت فاق ومينفعش ندخله العمليات من غير ما يكون عارف انه هيعمل عمليه .. علشان يقدر عقله اللا واعي يساعدنا وميضطرش يدخل في غيبوبه تاني وقت الجراحة..

احلام حركت راسها بتفهم وقالت:طيب يا دكتور اللي حضرتك تقول عليه طبعا بس انا ينفع اطمن عليه دلوقت..

الدكتور بصلهم وقال برفض:للاسف مش هينفع  لانه نايم من امبارح بسبب تأثير الحقنه اللي اخدها ولانها بتشتغل اكتر علي معالجة المخ فبنسيب المريض في مكان هادي علشان يقدر يساعد نفسه ويقاوم دخوله للغيبوبه ويقدر يعدي المرحلة دي بسلاسه!

احلام غمضت عينيها وهيا بتضغط علي ايديها بتوتر وماهر حرك راسه  للدكتور وقال:طيب يا دكتور متشكرين جدا بعد اذن حضرتك..

الدكتور ابتسم وقال:الشكر لله وحده!

ماهر بص لاحلام وحرك عينيه ينبهها تقوم وهيا حركت راسها وقامت وخرجوا الاتنين من غرفة الدكتور؟

احلام بصت علي ماهر وقالت بهمس: انا خايفه اوي علي بابا قلبي بيوجعني اوي.. 

ماهر حط ايديه علي كتفها وقال: الدكتور طمنك عبيه متقلقيش كلها اسبوعين بالكتير وهيتحسن وهيرجع احسن من الأول متيأسيش.. 

احلام ضغطت علي عينيها وهيا بتقاوم نزول دموعها وقالت:يارب يتحسن.. 

ماهر بصلها وشال ايديه وقال:بلاش تعيطي انتي مش ضعيفه انتي قويه واللي انت عملتيه دا مش سهل ان واحده تعمله ..بص في عيونها وكمل كلامه وقال:انتي فعلا قويه وشجاعه يا احلام فمتخليش اي حاجه تهزمك واتغلبي علي خوفك بالصبر اتفقنا…

احلام بصت في عينيه وهيا تايهه في جمال شكلها وبسبب كلامه ليها شافت احلام شريط ذكرايتها معاه بيعدي قدام عينيها وافتكرت ماهر وانه علي طول كان  بيشجعها وبيقف جمبها فابتسمت وهيا بتقول:لسا زي ما انت متغيرتش .

ماهر انتبه لكلامها وابتسم وقال:لسا فاكرة الايام دي..

احلام بابتسامه:عمري ما انسي محدش بينسي حياته يا ماهر وانت كنت جزء من حياتي زمان.. 

اتحركت مشاعر ماهر لاحلام وقال بتساؤل:بس انتي  لوقت في حياتك شخص معقول نسيتيه.. 

جاوبت احلام علي كلامه وكانها مش في وعيها وقالت:اكرم كان حب سنين بس بسبب انانيته خلاني انساه بسهوله..دمعه نزلت من عينيها وماهر مسحها بايديده برفق وهيا غمضت عينيها وقالت:عمره ما حسسني اني مهمه رغم اني كنت بعتبره اقرب شخص ليا بعدما كنت لوحدي بس خلاص هو اختار نصيبه وانا مش زعلانه علشان هوا بعد ومتمسكش بيا بالعكش انا كنت شايفه انه ميستاهلنيش..

تجاهل ماهر ان في ناس موجوده معاهم وانهم في مكان عام وقرب منها وضمها لحضنه وكانه عاوز يداوي جروحها اللي بسبب انانية البشر جروحها وسابوها بتتالم ..

غمضت احلام عينيها وهيا بتستنشق رائحته بتوهان وبعد مرور دقايق كانوا علي نفس الحال لحدما احلام فاقت لنفسها وبعدت عنه وهيا حاسه بخجل شديد وقالت:خلينا نمشي علشان كل ما بكون هنا في المستشفي قلبي بيوجعني بسبب ذكريات مش حلوه!

ماهر حرك راسه بالموافقه وخرجوا الاتنين من المستشفي وركبوا عربيته؟

وفي عربية ماهر..

احلام كانت عاوزه تحكيليه عن اللي سمعته من مديرها في الشغل وكانت حابه تعرف ليه ممكن واحد يكون بيكره بالشكل دا .. اخدت نفس طويل وهيا بترتب كلامها وبتجهز طريقة مناسبه تفتح بيها الموضوع وقبل ما تتكلم لقته بص في عينيها وقال:انتي واخده اجازه من شغلك النهارده؟

احلام حركت راسها بتوتر وهوا ابتسم وقال:وانا كمان اجازه النهارده ايه رئيك نروح نقعد في مكان هادي بما اننا رجعنا اصدقاء تاني .. 

احلام بصتله بدهشه اول ما ذكر انهم هيرجعوا اصدقاء من تاني فحركت راسها بتردد وقالت :رجعنا اصدقاء؟ 

ماهر حرك راسه بالموافقه وقال بابتسامه:احنا كنا اصدقاء ل٩سنين معقول هترفضي اني اكون جمبك واحميكي.. 

حركت احلام راسها بالرفض وقالت:بس انا مش محتاجه حد يحكيني انا بحمي نفسي كويس شكرا لكساعدتك.. 

ماهر بصلها باستغراب وهيا بصت حواليها وقالت بحزن:انا افتكرت ان ورايا حاجه لازعم اعملها ..شكرا علي تعبك معايا يا ماهر بعد اذنك..

احلام قالت كلامها وخرجت من عربيته ومشيت من قدامه بسرعه وهوا كان واقف يبص عليها ومستغرب رد فعلها الغريب .. شغل عربيته واتحرك بيها في اتجاه القص واول ما وصل لقي سيلين بتنخانق مع بنت من الخدم وبتضربها بالقلم .. اتدخل مرسي وهوا بيبعد البنت عن سيلين اللي مكانتش في وعيها وقال :انسه سيلين مينفعش اللي بتعمليه دا انتي مش في وعيك ؟

سيلين زقت مرسي وهيا بتتحرك بسُكر وبتقول:من انت وكيف تسمح لنفسك ان تناقشني بهذه الطريقه.. 

مرسي كان هيرد عليها ولاكن وقف علي صوت ماهر واللي بينده علي سيلين وبيقرب منها وبيمسكها من دراعها بضيق وبيقول:ايه اللي بتعمليه دا وايه المنظر اللي انت فيه دي ؟

سيلين بصت لماهر وابتسمت وقربت منه واترمت في حضنه وهيا بتقول بلا وعي :ماهر لقد عدت لقد افتقدتك كثيرا..

ماهر بعدها عنه وهوا بيقول بصدمه من الحاله اللي هيا فيها:انتي عامله كده ليه وليه بتتخانقي معاهم!

سيلين شاورت بايديها علي البنت اللي واقفه وبتبكي وقالت بضيق:هذه الحشره رفضت ان ترقص معي لقد كنت في مزاج جيد يسمح لي بالرقص وقد افسدت لي كل شئ..

ماهر بص للبنت ومرسي وقال:خدها يا مرسي وادخلوا جوه ومحدش يخرج دلوقت ؟

مرسي حرك راسه بالموافقه ومسك ايد البنت ودخلوا للمطبخ وماهر بص لسيلين وقال:تعالي معايا نطلع فوق ونتكلم ؟

سيلين بصت علي شفايفه بتوهان وقالت:حسنا ولاكن بعد ان تقبلني! قالت كلامها وهيا بتشاور علي شفايفها .:

ماهر كعادته في موقف زي دا كان هيقبلها وينفذ طلبها ولاكن لاول مره يحس انه فاقد الشغف في قربه منها  فحرك راسه بالرفض وقال:انتي شكلك تقلتي في الشرب تعالي اسندي عليا علشان تطلعك اوضتك ترتاحي؟

مسك ايديها وحطها علي رقبته وقال بضيق من اللي عملته في الخادمة:اللي عملتيه دا مينفعش انتي هنا ضيفه ودول شغالين عندي انا وعلشان دي اول غلطه ليكي معاهم هعديهالك !

سيلين ابتسمت بسخريه من كلامه ومشيت وهيا سانده عليه ببطي لحدما طلعوا اوضتها ..ماهر حطها علي السرير وهيا فردت جسمها وهيا بتقول بضحك:الي اين تذهب ابقي معي لقد وعدتني ان تعود في تلك الليله ولاكن لم توفي بوعدك!

ماهر بص عليها واخد نفسه بصعوبه وقال:نامي يا سيلين انت شكلك تعبانه وبتخرفي؟

سيلين حاولت تقوم بصعوبه لحدما وقفت قدامه ومسكته من هدومه وقربته منها جامد وقالت:لماذا ترفض اقترابي منك ..بص في عينيها وسكت وهيا قالت بضحكه حزينه:عينيك تتحدث هل تحب فتاه  اخري؟

ماهر اتوتر من كلامها وسكت وهيا بصت علي شفايفه وقالت بجرئه:لن اسمح لك بتركي يا ماهر فانا اعشققك حد الجنون..

قبلته وهوا استسلم ليها بسبب تفكيره في كلامها وهيا بتخلع جاكت بدلته فاق ماهر وبعدها عنه بقوه وقال:لا يا سيلين مش هينفع انا مش بحبك وفعلا انا بحب غيرك !

سيلين بصتله بصدمه وقالت:كنت اعلم ذلك كانت عيناك تقول كل شيء عندما تصمت ولاكن لا تنسي  لقد اخبرتك للتو انني لن اسمح لك بفعل ذلك .. قربت منه وقالت بتساؤل:من تلك الساقطة اخبرني لكي امزق شعرها ومفاتنها التي اغرتك بها!

ماهر اتفاجئ من كلامها وقال بتحذير:اسكتي يا سيلين!

سيلين رفعت حاجبها بغضب وقالت:هل تتدافع عنها امامي ..لا تنسي ماهر انك ملكي وبسبب تلك الحركات انا الان اشعر بالغيره الشديده .

ماهر سابها وخرج برا الاوضه وهيا وقعت على الارض وقالت بكره :هذه القصه لن تنتهي بعد ولاكن الان ستبدأ قصتنا المثيرة !

دخل ماهر غرفته وهوا متضايق بسبب رفض احلام لطلبه وغير كلام سيلين عنها ووصفها ليها بطريقه مش حلوه..حس بالغيره الشديدة من كلام سيلين فقرب من الباب تاني وخرج وهو بيتجه لغرفة سيلين وبيقول بغضب:هيا مش كده انتي غلطانه دي انظف بنت انا عرفتها في حياتي عارفه يا سيلين انها عمرها مابينت حته بس من جسمها علشان تغريني ..سيلين اتصدمت من كلامه وهو قال: هيا. اغرتني ووقعتني في حبها من غير ما تعمل اي حاجه من دي اغرتني بحجابها وباحترامها وفعلا انتي عندك حق انا واقع في حبها ومش بس الفتره دي لأ دا من زمان اوي من قبل ما هيا تعترفلي كمان بحبها ليا.

سيلين كانت واقفه تبصله في صدمه وبدون وعي وهوا سابها وخرج من الاوضه وهوا بيقول بابتسامه:المفروض مكنتش اطلب من احلام نكون اصدقاء …المفروض كنت اطلب منها تكون حبيبتي..

——————-

احلام وصلت للعيادة اللي شغاله فيها مروه واول ما مروه شافتها قربت منها بلهفه وقالت:احلام ايه اللي جابك هنا تعالي اقعدي !

احلام كانت بتبص علي مروه بفقدان شغف وبتقول:تاايهه اوي يا مروه وحاسه اني دماغي وقفت مش عارفه اعمل ايه!

مروة قعدت جمبها وحط ايديها علي كتفها وقالت بقلق:ايه اللي حصل تاني !

احلام بصت لمروه ورجعت راسها لورا وبدات تحكيلها علي كل اللي حصلها ..وبعدما مروه سمعت كلامها بصتلها بدهشه وقالت:بيستغلك علشان ياخد فرص شغل من ماهر دا ايه كمية القذارة دي!

احلام غمضت عينيها بتعب وقالت:مش عارفه ارفض لاني وعدته اني هروح معاه بمقابل اجازتي النهارده علي اساس ان عمليه بابا هتكون النهارده ..اتنهدت احلام وكملت: بس اللي انا خايفه منه ان يكون مجهز لحاجه مش كويسه فعلا وانا معنديش اي فكره عن شكل الحفلات دي وازاي بتكون علي الحقيقه وفي نفس الوقت لو رفضت ممكن اخسر شغلي واللي من غيره مش هعرف ارجع الفلوس اللي ماهر دفعها لابويا تاني ..

مروه ضمت احلام احضنها وقالت بتساؤل :طيب وماهر تفتكري انه لما يشوفك داخله مع مديرك الحفله هيعمل ايه ..؟

احلام اتوترت لسماعها اللي هيحصل وحركت راسها بالرفض وقالت:مش عارفه ممكن يعمل ايه خصوصا اني كدبت عليه وقولتله اني لسا في شركة البدر ؟ 

مروه بقلق:متروحيش وخلاص يا احلام انتي في غنى عن مشاكل كتيرة ممكن تحصل هناك وانتي مش عارفه مصدرها؟

احلام حركت راسها بالرفض وقالت:لا يا مروه لازم اروح انا مش جبانه للدرجادي وبعدين ايه اللي هيزعل ماهر لما يعرف اني شغاله  في شركة منافس ليه .. هو انا كنت اعرف اني هقابله تاني وان كل دا هيحصل ..

مروه قالت بتساؤل:يعني هتعملي ايه!

احلام بجديه:انا هروح واللي يحصل

يحصل لاني بجد تعبت من التفكير في الموضوع دا ولحد دلوقت موصلتش لحل غير اني اروح!

مروه بصت لاحلام وقالت:انتي متاكده؟

احلام حركت راسها وهيا حاسه بالخوف :متاكده؟يتبع

بقلمي شيماء صبحي..

مروه بتساؤل:طيب وماهر تفتكري انه لما يشوفك داخله مع مديرك الحفله هيعمل ايه ..؟

احلام اتوترت لسماعها اللي هيحصل وحركت راسها بالرفض وقالت:مش عارفه ممكن يعمل ايه خصوصا اني كدبت عليه وقولتله اني لسا في شركة البدر ؟ 

مروه بقلق:متروحيش وخلاص يا احلام انتي في غنى عن مشاكل كتيرة ممكن تحصل هناك وانتي مش عارفه مصدرها؟

احلام حركت راسها بالرفض وقالت:لا يا مروه لازم اروح انا مش جبانه للدرجادي وبعدين ايه اللي هيزعل ماهر لما يعرف اني شغاله  في شركة منافس ليه .. هو انا كنت اعرف اني هقابله تاني وان كل دا هيحصل ..

مروه قالت بتساؤل:يعني هتعملي ايه!

احلام بجديه:انا هروح واللي يحصل

يحصل لاني بجد تعبت من التفكير في الموضوع دا ولحد دلوقت موصلتش لحل غير اني اروح!

مروه بصت لاحلام وقالت:انتي متاكده؟

احلام حركت راسها وهيا حاسه بالخوف :متاكده؟

 انتبهت مروه لصوت الدكتور اللي بينده عليها. وقفت احلام وهيا بتقول:خلاص انا هروجع البيت ارتاح وابق اكلمك في التيلفون!

مروه اجابتها بالموافقه وسلمت عليها وحضنتها وقالت وهيا بطبطب علي ضهرها:خلي بالك علي نفسك يا قلبي..

ابتسمت احلام واجباتها بحب:حاضر يا حبيبتي وانتي كمان خلي بالك علي نفسك..

ابتسمتلها مروه وحركت راسها بالموافقه وبعدها احلام خرجت من العياده..

وفي قسم الحسابات في شركة الصياد”كان حمزه شغال علي الملفات وبينقلها علي اللاب توب وهو شغال بص علي ياسمين اللي كانت مركزه في اللاب توب وكان شكلها جميل وهيا بتعدل شعرها لورا ودنها وهوا كان بيبص عليها و مبهور بجمالها..

 اخدت ياسيمن بالها من نظراته ليها وهو نزل عينيه بسرعه وكمل شغل ..رفعت ياسمين حاجبها بضيق لانها مش مرتحاله وفي الحقيقه ياسيمن متعرفش ان حمزه ابن اخت ماهر !

حمزه رفع عينيه تاني علشان  يشوفها والمره دي تقابلت عيونهم فمثل حمزه انه لسا متضايق منها وبصلها بغيظ وبعدها قفل اللاب توب وخرج من المكتب واتجه لمكتب ماهر..

ياسمين بصت عليه وهو خارج بضيق وقربت من واحده من اللي في القسم وقالت:مين دا وايه العفرته اللي هوا فيها دي..

البنت بصت لياسمين وقالت بجديه:خفي اللعب معاه شويه يا ياسيمين دا مش شاب عادي دا يبق ابن اخت مستر ماهر صاحب الشركه!

اتصدمت ياسيمن اول ما سمعت كلام البنت وقالت:ولما هوا ابن اخت مستر ماهر بيعمل ايه هنا؟

البنت ابتسمت وقالت:الظاهر كده ان مستر ماهر بيعاقبة لانه زي منتي شايفه كده شقي ومش بتاع شغل!

ياسمين بصلتها وبلعت ريقها وقالت بتوتر:تفتكري ممكن يقول لمستر ماهر علي اللي عملته معاه من شويه!

البنت ضحكت وقالت :لا متخافيش مستر ماهر هو اللي طلب مننا نعامله عادي بس انا اتفجأت من رد فعلك يا ياسيمن هو عمل ايه علشان تكلميه كده !

ياسيمن اتوترت وقالت:نظراته ليا  مش حلوه وانتي عارفه اني بتوتر اصلا لما شاب بيقرب مني وخصوصا يعني..

البنت بصتلها وابتسمت وقالت:خصوصا ايه يا ياسيمن؟

ياسيمن ضربتها بخفه وقالت:خصوصا لو كان شاب حلو ارتحتي كده!

البنت ضحكت وهيا بتقول:الظاهر انه مش بس اللي واقع من اول نظرة  دانتي واقعه خالص..

ياسمين حركت راسها بالرفض:لا انتي فهمتي ايه يا نجوى دانا بوصفلك  شكله بس ولاكن دا مش من نوعي المفضل خالص ..

زميلتها ضمت عينيها بشك وياسمين ضربتها بخفه وقالت:لا بق يا نجوى متبصليش كده والله ما عجبني خالص دا حتي لما بشوفه بتعصب..

ضحكت نجوى وقالت:مهيا دي بدايه قصة حبكم يا هبلة ..

ياسمين بصتلها بخجل وقالت:حبنا ايه بس انتي كمان دا احنا مكملناش ساعتين ومش طايقين بعض..

حمزه رجع المكتب تاني وكان علي ملامح وشه الضيق فبصتله نجوى وهمست لياسمين:اهو رجع..

اتوترت ياسيمن وبصت عليه وقالت:انا فكرت انه مشي وكنت ارتحت..

ضحكت نجوى وشاورتلها علي ملفات عندها وقالت:طيب يا حبيبتي خدي الملفات دي وسجليها علي الايميل وروحي بق كملي شغلك علشان باين كده اننا هنترفد مع بعض!

ياسمين اخدت الملفات بسرعه من قدام نجوى ورجعت تاني لمكتبها وهيا بتعدي من جمب حمزه كان فيه ملف منها هيقع وبسبب انها كانت بتلحقه وقف حمزه فجاه وخبطها جامد وقبل ما ياسمين تقع لحقها حمزه ومسكها من وسطها جامد وهو بيبصلها بخضه وبيقول:مش تحاسبي؟

انتبهت ياسمين لصوته ونزلت ايديه بسرعه بعدما عدلت هدومها وقالت:انا برضوا اللي احاسب المفروض تبص حواليك قبل ما تقوم فجأة؟

حمزه بصلها بغيظ وقال:بقولك ايه انا مش عاوز دوشه اتفضلي اقعدي علي مكتبك ومش عايز اسمع صوتك!

ياسمين بصتله بجديه وهوا كان بيتكلم بصرامه حركت راسها وقعدت علي مكتبها تاني وهيا متفجأة من طريقته في الكلام!

اشتغل حمزه بضيق وبدا يكمل شغله وبعدما خلص اول ملفين وقف وهو بيقول بصوت عالي:يوووه بق دا ملل انا مش طايق القرف دا؟

اتخضت ياسمين من صوته ورفعت عينيها تشوفه لقته مغمض عينيه وضاغط علي اعصابه ووشه احمر بسبب الغضب.. نزلت عينيها من عليه وكملت شغلها وهيا بتحاول تتجاهل النظر فيه وهوا اخد نفسه من جديد  بهدوء ورجع تاني كمل شغله..

___________

في قصر الصياد..

كان ماهر قاعد في غرفة مكتبه وماسك في ايديه صورة احلام اللي اخدها من الصندوق ..كان بيلمس الصوره وهوا مبتسم وكان بيفتكر ذكري بينه وبين احلام في  اول يوم ليه في المدرسه الابتدائية لما اتنقل لمدرستهم بسبب انه اتنقل جديد لمنطقة احلام ومدرسته هتكون بعيده وبما ان والده اتنقل للمدرسه حول ماهر معاه وعلشان ماهر ميكونش وحيد والده طلب من احلام تهتم بيه لحدما يتعود علي المكان..

وهما كانوا في طريقهم للمدرسة كانت احلام ماشيه جامبه وماسكه في ايديه وبتقول:انا ماشيه جمبك بهدوء اهو عارف لو روحت قولت لبابا اني بسيبك وامشي مع زمايلي وتعيطله انا فعلا مش همشي جمبك تاني واضرب دماغك في اي حيطه بقه؟

ماهر كان بيبصلها وساكت وهيا حركت ايديها ولمست وشه وقالت:ساكت ليه رد عليا؟

ماهر كان بيبص عليها وسرحان ولاكن هيا كانت بتعامله بعشوائية وبتقول:لو مردتش عليا هروح امشي مع اصحابي البنات وهسيبك لواحدك!

ماهر ضغط علي ايديها  جامد بسرعه وحرك راسه بالرفض وقال بتوتر:لا خليكي معايا ..واوعدك مش هقوله حاجه !

احلام ابتسمت وحركت راسها بالموافقه وقالت:ماشي بس انا عاوزه اكل حاجه حلوه معاك فلوس..؟

حرك ماهر راسه بالموافقه وطلع المحفظة الصغيرة بتاعته من جيبه وهيا اخدتها منه بسرعه وقالت:ابوك ادالك كام النهارده !

ماهر كان بيبصلها وساكت وهيا اخدت الفلوس كلها من محفظته ورجعتهاله تاني وبعدها قالت وهيا بتشاور علي سوبر ماركت :تعالي نشتري حلويات!

ماهر حرك راسه وابتسم وهيا مسكت  ايديه وسحبته وراها وهيا بتقرب من السوبر ماركت وبدات تجيب لنفسها كل اللي هيا عاوزاه!

ماهر كان بيتفرج عليها وهيا بتصرف فلوسه بحزن وهيا كانت بتوريله الحجات قبل ما تشتريها وهو كان بيحرك راسه بالموافقه بخوف منها وبعدما خلصت احلام من شراء كل اللي عاوزاه رجعت مسكت في ايديه وقالت وهيا بتحط المصاصة في بوقها:حلوه اوي المصاصة دي تاخدلك واحده!

ماهر حرك راسه برفض وقال:لا انا كبرت علي اكلها وبعدين انتي جبتي لنفسك كل الحلويات دي طيب وانا هجيب لنفسي ايه!

طلعت احلام من شنطتها كيس اكلها وادتهوله وقالت:النهارده معايا ساندوتشات مربي تين وانا مش بحبها خدها انت !

ماهر حرك راسه بالرفض وقال:بس انا مش بحب المربي بتوجعلي اسناني؟

احلام قربت الكيس اللي فيه الساندوتشات من شنطة ماهر وقالت:حرام تقول علي حاجه مش بحبها دي نعمة ربنا .. ماهر بصلها بصدمه وهيا قالت :بص انا هحطلك الكيس اهو في الشنطه لازم تخلص كل الساندوتشات وبعدها ترجعلي الكيس تاني اتفقنا!

ماهر حرك راسه بزعل وهيا بصت علي زمايلها وقالت:انا هروح لزمايلي علشان الطابور هيبدأ يلا بق اشوفك في الفسحة؟

ماهر كان عاوز يقولها متسبهوش لانه خايف يكون لواحده ولاكنها كانت جريت بسرعه ومهتمتش ليه..

________

ذكري تانيه في اول سنه في المرحلة الاعدادية.

ماهر اصبح ليه شخصيه ومن معاشرته لاحلام قدر ياخد نفس طبعها و شخصيتها وبدأ ماهرهوا اللي ياخد فلوسها وهيا كانت بتوافق لانها بدات تحبه .

ماهر قال هو بيبص لزميله:امشي انت علشان احلام جايه ولو شافتك جامبي هتضايق لانها مش بتحبك!

زميله قال بصدمه:يعني ايه هتمشي معاها وتسيبني هيارخلاص كبرت سيبك منها !

ماهر حرك راسه  بالرفض  وقال: لا انا مينفعش اسيبها تمشي لواحدهاظ انت مش شايف الصبيان ازاي فكل حته وهيا بنت!

زميله بصله وضحك وقال:انت بتحميها من دلوقت مش دي اللي لسا حرجاك امبارح!

ماهر كاهر ماهتمش لكلام زميله وبص علي بيت احلام واستاها تخرح واول ما شافها وهيا عاملة تسريحة في شعرها وبتبص عليه وبتضحك ابتسم بتلقائية وقرب منها وقال:اخدتي مصروف كام النهاردة!

احلام بصت في شنطتها وقالت:مش كتير وبعدين بتسال ليه!

متنسوش متابعه صفحتي الكاتبة شيماء صبحي علشان يوصلكم كل ما هو جديد 

ماهر:عاوز اشتري كوره..لان  الكوره اللي بنلعب بيها باظت!

احلام حركت راسها بالموافقه وقالت:بس انا كده مش هيفضل معايا فلوس اشتري اكل !

ماهر طلع من شنطته علبه الاكل بتاعه وقال:خدي الاكل بتاعي ماما مجهزالي جبنه وانتي عارفه اني مش بحبها؟

احلام مسكت الاكل وبصت فيه وقالت:جبنه بس ..انا مش بحب الجبنه ؟

ماهر اخد علبه الاكل وحطها في شنطتها وقال:حرام تقولي علي نعمة ربنا مبحبهاش انا حطيتهم في الشنطه اهو وانتي كليها ورجعيلي العلبه تاني اتفقنل!

احلام بصت في وشه وابتسمت لان ماهر كان وسيم وهو صغير وكان اجمل ولد في اصحابه فحركت راسها بحب وقالت:حاضر بس انت هتستناني بعدما مخلص!

ماهر حرك راسه بالموافقه وقال:ايوا متقلقيش انا بنفذ كلام  عمي محمد وعلشان انتي بنت لازم اخد بالي منك!

احلام ابتسمت بالموافقه وقالت:ماشي يلا نمشي علشان اتاخرنا؟

ماهر حرك راسه بالموافقه وهيا جت تمسك ايديه بعدها وقال:امسكي في شنطتي علشان عيب تمسكي ايدي!

احلام بصتله بخجل وقالت:بس بابا قالي..؟

ماهر قاطع كلامها وهو بيقول:خلاص هاتي ايدك ..ابتسمت احلام لسماع كلامه ومسكت في ايديه بحب وهوا مشي وهوا مش منتبه لنظراتها؟

________

فاق ماهر علي ذكرياته وهو مبتسم وبيقول:كنتي شقيه يا احلام وانا كنت بحب شقاوتك ورغم غلاستك دايما معايا بس كنت بنت جدعة…و..بحبك!

خرج ماهر من غرفة مكتبه وقرر يروح للبيت ويفتحه ويشوف لو كل حاجه فيه زي ما هيا لسا ..

خرج من القصر وركب عربيته واتحرك بيها لمنطقة احلام .. 

وفي نفس الوقت كانت احلام وصلت لبيتها وطلعت شقتها علشان ترتاح وبما ان عندها النهارده اجازه قررت تستغل وجودها في البيت وتنظفه..

وصل ماهر للمنطقة بعد وقت مش كبير ووقف قدام بيتهم وهو بيبصله بحب كبير واضح في عينيه ..قرب من البوابه وفتحها واول ما دخل لقي المكان نظيف ..استغرب ماهر وبدا يبص في كل مكان وهو بيقول بصدمة..ازاي دا نظيف وهو مهجور من سنين ..

جه من وراه الاستاذ سلامه وهو بيخبطه علي كتفه وبيقول بابتسامه:اي رئيك مفجأة مش كده؟

ماهر لف بجسمه وبص للاستاذ سلامه وقال:هو حضرتك اللي نظفت البيت!

سلامه حرك راسه بالرفض وقال:لا مرتات ولادي هما اللي نظفوه؟

ماهر ضم حاجبه بتساؤل وقال:ازاي والمفتاح معايا..

طلع سلامه نسخه من المفتاح وقال:منا عارف بس انا برضوا معايا نسخه.. 

وقف ماهر وضم ايديه لصدره وقال:حضرتك كان معاك المفتاح من البدايه ورغم كده قولتلي انه مع احلام؟

ضحك سلامه وقال:كنت عايز اعرفكم علي بعض لاني عارف انك مكنتش هتروح وتسلم عليها .. 

حرك ماهر راسه وقال:يعني انا كل دا بتغفل وحضرتك بتضحك عليا.. 

ضحك سلامه وقرب من ايديه وحط المفتاح وقال:المهم طمني اي رئيك في احلام بعدما كبرت بقت قمر صح.. 

ماهر اتوتر من كلامه وفك رابطة عنقه وقال:احلام ..ايوا جميله طبعا طول عمرها..

ضحك سلامه وهو بيضربه علي كتفه وبيقول:يا واد يا شقي انت .. 

ابتسم ماهر غصب عنه علي حركات الاستاذ سلامه فحرك راسه وهو بيقول:بس انا برضوا مش فاهم ليه عملت كدا؟

سلامه رجع خطوه لورا وقال:بق بذمتك مش فاهم ليه ..يابني دي واضحة زي الشمس عاوزك تشوفها وتخطبها انت ناسي زمان وحبكم لبعض.’

ماهر:لا انت فاهم غلط خالص يا استاذ سلامه انا واحلام كنا اصدقاء بس..

ضحك سلامه وقال:طيب كويس بس اديك قولتها زمان يعني دلوقت ممكن تبقوا حبايب!

ماهر سكت والاستاذ سلامه قال:انا جيت اديلك المفتاح بس انا عايزك تفكر في كلامي دي البنت دلوقت مش مخطوبه ودي فرصه مش موجوده كتير ..الحق نفسك وخدلك خطوه قبل ما غيرك يسبقك.. 

ماهر كان بيرفع ايديه علشان يوقف الاستاذ سلامه اللي قال كلامه وخرج ولاكن كان سلامه مردش عليه وسابه واقف مصدوم .. 

دخل ماهر وقفل البوابه وراه وفتح شقتهم اللي قضي فيها اجمل سنين عمره مع عيلته لما كانوا عيلة بسيطة واول ما فتح الباب لقي فرش بيتهم زي ماهوا متغيرش وكان نظيف فابتسم وهو بيقول بشكر:شكرا يا استاذ سلامه تسلم ايديهم!

دخل غرفة والده ووالدته ولقي السرير والدولاب وكل حاجه زي ماهيا ..ابتسم وخرج  وبعدها دخل اوضة اخته چيدا ولقاها وهيا علي نفس الحال فابتسم واول ما دخل اوضته لقاها وكأنه سابها من يومين بس.

.قرب من سريره ونام عليه وهو بيغمض عينيه براحه وبيقول بابتسامة:ياااه ؟

قام بعد دقايق وبص علي مكتبه الصغير ولقي عليه كتبه..استغرب ماهر ازاي كل حاجه فضلت زي ما هيا وازاي والده اقنعهم انه باع كل عفشهم والبيت ودلوقت محتفظ بيهم ورجع كل حاجه مكانها بالظبط..

افتكر ماهر يوم سفرهم لما ودع احلام وهيا كانت بتعيط وبتقول:هترجع امتي!

ماهر:هنزل زيارات لمصر بابا وعدني بكده وان شاء الله هبق اجي اشوفك!

احلام بدموع:هستناك يا ماهر وعلي فكره هتوحشني اوي!

ماهر بص لوالده ووالد احلام بحزن وبعد عنها لانه مكسوف يحضنها قدامهم فباباها حرك راسه وقال وهو بيقول:سلم عليها يا ماهر متقلقش!

ماهر قرب بسرعه من احلام وحضنها بحب وهوا بيقول:خلي بالك علي نفسك ومتخليش حد تاني يضحك عليكي ويأكلك السندوتشات اللي انتي مش بتحبيها؟

احلام بدموع:بس دي نعمة ربنا..قالوا الاتنين في صوت واحد:ومينفعش نقول عليها مبنحبهاش:.

ابتسم ماهر وهو بيمسحلها دموعها وبعدها بيمسح دموعه وبيقرب من والده وبيمسك ايديه وبيقول:يلا بينا يبابا!

والده سلم علي والد احلام وودعوا بعض وبعدها مسك ايد ماهر تاني ومشيوا وقبل ما يخرجوا من بيت احلام قالت احلام  بصوت عالي:متنساش وعدك ليا يا ماهر انك هتنزل مصر وتزورني..

ماهر ابتسم وحرك راسه بالموافقه وقال:متقلقيش انا عند وعدي ليكي..

اتضايق ماهر من نفسه لما افتكر وعده ليها وانه فضل مسافر دبي 13 سنه من غير ما ينزل يزورها فقال بضيق:مكنش ينفع توعدها وعد انت مش قده ؟

بعدما ماهر اتفرج علي البيت كله ابتسم برضا وبعدها خرج وقفل البوابه كويس ..صمع ماهر صوت دوشه جايه من بيت احلام فيبص علي بلكونتها وابتسم  ودقايق ولقاها طالعه من جوه وهيا شايله صندوق الغسيل وبتنشر هدومها ..ابتسم ماهر علي شكلها وقرر يمشي بسرعه علشان متنتبهش لوجوده …

____________

وبعد مرور يومين  بدون احداث شيقة جاء وقت الحفلة؟

كان ماهر بيستعد لانه هيتكرم  في الحفلة وقرر انه ياخد حمزه معاه وكان حمزه بيستعد ولابس بدلة لا تقل اناقة عن بدلة ماهر..

كان مصففين الشعر بيظبتوا شكل ماهر وحمزه في القصر وبعدما انتهوا خرج ماهر وحمزه وركبوا عربية فخمة من عربيات ماهر الخاصة بالمناسبات اللي زي دي..

 اتحركوا بالعربيه في اتجاه الحفله وكان السائق منعم!

متنسوش متابعه صفحتي الكاتبة شيماء صبحي علشان يوصلكم كل ما هو جديد !!

وفي فيلا ياسر غنيم ..كان لابس بدلة رسميه انيقه وواقف جانبه المساعد اللي شغال في شركة ماهر جسوس ..ياسر قال وهو بيبص لنفسه برضا: كده تمام ..صحيح انت وصلتلها الفستان!

المساعد:ايوا يا فندم وبعتلها بنت علشان الميكب!

حرك ياسر راسه  بالموافقة وقال:اول مره احس بحماس كبير كدا..

عدل المساعد لياقه قميصة وقال:انت هتعمل النهارده حدث عظيم يا فندم وبعدين انا واثق انها لما تشوفك بالاناقه دي ممكن تغير رأيها عن ماهر وتكمل معاك انت..؟

ضحك ياسر علي كلامه وهو بيقول:انا بق مش واثق يا فؤاد دانا متأكد.!

ضحك فؤاد وقال وهوا بيشاورله علي الباب:اتفضل يا فندم !

خرج ياسر من الفيلا وركب عربيته وكان السائق بتاعه المساعد واللي كان لابس ماسك علشان ماهر ميتعرفش عليه لو شافه.. بعد دقيقة اتحركوا بالعربيه وكانوا في طريقهم لبيت احلام علشان يروحوا للحفلة؟

وفي بيت احلام كانت مروه موجوده معاها وهيا بتبص عليها بعدما خلصت لبس الفستان والميكب وقالت برضا :بصراحه يا احلام شكلك يجنن اول مره اشوفك بالجمال دا!

ابتسمت احلام بخجل من كلام مروه وهيا بتبص لنفسها في المرايا وبتقول:كنت اتمني البس فستان زي دا في وقت وزمن غير دا ..بق حد يصدق ان بعد الاناقه دي كلها اني رايحه اغيظ واحد بوجودي!

ضمت مروه حاجبها بغيظ من ياسر وقالت:خلي بالك كويس يا احلام ولو في رقص بلاش ترقصي خليكي هادية احسن.. انتي بنت محترمه وانا مش محتاجه اعرفك الكلام دا؟

احلام حركت راسها بالموافقة وقالت بعدما سمعت صوت العربيه بتاع ياسر :شكلها عربية ياسر انا هنزل بق ومتنسيش يا مروه تقفلي الشقه كويس انا هسيبلك المفتاح دا وانا معايا نسخه تانيه!

مروه حركت راسها بالموافقه ونزلت احلام علي السلم بهدوء لحدما خرجت برا البيت وكان في استقبالها ياسر واللي اول مشافها اتصدم من جمالها فحس بقلبه بينبض ودا غير خطته خالص  فقال بدهشه:ايه الحلاوة دي كلها يا احلام!

احلام ضمت حاجبها باستغراب من كلامه لانها متوقعتش انه يقولها حاجه زي دي ولاكنها اكتفت بانها تبتسم وتقول بخجل:شكرا لحضرتك!

ياسر فتحلها باب العربيه واول ما ركبت لف للجه التانيه وركب جمبها بسرعه وشاور للمساعد بتاعه يتحرك بالعربية.. 

وفي فندق خمس نجوم وبداخل صالة ضحمة خاصة باصحاب المنازل والسلطات العليا ..كانت مجهزة حفله تحت اداره مجموعة من اكبر المستسمرين في الوطن العربي كانت الحفلة لتوزيع جائزة لأفضل رجل اعمال للسنه وكانت الهدية ساعة من الألماظ صممت خصيصا لمن يفوز بذلك اللقلب..وكانت هذه هي الهدية الكبري والهدية الأوسط  كانت ساعة مصنوعة من الذهب الصافي وينال هذه الهديه من هوا اقل شهرة ونجاح من صاحب المركز الأول وكانت الهدية الصغري ساعة من الفضة وكانت مصممة بتصميم خاص ومن ينالها هوا الاقل نجاح وشهرة من المركزين!!

كان يوجد بداخل تلك الحفله اكبر رجال الاعمال واصغرهم في مصر والشرق الأوسط وكان جميع من في الحفله يعلمون من الفائزون بتلك الهدايا كان صاحب المركز الأول :رجل الاعمال الشهير ماهر الصياد ..وصاحب المركز الثاني رجل الاعمال :رحيم الشازلي وصاحب المركز الثالث رجل الاعمال :ياسر غنيم.

في مثل هذه الحفلات يعلمون ان الفائز بالمركز الاول بعد استلامه للجائزة يقوم بعرض احدي مشاريعه امام الموجودين وبعدها يتلقي الكثير من عروض العمل مع المستثمرين المتواجدين في المكان وكان المركز الثاني ياخد اقل منه عروض والمركز الاخير هو من يتلقي اقل عروض العمل..

بعد ان بدات الحفلة دخل ماهر الصياد وبجانبه حمزه وكانت جميع الانظار عليهما ..

بدا الجميع يهتف باسم ماهر وكان ماهر بيبتسم وينحني برأسه كاحترام وشكر..

وبعده وصل رجل الأعمال الثاني رحيم الشازلي وبجانبه زوجته وبعدهم وصل ياسر عنيم وبرفقته أحلام .. 

اول ما دخلوا كلهم الحفلة بدا ياسر يدور علي ماهر بعينيه واول مشافه قرر ياخد احلام ويقربوا من  طربيزه ماهر بحيث انه ينتبه انها موجوده مع ياسر..

واول ما عرض ياسر علي احلام وقال:تعالي نقف علي الطرابيزه التانيه علشان مش مرتاح هنا؟

حركت احلام راسها بالموافقه واتحركت معاه ووقفت جمبه علي طرابيزه كانت مقابله للطرابيزه اللي موجوده عليها ماهر وحمزه..

احلام كانت باصه في الارض وساكته وياسر قرر يقرب منها وهو بيصبلها من العصير اللي قدامهم وبيقول:اشربي يا احلام دا عصير متقلقيش..استغربت احلام قربه منها بالطريقه الجريئة دي ففهمت انه بيعمل كدا لان ماهر في المكان فحركت راسها وهيا بتبعد عنه بخطوه وبتقول:شكرا يا فندم..

مسكت احلام كاس العصير واول ما رفعت عينيها علشان تبص علي المكان جت عينيها في عين ماهر اللي واقف وهو باصص عليها ومصدوم من وجودها ..

 اخدت احلام نفس بتوتر  شديد وبدأ وشها يحمر وهيا بتبص لحمزه اللي انتبه ليها وقال بفرحه وهو بيشاور عليها بعشوائية :مش دي احلام يا خالي ؟ دي شكلها حلو اوي النهارده مكنتش متوقع انها جميله كدا؟

استغل ياسر انتباه ماهر ليهم فقرب من طرحة احلام ولمسها وهو بيقول:طرحتك مش مظبوته يا احلام خليني اعدلهالك!

احلام حطت ايديها علي طرحتها بسرعه وحركت راسها بالموافقه وقالت وهيا بتحاول تبعد ايديه عنها:انا هظبتها يا فندم؟

ياسر فضل يبص علي وشها بنظرات جريئه وكان ماهر مركز معاهم واول ما انتبه ان ياسر بيقرب من دراعها لف وشه بغضب وحمزه كان مستغرب من الشخص اللي احلام واقفه معاه وبسبب انه عارف ان احلام مستحيل تخلي حد يقرب منها كده اتضايق وبص لخاله وقال: هيا احلام ايه اللي جابها الحفله دي ومين دا يا خالي اللي واقفه معاه وبيقرب منها كده ؟

ماهر كان مكور ايديه بغضب شديد وبيحاول ياخد نفسه بصعوبه وبص لحمزه ومسكه من دراعه وقال بضيق :خلينا نقف علي طرابيره تانيه ملناش دعوه بيهم!

حرك حمزه راسه بالرفض وقال:بس..

ماهر ضغط علي سنانه وقال بتحذير:حمزه احنا في مكان عام وبلاش تعمل الحركات بتاعتك دي اتفضل امشي قدامي واسمع الكلام..

حمزه حرك راسه بالموافقه ومشي جمبه لحدما وقفوا علي طرابيزه تانيه بعيده عن ياسر واحلام ..

بدأ مؤسس الحفله انه يمسك المايك ويقول:اهلا بيكم في حفلتنا البسيطه ..الناس سقفوا وهو كمل كلامه وقال:بما انكم متعودين اننا بنعمل الحفله دي كل سنه يبق طبعا عارفين ايه الهدايه ..كانت الهدايا موجوده في بوكسات علي استدچ بسيط واول ما ذكر الشخص اللي ماسك المايه الهدايا..

اتفتحت الهدايا وظهرت الساعات ..

رجال الاعمال اللي في مكان بيكون غرضهم مش الهدايا ولاكن كل غرضهم هيا العروض اللي بتيجي لشركتهم بعدما يعرضوا مشروع ليهم ويعطولهم افكار المفروض انها مجانيه ؟

ياسر بص علي ماهر اللي مشي وابتسم واول ما الشخص قال:خلونا نبدأ الحفلة برقصه جميله وبعدها نبدأ نوزع الهدايا علي الفائزين؟

احلام اتوترت وهيا بتفرك في ايديها وياسر قرر يمدلها ايديه ويعزم عليها ترقص معاه..  بصت احلام لايديه اللي ممدودالها وافتكرت كلام مروه ليها وقررت تعتذر وهيا بتحرك راسها بالرفض وبتقول بهدوء :معلش يا مستر ياسر انا مليش في الرقص خالص..

ياسر بصلها وابتسم وبعدها وقف جمبها تاني وقال:اللي تحبيه يا احلام ..

اشتغلت اغنيه اجنبيه رومانسيه وبدا كل الكابل اللي في المكان يرقصوا ومكانش واقف في اماكنهم غير السناجل وياسر واحلام وحمزه وماهر اللي منزلش عينيه من علي احلام وكان قلبه مليان بالغيرة والغضب …وهو بيبصلها احلام انتبهت ليه وكانت زعلانه من نفسها ومش عارفه  ازاي هتفهمه ان كل دا غصب عنها ..

ماهر بعد عينيه عنها بضيق واو لما واحد من المستثمرين قرب منه ابتسم ماهر وهو بيتكلم معاه واحلام بعدت عينها عنه بحزن وبصت لياسر واللي كان بيمثل انه مش منتبه ليهم واتنهدت بضيق:يارب الحفله دي تخلص علي خير؟يتبع بقلمي شيماء صبحي..

"بعد ماهر عينيه عنها بضيق واول ما واحد من المستثمرين قرب منه ابتسم ماهر وهو بيتكلم معاه واحلام بعدت عينها عنه بحزن وبصت لياسر واللي كان بيمثل انه مش منتبه ليهم واتنهدت بضيق وقالت:يارب الحفله دي تخلص علي خير؟

انتهت الاغنيه ورجع كل واحد لمكانه وبدأ المسؤول عن الحفله يطلع علي الاستديچ تاني ويقول بحماس:دلوقت حان الوقت لتسليم الهدايا بنتمني ان مستر ماهر الصياد يتفضل  معانا علي الاستيدچ..!

بص ماهر حواليه ولقي ان كل العيون والاضاءة عليه فابتسم بهدوء وعدل بدلته واتحرك بانتظام في اتجاه الاستيدچ..

كان في شاب ماسك الصندوق اللي فيه الساعه في ايديه واول ما ماهر قرب منه مسك دراع ماهر بلطف ولبسه الساعه وماهر كان بيبص علي الجميع بدون ريأكشن لحدما انتهي  وقرب من المسؤول واخد منه المايك وقال:شكرا جدا علي الهدية الجميلة دي ..وانا متشكر جدا لاهتمامكم بكل التفاصيل الجميلة دي ومقدر مجهودكم المبذول علشان الحفله  .

كل اللي في الحفله سقفوا لييه وهوا حرك راسهم بابتسامه هاديه وقال :انا بصفتي مدير شركة الصياد احب اقول لكل شاب موجود قدامي النهاردة  ان مفيش نجاح بدون تعب ومفيش حاجه اسمها بكره لازم تبدأ من النهارده  وتخلي بكره دا للنجاح ..تفائل وان شاء الله ربنا هيكرمك!

الكل سقف مرة تانيه وماهر عينيه جت في عين احلام اللي كانت باصه عليه وساكته .

ماهر حرك عينيه وبص علي ياسر اللي كان بيبصله بغل واضح في عينيه فابتسم ماهر وقال:في الحقيقه ان شركتي السنه دي حققت نجاح كبير جدا في مصر وبما ان في منافسين كتير ليا فاحب اوجهلهم تحيه شُكر كبيرة لان لولا وجودهم انا مكانش هيبقى عندي الحماس فإنى انجح اكتر ورغم ان في ناس كتير بتتضايق من نجاحي دا  الا اني مش مهتم ليهم ولا لرأيهم عني لاني في الاول وفي الاخر مركز في طريقي ومركز في شركتي وبتعب فعلا ودي حاجه انا اول مره اقولها  وهيا ان مش بسمح لحد ياخد مني حاجه تخصني ولو  في يوم من الايام حصل فاحب اقول ان دي مجرد بواقي بتقع مني 

…الناس بصوله باهتمام وهوا كمل كلامه وقال:دا مش تكبر مني ولاكن التساهل مع الخصم  مش كويس ودلوقت انت بتكون الصياد ممكن في لحظة تكون الفريسه فخليك دايما منتبه ومركز وواعي لكل حاجه بتحصل حواليك؟

حمزه كان بيركز في كلام ماهر وعجبه كلامه جدا فسقفله بسرعه وهو بيقول بفرحه:عاش يا خالي كمل؟

ماهر بص لحمزه وابتسمله ورجع كمل كلامه وقال: انا خلاص خلصت كل كلامي وحابب اختمه بإني ممتن جدا لاهتمامكوا وتقدريكوا واتمني متكونش اخر سنه ليا في المركز الاول وان شاء الله مستمرين؟

الكل سقف لماهر وكانوا كلهم مبهورين بيه وبكلامه ولاكن كان ياسر متضايق من فشل خطته بسبب ان احلام مأثرتش فيه فبصلها  لقاها مركزه مع ماهر وعينيها بتلمع وبتطلع قلوب فقال بتساؤل :انتي تعرفيه؟

احلام بصتله باستغراب وقالت:اعرف مين يا فندم!

ياسر بغيظ:ماهر الصياد؟

احلام اتوترت من سؤاله وقالت:حضرتك مش كنت واخد منه صفقه وانا بحثت عنه وعرفته فانا اكيد عرفاه .

ياسر اتغاظ من كدبها وقال :يعني انتي  متعرفيهوش معرفه  شخصيه!

احلام بلعت ريقها وحركت راسها بالرفض وهو قال:امال ايه لمعة عينيكي دي انتي ناسيه انه عدونا؟

احلام ضمت حاجبها وقالت بتساؤل:انا اسفه يا فندم بس هوا صحيح عدو الشركه والمنافس ليها بس انا عملت ايه علشان حضرتك تكلمني كده؟

ياسر مسك دراعها بضيق وقال:لازم تبصيله بنظرات كُره لازم لما تشتغلي معايا وتكوني مديرة مكتبي اللي انا اكره انتي  تكرهيه ؟

احلام سحبت ايديها  بسرعه بسبب ضغطه عليها وضربت ياسر بالقلم وقالت بضيق:انت ازاي تسمح لنفسك تتعامل معايا بالاسلوب دا ..

ياسر بصلها بضيق لما لقي الانظار بقت عليه فاتوتر وقال:انتي بتمدي ايديك عليا انتي نسيتي نفسك!

احلام عيونها دمعت بحزن وقالت:انا منستش نفسي بس الظاهر ان حضرتك اللي نسيت نفسك وبتتعامل معايا فجأة وكانك اشترتني ..علي فكره انا واقفت بس اجي الحفله دي علشان خاطر ..سكتت للحظة وقالت بحزن:علشان خاطر وال..قبل ما تكمل كلامها لقت ايد قويه بتشدها عليه  واول ما رفعت عينيها لقت  ان اللي واقف قدامها حمزه ..احلام بصتله وقالت بصدمة:حمزه ؟

حمزه بص لياسر بغضب وقال:انت ازاي تسمح لنفسك انك تلمسها  كده انا ملاحظك من ساعتها بتعمل حركات غريبه وباين عليك كده مش مظبوط.. 

احلام بصت حواليها ولقت ان الناس اللي حواليهم بدأو ينتبهوا ليهم فقربت من حمزه وقالت برجاء :خلينا نمشي يا حمزه علشان الناس بدأت تاخد بالها ودا ..بلعت ريقها وقالت بهمس:ودا غرضوا!

ياسر كان باصص لحمزه وعلامات السخريه واضحه علي وشه بسبب انه شايف ان حمزه  لسا صغير وبيتصرف تصرفات الراجل الشجاع ولاكن حمزه كان باصص عليه بغيظ  ومنتبه لكلام احلام وكور ايديه وهو بيقول بغضب:الظاهر انك مش فارق معاك حاجه!

ياسر رفع ايديه علشان يبعده عن طريقه ولاكن حمزه مسك ايديه بقوه وقال:الزم حدودك..

ياسر دفع حمزه من قدامه بغضب وحمزه وقع علي الارض وفي لحظة صراخ احلام اول ما حمزه وقع انتبه كل الموجودين بما فيهم مسؤولين الحفله وقربوا منهم لما لقوا حمزه بيقف علشان يضرب ياسر ..

احلام فضلت تدور علي ماهر بعيونها وقالت بعياط:هو راح فين ..

ماهر كان واقف في جمب وبيتفرج عليهم ولاكن اول ما شاف ياسر بيضرب حمزه بقوه وحمزه بينزف قرب منهم بسرعه وبعد حمزه عنه ومسك ايديه بقوه قبل ما يضربه تاني ..

ياسر كان بيبص عليهم وعيونه مليانة غضب بص لاحلام بعصبيه وقال:غبيه ..!

احلام اتحرجت جدا من اللي حصل ومكنتش تتوقع ابدا ان ممكن حمزه يدافع عنها كده فحست بجد انها مش قادره تعمل حاجه خصوصا لما بصت علي وش ماهر اللي غضبان جدا بسبب كل اللي حصل فدموعها نزلت وهيا بتقرب منهم وبتقول:مستر ياسر بلاش تعمل كده ؟

ماهر كان بيبص علي ياسر وفي عينيه غضب كبير ليه  بسبب انه اتجرأ ولمس حمزه ودي حاجه اللي بيعملها مبيقدرش ماهر يسامحه ..

قبل ما ماهر يضرب ياسر ويردله الضربه  اللي ضربها لحمزه وقفت احلام في النص ومسكت ايد ماهر وقالت برجاء:ارجوك بلاش تضربه دا مديري وبعدين حمزه اللي اتدخل في الموضوع يعني مديري مغلطش حمزه هو اللي غلطان؟

الناس اللي موجودين كانوا سامعين كلامها و

ياسر اتفاجئ من كلام احلام ودفاعها عنه ولاكن ماهر كان بيبصلها وهو مصدوم :اولا بسبب انها بتقول علي ياسر مديرها ودا غير منطقي لانها قالتله انها شغاله في شركة البدر ..وثانيا لانها مش فارق معاها حمزه اللي  بينزف بسبب انه دافع عنها وواقفه بكل برود تدافع عن مديرها؟

احلام غمضت عينيها بتوسل وقالت:ارجوك يا ماهر نزل ايديك دي بلاش تعمل فضيحه انت ملكش ذنب انك تتحط فيها ..

ياسر كان بيبص علي ماهر بشماته واتحولت نظراته لاحلام بابتسامه واسعه لانها بسبب كلامها قدرت تطلع انه برئ وان قريب ماهر هوا اللي بدا الخناق .. 

احلام كانت عينيها علي ماهر واللي لسا مردش علي طلبها وكانت مستنيه رده وفي لحظة غضب من ماهر بعدها عن طريقه وصفع ياسر بقوه وبدا يردله الضربه اكتر من مره واحلام اتصدمت وقربت منه وهيا بتقول بصراخ:ابعد عنه ابعد عنه !

المسؤولين قربوا منهم وبعدوهم عن بعض وماهر نزل ايديه بقوه وقال:ابعدوا؟

الكل بعدوا عنه بخوف من هيئته وهو قرب من حمزه اللي ماسك مكان الضربه وبيتألم وسنده عليه لحدما حمزه وقف وماهر شاله علي ضهره!

احلام وقفت تبص علي ماهر اللي شال حمزه ومشي وبتبص علي ياسر اللي واقع علي الأرض ووشه متغرق بالد"م ..بصت حواليها ودموعها غرقت وشها وقالت برفض:مستحيل انا عملت ايه!

ياسر كان بسبب الضرب اللي اخده اغمي عليه فاتصلوا الناس بالاسعاف  واخدوا ياسر علي المستشفي ..

وبعد وقت كانت الحفله خلصت والناس كلها مشيت بعدما وقفوا الحفله بعد رفض رجال الأعمال انها تكمل بعد اللي حصل.. 

كانت احلام واقفه لسا مكانها وهيا مصدومه من كل اللي حصل.. فاقت علي صوت واحد بيسألها ويقول:انتي كويسه يا انسه ؟

احلام حركت راسها بالرفض وقالت بدموع:ماهر وحمزه عاملين ايه!

الشخص  قال بتساؤل:انتي تقصدي ماهر الصياد صح!

احلام حركت راسها بالموافقه والشاب قال:مش عارف هوا ركب عربيته ومشي  بس كل الناس مشيت ومفضلش غيري انا وانتي :. معاكي عربيه تروحي بيها؟

احلام حركت راسها بالرفض والشخص قال:انا ممكن اوصلك بعربيتي لو معندكيش مانع يعني؟

احلام حركت راسها بالرفض وقالت:لا شكرا انا هعرف اروح لوحدي؟

الشخص بص علي جسمها باعجاب وقال:ازاي واحده جميله زيك كدا هتروح لوحدها في الوقت المتأخر دا؟

احلام بعدت عنه بتوتر من نظراته ليها فمسكت شنطتها اللي علي الطرابيزه بسرعه واتحركت من قدامه..

_______

في قصر الصياد وبالتحديد في غرفة حمزه ..خلص الدكتور معالجه حمزه وقال:الحمدلله ان مناخيره متكسرتش لان الضربه اللي اخدها كانت قويه الظاهر ان اللي ضربه محترف فنون قتاليه .

ماهر ضغط علي ايديه بغضب وقال:طيب يا دكتور هوا كويس دلوقت يعني مفيش اي خطر عليه!

الدكتور قفل شنطته وقال برفض:لا متقلقش يا فندم هوا بخير بس خليني اشوف ايديك لانها متعوره جامد!

ماهر حرك راسه بالرفض وقال:لا انا هعالجها متشكر جدا ليك يا دكتور !

الدكتور ابتسم وقال:الشكر لله يا فندم بعد اذنك !

ماهر حرك راسه بالموافقه والدكتور خرج وماهر قرب من حمزه اللي نايم علي السرير وكان ساكت ؟

ماهر قال بتساؤل:كام مره انا قولتلك تاخد حذرك ومتسمحش لحد يضربك!

حمزه قعد علي السرير وقال بتساؤل:احلام عملت كده ليه يا خالي ازاي تدافع عن الشخص دا انا كنت بدافع عنها علشان اعتبرتها صديقتي؟

ماهر بصله وقال بسخريه:صديقتك لا يا حبيبي متعتبرش حد صديقك وانت متعرفوش انت غلطان؟

حمزه بصله وحرك راسه بحزن وقال:بس انا متاكد انها عملت كده غصب عنها لانها في البدايه طلبت مني نمشي ونسيبه ولاكن انا رفضت !

ماهر بصله وقال باستغراب:وليه بق رفضت كنت فاكر انك هتقدر عليه .

حمزه قال بضيق:هو انت تعرفه يا خالي هوا مين الراجل دا أصلا !

ماهرقال  بضيق:منافس ليا ظهر فجاه واخد مني الشحنه بتاع ايطاليا بس دي حاجه انا متوقعها منه اكيد كان مخطط لكل دا وانت زي المغفل صدقت انهم كانو بيتخانقوا بجد؟

حمزه بصله باستغراب وقال:يعني ايه يا خالي صدقت دول فعلا كانت بيتخانقوا احلام كانت متضايقه من حركاته فعلا!

صرخ ماهر في وشه وقال:متجبليش سيرتها وانسي بق انها ساعدتك ايه مورناش غير احلام ومشاكل احلام !

حمزه كان اول مره يشوف خاله متعصب بالطريقه دي فحرك راسه وماهر قال:الدكتور قال ان مناخيرك كويسه ارتاح بق ومتتعبش نفسك علشان النزيف ميرجعش تاني؟

حمزه حرك راسه بحزن وماهر خرج من اوضة حمزه وهوا متعصب وقلبه مليان بالغضب ومش متوقع انها اتفقت مع مديرها علشان بس يشتتوه ويضايقوه فقال بتساؤل:وانا اللي كنت مستغرب اني كنت بقابلها صدفه ..

_______

كانت احلام خرجت من الفندق وهيا بتبص حواليها وبتعيط ..طلعت تيلفونها واتصلت علي صديقتها مروه ولأن الوقت كان اتاخر مروه مانتبهتش لرنه تيلفونها بسبب انها كانت نايمه نوم عميق..

مسحت احلام دموعها وهيا بتبص حواليها وكانت الشوارع فاضيه بصت في الساعه ولقت انها بقت١ بالليل قالت بخوف:الوقت اتاخر اوي كده ليه هو الوقت عدي بسرعه وانا محستش بيه !

حاولت احلام تاني ترن علي مروه ولاكن مروه مردتش عليها فاحلام بصت علي كل الارقام اللي معاها ولقت ان كل اللي ارقامهم متسجله مجرد زمايل ليها  ومفيش حد قريب منها !! 

فضلت احلام ماشيه بعدما فقدت الامل انها تلاقي حد يساعدها وبسبب انها مشيت كتير حست بان رجليها بتوجعها بقوه فبصت علي الجزمه واتضايقت لانها لابسه كعب عالي ..وهيا مش متعوده عليه؟

وقفت احلام وخلعت الجزمة وبصت علي رجليها لقتها متعوره جامد  وبتجيب دم بقوه ...قعدت علي الرصيف بسرعه وهيا  بتلمس رجليها وبتبكي بسبب انها بتوجعها جامد ..

ولان احلام كان ماسكه تيلفونها ومش منتبه ليه ضغطت علي رقم ماهر بالغلط وكان ماهر وقتها حاطت تيلفونه علي مكتبه وبيفكر في اللي حصل بضيق ..تيلفونه رن واول ما بص للرقم استغرب انها احلام ..مسك التيلفون وهو بيقول لنفسه:ليها عين تتصل بعد اللي عملته!

قرر ماهر يتجاهلها  وميردش  عليها ولاكنه قرر يشوفها عاوزه ايه واول ما فتح المكالمه سمع صوت احلام اللي بتبكي وصوتها واضح وكانت بتهتف بكلامات زي(يارب حد يساعدني ..انا مش عارفه اعمل ايه.. رجلي بتوجعني اوي والدم فيها كتير ليه )

بسبب كلامها الغير مرتب قدر ماهر يفهم انها مش منتبهه انها متصله عليه فاتكلم وقال بصوت واضح:انتي فين؟

اول ما احلام سمعت صوت خارج من تيلفونها بصت عليه بسرعه واتصدمت ان في مكالمه مفتوحه بينها وبين ماهر وسمعت صوته بيعيد كلامه تاني وبيقول:انتي فين دلوقت يا احلام؟

اتوترت احلام وقالت بتردد:مش عارفه؟

ماهر قال بغضب وصوت عالي:مش عارفه ازاااي امال مين اللي هيعرف ؟

بكت احلام اكتر وقالت بغضب هيا كمان:متعليش صوتك علياا انا فعلا مش عارفه انا فين ..

ماهر :اوصفيلي المكان وانا هعرفه؟

احلام بضيق:هتعرف ازاي وانا بقالي ٢٨ سنه عايشه في القاهره واول مره اشوف المكان دا؟

ماهر اتضايق من كلامها وقال :بطلي طريقتك دي واوصفيلي المكان انتي دلوقت محتاجه مساعده ..حاولي تركزي كده واصفيهولي كويس..

احلام احدت نفس وهيا بتبص علي المكان وبتقول:الشوارع كلها فاضيه ومفيش حد ماشي والمكان مفيهوش  اي محلات ولا اي اضاءه وكل اللي سمعاه صوت كلاب جاي من بعيد.. بكت وقالت:انا رجلي متعوره ومش عارفه امشي اكتر من كده ؟

قالت كلامها بشهقه واضحه وهوا مقدرش يستحمل يسمع بكائها فقال :خليكي مكانك وحاولي تهدي لحدما اجيلك وقبل ما اقفل انا هبعتلك لينك في رساله اضغطي عليه  !

احلام حركت راسها بالموافقه وقالت بصوت ضعيف:حاضر؟ 

ماهر قفل المكالمه وبعتلها لينك من علي تيلفونه واستناها تقبله بالضغط عليه واول ما احلام ضغطت علي اللينك قدر ماهر يعرف مكانها بسهوله؟

____________

خرج ماهر من مكتبه واتجه بسرعة لعربيته اللي مركونه  في الجراچ وشغلها واول ما ركب بص علي تيلفونه اللي محدد مكانها علي الخريطه وقال:لازم تشرحيلي عملتي كل دا ليه يا احلام وايه المقابل ؟

قال كلامه بلوم واتحرك بسرعه لخارج القصر ..

وعند احلام كانت طلعت مناديل من شنطتها وبدات تحطها علي الدم اللي في رجليها وتمسحه وبسبب انها لبست الجزمة لفتره طويله بدات رجليها تورم والوجع يزيد كل ما تحاول تقف عليها اوي تلامسها للأرض..

بعد مرور دقايق قربت عربيه من المكان اللي موجوده فيه احلام وكانت سايقة بسرعه عاليه ..فرملت العربيه قدامها ونزل من العربيه ماهر اللي كان لسا متضايق وقرب منها وقال: قومي اركبي ؟

احلام رفعت عينيها تبصله وقالت بتعب:مش هقدر اتحرك علي رجلي لانها وارمة!

بصلها ماهر باستغراب وقال:مش مشكله اضغطي علي نفسك لحدما تركبي العربيه؟

بصلته احلام بحزن وحركت راسها بالموافقه وكانت بتفكر في كل السينين اللي عاشتها وكانت بتتعرض لازمات اكبر من دي وبيكون وجعها اكبر ولاكنها كانت بتتخطاها بس احلام المره دي استسلمت وقالت برفض:لا مش هقدر لو مش عايز تساعدني ممكن تمشي وانا اسفه لاني ضغطت علي اسمك بالغلط ؟

ماهر اتضايق من كلامها وكان هيركب عربيته ولاكنه وقف لما سمع صوت عياطها فبصلها وقال:لما انتي عارفه ان الكعب بيوجعلك رجلك بتلبسيه ليه؟

احلام استغربت كلامه وبصتله تاني وقالت بانتباه:ايه؟

ماهر قرب منها وهوا بياخد من ايديها الجزمه اللي مسكاها وبيرميها جمبها وبيقول:حاولي بس تقومي لحدما اعرف اشيلك؟

احلام حركت راسها ومسكت في ايديه وهوا اول ما لقاها لمست ايديه ركز في ملامح وشها واللي بتحاول تخفي وجعها فاول ما لقي انه يقدر يشيلها قرب من وسطها وشالها علي صدره وقرب من العربيه وركبها فيها :.

حاولت احلام تعدل نفسها علي الكرسي وهوا بصلها وقال وهو بيدلها شنطتها :اربطي الحزام كويس؟

حركت احلام راسها وهوا قفل الباب واتحرك في الاتجاه التاني وركب جمبها واتحرك بالعربيه بسرعه..؟

وهما علي الطريق احلام كانت بتبص عليه بصمت وهوا سايق بسرعه ومتعصب ..فبصت لايديه واتخضت لما لاقتها متعوره جامد فقربت من ايديه لمستها وقالت بقلق:ايدك متعوره ؟

بعد ماهر ايديه بسرعه عنها وقال بغضب منها:متلمسنيش!

احلام حركت راسها بحزن ورجعت سندت بضهرها تاني علي الكرسي وهيا حاسه انها مرهقه جامد فاتنهدت  بتعب وسمحت لدموعها تنزل  بهدوء علشان مش قادره تقاومها..

وصلوا بعد وقت قدام بيتها ففتحت احلام الباب وهيا ناسيه ان رجليها متعوره واو لما لمست الارض علشان تمشي وقعت بتعب وهيا بتتالم؟

خرج ماهر وقرب منها  بسرعه وهوا بيقول بضيق من تصرفها:ايه اللي خلاكي تنزلي..بصتله احلام وقالت:مش عايزه اتعبك معايا؟

ماهر قرب منها وشالها وقال:مش هتفرق يا احلام بعد اللي حصل ؟

احلام مسكت جامد في رقبته وغمضت عينيها وهوا اتحرك لداخل البيت واول ما طلعوا لشقتها احلام طلبت منه ينزلها وهوا قال:طلعي المفتاح وانا هفتح الباب؟

احلام حركت راسها بالموافقه وفتحت شنطتها ولاكنها ملقتش المفتاح فقالت وهيا بتفتكر:انا متأكده اني اخدت النسخه التانيه وكانت في الشنطة!

ماهر كان باصص جمبه ومستنيها تخلص وتجيب المفتاح ..لحدما عدى وقت واحلام بتدور مره واتنين في شنطتها ولاكنها ملقتش حاجه فقالت :انا شكلي نسيت اخد المفتاح معايا وانا اديت النسخة الاولي لمروه !

ماهر بصلها وقال بتساؤل: يعني مفيش اي مفتاح تاني عيرهم!

احلام حركت راسها بالرفض وهوا حرك راسه بالموافقه ولف ونزل تاني بيها علي السلم وهوا لسا شايلها..

قالت احلام بتساؤل:احنا رايحين فين؟

ماهر:هنروح القصر عندي اكيد مش هسيبك تباتي في الشارع انا مش قاسي للدرجادي!

احلام بصت لملامحه بحزن علشان عملت كل دا فيه من غير ما تقوله الحقيقه من البدايه فحركت راسها بالموافقه وهوا خرج من البيت وركبها تاني للعربيه وركب جمبها واتحركوا..

وطول الطريق احلام كانت ملتزمه الصمت وماهر كان مركز في الطريق .. 

بعد وقت وصلوا للقصر ودخلوا من البوابه بعدما رجال الامن وقفوهم ولما لاحظوا انه ماهر اعتذروا وفتحوله البوابه بسرعه؟

اتحرك ماهر في اتجاه الباب الرئيسي للقصر ووقف العربيه وبص لاحلام وقال:هتنامي هنا النهارده وهتمشي اول ما الصبح يطلع؟

احلام بصتله وسكتت وهوا بصلها بضيق وقال:اجهزي علشان هشيلك .. حركت احلام راسها وهوا خرج من العربيه وقرب من الباب بتاعها وفتحه واول ما بص في وشها سرح فيه للحظه واحلام رفعت ايدها علشان يعرف يخرجها من العربيه ويشيلها  فكان شكلها مضحك لانها اول مره من وقت ما كان بيشليها علي طول تعمل الحركه دي..ماهر قرب منها بسرعه قبل ما يبتسم وشالها وخرجها من العربيه..

لمست احلام ضهره بخوف لتقع وهوا حاول بكل قوته يعدلها علشان متقعش …

بعدما ماهر عدلها وقربها من صدره احلام حطت ايديها الاتنين علي رقبته بخوف واول ما وشها لمس وش ماهر بالغلط اصوات قلوبهم بدات تعلى ..بص ماهر علي وشها ولقاها بتبصله بتوتر فقرب رقبته من خدها اكتر علشان يعدلها لاخر مره واحلام غمضت عينيها بسبب ان قلبها بيدق وحست بسخونه شديده في وشها ..

اتحرك ماهر بعدما الخدم فتحو الباب واول ماشفوه داخل وشايل بنت بصوا في الارض بخجل واحترام ليه  ..احلام اول ما سمعت اصوات الخدم وهما بيرحبوا بيه باحترام وبيقولوا:اهلا وسهلا يا ماهر باشا اتفضل..

احلام دفنت وشها بسرعه في صدره وهيا خايفه لحد منهم يشوفها ويعرفوا هيا مين ..

اتحرك ماهر للداخل واتجه  لغرفة من غرف القصر واول ما فتح الباب ودخل لقى ان الغرفه لسا مش جاهزه ان حد يقعد فيها فقرر يروح لغرفه تانيه وكانت علي نفس الوضع..

 نده ماهر بصوت عالي علي واحد من الخدم واول ما وصل اتكلم ماهر وقال بغضب:الاوض دي مش متجهزه ليه!

الشاب قال بتوتر:احنا اسفين يباشا بس حضرتك اللي طلبت مننا منجهزش اي غرفه بدون اذنك!

ماهر بصله بضيق وهو بيفتكر كلامه ليهم من فتره فحرك راسه وقال:طيب انزل انت دلوقت؟

اتحرك الشاب من قدامه وهوا رجع رفع احلام علي صدره اكتر واتحرك بيها لجناحه واول ما دخل احلام كانت نامت بسبب التعب اللي حاسه بيه فبص لوشها ولسا هيقولها انهم وصلوا لقاها مغمضه عينيها بنوم فمرضاش يصحيها وقرر انه يحطها علي سريره بحيث انها تنام واول ما قرب من السرير علشان يحطها نزلت احلام دراعها بنوم وهوا مكنش هيعرف يحطها علشان دراعها ميوجعهاش ..فحاول يسندها اكتر عليه علشان يعدل دراعها ولاكنه فشل لان احلام بدات تتحرك ببطي وتفلت منه بسبب ان فستانها مصنوع من الحرير وبسبب انه مكانش متحكم في رجليها كانت هتقع  .

اول ما انتبه ماهر انها هتقع حملها تاني بسرعه وقربها اكتر من صدره وهيا كانت مستسلمه ومغمضه عينيها بتعب ..قرر ماهر انه يحطها علي السرير ببطئ واول ما خلاها تنام وشه قرب من وشها جدا لدرجه انه نسي نفسه وهوا بيبص لملامحها وبدأت مشاعره تتحرك ليها من جديد وللحظه نسي ماهر اللي عملته فيه وكدبها عليه وبدا يبص لشفايفها بتوهان واحلام مكنتش في وعيها……

بدا ماهر يقرب اكتر منها وكأنه مسحور وقبل ما يقبلها فاقت احلام  فجأة ولمست شفايف ماهر بالغلط وماهر كان متفاجئ وهيا كانت مصدومه لانها حاليا يعتبر بتقبله  فبعدت عنه بسرعه وهيا بتبص عليه وبتستوعب اللي حصل وبتقول:هو ازاي دا حصل؟يتبع بقلمي شيماء صبحي 

احلام مش ناويه تبطل تجنن الصياد بتاعنا وهو برضوا شكله قلبه خفيف معاها ..😂 تتوقعوا ايه اللي هيحصل بعد اللي حصل في الحفلة ويا تري ماهر هيسامحها فعلا ولا هيكون قاسي عليها🫢😞

يتبع 🩷

"بدا ماهر يقرب اكتر منها وكأنه مسحور وقبل ما يقبلها فاقت احلام  فجأة ولمست شفايف ماهر بالغلط وماهر كان متفاجئ وهيا كانت مصدومه لانها حاليا يعتبر بتقبله  فبعدت عنه بسرعه وهيا بتبص عليه وبتستوعب اللي حصل وبتقول:هو ازاي دا حصل؟

انتبه ماهر ليها وبعد عنها وهو بيقولها بتساؤل:هو انتي مش كنتي نايمة؟

احلام بصتله وقالت بتوتر:ايوا كنت نايمه بس فجأه يعني صحيت لقيت..؟

ماهر قاطع كلامها وهوا بيقوم من علي السرير وبيبص حواليه وبيقول:هتنامي علي السرير دا وانا هنام جمبك علي الكنبه وان شاء الله اول ما الصبح يطلع تمشي زي مقولتلك..

حركت احلام راسها وهوا سابها قاعده مكانها ودخل يغير هدومه ..

كانت احلام  بتبص علي طيفه بتوتر شديد وحطت ايديها علي قلبها لانها كانت صاحيه مش نايمه زي ما قالتله واللي خلاها تمثل النوم هوا ماهر لما قرب منها فخافت تواجهه تاني وادعت انها نايمه ولما صحيت كانت حاسه ان الوضع مش مريح ولاكنها اتفجأت انها باسته؟

خرج ماهر بعد وقت وهيا كانت لسا قاعده علي السرير وبتبص علي الغرفه ومركزه مع تفاصيلها.

ماهر بص عليها وقال بتساؤل:خير منمتيش ليه!

احلام بصتله وقالت وهيا بتعدل نفسها علي السرير:انا لازم اتكلم معاك علشان اللي حصل النهارده؟

ماهر قرب من الكنبه وقال بضيق: وانا مش عايز اسمع حاجه اتفضلي نامي!

احلام بصتله بتردد وقالت:بس انا عندي كلام كتير عاوزه اقوله ومش عارفه انام بصراحه غير لما احكيهولك!

تجاهل ماهر كلامها وفرد جسمه علي الكنبه وغمض عينيه وهيا فضلت تبص عليه باستغراب من رد فعله وقالت:انت هتنام من غير ما تسمعني؟

ماهر مردش عليها وكمل نوم وهيا قربت منه بهدوء وقالت بهمس:متأكد؟

لف ماهر بجسمه ومردش عليها وهيا بصت حواليها بتردد وقربت تاني من السرير وافتكرت رجليها فبصت عليها لقتها اتوسخت بسبب انا لمست الارض كتير وهيا حافيه..فلمستها ولقتها بتوجعها جدا فاطلقت احلام صرخه بسيطة تعبر عن المها واول ما ماهر سمع صوتها لف بجسمه ليها وبصلها وقال بتساؤل:بتصرخي ليه !

احلام بصتله ورفعت حاجبها وقالت بتعب:رجلي وجعتني ؟

ماهر قام بضيق وقرب منها وهو بيتفحص رجليها وبيقول:دي ملتهبه ووارمة!

حركت احلام راسها وهوا لمسها وهيا اتوجعت أكتر فقال وهو بيبصلها وبيقول بتساؤل:بتوجعك اوي!

حركت احلام راسها بالموافقه وهو سابها وخرج من الاوضه  واحلام فضلت واقفه مكانها مش عارفه هتعمل ايه لانه سابها من غير ما يقول اي كلمة؟

رجع ماهر بعد دقايق وفي ايديه علبه عليها علامة ذائد فعرفت احلام انها علبه الإسعافات ..

ماهر قرب منها وفتح العلبه علي السرير وبصلها وقال:استحملي الوجع لحدما اعقم كل الجروح دي!

احلام بصت في عينيه وحركت راسها بالموافقه وماهر بدأ يطلع قطنه من العلبه ويحط عليها مطهر ويطهر الجروح اللي في رجليها!

احلام مسكت في دراعه جامد اول ما حست بألم في رجليها..ماهر بص عليها بصه سريعه ولاقها مغمضه عينيه فبص علي دراعه اللي بدأ يوجعه بسبب ضغطها عليه وحرك راسه بلامبالاه..

بعد وقت كان انتهي ماهر من تطهير كل الجروح اللي في رجل أحلام وبدأ يحط عليهم مضاد حيويي علشان الالتهاب يخف وبعدما انتهي خالص بصلها وقال:خلاص كدا!

احلام فتحت عينيها وحركت راسها بهدوء وبصت لايديه وقالت:خليني اشوف ايدك!

ماهر بص لايديه اللي بدات تورم بسبب انه ضرب ياسر بقوه لدرجه انه اتعور جامد..

ماهر بصلها تاني وقال برفض:لا متشكر ويلا نامي متفضليش صاحيه علشان تعرفي تصحي بكرا بدري وتمشي قبل ما اقحي؟

احلام اتضايقت من كلامه وحركت راسها بحزن وقالت:متعاملنيش بقسوه كدا انا بقولك اعالج جرحك مش بطلب منك حاجه صعبه ياعني!

بصلها ماهر بضيق وقال:وانا قولتلك متشكر عايزه ايه تاني !

احلام دموعها اتجمعت في عينيها بسبب صوته العالي فاتنهد بضيق وسابها ورجع نام علي الكنبه ولف بجسمه علشان ميشوفهاش ويضعف قدامها ..

احلام بصت عليه بحزن ومكنتش موافقه تنام وهيا سيباه بيتألم بسبب وجع ايديه فحاولت انها تنزل علي السرير وتسحف علي رجليها وهيا ماسكه علبه الاسعافات اللي نساها علي السرير..

كان ماهر سامع اصوات رجليها وصوت العلبه اللي بتعمل صوت كلما تتحرك فلفلها واستغرب انها بتسحف علي الارض فقال بدهشه:احلام انتي بتعملي ايه!

احلام تجاهلت ترد عليه لحدما توصل قدامه واول ما بقت قدامه قالت بجديه:هعالج ايديك ؟

ماهر قام من علي الكنبه وهو مستغرب عنادها واصرارها الشديد فحرك راسه بالموافقه وقال:لو عالجتي ايدي هتنامي.

احلام حركت راسها بالموافقه وقالت:ايوا هنام بس مش هعرف انام بالفستان والميك اب دول !

ماهر غمض عينيه ورجع فتحها تاني وهوا بيتنهد وبيحرك راسه ليها بالموافقه..

فتحت احلام علبة الاسعافات وطلعت منها قطعة من القطن والمطهر وماهر كان مدلها ايديه وهيا بدأت تطهر الجرح..

كان ماهر حاسس بالالم ولاكنه متجاهله لانه كان باصص عليها وهيا مركزه انها متوجعوش فاستغرب جدا اللي بتعمله ومكنش مستوعب  ازاي احلام قدرت تعمل كل دا في الحفله ودلوقت ظاهره قدامة انها بنت بريئة وخايفه عليه…

كانت احلام بتحط المرهم وهوا مركز معاها وبيفكر ليه ممكن احلام تتصرف مع مديرها كدا وازاي اصلا معرفتوش انها شغاله في شركة اللي اسمه  ياسر دا وكان ايه غرضها من كل الكذب دا عليه ..كانت دماغه مليانه بالأسئلة الكتير ولاكن مش لاقي ليها حل …

احلام خلصت معالجة ايديه وبصتله وقالت:كدا خلاص ان شاء الله الورم كله هيخف وايدك هتكون كويسه!

ماهر حرك راسه بالموافقه وهيا قفلت العلبه وقالت:لف وشك تاني لو سمحت علشان ارجع تاني للسرير!

ماهر استغرب طلبها وقال بتساؤل:ليه يا عني انا ابص براحتي دي اوضتي!

احلام ضمت حاجبها برفض وقالت:خلاص انت حُر شيلني بق ورجعني علي السرير لاني مستحيل اسحف تاني وانت تقعد تبص عليا كدا!!

ضحك ماهر غصب عنه بسبب كلامها فلف وشه وهوا بيحاول يتحكم في اعاصبه وهيا قررت تستغل فرصه انه مش منتبه ليها وسحفت بسرعه ورجعت تاني قربت من السرير!

ماهر بص عليها وهو مبتسم فقرر يقوم ويجبلها هدوم تلبسها لان الفستان مش مريح انها تنام بيه ..فسابها مشغوله وهيا بتحاول تطلع علي السرير واتجه هوا لغرفة تغير الملابس وجاب ليها بيچاما ليه بكُم ورجع تاني ليها!

احلام كانت طلعت علي السرير وفردت جسمها وكانت غمضت عينيها وهيا نايمه علي السرير واول ما حست بيه بيقرب منها فتحت عينيها وقالت بخضة:في ايه تاني!

ماهر قرب البيچاما منها وقال:انا هخرج خمس دقايق برا لحدما تغيري هدومك وتلبسي البيچاما دي وياريت تخليكي بالطرحه برضوا علشان مينفعش تكوني بشعرك قدام شخص غريب عنك؟

احلام اخدت منه البيچاما وحركت راسها بالموافقه وهوا خرج من الغرفه وسابها تغير هدومها براحتها..

"اول ما ماهر خرج شاف سيلين نازله تتسحب علي السلم ،قرب منها ببطئ علشان ميعملش صوت وتلاحظ انه بيراقبها وفجأة لقاها بتتجه لخارج القصر فاتحرك وراها علشان يشوفها رايحه تعمل ايه في الوقت المتأخر دا..

سيلين وصلت للبوابه وكان في شاب بموتسيكل ديلفيري وكانو الحراس موقفينه واول ما قربت سيلين من الشاب قالت بتوتر:هل طلبي جاهز!

الشاب بصلها وابتسم وقال:حضرتك الانسه سيلين مش كدا !

سيلين حركت راسها بالموافقه والشاب بص للحارس اللي موقفه وقال بغيظ:انا قولتلك اني جايب طلب للانسه سيلين ممكن بق تخليني ادخل؟

الحارس حرك راسه بالرفض وقال بجديه:هات الطلب وانا هدخله ولاكن ممنوع اي حد غريب يدخل للقصر ؟

سيلين بصت للحارس وقالت بغضب واضح في صوتها:انه هنا من اجلي من فضلك اسمح له بالدخول!

الحارس بصلها وقال بتردد: يا انسه سيلين حضرتك دا ممنوع لان ماهر باشا رافض ان اي حد يدخل للقصر بدون اذنه وانا مينفعش ازعجه في الوقت دا فا لو سمحتي قدري ان دي قواعد ومينفعش نكسرها ونشتغل بمزاجنا ؟

سيلين بصت للشاب وغمزتله وقالت:حسنا اعطيه طلبي قالت كلامها ورجعت تاني بصت للحارس وقالت :اعطيه هذه الأموال ؟

الحارس بص للفلوس واستغرب عددها فقال بتساؤل:حضرتك طالبه ايه!

سيلين بضيق من تطفله:بيتزا!

الحارس مسك الفلوس وبص عليها مره تانيه واستغرب ان ازاي مبلغ كبير زي دا يتدفع في بيتزا؟

الشاب بدأ يخرج من العلبه اللي في المتوسيكل بتاعه علبه البيتزا واداها للحارس واخد منه الفلوس  واول ما الحارس اتحرك لمكتبه علشان يفتح العلبه وقفته سيلين وهيا بتقول  بغضب:ماذا تفعل يا احمق انها بيتزا؟

الحارس قال بجديه:لو سمحتي يا انسه سيبيني اشوف شغلي لازم اشوف دي ايه قبل ما ادخلها للقصر!

حركت سيلين راسها بالغضب والشاب فتح العلبه ولما اطمن انها بيتزا فقط اداها لسيلين وهيا اول ما اخدت العلبه رمقته بنظره كلها غل ودخلت تاني للقصر!

كان ماهر واقف مراقبها وسامع كل الحوار  فاستغرب ازاي سيلين قدرت تتواصل مع الشاب الدليفري وازاي عرفت تطلب بيتزا وهيا اصلا معداش علي وجودها في مصر غير اسبوع؟

فقرب من غرفتها وهوا بيسمع الاصوات اللي خارجه منها ولاكن كل اللي سمعه هوا صوت التيلفزيون ..قرر ماهريتجاهل اللي حصل ويرجع تاني لاوضته وقبل ما يدخل طرق الباب وسمع صوت احلام اللي بتقول:اتفضل؟

دخل ماهر وهوا بيبص عليها ولقي انها غيرت هدومها وكانت لسا لابسه الطرحه زي ما طلب منها فقرر يتجاهلها ويقرب من الكنبه وينام بهدوء واحلام اول ما بصت عليه ولاحظت انه نام قررت تنام هيا كمان وانتهي اليوم علي هذه الأحداث…

___________

في صباح يوم جديد وبداخل غرفة حمزه صحي وهو حاسس بوجع شديد في مناخيره فلمسها بتعب وافتكر كل اللي حصل امبارح فقام من علي السرير واتجه للحمام وحاول انه يغسل وشه بدون ما يلمس مناخيره ..وبعد محاولات كتيره من حمزه قدر يغسل وشه واسنانه واتجه تاني للخارج علشان يغير هدومه؟

وفي غرفه ماهر كانت احلام نايمه علي السرير ولاكنها فجأة اتقلبت وبقيت علي طرف السرير وبسبب انها كل شويه تتحرك كان جسمها قرب يقع وقبل ما تلمس الارض كانت ايد ماهر لحقتها وعدلها بهدوء علي السرير وبدأ يبص علي ملامحها بهدوء وهيا كانت نايمه ومش حاسه بيه بسبب انها بقالها فتره مش مظبته نومها وبسبب ان سرير ماهر مريح احلام سابت جسمها ياخد كل الراحه اللي محتاجها..

بعد ماهر عنها ودخل للحمام علشان يستعد للشغل وبدأ ياخد شاور سريع …

وفي غرفة حمزه كان واقف يبص للبدل اللي جابها ماهر ليه علشان شغله في الشركة ولاكنه شايف انها مش عاجباه فقرر يروح لغرفة ماهر بنفسه ويختار بدله من بتوعه علشان يروح بيها للشغل واول ما فتح حمزه الباب علشان يدخل سمع صوت سيلين اللي كانت بتقرب منه وهيا بتقول بابتسامه :مرحبا حمزه كيف حالك!

حمزه خاف منها وقرر يهرب بسرعه من قدامها قبل ما تتهور وتقرب منه بطريقتها المرعبه دي تاني فقرر يفتح الباب ويدخل وبالفعل دخل حمزه لغرفة ماهربسرعه  وقفل وراه بالقفل بتاع الباب..

سيلين كانت واقفه برا وبتضحك بسخريه علي شكل حمزه وهي بتقول :انه احمق حقا؟؟

قالت سيلين كلامها ونزلت للصالون علشان تفطر وحمزه كان حاطط راسه عند الباب بيسمع خطواطها ولما اتاخد انها بعدت عن الباب اخد نفسه بالراحه وقبل ما يلف علشان يبص علي الغرفه لقي ماهر واقف قدامه وهو ماسك فوطه بينشف بيها شعره بعدما لبس هدومه!

ماهر قال بتساؤل:ايه اللي جابك هنا!

حمزه بصله وقال بتوتر:جيت علشان اخد بدله من بتوعك!

ماهر:ليه مش انا لسا جايبلك بدل  قريب  !

حمزه برفض:مش حلوين انا عاوز من بتوعك اللي لونهم اسود دول بيبق حلوين اوي !

ماهر حرك راسه بالموافقه وقال:طيب ارجع انت علي اوضتك وانا هجبهالك؟

استغرب حمزه وقال.لا مش عايز اتعبك معايا انا هدخل انا لان انت زمانك مرهق فهدخل اجيبها بسرعه واطلع!

ماهر فتح قِفل الاوضه وبعد حمزه عنه وهو بيقول:لا انا اللي هجبهالك واطلع بق علشان انا مبحبش اعيد كلامي كتير!

حمزه فضل يبص علي المكان وهو بيقول برفع حاجب:هو في حد معاك ولا ايه يا خالي منا بدخل اوضتك علي طول ..اول مره تقولي امشي كدا؟

ماهر فتح الباب بسرعه وخرج حمزه  وقال بغيظ منه:متبقاش متطفل وارجع اوضتك وبعدين هيكون مين اللي في الاوضه في وقت زي دا هو انت فاكرني زيك ولا ايه ؟

حمزه بصله بغيظ وشك في نفس الوقت وسابه واتحرك خطوتين وقبل ما يختفي من قدامه قال بابتسامه سريعه :بدله سودا هاا بلاش الكحلي دي علشان زهقت من ام اللون دا!

قفل ماهر الباب بسرعه وهوا بيبص حواليه واول ما عينيه جت تاني علي السرير لقي ان احلام لسا نايمه؟

قرب ماهر منها وهوا بيقول بهمس:مش انا قولتلك اول ما الصبح يطلع تمشي..

احلام مكنتش في وعيها ولا حاسه بيه وبوجوده قدامها..تيلفونها رن برقم مروه فبص عليها وهو بيشوف رد فعلها ومستني يشوفها هتقوم ولا هتكمل نوم!!

كانت مروه بتتصل علي احلام وهيا قلقانه عليها لأن أحلام امبارح بالليل اتصلت عليها اكتر من مره فكانت خايفه ان يكون حصلها حاجه مش كويسه..

ماهر فضل يبص علي احلام اللي مهتمتش لصوت موبايلها وكملت نوم فقرر يتجاهلها ويكمل لبس ولاكن الموبايل كان كل ما الرنه تفصل مروه تتصل من جديد.. فقرب من تيلفونها وقفله وهو بيبص عليها ومستغرب نومها التقيل..؟

انتهي ماهر من نظراته لاحلام ورجع كمل لبسه بسرعه واخد لحمزه البدله اللي طلبها من دولابه وخرج من الغرفه ..

كان حمزه واقف وهوا لابس هدومه الداخليه مستني ماهر يجبله البدله واول ما لقي الباب اتفتح جري بسرعه وقال وهو بيقفل الباب وبيمد ايديه:هات البدله ياخالي علشان قالع هدومي معلش!

ماهر اداله البدله وقال بضيق:انجز وحصلني علي تحت هستناك في العربيه!

حمزه قال بالموافقه :حاضر يا خالي مش هتاخر.قال كلامه وقفل الباب بسرعه وماهر اتحرك للاسفل وكان هيخرج من الباب ولاكن وقف علي صوت سيلين!

سيلين بفرحه:ماهر كيف حالك لقد افتقدتك !

ماهر وقف بضيق اول ما سمع صوتها فحرك جسمه ولف ليها وقال وهو بيبص عليها:صباح الخير يا سيلين عاملة ايه؟

سيلين سابت الاكل وقربت منه وهيا بتقول:انا ..هل تسأل عن أحوالي حقا؟

ماهر حرك راسه وقال بهدوء:ايه الغريب اني اطمن عليكي ليه كنتي فكراني هتعامل معاكي ازاي؟

سيلين بصت في عينيه وابتسمت وقالت:انا امرح يا ماهر هل انزعجت!

ماهر حرك راسه وقال:انا همشي علشان متاخرش علي الشركه وانتي ارجعي كملي فطارك وبالف هنا!

سيلين ابتسمت وحركت راسها بالموافقه ورجعت تاني قعدت علي السفره وهيا بتمسك الشوكه والسكينه وابتدأت تاكل بطريقه مثيره وهيا بتبص لماهر..

ماهر حرك راسه باستغراب منها وقرر يخرج لانه مش قادر يشوفها اكتر من كده واول ما ركب العربيه طلب من منعم انهم يستنوا حمزه !

_________

في المستشفي كان واقف قدام الغرفه اللي فيها ياسر "شوقي" المساعد بتاعه وكان بيبص عليه من الازاز وهو مصدوم من الحاله اللي وصلها رئيسه!

كان ياسر نايم علي السرير ووشه كله عليه لاصق طبي لانه اتعور جامد بسبب الضرب اللي اخده من ماهر ؟ 

بدأ ياسر يفوق ببطئ واو لما لاحظ شوقي انه بيصحي دخل بسرعه للاوضه وقال بفرحة:حمدلله علي السلامه يا ياسر باشا انت عامل ايه دلوقت حاسس بحاجه !

ياسر بص حواليه وهوا بيستوعب المكان وبدأ يفتكر كل اللي حصل فبص لشوقي وقال:الساعه معتك كام دلوقت!

شوقي بص. في ساعته بسرعه وقال:٧:٣٠ يا باشا..

ياسر حاول يقوم ولاكن لقي ان جسمه واجعه فقال بغضب:انا عايز اخرج من هنا حالا!

شوقي قرب منه وقال بتردد:بس يباشا انت محتاج ترتاح شويه لان الدكتور..!

صرخ ياسر في وشه وقال:انا مش باخد رأيك انا بقولك خرجني من هنا بسرعه انا مش ههدي غير وانا مدمرهم  كلهم علي اللي عملوه معايا ..بق انا ياسر غنيم اللي عمر ما حد هزلي شعره يجي واحد زي دا ويضربني بسهوله كده  قدام الناس  .. بق انا …انا اتضرب!

شوقي خاف من هيئته فرجع  لورا خطوه وقال:يباشا انا فاهم كل دا بس برضوا مينفعش تخرج انت لسا تعبان!

ياسر اتعصب اكتر وقرر يطلع غضبه عليه وقال:امشي من هنا مش عايز اشوف وشك!

وقف شوقي بحزن وقال:يباشا انا بس خايف عليك!

ياسر يغضب:شكرا يا شوقي مش عايزك تطمن عليه وروح بق اندهلي اي دكتور يجي يطمن عليا .

قشوقي حرك راسه بالايجاب وخرج من الغرفه وفضل ياسر يفكر يا تري هيردله اللي حصل دا ازاي..

رجع الدكتور مع شوقي ودخلوا لياسر وبدأ الدكتور يكشف علي ياسر اللي كان جسمه كويس ولاكن وشه اللي متدمر ومحتاج رعايه لحدما يخف …

الدكتور خرج  بعدما شرح لياسر هوا محتاج ايه وعرفه انه معليهوش خط علي وشه وان كل الخوضوع مجرد ورم بسبب فوت الضرباو اللي اخدها؟

 فضل ياسر وشوقي واللي كانو بيبصوا لبعض وساكتين ولاكن علامات الشر باينه في وشوشهم!

ياسر بص لشوقي وقال بغضب من ماهر:انا عايز اندمه عايز احرق قلبه لاني مش هسامحه علي اللي عملت معايا دا..،اسمع يا شوقي انا عايزك تعرف اي اكتر حاجه هو بيخاف عليها وتمون نقطة ضعفه  وتخلصنا منه فاهمني!

شوقي ضم حاجبه بتذكر وقال:لازم ادور يعني يباشا !

ياسر بصله بغضب وقال:ايوا امال انت شغال معايا ليه وبتاخد فلوس قد كده!

شوقي  قال بتردد: مش قصدي يباشا بس احنا مش محتاجين ندور هيا باينه اهي ان اكتر شخص ماهر الصياد بيحبه وبيخاف عليه هوا ابن اخته حمزه الشناوي يباشا… :يتبع 

"احنا مش محتاجين ندور يباشا هيا باينه اهي ان اكتر شخص ماهر الصياد بيحبه وبيخاف عليه هوا ابن اخته حمزه الشناوي…

حرك ياسر راسه بجديه وقال:حلو يبق تراقبلي حمزه دا وتعرفلي بيروح فين وبيقابل مين لحدما اقولك هتعمل معاه ايه!

شوقي قال بتوتر:بس يا باشا انت ناوي علي ايه انا مليش في القت"ل؟

ياسر بصله بغضب وقال:قت"ل ايه انت كمان كل الحكايه ان انت هتدبرله حدثه معتبره علشان نحرق قلب ماهر عليه شويه علشان بعد كدا يحترم نفسه ويبطل عنتظزة علينا '

شوقي بدأ يقلق من كلام ياسر وحرك راسه بالموافقه وقال:تمام ياباشا اللي حضرتك تقوله انا هنفذه..

ياسر بص لشوقي بصه طويله بصمت وبعدها قال وهو بيرجع بضهره علي السرير وبيقول:روح كمل شغلك انت ونفذ اللي قولتلك عليه!

شوقي حرك راسه باحترام وقال:بعد اذنك يا فندم'

ياسر غمض عينيه براحه وشوقي خرج من الغرفه ولأول مره يحس باحساس الخوف لانه متوقعش ان ممكن ياسر يأذي شخص علشان يضايق شخص تاني..فحس انه حقير جدا لان أصبح خاين بسبب شويه فلوس فلف بجسمه بص علي الاوضة بتاعت ياسر وقال بحزن:ربنا يهديك يا ياسر باشا وترجع عن اللي في دماغك دا لانك متعرفش ماهر الصياد علي حقيقته !

قال شوقي كلامه وخرج من المستشفي واتحرك لشغله في شركة ماهر….

_________

وفي غرفة العناية المركزه بداخل نفس المستشفي اللي ياسر دخل فيها كان موجود والد احلام واللي فجاه قلبه وقف عن النبض واول ما لاحظ الدكتور ضرب جهاز الانذار بسرعه وبدأ يعمل اسعاف للقلب لحدما بقيت الدكاتره يوصلوا..

وبعد وقت كانوا الدكاتره المسؤولين عن حالته وصلوا وبدأو يعالجوا الوضع وبعد تاني محاوله لانعاش القلب رجع النبض تاني.. والد احلام كان واضح جدا علي حالته انه مش هيقدر يعمل العمليه بسبب ان الورم اللي في مخه كبر بسرعه ومكانوش قادرين يحددوا سبب المشكله ..

الدكتور خرج من الغرفه وقرر يتصل علي احلام علشان يبلغها بحالة والدها ولأن احلام كانت نايمه نوم عميق مقدرتش تسمع صوت رنه الموبايل فقرر الدكتور يتصل علي ماهر وبالفعل ماهر رد عليه..

الدكتور بلغ ماهر عن حالة والد احلام وماهر بلغه انه هيوصل للمستشفي في خلال دقايق..

قفل الدكتور المكالمه مع ماهر واتجه لمكتبه وطلع من علي تيلفونه تسجيل صوتي لوالد احلام وبيفتكر النقاش اللي كان بينه وبين والد احلام لما فاق امبارح !

"" كانت الممرضه اللي كانت بتتابع حالة والد احلام في العنايه المركزه لاحظت انه فاق تاني وكان بيحاول يندهلها ولاكن مش عارف بسبب ان ايديه فيها الاجهزه ومش قادر يشيل جهاز الاكسجين ..

فقربت منه الممرضة وقالت بتساؤل :حضرتك عاوز تقول حاجه؟

والد احلام غمض عينيه بالموافقه والممرضه شالت جهاز الاكسجين وقالت:اتفضل قول انا سمعاك!

والد احلام قال بتعب:عاوز الدكتور!

الممرضه حركت راسها بالموافقه وخرجت بسرعه وراحت لمكتب الدكتور وبلغته ان المريض فاق تاني وعاوزه !

الدكتور اتحرك بسرعه لغرفه العنايه واول مشاف والد احلام صاحي فعلا قرب منه بسرعه وقال بتساؤل:حضرتك كويس !

والد احلام حرك راسه بالموافقه وقال:الحمدلله يا دكتور ..انا عاوز اسالك سؤال بس ممكن تخلينا لوحدنا بس الاول !

الدكتور حرك راسه بالموافقه وبص علي الممرضه اللي واقفه تتابع كلامهم وقال:اخرجي انتي دلوقت!

الممرضه خرجت وفضل في غرفة العنايه الدكتور بس واللي قرب من والد احلام وقال:اتفضل انا سامعك يا استاذ محمد عاوز تقول ايه !

والد احلام قال بتساؤل:كنت عايز اعرف مين اللي دفع تكاليف العمليه بتاعتي!

الدكتور حرك راسه بتفهم وقال :احلام بنت حضرتك!

والد احلام حرك راسه بالرفض وقال:مستحيل تكون احلام بنتي اللي دفعت الفلوس دي كلها هو مش حضرتك قولتلي انها كانت بتدفع مصاريف المستشفي خلال ال٨ سنين اللي كنت فيهم في الغيبوبه فمستحيل تكون قدرت توفر حق العمليه دي !

الدكتور بصله وقال بتفهم:تمام يا استاذ محمد انا هقولك الحقيقه .. فعلا احلام بنتك مدفعتش فلوس للعمليه واللي دفع الفلوس رجل اعمال مشهور اسمه ماهر الصياد؟

والد احلام اتصدم لما سمع الاسم فقال بتساؤل:بتقول اسمه ماهر الصياد؟

الدكتور حرك راسه بالموافقه وقال:هوا بصراحه دفع فلوس كتير للمستشفي علشان حضرتك والظاهر كده انه يعرف الانسه احلام كويس لانه بيكون معاها علي طول..

والد احلام ابتسم ومكنش متوقع ان ماهر ابن صاحب عمره هوا اللي يساعده فبص للدكتور وقال:لو سمحت يا دكتور انا عاوز اقابله ..

الدكتور حرك راسه بالموافقه واتصل بماهر ولاكن ماهر مردش علي المكالمة بسبب انه كان مشغول في الحفله فبصل لوالد احلام وقال:مش بيرد علي اتصالي تحب حضرتك اتصل عليه تاني!

والد احلام بص للدكتور بصه هو فهمها وقال:ممكن تسجل الكلام اللي هقوله دا وتبق تخليه يسمعه لو انا مقدرتش اقوم تاني !

الدكتور بصله وقال بقلق:ان شاء الله هتقوم وتبق كويس بلاش تقول الكلام دا يا استاذ محمد!

ابتسم والد احلام وقال:انا حاسس بنفسي يا دكتور انا خلاص بعيش اخر ايامي ومش ضامن بكره هعيش ولا لأ بس ارجوك سجل كلامي اللي هقوله دا لانه مهم اوي بالنسبالي ..

الدكتور ابتسم بهدوء وحرك راسه بالموافقه وبالفعل نفذ كلام والد احلام ومسك تيلفونه وفتحه علي تسجيل الصوت وقرب التيلفون من والد احلام وقال:انا هسيبك تقول اللي انت عايزه التيلفون دا هيسجل كل كلامك انا هخرج برا شويه لحدما تخلص براحتك؟

والد احلام حرك راسه وقال بهدوء :شكرا اوي ليك يا دكتور؟

الدكتور خرج من الغرفه وساب والد احلام يقول كل الكلام اللي عاوز ماهر يسمعه ..

"باك"

كان واضح علي وش الدكتور انه حزين بسبب الحاله اللي وصلها والد احلام وكان مستغرب انه ازاي شويه بيتحسن وشويه حالته بتسوء ولاكن المره دي فعلا كان واضح ان الاستاذ محمد مش هيلحق يعمل العمليه فحط الدكتور التيلفون بتاعه قدامه علي المكتب ورجع ضهرة لورا ومستني ماهر يوصل..

وفي شركة الصياد ..

خرج ماهر بسرعه من مكتبه من غير ما يقول اي كلمه وكان في استقباله منعم اللي فتحله الباب بسرعه وركب في مقعد السواقه واتحركوا بالعربيه للمستشفي ..

وفي القصر كانت سيلين انهت فطارها واتحركت لاوضتها مره تانيه واول ما قفلت الباب وراها كويس قربت من علبه البيتزا اللي استلمتها امبارح من الشاب وفتحتها ومسكت قطعه منها وبدات تقطعها ببطئ لحدما ظهر كيس بدره بيضه كان مدفون كويس في العجينه ومن الواضع ان البيتزا دي غير صالحه للاكل وانها مصنوعه بس علشان يقدروا تجار المخدرات يخبوا فيها المخدرات من غير ما حد يبنبه ليهم ودي كانت خدعه من خدعاتهم!

رواية حبيبي المدير بقلم شيماء صبحي

مسكت سيلين الكيس وابتسمت بحب وبعدها طلعت صينيه صغيره كانت اخدتها من المطبخ من غير ما حد ينتبه ليها وبدات تحط البدرة عليها بطريقه متساويه وبعدها طلعت ١٠٠ دولار من شنطتها ولفتها بطريقه دائريه لحدما اصبحت ال١٠٠ دولار شبه لفة السيجاره فقربت سيلين الورقه من البودره وحطتها عند مناخيرها وسدت بصوباعها فتحت مناخيرها التانيه وبطريقه سريعه استنشقت سيلين كل البودره اللي حطتها علي الصينيه وبدات تتقلب بسرعه وهيا قاعده مكانها بسبب التأثير القوي الي البودره بتعملة في الدماغ..

سيلين وقعت علي الارض بعد دقايق بسبب عدم وعيها للي بيحصلها وفردت جسمها على الارض وهيا بتبص للسقف وعلي ملامح وشها السعاده الكبيره ..

فضلت علي الوضع دا دقائق لحدما سمعت رنه موبايلها وكانت صديقتها الأمريكيه لينا فابتسمت وفتحت المكالمه وكانت مكالمه فيديو لينا قالت بدهشه:اووووه سيلين ماهذا هل انتي بخير!

حركت سلين راسها وقالت:نعم لقد اخذت القليل من البودر المصري!

ابتسمت صديقتها وقالت بتساؤل: امم حسنا هل هوا جيد!حركت سيلين راسها بالموافقه ولينا قالت: اخبريني سيلين ما الاخبار هل عرضتي الزواج علي ماهر؟

سيلين بضيق:نعم لقد فعلت!

لينا بفضول:وماذا قال لكِ؟

سيلين بغيظ: قال ماهر انه يحب فتاة اخري!

لينا بدهشه:هل تمزحي كيف هذا ألم تقولي لنا انه يحبك؟

سيلين بحزن:كنت اعتقد ذلك ولاكني كنت مخطئة!

لينا :حسنا سيلين عودي الي دبي افتقدك كثيرا لماذا انتي مصُره بوجودك في مصر الان؟

سيلين بغضب:لن اذهب الي اي مكان قبل ان اعرف من هيا تلك الساقطة!

لينا :ماذا ؟؟ انتي لم تعرفيها حتي الان ..؟

سيلين:لا ولاكن ماهر قام بوصفها امامي يقول بانها فتاه محجبة وانها اوقعته في حبها بدون ان تبين زينتها امامه!

خرجت لينا لسانها وقالت بتقزز:هل هذا نوع ماهر المفضل من الفتيات ..اعتقد انه قد تغير زوقة كثيرا ؟

سيلين حركت راسها بالموافقه وقالت:اخبريني لينا هل الأمور عندك بخير هل تركتي حبيبك شارلي؟

لينا بصتلها وحركت راسها بخجل وقالت :لا لم نفترق لأنني اكتشفت انه كان يعمل مقلب ولاكنه اثبت لي انه يحبني حقا هل تريدين معرفه ماذا فعل شارلي من اجلي لكي لا اتركة وحيدا؟

حركت سيلين راسها بالرفض وقالت: لا اريد سماع اي شئ انا الان اشعر بالتعب واريد ان اخذ قيلوله قبل ان يعود ماهر لانني اريد ان اناقشه في أمر ما ..

لينا بابتسامه:حسنا الي اللقاء!

سيلين شاورتلها بايديها وقفلت المكالمه وهيا بتقول غضب:كيف تسمح لنفسك يا ماهر ان تحب فتاه غيري ..اريد أن اعرف لماذا قمت بخداعي كل هذه السنوات ..لقد احببتك بصدق !

قالت سيلين كلامها وغمضت عينيها بسبب تأثير المخدر ولاكنها قررت انها تخرج وتروح لغرفه ماهر وتنام علي سريره لانها مفتقداه وعايزه تحس انها مقربه منه ووجودها في غرفته هيحسسها بنوع من الراحه..

اتحركت سيلين في اتجاه غرفة ماهر ولاكن قبل ان تفتح الباب استمعت لصوت مرسي اللي واقف وراها وبيقول بتساؤل:انسه سيلين حضرتك رايحه فين!

سيلين اتضايقت من سؤاله وقالت بغضب:اريد ان اعلم من سمح لكم بالتدخل في شأني هل نسيتم من انتم ومن انا؟

مرسي اتحرج من كلامها وحرك راسه ببطئ وقال:بعتذر يا انسه سيلين مكنش قصدي اضايقك!

سيلين رمقته بنظره غاضبه واتحركت لداخل غرفة ماهر واقتربت من السرير اللي كان غير مرتب وفردت جسمها عليه وهيا بتغمض عينيها بتعب…

كانت احلام دخلت لغرفة ملابس ماهر لانها كانت فاقت علي صوت سيلين وحست انها داخله للغرفه فقامت بسرعه اخدت الفستان بتاعها وشنطتها وجريت استخبت في الاوضه..

احلام قفلت الباب بالقفل بتاعه علشان لو البنت اللي دخلت الاوضه دي جربت تتدخل الغرفه اللي فيها احلام متعرفش وبعدها احلام قعدت علي كرسي موجود في الاوضه وهيا بتاخد نفسها بالعافيه..

سيلين ابتدات تشم ريحة برفان حريمي فبصت للاوضه باستغراب وهيا بتقول:هل كانت هنا فتاه؟

قالت كلامها وهيا بتتفحص الغرفه وكانت وقتها احلام سمعه صوت خطواتها .. بدأت سيلين تدور في الاوضه علي اي أثر يثبت صحة كلامها وكانت متاكده ان البرفيوم دا بخص بنت ومش معقول يكون لماهر خصوصا ان الريحه كانت اقوي علي السرير..

تيلفون احلام رن برقم مروه واحلام مسكته بسرعه قبل ما صوت الرنه يعلي وقفلته

علشان ميبانش ان في حد في الاوضه..

بعدما سيلين لفت في الجناح كله وهيا بتدور علي البنت اللي هيا شاكة انها في الاوضه ولاكن ملقتش حاجه فبصت لباب الغرفه المقفول وقررت تقرب منها وهيا بتفتح الباب لقت انه مقفول فسمعت سيلين صوت خطوات جايه من برا فجريت بسرعه خرجت من الاوضه وقفلت الباب بالراحه علشان متعملش صوت لانها اعتقدت انه ماهر وهيا نش عايزاه يشوفها وهيا ف يالخاله دي..

كان الشخص اللي بيقرب من الاوضه واحد من الخدم واللي كان داخل علشان ينظف الجناح ..

كانت احلام لسا سامعه صوت في اللوضه فقالت بضيق:هيا هتبات هنا ولا ايه دي كمان..

بدا الخادم ينظف الغرفه وعدي علي وجوده ساعه كامله لحدما انتهي من تنظيف الغرفه وتنظيمها..

كانت احلام قاعده وحاسه بملل شديد فرفعت عينها تشوف ايه الغرفه دي ومتكونه من ايه واتفجات انها مليانه بدل رسميه وملابس عاديه وفي قسم للبس الكاچوال وقسم تاني للجزم وغير قسم الجرافتة وقسم كبير للساعات المضيئة في الضلمه لان اكثرهم كانوا مصنعوين من الالماظ.

قربت احلام منهم وعلي ملامحها الدهشه هيا كانت اتصدمت مره وعرفت ان ماهرغني ولاكن متوقعتش انه يبق غني لدرجة ان ساعاته من الالماس !

ولفت نظرها كمان باسكت مليان ملابس موجود في ركن مختفي فقربت منه وهيا بتبصله ولقت ان فيه الملابس اللي ماهر بدلها امبارح بعد الحفله ..

مسكت احلام قميص البدله وهيا بتشمه واتفجات من جمال ريحته فابتسمت باستمتاع وهيا بتحط ايديها وبتلامس القميص وبتقول:طول عمرك مميز وريحتك حلوه..

بدات احلام تفتكر ذكريات بداية مراهقتها مع ماهر وقد ايه في البدايه كان بيعاملها باهتمام ولاكن اتغيرت معاملته بعد اعترافها ليه بحبها لانها كانت سمعت وقتها من بنت زميلتها انهم دلوقت لما بيحبوا شخص بيحسوا بنبض قلبهم بيزيد فقررت احلام تجرب مع ماهر وتشوف نبض قلبها لما بيقرب منها ولاكنها اتفجأت ان قلبها بينبض اول ما تشوفه بس فابتسمت لتذكرها مدي حبها لماهر وقتها وازاي هوا كان شاب بسيط ..

فرجعت احلام للكرسي تاني وقعدت عليه وكانت لسا ماسكه القميص في ايديها لحدما اكتشفت احلام ان الاصوات اللي في الغرفه اختفت فقررت تخرج وتشوف الوضع وكانت وقتها بتمشي ببطئ علشان وجع رجليها وكانت ناسيه تماما انها ماسكه قميص ماهر لسا في ايديها؟

كان ماهر وصل للغرفه وعلى ملامح وشه الحزن بعدما قابل الدكتور وسمع كلام الاستاذ محمد ليه وعرف من الدكتور قد ايه حالته بتسوء وانهم للاسف مش هيقدروا يعملولوه العمليه دلوقت لان ممكن عقله يتوقف خالص عن العمل وهما خايفين عليه..

ماهر بص علي احلام اللي ماشيه تتسحب وهيا ماسكه الفستان بتاعها في ايديها وشنطنها وقميص ليه في ايديها التانيه!

قرب ماهر منها وهو مستغرب انها لسا مروحتش لان يعتبر نص اليوم خلص وقبل ما يلمسها علشان يعرفها انه موجود وشايفها لقاها فجاه اتزحلقت ووقعت عليه ..

ماهر اتخبط في مناخيره بسبب انها صدمتة برقبتها وهيا بتقع..

ماهر لحقها في اخر لحظة قبل ما تلمس الارض وكانت مناخيره بتزف ..احلام شهقت وهيا بتقوله:انت هنا من امتي ..

ماهر ساعدها تقف كويس وحط ايديه مكان الخبطه وكان في دم كتير احلام اول ما لفت علشان تشوفه اتصدمت انه بينزف فلمست مكان الخبطه وقالت بلهفة:ماهر انت كويس. دي بتجيب دم.

ماهر بصلها وهو سرحان وهيا بصت حواليها وافتكرت علبه الاسعافات فقربت عليها بسرعه تجيبها ونسيت رجليها اللي بتوجعها وقربت منه بسرعه وفتحت العلبه وكان ماهر واقف يبص عليها وهو مش عارف هيتصرف معاها ازاي بعد اللي ابوها طلبه منه وبدا يفتكر كل كلام الدكتور !

لما ماهر وصل المستشفي ودخل لغرفة الدكتور ..الدكتور قرب منه وقال:حمدلله علي سلامتك يا ماهر باشا اتفضل ..انا اسف لو كنت ازعجت حضرتك بس انا رنيت عليك لان الانسه احلام مبتردش علي تيلفونها فمكنش قدامي غيرك..

ماهر حرك راسه بالموافقه وقال : ولا يهمك يا دكتور المنهم طمني علي عمي محمد هو كويس!

الدكتور حرك راسه بحزن وقال:للاسف حالته بتسوء وفي الحقيقه انا متعجب من تغير حالته اللي فجاه تتظبط وفي لحظة تسوء..

متنسوش تعملوا متابعه لصفحتي الكاتبة شيماء صبحي shaimaa sobhyعلشان بينزل عليها اجمد الروايات الحصرية 🫶

ماهر قال بقلق:يعني ايه يا دكتور هوا مش هيعمل العمليه ..انا شايف ان حضرتك تستعجل علشان كدا هيكون غلط عليه واكيد سوء حالته دا بسبب التأخير؟

الدكتور حرك راسه بالرفض وقال:اسمعني بس يا ماهر بيه انا في حاجه مهمه لازم اعرفهالك قبل ما نكمل كلامنا علي حالة الاستاذ محمد لان دا طلبه وانا لازم احترم قراره وانفذ اللي هوا طلبه مني ..

ماهر بدا قلبه يشعر بالقلق فبص للدكتور وقال بتساؤل:قرار اي يا دكتور اوعي تقولي انه رفض يعمل العمليه!

الدكتور بصله بحزن ومسك موبايله من علي المكتب وفتحه وقال:دا تسجيل صوتي من استاذ محمد طلب مني اسجله لاني قولتله انك اللي دفعت فلوس عمليته!

ماهر بضيق:طيب يا دكتور انا مش قايلك متعرفش اي حد وبعدين احلام عرفت فقط ولاكن ليه تقوله حاجه زي دي اكيد طبعا هيتضايق وهيرفض يعمل العمليه..

الدكتور حرك راسه بالرفض وقال:لا خالص يا ماهر باشا هوا لما عرف انك اللي دفعت الفلوس ابتسم ودا مش رافضه للعمليه خالص اتفضل حضرتك اسمع التسجيل دا وبعدها خلينا نكمل كلامنا ..

ماهر اخد من الدكتور التيلفون والدكتور قال:اانا هروح اطمن علي حالته دلوقت لحدما تسمع التسجيل كله بعد اذنك!

ماهر حرك راسه بالموافقه وكان مستغرب من اللي بيسمعه والدكتور خرج وقفل وراه الباب..

وماهر اتنهد بتوتر وشغل التسجيل وبدأ يسمع صوت الدكتور وهو بيعرف والد احلام انه يتكلم واستاذن منه وخرج وبعدما ماهر سمع اصوات انفاس الاستاذ محمد وكأنه بيضغط علي نفسه علشان يتكلم وبعد كام ثانيه بدأ يتكلم ويقول..

انا طلبت من الدكتور يخليني اسجل الكلام دا علشان تسمعه يا ماهر ..انا قلبي حاسس انك ماهر ابن صديق قلبي حسن صح..

ماهر لما سمع كلامه حرك راسه بالموافقه وبدا والد احلام يكمل كلامه ويقول بصوت ضعيف:انا متشكر جدا ليك يا ماهر انك دفعتلي الفلوس وساعدت بنتي لانها كانت مضغوطه طول السنين دي علشان بس تدفعلي مصاريف وجودي هنا في المستشفي ..كان والد احلام بيتكلم ودموعه نازله بحزن علي خده وبدأ صوته يكون واطي اكتر بسبب تعبه وكمل وقال:انا معرفش اي حاجه عن احلام من اخر مره شوفتها لما كانت في اخر سنه ليها في الثانوي. واخر مره لما فوقت من الغيبوبه .احلام اتغيرت اوي وكبرت اوي .. وهيا صغيره كانت بتسالني عنك كتير يابني وكانت زعلانه منك علشان ضحكت عليها ومرجعتش ..بس انا قولتلها انك هترجع وانت مخيبتش ظني فيك ورجعت.. انا متشكر لوجودك جمبها دلوقت رغم اني مش عارف ايه نوع علاقتكم هل هي بتحبك او انت بتحبها بس انا بطلب منك متسبهاش لوحدها تاني وطلبي ليك يا ماهر انك تتجوز احلام بنتي لاني خلاص يابني بقضي اخر ايامي وعلشان اكون مطمن عليها وان في راجل جمبها ويحميها ويحافظ عليها علشان مدا بطلب منك تتجوزها لأني مش هطمن عليها مع حد غيرك

كان ماهر بيسمع كلامه ودموعه بتنزل وكان بيحرك راسه بالموافقه وبيقول بهمس:متقولش كدا يا عم محمد انت هتكون كويس!

والد احلام :انا هكون مستني ردك علي كلامي تقدر تدخل غرفة العنايه وتقولي وانا يشرفني انك تبق جوز بنتي ..

التسجيل خلص وماهر كانت دموعه بتنزل ومكنش قادر يتحكم فيها وبسبب كلام والد احلام ماهر قام بسرعه وهوا بيتجه لغرفة العنايه وكان وقتها الدكتور موجود ومعاه المساعدين وبيعالجوا والد احلام .. فضل ماهر واقف برا لحدما خرج الدكتور فقرب منه ماهر وقال:لو سمحت يا دكتور خليني اكون معاه لوحدي عايز اقوله حاجه !

الدكتور بص لماهر وقال:للاسف حالته بقت صعبه اوي وهو دلوقت اقدر اقولك انه بيودع ..

ماهر اول ما سمع كلام الدكتور اتصدم اكتر وقال:بس انا لازم اقوله ردي علي كلامه دا طلبه في التسجيل يا دكتور وانت عارف ان المريض لازم ننفذ طلباته؟

الدكتور بص حواليه وهو بيفكر وبعدها حرك راسه بالموافقه قال:طيب يا ماهر باشا خليني اجهزك علشان تقدر تتدخل الغرفه!

ماهر حرك راسه بالموافقه ومشي مع الدكتور ولبس لبس معقم وبعدها دخل لغرفة العنايه ووقف قدام والد احلام ودموعه بتنزل وبيقول:انا موافق يا عم محمد اتجوز احلام ودا مش علشان انت طلبت مني بس لا انا بحب احلام فعلا ..بس انت مش لازم تسيبنا حاول علشان خاطر احلام دي بقالها سنين مستنياك ترجعلها ..

الاستاذ محمد كان سامع كلام ماهر ومكنش قادر يتحرك لانه يعتبر جسمه خلاص بسبب ان العقل بدأ يغيب عن الوعي فالجسم بق شبه مشلول!

ماهر كمل كلامه وقال بحزن:احلام هتزعل اوي لو سيبتها علشان خاطري طيب حاول مره تانيه!

بدا والد احلام يفارق الحياه بعدما سمع موافقه ماهر لحدما الاجهزه اللي كانت مربوطه بجسمه بدات تصفر بسبب ان النبض وقف واصبح والد احلام جسد بلا روح!

ماهر كان بيبصله ودموعه مغرقه وشه بحزن وبيقول بصدمه:عمي محمد ..عمي محمد لا متعملش كدا ارجوك ..!

الدكاتره دخلوا للغرفه وبدأو يشيلوا الاجهزه من علي جسم والد احلام ويغطوا وشه وماهر كان واقف ومصدوم لحدما فاق من الصدمه علي لمسة ايد الدكتور اللي بياخد بايديه وبيخرجه من الغرفه وبيرحوا الاتنين للمكتب ااني والدكتور بيقول بحزن:البقاء لله يا ماهر باشا ربنا يصبر قلبك !

ماهر بص للدكتور وعلامات الحزن الشديد واضحه علي ملامحه والدكتور قال:احنا هنبلغ الانسه احلام بخبر موت والدها وبقيت اهلهم و..

ماهر انتبه لكلامه وقال بمقاطعه:لا متعرفش حد بحاجه انا اللي هعرفهم علشان انا مش ضامن احلام فين دلوقت وهيا صدمتها اكيد صعبه وومكن لو علي طريق وسمعت حاجه زي دي متقدرش تستوعب فخليني انا ابلغها وكملن هقول لعمها !

الدكتور حرك راسه بتفهم وماهر قلع الهدوم اللي كان لابسها وحطها علي الكرسي وخرج من غرفة الدكتور وخرج من المستشفي وكان منعم وصله الخبر فبصله وقال بحزن:البقاء لله يا ماهر باشا!

ماهر قال بحزن:ونعم بالله يا منعم وديني علي المنطقة اللي روحناها قبل كده؟

منعم حرك راسه بالموافقه واتحركوا للمنطقه!

وفي الطريق كان ماهر سرحان وبيفكر في كل اللي حصل وكان حزين؟

بعد وقت وصلوا في المنطقه وماهر وصف لمنعم بيت عم احلام وقدروا يوصلوله بسهوله وبعدما وصلوا خرج ماهر من عربيته واتجه للداخل وقال:المعلم ابراهيم موجود!

اللي ردت عليه كانت بنت شابه وقالت:ايوا موجود اقوله مين!

ماهر:قوليله ماهر من طرف والد احلام !

البنت بصت لماهر باعجاب وقالت:انت من طرف عمي اتفضل اتفضل!

ماهر حرك راسه ودخل للبيت وكان عم احلام قاعد بياكل فقال ماهر بخجل:السلام عليكم!

عم احلام انتبه ليه وقال:اتفضل معانا يا بني ..

ماهر حرك راسه وقال برفض : متشكر بالف هنا انا بس عاوزك في كلمه سريعه علي جمب؟

عم احلام حرك راسه بالموافقه ومسح ايديه بالقماشه اللي قدامه وقرب من ماهر واخده بعيد شويه وقال:أومرني يا استاذ!

ماهر قال بجديه:قبل ما اقول اي حاجه لازم حضرتك متنفعلش لحدما اخلص كلامي للاخر !

عم احلام حرك راسه بالموافق وقال:اتفضل يا بني قلقتني؟

ماهر:الاستاذ محمد اخو حضرتك توفي من شويه وانا جيت علشان اطلب منك خدمه علشان نحققله امنيته الاخيره!

عم احلام اتصدم من كلامه وقال :اخويا مات!

ماهر مسك دراعه وقال:اسمعني كويس يا عم ابراهيم انا برضوا ماسك اعصابي ومش عايز ابين اي حاجه دلوقت انا بس كل اللي طالبه ان حضرتك تيجي معايا القصر بتاعي علشان اكتب كتابي انا وبنت اخوك الانسه احلام لان دا طلب عمي محمد الاخير ووصيته ليا !

عم احلام حرك راسه وقال بتسأؤل:اخويا اللي طلب منك تتجوزها ؟

ماهر حرك راسه وقال :لازم موضوع الجواز دا يتم قبل ما احلام تعرف ان والدها مات لان لو عرفت مستحيل توافق لاني عارفها الزعل بيأثر عليها ؟

عم احلام كان بيبكي وبيقول:ماشي يا بني استني بس اغير هدومي واجي معاك ..ربنا يرحمك يا اخويا!

ماهر برجاء:ارجوك يا استاذ ابراهيم تمالك اعصابك مش عايزين حد يعرف اي حاجه دلوقت !

ابراهيم حرك راسه بالموافقه ودخل يغير هدومه وماهر خرج لمنعم وقال:اتصل باي مأزون تعرفه يجي القصر بسرعه عايزه يوصل خلال نص ساعه وميتأخرش وبلغه اني هديله اللي هوا عايزه بس بسرعه!

منعم حرك راسه بالموافقه وطلع تيلفونه بسرعه وبدأ يتصل علي والد خطيبته لانه مأزون وماهر كان واقف حيران وساكت لحدما خرج عم احلام وففتحله ماهر الباب وركب عم احلام وبعدها ماهر ركب جمبه ومنعم اتحرك بيهم بسرعه للقصر؟يتبع ..!بقلمي شيماء صبحي

فاق ماهر علي صوتها وهيا بتحط القطنه اللي فيها مطهر علي جرحه وبتقول:انت سامعني .

ماهر بص في عينيها وهيا ابتسمت وقالت:حاسس بوجع دلوقت هو الجرح مش كبير ولاكن شكلك عندك دم كتير !قالت كلامها بهزار..وماهر بصلها بتوهان وهو بيفكر في رد فعلها لما يعرفها ان والدها مات ومش عارف يحدد ايه رد فعلها لانه بقاله كتير ميعرفش عنها حاجه ومش قادر يحدد هتتعامل ازاي مع الخبر!

فمسك ماهر ايديها اللي ماسكه بيها القطنه  وهوا بياخد منها القطنه وبيرميها الي الارض واحلام كانت باصه في عينيه ومتوتره من نظراته وهو حاول علي قد ما يقدر يتماسك قدامها وميبكيش وقال وهوا مركز في عينيها:احلام!

احلام اتوترت اكتر لما سمعت اسمها وكان قلبها بيدق جامد فحركت راسها بخجل وقالت بصوت هادي:نعم! 

ماهر بص في عينيها اكتر وقال بهدوء:تتجوزيني؟

احلام بصتله بصدمه وبدات تحس ان قلبها هيخرج من جسمها بسبب قوة ضرباته وهو كان مركز مع رد فعلها فحركت احلام راسها بخجل لانها بدات تحبه من جديد ولاكن المره دي كانت واثقه من حبها ليه فقالت بتساؤل:انت لسا متعرفش حاجه من اللي حصلت امبارح ولازم احكيلك الاول!

ماهر ضمها لحضنه بسرعه وقال:ششششش بس يا احلام انا مش عايز اسمع اي حاجه دلوقت المهم دلوقت قوليلي موافقه تتجوزيني حالا ولا لأ؟

احلام كانت مستغربه حضنه ليها ولاكنها كانت فرحانه من قربه منها لانها كانت مستنيه الحضن دا من سنين وضمته اكتر ليها وهوا كان بيحاول يمنع دموعه ولاكنها لما سمعت اخر كلامه قالت بصدمه: بتقول حالا؟

ماهر بعد عن حضنها وقال:ايوا يا احلام حالا مش انتي معاكي بطاقتك ..احلام حركت راسها بالموافقه وهوا قال:يبق خلينا نتجوز دلوقت علشان انا مسافر ومش عايز اسيبك تاني كفايه اني سيبتك زمان ومعرفتش ارجع ولاكن بجاوزي منك هرجع تاني يا احلام ! 

احلام اتوترت اكتر من كلامه وقالت:بص لو كل دا علشان الفلوس اللي دفعتها لبابا انا هرجعهالك زي ما قولتلك  وو..ماهر قاطع كلامها وقال:انا عاوز اتجوزك  يا احلام لاني بحبك مش علشان الفلوس ولا الكلام الفاضي دا..

احلام قلبها فضل يدق جامد وماهر قرب من شفايفها وقبلها بلطف وبعدها بصلها وقال:انا عارف ان دا مش وقته بس انا  بحبك  يا احلام وانا عارف ان الموضوع جه فجاه بس ارجوكي وافقي وانا اوعدك اني هشرحلك كل حاجه بعدين..ماهر قال كلامه وفضل باصصلها واحلام  بدأت تفكر في كلامه للحظة وحركت راسها بالموافقه وقالت بخجل شديد :موافقه!

ماهر ابتسم و بص لهدومها وقال بهدوء :طيب غيري هدومك دي والبسي الفستان بتاعك لأن المأزون مستني تحت ؟

احلام حركت راسها بالموافقه ولفت وشها علشان تمشي وهيا مش فاهمه ايه اللي غيره فجأة وليه طلب يتجوزها رغم انه امبارح بس مكانش طايقها..كانت علامات الدهشه واضحه علي ملامحها لحدما اتحركت لغرفة الملابس علشان تغير هدومها وكانت وقتها ماسكه شنطتها فمسكها ماهر بسرعه من ايديها وقال:خلي شنطتك معايا لحد ما تخلصي براحتك؟

احلام حركت راسها بالموافقه ودخلت للاوضه بسرعه وكانت حاطة ايديها علي قلبها ومش مصدقه اللي سمعته فحست للحظة انها مرتاحه وفكرت انها  علي الاقل دلوقت مش هتخاف من حاجه تاني بسبب الفلوس اللي هوا دفعها لوالدها وفي نفس الوقت هتقدر تسيب شغلها مع  ياسر بدون خوف ..فقررت تلبس الفستان بسرعه وخرجت بعد دقايق واول مشافته قاعد وسرحان قالت:انا خلصت!

ماهر انتبه ليها وحرك راسه بالموافقه وقرب منها ومسك ايديها وقال:خلينا ننزل تحت علشان نكتب الكتاب ومتقلقيش انا كلمت عمك وطلبت ايديك منه وبلغته اني هتجوزك وهوا دلوقت تحت مستني مع المأزون ؟

احلام اتوترت لسماعها ان عمها موجود فبصتله وقالت بتوتر:بس انا متوتره اوي  ؟

ماهر ضمها ليه علشان يطمنها وقال:متتوتريش انا معاكي وبعدين انا متشكر جدا انك وافقتي واتفهمتيني!

احلام بصتله بخجل وبعدت عينها بسرعه وقالت:طيب خلينا ننزل؟

ماهر حرك راسه بالموافقه وخرجوا الاتنين من جناح ماهر واتحركوا لتحت واول ما احلام شافت عمها والمأزون فضل قلبها يدق بتوتر لأن الموضوع جه بسرعه ومكنتش مرتباله بس لما بصت في عين عمها لقته حزين فبدأت تتوتر لان قلبها اتقبض فجأة!

ماهر طلب من أحلام تقعد جمب عمها وهوا قعد مقابل عمها وفي اللحظة دي بصلهم المأزون وقال:ابدأ !

ماهر حرك راسه بالموافقه وقال:ابدأ يا مولانا؟

 جهز المأزون القسيمة وطلب من ماهر يمضي و ماهر مضي وبعده احلام مضت وكان وكيل احلام عمها فمضي هوا كمان وفي الاخر طلب المأزون من ماهر يمسك في ايد عم احلام وبدأ يقول الكلام الخاص بالزواج وهما يرددوه وراه لحدما جه وقت وقت نطقه للكلمة الشهيره :بارك الله لكما وبارك عليكما وجمع بينكما في خير بالرفاء والبنين ان شاء الله!

ماهر بص لاحلام وابتسم بهدوء وهيا بصت في الارض بخجل وبعدها عمها سلم علي المأزون وشكره  وسلم علي ماهر وباركله بحزن ووقف وقرب من احلام وقال:مبروك يا احلام يا بنتي تعالي معايا علشان عايز اقولك حاجه!

احلام بصت لماهر بتردد وهو حرك راسه ليها بالموافقه وبعدها بصت لعمها وحركت راسها وقالت بهدوء :الله يبارك فيك يا عمي!

عم احلام مسك ايديها واتحركوا لمكان فاضي بعيد شويه عن ماهر والمأزون ووقفت احلام قدامه وعمها قال بحزن:احلام انا عارف ان اللي هتسمعيه دا هيكون صعب عليكي بس كل اللي عايزه اقولهولك ان دا طلب والدك وماهر جوزك وعدني انا وابوكي انه هيشيلك في عينيه فعلشان كدا انا مطمن عليكي وقلبي وبالي مرتاحين بس في حاجه لازم تعرفيها علشان نكون عملنا اللي علينا.. 

دموع احلام نزلت فجاه لان قلبها بدا يوجعها وهيا لسا مش فاهمه ايه اللي حصل ..عمها لما شاف دموعها بكي هوا كمان وقرب منها وقال:ابوكي قابل وجه كريم يا بنتي البقاء لله!

احلام بصت لعمها للحظة وهيا بتحاول تفهم الجمله كويس وبعدما اتاكدت ان اللي سمعته صح   ابتدت دموعها تنزل بغزاره و قالت بتردد:عمي انت بتقول ايه بابا هو مش بابا كان كويس وكان هيعمل العمليه بعد يومين!

عمها حضنها وهوا بيطبطب علي ضهرها بحنيه وبيقول بحزن علي موت اخوه:انا اسف يا بنتي بس دا كان طلب ابوكي الله يرحمه انك تتجوزي ماهر وهو ابن حلال ونفذ وصية ابوكي.. 

احلام برفض:لا  متقولش كدا انا بابا مامتش بابا كويس دا…قعدت احلام علي الارض وهيا بتشهق بصوت قوي وهيا بتكمل كلامها وبتقول بصعوبه:دا بقالوا ٨سنين في غيبوبه وانا كان قلبي حاسس انه هيرجعلي تاني بس مكنتش اتوقع انه لما يرجعلي هيموت قبل ما اقعد معاه ونتكلم واحكيله عن اللي حصلي  …؟

ماهر كان وصل المأزون للباب بعدما حاسبه واخد منه القسيمة وبعدها بص علي شكل احلام اللي قاعده علي الارض قدام عمها وبتبكي بانهيار فقرب منها بسرعه وهوا قلقان عليها ..

عم احلام  قال ببكاء:اهدي يا بنتي متعمليش فى نفسك كدا؟

احلام قالت بشهقة:مش هقدر صدقني يا عمي قلبي واكلني اوي ..ضربت علي قلبها بحزن شديد وقالت:مش عارفه اقول ايه كل الكلام خلص مني بس عايزه اصرخ ..اصرخ واطلع كل الكلام علي هيئة صريخ..

قرب ماهر منها بسرعه ومسك كتفها وقال:احلام انتي اعقل من كدا ..ابوكي كان حاسس بنفسه بس دا قدر ربنا يا احلام تماسكي وقومي علشان تودعيه هوا اكيد مستنيكي ..وادعيله بالرحمه ؟

احلام مسكت وش ماهر وقالت :لأ ..لأ  متقولش كدا هو أكيد دخل غيبوبه تاني وهيفوق …هوا بيعمل كدا علي طول؟

 ماهر حرك راسه بحزن وهيا قالت بغضب:هو مش انت قولتلي انه هيكون كويس وهيرجع معايا البيت ..انتهـ….كداب .يا ما..هر .. صوت بكاء شديد وقهره كانت واضحه في صوتها فـماهر بص لعمها وقال بجديه: شد حيلك يا عم ابراهيم ..السواق بتاعي واقف برا هيوصلك للبيت بلغ بقيت العيله الخبر وطبعا انت عارف يا عمي ايه اللازم وتعمله ومتشلش هم اي حاجه انا متكلف بمصاريف الدفنه والعزاء واحلام انا هكون معاها متقلقش عليها !

عمها حرك راسه وقال برفض :لا يابني اعذرني انا اللي هتكفل بكل حاجه معلش دا واجبي ؟

ماهر حرك راسه بتفهم وقال:طيب يا عمي اللي تشوفه.. 

عم احلام حط ايديه علي كتف ماهر وطبطب عليه وقال:حاول تهديها علشان لازم تحضر العزا لان كل العيله هيجوا يعزوها؟

ماهر حرك راسه وقال بتفهم :حاضر يا عمي متقلقش انا معاها.. عمها حرك راسه بالموافقه ومشي وماهر قرب منها تاني  وهيا كانت مش قادره تتحرك فحملها ماهر علي صدره واتجه بيها لغرفته وحطها علي السرير وهيا كانت حضناه جامد وبتعيط..

ماهر نزلها علي السرير وقعد جمبها وهيا كانت مش قادره تبطل عياط فأخدها ماهر في حضنه وهيا بدات تبكي بصوت عالي وتقول:انا مش قادرة اصدق يا ماهر بجد قلبي وروحي بيوجعوني اوي ..دا حته من قلبي والله ؟

ماهر كان بيمشي ايديه علي ضهرها بحنيه وهيا كانت بتعيط وبتطلع كل وجعها في حضنه..

ماهر كان بيبكي علي بكاءها وكأن حصله فلاش باك ليوم وفاة والدة لما عمل نفس رد فعلها لانه كان متعلق بيه جدا .. مسح علي طرحتها لما لقاها سكتت فبص لوشها وقال: انا معاكي يا احلام انا معاكي متخافيش!

احلام بصت في عينيه وحركت راسها وقالت:شكرا علي كل حاجه عملتها معايا!

ماهر ضمها لصدره تاني بحب وهيا غمضت عينيها وهيا بتحاول تهدي وبعد دقايق احلام بعدت عن ماهر وبصتله وقالت:عاوزه اشوف بابا قبل ما يدفنوه! قالت كلامها ببكاء تاني وهو حرك راسه بالموافقه وقال: حاضر بس الاول خليني اخدك للبيت بتاعك علشان تغيري هدومك دي !

احلام بصت لهدومها وحركت راسها بالموافقه وقامت وماهر سندها عليه وقبل ما يخرجوا من الغرفه كانت سيلين واقفه قدام الباب وبتفتحه واول مشافتهم مع بعض بصتلهم باستغراب !

احلام بصتلها باستغراب هيا كمان وسيلين كانت نظراتها ليها مليانه غضب فقالت وهيا بتوجه كلامها لماهر:هل هذه تلك الساقطة التي تحبها!

ماهر اتعصب من كلام سيلين وقبل ما يتكلم ويرد عليها لقي احلام بتسأله وبتقول:مين دي؟

ماهر بصلها بتردد وقال:دي؟

سيلين بصت لاحلام بجرأة وقالت وهيا بتحرك راسها بغيظ: انا حبيبته هل لديك اعتراض  !

 احلام بصت لماهر بصدمه وهوا بصلها وقال وهوا بيرجع شعره لورا بضيق من سيلين:احلام؟

احلام سابتهم وخرجت من الاوضه  بسرعه وماهر قرر يخرج وراها ولاكن سيلين منعته بايديها وقالت:انتظر ماهر اريد التحدث اليك .. بعدها ماهر عنه بقوه ونزل ورا احلام اللي كانت بتجري رغم وجع رجليها لحدما خرجت برا القصر؟

وسيلين وقعت علي الأرض وهيا بتتوجع ومش مستوعبه انا ماهر عاملها بالطريقه دي ؟

اما ماهر كان بيجري ورا احلام لحدما لحقها ومسكها من ايديها بقوه وقال:استني رايحه فين ؟

احلام وقفت وهيا بتاخد نفسها بصعوبه وبتقول وهيا باصه في الأرض:هروح المستشفي!

ماهر :استني هنا هجيب العربيه من الجراچ   بسرعه وارجع متتحركيش؟

احلام لفت وشها  من غير ما ترد عليه وهوا اتحرك بسرعه لجراچ القصر وركب عربيه من اللي موجودين فيه بسرعة  واتحرك وفي دقايق كان وقف قدامها ..ماهر خرج من العربيه وفتحلها الباب وهيا بصتله بحزن وركبت بدون ولا كلمة!

اتحرك ماهر بالعربيه وخرجوا من القصر وكانوا طول طريقهم بيبصلها وهيا كانت بتلف وشها وهيا مش راضيه تبصله فاتنهد بضيق وهو بيلعن سيلين في سره بسبب ظهورها قدامهم في وقت غير مناسب ..فاخد نفس طويل وقال بهمس:هتتحل؟

____________

في شركة الصياد!

كان قاعد حمزه علي مكتبه وماسك فنجان قهوه وبيشرب منه بلامبالاه ومتجاهل الشغل.. وكانت قاعده قدامه ياسمين واللي بتخلص ملفات قدامها ومن كتر الملفات  اللي بينها وبين حمزه مكانتش  قادره تشوفه .

حمزه حط الفنجان علي المكتب وهو بيبص لسيلين بسخريه كبيرة وبيفتكر اللي حصل بينهم الصبح؟

"لما دخل حمزه لقسم الحسابات كان لابس ماسك علي وشه بسبب ورم مناخيره فاول ما دخل الكل بص عليه باستغراب ولاكنه كان غير مبالي لرد فعلهم وقعد علي مكتبه وبدأ يشتغل لان  كلام ماهر في الحفله شجعه انه سكون ناجح  فحب يكون افضل وقرر يشتغل بجد ..

كانوا  مستغربينه كل زمايله انه فجأة كدا وصل بدري وحابب الشغل ومبسوط ..ياسمين وصلت في ميعادها وكانت مستغربه شكله فبصتله باستغراب وقالت بهمس:اللهم يا مغير الأحوال؟

حمزه انتبه لصوتها ورفع حاجبه وهو بيقول بتساؤل:بتقولي حاجه يا أنسه سوسو؟

ياسمين رفعت حاجبها بصدمه وزملائها ابتسموا كالعاده علي تريقة حمزه عليها  … ياسمين قالت بضيق:انت هتصاحبني ولا ايه اي سوسو دي؟

حمزه قرب منها وقال وهوا حاطط عينيه في عينيها:لو مش عاجباك سوسو خدي لولو؟

نجوي زميلتهم واللي قريبه ليهم ضحكت علي هزار حمزه مع ياسمين بصوت عالي وواضح واول مشافت نظرات ياسمين لحمزه و اللي كانت بصاله بصدمه وعيون مفتوحه ومش مستوعبه روقانه وهوا بعد عنها ورجع كمل شغله وتجاهل اللي عمله من شويه؟

ياسمين بصت علي زملائها لقتهم بيضحكوا وهما بيبصولها فحست بالغضب الشديد من حمزه فضغطت علي اسنانها بقوه علشان متفقدش اعصابها خصوصا انها عرفت انه يبق قريب صاحب الشركة وممكن بسببه تترفد وهيا لسا متوظفتش رسمي ..فقررت ياسمين تتجاهل حمزه وتبدأ تشوف شغلها ولاكنها كانت لسا برضوا متضايقه منه ..

حمزه خلص بسرعه الملفات اللي كانت مطلوبه منه وبدا ياخد شغل تاني ويخلصه هو كمان وكانت ياسمين بسبب انها مش مركزه في شغلها بسببه فمقدرتش تخلص شغلها في نفس الوقت اللي هوا خلص فيه ..

عدي وقت كبير وكان حمزه خلص كل الملفات المطلوبه منه فبص عليها ولقاها عندها شغل كتير فقرب منها وقال بتساؤل:انسه سوسو انتي محتاجه مساعده!

ياسمين غمضت عينيها  بضيق ومردتش عليه فابتسم حمزه علي شكلها وقال:مش بتردي طيب يا انسه لولو محتاجه مساعده!

"يوووه بق ..قالتها سيلين بضيق وهيا بتبصله بغضب وبتكمل كلامها وبتقول:لو سمحت سيبني في حالي وخليني اشوف شغلي ولو حضرتك خلصت شغلك ومبسوط اوي كدا متنساش الملفات اللي هناك دي كلها وانت  اللي هتخلصها؟

حمزه ضم عينيه وهو بيبص للملفات اللي هيا بتشاور عليها وقال بصدمه:انا لوحدي هخلص مل دول!

ياسمين بسخريه:امال محتاج مساعده .. ماانت ما شاء الله عليك خلصت الشويه دول ومفكر انك جامد ومفيش منك..رمقته بنظرة سخريه اكبر وكملت كلامها وقالت :والنبي ابق خلص شغلك كله وابق اعملنا  فيها فالح؟

حمزه قال وهو بيردد كلامها بصدمه:فالح؟

ياسمين بصت في اللاب توب الخاص بيها وتجاهلته وهو اتغاظ منها جدا فقرر يعاقبها فقرب اكتر منها وقال:علي فكره انتي جريئة اوي..كان قريب منها لدرجه ان وشه كان مقارب لوشها فياسمين ضربته علي وشه بخضه لانها لمره شاب يتخطي حدوده معاها وبسبب ضربتها دي حمزه نزف من مناخيره وشال الكمامة بسرعه وهو بيقول بغضب:انتي غبيه؟

كل اللي في قسم الحسابات معاهم انتبهوا لصوت حمزه ولما لاحظوا انه بينزف  جريوا عليه بخضه  وقلق وبدأ يساعدوه ويوقفوله نزيف مناخيره بخوف عليه وكانوا بيبصوا لياسمين بتحذير لانها تخطت حدودها معاه رغم انهم حظروها  قبل كدا متقربش منه!

حمزه بصلهم وقال:شكرا يا جماعه خلاص الدم وقف؟

نصر بصله وقال:متاكد يا حمزه باشا انك كويس !

حمزه بصله وحرك راسه بالموافقه ونصر بص لياسمين وقال بغضب:انتي عارفه انتي عملتي ايه يا انسه انتي؟

ياسيمن كانت باصه لحمزه ومصدومه من اللي حصله فقالت. وهيا بتفتكر انه غلطان:هو اللي غلطان مش انا؟

نصر قال بصوت عالي:اعتزريله حالا؟

ياسمين بصت لحمزه وهوا كان مركز في عينيها وساكت وهيا حركت راسها بالرفض وقالت:انا اسفه يا فندم بس انا مغلطش فيه علشان اعتذرله ؟

نصر اتصدم من كلامها وقرب منها ولاكن وقفه حمزه لما مسك ايديه وقال:خلاص يا استاذ نصر حصل خير بس انا مشكلتي اني مش هعرف اخلص الملفات دي ممكن ..قاطعه نصر وقال:ولا يهمك يا حمزه محلوله الانسه ياسمين هتخلصهم بدالك ولا ايه يا ياسيمن!

ياسمين بصت لحمزه بغضب وهوا لف وشه ونصر قرب منها وقال:ياسمين انتي معايا !

ياسمين انتبهت لمديرها وحركت راسها بالموافقه وقالت:حاضر يا فندم انا هخلص الملفات دي بداله بس انا معملتلوش حاجه؟

المدير بصلها وقال بهمس:اسكتي بق انتي ليه مصممة تترفدي انتي نسيتس هوا مين؟

ياسينن بصت لحمزه اللي باصص عليها وبيعظها فهيا اتعصبت تكتر منه وقفلت اللاب توف وخرجت برا المكتب..

حمزه عدل نفسه علي المكتب  ورجع راسه لورا علشان يستريح شويه وهيا قامت من علي المكتب وبدأت تحول الملفات اللي هتخلصها مكانه وحطتهم كلهم  قدامها علي المكتب وبسبب انهم كانو كتير مكانتش شيفاه؟ 

بصلها حمزه وابتسم  بعدما افتكر اللي حصل وبعدها قرر يقوم يروح يشوف خاله علشان فاضل وقت بسيط لحد ما مدة الدوام تخلص فخرج من المكتب واتجه لمكتب ماهر واول ما وصل دخل للمكتب علي طول ولقي انه مش موجود فخرج وبص للسكرتيره وقال بتساؤل: امال ماهر بيه فين؟

السكرتيره بعدم علم:خرج فجاه يا فندم من غير مايقول اي حاجه؟

حمزه قلق عليه وقال:خرج امتي؟

السكرترية:من حوالي ٥ ساعات يا فندم ؟

اتحرك حمزه من قدامها بسرعه وخرج موبايله واتصل علي ماهر ولاكن ماهر مردش عليه بسبب ان موبايله كان في العربيه وهو طلع مع احلام لبيتها ؟

حمزه بص حواليه بتفكير لحدما افتكر منعم  وانه هيقدر يعرف منه ايه الحكايه وقرر يتصل عليه وبالفعل منعم رد عليه من اول رنه ..حمزه قال بلهفه:ايوا يا منهم هو فين خالي؟

منهم قال بحزن :ماهر باشا مع الانسه احلام !

حمزه باستغراب:وهو خالي بيعمل ايه دلوقت مع أحلام!

منعم:للاسف والد الانسه احلام توفي النهارده ولان ماهر باشا جوزها فهوا اللي واقف معاها !! 

حمزه كان صدمتة اتنين اولا بسبب ان والد احلام مات فزعل عليه والصدمة التانيه ان ماهر اتجوز احلام فكان متفاجئ ومش قادر يحدد ازاي دا حصل..

حمزه قال:فين عنوان بيت احلام؟

منعم:بيت جدك القديم يا باشا؟

حمزه بصدمه:احلف يا منعم كده؟

منهم:والله يا فندم زي ما بقولك كدا؟

حمزه بغضب:فين بق بيت جدي دا انت فاكرني بشم علي ضهر ايدي يا منعم؟

منعم قال باحترام:انا اسف يا فندم ثواني وهبعت لحضرتك العنوان؟

حمزه قفل المكالمه وهو مركز مع التيلفون وبيفكر ازاي خاله يتجوز من غير ميعرفه وبعدين ازاي يتجوز احلام دا حصل امتي وفين وليه دا قابلها بعدي وكمان مكانش طايقها امبارح؟

وصلت رساله لتيلفون حمزه فيها عنوان بيت احلام فبص حمزه للينك وضغط عليه وظهرله عنوانها علي الخريطة فاتحرك بسرعه لخارح الشركه وركب في عربيته اللي مركونه قدام الشركه بقالها فتره كبيره واتحرك للعنوان ؟ 

_________

في منزل  احلام كانت بدلت هدومها ولبست دريس اسود وطرحة سودا وكانت ملامحها مطفيه بسبب الحزن ..خرجت من اوضتها وهيا بتتحرك ببطئ بسبب ان رجليها وجعتها واول ما شافها ماهر وقف بسرعه وقال بقلق: مالك يا احلام انتي كويسه ؟

احلام حركت راسها بالموافقه وقالت: ايوا كويسه بس انا عاوزه اشوف بابا؟

ماهر قرب منها ومسك ايديها وهيا سحبتها بسرعه وقالت:ممكن توديني للمستشفى ؟

ماهر بصلها بصدمه ولاكنه حرك راسه بالموافقه وقال:طيب امشي علي مهلك خلينا نتحرك !

احلام مشيت ومردتش عليه وهو نزل وشغل العربيه وهيا قفلت الابواب وراها وخرجت للشارع..

صادقفها مروه وهيا بتجري وبتقرب عليها وبتحضنها وبتقرل ببكاء:احلام ..حبيبتي البقاء لله؟

احلام دموعها نزلت وهيا بتدفن وشها في حضن مروه وبتقول بحزن:ونعم بالله؟

ماهر كان واقف يبص عليهم لحدما لاحظ ان احلام مش كويسه فقرب منهم وقال وهو بيستأذن مروه:معلشي يا مروه علشان بس هنروح المستشفي!

مروه حركت راسها وقالت:خليني اجي معاكوا علشان اكون جمبها؟

ماهر بص لاحلام ولقي انها تعبانة فوافق ان مروه تروح معاهم وفتحلها الباب تركب ورا وخلي احلام تركب جمبها علشان مروه تسندها؟

وركب بعدهم ماهر واتحرك بالعربية  للمستشفي…

وبعد وقت مش كبير وصل حمزه لمنطقة احلام ولقي ان في ناس متجمعين قدام الباب وعلي ملامحهم الحزن فقرب من راجل كبير وقال بتساؤل:هي احلام فوق؟

الراجل قال :معرفش يا ابني بس متهيألي انها راحت لابوها في المستشفي!

حمزه شكر الراجل  وكان هتحرك ويركب عربيته ولاكنه لاحظ ان في عربيه مليانه كراسي واقفه والرجاله الكبيره هما اللي بينزلوها  فقرب من العربيه وبدا ينزل الكراسي  معاهم وطلب من بقيت الناس يسبوه هوا والكام شاب اللي واقفين يكملوا هما..

وكان حمزه وقتها لابس بدله رسميه فكان معظم الناس مستغربينه لأنهم أول مره يشفوه ولاكنه تجاهل كلامهم عليه ونظراتهم وبدأ يساعد بقيت الشباب ونزلوا كل الكراسي ..

الراجل اللي هيعلق الانوار وصل وحمزه وقف يساعده بسبب برضوا ان كل اللي موجودين وقتها كلنوا ناس كبيرة ومفيش حد هيقدر يساعد الراجل فبدأ حمزه يساعده وبعد وقت كانوا علقوا النور كله  فبدأ حمزه يرص الكراسي بالطول في الشارع واستنوا كلهم عربية الاسعاف توصل علشان يتحركوا للمدفن..؟

رواية حبيبي المدير بقلمي شيماء صبحي 

وفي المستشفي والد احلام كان اتغسل لان احلام اتاخرت عليه ولاكن بطلب من ماهر قرروا يدخلوها عليه قبل ما يلفوه بالملايات ..

وعلشان احلام متكونش لوحدها دخل ماهر معاه بعدما طلب من مروه تستناهم برا المستشفي؟

وبالفعل دخل ماهر واحلام واول ما احلام شافت والدها نايم ووشه ابيض قربت منه وهيا بتمسك ايديه البارده وبتبكي وبتقول:انا اسفه علشان كنت مشغوله ومقدرتش اكون معاك؟

ماهر حط ايديه علي كتفها وقال:بلاش تلومي نفسك يا احلام واستغلي الوقت دا بانك تقرأيله قرآن وتدعيله ومتزعليش والدك الله أكبر عليه كأنه ملاك نايم علي السرير؟

احلام بصت لماهر وحركت راسها بالموافقه ورجعت بصت علي ملامح والدها اللي كانت فعلا جميلة جدا وبدات احلام تقرأ ايات من القرأن الكريم وتدعي ان ربنا يسبت لسانه عند السؤال ويعديه منها علي خير ..وبعدما خلصت احلام ماهر طلب منها تخرج هيا وتسيبه مع والدها وبعدما هيا خرجت ماهر  بص لوالدها بحزن وقال بجديه:اوعدك يا عمي اني هحطها في قلبي قبل عيني لان دي احلام يا عمي فاهم يعني ايه احلام ..يعني متقلقش وارتاح واطمن عليها بنتك معايا وانا ان شاء الله هيبذل كل جهدي علشان اخليها سعيده ومتندمش لحظة انها وافقت تتجوزني..؟

قال ماهر كلامه وخرج من الغرفه وبعدها دخلوا الناس يجهزوا والدها للدفن وانتهوا بعد ساعه؟

وفي عربية ماهر كان قاعد في مقعد السواقة وفي الكرسي اللي ورا مروه واحلام ..انتبه ماهر لغرفة الاسعاف اللي اتحركت وماهر وقف السواق وبلغه يمشي وراه علشان ميتوهش منهم والسواق رحب بيه ووافق وماهر رجع تاني واتحرك بالعربيه وكانت عربية الاسعاف ماشية وراه..

_______

وفي المنطقة كانت كل الجوامع بتنده علي والد احلام وكانت الناس كلها حزينه وزعلانين علي حاله احلام وبعد وقت مش كبير وصلت عربية ماهر ووراها الاسعاف وبدأت كل الناس تمشي وراهم لحدما وصلوا للمدافن وكان الحنوتي فتح المقبرة واول ما وصلت الاسعاف بدأوا يصلوا عليه وبعدها دفنوه ..

احلام كانت في عربية ماهر هيا ومروه لانها مقدرتش تشوف والدها وهو بيتدفن فكانت بتبكي وجمبها مروه بتواسيها وبتبكي معاها .. وبعدما دفنوا والد احلام اتفاجئ ماهر بوجود حمزه فقرب منه وقال: اي دا انا عرفت منين؟

حمزه بحزن:من منعم..حمزه ضم حاجبه بزعل وقال: بق كده يا خالي كل دا يحصل وانت متعرفنيش حاجه؟

ماهر خبط علي كتفه بهدوء وقال:معلش يا حمزه متزعلش كل حاجه اصلا جات فجأة !

حمزه حرك راسه بالموافقه وحضن ماهر وقال:البقاء لله يا خالي شد حيلك!

حمزه اتفاجئ من حمزه لانه اول مره يحضر عزاء واتفاجئ اكتر لما حمزه عمل كده معاه فحرك راسه وقال:ونعم بالله؟

حمزه قال بابتسامه:حماك دا كان راجل محبوب ما شاء الله كل الناس دي بتحبه .. 

ماهر فهم ان حمزه عرف انه اتجوز احلام فحرك راسه بالموافقه وقال:فعلا كان راجل طيب وبيحب الناس كلها!

حمزه قال:هيا احلام فين عاوز اعزيها؟

ماهر شاورله علي العربية اللي فيها احلام وقال:روح خليك معاهم في العربية لحدما الناس دي تمشي وتيجي تقرأ الفاتحه قبل ما نمشي؟

حمزه مشي بعدما حرك راسه بالموافقه وقرب من العربية واول ما احلام شافته مسحت دموعها وهوا ركب العربية وقال بحزن:البقاء لله يا احلام!

احلام بصتله وقال :ونعم بالله!

حمزه بلع ريقه بتوتر وقال:ربنا يصبرك علي فراقه؟

احلام :يارب؟

مروة كانت باصه لحمزه وهيا بتحاول تعرف هو مين لحدما حمزه بصلها وقال:ازيك انا حمزه وماهر يبق خالي؟

مروه حركت راسها بسرعه وقالت:ايوا عارفاك ازيك!

حمزه:الله يسلمك!

ماهر كان واقف بياخد العزاء قدام المقابر مع عم احلام والاستاذ سلامه لحدما كل الناس مشيوا ومفضلش غير ماهر وعم احلام والاستاذ سلامه فقال ماهر:هروح اجيب احلام علشان تقرأ الفاتحه قبل ما نمشي!

عم احلام والاستاذ سلامه حطوا ايديهم علي كتفوا وحركوا راسهم وهوا قرب من العربية من الاتجاه اللي قاعده فيه احلام وقال:تعالي يا احلام اقرأي الفتاحه قبل ما نمشي!

احلام حركت راسها وبصت لمروه علشان تنزل معاها وبالفعل نزلت احلام واول ماقربت من القبر اللي فيه والدها جسمها اتقبض بحزن فبدأت تقرأ الفاتحه وتدعي ربها بأدعيه كتير وختمت كلامها بدعاء:اللهم اغر له وارحمة وثبته عند السؤال يا رب؟

عمها طبطب عليها وقال:خلينا نمشي يا بنتي وقفتنا كدا والليل داخل ملهاش لازمة!

ماهر واحلام حركوا راسهم ومروه مشيت مع الاستاذ سلامه وركبت احلام مع ماهر وحمزه وعمها.. ومروه والاستاذ سلامه رجعوا مع بعض.

وبعد وقت كبير انتهي اول يوم في عزاء والد احلام..

كل الناس مشيت لان الوقت اتاخر فبصت مروه لاحلام وقالت بحزن :احلام حبيبتي انا همشي انا بق علشان الوقت اتاخر وان شاء الله هجيلك بكرا بدري..

احلام حضنت مروه وحركت راسها بالموافقه وقالت بهدوء:ماشي يا حبيبتي متحرمش منك وخلي بالك علي نفسك وانتي ماشيه؟

مروه حركت راسها بالموافقه وسابتهم وخرجت من البيت وهيا ماشيه لقت اللي واقف قدامها وبيقول:انسه مروه؟

مروه لفت وراها وقالت بتساؤل:مين حضرتك!

صابر بتوتر:انا صابر ابن الحاجه ميرفت اللي كنت وصلت الفطير لاحلام وانتي فتحتيلي الباب و..مروه قاطعة كلامه وقالت:ايوا ايوا افتكرتك ازيك!

صابر بخجل:كويس الحمدلله انتي اخبارك ايه!

مروه بتعب:والله يا استاذ دلوقت انا مش بخير خالص!

صابر بص لبيت احلام وقال بحزن:البقاء لله؟

مروه :ونعم بالله؟

صابر بصلها وقال بتردد:الوقت اتاخر وانا شوفتك دلوقت ماشيه لوحدك فلو تسمحيلي اوصلك!

مروه ضمت حاجبها بتعجب وقالت برفض:لا شكرا مش عاوزه اتعبك معايا؟

صابر شاور علي عربيته البسيطة وقال:عربيتي هنا متقلقيش هوصلك بسرعه وبعدين انتي ضيفتنا يعني مينفعش اسيبك كدا في الوقت دا؟

مروه بصت حواليها ولقت ان الشوارع حواليها فاضيه فقلقلت تمشي لوحدها فحركت راسها يالموافقه وقالت:ماشي موافقه !

صابر اتحرك من قدامها بخجل كبير منها وقرب من عربيته فتحلها الباب ومروه ركبت وهوا ركب جمبها وشغل العربيه علي طول وقال:عنوانك فين!

مروه وصفتله عنوانها وهو قدر يعرفه بسهوله واتحرك بالعربيه…

__________

في بيت احلام كانت بصت لماهر اللي كان باين عيه الارهاق  وقالت:تقدروا تروحوا علشان الوقت اتاخر علشان شغللكم انتوا بتصحوا بدري!

حمزه بص لخاله واستاه يرد عليها وماهر قال برفض:انا قولتلك قبل كدا اني المدير يعني متقلقيش وبعدين يا حلام انا مش هسيبك تنامي لوحدك هنا؟

احلام بصتله وقالت بتساؤل:انا بنام لوحدي علي طول دي مش اول مره؟

ماهر حرك راسه بالرفض وقال:كنتي بتنامي لما كنتي لسا عازبه انما دلوقتي انتي بقيتي متجوزه وجوزك مستحيل يسيبك قاعده لواحدك هنا تاني !

حمزه كان واقف يبص عليهم وهما بيبصوا لبعض وساكتين فقال بمقاطعه:طيب يا خالي انا هرجع انا القصر وهاجي بكره بدري!

ماهر منتبهش لحمزه وهو بيتكلم فحمزه قرر يمشي ويقفل عليهم الباب واول ما الباب اتقفل فاق ماهر واحلام وهما بيبصوا لبعض بتوتر وماهر لف بجسمه يشوف حمزه ولما ملاقهوش فهم علي طول انه راح للقصر فبص لاحلام اللي كانت واقفه وساكته وقال:اوضتك فين!

احلام رفعت صوباعها وهيا بتشاور علي الاوضة  وبتقول وهيا  باصه في الارض:هناك!

ماهر حرك راسه بالموافقه واتجه للاوضه واول انا شافها مترتبه ابتسم برضا وقال:تعالي يلا علشان تنامي انتي تعبتي النهارده؟

احلام كانت متوتره لوجودها معاه ورغم انها عرفه انه بق جوزها خلاص الا انها لسا مش متعوده عليه فقربت من الاوضه وقالت:انا هنام النهارده في اوضة بابا!

ماهر مسك ايديها وقال برفض:لا يا احلام انتي هتنامي في اوضتك!

احلام بصتله وقالت بتساؤل:طيب وانت هتنام فين؟

ماهر :الزوج بينام جنب زوجته؟

احلام برفض:بس احنا وضعنا مختلف انت اتجوزتني بس علشان وصية بابا!

ماهر استغرب انها عرفت موضوع الوصيه دا  ولاكنه خمن انه عمها اللي يالها  فقال بهدوء :بس متنكريش يا احلام اني برضوا جوزك ؟

احلام بصت للاوضه وقالت:انا عاوزه اكون لواحدي؟

ماهر برفض:مينفعش وبعدين انتي لازم تسمعي كلام جوزك علشان ربنا ميغضبش منك؟

احلام بغيظ:بس متقولش جوزي!

ماهر بتعب منها همس بصوت ضعيف جدا وقال:حرام عليكي فيكي حيل تتخانقي معايا دلوقت؟

احلام قربت من الدولاب علشان تاخد بيچاما ليها وتروح لأوضة والدها وماهر لما انتبه ليها استغل انها دخلت وقفل عليهم الباب بسرعه وهيا اول ما انتبهت ليه قالت:ماهر انت بتعمل ايه..

يتبع بقلمي شيماء صبحي 

ابتسم ماهر غصب عنه وقفل وراه بالقفل وقرب منها وقال:احلام انا تعبت جدا النهارده ومش عاوز اي حاجه غير اني انام!

احلام بغيظ منه:طيب ما تنام انت فاكرني بمنعك!

ماهر بصلها بتعب وقال:لا مش بتمنعيني ولاكن انتي عنديه اوي وانا بق ..قال كلامه وهو بيقرب منها وهيا بترجع لورا:مش هنام النهارده غير في حضنك لانك مراتي ودا حقي!

احلام وصلت للحيطه وهوا كان وصل ليها لدرجه ان مفيش فارق بينهم فبصتله احلام بتوهان وهوا كان بيبص عليها وعينيه مقفوله نص قافله من التعب وقال بهمس:غيري هدومك دي لان انا مش هرجع في كلامي؟

احلام حركت راسها بتوتر وبعدت عنه واخدت بيچاما ليها وبصتله وقالت بجديه:طيب لف وشك علشان اعرف اغير هدومي؟

ضحك ماهر ورجع للسرير وهوا مديها ضهره وهيا بدأت تغير هدومها وايديها بتترعش لانها خايفه انه يبص عليها فجأة….!!!!!

عدي دقيقه وكانت احلام خلصت ولبست البيچانا وكانت ماسكه الطرحه علشان تلفها..

ماهر قال بصوت واضح:خلصتي يا احلام؟

احلام:لا لسا هلف الطرحة؟

ماهر لف بجسمه وقال بدهشه:طرحة اية احلام انتي تتكلمي بجد!

احلام حركت راسها بالموافقه وقالت:ايوا امال عازني اقعد قدامك بشعري وانت..

ماهر بمقاطعه:جوزك يا هانم انا ابق جوزك رسمي ؟

احلام اتوترت اكتر من كلامه ونظراته فحركت راسها وقالت بخجل :بس دلوقت مش هينفع لاني مش مسرحاه ولا غسلاه بقالي فتره يعني!

ماهر:عاجبني ملكيش دعوه بس وسيبيه مفرود كدا!

قال كلامه وهو بيقرب منها وبيبعد الطرحة من علي راسها وبيفرد شعرها واول مشاف شكلها بشعرها عيونه طلعت قلوب فقرب منها اكتر وهو بيستنشق رائحتها وغمض عينيه وكانه مستني الللحظة دي من سنين!

احلام كانت بتبص عليه ومستغرباه لانه لسا حنين عليها ومتغيرش كان وشها احمر بسبب قربه منها جدا فقررت تتحرك من قدامه ولاكنه وقفها بايديه وقال:مفيش لبس ليا اغيره بدل البدله دي!

احلام فكرت للحظة وقالت: في هدوم بابا !

ماهر حرك راسه بالرفض وقال:لا مفيش حاجه تانيه!

احلام باستغراب:فيه لماما؟

ماهر ضم حاجبه وقال بغيظ :لا هاتيلي لبابا احسن!

احلام حركت راسها بالموافقه وقربت من الباب علشان تخرج ولاكنه مسك ايديها وقال:رجلي علي رجلك في البيت دا بعد كدا؟

احلام بتساؤل:هو انت خايف ولا ايه!

ماهر ضم حاجبه وقال بتساؤل: هخاف من ايه؟

احلام بسخريه:علشان يعني روح بابا معانا دلوقت وكدا..

ماهر بصلها بصدمه ولاكنه حرك راسه بلامبالاة وقال:لا مش خايف وبعدين هخاف من ايه بطلي الهبل دا انا بس عارف حركاتك وانك ممكن تدخلي اوضة ابوكي ومتطلعيش منها تاني !

حركت احلام راسها بتفهم ومشيت وهوا جمبها لحدما وصلوا اوضة والدها وفتحوا الدولاب وطلعت احلام منه تيشرت لوالدها وبنطلون مريح وقالت وخيا بتبص اماهر :دي هدوم انا اشترتها لبابا علشان يلبسها لما يفوق لانه كان بيحب الحجات المريحه دي ممكن انت تاخدهم!

ماهر حرك راسه بالموافقه وبدأ يقلع قدامها جاكت بدلته وبعدها القميص ووقف قدامها وصدرة باين..احلام كانت مزهوله وهيا بتبص لعضلات بطنة ودراعه وكتفه اللي بتظهر كل ما يتحرك ومكنتش مستوعبه اللي شيفاه..ماهر لاحظ نظراتها فابتسم وقرب من ايديها ياخد الهدوم وهيا كانت متوتره لقربه منها ..ماهر لبس التيشرت وقرر يلبس البنطلون وهو بيفك الزرار احلام جريت بسرعه من قدامه بخجل وخرجت برا الأوضة؟

ضحك ماهر غصب عنه علي رد فعلها وبعدها غير هدومه بسرعه وخرج..

احلام كانت قفلت علي نفسها باب اوضتها وهيا متوتره من قربه ولاكنها قررت تفتحله الباب وتسيبه ينام جمبها لانها برضوا حاسه انها محتجاه معاها فقربت تفتح الباب وقبل ما توصل للسرير كان ماهر فتح الباب ودخل وقرب منها..

ماهر بتساؤل:بتفضلي تنامي علي اي جانب ؟

احلام بصت للسرير وقالت بخجل :انا بتقلب كتير وانا نايمه ممكن انام انا جوا عند الحيطة؟

ابتسم ماهر علي كلامها وافتكر لما لحقها امبارح قبل ما تقع فبصلها وقال:طيب يلا نامي وانا هطفي النور واجي جمبك؟

احلام حركت راسها بالموافقه وطلعت علي السرير وشدت عليها اللحاف وهوا طفي النور وقرب منها وهيا كانت حاطه ايديها علي قلبها واللي بيدق بشده ووشها كله سخن بسبب التوتر..

ماهر نام جمبها وادالها ضهره ورغم انه كان نفسه ياخدها في حضنه الا انه عارف انه هيوترها ومش هتكون مرتاحه فقرر ينام وهيا لما اطمنت انه مديلها ضهره نامت وهيا مطمنه…

وبعد ساعه كانوا الاتنين راحوا في نوم عميق وبسبب ان احلام بتتقلب كتير وهيا نايمه بدأت تقرب منه وبنكتشف كمان ان ماهر برضوا بيتقلب كتير وهوا نايم وفضلوا الاتنين يقربوا من بعض بنوم وشوية احلام تحط رجليها عليه وهوا يصحي بخضه ولما يكتشف انها احلام ويستوعب اللي بيحصل ينام تاني وبعدما يروح في نوم عميق يحط وجله عليها وهيا تنزلها بنوم وطول الليل كانوا بيقربوا وبيعدوا من بعض لحدما طلع الصبح وماهر واحلام كانوا نايمين في حضن بعض….

____________

في القصر صحي حمزه علشان يروح لخاله عند احلام وبسبب انه سهر امبارح كتير صحي متاخر شويه فاتجه لغرفة ماهر علشان ياخد لبس من عنده واول ما دخل للغرفه لقي سيلين واقفه وباين عليها التوتر ..حمزه قلق منها ولاكنه قرر ميخافش ويسألها بتعمل ايه هنا ففتح الباب كله وقال بتساؤل:انتي بتعملي ايه هنا يا سيلين!

سيلين اتوترت جامد من وجوده وقالت:لا افعل شئ كنت فقط ..كانت بتقول كلامها وبتخبي حاجه كانت في ايديها ورا ضهرها فحمزه شك فيها اكتر وقال :انا مش مطمنلك يا سيلين قوليلي كنتي بتعملي ايه بدل ما اتصل بخالي واقوله انك مش علي بعضك كدا وهو يجي ويشوف مالك!

سيلين قربت منه وهيا بتقول بنفي:لم افعل شئ كنت فقط اريده وعندما رأيت الغرفه فارغه كنت ذاهبه ولاكن انت أتيت فجأة مثل الجحيم!

حمزه بحركه سريعه مسك اللي هيا مخبياه ورا ضهرها وقال:مادام مش راضيه تقوليلي دا ايه انا هعرف بنفسي..مسك الكيس وفتحه وهو بيقول باستغراب: هوا مش دا دقيق انتي جايه تعجني بيزا هنا ولا ايه!

سيلين كلنت بصاله بعيون مفتوحه وهوا قرب البودره يشمها واول ما استنشق شويه بدا جسمه يتحرك بسرعه فبصلها بصدمه قبل ما البودره تأثر عليه وقال: دا مخدراات؟

سيلين قربت منه علشان تاخد الكيس وتسكته وباكنه خرج بسرعه من الأوضه وقال باعلي صوته:مرسي تعالي بسرعه الحقني..

سيلين قربت منه واخدت الكيس ولاكنه مسكها وكتفها وقال:بق كنتي بتحطي لخالي مخدرات في اوضته علشان تبلغي عنه صح دانا هخلي ايامك سوده يا زرقه انتي ..

كان حمزه بيقول الكلامه بوعي ولاكن مفعول البودره بدأ يشتغل ويأثر عليه فحمزه بدأ بالتدريج يفقد توازنه ولحسن حظة ان مرسي وصل بسرعه ومعاه اتنين من الخدم ولما شافوه كدا قالوا بقلق:حصل ايه يا حمزه باشا !

حمزه قال قبل ما يفقد توازنه نهائيا:البت دي معاها مخدرات وانا بالغلط اخدت منهـا..قال كلامه ووقع علي الارض ..

مرسي بص لسيلين بغضب وأمر الشباب اللي معاها يمسكوها لحدما هوا يحاول مع حمزه ويفوقه ..

وبالفعل الشباب كتفوا سيلين واخدوا منها البودره وبلغوا الحراس اللي في القصر باللي حصل والحارس اللي كان استلم البيتزا من كام يوم قدر يدخل اوضتها ويفتش فيها ولما اكتشف ان كان شكه في محله طلب منهم يخلوها زي ماهيا وهو هيتصل بماهر باشا ويعرفوا!

وعند مرسي وحمزه كانوا دخلوا الحمام وبدا مرسي يغسل لحمزه وشه ولاكن حمزه كان فقد وعيه تماما لان دي كانت اول مره حمزه يتعاطي حاجة زي دي …

مرسي شال حمزه علي ضهره لما افتكر حل سريع واتجه بيه للمطبخ وطلب من الطباخ يجبله سمك ني وبالفعل جابوه وبدأ مرسي يشممه لحمزه وبدأ حمزه يفوق بالتدريج وبعدها جهزوله قهوه وحمزه شربها وفاق ولاكن مش نهائي كان في وعيه انه يشرحلهم ايه اللي حصل ..واول ما الحارث بلغه ان من يومين وصلها طلب بيتزا من شاب كان شكله غريب وهيا ادتله فلوس كتير

..فوقتها شك فيها وكان شكه في محله .. وبلغه انه اتواصل مع ماهر باشا ولاكن ماهر مردش عليه فحمزه قرر ان هوا اللي يعاقبها المره دي وقال:خالي دلوقتي مشغول اتصرفوا انتو معاها وانا هبلغه بكل حاجه لما اروحله بس اهم حاجه متخلوهاش تهرب لان واضح كده ان البت دي وراها مصيبه كبيرة وانا من البدايه مرتحتلهاش ومش فاهم ليه خالي سايبها هنا لحد دلوقت ؟

الحراس وافقوا علي كلام حمزه وحمزه قرر يطلع ياخد شاور ويغير هدومة علشان يروح لهاله وبالفعل كان حمزه خلص لبس بعد مرور نصف ساعه خرج من القصر وركب عربيته واتجه لبيت احلام؟

___________

وفي بيت احلام صحي ماهر علي صوت خناقه في المنطقه فقام بسرعه وهوا بيبص حواليه ولما لقاها نايمه في حضنه قلبه فضل يدق بسرعه وبدأ ياخد نفسه بصعوبه لانه واخيرا بدأ فعلا يحب احلام بجد ..

واحلام كانت صحيت علي نفس صوت الخناقه ولما لاقته بيبصلها وساكت اتخضت وبعدت عنه وهيا بتقول:هو انا نمت كدا ازاي..

ماهر بصلها وقال بتساؤل:انا برضوا مش عارف تفتكري مين اللي نام في حضن التاني؟

احلام بصتله بخجل وحركت واسها وقالت:مش عارفه ..

واحد من اللي في الخناقه كان بيحدف واحد تاني بطوبه ولسوء حظه ان الشاب تخطي الضربه والطوبه وصلت ابلكونه احلام وكسرت الازاز..

ماهر اتخض وادالها ضهره بسرعه لان الازاز كان جمبهم ولحسن حظهم ان الستاره كانت مقفوله ومحدش فيهم اتأذي كان في نفس اللحظة وصل حمزه ولما انتبه ان الشاب دا حدف طوبه وكسر الازاز خرج من عربيته علشان يتخانق معاه وكانت دي المره الأولي لحمزه في انه يستغل عضلاته ويدافع عن حق اللي حواليه..

الشاب بص لحمزه وقال بغضب:ملكش دعوه انت يا استاذ واحترم بدتلك بدال ما اقطعهالك..

حمزه رفع حاجبه وقال بسخريه:وايه انت متحترمش شنبك دا بدل ما انتفهولك شعره شعره؟

الشاب اتعصب واتضايق لان كل الرجاله اللي كانوا بيدافعوا معاه ضحكوا علي كلام حمزه وباكن حمزه قال بغضب:انت كسرت الازاز دا ولازم انت تصلحه وانا هطلع اطمن ان محدش اتذي علشان لو حد اتأذي هتدفع الثمن غالي ..

حمزه بصوت عالي:مين الحيوان اللي كسر الازاز؟

الشاب اللي حدف الطويه بص لحمزه وقال برفع حاجب: حيوان؟دا انت فاتح صدرك ومش خايف من حد بق؟

الشاب قال كلامه و بص حواليه لرجالته وقال:خلينا نعلمه الادب لانه شكله مترباش..

حمزه حط ايديه علي مناخيره وحس انه حط نفسه في خطر فقرر يسمع كلام ماهر لما قاله يحسب اي خطوه قبل ان يخطيها علشان اي اضرار هتحصل هوا اللي هيستقبلها ..

فبص لعدد الشباب ولاحظ انهم كتير عليه ولاكن ولأول مره يقرر انه يعمل حاجه كويسه وعلي الاقل يحس انه شجاع ومش جبان زي كل مره..

فقرب من الشاب اللي غلط فيه ومسكه من هدومه وقال بضيق:انت غلطان انا متربي ومتربي احسن تربيه ولو مش عارفني فانا حمزه الشناوي تربية ماهر الصياد..قال كلامه وصفعه بقوه لدرجة ان الشاب طار وخبط في الشاب اللي وراه..

كل اللي موجودين بصوا لحمزة بصدمه لانه باين عليه انه صغير ولاكن متوقعوش انه قوي بالشكل دا ..

كان بيتابع اللي حصل من الشباك ماهر واحلام واللي حطت الطرحة علي دماغها علشان تشوف مين الحيوان اللي كسر الازاز ولاكنها انبهرت بحمزه لما دافع عن ازاز بلكونتها واخد حقها وبعدما ضرب الشاب قرب منه واخد من جيبه محفظته وطلع منها مبلغ وقال:هنصاخ بيه الازاز ولو مكفاش هجيبك وهاخد منك الباقي..

من فوق كان ماهر باصص عليه وفخور بيه انه لأول مره ميخافش ويقدر يدافع وياخد حقه ..

الشاب بص لحمزه وقال:انا برضوا مش هسيبك!

الشاب التاني اللي كانت الخناقه مقلوبه عليه قرر يقف جمب حمزه ويقول بتحدي للشاب التاني وللرجاله اللي معاه انه مع حمزه ولو قربوا منه هيزعلهم وبالفعل الخناقه اتفضت والشاب كلهم مشيوا ومفضلش غير حمزه الشاب والي قال بانبهار:هو حضرتك بتلعب چيم فين !

حمزه ابتسم بفخر وقال:جيم خالي في القصر بتاعه وهو اللي بيدربني ولو نفسك تتعلم تدافع عن نفسك روح لاي حد عنده خبره في الدفاع عن النفس وحاول مع نفسك وان شاء الله محدش هيقدر يغلبك بعد كدا!

الشاب سلم علي حمزه وشكره انه بسبب اللي عمله قدر ينقذه من تحت ايد الشاب المفتري دا وشلته وبعدما قال كلامه حمزه قفل عربيته وطلع للبيت وماهر اول ماشاف انه بيقرب منهم طلب من أحلام تغير هدومها وتلف الطرحه علش شعرها ..

وبعد دقايق وصل حمزه وخبط علي الباب وماهر فنحله واول مشافه كانت عيون الفرحه في عينيه فخبط علي كتفه وقال:مكنتش متوقع ان النمله دي جواها وحش شجاع؟

حمزه ضحك علي كلامه وقال:اهي النمله دي يا خالي انت اللي حولتها لبطله علشان كلامك قصر فيا وغير فيا حاجات كتير ومن النهارده مش هسمح لاي مخلوق يضربني لاني مش ضعيف..

حضنه ماهر بفرحه وقال:هوا دا حمزه اللي انا ربيته واتمني انك تفضل كدا ؟

حمزه دخل وقعد علشان يريح رجله واول ما ماهر قعد حمزه حكاله عن اللي شاف سيلين بتعمله وحكاله عن البدره اللي شمها بالغلط وان مرسي وبقيت الخدم ساعدوا يفوق وطلب منه يمشيها لانها بقت خطر عليهم لانها مش شبههم وقاله:خالي انا مكنتش مرتاحلها من الاول وعلي فكره دي واضح ان وجودها فجاه عندنا في القصر مش مجرد صدفه وانها ناوية لحاجة تانيه ..هو انت كنت وعدتها فعلا بالجواز ولا كان مجرد كلام وخلاص..

ماهر اتنهد بضيق وقال:كل الحكايه ان والدها ساعد جدك وقت اما جه يبني الشركه وانا طبعا علشان اردله الجميل كانت بتقرب مني ومتعلقه بيا فانا وعدته اني هتجوزها ولاكن لما ابني مستقبل كويس ليا وانا وقتها كنت فاكر انها بنت كويسه ولكن اكتشفت انها طايشه وبتروح لاي حدوتغلط معاه ومعندهاش اي وعي انها مسلمه وان كل دا غلط!

حمزه بتساؤل:يعني هتمشيها يا خالي وتجيب احلام تعيش معانا!

ماهر حرك راسه وقال:حاضر همشيها وهجيب احلام بس مش عارف احلام هتوافق ولا هترفض!

ابتسم حمزه بحماس وقال:احلام هتوافق بعدما اقولها اني بحبها زي اختي الكبيره واني بعتبرها شخص مهم في حياتي وان وجودها جمبك هيزود حياتنا واحس ان ليا عيله فعلا ..

ماهر قلبه اتحرك من مكانه لانه حاسس بحمزه وعارف انه فاقد شعور ان يكون ليه ام واب فقال بابتسامه:اوعدك يا حمزه اني هقنعها وهخليها تيجي معايا بس دلوقت احنا في عزاء والدها وهيخلص بعد بكرا فانا بطلب منك تروح تجهزلي جناحي وتجدده لحدما نرجع انا وهيا للقصر وعاوزها لما تدخل تحس ان كل حاجه جديده ؟

حمزه بصله وقال بشك:وهيا هتعرف ازاي ان الحاجه اللي هناك قديمه؟

ماهر بصله وسكت وحمزه حس ان احساسه وقتها لما راحله علشان يجيب البدله كان صح وانه كان معاه في الاوضه حد وان اللي كانت معاه اكيد احلام فقال بمشاكسه:يعني احلام كانت هيا البنت اللي كنت مخبيها!

ماهر اتصدم واتوتر وقال :لا؟

حمزه بضحكه:يا خالي بطل بق حركاتك دي انت كبرت علي فكره والحجات دي شغلي انا يعني الكدب ملوش رجلين وانا هدخل واسأل احلام بنفسي؟

ماهر شده عليه وقال بغيظ:انت رايح فين يا حيوان انت دي بتغير هدومها وبعدين اه هيا اللي كانت معايا في الاوضه بس علشان دماغك متروحش شمال كانت موجوده علشان مفتاح شقتها ضاع؟

حمزه ابتسم وحرك راسه وقال:ايوا طبعا وهتلاقيها بق قالتلك رجلي بتوجعني وانت اكيد شيلتها وحصلت الحجات اياها؟

ماهر اتصدم من كلامه وقال بخضه.انت بتقول ايه وجبت الكلام دا منين؟

حمزه بضحكه:يا خالي انا قديم في الشغل دا واكيد عارف حركات البنات دي وبعدين قولي هيا فعلا عملت كدا!

ماهر بص علي الباب اللي احلام فيه وقال :ايوا كلامك صح بس هيا فعلا رحليها كانت متعوره ووارمه؟

حمزه قال وهو ضامم حاجبه:انا برضوا قولت ان احلام بنت محترمه ومش بتاعت رجلي بتوجعني يا بيبي شيلتي!

ماهر ضربه علي دماغه وفي اللحظة دي خرجت احلام وهيا بتقول:ازيك يا حمزه!

حمزه وقف وقرب منها وقال:الحمد لله اتفضلي يا احلام الفلوس دي انا اخدتها من الشاب اللي كسر الازاز بتاع البلكونه !

احلام ابتسمت بهدوء وقالت:شكرا يا حمزه مكنتش اتوقع انك شجاع كدا!

حمزه ابتسم بخجل وقال:بصراحه ولا انا دي كل الحكايه اني شوفت بنت جميله لابسه زي مدرسي وبتبص عليا بعيونها الجميله الخضراء فقولت اني لو اضربت قدامها مش هعرف اشقطها ولاكن للاسف حتي بعدما ضربت الولا دا بقلب جامد ببص عليها لاقتها مشيت متعرفيش هيا مين؟

احلام اتصدمت اول ما سمعت كلامه وبصت لماهر اللي كان مصدوم زيها لانه للحظة حس ان حمزه كبر واتغير ولاكن طلع كل تخيلاته غلط فقرب من حمزه ومسكه من شعره وقال:يعني كلامي مقصرش فيك وكل دا علشان خاطر البنت دي !

حمزه حرك راسه بالموافقه وقال:انا اسف يا خالي بس انا فعلا شكلي مش شجاع انا بتحامي فيك انت العزوه يا خالي..

احلام قربت منهم لان من الواضح ان ماهر هيضربه فقالت بمقاطعه: خلاص اهدي وبعدين انت يا حمزه شايف ان دا وقت هزار ..

حمزه بصلها بخجل وقال:انا اسف !

احلام دخلت للمطبخ علشان تعملهم فطار وماهر بص لحمزه بغيظ وقال:طول عمرك بتبوظ اللحظات السعيده وعلشان لطافتك وظرافتك دي هتروح تعمل اللي قولتلك عليه وهتلاقي منعم تحت بلغه يجيب حد بتاع ازاز ويصلح الازاز اللي اتكسر دا ومحدش يطلع هنا غير لما يتصل عليا الاول ويعرفني انه طالع لان دي مش مفتوحه بحري اي حد كدا يدخل والسلام ؟

حمزه بص لخاله بغيظ وقال وهو بيمشي:وانت فاكرني هموت واقعد هنا لا انا عاوز اشوف البنت ام عين خضرا دي راحت فين لاني وقعت يا خال خلاص بعد ازنك لما تتجوز طنط احلام فعلا ابق تعالي نخطبها؟

احلام كانت سامعه كلامه ولانها عارفه ان لسا شاب صغير مردتش تقاطع كلامه وابتسمت علي كلمة طنط واول ما انتبهت انه خرج وماهر بيقرب منها بدات تتوتر واول ما لقته واقف وراها قالت:خليك استريح جوا وانا قربت اخلص!

ماهر برفض:خليني اساعدك بما اني دلوقتي واخد اجازه ومعندش حاحه اعملها؟

احلام بصتله بتررد ولاكنها حركت راسها بالموافقه وهوا قرب منها علشان يجهزوا الفطار مع بعض…

____________

وفي شركة ديسكاشيال كان ياسر داخل وهوا لابس ماسك ونظاره واول ما وصل وملقاش احلام اتضايق لانه كان عايز يشوفها علشان يطردها قدام الموظفين ولاكن لحسن حظها انها مكانتش موجوده فدخل مكتبه واتصل بواحد من مساعديه يعلن عن طلب سكرتيره جديده ولما ساله المساعد عن احلام قاله انه رفدها لانها مش شاطره وطبعا دا كذب لان ياسر كان محتفظ بالعقد اللي هيا مضته لان في شروط تخليها متسيبش الشغل في شركته لحدما يعدي سنه ولو قررت تسيب الشغل لازم تجيب بنت في نفس مستواها العملي ولو رفضت هتدفع غرامه بمبلغ ١٠٠ الف جنيه ؟

ياسر مسك مرايه عنده في المكتب وقلع الماسك والنظاره علشان يشوف شكله واتضايق لانه ورام لسا ..فاتعصب واتصل بشوقي وقال:انت يا زفت عملت ايه؟

كان شوقي بيراقب حمزه وقدر يعرف ان والد احلام مات فقال:براقب حمزه يا فندم انا اخذت اجازه من الشركه علشان افضاله؟

ياسر بغضب:انت متخلف ومين اللي هينقل اخبار الشركة انت ازاي تعمل حاجه زي دي من ورايا؟

شوقي قال بضيق:انا اسف يباشا بس انت كنت في..

ياسر اتحول عليه وقال:انا مش عايز اسمع اعتذار من النهارده لو مش عارف تشوف شغلك عرفني وانا اوظف غيرك ..

شوقي زعل من كلامه وقال:بس انا شايف شغلي يباشا انا مقصرتش؟

ياسر:لا قصرت وبعدين مالك كده متغير من وقت ماقولتلك هتدبر للولا دا حدثه اي قلبك رق وهتضعف؟

شوقي غمض عينيه وقال برفض:لا ياباشا انا زي منا وبراقبه علشان انفذ اوامرك .

ياسر:طيب بعد كده متعملش حاجه من دماغك تاني لاني مش فاضي اغفرلك اخطائك انا مش فاضيلك! ياسر قال كلامه وقفل في وش شوقي واللي اتاثر جدا وحس انه مهمها هيعمل هيفضل بالنسبة لياسر لا شئ لان ياسر دا معروف انه حثاله لانه اترفد من الحكومه بسبب خيانتة للداخليه وعلشان ميفضحهوش قرروا يرفدوه ويحرموه من منصبه اللي كان بيتباهي بيه وياسر بلغ الناس انه ساب الشغل في الداخليه علشان الشركه ولاكن في الحقيقه هوا فاشل ومعتمد علي نجاح غيره وافكارهم فقال شوقي بغيظ:انا استاهل علشان عملت لواحد زيك قيمه وخونت مديري علشان شويه فلوس..

وقف شوقي عربيته اللي كانت ماشيه ورا عربية حمزه وقال:مش هسمحلك تأذيه وهعرف مديري الحقيقي علي كل حاجه وانا استحق اي عقاب هاخده؟

__________

رواية حبيبي المدير بقلم شيماء صبحي

كانت احلام انتهت من عمل الفطور وكان ماهر بيساعدها فقال وهو بيحط الاطباق علي السفره:مش هتاكلي!

احلام :لا مليش نفس؟

ماهر مسك ايديها يمنعها تمشي وقال:امال عملتي الفطار دا كله لمين؟

احلام شاورت عليه وقال:ليك؟

ماهر بص للاكل وقال:وانا بق هاكل كدا دا ؟

احلام بهدوء:بألف هنا؟

ماهر حرك راسه بالرفض وقال:لا يا احلام انتي هتاكلي معايا انا متعود اصلا مافطرش بس كنت هفطر معاكي بس متوقعتش انك ترفضي..

احلام بصتله وقالت :حاضر هاكل؟

قعدوا الاتنين جمب بعض وبدات احلام تاكل وماهر ياكل معاها وكانت احلام سرحانه وهو مركز معاها ولحدما انتهوا ماهر بص لهدومه واتصل بمنعم يجبله لبس وبعدما قفل معاه بصلها وقال:احلام احنا لازم نتكلم في موضوع ضروري؟

احلام قالت بتساؤل:موضوع ايه؟

ماهر:فاضل بكرا علي انتهاء العزاء وانا مستحيل اسيبك تعيشي هنا تاني انتي لازم تيجي تعيشي معانا في القصر ..

احلام حركت راسها بالرفض وقالت:انا اسفه بس انا مش هقدر اسيب هنا بسهوله كدا وبعدين معلش يا ماهر موضوع جوازنا دا جه فجاه ومش عارفه انا وافقت ازاي بس انا لسا مش مستعده لاي حاجه ولا حتي لجوازنا انا محتاجه اعيد ترتيباتي من جديد وبالزات ان الوضع اختلف بعدما بابا مات ؟

ماهر بصلها باستغراب وقال :يعني ايه كلامك دا ممكن تشرحيلي اكتر؟

احلام بلعت ريقها وهيا بتقول:انا قبل اي حاجه لازم اعرفك حقيقة شغلي في شركة ياسر غنيم!

ماهر حرك راسه باهتمام وهيا قالت:في الحقيقه انا اتعرفت علي ياسر صدفه لما كنت بتخانق مع مديري القديم لانه طلع اشاعه عني مش حقيقيه وانا مكانش لازم اسكت عليها وهناك كان ياسر موجوده وانا اتعرفت عليه وكنت وقتها قدمت في شركة علي النت واكتشفت انها شركته فوافقت اشتغل فيها خصوصا ان الراتب كان كبير واول مره استوعب ان فى حد بياخد في الشهر مبلغ زي دا ولان طبعا بابا والعمليه كانوا محتاجين فلوس فوافقت وطبعا انت عارف كل اللي حصل ..وبصراحه ياسر قالي انه هياخد منك شحنه وفي الواقع انا ساعدته لاني مكنتش لسا اعرفك ولانك اتغيرت فكنت بالنسبالي شخص عادي بس متوقعتش ان الظروف تقربنا تاني ووقتها كان هوا اخد منك الشحنه وحتي يوم الحفله بالصدفة عرفت انه جايبني علشان يشتتك كان فاكر انك بتحبني وهتتأثر لما تشوفني وللاسف خطته فشلت ولاكن اللي حصل بعدها دا مكانش مترتبله ..

ماهر كان سامع كل كلامها بصمت وهيا دمعت وقالت:انا عارفه اني غلط في حقك وفي حق حمزه رغم ان انتوا اللي وفقتوا جمبي في اصعب اوقاتي ولاكن دلوقت انا مش قدامي حل تاني غير اني..

ماهر قاطع كلامها وقال: احلام كل اللي انتي قولتيه دا انا مش زعلان منه لاني عارف ان ياسر دا مراقبني وعارف اخبار شركتي وفي الواقع الشحنه اللي اخدها كانت شحنه خسرانه لان الشركه الايطاليه دي نصابه ولحسن حظي اني اكتشفت دا بدري ولان ياسر دا طماع وميهموش غير المكسب فاكر اني حاطط كل املي وفلوسي فيها ولاكن بالعكس انا طلعت من الشحنه دي فايز ومخسرهم هما وهوا دلوقت لما يبعتلهم الشحنه مش هيبعتوله فلوس ودي اخرة الغش والطمع فانا كل اللي يهمني دلوقت انك كويسه وانتي برضوا لو عرفتيني كل حاجه بدري كنا هنتفادي يوم الحفله يمشاكلة بس كل حاجه عدت والحمدلله ان مفيش حد فينا اتأذي ..

احلام بصت في الارض بخجل منه وقالت:يعني انت مش متضايق؟

ماهر ضمها لحضنه وقال:مستحيل اني اتضايق منك لانك احلام يا احلام وانا مش مصدق اني لقيت تاني ؟

احلام بصتله وقالت بتساؤل:يعني ايه لقيتني هوا انت كنت بتدور عليا!

ماهر حرك راسه بالرفض وقال:في الحقيقه انا مدورتش عليكي ولاكن كنت حاسس اني هقابلك تاني ويوم اما شوفتك في القسم كنت حاسس اني شوفتك قبل كدا ولما سمعتك وانتي بتقولي اسمك للظابط حسيت وقتها انك احلام وطبعا ثبتيلي دا بعد فترة قصيرة؟

احلام بصتله بحب وابتسمت وهوا قال:حمزه طلب مني اترجاكي انك تيجي تعيشي معانا في القصر وعلي فكره قالي انه بيعتبرك جزء من عيلته ويتمني انك توافقي؟

احلام ابتسمت وقالت :هوا حمزه فين باباه ومامته؟

ماهر قال بحزن:انفصلوا من وهو صغير وانا قررت اتبناه ؟

احلام بتساؤل:بس الفرق بينكم مش كبير!

ماهر بابتسامه:انا اتبنيته رسميا لما بلغت سني القانوني وانا اصلا كنت معتبره ابني من وهوا صغير..

ابتسمت احلام علي كلامه وهو ضمها لحضنه تاني وقال:خلينا نخلص ايام العزاء هنا ونرجع مع بعض للقصر؟

احلام حركت راسها بالموافقه ووقتها الباب خبط وماهر قرر يفتح الباب ولما شاف انها مروه من العين السحريه قرر يسيب احلام هيا اللي تفتحلها وهوا هيدخل يستني منعم اما يجبله هدومه علشان ينزل ياخد العزاء مع عم احلام ..

____________

مروه دخلت وسلمت علي احلام وساعدتها ينظموا الييت علشان يستقبلوا السيدات اللي هيجوا يعزوا وكان وقتها طلع منعم ومعاه بدل لماهر واحلام قررت تاخدهم منه وتدخلهم لماهر بنفسها واول ما دخلت الاوضه كان ماهر بيلم الازاز وايديه اتخدشت فقربت منه بلهفه وقالت:انت كويس؟

ماهر كتم الدم بايديه وهيا قامت بسرعه جابتله قطن ومطهر وشاش وساعدته وبعدها قالت بلوم:كنت سيبه وانا هبعت اجيب اي حد بتاع ازاي يجي يلمهم ؟

ماهر حرك راسه بالموافقه وقال:لا خليكي انتي انا بلغت السواق بتاعي يجيبه وزمانه جاي!

احلام حركت راسها بالموافقه ولفتله ايديه كويسه بالشاش وقالت وهيا بتشاور علي البدل:السواق جابلك الهدوم اللي طلبتها اناهسيبك بق علشان تغير هدومك براحتك!

ماهر حرك راسه بالموافقة واحلام خرجت ووقتها كانت الساعه اصبحت ١٢ الظهر وبدأت نساء المنطقة يدخلوا شقة احلام ويعزوها وكانت مروه جمبها وبتعمل شاي للناس اللي بتيجي وكان ماهر خلص من تغير هدومه وخرج من الاوضه ولما شافوه اهل المنطقة سألوا احلام عنه وهيا بلغتهم انه يبق ماهر وانه وجع من برا مصر وكانوا معظمهم عارفين ماهر لانه كان مشهور هو واحلام في المنطقه وماهر كان نزل بعدما شاور لاحلام انه نازل للعزاء وهيا حركت راسها بالموافقه ..

واحده من السيدات دول قالت بتساؤل:هوا ماهر كان بيعمل ايه في اوضتك يا احلام ؟

احلام اتوترت ولاكن مروه ردت علي الست دي وقالت:كان بيبدل هدومه لانه جاي من سفر لما عرف ان باباها مات؟

سكتوا السيدات وهما بيحركوا راسهم بتفهم ولاكن

مروه قربت من احلام وقالت بهمس:هوا كان نايم هنا ولا ايه؟

احلام وشها احمر وقالت بصوت ضعيف جدا:ماهر بق جوزي؟يتبع بقلمي شيماء صبحي

"واحده من السيدات اللي قاعدين قالت بتساؤل وهيا بتوجه كلامها لأحلام :هوا ماهر كان بيعمل ايه في اوضتك يا احلام ؟

احلام اتوترت ولاكن مروه ردت علي الست دي وقالت:كان بيغير هدومه لانه لسا راجع من السفر   لما عرف ان باباها مات؟

سكتت  الست اللي سألتها وبقيت السيدات حركوا راسهم بتفهم ولاكن مروه قربت من احلام وقالت بهمس وهيا بتسألها :هوا ماهر كان نايم هنا ولا ايه؟

احلام وشها احمر وقالت بصوت ضعيف جدا:ماهر بقا جوزي يا مروة..

مروه بصتلها بصدمة كبيره وكانت هتتكلم بصوت واضح ولاكن احلام مسكتها من ايديها وضمتها عليها وقالت بقلق:مروه اهدي علشان محدش ياخد باله مننا ويسمعنا؟

مروه حطت ايديها علي فمها وهيا بتبص لاحلام وبتحرك راسها بالموافقه وبعدها احلام علشان متلفتش النظر ليهم مسكت مروه  من ايديها ووقفت وهيا بتقول:خلينا نروح نعمل قهوه !

احلام قالت كلامها بصوت واضح ومشيت علشان الستات يسمعوها  كانت مروه  مشايه وراها وهيا بصالها ولسا مصدومه واول ما دخلوا المطبخ مروه قالت بهمس:ازاي؟

احلام وشها احمر وقالت:كل حاجه حصلت فجأة ومكنتش متوقعه انه يطلب ايدي وانا وافقت ومش عارفه ازاي وافقت بس..اخدت نفس وكملت كلامها: بعدما كتبنا الكتاب عرفت من عمي ان بابا هو اللي طلب من ماهر يتجوزني.. 

مروه كانت بتبص عليها ومستغربه كلامها ولاكن احلام كان قلبها بيدق جامد لانها اصبحت بالفعل زوجة ماهر وكانت بتتخيل انها ممكن تقرب منه عادي بدون خوف ولاكن قاطع تخيلاتها صوت مروه..

مروه قالت بتساؤل :هوانتي رجعتي تحبي ماهر من تاني؟

احلام بصتلها وهيا مصدومة من سؤالها المفاجئ ومروه قالت بشك:خدودك حمرا ومتوتره يبق انا كلامي صح!

احلام حركت راسها ببطئ وقالت:ايوا ..رجعت أحب ماهر ..مشاعري اتحركت وكل الحب بتاع زمان رجع من جديد!

مروه ابتسمت على كلام احلام وحضنتها وقالت:رغم اني مصدومه ودا واضح علي وشي الا اني مبسوطه اوي انك اتجوزتيه ..ماهر شخص كويس وانتي تستاهلي كل خير '

ابتسمت احلام بفرحة علي كلام مروه وقالت:كلامك دا فرحني اوي يا مروه انا كنت خايفه اوي  من رد فعلك لما اقولك !

مروه ضغطت علي حضنها وقالت :هوا انا صح كنت عاوزه اصرخ من الصدمه بس برضوا دا ميمنعش اني دلوقت عاوزه ارقص من الفرحه..

احلام بعدت انها وهيا بتقول بصدمة:ترقصي؟

مروه انتبهت لكلامها وقالت بعذر :لا يا احلام مش قصدي انا بس فرحت فجاة..

احلام ابتسمت وهيا بتقول: مفيش حاجه انا بس اتفجأت لان دا مش وقته ولاكن المهم عاوزه اخد رأيك في حاجه كدا؟

مروه باهتمام:قولي يا حبيبتي.

احلام حركت راسها بالموافقه وقربت من البوتجاز علشان تجهز القهوه وقالت وهيا بتبص الروه تاني :ماهر طلب مني اروح اعيش معاه في القصر وانا رفضت في البدايه بس هوا اقنعني بصراحه بس انا دلوقت  محتاره لاني برضوا مش متعوده اسيب بيتنا  ؟

مروة بابتسامه:والله انا شايفه ان دي حاجه كويسه وبرضوا علشان متبقيش عايشة لواحدك تاني ولما تعيشي معاه هتتعودي بسرعه وهتنسي البيت وهتنسي كل اللي فات  ؟

احلام بتردد:انا بفكر في كدا بس في نفس الوقت برضوا انا مش مستعده خالص اسيب بيتي انتي عارفه اني عيشت هنا ٢٨ سنه ومتعلقه بالبيت جداا ومش قادره استوعب لسا اني هسيبه وهمشي!

مروه ضحكت وقالت:يا حبيبتي دا شعور عادي انك تحسي انك مش هتقدري تسيبي المكان ولاكن انتي مش هتسيبيه للابد هوا برضوا هيكون موجود وبرضوا انتي كنتي هتسيبيه علشان كدا كدا هتروحي  تعيشي في بيت جوزك ..ويا سيتي اديكي مش هتروحي لحد غريب وجوزك بق ماهر !

احلام رغم توترها حركت راسها باقتناع وقالت:طيب امري لله بس في حاجه  تانيه كدا شاغله بالي ؟

مروه حركت راسها وقالت بفضول:حاجة ايه؟

احلام وهيا بتفتكر سيلين:لما كنا في القصر امبارح قبل ما نيجي هنا كانت في بنت كدا اجنبيه وكانت بتبصلي بنظرات مش لطيفه ولما سالتها هيا مين قالتلي انها حبيبة الاستاذ ماهر ..ختمت احلام كلامها بنبرة من الغيرة؟

مروه بصتلها  بصدمه:طيب وهو كان رده ايه علي الكلام دا!

احلام بحزن:هوا اتفاجئ بس ما أنكرش كلامها!

مروه حطت ايديها علي خدها بتفكير وقالت:يعني معقول يكون اتجوزك وهوا عنده حبيبة ..

احلام حست بغيره شديده في قلبها فقالت بضيق:بس هوا قالي انه بيحبني واعترفلي امبارح وكان بيبصلي بنظرات كلها حب ازاي يعني دي حبيبته؟

مروه حركت راسها بتفهم وقالت:يبق بيحبك  انتي فعلا وممكن تكون البنت دي بتحبه بس هوا مبيحبهاش..؟

احلام حركت راسها برفض وقالت:بس انا فاكره انها نفس البنت اللي شوفتها يوم ما وصلت حمزه للقصر اول مره  ووقتها كانت لابسه لبس قصير وملفت لدرجة اني اتخضيت من شكلها ولما استغربتها حمزه وقتها قالي انها تبقي  حبيبة ماهر ..

مروه بصتلها بتفكير وقالت:مادام حمزه قالك كدا يبق كلامه صح لانه اكيد مش هيكدب عليكي  بس برضوا هو انتي سألتي ماهر عن الموضوع دا؟

احلام برفض:لا مكنش فيه فرصه أساله اصلا احنا بس كنا بنعاتب بعض بسبب يوم الحفله واتصافينا بس وقتها انتي جيتي ومقولناش حاجه تانيه؟

مروه بتفهم:طيب الموضوع بسيط متقلقيش وبعدين انتي دلوقت بقيتي مراته يعني تقدري تتكلمي معاها وتفهمي ايه اصل الحكايه واكيد خير لانه واضح كدا انه دايب فيكي انتي  !

احلام وشها احمر من كلام مروه وحركت راسها

باقتناع ومروه قربت منها وساعدتها يعملوا اكتر من فنجان قهوه وبعدما انتهوا خرجوا وقدموا للسيدات القهوه ورجعوا تاني قعدوا علشان يستقبلوا الناس اللي بتيجي ..

وفي عزاء الرجاله في الشارع..

كان ماهر بياخد العزاء مع عم احلام والاستاذ سلامه وجامبه صابر وكان ماهر بيبصله ومستغرب هوا مين لانه اول مره يشوفه ولما ساله عن اسمه ..صابر عرفه عن نفسه وبلغه انه من الجيران اللي في المنطقه وماهر رحب بيه لانه كان واضح عليه شاب جدع..واتعرف ماهر عليه وعرفه عن نفسه وصابر عرفه بسهوله لانه  مشهور بس مكانش يتوقع ان ماهر من اهل المنطقة…..

كان ماهر مرتاح لصابر وقرر ياخد رقم موبايله علشان يفضلوا علي تواصل وصابر كان فرحان لانه اتعرف علي ماهر ولانه عارف انه صاحب شركة الصياد ودي تبق  الشركة اللي نفسه يشتغل فيها من سنتين ولاكن بسبب مؤهله البسيط مقدرش بتعين فيها واترفض فقرر يستسلم  ويشتغل سائق تاكسي ولاكن مكانش يتوقع انه هيقابل مدير الشركه بنفسه ..

وبعد انتهاء اليوم خرجت مروه من شقة احلام بعدما بلغتها انها هتجليها  بكره كمان ولاكن احلام رفضت وطلبت منها تروح شغلها  وكفايا عليها اخدت النهارده اجازه  علشانها بس مروه رفضت وبلغتها انها مش هتسيبها لحدما العزاء يخلص والصبح هتيجي تاني..

احلام كانت بتودعها وهيا مبسوطه بوقفتها جمبها في كل ازامتها فاخدت عهد علي نفسها انها مش هتسيب مروه في  اي ازمة  تكون فيها وهتعمل كل اللي تقدر عليه علشان بس تردالها جزء بسيط من جمايلها ومساعدتها ليها ..

في الأسفل ..كان عزاء الرجالة خلص وكل من عم احلام والاستاذ سلامه وصابر رجعوا لبيوتهم وطلع ماهر لبيت احلام ووقتها كانت احلام وصلها صينيه من واحده جارتهم علشان تاكل هيا وقرايبها  ولان دي عاداتهم كان شئ مش غريب عليها.. 

وفي وقت ما احلام حطت الصينيه علي السفره علشان تشوف ايه مكوناتها خبط ماهر علي الباب وهيا قامت تفتحله؟

ماهر بصلها وقال:ازيك يا احلام عامله ايه دلوقت؟

احلام بصتله بهدوء وقالت:كويسه الحمدلله اتفضل!

دخل ماهر للشقه وهوا بيبص علي شكلها واول ما عينيه جت في عينيها تاني قال:انتي اكلتي؟

احلام حركت راسها بالرفض وهوا قال:هبعت  منعم يجبلنا اكل علشان ناكل مع بعض!!

احلام شاورتله  علي الصينيه اللي جابتها واحده من الجيران وقالت: ملوش لزوم في اكل هنا؟

ماهر بص لمكان ما هيا بتشاور ولما شاف الاكل حرك راسه بالموافقه وقال:طيب خلينا ناكل مع بعض؟

احلام وافقت وقربوا الاتنين من السفره علشان ياكلوا وبعد مرور دقايق خلصوا اكل ودخلت احلام  للحمام تغسل ايديها وماهر دخل وراها!

كان واقف وراها مستنيها تخرج من الحمام وهيا بسبب قربه الشديد منها كانت متوتره..

ماهر كان مبسوط من قربه منها ومستغل الوقت اللي اخدته احلام فانه يستنشق رائحتها بكل حب واول ما لقاها هلصت و هتخرج من الحمام قال برجاء:ممكن يا احلام تساعديني اغسل ايدي من غير ما ابهدل اكمام البدله!

احلام حركت راسها وقربت من كم البدله ورفعته وهوا بدأ يغسل ايديه وكان بيبص عليها من الوقت للتاني وبيخطف نظرات سريعه.. وبعد دقيقه انتهي ماهر من غسل ايديه وقرب منها وقال بابتسامه:شكرا!

احلام حركت راسها بتوتر وقالت:العفوا… باب الشقه  خبط واحلام بسطله  وقالت بخجل: هروح افتح الباب

ماهر بصلها وهو ماسك الفوطه وبينشف ايديه:لا خليكي انتي وانا هفتح ..

قال ماهر كلامه واتحرك في اتجاه الباب وفتحه واول ما الناس اللي بتخبط شافوه قالوا باستغراب:انت مين !

ماهر ضم حاجبه باستغراب وهو بيبص علي السيدتين اللي كانوا واقفين قدامه ومنقبين وقال:انا اللي مين ولا حضراتكوا اللي مين ؟

واحده منهم قالت وهيا بتبص للشقه بتفحص : احنا قرايب احلام هيا فين ؟

ماهر بص للبنت دي باستغراب من شكلها الغريب وقال بشك :قرايبها مين يا عني؟

البنت رفعت النقاب دا من علي وشها وقالت بضيق من اسألته الكثيرا :انا اختها الكبيرة!

ماهر اتفاجئ لما شاف اخت احلام " مريم "وكان مزهول بتغير شكلها الكبير فقال بصدمه: معقولانتي مريم؟

مريم بتساؤل:هو انت تعرفني؟

ماهر سكت واحلام انتبهت ان ماهر اتاخر فقامت علشان تشوف مين واول مشافت اختها وهيا بتكلم ماهر قالت بصدمه:مريم؟

مريم بصت لاختها وبدأت تبكي اول ماشافتها وقربت منها بسرعه وحضنتها وفي الوقت دا كانت احلام مصدومه ومش مستوعبه انها شافت اختها تاني بعد ما سابتها هيا وامها من ٩ سنين ..

الست التانيه قلعت النقاب واول ما ماهر شاف ملامح وشها اتصدم تاني وقال :مدام فادية!! 

احلام لما سمعت اسم مامتها وماهر بينطقه بصت علي الباب تاني واول ما شافت ملامح مامتها بكت بشده لانها مفتقداها ولان مامتها واختها سابوها كانت بتعاني لوحدها كانت احلام بتتمني انهم يرجعوا ويعوضوها ولاكن متوقعتش انهم لما يقرروا يرجعوا ..يرجعوا لما باباها يموت..

فادية مامت احلام قالت وهيا بتبص لماهر بتساؤل :انت مين وبتعمل ايه هنا مع بنتي في وقت زي دا؟

ماهر بصلها وقال بتساؤل:السؤال دا لحضرتك انتي اللي بتعملي ايه هنا في وقت زي دا؟

احلام بعدت عن اختها اللي كانت بتبكي من غير دموع وقربت من ماهر وبصتله بلوم لانه بيكلم مامتها باسلوب مش حلو وقالت وهيا بتبص لمامتها بحزن شديد وقالت:انتي رجعتي تاني ليه يا ماما اكيد عرفتي ان بابا مات صح؟

امها بصت للارض بحزن وقالت:انا اسفه يا بنتي اسفه اني مشيت وسيبتك انتي وابوكي وانتوا في اشد احتياجكم ليا بس صدقيني كان غصب عني الحِمل كان تقيل وانا مكنتش هقدر عليه؟

احلام قالت  بدموع :وانا بق اللي قدرت  عليه ..دانا كنت لسا عيله ومعنديش اي خبره في الحياه انتي كنتي انانيه اوي  يا ماما ومفكرتيش غير فيكي وفي مريم وسبتوني لوحدي!

ماهر لاحظ ان صوتهم بدأ يعلي فقرر انهم يدخلوا ويتناقشوا جوا ولاكن احلام منعته ودا فاجئ ماهر فقالت بنبرة مليانه جديه :انا اسفه يا ماما لو حضرتك جايه تعزي فالعزاء بيكون بالنهار ولاكن لو جايه تقعدي هنا تاني دا مش بيتك وانتي للاسف مش مرحبه فيه !! 

مريم اتصدمت من كلام اختها الصغيره فا جت من وراها وقالت بغضب وعتاب:انتي ازاي بتتكلمي مع امك كدا انتي مش عارفه يعني ايه احترام!

بصتلها احلام وقالت بدهشه : لا انتي غلطانه انا محترمه ولاكن انتي اللي مش عارفه يعني ايه ان ابوكي يكون بيموت وتروحي وتسيبه وهو محتاجك؟

مريم بصت لمامتها واللي كانت متضايقه من استقبال احلام ليهم فمامتها غمضت عينيها بمعني انها هتحل الموضوع وبدأت تقرب من احلام وتحضنها وهيا بتقول بحزن:انا اسفه يا احلام ارجوكي سامحيني؟

احلام اتوترت من حضن والدتها  ليها ولاكنها اول ما شمت ريحتها بكت وحست انها فعلا محتجاها ..

كان ماهرواقف  وهوا مركز معاهم وملاحظ وجعها اللي كان واضح علي ملامحها فبصلهم بضيق لانهم كانوا السبب في عذابها كل السنين دي قرر انه يفضل جمبها ويكون معاها  لحدما يعرف ايه حكايتهم وليه ظهروا من جديد !

مريم بصت لوالدتها وابتسمت لان احلام اتأثرت بحضنها  وبدات تتراجع عن عنادها وامها بعدت عنها وقالت:معقول مش هتدخليني يا احلام  دا حتي لو مكانش بيتي فهوا بيتك يا احلام وانا مامتك!

احلام بصت لماهر وعيونها فيها دموع وهوا حرك واسه بمعني انها تسمحلهم يدخلوا واول ما دخلوا وقفل الباب قرب منها وقعد جمبها وهوا بيركز في ملامح اختها ومامتها لانه حس ان نظراتهم لاحلام مكانتش كويسه..

احلام بصت لمامتها وقالت بلوم:بابا مات امبارح وكان نفسه يشوفك انتي ومريم!

مامتها بكت وبصتلها وقالت:مكنتش اعرف انه فاق وصدقيني لو كنت اعرف كنت جيت بس خلاص فات الاوان!

مريم كانت بتبص لتفاصيل الشقه بطريقه غريبه وكأنها بتعاين كل شبر فيها ولان ماهر مكانش مرتاحلهم كان قدر يفهم نظراتها وعرف انهم مش جايين يعزوا ولاكن جايين علشان غرض تاني..

 مريم بصت لماهر بتساؤل وقالت:متعرفناش هو مين حضرتك!

ماهر عدل لياقة قميصه بضيق وقال:انا ابق زوج احلام؟

مريم بصت لوالدتها بصدمه وبصت لاختها وهيا مش مستوعبه كلامه وسألته تاني:ازاي وحضرتك مين واسمك ايه ؟

احلام انتبهت لكلام مريم  مع ماهر باصلوب جريئ ولاحظت نظراتها لماهرواللي كانت غريبه ولما بصت لماهر علشان تسمع رده  قال:انا ماهر الصياد جاركوا القديم ودلوقتي انا زوج احلام!

مريم بصتله بعيون مفتوحه لان ماهر كان شكله نظيف وباين علي لبسه انه مش شخص عادي فقالت وهيا بتبص لاحلام:انتوا اتجوزتوا امتي؟

ماهر اللي رد عليها وقال:من فتره قصيره !

مريم:يعني انت عايش هنا؟

ماهر حرك راسه برفض وقال:لا عندي القصر بتاعي ولاكن دلوقتي قاعد هنا لحدما العزاء يخلص وهنرجع تاني لبيتنا؟

اول ما مريم سمعت كلمة قصر عيونها لمعت وبصت لمامتها اللي كانت بتبص عليها بنفس النظرات والاتنين بصوا لأحلام وباركولها وهما بيقولوا:الف مبروك يا حبيبتي!

احلام حركت راسها بهدوء وقالت :الله يبارك فيكوا!

ماهر بص لاحلام وطلب منها يتكلموا علي جنب وهيا وافقت وقامت ودخلوا الاتنين لغرفتها ووقتها قربت مريم من امها وهيا بتقول بدهشه:انتي سمعتي اللي انا سمعته يا ماما دا بيقولك عنده قصر يعني احلام اختي عايشه في قصر واحنا اللي عايشين في شقه معفنه؟

مامتها حطت ايديها علي بؤقها بتمنعها تتكلم تاني وقالت بهمس:وطي صوتك يا غبيه هيسمعوكي وبعدين انتي مش قولتيلي انها كانت مخطوبه وخطيبها. ا كان زميليها بس سابها  من فتره هيا لحقت اتجوزت دا امتي؟

مريم بعدم استيعاب:مش عارفه بس مش مهم اتجوزته امتي المهم  لوقت  ماهر معاه فلوس كام؟

مامتها حركت راسها برفض وقالت:خلينا ناخد ورثنا هنا ونرجع تاني لعمك يوسف وملناش دعوه بيه لانه واضح عليه مش سهل واحنا لو اتاخرنا علي يوسف  مش بعيد يطلقني ويرمينا انا وانتي في الشارع؟

مريم بصت لمامتها وقالت برفض: بصي بق يا ماما انا رجووع ليوسف دا تاني مش هرجع وبعدين يوسف دا ايه يا ماما اللي عايزه ترجعيله هو انتي جسمك موجعكيش من كتر الضرب اللي اخدتيه دا سادي يا ماما وبيحب التعذيب وانا خلااص جبت اخري وعايزه ارتاح بق مش كفايا اني سمعت كلامك وكنت فاكره اني هقب علي وش الدنيا ولاكن طلعت بوهم نفسي ومقبتش بس دانا وقعت في قلب حفره ملهاش ام ملامح؟

والدتها بصتلها بغيظ وقالت:بق بتنكري خيره دا هوا اللي ناجدنا من اللي عملتيه زمان ولولا اني هربتك كنتي هتموتي بسبب طمعك دا؟

مريم اتضايقت من كلام مامتها لانها ذكرت قدامها السبب اللي خلاهم زمان يهروبا ويتخلوا عن والدها واحلام ..وكل دا علشان  مامتها تساعدها لانها ارتكبت مصيبه وضيعت شر"فها بسبب ابن لواء ولما عرفوا انها حامل كانوا هيسقطوها ولاكنها قررت تربي الطفل بعناد علشان تقدر تستغله في انها تستولي علي فلوس من ابو الطفل ولاكن بعد هروبهم البيبي مات في بطن مريم واتضرت والدتها تتجوز صاحب العماره اللي كانوا قاعدين فيها علشان يسمحلهم يعيشوا ويصرف عليهم ولاكن بسبب طمع مريم مره تانيه قدرت تخسره فلوس كتير وبعد مرور سينين بيخسر العماره وبيتضروا يسكنوا في شقه صغيره ولما حالهم بيتغير بيطلب منهم يشتغلوا هما ويصرفوا عليه بعدما فلس بسببهم!!

وبسبب ان مريم كانت بتتابع اخبار عن احلام وابوها وعرفت انه خلاص مات قررت ترجع علشان تاخد ورثها لان مفيش غيرها هيا واختها اللي هيورثوا فكانت هتاخد ميراث كبير ولاكن متعرفش ان البيت متسجل  باسم  اختهااحلام ..

وفي غرفة احلام كانت واقفه تبص ل ماهر واللي قال بقلق علسها :احلام انا مش مرتاح لمامتك واختك بصراحه وانا طبعا اسف لو كلامي هيدايقك بس نظراتهم ليكي  مش حلوه وكانهم مش جايين لغرض العزاء  خالص وفي  فدماغهم نية تانيه!

احلام بصتله وقالت :انا مش عارفه اعمل ايه انا مفتقداهم وفي نفس الوقت زعلانه ومتعصبه منهم ولاكن في الاول وفي الاخر دي ماما ودي اختي فلازم استقبلهم …في بيتي ..

ماهر بصلها وقال بتساؤل:المفروض دلوقت اني امشي ولا افضل معاكي !

احلام بصتله وقالت  بتردد:انا مش عارفه اقولك ايه بس هما اكيد هيباتوا معايا لان معندهمش مكان تاني  ومينفعش تكون معانا في نفس الشقه واحنا لوحدنا؟

ماهر حرك راسه بالموافقه وقال بصيق:طيب انا همشي بس انتي خلي بالك علي نفسك وحرصي كويس ولو في اي اوراق تخصلك مهمه  ف ياوضة والدك شيليها بسرعه وخليها في اوضتك واقفلي عليكي الباب كويس اوي؟

احلام اتصايقت من كلامه وقالت:ملوش لازمه اعمل كل دا لان دول  اهلي برضوا ومستحيل يفكروا يدوروا علي حاجات من دي؟

ماهر حط ايديه علي كتفها وقال:علشان اكون مرتاح ومطمن عليكي اسمعي كلامي المره دي بس..

احلام بدات تتوتر وقالت:حاضر هسمع كلامك!

ماهر ابتسم وسابها وخرج وهيا اول مشافت شكل امها واختها خافت فقربت منه قب بما يمشي وقالت:استني يا ماهر خليك معايا ..انا خايفه””” يتيع بقلمي شيماء صبحي 

"احلام اول مشافت شكل امها واختها خافت وقربت من ماهر قبل ما يمشي ومسكت فيه قالت:استني يا ماهر خليك معايا ..انا خايفه”””قالت كلمة خايفه بهمس وهوا سمعها بسهوله  فا بص علي والدتها واختها وحرك راسه وقال بهدوء :طيب متخافيش انا معاكي  ادخلي بس جهزي غرفة والدك ليهم واعملي زي ما طلبت منك ! 

حركت احلام راسها بالموافقه وقربت من مامتها واختها وقالت:هجهزلكم اوضة بابا علشان تناموا فيها ؟

مامتها حركت راسها بالموافقه ولاكن مريم كانت معترضة وقالت:متخليكي انتي نامي فيها مع جوزك وسيبينا احنا ننام في اوضتك؟

احلام حركت راسها برفض وقالت:لا اوضتي سريرها صغير ولاكن اوضة بابا مناسبه!

مريم باستغراب:هوا مش اوضتك كان فيها سريرين هوا التاني دا راح فين!

احلام قالت بخجل:بعته علشان كنت محتاجه فلوس!!

مامتهم قاطعت كلامهم وقالت:خلاص يا حبيبتي احنا هننام في اوضة باباكي ادخلي يا مريم مع اختك علشان تجهزي معاها الاوضه!

رفعت احلام ايديها باعتراض وقالت:لا متتعبيش نفسك انا هجهزها بسرعه!

مريم بصت لاختها بضيق وحركت راسها واحلام اتحركت من قدامهم ودخلت اوضة والدها وبدات تاخد كل الاوراق المهمه من الدولاب وتحطها في كيس وبعدما خلصت خرجت ليهم وهيا بتبلغهم ان الاوضة جاهزه ولان الاوضه كانت مترتبه في البدايه احلام معملتش فيها حاجه فقالت كلامها ليهم وهما اتحركوا بسرعه ودخلوا للاوضة وماهر بص لاحلام وحط ايديه علي ضهرها وهوا بيشاور لاوضتها وبيقول :خلينا ندخل نرتاح احنا كمان علشان الوقت اتاخر !

احلام بصتله بخجل وتوتر من قربه منها وحركت راسها وماهر ابتسملها علشان يطمنها وبالفعل دخلوا الاتنين للاوضه وقفلوا الباب عليهم كويس!

ماهر بص علي السرير وقال بتساؤل :يا تري مين هينام جوا ومين هينام برا؟

احلام خجلت وقالت:انا هنام جوا زي امبارح !

ماهر حرك راسه بالموافقه وقال:طيب انا هغير هدومي وانتي كمان غيري هدومك علشان ننام .

.احلام بدات تتوتر اكتر من كلامه وهوا بدأ يقلع  جاكت البدله قدامها و بدأ يفك زراير القميص وهيا واقفه مكانها تبص عليه وساكته لحدما ماهر بصلها وقال:مفيش حاجه تخليكي تخجلي مني انا جوزك !

احلام حركت راسها بهدوء وقربت من دولابها خرجت منه بيچاما ليها وطلعت لماهر هدوم جابتها ليه من اوضة باباها الصبح وادتهاله وهوا اخدها منها وابتسم وهيا كانت بتبص للاوضة وبتدور علي اي مكان تغير فيه هدومها من غير ما هوا يشوفها ولاكنها لقت ان الاوضة مفيهاش حاجه ضخمه غير الدولاب ولانه واخد ركن لوحده مكانش ينفع تستخبي جمبه، فاستسلمت احلام لان مفيش قدامها حل تاني وقررت تغير ملابسها قدامه وبالفعل بدأت احلام ترفع الدريس ببطئ ولاكنها مقدرتش انها تقلعه خالص فبصتله لقته مديلها ضهره فحست براحه شويه وغيرت هدومها بسرعه وفردت شعرها علي ضهرها وقربت منه وهوا كان لسا واقف وساكت  فقالت احلام بهدوء :انا خلصت!

ماهر لف جسمه يشوفها وانبهر بجمالها للمره الثانيه وبدأ يدقق في تفاصيلها وقلبه بيتحرك كل ما احلام ترمش بعيونها وتبص في عينيه..

ماهر بتوتر:هتنامي!

أحلام بهدوء:ايوا.

ماهر بعد عن السرير علشان احلام تقدر تطلع عليه واول ما طلعت علي السرير بدات تنام وتغطي نفسها وهوا كان واقف بيحاول ياخد نفسه بسبب توتره من شكلها.

احلام لفت جسمها وادتله ضهرها وهوا قرب من السرير ونام جمبها  وقبل ما يلف جسمه فضل يبصلها وهوا مش مصدق انها فعلا احلام وللحظة افتكر ذكرى ليهم وكانت اول مره قلبه يدق ويكتشف انه بيحبها؟

"ماهر كان بيلعب كورة في النادي مع أصحابه وكانت احلام المفروض هتخرج من درس قدام النادي وكانوا هيرجعوا للبيت مع بعض ..

واحده من زملاء احلام قالت:مش هتروحي معانا؟؟ 

احلام برفض:لا هروح مع ماهر..قالت احلام كلامها وخدودها احمرت بسبب حبها  واعجابها بيه.

فقالت زميلتها بغيره من كلامها :اشمعنا ماهر دا يعني هو انتوا مرتبطين؟

احلام اتوترت من كلام زميلتها وقالت برفض:لا مش مرتبطين انا وماهر اخوات وبعدين بابا هو اللي قالي اروح معاه علشان طريقنا واحد وكمان المسافه طويله!

البنت حركت راسها بتفهم وقالت:خلاص ماشي براحتك احنا هنمشي بق مع السلامه؟

احلام رفعت ايديها وشاورتلهم بابتسامه واول ما زمايلها بعدوا عنها بمسافه اخدت احلام نفسها بخجل وهيا بتدخل للنادي ووقتها كان ماهر بيلعب كوره وكان مغول مع فريقه وكان جسمه كله مليان ماية بسبب المجهود الكبير اللي بيبذله في الجري ..

احلام اول ما دخلت وشافته بيلعب ابتسمت لان كان شكله جميل وشعره كان نازل علي وشه بسبب انه مليان مايه فكان مخلي شكله وسيم اكتر..

ولان  ماهر كان  شاب رياضي فكان بيمتلك مهاره كبيره في الجري وكانوا اصدقاءه بيعتمدوا عليه ومسمينه المنقذ بسبب سرعته وانه بيلحقهم دايما قبل ما الفريق الثاني ياخذ منهم الكوره ..

واحد من زمايله في الفريق وجهله الكوره علشان يدخلها جول وبالفعل ماهر قدر يدخل هدف واول مشافته احلام فرحت وقالت بصوت عالي علشان تشجعه:برافووووا ماهررر؟

انتبه ليها ماهر وابتسم لوجودها وهيا قلبها دق لما بص في عينيها..فابتسملته وشاورتله علشان يروحوا وهو حرك راسه بالموافقه وحدف لاصحابه الكوره علشان هيخرج من اللعبه وبسبب غيرة واحد من الفريق المنافس ليه حدف الكوره بقوه عليه ولاكن ماهر  تفادها  وهوا مش واخد باله ان الكوره جايه عليه  والكوره للاسف جت في احلام بالغلط وبسبب قوتها احلام وقعت علي الارض..

ماهر اول ما انتبه ليها وشاف الشاب بيبص عليها وبيضحك بشماته قرب منه بغضب علشان يضربه واصحابه جريوا علي احلام علشان يطمنوا عليها وماهر مسك زميله  اللي ضرب احلام وبدأ ضربه بكل قوته وهوا متعصب وبدا زمايله التانيين يبعدوهم عن بعض وماهر او ما انتبه ان اصحابه اللي في الفريق مقربين من احلام وواحد منه كان بيقرب ايديه علي شعرها فبعد بسرعه عن زمايله  الي ماسكينه بغضب وجري عليها بسرعه وهوا حاسس بقلبه بيشتعل من الغيره..

احلام كانت بتبكي بسبب انها اتألمت وكان زميل ماهر بيحاول يهديها ولمس وشها علشان يمسح دموعها ولاكن ماهر مسك ايديه وزقه بغضب وقال:ابعد ايدك دي ؟

زميله بصله بدهشه لانه ميقصدش اي اساءه ليها ولاكن ماهر قاطع كلامهم بغضب وقال:خلينا نمشي يا قومي!

خافت احلام من صوته العالي  وغضبه فحركت راسها ومسكت ايديه وهوا ساعدها تقوم وخرجوا من النادي وقبل ما يمشوا في الطريق افتكر انه نسي شنطته فطلب منها تستناه مكانها لحدما يجيب شنطته  ويرجعلها وهيا وافقت علشان كان متضايق جامد ووشه احمر فخافت انها تقول اي كلمه وتزيد من غضبه ..!

ماهر رجع لاوضة تغير الملابس علشان يجيب شنطته اللي نساها ولاكنه قبل ما يدخل سمع زمايله اللي كانوا وقفوا اللعب و بيتكلموا عن احلام  وبيقولوا لبعض قد ايه هيا بنت جميله وانها ازاي بتحب ماهر وهو متجاهلها  ومش بيحبها وبدا كل واحد يقول منهم  للتاني انه بيتمني يرتبط بيها لانها بنت جميله وشاطره ..فماهر بدأ قلبه يزداد بالغيره الشديده وحس انه عايز يدخل يكسر راسهم كلهم  بسبب انهم بيتكلموا عليها بالطريقه المثيره دي .. فقرر ياخد نفسه ويهدي واول ما دخل علشان ياخد شنطته زمايله اتصدموا من وجوده وسكتوا. 

ماهر وقتها بصلهم بغضب وهما فهموا انه سمعهم فالتزموا الصمت لحدما يمشي وبالفعل ماهر خرج من النادي  بسرعه وقرب منها تاني  ولما لقاها حطه ايديها في  مكان الضربه وبتتآلم قال بغيره وغضب:معدتيش تجيلي تاني النادي وابقي روحي مع زمايلك البنات!

احلام اتصدمت من كلامه وقالت بحزن:بس بابا اللي قالي اروح معاك!

ماهر بضيق:انه هبلغه اني مش هقدر اروح معاكي تاني لاني هاخد درس اضافي ومش هعرف اوصلك !

احلام زعلت من كلامه وهوا بص لوشها ولما شاف دموعها اتوتر وقرب ايديه من وشها ومسحها وقال وهوا متضايق من نفسه علشان اتعصب عليها : متعيطيش حقك عليا  وبعد كدا متبقيش تسيبي شعرك مفرود تاني ولميه بتوكه وابقي البسي كاب علشان الشمس ؟

احلام بصتله وسكتت وهوا لما دقق في ملامحها حس باحساس غريب وقال بتوتر من نظراتها:خلينا نمشي.

احلام حركت راسها بهدوء ومشيت وكانت وقتها ساكته وهوا كان متعود يسمعها بتحكيله عن يومها ولاكنها مقالتش حاجه ففكر انها بتعمل كدا علشان الضربه اللي اخدتها فقرر يسكت ولاكنه اتفاجئ في اليوم التاني انها لما كانت بتروح معاه المدرسه بطلت تتكلم معاه وكلامها بق قليل ..

فضل ماهر يضايق لانه مش متعود علي سكوتها فقرر يسألها ليه بتتعامل معاه برسميه واول ما قرب منها وهيا مع اصحابها  علشان يسألها ..احلام بصتله وقالت برفض:معلش يا ماهر انا عندي درس ولازم امشي؟

ماهر اتصدم لانها اول مره تعامله كدا ففضل يبص عليها وقلبه مشتعل بسبب انه بدأ يحبها ولاكنهانر بينكر احساسه لانه شايف انها زي اخته ومش متقبلها غير كدا؟

فاق ماهر علي ذكرياته معاها وهو بيبصلها وبيقول في عقله:بس دلوقت بقت مراتك مكنتش تتوقعها دي صح..

عدي وقت وماهر مثبت نظرة  عليها في صمت  واحلام لانها بتتقلب كتير اثناء نومها بدأت تلف جسمها وقربت منه وكان وقتها لسـا باصص عليها واول ما لقي وشها قريب من وشه بدأت ضربات قلبه تتصارع وبقي يبصلها وهوا مندهش..

احلام رفعت ايديها وحطتها علي رقبته وقربت منه اكتر وهوا كان ثابت وكأن جسمه وقف عن الحركة وفضل يبص علي شفايفها وهو مش قادر يقاوم جمالهم؟ 

قرب ماهر منها ببطئ لحدما وصل مقابل شفايفها وبدأ ياخد انفاسه ببطي وبيقاوم مع نفسه  لحدما استسلم وقرر يطبع قبله سريعه وبالفعل في ثواني كان طبع قبله علي شفايفها واحلام كانت نايمه ومش حاسه بيه فقرر ماهر يستغل نومها العميق فانه يتبادل معاها قبله رومانسية ولانه وقع في عشقها مقدرش يقاوم افكارة الشريره وبدأ يقبلها ..

وبعدما انتهي ماهر من قبلته بص لاحلام بحب كبير ولمس وشها بلطف ودمعه نزلت من عيونه وكانت بتعبر عن ندمه  الشديد فانه يسيبها كل السنين دي لوحدها و بدات احلام تضم حاجبها لأن بدأ يطاردها حلم مزعج فقرر يطمنها ويخليها تنام في حضنه واول ماسحبها عليه بدأت احلام تحس بشعور من الراحة والاطمئنان وتضم نفسها اكتر ليه..

ابتسم ماهر وغمض عينيها براحه كبيرة وسمح لنفسه انه ينام علشان يصحي بكرا بدري .

___________

                'في غرفة والد احلام'

فاديه مامت احلام قالت بضيق من بنتها:بتفكري في ايه المره دي يا مريم انا بقيت اقلق من سكوتك المفاجئ دا ؟

مريم قالت وهيا بتنام علي السرير وبتبص للسقف وبتقول بتنهيده :ماما هو انتي بتحبي اختي احلام!

فاديه استغربت سؤال بنتها الغريب وقالت:اكيد بحبها دي بنتي وكمان متنسيش انها تبقي  اختك؟

مريم قالت  بتجاهل:عارفه بس مدام بتحبيها اوي كدا سيبتيها لوحدها ليه من ٩ سنين؟

فاديه قالت بتوتر :سيبتها علشانك.. مكنش لازم اسيبك في المصيبه دي لواحدك خصوصا ان لو ابوكي اوعمك عرفوا  باللي انتي عملتيه كانوا قتلوكي!

مريم  قالت بسخريه:بس انا مغلطش يا ماما  انا اتجوزت عرفي؟

مامتها ضربتها بغضب وقالت:لولا اني عارفه انك بنت طايشه مكنتش عبرتك بس بلاش بق تفتحي في الماضي تاني وقوليلي بتفكري في ايه دلوقتي وليه صممتي نيجي هنا تاني ؟

مريم قالت بتساؤل : تفتكري لما احلام  تعرف اننا راجعين علشان  ناخد ورثنا هتعمل ايه؟

فاديه  بصتلها وقالت بتساؤل:انتي هتقوليها امتي علي الموضوع دا.

مريم غمضت عينيها وقالت : بكرا اخر يوم في العزاء فانا هبلغها بالليل علشان تعمل حسابها اننا هنبيع البيت دا وكل واحده تاخد نصيبها .

فاديه نامت جمب بنتها وقالت برفض:انا شايفه اننا نأجل الموضوع دا دلوقت وبعدين دي بتقلك هترجع بيتها يعني كدا كدا هتسيب البيت  فخلينا نعيش في البيت وخلاص واهو نكون ارتاحنا من يوسف وقرفه؟

مريم فكرت في كلام مامتها وقالت بتفكير:بس انا شايفه اننا نروح نعيش معاها في بيتها التاني احسن!

فاديه باستغراب:تقصدي ايه مش فاهمه؟

مريم بصت لامها وقالت بابتسامة مليانه طمع:القصر؟؟ بيقولولك عندهم قصر عارفه ياعني ايه قصر يا عني مساحه كبيره وحمام سباحه وجناح وفلوس؟

فاديه بصت لبنتها وسكتت ومريم قالت بتساؤل:انتي مش نفسك تعيشي في مستوي عالي!

فاديه بابتسامه:نفسي بس تفتكري احلام هتوافق اننا نعيش معاها خصوصا انها لسا مش متقبلانا؟

مريم قالت بضيق من كلام والدتها : هتوافق غصب عنها طبعا ..احنا اهلها وهيا ملهاش غيرنا واكيد هتكون محتجانا جمبها واحنا تحت أمرها!

فاديه  قالت بتردد: بس يا حبيبتي دا برضوا قصر جوزها يعني احنا اخرنا نروحلها زياره  بس ولاكن ملناش نجبرها  انها تعيشنا معاها !

مريم ضمت حاجبها بضيق وقالت:يعني ايه ..مفيش قصر ومفيش جناح؟

مامتها برفض:اهدي يا مريم انتي داخله فاتحه صدرك كدا ليه دي البنت لسا مصدومه من وجودنا اهدي وبراحه واحده واحده عليها احنا لازم نخليها تسامحنا الاول علشان نعرف تقنعها  ونقرب منها اكتر وبعدها نخليها ترجع تتعلق بينا من تاني!

مريم حركت راسها بالموافقه وقالت:طيب يا ماما انا هنام  بق تصبحي علي خير؟

فاديه بستلها وقالت : ماشي وانتي من اهله؟

مريم غمضت عينيها وهيا بتفكر في كلام والدتها ولقت ان عندها حق ولازم انها تقرب من احلام اكتر علشان تقدر تكسب ثقتها من جديد وتعرف بعدها تاخد منها اللي هيا عايزاه.. 

وبعد وقت من التفكير الشديد مريم قررت تنام وبالفعل نامت ومامتها كانت لسا صاحيه وبتفكر في كلام بنتها وبدأت تفتكر ماهر وان احلام كانت بتحبه وهيا صغيره  ولاكن ماهر مكنش بيحبها فسألت نفسها وقالت: ازاي رجع  يحبها وازاي بق غني كدا ودلوقت  بيقول انه اتجوزها؟؟

والدة احلام قالت كلامها لنفسها ولاكنها ملقتش اي إجابه فقررت تستسلم وتنام هيا كمان ..

______

تاني يوم صحي ماهر بدري وقرر انا يروح القصر علشان يخلص موضوع سيلين ويرجع لاحلام تاني وبالمرة يشوف حمزه عمل ايه لحد دلوقت في الجناح بتاعه زي ما طلب منه.

وبالفعل بدأ يجهز وغير هدومه بسرعه وبعدها قرب من احلام اللي كانت نايمه بعمق وقال بهمس:عاوزك تفضلي نايمه كدا لحدما ارجع وياريت متخرجيش من الأوضه!

اتقلبت احلام بنوم وهوا ابتسم وخرج من الاوضه ونزل ركب عربيته اللي سابها منعم ليه علشان لو حب يروح في مكان وهو مش موجود؟

وفي القصر كان حمزه نايم في حضن مرسي واللي كان بيصدر اصوات عاليه اثناء نومه فصحي حمزه بخضه لان مرسي بدأ يصدر منه أصوات عاليه بطريقه أوفر فبصله وقال بغضب:انت نايم ولا بتتخانق ؟

قال حمزه كلامه وقرر يروح اوضته ينام فيها واول ما خرج من الاوضه شاف خاله اللي كان لسا داخل من باب القصر ومركز في موبايله!

حمزه قال بتساؤل:خالي انت هنا من امتي؟

ماهر انتبه ليه وقال بتساؤل:انت صاحي بدري ولا عيني فيها حاجه!

ابتسم حمزه وقال بخجل :ايوا صاحي بدري بس انا كنت رايح اكمل نومي لان مرسي نومه مزعج بس قولي انت ايه اللي جايبك بدري كدا وفين احلام !

ماهر بصله وقال:جاي اشوف المشكله اللي سيلين عملاها واحلام في بيتها متقلقش عليها..

حمزه حرك راسه وابتسم وماهر قال بتساؤل 

 :هيا سيلين فين دلوقت !

حمزه شاور علي السلم وقال:فوق في اوضتها مربوطة علي السرير بتاعها !

ماهر بصله بصدمه وقال:نهارك اسود انت  بتقول 

ايه يا عني ايه مربوطة.. 

حمزه حرك راسه بتردد وماهر قال:تعالي ورايا يا غبي انت!

ماهر اتحرك للأعلي بسرعه وحمزه طلع وراه واول ما وصل ماهر لاوضة سيلين فتح الباب ولما دخل يشوفها  لقاها نايمه ومربوطه في السرير بحبل فقال بضيق:ايه المنظر دا ومين قالكوا تعملوا فيها  كدا؟

حمزه بصله وقال بخوف:انا اللي طلبت منهم يربطوها لانها امبارح كانت بتضرب فينا وعايزه تاخد من البودره تاني فقررت امنعها ومكنش قدامي غير الطريقه دي !

ماهر بصله بشك وقال:وهيا فين البودره دي وازاي سيلين اصلا قدرت تجيبها هنا ؟.

حمزه بصله وشرحله عن كلام الحارس وتحليله للي حصل وماهر افتكر اليوم اللي سيلين خرجت فيه بطريقه غريبه وحرك راسه بتفهم وقال:طيب ساعدني نصحيها!

قال ماهر كلامه وقرب من سيلين اللي واضح عليها التعب فلمس وشها وقال بتكرار :سيلين..سيلين قومي؟

سيلين فاقت علي صوته ولمسته واول ما شافته قالت :ماهر هل انت هنا حقا!

ماهر قرب منها وبدأ يفك الحبل من عليها وهيا حضنته بقوه وقالت وهيا بتبص لحمزه بغضب:انظر ماذا فعلوا بي رجالك؟

ماهر بعد عنها وقال:متزعليش منهم يا سيلين  اهم حاجه دلوقت فوقي علشان نتكلم في حاجه مهمه..

سيلين حركت راسها وعدلت نفسها وقعدت علي السرير وماهر بصلها وقال بجديه:سيلين انتي لازم ترجعي دبي تاني لان وجودك هنا مش كويس لاني عرفت كل حاجه وطبعا انا مش من حقي اعاقبك ولاكن الحكومة عنا تقدر تعمل كدا  ..عاوزك بس  تفهمي الوضع وانا بعمل كل دا لمصلحتك انتي؟

سيلين بصتله بحزن وقالت:هل تريد مني العوده حقا!

ماهر حرك راسه بالموافقه وهيا قربت ايديها من وشه وقالت بحزن:هل تريد مني ايضا ان انسي حبك!

ماهر حرك راسه بالموافقه وقال:انا قولتلك اني بحب غيرك وصدقيني انا لما فكرت فيكي اكتشفت انك افضل صديقه ليا واحنا مش مناسبين نكون حبيبين ولاكن اعتقد اننا أفضل أصدقاء .

سيلين بدات تبكي وهيا بتقول بحزن :انا اتألم بسببك يا ماهر لماذا تفعل هذا بي ؟

ماهر بص لحمزه وقال بجديه :احجزلها تذكره لدبي ولو في طياره هتطلع دلوقت يكون افضل؟

حمزه حرك راسه بالموافقه وخرج من غرفتهم واتواصل مع واحد شغال في المطار علاقتهم قريبه من بعض وسأله لو متواجد تذاكر لدبي النهارده والشاب بلغه ان في طياره هتطلع بعد ثلاث ساعات فطلب منه حمزه يحجز تذكرة والشاب وافق وبعدما انهي حمزه اتفاقه معاه قفل المكالمة ورجع لماهر وبلغه انه حجز تذكره لدبي والطياره هتتحرك بعد ثلاث ساعات !

ماهر بص لسيلين وقال:اتمني تفهميني وانا بقولك كدا علشان مصلحتك.. انتي هنا بتضري نفسك مش بتنفعيها وصدقني لو وقعتي تحت ايد الحكومه مش هتعرفي تخرجي من تحت ايديهم لان هنا مصر مش دبي ؟

سيلين بدات تخاف من كلامه وحركت راسها بالموافقه وقالت:حسنا سوف اذهب..

ماهر حرك راسه بالموافقه وطلب منها تجهز شنطتها وعرفها ان حمزه هو اللي هيوصلها للمطار.. 

قال ماهر كلامه وبص لحمزه وقال:سمعتني..

حمزه حرك راسه بالموافقه وقال:حاضر يا خالي بس انت هتروح فين دلوقت..

ماهر:هروح اشوف الجناح بتاعي واشوف ناقصه ايه علشان احلام خلاص هتعيش معانا!

حمزه بصله وقال بفرحه:بجد يا خالي اخيرا؟

ابتسم ماهر علي حماس حمزه الشديد وبعدها خرج من الاوضه واتجه لجناحه واول ما وصل  بدأ يبص لكل ركن في الغرفة بتركيز وبعدما عرف ايه الحجات اللي ناقصاه فتح موبايله واتواصل مع مهندس ديكور وبلغه بطلبه وعرفه انه محتاج التصميم في خلال يومين وبعدها قفل موبايله وقرر يدخل ياخد شاور سريع ويغير هدومه علشان يرجع تاني لأحلام..

اتجه ماهر لغرفة تبديل الملابس وبدا يقلع هدومه ويجهز اللبس اللي هيلبسه وهوا خارج لمح ورقه غريبه واقعه علي الارض..  

قرب ماهر من الورقه وفتحها باستغراب من شكلها  لانها كانت قديمه ..فقعد علي الكرسي علشان يقرأ محتواها ولاكنه اتفاجئ ان الورقه دي مكتوبه بخط ايديه وكان محتوي الورقه عباره هن :

"متزعليش مني يا احلام انا بس كنت متعصب ومش عارف ليه زعقتلك رغم انك ملكيش ذنب… ارجوكي كلميني تاني علشان انا مش متعود اشوفك ساكته… وختم كلامه بخط صغير وكتب:ماهر الصياد…"

ابتسم ماهر علي الكلام اللي مكتوب وبدأ يفتكر اللحظة اللي كتب لاحلام الورقه دي وكانت وقتها احلام مقرأتهاش لانه كانت متضايقه منه ولما شافها بترميها في باسكت القمامه  زعل لانه كان يتمني انها تسامحه في اللحظة دي ولاكنه ميعرفش ان احلام رجعت تاني للباسكت ودورت علي الورقه واخدتها تاني وانها احتفظت بيها طول السنين دي كلها ..

حط ماهر الورقه في درج من ادراج الغرفه بعدما طبقه ورجعه لحالته زي مكان وبعدها دخل للحمام ياخد شاور سريع علشان يخرج.

__________

وبداخل بيت صغير في نفس المنطقة اللي عايشة فيها احلام كان البيت دا عايش فيه اسره بسيطه مكونه من اب وام وولد وبنت وكان الولد صغير يبلغ من العمر٥ اعوام والبنت كانت تبلغ من العمر١٧ عاما..

والدتهم كانت بتحط الفطار علي السفره الصغيره وبتقول:قومي يا حنين علشان المدرسه ..حنين همست بتعب:خليني اجازه ياماما النهارده!

مامتها قربت منها وقالت بصوت اعلي:مينفعش يا حنين المدرسه مهمه وانتي لازم تروحي علشان مستواكي مينزلش تاني ونعاني من جديد..

بعدت حنين الغطاء عن جسمها بزهق وقامت وهيا بتبص حواليها وبتقول :كل يوم مدرسه مدرسه انا تعبت بجد امتي هتخرج وارتاح !

قالت حنين كلامها ودخلت تغسل وشها علشان تفوق وبعدما خرجت قربت من مامتها وقالت :فين حمزه اخويا مصحاش ولا ايه!

مامتها :حمزه حبيبي نايم اصله كان سهران بالليل بيلعب وتعب!

حنين بصدمه من كلام والدتها:يعني هوا يسهر ويلعب وانا لأ!

مامتها :انتي بتقارني نفسك بالطفل الصغير وبعدين انتي وراكي مدرسه ولاكن هوا لسا مورهوش حاجه!

حنين غمضت عينيها بزعل وقالت:خلاص يا ماما انا غلطانه خليه ينام براحته وانا هدخل البس هدومي علشان متأخرش علي المدرسه!

مامتها قالت  بتساؤل:يعني مش هتفطري؟

حنين برفض:لأ مش جعانه..

قالت كلامها وقفلت الباب وراها بضيق وهيا بتاخد نفس وبتقول:النهارده هيكون يوم طويل واكيد المدرسين هيرخموا عليا تاني علشان مبروحش عندهم دروس..

حنين اتنهدت وهيا بتلبس هدومها المدرسيه وبدأت تلف الطرحه وهيا بتقول:اجمل الناس هم البسطاء، انا هكتفي بشكلي كدا النهارده ..

كانت بتكلم نفسها في المرايه وبعدها خرجت بسرعه من اوضتها.. حنين قالت وهيا بتبص لمامتها:انا محتاجه مصروف..

والدتها حركت راسها بالموافقه وقالت:هاتي الشنطة بتاعتي من وراكي!

حنين ابتسمت وقربت من شنطة والدتها المتهالكه وقربتها منها وادتهالها..والدتها فتحت الشنطة وطلعت منها مبلغ بسيط جدا وقالت:خدي يا حنين حاولي متخلصيهوش  كله علشان يكفيكي بكرا كمان لان القبض بتاعي هيتأجل كمان يومين!

حنين بصت للعشرة جنيه اللي في ايديها وقالت بحزن:حاضر يا ماما متقلقيش هحافظ عليها..

مامتها بصتلها وحركت راسها وقالت بهدوء :يلا يا بنتي اتوكلي علي الله ربنا يحرسك ويوفقك خلي بالك من طريقك..

حنين  بصت لمامتها بيأس وحركت راسها بالموافقه وخرجت من بيتهم وكان والدها واقف علي الباب وماسك سيجاره في ايديه وبيطلع الدخان من فمه بطريقه محترفه وبيقول بتساؤل وهوا بيوقفها برجليه :علي فين!

حنين قالت  بتوتر:رايحه المدرسه!

والدها بتساؤل:معاكي فلوس!

حنين حركت راسها وقالت:ايوا ماما ادتلي حق المواصلات؟

والدها بص لايديها اللي كانت ضاغطه علي الفلوس بقوه وقال:معاكي كام..

حنين بخوف منه:عشرة جنيه!

والدها حرك راسه بالموافقه وطلع من جيبه خمسة جنينه وقربها منها وقال خدي دي..

حنين بصت للفلوس باستغراب ولاكن نظرتها اتحولت لصدمه لما اخد منها العشرة جنيه وقال:هاخد انا دي علشان اجيب سجاير!

حنين بصتله بصدمه وقالت:بس دي مش هتكفي..

بصلها والدها بغضب وقال:مش عاجباكي هاتيها..

حنين حركت راسها برفض وقالت:لا عجباني..قالت كلامها وخرجت من البيت بسرعه  واتجهت للموقف اللي هتركب منه علشان تروح مدرستها وكانوا زمايلها  البنات مستنينها واول ما وصلت قالوا:الحساب النهارده علي حنين اظن ان احنا دفعنالك كتير جه الدور عليكي تدفعيلنا النهارده..

حنين بصتلهم ودموعها اتجمعت في عيونها وقالت بحزن :حاضر انا اللي هدفع..

اصحابها ابتسموا بفرحه وركبوا العربيه مع بعض وبعدما العربيه اكتملت واتحركت طلب السواق منهم يلموا الأجره من بعض وبدأوا أصحاب حنين يبصولها ومستنينها تطلع الفلوس وتحاسب وبالفعل بدأت حنين تطلع من شنطتها محفظتها الصغيره وكانت فيها فلوس فكه وبدات تعد حساب خمس افراد وبعدما خلصت كانت كل الفلوس اللي معاها خلصت فبصتلهم بحزن وبعدها ادت للسواق الحساب..

السواق بص لكمية الفكه اللي هيا ادتهالوا وقال بسخريه:انتي فاتحه كشك ولا ايه يا انسه كل دي فضه؟

حنين خجلت بينما اصحابها ضحكوا وكانهم مستنين يسمعوا الجملتين دول ..حنين ابتسمت وهيا بتحاول متبينش انها اتضايقت ولاكن كان واضح عليها انها مش مرتاحه..

_______________

في منزل احلام كانت صحيت وبصت حواليها لقت ان ماهر مش موجود فقلقت وقامت تدور عليه واول ما فتحت باب اوضتها لقت ماهر داخل وكان في ايديه شنط كتير..

احلام بتوتر:هو انت كنت فين !

ماهر حط الشنط اللي في ايديه علي السرير وقال:كنت بخلص حاجه في القصر عندي وجبتلك الحجات دي !

احلام بصت للشنط وهيا مستغربه وهوا قال:شوفي انا جبتلك ايه وانا هخرج في البلكونه اشم شويه هوا..

احلام حركت راسها بالموافقه وهوا اتحرك في اتجاه البلكونه وبعدها  احلام بدات تفتح الشنط دي واول مشافت اللبس اللي جابوا ماهر اتصدمت لان الهدوم كان واضح انها غاليه بسبب جودتها وشكلها..

ماهر كان بيبص للسماء وبيتأملها كالعاده واحلام كانت واقفه وراه وباصه عليه وساكته ولحدما انتبهت انه اخد باله من وجودها جريت بسرعه وبدات تشوف بقيت الاكياس..

فتحت او كيس ولقت شنطة غاليه ومعاها برفيوم فطلعت البرفيوم وشمته واول ما شم ماهر ريحته ابتسم لان دا نوعه المفضل من البرفيوم الحريمي.

.احلام عجبها اوي البرفيوم وبدات تحط علي رقبتها بسعاده..وبعدها طلعت الهدوم التانيه وبدات تتفرج عليهم بفرحه وكانت مبسوطه باهتمامه ليها وخصوصا انه مهتم ان الهدوم متكونش فاتحه علشان احترام الميت وبعدما انتهت احلام من تفريغ كل الشنط اللي جابها خرجت للبلكونه وهيا ناسيه انها بشعرها… 

ماهر حس بوجودها وانتبه  ليها وقال:عجبتك الحاجات اللي انا جبتها..

احلام ابتسمت بخجل وقالت:شكرا اوي ليك يا ماهر..

ماهر بص علي شعرها بغيره لان بلكونتها بتطل علي الوجهه الرئسيه للمنطقة وبالتالي كل البيوت المحاطة بيهم يقدروا يشوفوهم بسهوله فقرب منها وقال بجديه :خلينا ندخل جوا احسن..قال كلامه بنبره من الجديه الشديده فوقتها احلام فهمت هوا ليه اتضايق كدا..لما انتبهت انها خرجت برا بشعرها قالت بتوتر:انا هروح اغير هدومي والبس طرحتي..

ماهر وافق وهيا قررت تلبس هدوم من اللي اشتراها ليها وبعدما خرجت وفي طريقها للحمام ..كانت صحيت اختها مريم وخرجت من اوضة والدها ولما شافتها ماسكه لبس شكله غالي ونظيف وقتها قالت بتساؤل:ممكن تجبيلي لبس من عندك لاني مش عامله حسابي ..

احلام حركت راسها بالموافقه وقالت:هدخل اغير هدومي بسرعه وبعدها اجبلك اللي انتي عاوزاه.

مريم بصت للهدوم اللي في ايديها وشدتها من ايديها بسرعه وقالت:متتعبيش نفسك دول حلوين وبعدين انا وانتي في نفس الجسم يعني هيكونوا مناسبين..

احلام اتصدمت من جرأة مريم فبصت للهدوم بزعل وقالت:بس دول !..

مريم تجاهلتها ودخلت بسرعه للاوضه وقفلت الباب في وش احلام اللي واقفه ومش مستوعبه اللي حصل..

ماهر كان قاعد مستنيها في الاوضه ترجع ولما لقاها رجعت بنفس اللبس قال بتساؤل:مغيرتيش هدومك ليه!

اتوترت احلام وخجلت انها تقوله ان اختها اخدت منها اللبس فقربت من دولابها وطلعت منه دريس ليها اسود وقالت:هلبس الدريس دا علشان مناسب اكتر للعزاء..

ماهر كان ملاحظ انها متضايقه فحرك راسه بالموافقه وسابها تخرج وبعد دقايق كانت رجعت تاني ليه وهيا لابسه الدريس..

خرج ماهر وقعد في الصالون وطلب منها تقعد معاه لانه جايب ليها اكل علشان تفطر لان اليوم النهارده هيكون طويل..

احلام قعدت واكلت وهوا اكل معاها وكان وقتها جايب اكل اضافي علشان والدتها واختها لما يصحوا ياكلوا ..

وبعد مرور  ساعه خرجت مريم ووالدتها من الاوضه وكانت مريم لابسه الهدوم اللي اخدتها من احلام واول ما شافها ماهر اتصدم وبص لاحلام اللي كانت باصه في الارض وساكته ووقتها كان متضايق منها انها كدبت تاني عليه ومعرفتوش ان اختها اخدت منها لبسها ..

مريم كانت فرحانه بالبس لانها عرفه انه مش لبس عادي وانه ماركة مشهوره فبدأت تحط ايديها عليه وتقول بجرأة:هدومك جميله با احلام زوقك طلع حلو.

احلام بصتلها وقالت:تسلمي بس دا مش اختياري دا ماهر اللي جايبه ليا وهوا بصراحه زوقه اجمل مني بكتير..

رغم ان كلام احلام عجب ماهر الا انه كان متضايق ان مش هيا اللي لابسه الهدوم فقرر يتجاهل حركات اختها المستفزه وبدا يركز معاها وفي تفاصيلها لانها كانت هاديه عكس طبيعتها المرحه وهوا مقدر كل دا بسبب نفسيتها لانها كانت بتحب والدها جداا ومتعلقه بيه..

والدة احلام كانت ساكته ومش بتتكلم عكس مريم اللي كانت بتقرب من احلام كل شويه وتتكلم معاها وتسألها عن احوالها وبتشتغل فين وبتاخد راتب كام وازاي عاشت لوحدها وكانت احلام متضايقه منها وبترد علي اسألتها بحرص شديد وضيق من تطفلها..

رن جرس الباب لان الساعه بقت١٠ صباحا وقامت احلام تفتح وكانت اللي بتخبط مروة..

احلام اول مشافتها قالت بفرحه:مروه وحشتيني اوي..

مروه استغربت كلامها ولكنها ابتسمت وحضنتها وقالت:وانتي كمان وحشتيني يا احلام ..

احلام بابتسامه :اتفضلي ادخلي ..

مروه دخلت واول ما شافت مريم وفاديه وشها كرمش بسبب الصدمه..احلام بصت لمروه وقالت:نورتي البيت يا مروه..

مروه بصتلها بصدمه وحركت راسها وهيا بتشاور علي امها واختها بعيونها وبتسألها بعيونها :هو ايه اللي بيحصل.

احلام بلغتها انها هتفهمها كل حاجه بعدين وطلبت منها تسلم عليهم..

مروه بصت لماهر وقالت بإبتسامه:ازيك يا ماهر!

ماهر بهدوء:الحمدلله لله يا مروه انتي اخبارك ايه!

مروه بابتسامه:انا بخير الحمدلله ..

مريم كانت بتبص لمروه من فوق لتحت ولانها مش متذكراها قالت بتساؤل:هيا مين دي يا احلام..صاحبتك؟

احلام بصت لاختها وقالت بجديه:ايوا دي مروه بس هيا مش صاحبتي دي اختي وانتيمتي..

مروه بصت لاحلام وابتسمت بفرحه علي كلامه ولاكن مريم كانت متضايقه فقالت بغيظ:ازيك يا مروه انا ابق مريم اخت احلام الكبيرة ..

مروه بصت لمريم من فوق لتحت بسخريه وقالت:الله يسلمك .

والدة احلام بصت لمروه وقالت:ازيك يا حبيبتي انا ابق والدة احلام!

مروه بصت والدة احلام بضيق وقالت الله يسلمك حمدلله علي سلامتك يا طنط..

مريم بمقاطعه:دا نورك يا حبيبتي اتفضلي..

مروة كانت متغاظه من مريم وقدرت تفهم انها شخصيه مستفزه بسبب اسلوبها في الكلام فبصت لاحلام بضيق واحلام قالت:بقولك يا مروه تعالي ندخل نعمل قهوه ..

مروه حركت راسها واحلام بصت لماهر وقالت:بتحب تشرب قهوتك ايه..

ماهر بهدوء:سادة بس من غير وش؟

احلام ابتسمت بهدوء وبصت لمريم وفاديه وقالت:بتحبوا قوهتكم ايه!

مامتها كانت هترد ولاكن مريم قالت بمقاطعه:هو انتي مش هتفطرينا الاول قهوة ايه دلوقت؟

احلام بصتلها وقالت بصدمه:انا معملتش فطار؟

مريم بضيق:ازاي وانا شايفه اكياس في المطبخ!

ماهر بصلها وقال بمقاطعه لكلامهم :في اكل في المطبخ ليكي انتي ومامتك تقدري تدخلي تجيبيه..

مريم بصتله وقالت بابتسامه:انا قولت برضوا انك زوق من البدايه..

ماهر سكت ومردش عليها وهيا قامت بسرعه واتجهت للمطبخ وزقت احلام وهيا معديه من  جمبها.. واحلام كانت بصالها ومصدومه ومروه مسكت ايد احلام وقالت بقلق:انتي كويسه!

احلام حركت راسها وقالت بخجل من حركات احتها الغريبه :خلينا ندخل للمطبخ احنا كمان..

مروه وافقت ودخلوا الاتنين للمطبخ واول ما عينيهم جت علي مريم  اللي واقفه بتاكل من الاكياس بشراهه  بصولها الاتنين بصدمه ..

 احلام  قالت بتقزز من شكلها:بتكلي لوحدك ليه هو انتي مش هتاكلي مع ماما !

مريم بصت عليها وقالت برفض:لا انا هاكل لوحدي وهروح اديلها الباقي..

احلام مكنتش قادره تستوعب اللي سمعته فقالت بدهشه من تصرفات اختها الغير مفهومه :انتي بتتكلمي بجد ياعني انتي هتاكلي علي نظافه وهيا تاخد منك البواقي..

مريم عدلت شعرها  ورا ظهرتا وقالت بسخريه:ممكن متتدخليش بينا احنا حُرين وبعدين احنا متعودين علي كدا !

احلام اتعصبت وبصتلها بغيظ منها وكانت هتقرب عليها علشان تضربها ولاكن مروه اللي منعتها لما مسكت ايديها وقالت:خلينا نعمل القهوه يا احلام سيبها هيا حره بشكلها المقرف دا..

مريم انتبهت لكلام مروه فبصتلها وقالت بتساؤل:لو سمحتي يا استاذه انتي متتكلميش معايا كده والزمي حدودك ومتنسيش انك في بيتنا ؟

احلام اتضايق وبصت لاختها وقالت بغضب وصوت واضح:انتي اللي تلزمي حدودك هنا وبعدين بيتك ايه دا بيتي انا ومكتوب باسمي انا ولا انتي ولا حتي مامتك ليكوا حاجه هنا واعملي حسابك ان بعدما العزاء  دا يخلص هترجعوا مكان ما كنتوا عايشين..

احلام قالت كلامها بتحذير وبجديه لدرجة ان صوتها وصل لمامتها اللي قاعده برا وماهر اللي اتفاجئ من كلامها ولاكن كان مبسوط انها مسكتتش علي تصرفات أختها الجريئة وقلة احترامها ..

مريم بصت لاحلام وشهقت بصدمه وقالت وهيا بتبعد الاكل عنها:نعم انتي بتقولي ايه انا ليا زيك بالظبط .وبعدين بيت ايه دا اللي مكتوب باسمك انتي اكيد بتخرفي او تعبانه في دماغك..

احلام رفعت حاجبها بصدمه وبصت لمريم بتحذير وقالت:انتي قولتي ايه؟

مريم كانت بتبصلها بجرأة ولاكنها متعرفش ان احلام هتضربها فعلا لانها فاكره انها متقدرش بما انها اختها الكبيره..

احلام بدات تتعصب بسبب قلة ادب اختها من وقت ما جت فمسكتها من شعرها اللي كانت سبغله بلون مقرف وقالت بغضب:انا سبق وحذرتك تحترمي نفسك بس الظاهر ان قعدتك في الشوارع نستك اصلك وتربينك!

مريم صرخت وهيا بتحاول تبعد ايد احلام عنها وفي الوقت دا دخلت والدتها واللي بعدتهم عن بعض وضربت احلام بالقلم وقالت بغضب:انتي مش محترمه ولو فعلا شايفه ان اختك تربية شوارع يبق انتي متربتيش ومحتاجه اعادة تربيه من اول وجديد..

ماهر كان اتدخل في الحوار لانهم بدأوا يتكاتروا عليها فقرب من احلام ومسكها وبعدها عنهم ووقف قدامهم وقال بصوت قوي :انتي وبنتك ملكوش دعوه بمراتي ولو واحده فيكم اتجرأت وحاولت بس تاني انها تغلط فيها انا مش هسكت والظاهر كدا انكم مسمتعوش عني ومتعرفوش ممكن اعمل فيكوا ايه وانا كنت محترمكم علشان خاطرها بس الظاهر ان الاحترام ناقص من عندكم مش من عندها لانها بنت اصول وكويس اوي انها وافقت تدخلكم بيتها وتستضيفكم برغم انكم متستهلوش بسبب عمايلكم دي..

كان كلام ماهر شديد وقاسي علي والدة احلام ومريم واحلام برضوا كانت متضايقه لانها ابدا عمرها ما تمنت انهم يكونوا في وضع زي دا ولاكن في الحقيقه هما يستحقوا اكتر من كدا فبصت لاختها مريم بحزن لانها اتحولت لبني ادم غريب مش مفهوم وكانها اتولدت للغل والطمع فبصتلهم بحزن شديد وبكت لانهم حرجوها وكسروها زمان قدام الناس ودلوقت عملوا نفس الموضوع  قدام جوزها و مش قادره تدافع عنهم لانهم مسابوش حاجه كويسه تغفرلهم..

مشيت احلام من قدامهم ودخلت اوضتها بسرعه وهيا بتبكي ،جريت وراها مروه علشات تهديها لانها عارفه انها خلاص جروحها اتفتحت من جديد وهتحتاج وقت للتعافي ..فقربت من الباب ولاكن احلام كانت قفلت علي نفسها فخبطت مروه وقالت برجاء:علشان خاطري يا احلام افتحي الباب ..

احلام كانت بتبكي بقهر ومبتردش عليها ولاكن مروة مستسلمتش وفضلت تترجاها تفتح لحدما احلام استجابت وفتحلها الباب واول ما دخلت مروه حضنتها احلام بقوه وهيا بتقول:مش عارفه هما عاوزين مني ايه !

مروه مسحت علي طرحتها بهدوء وقالت:اهدي يا حبيبتي وحاولي تاخدي نفسك ومتزعليش ..

كان ماهر واقف قدام مامتها وبنتها اللي باصين عليه بضيق بسبب كلامهم ولاكنه كان مش منتبه ليهم وكل اللي بيفكر فيه هوا الكلام اللي قاله بدون وعي وهوا متاكد انه جرح احلام بيه بس هوا مقدرش يسكت علي المهزله اللي حصلت لانهم مش متأثرين بأي حاجه وجايين يحرقوا دمها ولما سمع خناق مريم واحلام علي البيت قدر بسهوله يفهم غرضهم فبصلهم وقال بحديه:انا متاكد انكم مش جايين علشان تصلحوا الماضي وتخلوها تسامحكوا لان نظراتكم بتقول غير كدا، خليكي صريحه يا مدام فاديه انتي وبنتك وقولولي راجعين ليه بعدما سابتوها وهيا ضعيفه معقول جايين تورثوا معاها !

مريم قالت بغضب:ايوا جايين نورث وبعدين احنا مش فارق معانا هيا عامله ايه لانها مش زينا دي زي والدها فاكره انها ملاك برئ بس دي سوسه وانا عارفه انها مش سهله من وهيا صغيره ..

ماهر بصلها بغضب وقال:اسكتي ومتغلطيش فيها بدل ما اقفلك بوقك دا بعشرين غرزة مش خساره فيكي..

مريم بصتله بصدمه وهوا بص لوالدة احلام وقال:انا ممكن اديكي فلوس بس بشرط ؟

فادية قالت باستغراب:فلوس ايه وشرط ايه؟

ماهر :مليون جنيه لكل واحده فيكوا ولاكن الشرط اننا منشوفكوش تاني وترجعوا مكان ما كنتم ومتتعرضوش لاحلام تاني..

مريم فتحت فمها من الصدمه  لما سمعت المبلغ اللي قاله وبصت لوالدتها اللي كانت بنفس صدمتها فبصتله وقالت:وانت بق معاك تدينا كل واحده مليون جنيه!

ماهر طلع دفتر شيكات من هدومه وقال:اكيد بس اتفاقنا دا هيكون سر ولو واحده قررت تقول حاجه لاحلام صدقوني هقلب عليكم وانا زعلي وحش وكمان انا برضوا لحد دلوقت محترم انكم اهل مراتي للاسف وعلشان انا بحبها مش عايز اي حاجه تضايقها تكون حواليها!

مريم حركت راسها بالموافقه وكانت والدتها هترفض الا انها قالت:احنا موافقين بس عندنا شرط..

ماهر مردش عليها وهيا قالت:احنا عاوزين شقه نعيش فيها وصدقني مش هتشوف وشنا تاني؟

ماهر حرك راسه بالموافقه وقال:طيب لحدما اليوم دا يخلص هكون جهزتلكم شقه بعيده عن هنا وهكتبها باسم والدتك بس متنسيش شرطي واني مش عاوز اي اختلاط بينكم وبين احلام  ولو في يوم شفتها يالشارع لفوا وشكوا..

فاديه قالت بمقاطعه لكلامه:انت بتقول ايه دي بنتي وانا مستحيل..ماهر بضيق:خليني اقاطع كلامك واقولك يا حماتي العزيزه اني عارف السبب الرئيسي لهروبك انتي ومريم وعلي فكره آبن اللوا دا يبق  صديقي وبسبب البلاغ اللي بنتك عملته فيه هوا قالب عليها الدنيا لانه خسر وظيفته بسببها  ولو انا بس عملت مكالمه صغيره بنتك هتروح في داهيه فارجوكي احترمي اني ساكت لحد دلوقت ومش عاوز اذي حد فيكوا وانا بطلب منكم بكل هدوء انكم تبعدوا عن مراتي ؟

فاديه حركت راسها بالموافقه وبصت لمريم وقالت:احنا موافقين والنهارده هنمشي بس لو حصل اي حركه مش كويسه هنرفع عليها قضيه علشان اكلت ورث اختها..

ماهر مضي علي شيك بمليون واداه لمريم ومضي علي شيك تاني واداه لوالدتها وقال:الفلوس معاكم تقدروا تسحبوها من اي بنك وانا هتواصل مع مدير حسابي يسمحلك بسحب الفلوس ويبق كدا احنا اتفقنا!

مريم ومامتها حركوا راسهم بالموافقه وهوا سابهم ومشي وكان باين علي ملامح وشه الانزعاج الشديد منهم ومن تغيرهم للاسوأ ولاكن كان متوقع منهم حاجه زي دي بعدما سمع من منعم عن حكايتهم لما طلب منه يبحث عن معلومات تخص احلام وكان من ضمن المعلومات حكايه هروب والدتها واختها…

احلام كانت بتبكي لسا ومروه بتحاول تخفف عليها وبعدما سمعوا صوت خبط علي الباب قامت مروه تفتح ولما لقته ماهر قالت :احلام تعبانه شويه ومحتاجة ترتاح؟

ماهر حرك راسه بتفهم وطلب منها تسيبهم لوحدهم ومروه خرجت واول ما ماهر قفل الباب ودخل لاحلام ….احلام بصتله بخجل شديد وقالت:انا اسفه… اني عرضتك لموقف سخيف زي دا؟

ماهر باعتذار:لا انا اللي اسف اني قولت الكلام دا ليهم رغم ان مش من حقي ابدا اغلط فيهم بما انهم اهلك بس انا بجد مقدرتش اشوفهم بيتكاتروا عليكي ومش مقدرين انك من دمهم بس متزعليش لان اوقات كتير الاهل بيكونوا اغراب والاغراب بيكونوا اهل وانا وعدتك قبل كدا اني جمبك ومش هسيبك يا احلام وكل اللي طالبه منك تنسيهم وتتعاملي كانهم لسا مظهروش .

احلام حركت راسها بالموافقه وقالت :حاضر انا هتعامل عادي ومش هيفرقوا معايا..قالت كلامها بحزن واضح وهوا حضنها علشان يخفف عنها ولاكن حاسس بيها لانه عارف ومتاكد ان اهلها دول مش كويسين وخطر عليها وقرر انه يساعدها تتخطي بانها تتالم دلوقت وتنسي بعدين افضل من انهم يفضلوا يأذوها علي طول ومتقدرش تتخطي..

_____________

بدا ماهر ينزل للاسفل علشان ياخد العزاء  ولانه اخر يوم كانت الاعداد قليله وكان في عزاء السيدات العدد قليل ولان محدش يعرف ان فاديه ومريم رجعوا كانوا بقيت اليوم قاعدين في الاوضه ومبيخرجوش علشان محدش يشوفهم ويتعرف عليهم ويتشهروا انهم رجعوا من تاني.

مريم بصت لمامتها وقالت:انا شايفه ان الفلوس دي مناسبه وافصل بكتير من اللي كنت هورثه معاها وانتي ايه رأيك في المبلغ اللي معاكي؟

فاديه بصت لبنتها وقالت:المبلغ مناسب بس انا متضايقه بسبب اللي انا عملته في احلام رغم انها بنتي زيها زيك وانا فعلا انانيه!

مريم بصت لمامتها وقالت:انتي اللي اخترتي زمان تسيبها وانتي برضوا اللي ضربتيها دلوقت يعني كل اللي انتي عملتيه كان رد فعل سريع منك فمتجيش دلوقت تندمي لانك مبتديش لنفسك فرصه تفكري فيها ولو بتعتبريها بنتك فعلا يبق هتخسري الفلوس والشقه  اللي جوزها هيدهملك!

مامتها بصتلها بحسره وسكتت لانها مبقتش عارفه هيا بقت مين ولا بتعمل ايه ..هيا كانت غلطانه من البدايه لانها معرفتش تربي بنتها الكبيره وتخافظ عليها من البدايه ودلوقت مريم اتحولت لشخص غريب مش مفهوم فاول ما بصتلها وهيا بتلمس الشيك اللي اخدته بحب خافت من بنتها لانها في الحالتين هتدمر نفسها وتدمرها معاها فأخدت قرار في وقتها ..انها تروح معاها لان احلام ملهاش ذنب تدفع ثمن اخطائها….

_______________

في مكتب ياسر في الشركه كان قاعد وماسك تلفونه بغضب من شوقي اللي مش بيرد عليه فقرر يبعتله رساله يهدده بيها انه لو متواصلش معاه هيقرر يأذي عيلته .. 

وكان وقتها شوقي في شركة ماهر شغال ولما شاف رسالة ياسر وقرأها قلق وخاف منه لانه مؤذي ومش صعب عليه يأذي عيلته فرد عليه بسرعه وبلغه انه هيجيله علي الشركه دلوقت بس بلاش يعمل اي حاجه تأذي عيلته..

وبالفعل خرج شوقي من شركة ماهر واتجه لشركة ياسر واول ما وصل ودخل لمكتبه لقي قلم قوي نازل علي وجهه من ياسر وبيقول بغضب:لو تجاهلتني تاني مش هتشوف خير ؟

شوقي بص في الارض بخوف منه وقال:انا اسف يا ياسر باشا بس انا مش هقدر انفذ اللي طلبته مني!

ياسر اتصدم من كلامه وقال بغضب:انت مش هتقولي هتعمل ايه انا سبق وقولتلك انت تسمع انا بقول ايه وتنفذه يا ايما بق انسي ان بنتك تتعالج في المستشفي الخاصه بيا وهتطرد حالا بمكالمه من تيلفوني ؟

شوقي اتصدم وقال برجاء: لا يا باشا الا بنتي انا موافق اعمل اي حاجه علشانها دي هيا اللي ليا؟

ياسر ابتسم قوال:يبق تنفذ اللي طلبته منك وتبطل التصرفات العبيطه دي كلها وتشوف شغلك كويس؟

شوقي بصله وقال بحزن:يعني انفذ يباشا؟

ياسر بضيق: انجز ونثنفذ؟

شوقي حرك راسه بالموافقه وقال:حاضر  ياباشا الخبر هيكون عندك بكرا؟

ياسر بضيق منه قال:لا انا عاوز الخبر يجيلي النهارده ويكون علي كل منصات التواصل الاجتماعي انت فاهم يا شوقي..

ينبع بقلمي شيماء صبحي 

"شوقي اتصدم وقال برجاء: لا يا باشا الا بنتي انا موافق اعمل اي حاجه علشانها دي هيا اللي ليا؟

ياسر ابتسم وقال :يبق تنفذ اللي طلبته منك وتبطل التصرفات العبيطه دي كلها وتشوف شغلك كويس؟

شوقي بصله وقال بحزن:يعني انفذ يباشا؟

ياسر بضيق: انجز ونفذ'

شوقي حرك راسه بالموافقه وقال:حاضر  ياباشا الخبر هيكون عندك بكرا؟

ياسر بضيق منه قال:لا انا عاوز الخبر يجيلي النهارده ويكون علي كل منصات التواصل الاجتماعي انت فاهم يا شوقي..

شوقي بص لياسر بصدمه وحرك راسه بالموافقه وقال:اللي تشوفه يا فندم..بعد اذنك؟

شوقي قال كلامه وخرج من مكتب ياسر واتجه لخارج الشركه وفي الداخل كان قاعد ياسر وهوا متعصب وبيقول:يا انا يا انت يا ماهر يا صياد!

اتجه شوقي بعربيته في اتجاه الشركة لانه عارف ان حمزه موجود هناك ولسا مخرجش وقرر انه يخبطة بالعربيه ويهرب ويكون نفذ المطلوب منه ..

____________

وفي بيت حنين كانت رجعت من مدرستها بتعب لانها اضطرت تمشي المسافه اللي بين مدرستها وبيتها لان فلوسها خلصت ومقدرتش تركب موصلات..

والدتها قالت بتساؤل وقلق علي حال بنتها:مالك يا حنين بتنهجي كدا ليه وليه وشك احمر بالشكل دا..

حنين بصت لوالدتها بتعب وقالت:مفيش يا ماما انا بخير ،هو بابا هنا؟

والدتها بابتسامه:لا ابوكي خرج تعالي بسرعه علشان ناكل اصل في واحده جارتنا بعتتلنا اكل النهارده وانا عارفه انك بتحبي الاكله دي..

حنين دخلت للبيت وهيا حزينه لان والدتها سيده بسيطه وبرغم انها شايله البيت بمصاريفه الا ان باين عليها التعب وملامحها كبرت..

حمزه الصغير اخوها خرج من اوضته وقال وهو بيقرب من اخته:حنين شوفتي جارتنا جابتلي ايه ..رفع الطفل لعبه قديمه بفرحه وهو بيبص لاخته واللي زعلت ان اللعبه قديمه ولاكنها فرحت ان اخوها فرحان..

حنين قالت بابتسامه:جميلة اوي يا حمزه حافظ عليها بق..

حمزه جري من قدامها وهو بيضحك وبيرجع تاني علشان يكمل لعب..

والدة حنين طلعت من المطبخ وهيا شايله طبق كبير من الألمونيوم وكان فيه أكل وقربت من بنتها وهيا بتقول بابتسامه:شوفي يا حنين شوفي الاكل ريحته حلوة اوي ازاي..

حنين شمت ريحة الأكل بجوع شديد فحركت راسها وقالت بابتسامه حزينه:فعلا يا ماما ريحته حلوه..

والدتها حطت قدامها الطبق وقالت:كُلي يا حبيبتي واتغذي ربنا يحفظك..حنين ابتسمت واكلت قطعه من اللحم اللي موجوده في الطبق وبعدها والدتها ندهت علي حمزه بهمس وقالت:يا حمزه تعالي كُل يا حبيبي مع أختك؟

حمزه جري بسرعه عليهم وقرب من اخته وقعد جمبها ياكل ..حنين بصت لوالدتها اللي بتبص عليهم وساكته وقالت بتساؤل :مش بتاكلي ليه يا ماما ؟

والدة حنين برفض:لا يا حبيبتي انا شبعانه كُلي انتي واخوكي بس كويس ويبق انا كدا أكلت..

ابتسمت حنين وحركت راسها وبدات تاكل ولاكن مقدرتش تتجاهل نظرات والدتها للأكل فقربت منها قطعة من اللحم وقالت:ماما كُلي دي علشان خاطري انا عارفه انك شبعانه بس شاركينا الاكل دا طعمه حلو اوي وانتي كمان بتحبيه زي بالظبط..

والدتها ابتسمت بفرحه وحركت راسها بالموافقه وقربت منهم وقعدت جمبهم وبدأت تاكل معاهم  وحنين ابتسمت علي حركات والدتها ولاكنها كانت متفهماها فقالت بتساؤل:صحيح مين جارتنا دي يا ماما اللي كل يوم بتجبلنا أكل..

والدتها بصتلها وقالت:روعة !!خالتك روعة اللي في الشارع اللي ورانا ،ربنا يصلح حالها والله ست جدعه ..حنين كانت مصدومه لسماعها لكلام والدتها وكانت بتبصلها وساكته ووالدتها كملت وقالت:سمعت منها ان ليها بنتك زميلتك خلي بالك منها يا حنين واوعي لا سمح الله تتخانقي معاها او حاجه لأحسن امها تقطع يا حبيبتي معانا واحنا يدوبك عايشين بالاكل دا والفلوس بتاع شغلي..

حنين قامت بسرعه من علي الاكل لان بنت الست روعة دي تبقى جنة زميلتها في المدرسه والبنت دي معروف عنها انها مغروره لان اهلها معاهم فلوس فدموعها نزلت بقهر لانها فهمت ليه كانت جنة بتبصلها بنظرات غريبه وبتهمس لزمايلها عليها وكلهم بيضحكوا..

ضربت حنين رجليها في الارض بغضب وقلعت طرحتها بضيق لان كل اللي هما فيه بسبب والدها ؟والدها اللي اتخلي عن شغله وقرر يعتمد بس علي والدتها واللي بقت شايله هم كبير علي ضهرها وساكته ومتحمله علشان خاطرهم.

بكت حنين وهيا بتدعي ان ربنا يخلصها ويخلص والدتها من الغلب اللي عايشين فيه ..

في الخارج كانت والدتها حزينه علي حالهم وقدرت تفهم ليه بنتها اتضايقت فبصت لابنها اللي بيتكل وطبطبت عليه وهيا بتتمني انها تقدر توفرلهم كل حلجه علشان مينحوحةش للغريب تاني… 

 والد حنين رجع للبيت  وكان دايخ لان واحد من أصاحبه اللي علي القهوه شربه سيجاره مجهولة ومن الواضح انها نوع من انواع المخدر"ات التقيله..

اول ما والدة حنين شافت جوزها داخل عليهم يغني بصوت عالي ويضحك  خبت الاكل بسرعه تحت الكنبه وبصت لابنها وقالت :ادخل عند اختك يا حمزه ومتخرجش منها واقفلوا الباب علي نفسكوا كويس؟

حمزه بص لمامته وقال ببكاء :ماما انا مش عايز اسيبك!

والدته طلبت منه يسمع الكلام ولما رفض زعقت فيه بغضب وقالت:بقول ادخل جوا واقفل الباب!

حمزه حرك راسه ببكاء ودخل لغرفة اخته حنين واللي كانت اتصدمت من صوت والدتها العالي وقبل ما تخرج حمزه قال ببكاء وهو بيقرب منها:ماما بتقولك نقفل الباب علينا كويس ومنخرجش برا .. 

حنين اتصدمت من كلام اخوها وفهمت ان والدها هيتخانق مع والدتها  دلوقت فاخدت اخوها في حضنها وقفلت عليهم الباب وهيا بتقول..استر يارب..

_______________

في المساء وفي منزل احلام !

انتهي العزاء بالكامل والراجل اللي كان جايب الكراسي اخدها كلها ومشي  وبتاع النور شال كل الانوار والشارع كله فضى وماهر بلغ عم احلام انه هياخدها تعيش معاه في بيته وبلغه العنوان علشان لو حب يزورهم في اي وقت ..

عم احلام ابتسم وبلغ وقتها الاستاذ سلامه بإن ماهر اتجوز احلام والاستاذ سلامه فرح وقال:والله محمد عمل الصح الله يرحمه؟

ماهر وعم احلام في نفس الوقت: الله يرحمه..

حط سلامه ايديه علي كتف ماهر وقال وهو بيبوصيه عليها:حطها في عينك دي بنت الغالي ومتنساش ان ليها رجاله هنا يقفولك لو بس زعلتها!

ابتسم ماهر علي كلامه وقال:ربنا ما يحرمنا منكم ومتقلقش يا استاذ سلامه احلام دي في قلبي مش بس في عيني..

ابتسم سلامه علي كلامه وغمزله وقال بضحك: اه يا شقي انت ..كنت متأكد انك لسا بتحبها بس شكلك كنت فاكرني مش واخد بالي؟

خجل ماهر من كلامه وحرك راسه بالموافقه وسلامه وابراهيم سلموا عليه وودعوه وبعدها ماهر اتحرك هوا كمان و طلع لشقة احلام!

كانت مروه واقفه جنب احلام  وبيودعوا اخر واحده من اللي كانت في العزاء..والست وقتها قابلت ماهر علي السلم وسلمت عليه..رد ماهر السلام ودخل للشقه وقفل الباب وراه..

احلام بصتله وقالت:الناس كلها مشيت ؟

ماهر حرك راسه بالموافقه وقال وهو بيدور بعيونه علي امها واختها: ايوا خلاصص كل حاجه خلصت ..هيا فين مريم وامها!

مروه شاورت علي اوضة والد احلام وقالت:في الأوضه اللي هناك مطلعوش منها من وقت ما دخلوا الصبح'

ماهر حرك راسه وقال وهو بيقعد علي الكرسي:طيب اقعدوا وارتاحوا شكلكوا مرهقين..

مروه واحلام قعدوا جمب بعض وهوا كان حاططت عينه علي الباب ومستني والدة احلام ومريم يخرجوا ويعتزروا منها ويبلغوها انهم هيمشوا؟

احلام لاحظت نظراته للباب فقالت بتساؤل:هو في حاجه حصلت ولا ايه يا ماهر!

ماهر انتبه ليها وحرك راسه بالرفض وقال:لا متقلقيش كله تمام'

احلام حركت راسها بتفهم ووقتها باب الغرفة اتفتح وخرجت مريم واللي كانت لسا بلبس احلام وقالت:احنا هنمشي يا احلام! 

احلام رفعت راسها ليهم بحزن وحركت راسها بالموافقه ..ماهر كان باصص لمريم بجديه وهيا قربت من اختها ووراها والدتها وقالوا:احنا مش عايزين حاجه منك حلال عليكي البيت خلاص احنا هنرجع بيتنا تاني واحنا غلطانين اننا رجعنا هنا؟

كان كلامهم قاسي عليها انها تسمعه منهم ولاكن ماهر بصلهم بغضب لانه مطلبش منهم يقولوا كدا وهما بصوله وخرجوا ووقتها مروه قامت وراهم وقفلت الباب وراهم ..احلام حاولت تتماسك ومتتأثرش بيهم ولاكن دموعها غلبتها ونزلت..

مروه بصت لماهر علشان يقرب منها لانها محتجاه أكتر من أي حد لانه الاقرب لقلبها ..فحرك راسه بانتباه لنظرات مروه وقرب من احلام ومسك ايديها ولما مروه شافته فهم نظراتها قررت تدخل للحمام وتسيبهم يتفاهموا واول ما بعدت عنهم ماهر بص لاحلام وضمها جامد لصدره وقال:خلاص يا احلام كله هيعدي ..

احلام غمضت عينيها وقالت:هما راحوا فين.

ماهر:مش عارف بس كويس انهم مشيوا؟

احلام بدموع:تاني ..مشيوا تاني وسابوني وانا في اشد احتياجهم جانبي..

ماهر بصلها وحرك راسه بالرفض وقال :مش دول يا احلام اللي هيداوكي انتي مش شايفه آذوكي بكلامهم كام مره من وقت ما وصلوا دول مش هيداوو بل  بالعكس هيجرحوكي اكتر ..

احلام بعدت عنه وهيا بتمسح دموعها وبتبص لبيتها وبتقول:انا عيشت هنا ٩ سنين وقتها كان عمري ١٩ سنه وكنت لسا في اول سنه جامعه ..لما اكتشفت انهم مش راجعين قررت اني مش هكون ضعيفه واني هقدر اتغلب علي وحدتي واقدر اساعد والدي واتكفل بكل مصاريف علاجه..صح انا اشتغلت وتعبت بس مش زعلانه ولا ندمانه ابدا اني بذلت الجهد دا علشان بابا.. 

دلوقت هما مشيوا تاني يعني معناه اني لازم اكون اقوي واتخطي زي ما تخطيتهم زمان..

ماهر حط ايديه علي كتفها وقال:عارف انك مجروحه منهم وزعلانه علي فراقهم تاني بس صدقيني كل اللي هتعمليه هيكون لصالحك ،انا بشجعك انك تكوني قويه بس مش عاوزك تكوني قاسيه ..لان دلوقت قساوتك هتكون علي نفسك ودا ملوش علاقه بالقوه لا قوتك هيا انك تتخطيهم  مش تحدني عليهم..

احلام حركت راسها وقالت:شكرا يا ماهر انك موجود معايا ..انا ممتنة لكل حاجه عملتها علشاني وعلشان والدي وربنا يقدرني وارد كل جمايلك.. 

ماهر شدها لحضنه وقال:مش عايز حاجه منك غير انك تكوني جمبي ..دي عندي بالدنيا.. 

احلام بصتله وسكتت بخجل وهوا لمس وجناها بلطف وابتسم.. 

مر علي نقاشهم نص ساعه فـ

كانت مروة واقفه في الحمام وبتقول بضيق:دا وقت مرقعة بذمة ابوكوا ..انا عاوزه امشي اتخنقت .. 

ماهر انتبه لمروه وقال:هيا مروه راحة فين.. 

ابتسمت مروه لسماعها عن سؤاله عنها فقررت تخرج ولاكن وقفت علي صوت احلام اللي قالت:شكلها مشيت.

ماهر باستغراب:تفتكري كدا ..بس  انا متهيألي انها مخرجتش من الحمام.. 

احلام :ممكن تكون مشيت واحنا مش واخدين بالنا منها .. 

مروه ضمت عينيها وقالت بغيظ:بق مش منتبهين اني مرزوعة هنا بقالي ساعه علشان النحنه دي وفي الاخر مش عارفين انا روحت فين طيب!

قالت كلامها وخرجت وكانت احلام وقتها في حضنه ولما شافتها واقفه تبصلهم بضيق بعدت عنه وقالت:اي دا مروة هو انتي هنا؟

مروه بسخريه:واطية..هو انا لسا هتعرف عليكي النهارده..

ماهر مكنش فاهم مروة تقصد ايه ولاكن احلام فهمت فقربت منها وقالت:انا اسفه والله ما اخدت بالي انك جوا من ساعتها.. 

مروة ضمت حاجبها بزعل وقالت:لا ولا يهمك دانا بس كنت هتخنق وهيجيلي تشنحات بسبب الكتمه جوا علشان بس حضرتك انتي وجوزك تتلموا علي بعض شويه،.

احلام ضحكت علي كلامها وخجلت بسبب نظرات ماهر ليها فقالت :مروة هو انتي بيتكوا موحشكيش..

مروه:لا وعلي ايه انا اصلا ماشيه بس بقولك ايه:خليه ينفعك انا اصلا مش بطيقه؟

ماهر اتصدم من كلام مروة عنه واتفاجئ ان احلام بتضحك بشده علي كلامها ومش منتبها انها كدا بتهزقه..

مروه قربت من ماهر واخدت شنطتها اللي جمبه ورمقته بغيظ وبعدها بصت لاحلام بنفس النظرة وخرجت واول ما قفلت مروه الباب ونزلت احلام ضحكت عليها ولاكن ماهر كان قاعد يبص عليها ومش فاهم ليه مروه عملت كدا!

ماهر قال بتساؤل:هو انا ضايقت مروه في حاجه!

احلام حركت راسها وقالت:ايوا دا موضوع قديم كده؟

ماهر باستغراب:موضوع ايه!

احلام ضمت رجليها وهيا بتقعد وقالت:لا مفيش بس كل الحكايه انها شايلهالك من وقتها؟

ماهر :ايه هيا اللي شيلاها!

احلام:اقصد ياعني ان يوم ما مروة جاتلك بدالي الشركة علشان تاخد منك العقد وكده انت معزمتش عليها تشرب حاجه فـفكرت انك بخيل وقالتلي انها مصدومه لانها كانت فكراك هترحب بيها ترحيب عالي بما انكم صحبه قديمه؟

ماهر رفع حاجبه وهو بيبص لاحلام وبيقول:بق علشان كده..احلام حركت راسها وهو قال:طيب انا وعرفت هيا  زعلانه مني ليه انما انتي اي حكاية واطية دي..

احلام كحت بتوتر وهيا بتبصله وبتقول:هيا مروة قالت عليا واطيه؟

ماهر:دي كل الجيران سمعوها..

احلام بخجل منه: هيا برضوا الحكايه قديمه؟

ماهر باهتمام:لازم اسمعها..

احلام باستغراب:دلوقت..

ماهر حرك راسه وهيا قالت:هوا الموضوع يعني عباره عن حركات أصحاب وكده يعني كام تدبيسه علي كام مصلحه يعني متشغلش بالك انت بحوارتنا علشان حوارتنا مبتخلصش.

ماهر حرك راسه بالموافقه وقال:طيب بمناسبة ان خلاص احنا بقينا لوحدنا ومن النهارده رسمي اقدر اقرب منك ..

احلام اتوترت من كلامه وبعدت عنه وهوا ابتسم علي حركتها وقال:متنسيش اننا متجوزين؟

احلام:صح احنا متجوزين بس برضوا متنساش اني عليا دين ولازم ادفعه؟

ماهر بتساهل معاها:انا مسامحك فيه؟

احلام باعتراض:مش موافقه ..دا ديني ولازم اقضيه وبما انك جوزي بق  لازم تساعدني؟

ماهر باستغراب:وانا هساعدك ازاي بق ،

احلام بابتسامه بريئة:بسيطه ممكن أشتغل عندك في الشركه وبالمره نتعرف اكتر علي بعض..

ماهر ضم عينيه وقال:نتعرف علي بعض ازاي داحنا متربيين مع بعض.

احلام:لا دا كان زمان انما دلوقت انت بقيت بشخصية وانا بشخصيه مختلفه يعني لازم نتعرف علي بعض بشخصياتنا الجديده وعلشان برضوا مكنش قاسيه عليك هعتبرك خطيبي لحدما اقرر اذا كنت موافقه عليك ولا لأ..

ماهر اتفاجئ من كلامها وقال :يعني انتي كنتي رفضاني اصلا؟

احلام بتوتر :ايوا انا برضوا اتفجأت من طلبك وبرضوا علشان مزعلش بابا مرضتش اقول حاجه وقاها علشان يكون مطمن ولاكن في الحقيقه انا مش هقبل اني اتجوز بالطريقه دي انا لازم لما اتجوز اتجوز عن حب؟

ماهر وهوا بيردد كلامها بصدمه:حب؟

احلام:ايوا حب خليني ادخل بق ارتاح علشان بكرا هيكون يوم طويل بما اني هروح معاك القصر؟

رواية حبيبي المدير بقلمي شيماء صبحي 

ماهر حرك راسه بالموافقه وهيا دخلت لغرفتها وقفلت وراها الباب بالقفل وهوا لما قام علشان يدخل وراها اتفاجئ..قال بتساؤل :احلام افتحي الباب.

احلام من جوا :عيب يا استاذ انت خطيبي ومينفعش تشوفني بشعري..

ماهر اتفاجئ من تغيير حالها المفاجئ ولاكنه بدأ يستوعب ان احلام المرحة والشقيه رجعت من جديد فبص علي اوكرة الباب وسابها وقال:طيب انا هحترم قرارك بس مش اوي علي فكره ،

ضحكت احلام عليه وهيا جوا ولاكنها كانت مرتاحه اكتر لانها برضوا مش مطمناله لانه بيقل ادبه وبيستغلها وهيا نايمه ودلوقت قدرنا نفهم ان وقت البوسه احلام مكانتش نايمه ولا حاجه وكانت حاسه بيه..

______________

في بيت حنين..

والدتها بصت لوالدها اللي تايهه وبيتحرك بدون وعيي فقالت بشهقه :مالك يا قاسم بتتلوي كدا ليه يا راجل وايه ريحتك دي؟

قاسم بص عليها بدوخه وقال:شارب حاجه جديده بس اييه..قال كلامه وهوا بيترمي عليها ولاكنها بعدته بقرف وقالت:انت اتجننت يا راجل انت بق بتشرب القرف دا وانت عندك عيال ..مش خايف علي نفسك لتروح في داهيه هوا احنا ناقصين مصايب يا ربي..

قاسم ضم حاجبه بضيق من صوتها العالي وقال:بقولك ايه يا بت يا حنين سكتي امك دي بدل ما أقوم أكسرلها دماغها دي..

والدة حنين بصدمه:تكسر دماغ مين يا ناقص دا انا اللي هكسر دماغك لو مقومتش وغسلت وشك كدا وفوقتلي !

قاسم بضيق منها:انا مش هروح في حته وتعالي دليكيلي رجلي لانها وجعاني..

والدة حنين بضيق:من اللف طول اليوم وجعاك اهي الرجل دي لو كانت بتشتغل كان ربنا طرح فيها البركه بس هقول ايه يا مأمنة للرجال يا شايلة الحِمل زي الجبال؟

قاسم زقها بعيد عنه وقال بضيق منها:بطلي  بق يا وليه كلامك دا وادخلي جهزيلي لقمه اطفحها بدل ما تكوني طالق..

خبطت والدة حنين علي صدرها بشهقه وقالت:طالق ..طالق يا مفضوح بق دا اللي طلع منك بدل ما تقولي حقك عليا يا نورا ومش هعمل كدا تاني تقولي هكون طالق..

وقف قاسم لانه جاب اخره من كلامها ومسكها من هدومها وقال بغضب :إسمعي يا نورا انتي بدأتي تقلي ادبك وشكلك كدا وحشك ضرب زمان ..هتروحي تعمليلي اكل ولا ارنك علقه..

نورا بعدته عنها بضيق وتقزز :ريحتك مقرفه جاتها نيله اللي عايزه تتجوز ياعيني عليا وعلي سنيني ..يا قلة باختك يا نورا يوم اما جيتي تتحوزي طلع عدلك معوج ..تعالا يابا شوف وكست بنتك الوحيده..

قاسم تجاهلها وهيا قالت كلامها ودخلت للمطبخ تجهزله أكل وهوا وقتها اخد باله من الاطباق اللي مستخبيه تحت الكنبه الي قدامه فقرب منهم وهوا بيتمايل بسُكر واول ما شاف محتواهم قال بصدمه:نهار اباكوا إسود بق بتاكلوا الحجات دي من غيري..بت يا نورا انتي يا بت..كان بينادي علي مراته بصوت عالي وهيا كانت متضايقه واما وصلتله ولقته لقي الاطباق اتخضت وقالت:ايه اللي ماسكة في ايديك دا يا قاسم جبتهم منين..

قاسم قرب منها ومسكها من شعرها وقال:جبتهم من عند امك الشحاته يا بنت الراجل الأعور؟

نورا صرخت وهيا بتحاول تبعد شعرها عنه ولاكنه كان متعصب من خداعها ليه طول الفتره دي وقال:بق عاينه ليكي ولعيالك الاكل الحلو وانا هرياني جبنة حادقة ومش ؟

نورا بصراخ:سيب ايدك يا قاسم انت مش في وعيك دول عيالك يا راجل مستخصر فيهم لقمة حلوه ؟

قاسم بغضب:ايوااااا مستخصر فيهم ودول ياكلوا احسن مني لييه بيعملوا ايه احسن مني..

نورا وهيا بتبعد ايديه عنها:بيعملوا ايه ليه هو انت عايزهم يعملوا ..يا راجل اتكسف علي دمك وحس بينا شويه الاكل دا بيجلنا من الجيران بسبب انهم عارفين انك عويل وعاله!

قاسم بغضب:انا عاله يا نورا!

نورا بغضب:ايواا انت عاله وملكش لازمه يا اخي روح ربنا ياخدك بق ونرتاح من قرفك .

بدأ الدم يغلي في عروق قاسم بسبب كلام زوجته فقرب منها ومسكها من شعرها اكتر وشده بقوا لدرجه انها حست ان روحها بتتسحب منها وبدأت تصرخ بقوه..

حنين كانت بتبكي هيا واخوها بسبب خناق ابوها وامها المعتاد ولاكن المره دي صراخ والدتها كان عالي وكانها هتموت في ايديه..فتحت حنين الباب ولم لقت والدها منيم والدتها علي الارض ونايم فوقها وهوا مساك شعرها وبيضرب فيها..جريت بخضه للشارع وبدأت تصرخ بخوف وتقول:الحقوونا الحقووونا والنبي امي هتمووت..

قاسم انتبه لصراخ بنته فساب مراته وجري عليها مسكها بعصبيه وقال:بق بتفضحيني يا بنت الكلب تعالي هنا؟

رواية حبيبي المدير بقلمي شيماء صبحي 

مسك حنين من شعرها ووقعها جمب امها ونورا لما شافت بنتها اتخبطت جامد وقفت وقربت منها وخلتها تقف وراها علشان تحميها وبصت لقاسم اللي دخل جاب خرطوم من الحمام ورجعلهم تاني وقال:انا هربيكوا يا ولاد الكلب؟

حنين صرخت برفض وامها رفعت ايديها بحمايه وقالت:اضر/بني انا يا قاسم طلع غضبك عليا انا وسيب البنت دي لسا عضمتها صغيرة ومتستحملكش..

قاسم ضر/ب نورا بقوة علي جسم/ها واطلقت نورا صرخه قويه ووقتها حنين قامت من وراها وجريت علي الباب تاني وفتحته وهيا بتقول ببكاء شديد:والنبي ساعدونا امي بتموت في ايديه..

قاسم اتصدم من رد فعل بنته فمسك نورا من شعرها تاني وقال:ادي تربيتك بتفضحني قدام الناس..

نورا بغضب:تستاهل علشان تفوق لنفسك ..

قاسم شعر بالغضب الشديد من كلامها وبدأ يضر-ب فيها بقوه لحدما مسك دماغها وهبد/ها في الحيطه ووقتها وقعت نورا مغشي عليها والد-م خرج من دماغها بغزاره..حنين رجعت للبيت بسرعه ومعاها جيرانهم واول مشافو والدها واقف يبص لوالدتها اللي ساي/حة في د/مها قالت بصدمة:ماما..

الجيران جيروا عليهم وبعدوه عنها وبدأوا يفحصوها ولما اتاكدوا انها لسا عايشه طلبوا الاسعاف والحكومة ووقتها حنين وقعت علي الارض وهيا شايله دماغ مامتها علي ايديها بقهر وبتقول:ماما قومي لأاااا بلاش تموتي انا اسفه ..والله هشتغل واساعدك في المصاريف بس قومي ..انا محتجالك ومش هعرف اعيش من غيرك!

الجيران دموعهم نزلت علي حالهم وحمزه كان قاعد في الأرض بيبكي علي كلام اخته وفهم ان والدته حصلها حاجه فغمض عينيه بخوف وحط ايديه علي ودنه لما سمع اصوات سرينا الاسعاف والبوليس..؟

الاسعاف شالوا والدة حنين وراحت معاها واحده من الجيران ورفضوا ياخدوا حنين بسبب صغر سنها ..والحكومه مسكت قاسم واخدوه علي البوكس ووقتها راحوا وراهم رجال المنطقه وفي اللحظة دي قعدت حنين علي الارض بيأس وهيا بتبكي ولما افتكرت اخوها حمزه جريت بسرعه تشوفخ واتفجأت من شكله..

كان حمزه حاطط ايديه علي ودنه وواخد وضعية الجنين وبيبكي وهو مغمض عينيه؟

حنين لمسته بحنيه وهوا جسمه اتنفض بخوف واول مشاف انها اخته اللي معاه جري بسرعه حضنها وهو بيقول بتساؤل :ماما فين!

بكت حنين وقالت:ماما هترجع تاني متخافش..

حمزه حرك راسه وحضنها اكتر وقال:حنين انا خايف متسيبنيش.

حنين بكت وهيا بتشيله وبتقوم وبتقول:مستحيل..انا مستحيل اسيبك يا حمزه؟

__________

امام شركة الصياد كان واقف شوقي وهوا مركز مع العربيات اللي خارجه من بوابة الشركة  لحدما شاف عربية حمزه  خارجه وكان وقتها حمزه بيضحك لانه بيتواصل مع بنت من اصدقاءه وكانت بتحكيله موقف مضحك ..

شغل شوقي عربيته واتحرك ورا حمزه وهوا خايف من اللي هيعمله ولاكنه خايف اكتر علي بنته اللي تحت رحمة ياسر ؟

كان حمزه بيضحك علي كلام ديدي صاحبته وبيقول:خالي مانعني ارجع تاني البار بس اوعدك اني هقابلك قريب لانك وحشتيني اوي ؟

ديدي بابتسامه:طيب يا قلبي انا هستناك بس اوعي تنسي انك وعدتني؟

حمزه بضحك:انا اقدر برضوا دنتي اللي في القلب !ديدي ابتسمت وهوا قفل معاها المكالمه وبدأ يركز في الطريق ويزود سرعته وكان وقتها في طريقة للقصر لانه عارف ان احلام ممكن تيجي النهارده مع خاله فكان متحمس يقابلها…

كان ماشي وراه شوقي واللي مستني حمزه يقرب من الملف علشان يقفل عليه الطريق فجأة ويصدمه فا يتخبط… وبالفعل كان حمزه سرع اكتر علشان دوران وفجاه لقي عربيه واقفه قدامه فكان هيخبط فيها فتجاهلها حمزه بسرعه ولاكنه اتصدم في عربيه شوقي اللي  خبطته جامد بسبب انه وقف فجأه ووقتها عربية حمزه اصتضمت في نخله ضخمة وبسبب الخبطة دي اصدرت العربيه  صوت عالي..

بسبب استشعار العربية ساعدت حمزه كتير ان اصابته متكونش كبيره ولاكن في عربيه نقل جت بسرعه عاليه من وراه وخبطت في حمزه لدرجة ان العربية طارت لمسافه كبيره.. 

كان واقف شوقي مصدوم لانه متوقعش ابدا ان الحادث هيكون متدبر بالطريقه دي فبص لعربيه حمزه بصدمه وطلع تيلفونه بسرعه واتصل علي الطوارئ وبلغ ان حصل حادث وبلغهم المكان..

كانت عربية حمزه مقلوبه علي ضهرها وكان حمزه جسمه كله مش باين بسبب الد/م وسواق العربية النقل اتحرك بسرعه من قدام شوقي واللي كان قاعد مصدوم في عربيته ولما شوقي بص علشان يعرف نمرة العربية اتفاجئ انها بدون نمرة فقال بدهشه:عملتها يا ياسر بيه وخلصت علي الولد؟

يبتع بقلمي شيماء صبحي ؟

كان واقف شوقي مصدوم لانه متوقعش ابدا ان الحادث هيكون متدبر بالطريقه دي ،فبص لعربيه حمزه بصدمه وطلع تيلفونه بسرعه واتصل علي الطوارئ وبلغهم ان حصل حادث علي الطريق وبلغهم المكان..

كانت عربية حمزه مقلوبه علي ضهرها وكان جسمه كله مش باين بسبب الد/م وسواق العربية النقل اتحرك بسرعه من قدام شوقي واللي كان قاعد مصدوم في عربيته ولما شوقي بص علشان يعرف نمرة العربية اتفاجئ انها بدون نمرة فقال بدهشه:عملتها يا ياسر بيه وخلصت علي الولد؟

قال شوقي كلامه وبعدها شغل عربيته اللي أتأثرت هيا كمان بسبب الخبطة ولف بسرعة علشان يلحق يهرب قبل ما البوليس يوصل..

__________

وبداخل مستشفي حكومية..تم نقل نورا لغرفة الطوارئ وبدأوا الدكاترة يعالجوها ويخيطوا الجروح اللي في راسها..

ووقتها جارة نورا اتصلت علي جوزها وبلغته ان نورا دلوقت مع الدكاتره وهما بيعالجوها، وبلغته يجيب بنتها وابنها للمستشفى علشان ميفضلوش لوحدهم في البيت ويجي معاهم  ..وبعدما انهت كلامها فجأة اتخبطت في دكتور بيجري بسرعه للبوابه ووقتها الست دي بصت للبوابه واتفاجأت من شكل الشاب اللي داخل علي الترولي وجسمة كله غرقان د/م..

الست قلبها اتقبض وهيا بتقول بسرعه:لا حول ولا قوة الا بالله …ايه اللي حصله دا  يا حول الله يارب..قالت الست كلامها وهيا بتبص لحمزه اللي مكنش باين ليه ملامح بسبب الجروح والد/م اللي مالي جسمه …

الدكاتره دخلووا حمزه لغرفة العمليات بسرعه ووقتها فريق الجنايات كانوا بيحققوا في مكان الحادث واول مشافوا رخصة العربية وقرأوا الاسم اتفاجؤا لإن الرخصة اللي كانت موجوده كانت بإسم ماهر الصياد ..كان في صحفي صور كل اللي حصل ولما عرف ان اللي عمل الحادث ماهر الصياد نشر الخبر بسرعه لانهم لسا ميعرفوش بالتحديد مين اللي في المستشفي..وعرف ان خبر زي دا هيقلب الدنيا .

في وقت ما الفيديو والبوست اللي نشرهم الصحفي علي الجريده اللي شغال فيها بدأت ناس كتير يتفاعلوا مع البوست والڤيديوا ويشيروه وكانوا اغلب اللي شافوا الفيدوا أمهات فكان التفاعل كبير وفي خلال دقايق اتصدر الفيدوا ترند في كل منصات التواصل الإجتماعي بسبب ان ماهر كان شخصيه شهيره وكان الكل بيسمع عنه وعارفينه…؟

_______

في منزل منعم كان نايم علي السرير وماسك تيلفونه وبيكلم خطيبته رسايل وكان مبسوط لان مفاضلش كتير علي جوازهم وكان بيبلغ خطيبته وبيعرفها انه فرحان لانه اختارها تكون زوجته وخطيبته لانها بتحبه ردت عليه فرساله وقال :بحبك!!

 كان منعم معروف في وسط أصدقاءه إنه شغال سواق عند رجل الأعمال "ماهر الصياد" فأول ما شافوا الخبر نازل إتصلوا عليه  بسرعه وبدأو يشيروله الفيديو!

منعم اضطر ينهي كلامة مع خاطيبته بسبب الرسايل اللي وصلتله فجأة وبعدها لقي اتصال من صديق عزيز عليه قرر منعم يرد ويشوف ايه الحكايه.

منعم:خير يا بني في ايه انا مش ملاحق كل دول بيتصلوا في نفس الوقت ..حصل ايه؟

صاحبه بصدمه:هو انت متعرفش اللي حصل مفتحتش فيسبوك النهارده ولا ايه؟

منعم ضم حاجبه وقال بتساؤل:لا مفتحتش ..هو ايه اللي حصل.

صاحبه:يابني دي الدنيا مقلوبه وبيقولوا ان رجل الاعمال اللي انت شغال معاه دا عمل حادثة وشكله متبهدل اوي؟

منعم اتصدم من كلامه وقال بصوت عالي:قصدك ماهر باشا؟

صاحبه:ايوا يابني حتي شوف بنفسك انا عملتلك مشاركه علشان تشوف الفيديو…

منعم قفل مع صاحبه المكالمة بسرعه وفتح الفيسبوك واول مشاف الفيدوا ضغط عليه واتصدم لما شاف الشاب اللي مخرجينه من العربيه وكل جسمه مليان د/م ..دقق منعم في شكل الشاب واتصدم لما لقي انه حمزه فقال بصدمه:حمزه بيه؟

قال منعم كلامه وفجاه قام من علي السرير وخرج بسرعه بدون ما يقول لاهله اي كلمة ولبس جزمته واتحرك للخارج وفي وقت ما كان بيجري منعم في الشارع علشان يركب اي مواصله اتصل علي ماهر واللي كان وقتها نايم ومش سامع التيلفون..

منعم بحزن كبير:رد..رد يا ماهر بيه؟

اتصل منعم تاني علي رقم ماهر وفي الوقت دا صحي ماهر وهوا متضايق من صوت رنة موبايله فبص علي الرقم ولما لقاه منعم رد عليه وقال:خير يا منعم بتتصل ليه..

منعم قال بنفس متقطع وصوت عالي علشان ماهر يسمعه:ماهر باشا الحق بسرعه حمزه بيه عمل حادثه علي الطريق والدنيا مقلوبه علي النت !

وقف ماهر بسرعه من علي السرير اول ما سمع كلام منعم فقال بصدمه:حمززه عمل ايه…طيب هوا فيين دلوقت وراح مستشفي ايه؟

منعم وهوا بياخد نفسه بصعوبه:لسا مش عارف يباشا انا دلوقت بجري في الشارع علشان  اعرف كل حاجه ..هو حضرتك فين؟

ماهر خرج من الاوضه اللي كان نايم فيها بسرعه وقال بصوت عالي:انا جاي وراك يا منعم بلغ كل الرجاله تتصل بكل المستشفيات واعرفولي هوا فين بسرعه وانا هتواصل مع الظابط هشام واعرف منه اي حاجه ….ختم ماهر كلامه بخوف وقلق علي حمزه :بسرعه يا منعم؟

منعم حرك راسه بالموافقه وقال:حاضر يباشا !

قفل ماهر التيلفون ومسك جاكت بدلته وخرج من الشقه  بسرعه وهبد وراه الباب ووقتها احلام صحيت علي صوت خبط الباب القوي ولما قررت تخرج وتشوف مين اللي هبد الباب بالشكل دا اتفجأة ان ماهر مش موجود ..

كانت مروة صديقة أحلام ماسكة تيلفونها وبتابع الاخبار وفجأة ظهر قدامها الفيدوا اللي نازل والناس متفاعلة معاه وكان العنوان:شاهد قبل الحذف حادث قوي علي الطريق الدائري والمصاب رجل الأعمال الشهير ماهر الصياد…اتصدمت مروة لما قرأت العنوان فضغطت بسرعه علي رقم احلام علشان تطمن اي اللي حصل …

وفي وقت ما مروة اتصلت علي احلام .. 

كانت احلام انتبهت لصوت رنة موبايلها ودخلت تجيبه علشان تشوف مين اللي بيتصل عليها ولما لقت انها مروه فتحت المكالمه  بسرعه ومروة قالت بقلق:احلام طمنيني ماهر حصله ايه؟

احلام اتصدمت من كلامها وقالت بقلق:ماهر كويس انا لسا سيباه من شويه بس هوا فجأة اختفي من البيت!

مروه بقلق: يا لهوي دي الدنيا مقلوبه يا احلام علي النت بيقولوا انهم لقوا عربية ماهر الصياد مقلوبه علي الدائري وطلعوا منها شاب غرفان في د/مه وبسبب انهم مش عارفين يحددوا ملامحه قالوا انه يبق ماهر؟

احلام اتصدمت من كلام مروه وقالت بخوف :استني يا مروه انا هشوف بنفسي  ؟

مروه قفلت معاها المكالمة بسرعه  واحلام فتحت الفيسبوك واتصدمت من الفيديو اللي متصدر تريند واول مشافت شكل الشاب قدرت تعرف بسهوله انه يبق حمزه فصرخت بخوف عليه وجريت بسرعه تلبس هدومها وتحصل ماهر ..ووقتها قدرت تفهم ان ماهر عرف اللي حصل وخرج بسرعه علشان كده..

_____________

في فيلا ياسر كان بيشوف الفيديو وبيقرأ الاخبار بسعاده ..وكان مبسوط انه انتقم من حمزه علشان قل ادبه عليه وكان شمتان أكتر في ماهر لانه عارف ان حمزه دا جزء من قلبه فابتسم وقال:كده هاخد فرصتي في اني اتغلب عليك يا مهوره. 

ضحك بفرحه وهوا بيقرأ بقيت الاخبار وتعليقات الناس اللي كانوا متعاطفين معاه وفي منهم اللي بيدعوا لماهر يقوم بالسلامة ومنهم اللي بيدعيله بالرحمه لان شكله كان بيدل انه أكيد ما/ت…وكل دول مكانوش عارفين ان اللي في العربيه كان حمزة مش ماهر…

وعلي الطريق كان ماهر سايق عربيته بسرعة كبيرة بعدما قدر يعرف ان حمزه في مستشفي حكومي وحاليا في غرفة العمليات؟

واحلام كانت خرجت من البيت وركبت عربيتها بسرعه واتجهت للمستشفي بعدما عرفت من الاخبار اسم المستشفي اللي نقلوا حمزه عليها وكانت مصدومه ان كل الناس فاهمين ان دا ماهر مش حمزه فبكت احلام بقلق وخوف علي حمزه لانها بتحبه وبدات تفتكر مواقفها معاه وتبكي بشده لحدما وصلت للمستشفي ووقتها شافت عربية ماهر ففهمت انه موجود فدخلت بسرعه للمستشفي ووقتها كانت الحكومه متواجده في المكان ومانعين اي حد يدخل بسبب ان اللي اتعرض للحادث شخصيه شهيره ووجود كل الصحفيين دول هيسبب قلق للعيانين ..

احلام  قربت من البوابه وهيا بتحاول تبان علشان تكلم الظابط لان في صحافيين كتير واقفين وعاوزين يدخلوا فقالت برجاء :لو سمحت يا فندم دخلني انا مش صاحفيه والله  اللي عمل الحادث دا قريبي وعايزه اطمن عليه؟

انتبهوا ليها الصفحيين علشان يسألوها هيا تقرب لماهر ايه ..

الظابط حرك راسه بالرفض وقال:بعد ازنكم يا جماعه التزموا الصمت وانتي يا انسه انا قولت ممنوع  اي حد يدخل حتي لو كانت ام المريض !

احلام بصت حواليها بصدمه وهيا مش مستوعبه كمية الضجة اللي حصلت فحست بقلبها بيوجعها اوي فبعدت بسرعه عن الناس ووقتها لقت ايد بتتمدلها وبتسحبها وراها فبصت احلام للطفل اللي ماسك ايديها وبيقول:تعالي احنا عرفنا ندخل من وراهم؟

احلام حركت راسها بلهفه ومشيت ورا الطفل اللي ماسك في ايد اخته وبيدخلوا من باب سري والباب بيوجهك لداخل المستشفي  واول ما وصلت احلام لجوه بصتلهم و قالت بشكر :شكرا اوي علي مساعدتكوا؟

حمزه الصغير وحنين بصوا لاحلام وحركوا راسهم بهدوء واحلام سابتهم بسرعه ومشيت تسأل علي مكان حمزه وحنين بصت لاخوها وقالت:تعالا نروح نشوف ماما؟

حمزه حرك راسه بالموافقه ومشي جمب اخته واتجهوا لغرفة مليانه بعيانين كتير ومن ضمنهم والدتهم اللي كانت نايمه بعدما الدكاتره خيطولها ١٥ غرزة وادولها مسكن وهيا بسبب قوة الخبطة وتأثيرها كانت نايمه..

حنين قربت من والدتها اللي متعلقلها محاليل وبكت وهيا بتقول:ماما قومي بالسلامة علشان خاطرنا..

حمزه حرك راسه وبكي هوا كمان ومسك ايد مامته وقال :ايوا يا ماما قومي علشان انتي وحشتيني اوي وكمان علشان تخلي حنين  مش تعيط لانها بتعيط كتير اوي من وقت ما انتي جيتي هنا..

حنين لمست شعر اخوها بحنيه وافتكرت لما جت هنا مع جيرانهم  من ساعه بس وكانت مامتها وقتها لسا مخرجتش من تحت ايد الدكاتره فجارتهم اخدتهم في حضنها علشان تطمنهم ووقتها الدكاتره خرجوا وطمنوهم عليها وبلغوهم انها كويسه ولاكن محتاجه ترتاح بسبب ان الخبطة كانت قويه وكمان كانت عندها صدمة عصبيه وهما ادولها مهدئ ومسكن وعلقولها  محاليل علشان تقدر تستجمع قوتها وتشد حيلها وتقوملهم من تاني..

جارتهم لقت ان الوقت اتاخر فقالت وهيا بتقرب من حنين:احنا هنمشي يا حنين ادخلوا اقعدوا جوا مع مامتكم ومتتحركوش في اي مكان علشان المستفي زحمه وممكن حد يتوه من التاني فخلي بالك من نفسك كويس  ومن اخوكي يا حبيبتي؟

حنين حركت راسها بالموافقه وجارتهم طبطبت عليهم ومشيت ووقتها حنين بدات تشوف الحكومه في كل مكان والصحافيين فجأة واقفين وبيحاولوا يدخلوا للمستشفي بأي طريقه ولاكن الظباط بيمنعوهم..

حمزه قال بتساؤل:هما مين دول يا حنين؟

حنين بهدوء: دول البوليس..

حمزه بطفوله:مش البوليس دا اخد بابا صح؟

حنين حركت راسها بالموافقه علي كلام اخوها وهو كمل كلامه وقال :يعني ممكن بابا يرجع تاني ويضرب ماما ؟

حنين بصت لاخوها وقالت بتوتر :لا يا حمزه مش هيرجع وانا عاوزاك تدعي وتطلب من ربنا انه ميخرجش علشان ميضربش ماما تاني!

حمزه حرك راسه بالموافقه وهو بيبص للظباط وللناس اللي بيحاولوا يدخلوا ووقتها حمزه شاف احلام وهيا بتترجي الظابط يدخلها وعرفها بسرعه لانها قبل كده ادتله حلويات لما كان مره تايهه وبيعيط  فقال وهو بيوجه كلامه لاخته :حنين انا عارف طنط دي علي طول بتديلي حلويات ..

حنين بصت علي احلام وشافت انها بتحاول تدخل ومش عارفه فسمعهتها وهيا بتقول للظابط انها قريبه الشاب اللي عمل حادثه فقررت انها تروح  تساعدها تدخل وقالت:خلينا نروح نساعدها يا حمزه وندخلها شكلها خايفه علي قريبها هيا كمان؟

حمزه بص لاخته بحماس وقال:ماشي خلينا نروح بس ازاي!

حنين حركت راسها بالموافقه وبصت للباب اللي بيدخلوا منه الدكاتره والممرضين علشان يخرجوا لبره فقدرت تفهم ان دا بابا سري وخاص بالدكاتره  فقررت تروح هيا كمان منه  وتخرج علشان توصل أحلام وتدخلها من الباب دا..

____________

في غرفة العمليات كانوا متجمعين الدكاتره حوالين حمزه وبيعالجوه كان جسمة كله مليان إصبات ولاكن المركز الرئيسي اللي اتأثر بالحادث كانت دماغه فبدأوا بسرعه ينقذوه ويعالجوا كل الجروح ويوقفوا النذيف وبالفعل قدروا ولاكن بعد وقت كبير … كان الدكتور بيبتابع جهاز النبض ولقي ان بدأ النبض يقل بسبب ان حمزه نزف دم كتير ومحتاجين دم..

الدكتورقال وهو بيبص للمساعد بتاعه :محتاجين دم فصيلة -AB بسرعه.

المساعد:الفصيلة دي مش موجوده عندنا يا دكتور لانها نادرة جدااا؟

الدكتور:طيب بلغ اهل المريض لو فيهم حد نفس الفصيلة يتبرعله بسرعه ؟

مساعد الدكتور حرك راسه بالموافقه وخرج..

كانت احلام بتجري في كل مكان في المستشفي وهي بتحاول توصل لغرفة العمليات.. وقفت ممرضة وقالت بلهفه:ممكن تقوليلي المريض اللي وصل بسبب حادث راح فين..

الممرضة بصت لاحلام بحزن وقالت:المريض في العمليات في الدور اللي فوق اول عرفة علي الشمال؟

احلام اخدت نفسها وشكرتها واتحركت بسرعه للدور العلوي وهيا بتجري واول ما وصلت للمكان اللي وصفته ليها  الممرضه شافت  منعم وماهر اللي واقفين واعصابهم متوتره ،قربت احلام منهم بسرعه وهيا بتقول بنفس متقطع…:ما..هر!

انتبه ماهر ليها وقرب منها وحضنها بسرعه ولانه فعلا خايف علي حمزه يجراله حاجه بكي بقوه في حضنها؟

احلام طبطبت عليه بحزن وبكت هيا كمان وحاولت بقدر الإمكان تهديه علشان يمسك أعصابه وكان ماهر مش بيهدي لان حمزه روحه من جوا..ومش قادر يصدق ان ممكن يروح من تحت ايديه ويجراله حاجه؟

كان واقف منعم يبص لماهر وكانت دي اول مره يشوفه منكسر بالشكل دا فقرر يسيبهم علي راحتهم لان ماهر مش هيحب ابدا ان حد يشوفه بالشكل دا وبلغهم انه هينزل يشتري مايه وهيرجع

تاني فحركت احلام راسها بالموافقه ومنعم مشي من قدامهم وبعدها  قعدت احلام وطلبت من ماهر يقعد جمبها علشان يستنوا مع بعض اي حد يخرج ويطمنهم علي حمزه  وبالفعل قاعد ماهر جمبها ومسكت احلام ايديه علشان يحاول يهدي وبعد مرور ساعه الدكتور خرج من الغرفة وانتبه ليه ماهر واحلام واللي بصوله بلهفه ووقفوا بسرعه!

الدكتور بتساؤل:محتاجين دم بسرعه فصيلة-AB بسرعه ..

ماهر :مفيش دم في المستشفي!

الدكتور:للاسف عينة الدم دي نادرة جدا ومش موجوده حاليا وانا بسألكم لانكم أهله واحتمال كبير تكونوا من نفس الفصيله!

ماهر حرك راسه بحزن كبير وقال:انا فصيلتي o يعني مختلفه ..احلام بصت للدكتور بتردد ولاكن لما لقت ان مفيش حل قدامهم قالت:انا فصيلتي-AB اقدر اتبرع يا دكتور!

الدكتور بلهفه:طبعا احنا محتاجين كيسين دم تعالي معايا بسرعه!

احلام حركت راسها بالموافقه ولاكن ماهر منعها وقال:احلام استني انتي مش مجبره تعملي كدا!

احلام بصت لماهر وقالت:حمزه بيعتبرني جزء من عيلته وانا كمان يعني بعتبره جزء من عيلتي وبعدين الدم مش هيروح لحد غريب..ماهر بصلها بحب كبير وكان هيعيط تاني ولاكنها حضنته بسرعه  علشان تطمنه وقالت:متقلقش يا حبيبي انا عندي دم كتير وانا هكون بخير بس اهم حاجه دلوقت حمزه هو الي  يكون بخير؟

ماهر حرك راسه بالموافقه واحلام مشيت مع الدكتور واتجهوا لغرفة تانيه علشان ياخد منها عينات الدم اللي محتاجينها …

وبعد مرور وقت اخد الدكتور من احلام الكيسين اللي محتاجهم من الدم وبعدما انتهي كان احلام واضح علي ملامحهم الضعف الشديد فقالت وهيا بتقوم:كدا خلاص يا دكتور؟

الدكتور قال :ارتاحي مينفعشي تقومي جسمك دلوقت ضعيف ولو اتحركتي هيغمي عليكي!

احلام حركت راسها بالفرض وقررت انها تروح تقف جمب ماهر لانه دلوقت محتاجها  تكون جانبه فقالت:روح انت يا دكتور ساعد حمزه ومتقلقش عليا انا بخير!

الدكتور حرك راسه بالموافقه وخرج من الغرفه بسرعه واحلام نزلت من علي السرير ووقتها حست بدوخه شديد وكأن الدنيا بتلف حواليها قعدت تاني  بسرعه وهيا بتحاول تستجمع قوتها وبالفعل قدرت تمشي خطوتين وبعدها بدأت تسند علي الحيطه وهيا ماشيه لحدما وصلت لماهر..

ماهر اول مشاف شكل احلام قرب منها بلهفه وسندها وهو بيقول:انتي كويسه يا احلام شكلك عمل كدا ليه؟

احلام مسكت في ايديه جامد وقعدت علي الكرسي وهيا بتقول:انا كويسه متقلقش عليا بس دلوقت طمني الدكتور دخل بالدم؟

ماهر حرك راسه وهو بيقول:انتي عملتي دلوقت جميل عمري ابدا ما هنساه يا احلام!

احلام ضمت نفسها لحضنه وقالت:وانت وحمزه ليكوا عليا جمايل لو قت/لتوني كدا هسامحكم علشانها!

ماهر حط ايديه علي ضهرها وهوا مبتسم لانها بنت جدعه جدا وعمرها ابدا ما خذلته ولا خيبت ظنه فيها فأطمن اكتر انها جانبه وابتسم لما سمعها بتدعي لحمزه بأدعيه اول مرة يسمعها وكانت أدعيه جميله جدا .. فشجعته وبدأ ماهر يدعي هوا كمان ويتمني من كل قلبه إن حمزه يكون كويس.

____________

في  قصر الصياد كان مرسي وصله خبر حادث حمزه من منعم لان علاقتهم كويسه ولان منعم عارف ان مرسي بيحب حمزه بجد من قلبه فقرر يبلغه علشان يدعيله لان حمزه في اشد احتياجه للدعاء حاليا ..

مرسي كان بيسمع كلام منعم وبيبكي وبيقول وايديه بتترعش:هوا عامل اي دلوقت!

منعم بحزن:حاليا في غرفة العمليات؟

مرسي ببكاء:يارب يقوم بالسلامة..ربنا معاك يا حمزه بيه..

منعم طلب منه يدعيله اكتر وبلغه انه هيقفل المكالمه لانه لازم يرجع تاني ويكون جمب ماهر باشا وقبل ما يقفل مرسي سأله لو ينفع يجي المستشفي ولاكن منعم بلغه ان الصحفيين محتلين المكان والحكومه بتحاول معاهم فا لو جه مش هيعرف يدخل فا الأحسن انه يفضل مكانه..

قفل منعم مع مرسي ورجع تاني لغرفة العمليات ووقتها لقي الدكتور بيخرج تاني من غرفة العمليات وبيبلغهم انهم محتاجين دم تاني لان حمزه مستجابش مع كمية الدم اللي اخدها من احلام ..

رفعت احلام ايديها وبلغته انها مستعده ياخد منها دم تاني ولاكن الدكتور حرك راسه بالرفض وبلغها انه لو اخد منها دم تاني احتمال كبير يحصلها ضعف وممكن تموت ..

ماهر قلق علي احلام فحرك راسه بالرفض وبص لمنعم اللي وصل وقال:منعم شوف اي حد يتبرع بدم فصيلته -ABبسرعه وبلغهم اني مستعد ادفع اي مبلغ في المقابل!

منعم بص للدكتور بقلق ورجع بص لماهر وقال:حاضر يا فندم.. منعم قال كلامه وكان هيمشي ولاكن الدكتور وقفه بسرعه وقال:روح غرفة مدير المستشفي الأول وهناك هتلاقي مايك بيوصل للمستشفي كلها هيساعدك اكتر بدل ما تلف تسأل واحد واحد..

منعم حرك راسه بالموافقه واتحرك بسرعه من قدامهم واحلام بصت لماهر وقالت:خليني اتبرع انا ،صدقني هكون بخير!

ماهر حرك راسه بالرفض وقال:انا مش عايز اخسر حمزه فعلا بس مش عايز اخسرك انتي كمان ارجوكي استني لحدما منعم يرجع ونشوف هيعمل ايه!

احلام حركت راسها بتعب واضع عليها ومنعم كان نزل بسرعه واتجه لغرفة مدير المستشفى واستأذنه انه هيستخدم الميكرفون علشان يبلغ الناس لو في حد يتبرع بذمة ..

وبالفعل بدأ منعم بتكلم في السماعه وصوته ظهر بوضوح لكل المستشفي وكان بيقول:محتاجين متبرع دم فصيلته-AB لحالة طارئة  جداا والمتبرع يقدر ياخد اي مبلغ يطلبه برجاء الاهتمام بالوضع واللي حابب يتبرع يروح بسرعه لغرفة العمليات في الدور الثالث..

كانوا كل الناس سامعين الكلام بتاع منعم واللي بدأ يكرره أكتر من مره وكانت الناس بيبصوا لبعضهم وكل واحد بيسأل التاني عن فصيلته ومن وسط الناس دي كلها كانت موجوده حنين واللي أول ما سمعت إسم نوع الفصيله وقفت وهيا بتقول:دي فصيلة نادرة جدا ومستحيل يلاقوا متبرع ليها هنا!

حمزه كان نايم جمب والدته علي السرير فبصتلهم حنين وطلبت من مريض جمب والدتها انه ياخد باله من اخوها علشان لو صحي وملقهاش لان مامتها مش هتفوق دلوقت ..والمريض لانه صاحي قرر يساعده في انه ياخد باله من اخوها فاتحركت حنين بسرعه لخارج الأوضه وهيا بتجري علشان تروح وتتبرع بالدم ووقتها حنين افتكرت من شهر واحد بس لما كانوا بياخدوا منهم عينات دم في مستشفي المدرسه  بسبب لقاح هياخدوه ووقتها الدكتوره بلغتها ان فصيلة دمها نادرة وبيمتلكها بس ٤٣ شخص علي مستوي العالم..

ففهمت حنين دلوقت انهم مستحيل يلاقو متبرع فقررت هيا تساعد المريض دا وبدون اي مقابل ؟

______________

في شقه شوقي كان بياخد شاور وهوا بيبكي بشده بسبب اللي عمله وكان بيتمني من قلبه ان حمزه يعيش وقرر انه اول ما يتأكد انه بق  بخير هيبلغ ماهر علي طول  بكل حاجه ويعرفه مين السبب في كل الكوارث اللي كانت بتحصلة علي مدار ٣ سنين ..ووقتها شوقي افتكر حادثه الظاهر انها حصلت من ٣ سنين وكان المتأذي فيها ماهر الصياد ..

نرجع بالماضي ثلاث سنين واول ما ماهر قرر ينقل الفرع الرئيسي لشركته في مصر وبعدما قدر ماهر بسهوله يثبت نفسه بس في ٦ شهور وقدر ياخد صفقات من أكبر الشركات بسهوله واحتل وقتها السوق المصري والغربي وبعد سنه واحده من وجود شركة الصياد في مصر.. أصبحت الشركة الأولي علي مستوي العالم العربي كله والأفضل في صناعه الحديد والصلب..

كان في نفس الوقت دا شركة ديسكاشيال بتتأسس جديد وبسبب ان ياسر غنيم حابب يكون في نفس مستوي شركة الصياد قرر يزرع في قلبها واحد يبلغه بكل اللي بيحصل في الشركه وكان الشخص دا  شوقي واللي اتعرف عليه ياسر صدفه لما كان شوقي بيدور علي مستشفي تستقبل بنته المصابه بمرض نادر جدا وبسبب سوء حالتها أكتر من مستشفي رفضوا يستقبلوها.. 

كان ياسر وقتها بيمتلك مستشفي ضخمه ورثها عن جده والدة مامته ولما شاف شوقي بيبكي وبيترجي الدكاتره يستقبلوا بنته وقتها سمعه انه شغال جديد في شركة الصياد للحديد والصلب وعرفهم انه بياخد راتب كويس وبلغهم انه هيدفع كل التكاليف بس يتستقبلوا بنته ويلحقوها .. 

الدكاتره رغم كلامه رفضوه ولاكن اتدخل ياسر وقتها وطلب منهم يقبلوا الطفله ولما الدكاتره انتبهوا انه صاحب المستشفي هوا بنفسه اللي طلب منهم كده وافقوا بسرعه، واخدوا البنت لغرفة العنايه ووقتها ياسر قرب من شوقي وطلب منه يتفق معاه اتفاق وفي المقابل هيتكلف بمصاريف علاج ورعاية بنته فا شوقي وافق بدون تردد ومن وقتها وكان شغال جاسوس في شركة ماهر لصالح ياسر وشركته …

ويوم الحادث اللي دبره ياسر لماهر بسبب صفقه كان رايح ماهر يمضيها مع أمير في  دولة قطر جاي مصر مخصوص علشان ماهر ،قرر وقتها ياسر يدبرله حادثة تمنعه يوصل وبالفعل ماهر اتعرض وقتها لحادث وفقد جزء من ذاكرته وقتها.

 ولما فاق علشان يفتكر ايه اللي حصل كان بالفعل نسي الشخص اللي خبطة بالعربيه ونسي كل الصفقات اللي مضاها مع الشركات في اخر كام شهر وبسبب اللي حصل استغل ياسر وبدا ياخد اكتر من صفقه من وراه لحسابه ودي كانت اول أزمه ماهر يمر بيها علي مدار الاربع سنين اللي اسس فيهم مجموعة الصياد …ولحد دلوقت ماهر  مش فاكر مين اللي خبطة بالعربيه ووقع شركته في لحظة .

                   “ عودة للواقع”

شوقي قال بسخريه:برضوا وقتها ماهر رجع اقوي وقدر ياخد معظم صفقاته من جديد حتي وهوا ناسي انها بتاعته ..فعلشان كدا انا متأكد ان ماهر باشا مش هيسامحك علي اللي عملته في ابن اخته وانا لازم اكون شجاع المره دي واعمل حاجه كويسه ويمكن بسبب غدري لماهر بنتي لسا علي نفس الوضع من ٣سنين ومفيش تحسن؟

بس انا مستعد اخد اي عقاب ماهر هيعاقبهولي هوا والحكومة.

___________

في المستشفي!

وصلت حنين لغرفة العمليات ووقفت قدام ماهر واحلام والدكتور وقالت:انا فصيلتي -AB وجاهزه اتبرع بالدم!

كانت حنين واضح عليها ان سنها صغير فلما شافها الدكتور قال:عندك كان سنه يا حبيبتي..

حنين اخدت نفس وقالت:١٧ سنه؟

الدكتور برفض:مينفعش اخد منك اي عينات لان سنك صغير وجسمك ضعيف..

ماهر كان بيبص لحنين وكأنها آملهم الوحيد ولاكن الدكتور لما قال كلامه طفي انوار الأمل في عيون  ماهر واحلام..

حنين بصت لاهل المريض اللي واضع عليهم التعب وقالت:فصيلة الدم دي نادرة جدا وبيمتلكها ٤٣ شخص بس علي مستوي العالم فأنا متأكده ان مفيش حد حاليا هتلاقوه عنده نفس نوع الفصيله وانا موافقه اتبرع  ولو حصل اي حاجه انا  هكون المسؤوله؟

ماهر بصلها وقال:انتي متأكده من كلامك يعني مش هتندمي عليه؟

حنين بصتله وقالت بتحدي:مستحيل!!! انا في الحقيقه مش فارق معايا انا هيحصلي ايه بس اللي فارق معايا  دلوقت خ

هوا المريض اللي جوا دا واللي حياته متوقفه عليا.

ماهر بصلها وقال بجديه:انا بوعدك ان لو المريض اللي جوا دا قام بالسلامه انا مستعد انفذلك اي طلب تطلبيه !

حنين بصتله وقالت بهدوء:خليني الأول ألحقه وبعدها نتكلم.. ماهر حرك راسه بالموافقه والدكتور بص لحنين وقال:تعالي معايا؟

مشيت حنين مع الدكتور ودخلت لنفس الغرفه اللي دخلتها احلام من شويه وبدا الدكتور بالفعل يسحب عينات الدم الكافيه لحالة حمزه…

وفي غرفة العمليات كان حمزه تايه في داخل عقلة اللا واعي وبيطهر قدامنا اللي بيحصل مع حمزه جوا عقله وكانه معروض في شاشه كبيرة.. 

كان حمزه ماشي في وسط مياه سودا وبرغم انها مياه الا انه بسهوله جدا كان بيمشي عليها ووقتها حمزه كان معظم جسمه باللون الاسود فكان حاسس بسقعه كبيرة في جسمه بسبب ان باقي جسمه مش متغطي  فقرر حمزه يغطي بقيت جسمة بالمايه علشان يدفي جسمه وكأن الماية دي الدم اللي حمزه محتاجه ..بس كل ما حمزه يضم ايديه علشان يشيل مايه مكانش فيه حاجه بتطلع معاه ..بص حمزه لايديه الفاضيه وقال بتساؤل:ليه ايدي بتطلع فاضيه برغم كل الماية اللي موجوده.. 

في الواقع كان الدكتور سحب الدم اللي محتاجه من حنين وقبل ما يخرج طلب منها ترتاح وانه دقايق وهيخرج ويركبلها محلول يعوض النقص اللي حصلها وكان مشي الدكتور في اتجاه غرفة العمليات ومع كل صوت خطوه بتتقدم للغرفه كان حمزه حاسس بيها وكان بيظهر قدامه ضوء بيبينله لون المايه الخقيقي اللي واقف عليها وبعدما الدكتور دخل للغرفه وبدأ يوصل الدم بجسم حمزه بدأ النور اللي حمزه شايفه يكون قوي ويبين لحمزه ان جسمة باللون الإسود ولاكن المايه اللي واقف عليها شفافه وكان وقتها الضوء دا بيقرب من حمزه لحدما بق قدامه وبدأ النور يتحول لبنت مش باينه ملامحها بسبب النور اللي خارج من كل جسمها ..البنت دي قربت من محمزه وكانت ماسكه في ايديها علبه فيها دهان إسود شبه اللي علي جسم حمزه … بدات البنت تحط ايديها في العلبه وتدهن باقي جسم حمزه وهوا كان بيبص عليها ومستغرب هيا مين دي وليه بتساعده وبعدما البنت انتهت  وغطت كل جسمه بدأ حمزه يحس بالدفىء في كل جسمه ووقتها رجع قلبه ينبض بشكل طبيعي لان القلب حصل علي  كل الدم اللي محتاجه..

قبل ما حمزه يغرق في المايه اللي فجأة بدأت تسحبه لتحت  كان بينادي وبيصرخ علشان البنت ام ضوء لامعتسمه و تعرفه هيا مين ولاكن كان فات الأوان وحمزه رجع للواقع وكان وقتها مر علي وجود حمزه في المستشفي ثلاث ايام واول ما فتح عينيه علشان يشوف هوا فين كان ماهر وأحلام واقفين يبصوله وبيبكوا وجمبهم الدكتور واللي كان بيسأله وبيقول:سامعني يا استاذ حمزه؟

حمزة كان شايف الدكتور بيتكلم ولاكن الصوت بيوصل متأخر فحرك راسه بالإيجاب لإنه سامعه ووقتها الدكتور بص لاحلام وماهر وقال:الحمدلله هوا دلوقت بخير؟

حمزه كان بيبص حواليه وهوا بيدور علي البنت ام ضوء لامع ومستغرب ليه ظهرتله فجأة وكأنها المنقذه بتاعته فبص لخاله اللي بيبكي وقال علشان ينبه :خالي هو انت بتعيط؟

ماهر اول ما سمع صوته قرب منه بلهفه ومسك إيديه وقال:حمدلله علي سلامتك يا حبيبي طمني حاسس بحاجه؟

حمزه حرك راسه بالموافقه وقال:ايوا؟

وقف ماهر بقلق وقال بلهفن واضحة :ايه حاسس بايه قولي!

ابتسم حمزه وهو بيبص لخاله بحب وبيقول:حاسس بخوف عليا وحبك الكبير!

ماهر اتفاجئ من كلامه ودموعه نزلت بغزارة لانه كان قلقان جدا عليه وقتها احلام قربت من حمزه وقالت وهيا بتحاول تمسك دموعها:اضربك فين وانت مفيش في جسمك حته سليمه!

حمزه بصلها وابتسم وقال:بسيطه أجلي الضربه لحدما اقوم بالسلامة!

احلام مسكت ايديه بحب وقالت بحب واضح في عينيها:حمدلله علي سلامتك يا حمزه علي فكره انا عايزه أقولك اني دمي بيجري في دمك دلوقت يعني احنا حاليا بقينا عيله اسماً ودماً..

ابتسم حمزه علي كلامها وفجأة جت في باله البنت اللي حلم بيها وبدأ يسأل نفسه لو البنت دي احلام لأنها بتقول دم يعني دا معناها انها اتبرعتله بدمها .. بس حس احساس كبير انها مش احلام ..وفجاة باب الغرفة اتفتح ودخلت حنين وهيا ماسكه في ايديها أخوها حمزه وبتقرب من السرير اللي حمزه نايم عليه وبتقول بابتسامه :حمدلله علي سلامتك..

حمزه بصلها وقلبه بيدق بسرعة لانها تبقي نفس البنت ام زي مدرسي اللي شافها يوم الخناقه بس وقتها كانت عيونها ملونه فسأل نفسه ازاي دلوقت عيونها بني .. 

حنين كانت بصاله ومستغربه نظراته ليها وخصوصا انه مردش عليها لحد دلوقت فبصت لماهر وأحلام  وقالت بتساؤل :هوا فقد النطق ولا ايه !

ابتسم ماهر وبص لأحلام وضحك لانهم عارفين ان حمزه ساكت بسبب انه بيبص علي جمالها فمكانوش عارفين يردوا عليها يقولوا ايه واكتفوا بانهم يحركوا راسهم بعدم علم لحدما حمزه غمض عينيه لانه اتاكد انها تبقي نفس البنت ام ضوء لامع اللي حلم بيها  لان عندهم نفس الماشيه والطاقة الايجابية ففتح عينه مره تاني وبصلها وقال:انتي مين..

حنين ابتسمت لانه اتكلم اخيرا لأنها فكرته فقد النطق فبصتله وقالت بابتسامه بسيطة:حنين إسمي حنين..

حمزه ابتسمت لما سمع صوتها تاني ووقتها قال:انا حمزه اسمي حمزه ولو عايزه تقوليلي حموزه انا موافق؟

حنين اتصدمت وسكتت ولاكن اللي مقدروش مسكوا ضحكتهم هما احلام وماهر واللي كانوا عاوزين يشيلوا  حمزه ويحدفوه من اي شباك لانه خلي وش البنت أحمر دم علي الاخر فحنين ردت علي حمزه وقالت باعتراض:لا حمزه كفايه لان حموزه دي مش بقولها غير لحبيبي بس؟

حمزة اتصدم من كلامها وقال بخصه : حبيبك ايه هو انتي متجوزه كمان؟

حنين قالت باعتراض:لا مش متجوزة ،انا قصدي حموزه حبيبي دا قالت كلامها وهيا بترفع ايد اخوها الصغير وبتقول:اخويا برضوا إسمه حمزه..يتبع بقلمي شيماء صبحي 🩷

حمزه بص لحنين بصدمة وقال بتساؤل: حبيبك! هو انتي متجوزة كمان؟

حنين  قالت باعتراض:لا مش متجوزة، انا قصدي حموزه حبيبي دا قالت كلامها وهيا بترفع ايد اخوها الصغير قدامه وبتكمل كلامها وبتقول:اخويا برضوا إسمه حمزه..

حمزه بص للطفل اللي باصص عليه ومبتسم وابتسمله وبعدها رفع وشه تاني ليها وبصلها وقال:هي حنين دي منقذتي يا جماعه؟

انتبه ماهر واحلام لكلامه بدهشه لأن محدش كان قاله لسا علي موضوع تبرع الدم فحرك ماهر راسه وقال:بتسأل ليه يا حمزه؟

حمزه بص لحنين وابتسم وقال:شوفتها في حلمي بتساعدني بس مكانش باين ليها ملامح بس انا متأكد انها نفسها البنت !

حنين خجلت من كلامه واتوترت جدا فماهر حرك راسه بالموافقه وقال:احلام ساعدتك الاول وبعدها حنين يعني انت دلوقت نص دمك نسائي !

حمزه  بصلهم بصدمه وقال :يعني ايه يا عني دمي نسائي يعني انا كدة هتحول لأنثي ولا ايه ؟

ضحكت حنين علي كلامه غصب عنها وهوا وقتها تاه في جمال ضحكتها وقال:يا نهار ابيض هو في كدا.

انتبهت احلام لكلام حمزه ونظراته لحنين  فقالت وهيا بتقف جمب حنين وحمزه الصغير:انا وحنين دمنا نفس فصيلتك ويشاء القدر يا حمزه ان احنا الثلاثه بنمتلك فصيلة نادرة مش بيمتلكها غير٤٣ شخص بس علي مستوي العالم!

اتفاجئ حمزه من كلامها وبص لحنين وقال وهو بيحاول يستغل اي وقت في انه يناظرها :فعلا!

حركت حنين راسها بالموافقه وهوا بص لخاله وقال:شوفت بق يا خالي انا محظوظ ازاي!

ابتسم ماهر علي كلامه وقرب منه حضنه وهمس في ودنه وقال: انا مبسوط انك بقيت بخير يا حبيب خالك ..

حمزه بصله بحب ومسك ايد ماهر وقال:مكنتش متوقع بصراحه اني لما اصحي الاقيك جمبي وخايف عليا بالشكل دا؟

ضربه ماهر بخفة علي كتفه بزعل من كلامه وقال:انت بتقول كدا علشان تعرف غلاوتك عندي ولا ايه؟

بصله حمزة وابتسم بحب وحرك راسه بالموافقه  وماهر بص لاحلام بحب كبير لانها مسبتوش لحظة من وقت ما حمزه عمل الحادث وقال وهو بيوجه كلامة لحمزه :عايز ابشرك ان احلام بقت رسميا عايشه معانا في القصر.

حمزه ابتسم بفرحه وحرك راسه بحماس واحلام ابتسمت علي رد فعله وفرحت من قلبها انه متقبلها … ولاكن حمزه قطع ابتسامتها لما قال بتساؤل وهو بيبص لخاله :صحيح يا خالي هو انت لحقت تحب احلام  امتي وتتجوزها دا انت من كام يوم بس مكنتش طايقها ولا طايق تسمع اسمها؟

احلام اتفجأت من كلام حمزه فبصت لماهر بدهشه وماهر بص لحمزه بغيظ وقال بهمس:بتقول ايه يا حيوان انت  بوظت الدنيا؟

حمزه باستغراب:هو انا عكيت الدنيا ولا ايه انا بس بسأل لاني مستغرب يعني جوازكم اللي جه بسرعه دا؟

حنين كانت بتبص لحمزه ومركزه معاه لانها بدأت تحس احساس غريب اتجاهه اول ما شافته واول ما لقته بيبص عليها نزلت عينيها بسرعه بخجل وحمزه حرك عينيه عنها  وبص لاحلام وكمل كلامه وقال:انتي مش هتحكيلي الحكايه ولا ايه يا احلام؟

احلام بتساؤل:حكاية ايه؟

حمزه بابتسماه:حبكوا؟

احلام بضيق:انت في ايه ولا في ايه يا حمزه حكاية ايه اللي هحكيهالك وانت في الوضع دا؟

حمزه بدهشه من كلامها :انا بخير علي فكره هو انتي فاكرة اني يعني تعبان وكده استني بس دانا هقوم اطنطت دلوقت اهو دانا متعود علي الضرب ياعني دي مش اول مره؟

ضحك حمزة الصغير بقوة وهوا  بيشوف حمزه الكبير بيحاول يقوم ولاكن مقدرش فبصلهم حمزه وقال باستسلام:خلاص انا هأجل الحكايه لحدما ابق كويس..

حنين انتبهت لاخوها وابتسمت علي ضحكته وحمزه بص عليها وقال بهمس :ياه متحرمش من الضحكة القمر دي..

ماهر بص لحنين ورجع بص لحمزه وقال بهمس:ايه يا قلب خالك تحب اقولها انت شغلتك ايه في الحياه..حمزه بصله بانتباه وقال: بتقول ايه ايه يا خالي انا توبت من الحجات دي …كمل كلامه بضحك وقال..بس دي مختلفه عنهم بصراحه؟

ماهر بشك:توبت !!انت هتقولي..

حنين انتبهت ليهم فحمزه حب يغير الموضوع بسرعه علشان متفهموش غلط وقال:صدقني خلاص انا بعدت عنهم من زمان!

ماهر لاحظ توتره من ان حنين تعرف ماضيه فقال بصوت واضح:اومال مين ديدي الفرتيكه دي اللي كنت بتكلمها لمدة ساعه قبل الحادثة!

حمزه بلع ريقه وقال بتوتر :دي ..دي واحده فقيرة بعطف عليها؟

ماهر حرك راسه باستسلام من حركاته وبص لاحلام اللي لسا بصاله بغيظ فقرب منها وقال:ايه انتي هتصدقي كلامه برضوا وبعدين هوا يعرف ايه عن حبي ليكي علشان يفكر بالشكل دا!

احلام سابته بزعل وخرجت برا الاوضه وهوا خرج وراها ووقتها حنين كانت واقفه وساكته وحمزه كان مش مصدق نفسه وانه لواحده معاها في الغرفه فقبل ما يتكلم ويغازلها لقي اللي بيقرب منه وبيقول بصوته الطفولي:عمو؟

حمزه نزل عينيه برفع حاجب وقال:ايه يا قلب عمو؟

حمزه الصغير بتساؤل:هو انت تعبان؟

حمزه بص لحنين اللي واقفه تبص لاخوها بدهشه من كلامه فحمزه قرر يرد علي الطفل وقال:لا يا حبيبي دا انا عامل وشم ..دا مش ورم خالص ؟

حنين ابتسمت بخجل من كلامه ولاكن اخوها مكتفاش بسؤاله دا وسأل حمزه تاني وقال وهو بيشاور علي دراعه المتجبس:طب ودا ايه ؟

حمزه باستغراب :دا..الطفل حرك راسه بالموافقه وحمزه رد عليه وقال:مفيش دا جبس بيجربوه علي ايدي؟

الطفل ابتسم وقال:ممكن آلمسه ؟

حمزه حرك راسه  بالموافقه وهو مستغرب اسألته الكتيره وكأنه اول مره يشوف حد تعبان.. فالطفل لمس الجبس وضغط عليه ولما لقاه ناشف قال بدهشه:دا قوي اوي؟

حمزه حرك راسه بالموافقه والطفل لمس وش حمزهالوارم  فجأة بقوه وقال:ودا قوي برضوا؟

حمزه بصراخ:ااااااااه؟

حنين مسكت اخوها بسرعه وبعدته عن حمزه اللي بيتألم ووقتها ماهر واحلام رجعوا علي صوت صراخه فأول ملاقوه بيبص للطفل بغيظ وماسك وشه بايديه التانيه وبيحاول يخفف الوجع سلله ماهر بقلق وقال:في ايه يا حمزه بتصرخ كدا ليه!

حنين بصتلهم بخجل وقالت بتوتر:احنا لازم نمشي لان ماما هتخرج النهارده ولازم نروح معاها؟

حمزه اول ما سمع كلامها نزل ايديه وهدل ملامح وشه كان محصلش حاجه واستني رد ماهر عليها واللي قال:طيب استني يا حنين هنيجي نوصلكم بعربيتنا؟

حنين برفض:لا متتعبوش نفسكم احنا هنتصرف..

لان احلام عارفه وضعهم قربت منها وقالت:مفيش تعب ولا حاجه دا أقل حاجه نعملها علشانكم ..

حنين ابتسمت وحركت راسها بالموافقه وقالت:طيب انا هروح ابلغ ماما وهنستناكم تحت!

احلام حركت راسها وحنين مسكت ايد اخوها وخرجت بسرعه من الاوضه وماهر قرب من حمزه وقال:مقولتليش  كنت بتصرخ كدا ليه.

حمزه بحزن:هو انا صرخت !

ماهر:ايوا انا سمعت صوتك!

حمزه باعتراض وهوا ضامم حاجبه بحزن:لا مش انا؟

ماهر حرك راسه بالموافقة وقال:يعني انت كويس؟

حمزه حرك راسه وماهر بص لاحلام وقال:طيب احنا هنروح بسرعه نوصل حنين ووالدتها وهنرجع علي طول وبالمره هجبلك لبس بدل اللي عليك دا؟

حمزه بص لهدوم المستشفي وحرك راسه بالموافقه وبعدها قال:طيب يا خالي ؟

ماهر بص لاحلام وشاورلها يخرجوا وبعدها اتحركوا وسابوا حمزه لواحده فى الاوضه متضايق لان حنين مشيت وهوا كان نفسه تقعد معاه شويه كمان.

 __________

وقت ما احلام وماهر كانو ماشين في اتجاه غرفة والدة حنين سألت احلام ماهر واللي واضح علي ملامحه الضيق وقالت: هو انت عرفت ايه اللي حصل لحمزه؟

ماهر حرك راسه وقال بضيق :عرفت انها حادثة مدبره بس مين بق اللي عملها لسا مش عارف؟

احلام شعرت بتوتر لان ياسر جه في بالها علي طول فبصتله وقالت بتساؤل :هو لو انت عرفت مين الشخص دا هتعمل فيه ايه؟

ماهر غمض عينيه للحظة وهوا بيستشعر كل الغضب اللي حاسس بيه وقال:هيكون ليلة امه سوده علي دماغه علشان فكر يأذيه؟

احلام خافت من كلامه لان شكله اتغير في اللحظه اللي فتح عينيه فيها تاني  وكان واضح علي ملامحه انه مش هيسيب اللي عمل الحادث دا لحمزه غير لما ينتقم منه اقسي الإنتقام  فقررت احلام انها  تغير الموضوع بسرعه  لما لقت انهم وصلوا لغرفة والدة حنين  ..

______________

فلاش باك من ثلاث ايام؟

في قسم الشرطة كان الظابط قاعد علي مكتبه وواقف قدامه قاسم وواقف وراه اهل المنطقة.

الظابط بتساؤل:ضربت مراتك ليه يا قاسم؟

قاسم بتوتر:مضربتهاش يا باشا دي هيا اللي خبطت نفسها وبتتبلي عليا؟

الظابط برفع حاجب:بتتبلي عليك ازاي وليه تعمل كدا اشرحلي وانا سامعك ؟

قاسم رفع حاجبه وبص حواليه وقال:لمؤاخذه يباشا انا اكتشفت انها علي علاقه براجل غيري وعلشان مفضحهاش عملت كل القصه دي علشان تداري علي نفسها؟

الظابط بصله بشك وقال :والناس دي كلها بيتبلوا عليك هما كمان ولا ايه اصلهم بيقولوا انهم دخلوا عليك وانت بتتهجم عليها!

قاسم بص لاهل المنطقة بضيق وقال: يا يباشا دول ناس كدابه متصدقهمش بيحبوا الفاض/يح زي عينيهم ؟

اهل المنطقة اتصدموا من كلامه وكانوا هيعترضوا ويردوا عليه  ولاكن الظابط رفع ايديه بيمنعهم وبص لقاسم وقال:وبنتك يا قاسم كدابه برضوا؟

قاسم بتوتر :بنتي؟

الظابط بجديه:ايوا بنتك اعترفت عليك وقالت ان دي مش اول مرة تضربهم وتعتدي علي امها وانك علي طول بتعمل كدا وأكتر؟

قاسم بغضب:البنت دي طالعه لأمها بتعشق الكدب يا باسا هقول ايه بس دي واحده فاج/ره مستني بنتها تطلع ايه غير..

الظابط اتضايق من كلام قاسم علي اهل بيته وكدبه عليه فقرب منه مسكه من هدومة وقال بتهديد:وحياة امك يا قاسم منت طالع منها علشان كدبك دا ..

الظابط نده علي العسكري وقال:ابعتلي يا بني الدكتور بتاعنا خليه يشوفلي الاستاذ دا مبلبع ايه ؟

العسكري مشي وقاسم بص للظابط بتوتر وقال:انا كويس اهو يا باشا انا مش شارب حاجه!

الطابط ضم حاجبه وقال:هو انا قولت ان انت شارب لا سمح الله وبعدين مالك اتوترت ليه هو انت بتشرب حاجه ولا ايه يا قاسم؟

قاسم بتوتر:لا يا باشا لا سمح الله انا سليم؟

واحد من اللي واقفين اتكلم وقال بغضب :ياباشا متصدقوش دا راجل كداب وعايش كده فرده علي الناس وسايب مراته تصرف عليه وتاكله ومش عاجبه كمان اللي هيا بتعمله  ورايح يضربها !

قاسم بص للراجل دا بغضب وقبل ما يغلط فيه حظرة الظابط وقال:سكوت محدش يتكلم غير لما يستأذني الاول.. قاسم لف وشه بضيق وبص للظابط واللي قال:انت صحيح بتشتغل ايه يا قاسم!

قاسم غمض عينيه بضيق وقال:بشتغل ايه!

الظابط حرك راسه وهو مركز معاه وقاسم قال:مش بشتغل دلوقت ؟

الظابط:يعني كنت بتشغل ايه قبل دلوقت عايز اعرف؟

قاسم :مش بشتغل في حاجة يباشا بس انا مش عويل انا بس واخد راحه ؟

الظابط حرك راسه بتفهم وبعدها بص للناس اللي واققه وقال:بعد اذنكم اتفضلوا ارتاحوا برا لحد ما الدكتور يكشف علي البيه..قال كلامه وهو بيشاور علي قاسم بسخريه واللي بدأ جسمه يعرق من التوتر؟

اهل المنطقه خرجوا برا والدكتور دخل للغرفه وهوا معاه جهاز بيعرف من خلاله نسبة الهروين اللي في الدم وأول ما قرب من قاسم ..قاسم بدا يتوتر اكتر وزق الدكتور بغضب وبعده عنه  وقال:انا مفييش حاجه انا كويس.

الظابط شاور للعسكري يكتف قاسم وبالفعل قدر العسكري يمسك قاسم بقوة  ويكتفه  لحدما الدكتور يكشف عليه ويشوفه وبعدما انتهي الدكتور وظهرت النتيجه  علي الجهاز وراها للظابط بسرعه واللي فتح عينيه من الصدمة وقال:كويس ازاي يا قاسم وانت واصل للمرحلة الثالثه من الادمان.. قاسم حرك راسه برفض وقال :انا كويس مش بشرب حاجه…الظابط قرب منه وقال وهوا بيمسكه من هدومة: انت لسا مصدق اني هاخد بكلام واحد مدمن زيك يلا ؟

قاسم برعب:مضربتهاش ..دي بتتبلي عليا صدقني انا بريئ؟؟

الظابط بص للعسكري وقال:وديه علي الحبس وابعت اعرفلي اخبار مراته اللي اعتدي عليها ايه في المستشفي.

العسكري حرك راسه بالموافقه ومسك قاسم وخرج من غرفة الظابط وبعدها الظابط شكر الدكتور والدكتور مشي وبعدها خرج الظابط علشان يبلغ اهل المنطقه ان قاسم هيشرفهم في الحبس ثلاث ايام وبعدها هيتعرض علي النيابه.

وفي المستشفي وبعدما حنين اتبرعت لحمزه كان جسمها ضعف جدا فقرب منها الدكتور وركبلها محلول وبلغ ماهر و احلام انها ضعفت بسبب الدم اللي اخدوه واحلام فضلت جمبها طول الليل علشان تطمن عليها ووقتها الدكتور اللي كان مسؤل عن العمليه لحمزه خرج وبلغ ماهر ان حمزه عدي مرحلة الخطر الحمدلله بس ممكن ياخد اكتر من يوم لحدما يفوق لان تأثير الحادث أثر علي عوامل كتير ومن ضمنها الذاكره فوقتها خاف ماهر عليه جدا لان بتجربته مع فقدان الذاكره ممكن ينساهم فخاف جدا وبق يدعي ان حمزه يكون بخير؟

وتاني يوم صحيت حنين ولقت ان احلام نايمه جمبها علي الكرسي وهيا ماسكه جامد في ايديها ،،فاستغربت انها نامت هنا ونسيت اخوها ووالدتها فاتحركت بسرعه علشان تخرج من الاوضه ولاكن بسبب انها اصدرت صوت وهيا بتقوم احلام فاقت وقالت بنوم :انتي كويسه يا حنين..رايحه فين؟

حنين بتوتر:هطمن علي والدتي واخويا؟

احلام حركت راسها وقالت بتساؤل :هيا مامتك هنا؟

حنين حركت راسها بهدوء وقالت:ايوا ماما موجوده  في غرفة الطواريء تحت !

احلام:طيب استني انا هاجي معاكي؟

حنين:متتعبيش نفسك وانا هروح اطمن عليهم انا؟

احلام حركت راسها بالرفض وقالت:لا استني انا هاجي معاكي!

وافقت حنين واحلام قامت وعدلت هدومها وطرحتها وبعدها بصت لحنين وقالت:يلا بينا؟

خرجت حنين الاول وبعدها احلام من الغرفه وكان وقتها ماهر ومنعم واقفين وبيتكلموا برا ..

ماهر قال وهوا بيتكلم مع منعم :يعني مفيش اي تسجيلات لاي كاميرا قريبه في المكان اللي حصل فيه الحادث؟

منعم:فيه ياباشا بس اللي ظاهر عربية نقل سواقها خافي وشه والعربية بدون نمر؟

ماهر اتضايق وقال:دي مش مجرد حادثة دي تبق محاولة قتل؟

منعم حرك راسه بالموافق وقال:دا نفس  كلام فريق الجنايات يا فندم لانهم بعد التحقيق اللي عملوه اكتشفوا ان كل حاجه متدبرة ان يحصل الحادث دا وبالطريقه دي في نفس المكان. 

ماهر بدا يتضايق ويتعصب اكتر واحساس الغضب والانتقام كان مالي قلبه وقتها فبص لمنعم وبلغه يستمر ويحاول يجيبله اي معلومه جديده وهوا هيدور معاهم  بنفسه علشان يوصل برضوا لاي خيط يساعده ..

وقتها احلام قاطعت كلامهم  و بصت لماهر وقالت:هروح مع حنين نطمن علي والدتها لانها طلعت مريضه وموجوده هنا في المستشفى .

ماهر بصلها  وحرك رأسه بالموافقه وقال :استني انا هاجي معاكي اطمن عليها!

حنين بصتله بخجل وحاولت تمنعه ولاكن ماهر أصر يروح يطمن علي والدتها ويعمل الواجب…

فبص ماهر لمنعم وطلب منه يستناه لحدما يرجعله ويكملوا كلامهم ..وبعدها اتحرك ماهر واحلام وجمبهم حنين واتجهوا للغرفة اللي فيها والدتها..؟

واول ما وصلوا لغرفة نورا..حنين قربت منها بلفه وكانت نورا وقتها كان ملفوف علي دماغها شاش ابيض مكان الخياطه ..

حنين قالت بلهفه وقلق :انتي كويسه يا ماما.

نورا بابتسامه:ايوا يا حبيبتي الحمدلله.

حنين بصت لماهر واحلام وقالت بخجل :الاستاذ ماهر ومراته احلام جايين يطمنوا عليكي ياماما!

نورا بصتلهم وقالت بشكر:كتر خيركوا اهلا وسهلا!

قربت احلام من ايد نورا ومسكتها وقالت بلطف: ألف سلامة عليكي يا ام حنين !

نورا ابتسمت وحركت راسها بهدوء وردت عليها:الله يسلمك  ياحبيبي …ابتسمت احلام وبصت لماهر واللي قال وهوا بيقرب منهم خطوه :حمدلله علي سلامتك ان شاء الله تكوني بخير وتقومي بالسلامه ؟ ..

نورا بابتسامه لطيفه :ان شاء الله ..اتفضلوا ارتاحوا متقفوش..ماهر بصلها وقال:لا متشيليش همنا احنا كدا كويسين..احلام حركت راسها بالموافقه علي كلامه ووقتها نورا كانت بتبصلهم وهيا بتسأل نفسها مين دول وليه جايين يطمنوا عليها لانها اول مره تشوفهم فقررت تأجل سؤالها لبنتها بعدين ووقتها افتكرت  جوزها وانه ممكن يكون جايلها في الطريق فبدأت ايديها ترتجف وهيا بتقول بخوف :هو..قاسم .. ابوكي فين يا حنين !

حنين قربت من والدتها وقالت بقلق :في القسم يا ماما اتحبس بعدما اعتدي عليكي وجيرانا معاه !

ضمت نورا بنتها لحضنها وهيا بتبكي وبتقول:يارب ما يخرج علشان نعيش في راحه بق.

ماهر بص لوالدة حنين وقال:انا اسف لو سؤالي هيضايقك بس هوا اللي عمل فيكي كدا يبق جوزك؟

نورا حركت راسها بحزن وخجل منه وقالت:للاسف ايوا جوزي !

ماهر بص لاحلام واللي كانت حزينه من اللي بتسمعه فقال وهوا بيبص لوالدة نورا:انا ممكن اساعدكوا واوصي عليه ظابط حبيبي يتوصي بيه في القسم ويديله كام سنه محترمه؟

نورا اتفجأة من كلامه وقالت بتردد:بس دا والدهم وانا خايفه عليهم؟

حنين بصت لمامتها بحزن وبصت لماهر وحركت راسها بالموافقه  علي كلماه وقالت بلهفه :ارجوك  يا استاذ ماهر لو تعرف تعمل كدا احنا موافقين مش انت قولتلي تقدر تنفذ لي اي طلب اطلبه منك ..ماهر حرك راسه بالموافقه وهيا كملت كلامها وقالت:دا بق هيكون طلبي..

ماهر زعل من وضعهم واحلام قربت من حنين وقالت بجديه:انا عارفه ان ممكن تكوني بتكرهيه بس انتي واثقه انك عايزاه يتسجن فعلا؟

حنين للحظة افتكرت شكل والدها وهوا متهجم عليهم فجسمها ارتعش بخوف وقالت ببكاء:ايوا عاوزاه يتسجن انتي مش عارفه احنا بسببه عايشين ازاي وبنتحوج للي يسوا واللي ميسواش ..انا لو قولتلك سبب الخناقه دي كلها علشان خاطر ايه مش هتستوعبي..

احلام حضنتها وطبطبت عليها بحنيه وقالت بهدوء :الواضح كدا  ان اللي بيأذونا فعلا هما اقرب الناس لينا..قالت احلام  كلامها بحزن علي حالة حنين وحالها فبصت لوالدتها وقالت:ماهر جوزي يقدر يعمل زي ما قالك بس انتي فعلا عايزاه يتسجن وميخرجش!

غمضت نورا عينيها بآلم ولما فكرت في نفسها وفي عيالها  وبالذات حنين اللي كانت بتتعرض للتنر بسببه داست علي قلبها  بقسوة و حركت راسها بالموافقه وقالت:ايوا عاوزاه يتسجن..

ماهر حرك راسه بتفهم وقال:متقلقوش انا هتصرف واوعدكم اني هعمل كل اللي اقدر عليه علشان ياخد العقاب اللي يستاهله ..قوليلي اسمه ايه بالكامل وانا هتصرف؟

نورا بصت لبنتها وابنها بحزن وبصت لماهر وقالت:قاسم فؤاد الدهشيري؟

ماهر طلع تيلفونه وكتب الاسم عليه وبصلهم وقال:طيب انا هتصرف بس دلوقت انا هنقلك تكملي علاجك في مستشفي تبعي وطبعا احنا تحت أمرك في اي حاجه تحتاجيها؟

نورا حركت راسها بخجل من كلامه وقالت:تسلم يا استاذ متحرمش من اهتمامك..

حنين بصتلهم بابتسامه لانهم ناس كويسين فبصت لوالدتها اللي باين عليها الخوف والحزن وطبطب عليها وقالت:احنا هنفضل هنا لحدما ماما تخلص علاجها متقلقوش علينا!

ماهر خرج راسها بتفهم وقال:انا يهمني راحتكوا اللي انتوا عاوزينه!

حنين ونورا ابتسموا برضًا وبعدها ماهر بص لاحلام  واستأذنهم  يمشوا علشان وراهم حجات هيعملوا وبعدما حنين ومامتها وافقوا خرجوا الاننين من غرفتهم واتجهوا لغرفة الدكتور اللي متابع حاله حمزه وسألوه لو ينفع ينقلوا حمزه لمستشفي تانيه خاصه ولاكن الدكتور بلغهم انهم مش مقصرين مع حمزه وبيعملولوه كل اللازم لانه متوصي عليه جامد وبلغوه انه لسا مفاقش وانهم لو نقلوه ممكن يضروه فقرر ماهر يسيبه في المستشفي الحكوميه لحدما يفوق وبعدها بص لاحلام واستأذنوا من الدكتور وخرجوا فقرر ماهر انه يروح بيتها علشان يجيب حاجتها وينقلوها للقصر وبعدها فعلا اتحركوا وماهر بلغ منعم يفضل مع حمزه لحدما هوا يرجع ووصاه يكون عينيه في المكان ويبلغه باي حاجه تحصل حتي لو الدكتور دخل يطمن عليه ومنعم حرك راسه بالموافقه وبلغه انه يطمن وميقلقش  وماهر وافق وقفل التيلفون وبص لاحلام اللي قاعده في العربيه سرحانه وقال:انتي كويسه يا احلام!

احلام بصت لماهر وقالت بتعب واضح في صوتها:الفتره دي حصلت فيها حجات كتير اوي لدرجة اني مش عارفه احزن علي ايه ولا ايه؟

ماهر لمس خدها بلطف وقال:متزعليش وتماسكي واوعدك ان كل حاجه هتكون بخير؟

احلام سندت براسها علي صدر ماهر لانها محتجاه جدا وماهر كان برضوا محتاج لحضنها لانه ضايع زيها بالظبط.. 

عدي دقايق وهما علي نفس الوضع لحدما احلام انتبهت لنفسها وبلغته يتحرك علشان ميتأخروش أكتر ويخلصوا كل حاجه بسرعه وماهر حرك راسه واتحرك بالعربيه …..

__________

في شركة ياسر كان قاعد مع مستثمر مصري قدر يتواصل معاه بسبب يوم الحفله وكان ياسر بيعرض عليه يستثمر في شركته وبيعرض عليه المشاريع اللي شغال عليها والمستثمر انبهر منها وقرر يوافق وفعلا مضوا العقود مع بعض وبعدما خرج المستثمر من الشركة كان وقتها وصل مستثمر تاني وكان ياسر مبسوط بنجاح خطته وبدأ يمضي معاه عقد وانتهي اليوم معاه بحصولة علي مبالغ كبيرة من المستثمرين وبلغ الشركة الايطالية ان الشحنه علي وصل وانهم يجهزوا فلوسهم ووقتها الشركة الإيطاليه بعتوله رساله ان فلوسه هتوصله يوم الاستلام ..

ياسر افتكر كلام احلام ليه وانه لازم يحرص وميثقش فيهم فقرر يبعتلهم انه لازم ياخد نص المبلغ قبل الاستلام لانهم لحد دلوقت مضوا العقود فقط ولاكن محصلش ياسر علي اي فلوس ..

 وبسبب الرساله اللي بعتهلهم الشركة بعتتله بالفعل نص الفلوس علي حساب شركته ووقتها ابتسم ياسر لانه حصل علي كل اللي كان عايزه فرجع لبيته وهوا حاسس بسعاده كبيره ووقتها شاف مامته واللي قاعده مع رجال واعمال وبيلعبوا قمار علي مبلغ مقداره ٥مليون دولار وكان المبلغ دا نص ثروة والدته فاتصدم وقرب منهم وقال بغضب:ايه اللي بتعمليه دا يا ماما انتي كدا هتخسريل فلوسك وانا مش هدفعلك اي فلوس تاني؟

مامته استغربت من كلامه وقالت:ياسر انت بتقول ايه يا حبيبي استني بس اخلص  وبعدها نتكلم ..

ياسر بضيق:يا ماما المبلغ كبير اوي في حد عاقل يلعب علي المبلغ دا؟

الرجال اللي قاعدين بصوله بسخريه وقالوا:ايوا عادي انت فاكر الناس كلها فقراء زيك!

ياسر اتضايق من كلامهم وبص لوالدته باعتراض ولاكنها حظرته بعنيها يمشي وبالفعل ياسر سابهم ومشي ووقتها والدته خسرت واضطرت تمضي شيك بالمبلغ وبعدما اتاكدت ان ابنها علي حق بصت لاصحابها وقالت:خلينا نأجل اللعب ليوم تاني؟

اصحابها اعترضوا وقالوا:هو انتي خايفه تخسري تاني  ولا ايه ؟

حركت والدة ياسر راسها برفض وقالت:لا مش خايفه بس تعبت النهارده !

حركوا راسهم وقاموا وخرجوا من الفيلا ووقتها والدة ياسر دخلت لاوضتها وهيا حاسه بغضب كبير فبدأت تكسر اي حاجه تيجي قدامها لانها غبيه وقدرت تخسر بعدما وعدت نفسها انها لازم تتغلب عليهم وتاخد كل فلوسهم بس للاسف هيا اللي بتخسر كل مره . 

فافتكرت نصايح ابنها ليها وقررت تاخد بيها وتبطل لعب لانها عمرها مكسبت وقررت تروح تشوفه ماله لانه كان داخل فرحان ولاكن رجعت في كلامها تاني لانها عارفه انه هيسألها عملت ايه ولو عرفته انها خسرت هيفتحلها موضوع كبير فقررت تتجاهل النقاش وتنام…

____________

"عودة للواقع "

بعدما وصل ماها واحلام لغرفة مامت حنين شافو حنين بتقرب من مامتها علشان تسندها تقوم فقررت احلام تساعدها وقربت منها وماهر قرب من حمزه و مسك ايديه وابتسم لانه بيفكره بحمزه ابن اخته وهو صغير لانه لما عاش معاه كان في نفس سن حمزه دا ..حمزه الصغير بص لماهر وقال بابتسامه:هو انا لما اكبر يا عمو هقدر اكون جميل زيك كدا واساعد الناس..

ابتسم ماهر وهيا بيشيل الطفل وبيقبله في خده وبيقول:طبعا وهتكون اجمل مني كمان!

ابتسم حمزه وبصله وقال:ماشي هصدقك!

ماهر ابتسم علي كلامه ونزله تاني للأرض واتحرك وهوا ماسك ايديه ووراه كانت حنين واحلام بيساعدوا نورا تمشي وهما ماسكينها كويس..

_________

اتحركوا كلهم للخارج وركبت احلام جمب ماهر وحنين ووالدتها واخوها ركبوا في الكرسي الخلفي؟

ماهر قال بتساؤل قبل ما يشغل العربية:عنوانكم فين!

وصفتله حنين العنوان بالتفصيل وقدرت احلام تعرفه لانه في نفس منطقتهم فشرحته لماهر بطريقة أسهل ووقتها قدر ماهر يعرفه..

وفي المستشفي كان حمزه مغمض عينيه وهوا بيحاول يفتكر كل اللي حصل معاه وقت الحادث وازاي الشاب اللي كان وراه كان خايف عليه رغم انه خبطه..ففضل حمزه يحاول يفتكر هوا مين لانه شافه قبل كدا ولاكن مش قادر يحدد فين بالظبط ،فحس انه محتاج يرتاح فغمض عينيه ووقتها حنين جت في باله وهيا بتبسم فحس بشعور غريب نحيتها فابتسم وهوا بيتمني انه يقابلها تاني ويشوفها كتير.. 

 كانت شركة ماهر ماشيه كويس لحدما وصلهم خبر أن حمزه فاق واول ما سمع شوقي الخبر قام بسرعه وخرج من مكتبه وهوا بيتجه لمكتب ماهر علشان يبلغه بكل حاجه ولاكنه اتفاجئ انه مجاش الشركه لسا من ثلاث ايام.. فقرر يروح المستشفي ولاكنه تراجع في اخر لحظه لانه خايف من رد فعل ماهر وقتها لما يعرف فقرر شوقي يبلغه بكل الحقيقه برساله وهيبعتهاله عن طريق رقم مجهول وبالفعل شوقي طلع موبيله من جيبه ووقف في ركن هادي بعيد عن دوشة الموظفين وخرج خط اشتراه جديد بحيث انه لو معرفش يوصل لماهر تكون دي خطته البديله ..

شغل شوقي الخط علي الموبايل وجاب رقم ماهر وبدأ يكتبله الرساله وإيديه بتترعش لحدما خلص ووقتها بعت الرساله …

والرساله وصلت لتيلفون ماهر وهو سايق ولما انتبه ليها بلغ احلام تشوف مين اللي بعتله الرساله واحلام وافقت ومسكت تليفونه وفتحته وضغطت علي اشعار الرساله اللي وصلت وقالت:دي رساله من رقم مجهول مش متسجل؟

ماهر باهتمام:بيقول ايه الرقم المجول دا؟

احلام حركت راسها بانها هتقرأ الرساله وأول ما قرأت محتواها اتصدمت لان شكها طلع في محله فبصت لماهر بتردد وهوا كان باصص عليها باهتمام وبيحرك راسه فبلعت احلام ريقها وقالت: مفيش حاجه دا باعتلك قلب؟

استغرب ماهر وقال بسخريه: قلب؟ مين دي اللي باعتالي قلب ..احلام كان وشها احمر من التوتر ففهم ماهر انها غيرانه فابتسم وقال:علشان كدا وشك احمر ،غيرانه ولا ايه؟

احلام خجلت من كلامه وبصت لحنين ومامتها اللي قاعدين وباصين عليها فابتسمت وقالت برفض :لا مش غيرانه!

ابتسم ماهر ومسك التيلفون علشان يشوف مين اللي باعته القلب دا فحاولت احلام تمنعه يشوف الرساله  دلوقت لانها عارفه انه ممكن يتهور فقالت:لا ركز في الطريق وشوفها بعدين!

استغربها ماهر ولاكن علشان ميزعلهاش حرك راسه بالموافقه وكانوا وقتها وصلوا لبيت حنين فنزلت احلام توصلهم وماهر وقتها  كان هينزل ولاكن  قرر انه يشوف الرقم اللي بعتله قلب فمسك التيلفون ونزل وراهم وعلي ملامح وشه ابتسامه لان احلام غارت عليه ولاكنه اول  لما فتح الرساله  اتصدم..يتبع بقلمي شيماء صبحي 

"ابتسم ماهر ومسك التيلفون علشان يشوف مين اللي باعتله القلب دا فحاولت احلام تمنعه يشوف الرساله فقالت برفض :لا ركز في الطريق وشوفها بعدين!

استغربها ماهر ولاكن علشان ميزعلهاش حرك راسه بالموافقه وكانوا وقتها وصلوا لبيت حنين فنزلت احلام توصلهم وماهر وقتها  كان هينزل ولاكن  قرر انه يشوف الرقم اللي بعتله قلب فمسك التيلفون ونزل وراهم وعلي ملامح وشه ابتسامه لان احلام غارت عليه ولاكنه اول  لما فتح الرساله  اتصدم للأن الرقم فعلا باعت قلب وكان رقم مش مصري ..فلقي رساله تانيه جايه تحت ومكتوب فيها بالانجليزي:اخبرني كيف حالك حبيبي ماهر أنا سيلين!

كانت احلام بتدخل حنين ومامتها لبيتهم ووقتها كانت غيرانه جدا لإن شكها في ان سيلين تبقي حبيبة ماهر طلع صح ولانها قرأت الرساله التانيه وعرفت انها اللي بعتاله القلب والرساله دي وكمان الرقم مش مصري فاتضايقت وحست بنار الغيرة بتجري في قلبها!

حنين شكرت أحلام علي مساعدتها ليهم واحلام بلغتها انها هتيجي تزورهم مره تانيه وبلغتهم انها من نفس المنطقه وعرفتهم بيتها ولاكن دلوقت هيا مش عايشه فيه لانها اتجوزت وعلشان تكون علي تواصل مع حنين وتعرف اخبارها ادتها رقمها وبعدها استأذنت منهم ومشيت..

"وطبعا قبلها احلام وماهر عرضوا علي حنين فلوس مساعده ولاكنها رفضت بسبب عزة نفسها وقررت تخلي طلبها حاجه تانيه واحنا عرفنا كان ايه"

اول ما احلام خرجت وعينيها جت في عين ماهر لفت وشها بضيق ولاكنه قرب منها وهوا مبتسم لانها غيرانه عليه ودي كانت او لمره يشوف غيرتها واضحه علي وشها.. 

احلام ركبت العربية بدون ولا كلمة وهوا قرب وركب جمبها وشغل العربيه وهوا بيبصلها وبيقول:احلام؟انتي كويسه؟

احلام اخدت نفسها بضيق وقالت:ايوا يا ماهر كويسه ومن فضلك متتكلمش معايا خالص؟

ماهر بتساؤل وهوا بيحاول يخفي ضحكته:ليه مش عايزاني اتكلم معاكي ،مقدرش يا احلام انا مقدرش اقعد دقيقه مشوفكيش فيها واتكلم معاكي!

احلام بنرفزه:يوه بق هو انا مش قولت متتكلمش معايا ،انت راجل محترم وانا مش عاوزه اغلط فيك!

ماهر بصدمه:تغلطي فيا ؟

احلام انتبهت لكلامها وقالت بلغبطة:مش مقصدي بس انا مش طيقاك و..

ماهر بمقاطعه لكلامها:وغيرانه ..احلام بصتله بدهشه وهو كمل كلامه وقال:قولي انك غيرانه عليا !

احلام بسخريه:وانا هغير ليه وبعدين انت خطيبي يعني ممكن اسيبك لو عملت حاجه تزعلني ..قالت كلامها وهيا بتحرك اكتافها وهوا ابتسم وقال:يعني انتي مش غيرانه ..احلام حركت راسها بالموافقه وهوا قال:طيب هرد القلب الي اتبعتلي اكيد صاحبته مستنيه ردي؟

مسكت احلام التيلفون من ايديه وقفلته بغيظ وقالت:دا عند الست مامتك!

ضحك ماهر علي غيرتها الشقيه وقال:طيب طيب دنتي طلعتي متوحشه ..عموما يا ستي انا اصلا مبحبش غيرك وانتي عارفه كده بس علشان اطمنك دي سيلين اللي شوفتيها عندي في القصر وهيا دلوقت مسافره بس انتي بق عارفه الاجانب وتلزيقهم وعموما انا عملتلها بلوك لاني مقدرش ابدا اخون مراتي حبيبتي خصوصا لو كانت جميلة زيك كدا!

احلام خجلت من كلامه وبصتله بتوتر وقالت:طيب في حاجه عاوزه أقولهالك!

ماهر بانتباه:خير يا حبيبتي.

احلام وهيا بتقرب من خده وبتبوسه:اولا دي مش عارفه سببها ايه وثانيا لازم نلبس دبل علشان كل الناس تعرف انك مرتبط!

ابتسم ماهر علي حركاتها وقال بفرحه:عيوني بس كدا !

احلام قعدت مكانها تاني ووشها كله احمر بسبب الخجل وبعدها ماهر اتحرك بالعربيه واتجهوا للقصر علشان احلام ترتاح لانها تعبت معاه!

وعند شوقي كان بعت الرساله لرقم ماهر ولاكن اكتشف انه غلط في كذا كلمه فمسح الرساله بسرعه علشان يعدلها ووقتها بعتها تاني وفي نفس الوقت دا كانت الرساله وصلت لتيلفون ماهر ولاكن بسبب. الاغاني اللي شغلها مسمعش التيلفون..

وعند شوقي كان حاطت ايديت علي قلبه لانه مش عارف ماهر هيعمل معاه ايه .

وفي القصر وصل كلا من احلام وماهر ونزلت احلام من العربيه وقالت :هوا حمزه ممكن يخرج من المستشفي امتي.. 

ماهر ضم عينيه بتفكير وقال:ممكن يقعد يومين كمان بسبب الجراحه وبعدها هجيبه القصر.. 

احلام بتساؤل:طيب هو انت رايح فين دلوقت!

ماهر:عندي مشوار هخلصة مع منعم علشان وصل لمعلومات مهمه تخص الحادث وبعدها هاتحرك علي الشركة اشوف الوضع هناك وهرجع تاني لحمزه وبالليل هرجع القصر.

احلام قربت عليه وضمته لحضنها وقالت :طيب خلي بالك علي نفسك وخليك علي تواصل معايا.

ماهر ضمها اكتر لحضنه وقال بابتسامه:حاضر يا خطيبتي المصونه .

احلام بعدت عنه وهيا بتختم كلامها:مع السلامه.

ماهر ابتسم وشاولها وقال:مع السلامه .

احلام دخلت من باب القصر وهوا ركب عربيته تاني واتحرك بيها.

وفي الداخل اول ما احلام دخلت قرب مرسي منها وقال بلهفه:حمزه بيه فاق !

احلام اتخضت من دخلته عليها ولكنها حركت راسها بابتسامه ومرسي قال:يعني هو كويس، بخير يعني ، مش تعبان؟

احلام حركت راسها وقالت:ايوا متقلقش زي الفل دا حتي مبطلش يرخم علينا !

ابتسم مرسي وقال:دا حمزه بيت دا حتة سكره ماشيه علي الارض طمنطيني عليه يا هانم متحرمش منك!

ابتسمت احلام وقالت:ربنا يخليك بس انا بقول ياعني لو تروح تطمن عليه برضوا لانك يا حبة عيني واضح عليك كدا بتحبه اوي؟

مرسي حرك راسه وقال بخجل:دا عشره كبيره يا  احلام هانم ..ميغوركيش اني مساعد طباخ بس انا بعتبره اخويا الصغير!

احلام ابتسمت وقالت بلطف:متهيألي برضوا ان حمزه بيحبك اضعاف ما انت بتحبه فاسمع كلامي وروح اطمن عليه دا هيفرح اوي!

مرسي بتساؤل:ياعني انا لو روحت ماهر باشا مش هيتضايق!

احلام بهدوء:لا متقلقش انا هبلغه انك هتروح وبعدين انت ايه اللي مخليك خايف هوا ماهر بيعذبكوا هنا ولا ايه!

مرسي بتردد:لا والله دا ماهر بيه وحمزه بيه اطيب خلق الله بس انا برضوا بقول ان دي حاجه خاصه انا مليش اتدخل فيها بس قلبي مش مرتاح غصب عني!

احلام طبطبت علي كتفه وقالت:تعيش يا مرسي ..يلا روح كده اجهز وروحله المستشفي مش انت عارفها!

مرسي حرك راسه بالموافقه وقال:ايوا يا هانم!

احلام:طيب اتوكل علي الله!

مرسي استأذنها يمشي وخرج بسرعه بفرحه وهي ابتسمت علي رد فعله وقالت:الظاهر ان حمزه اللي بيحبوه كتير..قالت كلامها وابتسمت وفجاه جه في بالها ماهر وقالت بغيظ:بس معجبين خاله اكتر..

قلت كلامها واتحركت بسرعه لغرفة ماهر وغيرت هدومها علشان ترتاح ووقتها اتصلت عليه وبلغته ان مرسي هيروح يطمن علي حمزه وماهر وافق وبلغها ترتاح لانها تعبت وانه هيرجعلها بدري ومش هيتأخر!

احلام ابتسمت وقفلت معاه المكالمه وبعدها نامت وطفت كل الانوار!

____________

وفي الشركة وصل ماهر واول ما عرفوا الموظفين كانوا متوترين لانهم عارفين ان ماهر متضايق بسبب اللي حصل فقرروا يلتزموا الصمت لحدما يعدي من عليهم وبالفعل اول ما دخل ماهر للشركه كل الموظفين سكتوا وهوا عدي من عليهم ودخل للاسانسير!

كان متابعه شوقي واللي كان حاطت ايديه علي قلبه لان ماهر يعتبر في وضعه الطبيعي ومش باين عليه اي غضب شديد ففهم انه لسا مقرأش الرساله ففتح شوقي يشوف الرساله لقاها غير مقروءة وفجاه العلامه اتحولت لزرقاء فوقتها اتخض شوقي وكان هيرمي التيلفون لولا انه لحقه بسرعه..

ماهر مان بيقرأ الرساله اللي وصلتله من رقم مجهول وكان محتواها؟

حضرتك بتدور علي اي حاجه تساعدك تعرف الحقيقه بس انا هوفر عليك كل حاجه وهعرفك ايه اللي كان بيحصل معاك..بس قبل ما أقول ايه حاجه محتاج منك تفهم اني عملت كده غصب عني ومتوقعتش ابدا ان حمزه بيه يتأذي باشكل دا ..وانا قررت أجل اعترافي لحدما حمزه بيه يقوم بالسلامه..انا شخص خاين وخونتك يا باشا رغم وقفتك معايا بس كنت مضغوط بسبب واحد معنوش قلب ولا ضمير ..ايوا هوا ياسر غنيم يا فندم هوا السبب في الحادثة دي وهوا كمان السبب في الحادثة اللي حصلتلك من ثلاث سنين ..هوا طلب مني اخونك وابقاله جسوس في شركتك وابلغه بكل حاجه وانا كنت بعمل كدا بس انا برضوا عملت كده غصب عني لانه كان بيهددني باغلي ما املك يا باشا ..كان عارف نقطة ضعفي وظاغط عليها بايديه واسنانه ..ارجوك سامحني يا باشا انا ندمان واتمني تفهمني وتسامحني بجد ..انا قررت ابعتلك الرساله دي  علشان تعرف كل حاجه وانا صدقني مش هعمل كده تاني بس برضوا مش عايز اقطع عيشي عندك لانك من اكتر الناس المحترمه اللي قابلتها في حياتي.. 

كتب شوقي عنوان بيت ياسر وقال:دا بيته يا فندم اللي بيقعد فيه معظم الوقت بيت منفصل عن فيلا والدته نهائيًا..دا المكان اللي كنت بقابله فيه معظم الوقت وببلغه بكل الخبار..تقدر تروح وتنتقم منه وارجوك اتوصي في انتقامك لانه يستاهل ..انا اسف يا مستر ماهر؟

ماهر كان بيقرأ الرساله وهو مصدوم وفجاه حس ان دماغه وقفت بسبب التفكير ..بدأ يقرأ الرساله تاني علشان يستوعب وبعدما اتاكد من اللي بيقرأه اتجه بسرعه لمكتبه بدون ما يقول اي كلمه وقفل وراه الباب..

رواية حبيبي المدير بقلمي شيماء صبحي 

____________

شوقي قرر يفضل في الشركة علشان لو مشي ممكن يتشك فيه وهوا في اتجاهه لمكتبه لقي ماهر هناك وبيسأل عنه..اتصدم شوقي وجسمه اتجمد واول ما بص في وشه حس ان الكلام كله خلص ومبقاش عارف يقول ايه …. لان في وقت ما ماهر دخل مكتبه علشان يدرس الكلام اللي وصله كويس قبل ما يعمل اي رد فعل ..جه في بالة ان اللي باعت الرساله دي شوقي علي طول لإن شوقي اول موظف ماهر وظفه في الشركة وكان عنده بنت مريضه ولما كان ماهر هيساعده ويعالجها علي حسابه فجأه شوقي بلغه انها بقت بخير وبتتاعالج في مستشفي حاليا..وقتها ماهر قدر يعرف اسم المستشفي وراح علشان يشوف لو محتاج فلوس يدفعهاله من وراه وهناك بلغوه ان صاحب المستشفي بنفسه بيعالج البنت علي حسابه…ولما ماهر افتكر اسم صاحب المستشفي اكتشف انه ياسر غنيم..

فقرر يروح لشوقي وياخده يتكلموا برا الشركه وبالفعل خرج من مكتبه والتزم انه يوصل لمكتب شوقي بدون ما يلفت الانظار وشكه طلع صح لما شافه ؟

شوقي بص لماهروقال بتوتر:ماهر بيه ..حضرتك نورت الشركه!

ماهر قرب منه بجديه وقال:محتاجك في مهمه هتخلصها وانا قولت ان مفيش غيرك اثق فيه !

شوقي اتوتر اكتر وحرك راسه وقال:حضرتك بتقول مهمه!

ماهر بص للموظفين اللي مركزين معاه وقال:كل واحد يركز في شغله ..قال ماهر كلامه وقرب من شوقي مسكه من ايديه وقال:خلينا بس نخرج من هنا علشان الموضوع سري..

شوقي حرك راسه بالموافقه ومشي جمب ماهر و كان قلبه بيدق جامد بسبب خوفه وتوتره..

ماهر خرج برا الشركه وشاور لشوقي  يركب في العربيه معاه وبعدها ركب  بعده…ماهر وقتها بعت رسالة لمنعم يراقب كل تحركات ياسر غنيم ويعرفه بيها ..لانه شاكك فيه!

واول ما شوقي ركب في العربيه اتحرك ماهر بسرعه لخارج الشركه وهما في الطريق كان ماهر ساكت وشوقي باصص عليه ومرعوب ..لحدما وصلوا لمكان هادي خاص بماهر الصياد ..وكانوا هناك موجودين رجال حراسه واول ما شوقي شاف المكان اتاكد ان ماهر عرف كل حاجه وانه يبق  الشخص الخاين!

وقف ماهر العربيه قدام بوابه كبيره وطلب من شوقي ينزل وشوقي حرك راسه ونزل وبعدها ماهر نزل وراه وقرب منه مسك دراعه وقال:اتحرك يا شوقي خايف ليه.

شوقي مشي لحدما دخلوا من باب اصغر ووقتها ماهر زقه بكل غضب وشوقي وقع علي الأرض..

شوقي بخوف:ماهر باشا والله صدقني مكانش قصدي آاذي حمزه بيه والله كان غصب عني بنتي تحت رحمته والله!

ماهر شغل انوار المكان ودخل وقفل وراه الباب وبصله في وشه وقال بضيق:حجتك هيا بنتك مش كدا؟

شوقي حرك راسه بتوتر وماهر قرب منه وقال:وانا لما اجي انتقم هنتقم منك انت مش هنتقم في بنتك لانها ملهاش ذنب ان طيطلع ابوها واطي زيك..قال ماهر كلامه وصفع شوقي بكل غضب في وجهه لدرجه انه وقع بقوه..

شوقي باعتراض:انا لأخر لحظة مكنتش هخبطة بس هوا بعتلي رساله هددني واضريت اعمل حادثة لحمزه بس صدقني مأذتوش انا خبطت العربيه بس ..بس هوا علشان موثقش فيا بعت العربيه النقل واللي خلصت عل..سكت شوقي وماهر قال بغضب:كمل..سكت ليه !

شوقي ببكاء:الحمدلله ان حمزه بيه بخير بس بالله عليك متأذنيش انا بنتي محتجالي وهيا ملهاش غيري..ارجوك سيبني انقذها من تحت ايديه دا مفتري وممكن يأذيها!

ماهر بصوت اعلي:ولما انت عارف انه مفتري سايب بنتك تحت ايديه ليه ..وكمل بسخريه:هو انت لسا واثق انه بيعالجها بجد؟

شوقي اتصدم من كلام ماهر وقال:يعني ايه هوا كل السنين دي مش بيعالجها؟

ماهر فتح رساله جاتله علي تيلفونه من واحد من رجالته بلغه يعرفله اخبار بنت شوقي وبلغه يدي للمسؤلين عنها مبلغ ويعرفوه بحقيقة حالتها ..

ولما قرأ ماهر الكلام بتاع الراجل بتاعه عن حالة بنت شوقي  بص ماهر لشوقي وقال بسخريه :يا خساره يا شوقي بق انت يطلع منك كل دا؟

شوقي جنون:يباشا قولي عرفت ايه عن بنتي دي..بكي تاني وقال:دي فعلا بقالها ثلاث سنين متحسنتش..

قعد ماهر علي كرسي من اللي موجودين وحط رجل فوق الاخري وقال:اكيد مش هتتحسن لانها مبتاخدش علاج وعايشه طول الثلاث سنين دول علي المهدئات والمسكنات ..عارف ليه يا خاين علشان علاج بنتك غالي و مش موجود في مصر وانت بق  كنت فاكر ان ياسر دا هيدفع مبلغ زي دا علشانك انت وبنتك!

اتصدم شوقي من كلام ماهر وقرب منه وهوا بيذحف علي رجليه وبيقول:ابوس رجلك سامحني يباشا وعالجها دي بنت بريئة وتستحق تعيش!

وقف ماهر وبعده عنه وقال:انت شغلت دماغك عليا يا شوقي صح استنيت حمزه يفوق علشان غضبي يبق اخف بس عايز اقولك انك متعرفنيش وانا غضبي واحد لان الي بيمس شعره من حمزه بتكون نهايته علي ايدي..

شوقي ببكاء وانهيار:ارجوك يا ماهر باشا ..انا عارف اني غبي ومتخلف واستاهل وعاقبني انا ..اقت/لني بس انقذ بنتي من تحت ايديه …

ماهر اتعصب من صوت شوقي وكلامه وقال:انت شايفني غبي علشان اصدق الدمعتين دول ..وبعدين عاوزني انقذ بنتك ليه ..طيب ما انت عايش اهو انقذها ..اعمل حاجه بنتك تحبك علشانها..

شوقي بص لماهر بلهفه وقال:يعني ايه انقذها..يعني حضرتك هتسيبني عايش !

ماهر حرك راسه بالموافقه وقال:بس مش علي طول..انا برضوا هستغل بنتك زيه واحطك تحت ضغط..

شوقي بص للارض بكسره وقال:حقك تعمل اكتر من كده انا استاهل.

ماهر بصله وقال بجديه:انا صحيح مش طايقك وعايز اخلص عليك ..بس انت برضوا مش عدوي الحقيقي..بس ممكن اسامحك لو نفذت اللي هقولك عليه..

شوقي :موافق من قبل ما اعرف يا باشا !

ماهر حرك راسه بسخريه وقال:مش هتعرف ياسر اني عرفت حاجه وهتكملوا لعبتكوا الوسخه دي بس قبل ما تبلغه حاجه عن احوال الشركه عندي  تتصل عليا  الأول وانا اقولك تقوله ايه..

شوقي حرك راسه بالموافقه وماهر قال بتهديد:لازم تكون عارف يا شوقي اني مش ياسر غنيم ولا هكون شبهه لان دا حشره ميتشبهش بإنسان..لو عملت اي حركة غدر صدقني مش هيكفيني فيكوا انتو الثلاثه ساعه واحده!

شوقي حرك راسه بخوف وقال:صدقني يباشا مستحيل اغدر بيك انا دلوقت تحت امرك والله هعمل اللي تقولي عليه!

ماهر حرك راسه بالموافقه وقال:قوم اعدل هدومك واغسل وشك في الحمام اللي هناك وبعدها في عربية هتوصلك لحد باب بيتك روح نام واهدي كده علشان تتماسك اعصابك علشان   اللي جاي محتاج صبر!

شوقي حرك راسه وقام بسرعه وعمل اللي ماهر قاله عليه ووقتها ماهر اتصل بمنعم وقال:عملت ايه؟

منعم:براقبه اهو يباشا هوا دلوقت داخل عماره كده شكلها غريب ..مشبوهه واليعوذ بالله ..

ماهر بضيق:طيب خدلي صور لاي مكان هيروحه مش مريح وكمل مراقبه لحدما افهمك الباقي..

منعم حرك راسه بالموافقه وقفل مع ماهر واللي اتحرك من المكان بعدما بلغ واحد من رجالته يوصل شوقي لبيته ..

_______________

في المستشفي. وصل مرسي للمستشفي  وهوا بيبص لكل ركن فيها لحدما لقي ممرضة بتساعد سيده عجوزه تمشي ..فقرب منها وقال :لو سمحتي هيا الغرفه اللي موجود فيها حمزه بيه فين؟

الممرضة باستغراب:مين حمزه بيه دا؟

مرسي:اقصد حمزه الشناوي الشاب اللي عمل حادث من ثلاث ايام!

الممرضه حركت راسها بتفهم وقالت:في غرفة الVIP فوق الدور الثاني غرفة رقم 8!

مرسي حرك راسه بشكر واتحرك للسلالم وطلع بسرعه لحدما وصل للدور الثاني ووصل قدام الغرفه..

كان حمزه صاحي ونايم في نفس الوقت يعني حاسس باللي بيحصل حواليه..مرسي خبط علي الباب وحمزه صحي وقال:اتفضل.

دخل مرسي بخجل شديد لحدما وصل لسرير حمزه واول مشاف حالته عيونه دمعت وقال:حمزه بيييييييه؟

اتفزع حمزه من بكاء مرسي واتصدم من وجوده وقال:مرسي انت جيت هنا ازاي!

مرسي قرب منه ومسك ايديه وقال بعياط:كنت قلقان عليك وخايف يحصلك حاجه يا بيه.

حمزه ابتسم وقال:متقلقش يا مرسي انا بخير كتر خيرك انك جيت والله كنت حاسس بفراغ شديد وانا قاعد لوحدي هنا؟

مرسي بصله وقال بتساؤل:هو انت هنا لواحدك ازاي يا بيه يعني مفيش حد معاك!

حمزه برفض:لا كان خالي واحلام هنا بس خرجوا وقالوا لي هيرجعوا تاني؟

مرسي باستغراب :احلام في القصر يا بيه وماهر بيه معرفش فين؟

حمزه ضم حاجبه وقال:ازاي دا قالولي انهم راجعين تاني..

مرسي لاحظ زعل حمزه فقال:تلاقيهم جايين تاني يابيه متقلقش انا برضوا معرفش هما بيعملوا ايه!

حمزه حرك راسه بهدوء وبص لمنعم وابتسم وقال:وحشتني اوي يا مرسي ووحشني النوم جمبك!

مرسي بفرحه:انت بس تقوم بالسلامة كده وصدقني مش هنيمك غير في حضني..

حمزه افتكر اخر مره نام فيها معاه وكان بيصدر اصوات مزعجه فضم حاجبه برفض وقال:لا يا مرسي متحرمش منك اوضتي اجمل.

مرسي بابتسامه:ما خلاص يابيه الانسه سيلين مشيت وتقدر تبقي براحتك !

حمزه ابتسم وقال:تصدق ايوا ..دي كانت بلوه ماشيه علي قلبي والله؟

مرسي ضحك وقال وهو بيبص علي شكل وشه:دا وشك بقي مطبات يا بيه هو ايه اللي حصلك بس؟

حمزه بدهشه:وحش اوي يا مرسي!

مرسي بتقزز:بصراحه يا بيه شكلك يخوف!

حمزه قلق من كلامه لان حنين شافته على نفس الوضع فممكن متكونش أعجبت بيه فقال وهو بيشاور لمرسي يجيب المرايه الصغيره:هات المرايه دي ووريني شكلي يا مرسي بسرعه !

مرسي حرك راسه وجبهاله وحطها قدامه واول ما حمزه شاف شكل وشه قال :ياه علي الرعب دا انا بجد!

ابتسم مرسي وهوا بيبعد المرايه وبيقول:بس كل حاجه بتعدي يا بيه ومسيره يختفي وترجع لوسامتك تاني!

حمزه بلهفه:يعني انا وسيم يا مرسي!

مرسي بخجل:بصراحه ايوا يا بيه ..انا لو كان عندي اخت كنت حوزتها ليك من غير نا افكر!

حمزه بفرحه:ينصر دينك يا مرسي انت اللي جابرني في الدنيا دي!

مرسي ابتسم ووقتها الباب اتفتح ودخل ماهر ومرسي اول مشافه عدل نفسه ووقف باحترام..حمزه بص لوش خاله المتعصب وقال بتساؤل:خالي ..هو حصل حاجه ولا ايه!

ماهر بص لمرسي ولحمزه وقال برفض:لا مفيش حاجه ،طمني عليك عامل ايه دلوقت!

حمزه بهدوء:كويس بس انا هخرج امتي؟

ماهر:لسا شويه يومين كدا ولا حاجه علي ما تقدر تشد حيلك!

رواية حبيبي المدير بقلمي شيماء صبحي 

حمزه حرك راسه بالموافقه وقال:بقولك ايه ياخالي ممكن تسيب مرسي معايا يونسني ويبات معايا ؟

ماهر بتساؤل:ليه يا حمزه ما انا ببات معاك ..

حمزه برفض:لا انا عاوز مرسي وبعدين انت تعبت روح البيت ارتاح زمان جسمك اتكسر بسبب نومت الكراسي اللي هنا!

ماهر بص لمرسي واللي كان بيبصله بخجل وحرك راسه وقال:طيب اللي انت عاوزه المهم انا جايب معايا حرس برا علشان تبق تحت عيني برضوا!

حمزه حرك راسه بالموافقه وماهر استأذنهم وخرج وحمزه بص لمرسي بفرحه وقال:انا عارف اني دبستك معايا بس انا محتاجك جمبي !

مرسي ابتسم وقال:انت عملت الصح يا بيه !

حمزه بفرحه طيب تيلفوني فين..مرسي بص حواليه وملقاش حاجه فحمزه قال:مع خالي اجري بسرعه هاتوا منه قبل ما يمشي!

مرسي حرك راسه بالموافقه وخرج برا وكان ماهر ماشي فجري وراه وقال:ماهر بيه!

ماهر لف بجسمه وقال:خير يا مرسي!

مرسي:حمزه بيه عاوز التيلفون بتاعه وبيقول انه معاك!

ماهر خرج من جيبه تيلفون حمزه وقال:خد بس متخيلهوش يجهد نفسه وينام!

مرسي حرك راسه بالموافقه واخد التيلفون ورجع تاني للاوضه وماهر خرج برا المستشفي؟

في غرفة حمزه..مرسي دخل وهوا ماسك الموبايل وحمزه ابتسم وقال:تعالي يا مرسي بسرعه علشان تعمل اللي هقولك عليه!

مرسي قفل وراه الباب وقرب من حمزه وقال:هعمل ايه يابيه!

حمزه:افتح الفيسبوك وابحث عن اسم البنت دي؟

مرسي حرك راسه بالموافقه وقتح الفيسبوك وحمزه قال:اكتب حنين؟

مرسي:بالعربي؟

حمزه:لا بالانجليزي؟

مرسي :طيب اكتبها ازاي مليني الاسم اصل الانجليزي بتاعي مش قد كدا!

حمزه بابتسامه:هانين اكتب هانين H.a.n..e..n

بصله مرسي بتفكير وقال:يعني ايه هانين يا باشا اكتبها ازاي؟

حمزه بضيق اكتب ورايا H مرسي كتبها وحمزه كملa مرسي كتبها وحمزه كملn…وبعدهاe وبعدهاn ..

مرسي خلص كتابه اسم حنين وقال:خلاص كتبته يا بيه؟

حمزه بفضول:طلعلك ايه؟

مرسي:مفيش حاجة طلعت يا بيه هو مش المفروض يبق اسمين لان في حنين كتير طهرتلي.!

حمزه اتضايق وقال:وانا هعرف اسم ابوها منين دلوقت انا معرفش غير اسمها بس؟

مرسي بتساؤل:معلش يباشا لو هقاطعك بس هيا مين حنين دي؟

حمزه بابتسامه:المنقذة بتاعتي؟

مرسي:لا حول ولا قوة الا بالله يعني هيا عملت فيك كدا يا بيه!

حمزه ضم حاجبه من غباء مرسي وقال:اسكت يا مرسي وحط التيلفون دا وتعالي احكيلي حدوته؟

مرسي استغرب حمزه ولاكن سمع كلامه وحط التيلفون وقرب منه وقال بخجل:لامؤاخذه يا بيه بس هو انت مش كبرت علي الكلام دا!

حمزه بتعب:اه يا مرسي اه مش قادر احكيلي اي حاجه تساعدني انام علشان محسش بالوجع دا!

مرسي بقلق:حاضر يا بيه هحكيلك وامري لله!

حمزه ابتسم وبدأ مرسي يحكيله حدوته وهوا بدأ يغمض عينيه بالتدريج لان مرسي كان موطي صوته وبعدما خلصله الحدوته حمزه نام وبدأ يصدر صوت شخير بسبب انه نايم علي ضهره؟

_________

وفي القصر .

وصل ماهر وطلع لجناحه ووقتها كانت احلام نايمه نوم عميق..فتح ماهر الباب بهدوء وقرب منها وهوا حاسس بتعب وانه محتاج يرتاح..

قرب من احلام وخلع جاكت بدلته وحطه علي الكنبه وبعدها طلع علي السرير بهدوء علشان ميصحهاش ولاكن احلام صحيت لما لقته بيشدها لحضنه؟

احلام بخضه:بتعمل ايه يا ماهر مش احنا اتفقنا نكون مخطوبين وكل واحد ينام لواحده !

ماهر دفن راسها في عنقها وقال بتعب:خليني انام في حضنك النهارده علشان محتاجك اوي!

احلام لفت بجسمها وبصتله وقالت بقلق:في حاجه حصلت ولا ايه ؟

ماهر غمض عينيه وقال بتعب:هحكيلك كل حاجه بعدين بس خليني انام في حضنك النهارده!

احلام حركت راسها بالموافقه وقربت عليه وضمته اكتر لحضنها وماهر غمض عينيه وهوا بيحاول يفضي دماغه لانه مضغوط..وقبل ما احلام تطفي النور علشان يناموا شافت شكله وانه نايم بهدومه فقالت بتساؤل:قوم غير هدومك طيب علشان تكون مرتاح اكتر؟

ماهر حرك راسه بالرفض وهيا ابتسمت علي شكله لانه كان جميل..فماهر قال :طفي النور دا بق ونامي!

احلام حركت راسها وقالت:طيب وحمزه عامل ايه وهو معاه حد !

ماهر بنوم:معاه مرسي متقلقيش عليه  المهم دلوقت خديني في حضنك اكتر لحدما انام!

احلام طفت النور ولمست شعره بحنيه ووقتها ماهر بدأ يحس بالامان ويسمح لعقله يرتاح من التفكير ونام!

احلام استغلت انه نايم في حضنها وقرر تردله القبله اللي ادهاله قبل كده في بيت والدها فقربت بهدوء لشفايفه ورغم انها طلبت منه يكونوا مخطوبين الا انها متنكرش انها بتحبه وانه جوزها وحلالها ..فقربت من شفايفه وقبلته برقه وماهر وقتها شدها اكتر عليه وهيا شهقت لما لقته صاحي لسا وبيبص عليها بنص عين..

احلام بخجل:انا؟

ماهر قاطع كلامها بقبله رومانسيه واحلام وقتها بادلته القبله وحطت ايديها الاتنين ورا راسه وهيا بتداعب شعره بهدوء..يتبع بقلمي شيماء صبحي 

في بدايه يوم جديد صحي ماهر قبل احلام وبص عليها لقاها ماسكه فيه جامد كأنه هيهرب منها فابتسم علي شكلها وقبلها علي جبينها بحب وفضل يتأملها لثواني وبعدها بدأ يسحب نفسه من تحت إيديها بهدوء علشان ميصحهاش وبالفعل قدر ماهر يقوم من جمبها واتجه لغرفة ملابسه وجهز هدومه اللي هيروح بيها الشغل وبعدها خرج ودخل للحمام ياخد شاور وفي الخارج كانت احلام مبتسمه لانها بتحلم بيه والظاهر كده انها بتحلم بذكرى حلوه ليهم ..

خرج ماهر من الحمام بعد دقايق وكان لابس روب ،اتجه لغرفة الملابس علشان يجهز وبعد مرور ربع ساعه كان انتهي وخرج وقرب تاني منها يطمن عليها ولما لقاها لسا نايمه طبع قبله اخيره علي جبينها وبعدها خرج من الأوضة..

وفي شركة ياسر كان وصل وهوا مقرر يبعت رساله لاحلام يبلغها فيها  ترجع شغلها يا اما هياخد ضدها اجراء وبالفعل بعتلها رساله هددها فيها وبعتلها صورة للعقد ..

وفي المستشفي كان حمزه نايم نوم عميق ومرسي نايم علي الكنبه وبيصدر اصوات وهو نايم!

كان ماهر مقرر يروح لحمزه الاول قبل ما يروح الشركه واول ما وصل المستشفي وطلع علشان يشوفه وفتح الباب اتصدم من الأصوات اللي خارجه منهم وهما نايمين فقفل الباب بسرعه وقرر يروح للشركه بدون اي صدمات تانيه علي الصبح..

وكان منعم وصل المستشفي لان ماهر ساق بداله فاول ما وصل وشاف ماهر خارج سلم عليه وبلغه بأخر معلومات جمعها عن ياسر وعن أسرته ..وعرف ماهر ان والدة ياسر بتلعب قمار وخسرت نص ثروتها فيه وان دي اكتر حاجه مضايقه ياسر لانها بدأت تاخد من فلوسه ..

حرك ماهر راسه بدهشه وقال:ودي بتلعب مع مين!

منعم :مجموعه رجال اعمال من الواضح كده انهم اصحاب من زمان!

ماهر بابتسامه:برافوا يا منعم ..دي معلومات كويسه جدا وهتنفعني ..بس اللي اسمه ياسر دا لازم يقع واكيد وراه مصايب كبيره مخفيه ..كمل كلامه وهم بيتجه للعربيه:واكيد هنعرفها قريب اوي..

منعم فتحله الباب بسرعه وقال:ان شاء الله يا فندم.

اتحركوا بالعربيه في اتجاه الشركة وفي الوقت دا كان شوقي في طريقه لشغله وقبل ما يدخل الشركة جاله اتصال من ياسر ..

اتوتر شوقي وقرر ميردش عليه ولاكن في اخر لحظة تراجع وفتح المكالمة..علشان ميتشكش فيه؟

ياسر قال بضيق:اخيرا سمعت صوتك حمد الله علي سلامتك يا شوقي، مختفي ليه.

شوقي بتردد:بحاول اختفي عن الانظار يباشا بعد اللي حصل!

ياسر قال بسخريه:طيب يا حدق كفايه اختفاء لحد كده وقولي اخبار الشركة عندك ايه .

شوقي اتوتر وقال:لحد دلوقت مفيش جديد يا فندم وانا لسا مدخلتش مكتبي وسمعت حاجه اصل الباشا لسا مرجعش من وقت الحادث..

ياسر :طيب بلغني علي طول باي جديد يحصل وعارف لو خبيت عليا حاجة انا هعمل فيك ايه!

شوقي بتردد:لا مش هخبي يباشا انا مش بتاع الحركات دي!

ياسر اتنهد وقال:اما اشوف يا شوقي يلا سلام.. ياسر قال كلامه وقفل المكالمة في وش شوقي واللي كان حاسس بقلبه هيقف من الخوف والتوتر اللي بق عايش فيه.. 

وصلت عربية ماهر ونزل منها وكان شوقي لسا واقف وجسمه اتنفض فجأة لما لقي ايد ماهر بتتحط عليه وبيقول :صباح الخير يا شوقي مالك مش علي بعضك ليه!

شوقي بصله وقال بتوتر:مفيش يا باشا ..اصل ياسر بيه اتصل وعايز يعرف اخبار عن الشركة!

ضغط ماهرعلي اسنانه بغيظ وقال:طيب وانت قولتله ايه!

شوقي:قولتله مفيش جديد وان حضرتك لسا مرجعتش الشركة'

حرك ماهر راسه وقال:طيب انا هبعتلك تقوله ايه في رساله بس تبلغه بالموضوع في اخر اليوم ،شغل مخك ومتبقاش غبي؟

شوقي حرك راسه بالموافقه وماهر عدي من جمبه ودخل وشوقي لما انتبه لنفسه دخل وراه  للشركة!

_________في بيت حنين"

صحيت حنين عشان تستعد لمدرستها وبالفعل قامت وغيرت هدومها واستعدت للخروج وقبل ما تمشي فتحت حنين شنطتها تبص علي الفلوس اللي معاها ولما لقت ان فلوسها خلصت بصت لوالدتها اللي نايمه وتعبانه بحزن .

فاتنهدت حنين بتعب من حالهم وقالت بهمس:هروح مشي النهارده بق مش مشكلة!

قالت كلامها وخرجت ووقتها لقت اصحابها واقفين مستنينها برا!

حنين قالت بتوتر:صباح الخير!

اصحابها:صباح النور يا حنين يلا علشان منتاخرش..قالوا كلامهم وهما بيسحبوها من ايديها وبيتحركوا ووقتها حنين حست انها عايزه تعيط من الخجل ..

وصلوا البنات  للموقف علشان يركبوا مواصله وقالت واحده من أصحابها:انا عليا ادفع دلوقت وحنين تدفع واحنا مروحين؟

قالت كلامها وضحكت وكل البنات ضحكوا علي كلامها وحركوا راسهم بالموافقه ..

حنين ركبت معاهم والبنت بالفعل دفعتلهم ووقتها حنين كانت بتفكر وسرحانه هتجيب فلوس ازاي علشان تدفعلهم الحساب وهما مروحين '

وفي المدرسه بتاعت حنين كان مستنيها قدام البوابه الشاب اللي معجب بيها فاول ما شافها جايه مع اصحابها عدل هدومه بتوتر واول مشافها قال:حنين ممكن كلمة لو سمحتي؟

حنين بصتله بخجل واصحابها حركوا راسهم بالموافقه وسابوها ومشيوا وهيا قربت منه وهيا بتمسك في شنطتها بتوتر!

الشاب كان اسمه سليم وكان سليم شاب غني ولاكن اختار يدرس هنا في المدرسة دي علشان مرتاح فيها ..

حنين بصتله باستغراب لانه كان بيبصلها وساكت فقالت:خير يا سليم في حاجة ولا ايه!

سليم بتوتر حرك راسه وطلع من ورا ضهره شنطة هدايا وقال:ممكن تقبلي الهدية البسيطة دي مني!

حنين اتضايقت وحركت راسها وقالت برفض.

كام مرة قولتلك اني مش فاضيه للارتباط دا وبركز بس في الدراسه!

سليم بخجل منها:انا اسف يا حنين لو كنت ضايقتك بس انا عارف ان النهارده عيد ميلادك وحبيت اقولك كل سنه وانتي طيبه وجبتلك الهديه دي!

حنين بصت للهديه وقالت بتوتر:وانت طيب ك ،معلش يا سليم انا اسفه مش هقدر اقبل الهديه منك لاني مش متعوده اخد حاجه من حد!

سليم باعتراض:بس دي هديه!

حنين بصت للهديه وهيا مستغربه حجمها فقالت بضيق:حتي ولو يا سليم مقدرش اخدها!

سليم بصلها بفقدان امل ومسك الهديه وقال:خلاص متخديهاش وارميها اتفضلي..قال كلامه وهو بيحط الهديه في ايديها بسرعه  وبيمشي !

حنين بصتله بصدمه وهوا طلع للمبني وسابها واقفه مكانها وماسكه الهديه في ايديها ..

حنين قررت تشوف ايه الهديه دي قبل ما ترميها واول مشافت محتواها اتصدمت لان سليم كان جايب علبه شوكلاتة غاليه ولاففها بخيط احمر وعليهم فلوس ملفوفه علي شكل ورد !

اتوترت حنين وهيا بتبص للفلوس فقررت تاخد منهم ورقه واحده وكانت ٢٠٠جنيه لانها محتجاها  وبعدها ترميها . 

وكان وقتها شايفها من بعيد سليم ومستغرب هيا ليه بتعمل كده رغم انه عارف انها فقيرة ومحتاجه لكل قرش .

قربت حنين من باسكت الزباله وقبل ما ترمي الهديه سحبت الفلوس وكرمشتها في ايديها بسرعه ومشيت واول ما لاحظت ان محدش شايفها حطت الفلوس في جيبها بسرعه وجريت علي فصلها. 

وسليم كان واقف  مصدوم لما لقاها رمت الهديه بتاعته فعلا فقرب من الباسكت يتأكد ولما شافها مرميه فعلا زعل وقرر يمشي ويرجع فصله:.

وعند احلام اول ما صحيت افتكرت اللي حصل بينها وبين ماهر وخجلت جداا لانها مكنتش متوقعه انه هيكون صاحي وبيضحك عليها.. 

تيلفونها اصدر صوت بيدل علي استلامه لرساله  فقررت تفتحها واما لقتها من ياسر قلبها اتقبض..

قررت احلام تفتح الرساله وتشوفه عاوز ايه واول مشافت صورة العقد وقرأت الكلام اللي ياسر كاتبه اتفاجأت لانها كانت ناسيه موضوع العقد دا..

فكرت احلام  انها ترد عليه ولاكن قررت تتواصل مع ماهر وتبلغه لانه هيلاقيلها حل أفضل..لانها عارفه ان ياسر هو اللي عمل حادثة حمزه وماهر اكيد مش طايقه و لان قلبها بيكأدلها احساسها ..قررت احلام متعرضش ماهر لموقف سخيف بسببها تاني وتسيبه هوا يحل الموضوع دا بنفسه.

فبعتتله احلام رساله وبلغته فيها كل اللي ياسر بعتهولها وكتبتله في الرساله انها مردتش تتصرف من دماغها وتبلغه علشان ميزعلش منها..

ولما ماهر وصله رسالتها وقرأها ابتسم بفرحه لانها بدأت تعتمد عليه ولما شاف صورة العقد وكلامه اللي احلامه صورته ليه اتضايق من ياسر وبلغها انه هيحل الموضوع وانها اطمن متشتلش هم حاجه! 

احلام شكرته وبعتتله قلب بيدل علي امتنانها ليه وهو ابتسم ..

فقامت احلام علشان تجهز نفسها علشان تروح لحمزه وتقعد معاه وهيا بتجهز  كان ماهر بيجي علي بالها كتير فابتسمت لانها بدات تحبه اكتر وقررت انها هتبلغه انها موافقه يكملوا جوازهم وتبعد عن فكرة الخطوبه اللي اقترحتها .

وعند ماهر كان بيقرأ كلام ياسر والعقد بضيق منه فقرر يروحله الشركه وينهي معاه الموضوع وديًا وبالفعل جهز ماهر وخرج من شركته وبلغ منعم انه هيروح لشركه ياسر!

منعم قال بقلق:هو حصل حاجه يا فندم ولا ايه!

ابتسم ماهر وحرك راسه بالرفض:متقلقش يا منعم انا بس هخلص معاه حوار ودي ملوش علاقه بموضوعنا التاني !

حرك منعم راسه بتفهم واتحرك بالعربيه واتجهوا لشركة ياسر؟

                  "وفي المدرسه "

كانت حنين قاعده سرحانه وبتفكر في الهديه اللي رمتها في الزباله وفي المبلغ الكبير اللي فيها..

افتكرت حالهم وانهم حاليا في أشد احتياجهم للفلوس فأخد قرار انها تنزل وتاخد الفلوس اللي رمتها  قبل ما كل الطلاب ياخدوا بالهم فقررت تستغل انهم لسا الصبح وتنزل تجيبهم من غير ما حد يشوفها ؟

حنين قالت وهيا بتستأذن المدرس:لو سمحت يا مستر محتاجه اروح للحمام!

كل الطلاب انتبهوا ليها وكانت حنين معروفه في وسط الطلاب انها بنت شاطرة وذكيه ولان المدرس بيحبها وافق انها تنزل برغم ان خروج اي حد في اول  حصه ممنوع..

ابتسمت حنين وخرجت من الفصل بتوتر ونزلت للحوش وهيا بتبق حواليها بخوف لحد يشوفها..

فقربت حنين بتوتر من باسكت الزباله وقررت تقرب منه بحجه انها هترمي فيه  زباله معاها في ايديها واول ما قربت علشان تاخد الفلوس لقت الفراش بيقرب منها وبيقول:بتعملي ايه هنا!

اتوترت حنين وجسمها اتفض ولاكنها اخدت الفلوس بسرعه وقالت:انا برمي زباله معايا هو في مشكله ولا ايه!

الفراش برفض:لا مفيش اتفضلي اطلعي بق علشان المدير جاي يلف علي الفصول وعاوزين الحوش فاضي!

حركت حنين راسها بالموافقه واتحركت بسرعه وطلعت علي فصلها..

وهيا قاعده بدات تبص للفلوس اللي مكرمشاها في ايديها بخجل من نفسها ..

افتكرت حنين حال والدتها وانها مش هتقدر تروح شغلها لانها تعبانه ولان عليهم ديون للجيران مكنش ينفع ياخدوا منهم حاجه تاني ..

حطت حنين الفلوس في شنطتها بسرعه ووقتها شافتها البنت اللي بتتنمر عليها بسبب ان امها بتعطف عليهم!

حنين عدلت نفسها وبصت للمدرس علشان تشوفه بيشرح ايه ووقتها البنت اللي بتتنمر عليها قدرت تفهم ان حنين اكيد سارقه الفلوس دي لانها فقيره ومستحيل يكون معاها مبلغ كبير زي دا؟

وقبل ما الحصه الاولي تخلص وقفت بنت من اللي في الفصل وهيا بتقول بحزن :مستر انا ضاع مني ٢٠٠ ومش لاقياهم؟

المستر بص لباقي البنات والشباب اللي في الفصل وقال: معلش دوروا جمبكوا علي فلوس زميلتكم!

الكل بدأ يدور جمبه وملاقوش حاجه فبصت البنت المتنمره لحنين وقالت :الفلوس مع حنين يا مستر ..انا شوفتها بتخبيهم في شنطتها!

حنين قلبها وقف بصدمه لما سمعت كلام جنة زميلتها فبصتلها وقالت :فلوس ايه دي فلوسي انا ما اخدتش من حد حاجه؟

المدرس قرر يدافع عن حنين لانه عارف انها بنت محترمه ومستحيل تعمل كده فالبنت المتنمره كانت مصره ان حنين معاها فلوس زميلتهم فوقفت وقالت بتحدي:لو مش مصدقني يا مستر شوف شنطتها ؟

البنت اللي ضاعت منها الفلوس بصت لحنين بضيق وقالت:اه يا حراميه انا اصلا كنت عارفه انك حاطه عينيكي عليها .

حنين قالت بصدمه:والله ما اخدت منك حاجه وبعدين انا هعرف ازاي انك معاكي فلوس!

البنت بصت للمدرس وقالت:لو سمحت يا مستر شوف شنطتها لاني متاكده انها معاها!

حنين بصت لزمايلها بدموع ولقت ان بقيت زمايلها التانين باصين عليها وكانها حراميه فعلا.

المدرس قرب من حنين وقال:وريني شنطتك يا حنين!

حنين بدموع:صدقني يا مستر والله ما اخدت منها حاجه !

المدرس أصر انه يشوف شنطتها علشان يحل المشكله وحنين ادتهاله واول ما فتح المدرس الشنطه لقي فيها فلوي متكرمشه بطريقه غريبه فمسكها وفتحها لقاها ٢٠٠ جنيه فعلا فقال بصدمه:دي ايه يا حنين!

حنين بدموع:دي ٢٠٠ جنيه!

المدرس:منا شايفها انا قصدي بتعمل ايه في شنطتك!

حنين ببكاء:ماما ادتهالي علشان اجيبلها علاج!

المدرس بص للبنت اللي ضاعت منها الفلوس وقال:الفلوس بتاعتك كانت متجمده ولا فكه!

البنت باصرار:متجمده يا مستر!

المستر بص لحنين بحزن ورجع قرب من البنت وادالهارالفلوس وقال:هي دي بتاعتك!

البنت بصت للفلوس بتفحص ولانها مش عارفه شكلها قالت :ايوا يا مستر ..قالت كلامها وبصت لحنين اللي بتبكي وقالت:كنت متاكده انك اللي اخدتيها ؟

المدرس بص لحنين وقال:بعد ما الحصه التانيه تخلص عاوزك تروحي لغرفة المدير!

حركت حنين راسها بحزن وقعدت مكانها بكسرة والبنت اللي ضاعت منها الفلوس قعدت وهيا بتتكلم مع زميلتها اللي جمبها وبيغلطوا في حنين؟

واما حنين مكنتش مستوعبه اللي حصل معاها فحست انها مش طايقه المدرسه وقررت تمشي ولاكن منعها سليم واللي وقف قدامها فجأة وقال:انا مصدقك يا حنين ارجوكي استني شويه وهيا هتلاقي فلوسها ووقتها صدقيني هخليها تعتذر منك عصب عنها !

حنين بصتله بدموع لانه لولا هديته مكانش هيحصلها الموقف دا ولاكنها برضوا محدش غصبها تاخدهم فحركت راسها بحزن وقعدت وسليم قرب من البنت اللي اسمها جنه وقال:انتي متاكده ان حنين اخدت الفلوس منها!

جنة بصتله بتوتر وقالت:ايوا شوفتها بتخبيها في شنطتها!

سليم بضيق:يعني مشوفتيهاش وهيا بتاخدها يبق انتي كده كدابه..

جنة بصدمه لانه بيدافع عن حنين برغم انها مش من مستواه فقالت بضيق:ملكش دعوه يا سليم وانا متاكده انها اخدتها وبعدين انا مش كدابه

سليم سابها وهوا متضايق من كدبها ورجع قعد في مكانه لما المدرسه التانيه دخلت عليهم..

________________

في شركة ديسكاشيال!

وصل ماهر للشركه واول ما قرب من مكتب الاستقبال البنت بصتله بصدمه من وجوده  وقالت :هو مش حضرتك ماهر الصياد!

ماهر حرك راسه بالايجاب وهيا قالت بصدمه:حضرتك عاوز مين!

ماهر بجديه:مدير الشركة دي!

الموظفه:حضرتك تقصد مستر ياسر غنيم!

ماهر شتمه في سره وضعط علي اعصابه وقال:ايوا!بلغيه اني عاوز اقابله!

البنت حركت راسها بالموافقه واتصلت بمكتب ياسر بسرعه وبلغت السكرتيره بتاعته ان ماهر الصياد موجود وعاوز يقابله!

قامت السكرتيره بسرعه ودخلت لمكتب ياسر واول ما بلغته ان ماهر الصياد موجود تحت:ياسر وقف بدهشه وقال:دا ايه اللي جايبه هنا دا!

السكرتيره بتساؤل:هوا مش دا يا فندم صاحب مجموعة الصياد جروب!

ياسر حرك راسه وقال:ايوا هوا بلغيه يدخل !

السكرتيره حركت راسها بالموافقه وخرجت بلغت الموظفه تبلغه يجي  لمكتب مستر ياسر وقفلت المكالمه!

ماهر قال :خير يارب يكون فاضي!

الموظفه حركت راسها وقالت:مستر ياسر مستني حضرتك في مكتبه اتفضل معايا يافندم'

الموظفه مشيت وهوا وراها وركبوا الاسانسير مع بعض لحدما وصلوا لمكتب ياسر ..

السكرتيره والموظفه كانوا بيبصوله بدهشه لان ماهر  بيمتلك وسامه وكاريزما عاليه بتجذب اي حد ليه..

دخل ماهر لمكتب ياسر واول مشافه قاعد علي مكتبه وعامل انه ما اخدش باله من وجوده ماهر قال بصوته القوي والواضح:ازيك يا ياسر ؟

ياسر بصله باتباه ووقف وقال وهو بيمد ايديه:اهلا اهلا ماهر الصياد بنفسه جاي هنا في شركتي!

ماهر بص لايديه وتجاهله وقعد وحط رجل فوق الاخري وقال:خليني ادخل في الموضوع علي طول لان انا مش بطيقك وانت عارف كده!

ياسر بصله بصدمه من جرأته وقال:ولما انت مش بطيقني جاي هنا ليه!

ماهر ابتسم بسخريه وطلع تيلفونه من جيبه وفتح اسكرين لتهديده لزوجته وقال:جاي اخلص الموضوع دا!

ياسر بص للتيلفون ولما شاف اللي موجود فيه رجع بضهره علي الكرسي وقال بغرور:الموضوع دا خاص بيا واحلام ملكش تتدخل فيه!

خبط ماهر بايديه الاتنين علي مكتبه لدرجة ان ياسر اتفزع وبصله بانتباه…وماهر قال بضيق:احلام تبقي مراتي ودلوقت هيا سابت شغلها معاك فانا جاي علشان ننهي الموضوع بهدوء بدل ما انهيه بالقوه وانت هتكون خسران ؟

ياسر بصلة بتحدي وقال:انا مبتهددش علي فكره وبلاش الحركات دي علشان انا ممكن ابلغ الامن يطلعوك بره!

ماهر وقف وقرب منه وقال بتحذير:فين العقد يا ياسر؟

ياسر اتصدم وقال:انا قولتلك..ماهر قاطع كلامه وقال:ورحمة ابويا اللي ما بحلف بيه ابدا لو مطلعت العقد وقطعته قدامي هندمك ندم عمرك!

ياسر حرك راسه بالموافقه وماهر رجع قعد علي الكرسي وياسر طلع العقد واداه لماهر وقال:مراتك لازم تدفع ١٠٠ الف جنيه غرامه!

ماهر ابتسم بسخريه علي كلامه وقال:انت فاكرني هدفعلك حاجه ولاهخليها تدفعلك حاجه!

ياسر اتضايق وغمض عينيه وقال بغيظ منه:انت مش فقير ومبلغ زي دا مش هيقصر معاك!

ماهر قطع العقد ورماه علي مكتب ياسر وقال:الواضح انك مسمعتش انا قولتلك ايه ..

ماهر قال كلامه وخرج من المكتب ووقتها كانوا الموظفين واقفين وبيبصوا عليه بانبهار..

ابتسم ماهر وعدي من جمبهم والبنات اصدروا صوت بيدل علي اعجابهم بيه ولاكن مشيوا بسرعه لما شافوا ياسر خارج وبيبص عليهم بغضب !

خرج ماهر من الشركة وركب عربيته وهوا متضايق من ياسر وكان نفسه يضربه علي وشه ويكسرله دماغه ولاكنه كان ضاغط علي اعصابه غصب عنه علشان ميبوظش خطته؟

                    وفي المستشفي

 وصلت احلام لغرفة حمزه وخبطت علي الباب ولاكنها سمعت صوت ضحك عالي خارج من الاوضه فقررت تخرج علي طول ووقتها شافت مرسي وحمزه قاعدين وبيضحكوا فابتسمت وهيا بتقول:صباح الخير!

حمزه انتبه ليها وقال:صباح النور اتفضلي يا احلام!

مرسي وقف علشان احلام تقعد مكانه ولاكن احلام رفضت وطلبت منه يقعد هوا وقربت من حمزه وقالت:عامل ايه النهاردة يا حمزه !

حمزه بابتسامه :الحمدلله يا احلام اقعدي ارتاحي!

احلام قعدت وحمزه بصلها وقال بتساؤل :هي حنين فين مجتش معاكي ليه!

احلام ضمت حاجبها باستغراب وقالت:وهيا حنين هتيجي معايا ليه !

حمزه:مش هتطمن عليا ولا ايه!

ابتسمت احلام علي كلامه وقالت:لا حنين جات امبارح تطمن عليك لانها كانت هنا في المستشفي علشان والدتها ولاكن هيا دلوقت رجعت بيتها ايه اللي هيجيبها وهيا اصلا مفيش علاقه تجمعها بيك!

حمزه بضيق من كلامها:متقلقيش قريب اوي هيبق في علاقه!

احلام بصتله بصدمة وقالت:علي فكرة حنين مش زي اي بنت انت قابلتها علي فكره ومش سهل انها تقع في حبك!

حمزه قال بدهشه وضيق :ليه هو انا وحش!

احلام قالت علشان تغيظه:مش وحش بس فاشل تفتكر لما حنين تعرف انك سايب كليتك و مقضيها لعب هترضي بيك!

حمزه :انا مش فاشل انا بشتغل وبعدين هيا مالها انا بروح الكليه ولا لأ ،مش كل اللي يهمها راجل يصرف عليها،

احلام ضحكت على كلامه وقالت:قصدك خالك اللي هيصرف عليها؟

حمزه باعتراض:لا علي فكره انا بشتغل في الشركة وسوف علي نفسي وهقدر أصرف عليها؟

كان حمزه بيقول كلامه بصوت عالي لأنه اتعصب من كلام احلام فهيا ضحكت وقالت:حنين الأولي علي مدرستها متوقعش انها تبصلك!

حمزه بغيظ:احلاااام ؟

ابتسمت احلام وقالت:ايه !!!الحقيقة بتزعل ولا ايه!

حمره بص لمرسي وقال:انده للدكتور يكتبلي علي خروج؟

احلام بتساؤل:هتروح فين!

حمزه بغيظ:هروح أسالها !

احلام مسكت ايديه وقالت بضحكه:هتسالها فين بحالتك دي اقعد كدا وارتاح لحدما تكون بخير وبعدين اشمعنا هيا يعني؟

حمزه:مختلفه ..وبعدين استني كده اشمعنا خالي برضوا دنتوا مكملتوش اسبوع عارفين بعض حصل ايه علشان تتجوزوا بالسرعه دي؟

احلام ضحكت وقالت:اسبوع ايه يا غبي انت !

حمزه كان مركز معاها وهيا قالت:الظاهر كده اني هضطر احكيلك الماضي بتاعنا وانا مبحبش اقوله لحد!

حمزه بحماس:ها ماضي ايه؟

احلام ضحكت علي كلامه وحماسه الطفولي وبدات تحكيله عن ماضيها ما خاله وانهم كانوا اصحاب مقربين وكانوا اكتر من اخوات فحمزه قال:يعني كل السنين دي وخالي مخبي عليا القصه دي!

احلام بابتسامه:انا متوقعتش اني هقابله تاني بس كان حظي حلو!

حمزه بضيق:ايوا حبي انتي وهو وانا اقعد كده سنجل بائس ووحيد!

في الوقت اللي كانوا بيتكلموا فيه  تيلفون احلام رن برقم غريب فاضطرت توقف كلامها مع حمزه وترد علي المكالمه واول ما سمعت صوت بكاء قالت بقلق:مين ..حنين!

حمزه اول ما سمع اسم حنين بص لاحلام بلهفه واللي كانت ضامة حاجبها برعل من كلامه فقالت :طيب انا هجيلك متقلقيش!

احلام قالت كلامها وقفلت المكالمه وبصت لحمزه علشان تبلغه انها هتمشي فلقته قام وقعد علي السرير وقال بقلق:مالها حنين!

احلام بصدمة من حالته:اي دا يا حمزه ارتاح مينفعش اللي انت عملوا دا!

حمزه:طيب هيا مالها وبتعيط ليه!

احلام :حصلت معاها مشكله في المدرسه فانا هروح احلها معاها لان مفيش حد معاها ؟

حمزه:طيب انا هاجي معاكي!

احلام برفض:لا تروح فين انت ترتاح خالص وانا هروحلها بسرعه وارجعلك تاني؟

قالت احلام كلامها وخرجت ولاكن حمزت منعها وقال:طيب بلغيني اللي هيحصل علي طول!

استغربت احلام قلقله عليها الشديد فحركت راسها بالموافقه وخرجت من الاوضة ولاكن حمزه مكانش قادر يتحمل انه قاعد وهيا بتعيط فبص لمرسي وقال:الدكتور قالك ايه!

مرسي:انا مروحتش اصلا يباشا!

حمره بضيق:روح يا مرسي بسرعه؟

اتحرك مرسي للخارج وحمزة رجع نام تاني علي السرير وكان حاسس بوجع شديد بسبب انه قام بسرعه وهو محتاج للراحه .

وفي الوقت دا كانت احلام سايقه عربيتها بسرعه علشان تروح لحنين واللي كانت واقفه قدام المدير واللي طلع الفلوس من شنطتها وهو بيقول بشك :يا تري كل دول  بتوعك فعلا ولا سرقاهم من زمايلك!

بكت حنين اكتر وقالت:والله ما اخدت حاجة من حد صدقوني؟

المدير اتعصب عليها وكان هيمد ايديه عليها ولاكن احلام دخلت عليهم ومنعته بسوتها وقالت:نزل ايدك دي واحترم نفسك يا استاذ !يتبع بقلمي شيماء صبحي ❤️‍🔥

كانت واقفه قدام المدير واللي طلع الفلوس من شنطتها وهو بيقول بشك :يا تري الفلوس دي كلها بتاعتك فعلا ولا سرقاهم من زمايلك!

بكت حنين اكتر وقالت:والله ما اخدت حاجة من حد صدقني يا مستر دول غلطانين انا مستحيل امد ايدي علي حاجه مش بتاعتي والله ؟

المدير اتعصب عليها وكان هيمد ايديه عليها لانها بتكدب عليه ولاكن احلام دخلت عليهم ومنعته بصوتها اللي بيحذرة ميقربش منها !

أحلام بتحذير:ابعد ايدك دي عنها واحترم نفسك يا استاذ؟

المدير بصلها بصدمة وقال بتساؤل:وانتي مين انتي كمان وازاي داخله كده المكتب من غير استأذان؟

حنين بصت لأحلام بحزن وبصت للأرض بكسرة وأحلام أول مشافت نظرتها قربت منها ومسكت ايديها وقالت بجمود:انا اخت حنين الكبيرة،ممكن أعرف بق كنت بتعمل ايه دلوقت!

المدير بص لحنين وقال بغضب:بربيها علشان مش متربيه ..قال كلامه بسخريه وكمل بصوت عالي وقال : اختك دي حرامية يا أستاذه و بتاخد فلوس زمايلها من وراهم .. 

احلام بضيق منه:وانت مين سمحلك تمد ايدك عليها او حتي تربيها زي ما بتقول هيا مش دي عندها اهل يحلوا مشاكلها ولا باقي الطلبه بق عندهم اهل وهيا عندها ..احلام سكتت بدل ما تقول لفظ مش مناسب وبعدها بصتله وهوا قال !

المدير :وهما فين اهلها دول يا استاذه دي محدش يعرفلها خال من عم دي مشاء الله عليها مقطوعه من شجرة؟

حنين بصت للمدير وقالت:يا استاذ انا عندي اهل واهلي ناس محترمين وبعدين انا المفروض الاولي علي المدرسه دي ازاي حضرتك تشك اني ممكن اعمل كدا وتقول عني الكلام دا؟

المدير بص لحنين وسكت واحلام اتكلمت وقالت:انا عارفه اختي  كويس وواثقة في تربيتها ولو حضرتك عندك دليل يثبت انها حراميه!تقدر توريهولي واحنا هنعرف نعاقبها كويس؟

المدير: ايوا عندي دليل طبعا، واحده من زمايلها شافتها وشاهده عليها ولما فتشوا شنطتها طلعت واخده الفلوس فعلا؟

احلام قالت بتساؤل:انت متأكد يا حضرت المدير ..علي فكره لو طلع كل دا لعبه عاملينها عليها زمايلها انا مش هسكت وهرفع علي المدرسة دي قضيه !

المدير اتوتر وقال:وهيا لو ما اخدتش من زمايلها فعلا الفلوس دي هتجيبها منين؟

احلام بغضب من طريقته في الكلام ونظراته لحنين اللي بتبكي:وليه مش مصدق انها بتاعتها تقدر تقولي اشمعنا هيا اللي مش مصدق انها بتمتلك الفلوس دي!

المدير ببساطه:علشان حنين فقيرة ومستحيل يبق معاها مبلغ زي دا!

حنين بصتلهم بكسرة ودمعها نزلت اكتر وبصت لاحلام بخجل ولاكن احلام ردت علي المدير وقالت بغضب: انت ازاي مدير مدرسه انت ..هو حصل ايه يا استاذ بق مش عارف تكون لبق  في الكلام وبعدين انت غلطان حنين بنت محترمة ومش بتاعت الحركات دي والفلوس دي بتاعها وماخدتهاش من حد حاجة،ومدام حضرتك مش معاك دليل قوي  يثبت فعلا انها حراميه يبق ملكش الحق ابدا انك تمد ايديك عليها ..

المدير بصدمه:انتي ازاي تكلميني كده انا هاخد اجراءاتي ضدك انتي واختك!

احلام :انا اللي هاخد اجراء ضدك ومش بس عند الحكومه لأ دا لوزير التربيه والتعليم بنفسه.

المدير بصلها بسخريه وقال:وانتي بق فاكره انك تقدري توصلي لوزير التربيه والتعليم مرة واحده!

حنين بصت لاحلام وقالت برجاء: احلام احنا في اخر الترم وممكن السنه تروح عليا لو حصلت مشكله؟

احلام بصتلها وقالت بثقه:متقلقيش دا مدير اي كلام وانا هعرف اجبلك حقك منه.

حنين بلعت ريقها بتوتر واحلام قالت:طيب انت بق مش مصدقني انا هوريك..

خرجت احلام تيلفونها واتصلت بماهر واول ما رد عليها قالت:معلش لو برن عليك في وقت مش مناسب بس انا محتاجه مساعدتك بسرعه!

ماهر بانتباه:خير يا احلام حصل حاجه ولا ايه؟

احلام بصت للمدير بضيق وقالت:تعرف تتواصل مع وزير التربيه والتعليم شخصيا؟

اول ما قالت كلامها المدير قلبه اتقبض ولما لقاها ابتسمت وهيا بتقول:طيب المدير بتاع مدرسة حنين مبهدلها وكان عاوز يضربها ومتهمينها بالسرقه .. ماهر بتساؤل:مين المدير دا وامتي كل دا حصل!

احلام:حصل دلوقت المهم لو حقها مرجعش النهارده وكرامتها رجعتلها مش هنكمل في الجوازة دي مع بعض؟

اتصدم ماهر والمدير وحنين من كلامها وهيا كانت بتتكلم بجديه ولما سمعت رد ماهر عليها قالت:طيب انا مستنيه اهو؟

ماهر:طيب المدير دا اسمه ايه والمدرسة دي اسمها ايه !

احلام بصت علي اسم المدير اللي موجود علي مكتبه  وقالته لماهر وبصت لحنين وقالت:اسم المدرسه دي ايه!

حنين بلغتها بإسم المدرسه وبعدها احلام بلغته الاسم وختمت كلامها:بسرعه يا ماهر لو سمحت !

قالت كلامها وقفلت المكالمة  مع ماهر وقربت من المدير وقالت بثقه:يا انا يا المدرسه دي النهارده يا حضرت المدير؟

المدير اتوتر من كلامها وهيا بصت لحنين وقالت:متقلقيش يا حنين من حاجه ،دراستك مش هتتأثر لان ماهر يقدر يتواصل ما الوزاره وهيجبلك حقك منهم ودلوقت بس هتشوفي !

حنين بصتلها وابتسمت لانها مغلطتش لما اتصلت عليها وافتكرت لما المدرس وقفها قدامه وطلب منها تتواصل مع حد من اهلها وطبعا لان اهل حنين محدش فيهم بيطيق ابوها بسبب عمايله فخافت ترن علي حد منهم لانهم هيرفضوا انهم يجوا المدرسه..' 

ففكرت في مامتها وشافت انها هتتعب اكتر لو جت المدرسه  فافتكرت وقتها الرقم اللي احلام كتبتهولها في ورقه علشان تتواصل بيها ، فقررت تدي رقمها للمدرس وبلغته انها قريبتها واول ما المدرس رن عليها واداها تتواصل معاها بلغتها حنين باللي بيحصل معاها وهيا خجلانه من نفسها..

احلام حطت ايديها علي كتف حنين لما لقتها واقفه سرحانه وقالت بجديه:بعدما يوصله المكالمه دلوقت ويعرف ان الله حق عرفيني مين البنت دي اللي اتبلت عليكي .

حنين حركت راسها بالموافقه وقالت بخجل منها:انا اسفه يا احلام علشان  جبتك علي ملى وشك وتعبتك معايا ؟

احلام ابتسمت بهدوء وقالت:متتأسفيش يا حنين انتي فعلا اختي الصغيره ومن النهارده اي حد يقفلك في حاجه متترديش ابدا واتصلي عليا ،علشان انا اعرف الأشكال دي كويس وهما مبيجوش غير بالطريقه دي.. 

حنين حركت راسها بالموافقه ووقتها تيلفون المكتب  بتاع المدير  رن  والمدير اتخض وقرب منه ورد وقال:الو سلام عليكم؟

مساعد الوزير بضيق: معاك مساعد وزير التربية والتعليم ..المدير بتوتر وصوت مهزوز:اهلا وسهلا يا فندم !

مساعد الوزير بضيق:عندكوا طالبة اسمها حنين قاسم فؤاد الدهشيري..

المدير حرك راسه بالموافقه وهو بيبص لاحلام وحنين وبيقول:ايوا يا فندم!

مساعد الوزير بجدية :انت فعلا اعتديت علي البنت ومديت ايديك عليها!

المدير بخوف وتوتر:ابدا يا فندم دا بس كل الموضوع سوء تفاهم مش أكتر!

مساعد الوزير:معاك ١٠ دقايق تحل المشكله دي يا اما هتتعرض للتحقيق ..المدير اتصدم وقال:هو مين اللي عمل البلاغ دا يا فندم!

مساعد الوزير :اللي بعتلنا البلاغ دا راجل اعمال تقيل في البلد ويبق حبيب الوزير  شخصيا ومتوصي عليه جامد .. انا عاوز الموضوع يخلص ومش عاوز مشاكل تاني!

المدير باعتذار:احنا اسفين يا فندم ،اوعدك ان انا هحل الموضوع بسرعه سعادتك وبلغ الوزير اعتذاري!

المساعد وافق وقفل معاه المكالمه ووقتها المدير بص لاحلام وقال بتوتر:انتي فعلا اختها الكبيره؟

احلام بصت لحنين وحركت راسها بالموافقه وقالت:ايوا اختها وعلي فكره اللي عمل البلاغ دا يبق جوزي!

المدير قام وقرب من حنين وقال بخجل من نفسه:معلش يا حنين انا اسف صدقيني مش قصدي ازعلك مني وتعالي معايا انا هحل المشكله دي بنفسي؟

حنين بصتله بصدمة لانه أتغير فجأة فبصت لاحلام واللي حركت راسها بالموافقه وقالت:انا جايه معاكوا ومش همشي غير لمًا اللي غلطوا في حنين يعتذروا منها!!

المدير حرك راسه بالموافقه وقال:طبعا هيعتزروا …قال كلامه وشاورلهم يخرجوا من المكتب وفعلا اتحركوا كلهم لخارج المكتب واتجهوا لفصل حنين؟

وفي الفصل كانوا البنات والاولاد متجمعين وبيتكلموا علي حنين بطريقه مش حلوة وكان سليم قاعد متضايق من كلامهم وقال بغضب:حنين ما اخدتش حاجه من حد وكل واحده تحترم نفسها!

البنات بصوا لسليم باعتراض وقالوا:وانت خايف عليها ليه يا سليم باشا معقول تكون بتحبها!

سليم كان هيرد عليهم ولاكن المدرس والمدير وحنين واحلام دخلوا عليهم!

الطلاب اول مشافوهم كل واحد قعد علي المقعد بتاعه بسرعه والمدرس قال بصوته القوي:قيام؟

كل الطلاب وقفوا وقالوا التحية باحترام وبعدها المدير قال:فين البنت اللي شافت حنين وقالت انها اخدت فلوس زميلتها!

وقفت جنه بتوتر والمدير بصلها وقال: طيب وفين البنت اللي فلوسها اتسرقت؟

قامت البنت اللي فلوسها ضاعت والمدير قال وهو بيوجه كلامه للبنت اللي ضاعت منها الفلوس:انتي اخدتي الفلوس بتاعت حنين علي اساس انها بتاعتك..البنت حركت راسها والمدير كمل كلامه وقال :انتي متاكده انها فعلا فلوسك!

البنت اتوترت من كلامه لانها فعلا مش متأكدة ان حنين سرقتها لان الفلوس بتاعتها فجأة اختفت فمكانتش عارفه هما ضاعوا ولا اتسرقوا فالبنت مردتش علي المدير وهوا بصلها وقال بجديه:سكتي ليه ..؟

البنت بصتله وسكتت تاني بخوف وهوا قال بغضب:لا انا عاوز رد يا اما اعتبري نفسك عايدة السنه دي؟

البنت خافت وحركت راسها بالرفض وقالت:انا مش متاكده بس هيا اكيد فلوسي؟

المدير بصلها وقال بضيق:ولما انتي مش متاكده بتتهمي زميلتك ليه! 

البنت برفض:يا مستر انا متهمتهاش دي جنة اللي قالت انها شافتها بس..!!

المدير وجه كلامه لجنة واللي كانت بتفرك في ايديها بتوتر وقال بجديه:انتي شوفتي زميلتك حنين بتاخد فلوس زميلتها  فعلا يا جنة'

حنين بصتلها بانتباه وجنة حركت راسها بالرفض والمدير قال:يبق انتي كدابه واتهمتي زميلتك بق علشان موضوع خاص بيكوا؟

جنة بصت لحنين وقالت باحتقار:يا مستر انا مفيش بيني وبينها مشاكل علشان اتهمها بحاجه هيا معملتهاش بس هيا كانت بتخبي الفلوس  في شنطتها بطريقه غريبه واي حد يشوفها يقول انها سرقاهم!

حنين بصت في الارض وسكتت واحلام بصتلها وفهمت ان حنين وراها سر مخبياه فالمدير رد علي جنه وزعق فيها وقال:انتي ازاي تتكلمي علي زميلتك كدا ؟

جنة كانت هتتكلم وتعترض ولاكن المدير قال اخر كلامه: الطالبة جنة وزميلتها خلود رفد اسبوعين ومفيش رجوع للمدرسه من غير ولي امرهم ؟

البنتين بصوا لبعض بصدمه والمدير كمل كلامه وقال:بعد كده اي واحدة او واحد هيتهم زميله باي حاجه معملهاش هيترفد زيهم بالظبط علشان كل واحد يحترم زميله ويعرف انه جاي دي المدرسه يتعلم واي موضوع شخصي يخلص برا المدرسه ؟

حنين بصتلهم بحزن لانها مكانتش تتمني انهم يترفدوا ولاكن هما اللي جابوه لنفسهم!

المدير قال :قوموا اعتذروا من زميلتكم وانتي يا خلود رجعليها فلوسها اللي اخدتيها وبعد كده ابق انتبهي لفلوسك مدام خايفه عليهم اوي كدا ..

خلود اتحركت بخجل وفتحت شنطتها وطلعت منها الفلوس وقربت من حنين وقالت :اتفضلي يا حنين انا اسفه!

المدير بصلها برضى وبعدها جنة قربت من حنين وهيا مش طيقاها وقالت بضيق :انا اسفه!

المدير باعتراض:اعتذري كويس يا جنة؟

جنة بصتلها بكره شديد وقالت:انا اسفه يا حنين متزعليش مني؟

حنين حركت راسها بالموافقه والمدير سمحلهم يرجعوا تاني لمقاعدهم  وبعدها بص لاحلام  وقال:مدام احلام انا عملت اللي عليا اهوا في حاجه تانيه حابه نعملها؟

احلام بصت لحنين وقالت:ارجعي اقعدي مكانك  انتي يا حنين ولو اي واحده اتعرضتلك تاني عرفيني!

حنين حركت راسها بالموافقه ودخلت تقعد مكانها ووقتها احلام بصت للمدير وقالت:خلينا نكمل كلامنا  عند حضرتك في المكتب!

المدير حرك راسها بالموافقه وخرج واحلام وراه ورجعوا لمكتبه!

المدير بصلها وقال بابتسامه متوتره :مش هتبلغي  جوزك بق ان المشكلة اتحلت.

احلام برفض:مين قالك ان المشكله اتحلت انا لازم اردلك القلم اللي كنت هتضربهولها الأول!

المدير بصدمه:افندم انتي بتقولي ايه!

احلام :خلاص مش هتصل بحد وخليك بق تتعرض للتحقيق!

المدير بصلها بصدمه من جرأتها وقال: بس دا مينفعش يا مدام انا برضوا مضربتهاش!

احلام بمقاطعه لكلامه:لولا اني دخلت ومنعتك كان زمانك ضاربها ..

بعد دقايق خرجت احلام من مكتب المدير وهيا مبتسمه والمدير كان في مكتبه حاطت ايديه علي خده بآلم وهو بيقول:اه يا بنت ال…

كانت احلام ردتله القلم اللي كان هيضربه لحنين وخرجت واول ما خرجت ابتسمت بانتصار لانها مش بتحب ابدا ان حد يستغل شخص ضعيف لكونه ملوش ضهر يتسند عليه..فاتصلت بماهر واللي كان قاعد علي مكتبه مصدوم من مكالمتها واول مشافها بترن رد عليها وقال:خير يا احلام!

احلام بابتسامه:شكرا يا ماهر علي اللي عملته علشان حنين!

ماهر بصدمه:احلام انتي مستوعبه انتي قولتيلي ايه من شويه في التيلفون..ضحكت احلام  وهيا بتفتكر انها هددته بإنهاء جوازهم فقالت:معلش كان لازم اعمل كده علشان المدير دا كان بيسخر مني ومش عارف اني اقدر اخد حقها!

ماهر اتصدم من كلامها وحس انه وقع في حب مجنونه واتاكد انه لبس فيها خلاص..

احلام قالت علشان تصالحه:انا كان عندي خبر كدا هيفرحك اوي وكمان هينسيك اللي حصل!

ماهر:اتفضلي قولي  !

احلام بخجل:انا وافقت نكمل جوازنا خلاص وبلاش موضوع الخطوبه اللي انا اقترحته دا!

ماهر ابتسم علي كلامها وقال:انتي بتتكلمي بجد يا احلام'

احلام:ايوا ايه عندك اعتراض.

ماهر برفض:ابدا هو انا  اقدر اعترض علي كلام  ١٠٠ ال١٠٠زي دا.

ابتسمت احلام بخجل وقالت:طيب انت هترجع امتي النهارده؟

ماهر:مش هتاخر ،بتسألي ليه.

احلام وشها احمر بخجل شديد فقالت :مفيش بسأل ..المهم دلوقت انا هرجع المستشفي علشان حمزه مستنيني علي نار علشان يعرف اخبار حنين..

ماهر ابتسم وقال:طيب خلي بالك علي نفسك ومتروحش في اي مكان تاني من غير ما تعرفيني علشان اكون مطمن عليكي..احلام بهدوء:حاضر يا حبيبي !

ابتسم ماهر وقفل معاها المكالمة واحلام وقتها كانت خرجت من المدرسه وركبت عربيتها  واتحركت في طريقها للمستشفي؟

وفي فصل حنين كانوا جميع الطلبه باصين عليها لانهم ظلموها وشكوا فيها ولاكنها كانت حزينه علشان اتخذلت منهم فكانت فاتحه الكتاب وبتذاكر وهيا متجهلاهم وفجاة سليم قرب منها وبدون مقدمات قال:حنين انتي كويسه؟

حنين حركت راسها بالموافقه وبصتله وقالت:انا كويسه ..لو سمحت يا سليم بلاش تقرب مني تاني لاني مش هستحمل ان حد يقول عليا كلمة مش كويسه'

سليم اتضايق من صدها ليه علي طول فحرك راسه بالموافقه ومشي وهيا فضلت تكمل مذاكرة وكانت في الديسك المقابل ليها جنة واللي كانت قاعده وبتبص عليها بكرة وغضب ومش مستوعبه انها اعتذرت منها لانها شايفه ان حنين اقل منها بكتير في المستوي وانها متستحقش ان شاب زي سليم يحبها هيا؟

____________في المستشفي 

كان مرسي رجع وبلغ حمزه ان الدكتور رفض يكتبله علي خروج بسبب انه لسا متحسنش كفايه فحمزه اتضايق وقرر ينام لحدما احلام ترجع وبعد ساعه رجعت احلام وعلي ملامح وشها ابتسامه واول ما دخلت غرفته وحمزه شافها قال بلهفه:احلام طمنيني كانت ايه المشكلة؟

احلام قعدت قدامه وهيا بتفكر تقوله ايه غير انهم كانو متهمين حنين بالسرقه فانتبهت لسؤاله تاني فبصتبه وقالت :مفيش كانت متخانقه مع واحده زميلتها وكانوا عاملين مشكله مع بعض؟

حمزه بدهشه:بق الملاك البريئ دي بتتخانق!

ابتسمت احلام وقالت:ايوا عادي وبعدين انت مالك كده مش علي بعضك ليه دا انت مشوفتهاش غير مره؟

رفعت احلام صوباعها قدام وش حمزه واللي قال باعتراض علي كلامها:لا شوفتها مرتين!

احلام بصتله بشك وقالت :والله!دا امتي دا؟

حمزه :يوم ما ازاز بلكونتك اتكسر وانا اتخانقت بدالك وشوفتها ولما طلبت منك تعرفي هيا مين وتعرفيني عليها  زعقتيلي'

احلام حركت راسها بتفهم وقالت:امم دا انت واقع من يوميها بق علي كده؟

حمزه برفض:لا مش واقع ..انا ميت في بحور عشقها'

احلام ضحكت علي كلامه وهوا افتكر ملامح حنين وضحكتها وابتسم واول ما افتكر انه كان بيدور علي الاكونت بتاعها بص علي احلام وقال بتساؤل:احلام ممكن تساعديني اوصل لحسابها علي الفيس بوك'

احلام:معرفش والله يا حمزه بس انا متهيألي كده انها مش معاها موبايل؟

حمزه بدهشه:معقول في حد معهوش موبايل في الوقت دا'

احلام :ايوا يا حمزه في ناس معهاش عادي لان مش كل الناس زي بعض في ناس مستواها المادي كويس وفي ناس مستواها علي قدهم'

حمزه بصلها وقال بتساؤل:وهيا حنين مستواها المادي واقع اوي كده!

احلام بضيق:بلاش نتكلم في الحجات دي علشان مش من حقنا وبعدين انا شايفه ان انت متفكرش كتير فيها لانها لسا صغيره وانت بتاع بنات ومش واثقه فيك!

حمزه بلهفه:لا يا احلام انتي غلطانه انا بجد من وقت ما شوفتها اتغيرت وقررت اتغير من أجلها والله'

احلام بصتله بشك وقالت:والله انا برضوا مقدرش اقولك حاجه تانيه لاني معرفش هل حنين فعلا بتفكر في الارتباط  دلوقت ولا الدراسه ..بس انا هقولك اللي انا شيفاه!

حمزه بصلها بانتباه وهيا قالت:حنين مهتمة بدراستها واعتقد انها مبتفكرش في الارتباط .

حمزه ضم حاجبه بزعل وقال:انتي قفلتيها في وشي لي كده دا انا كان عندي أمل كبير ؟

احلام طبطبت علي كتفه وقالت بابتسامه:انا شايفه انك تهتم بدراستك انت كمان وبعدما تخلصوا خالص ابق اتقدملها..

حمزه حرك راسه برفض وقال:بس انا مبحبش الهندسه وبعدين السنه دي راحت عليا خلاص!

احلام بصتله وحركت راسها بتفكير وقالت:مادام مش بحب الهندسه شوف حاجه تانيه تكون بتحبها وحول ليها..؟

حمزه بابتسامه:بصي انا بحب المزيكا والتمثيل بس خالي رافض ومش عاوزني اطلع غير مهندس..

احلام بصتله من فوق لتحت وقالت:بصراحه انا مش عارفه هوا شايفك مهندس ازاي ،...بس ثانيه واحدة  انت بتقول تمثيل ؟

حمزه حرك راسه بالموافقه وهيا قالت :طيب انت شايف نفسك عندك موهبة ولا لسا هتتعلم؟

حمزه ابتسم وقال بحماس:لا طبعا عندي موهبه ؟

احلام بصتله وقالت بشك:اشك بصراحه انك موهوب..حمزه رفع حاجبه بضيق وقال:طيب استني انا هوريكي ..اطلبي مني امثلك اي حاجه وانا تحت امرك!

احلام بصت لشكله وقالت:هتمثل ازاي وانت مش عارف تحرك ايدك حتي؟

حمزه بفقدان امل:خلاص بعدين ..المهم دلوقت مفيش امل خالص اوصل لحنين.

ضمت احلام كتفها وحركت راسها بعدم علم ..

وحمزه قال وهو بيرجع راسه :طيب خلاص انا هنام بقى عشان اشوفها في حلمي  ..اهي اي حاجه أصبر بيها نفسي علي ما اوصلها'

ابتسمت احلام وحركت راسها بالموافقه وقالت:وانا برضوا عندي مشوار هخلصه وهبق اجيلك بالليل مع خالك ماهر !

حمزه حرك راسه بالموافقه وقال:خلي بالك علي نفسك يا مرات خالي؟

الجمله ضحكت احلام لدرجة انها وقفت مكانها وبصتله وقالت بابتسامه :ماشي يا بتاع حنين!

حمزه ابتسم وقال:الله حلوه قوليها تاني كدا .

احلام سابته ومشيت وهوا بص لمرسي اللي قاعد ساكت وقال:مش هتروح تشوف شغلك ولا ايه يا مرسي!

مرسي وقف بانتباه وقال:بتقول ايه يا حمزه بيه!

حمزه ضحك علي شكله وقال:بقولك روح شوف شغلك خلاص انا هنام وانت هتفضل قاعد كده ..ملوش لازمه يعني ..

رواية حبيبي المدير بقلمي شيماء صبحي 

مرسي حرك راسه بالموافقه وقال:زي ما حضرتك تحب يا بيه انا تحت امرك..قال كلامه واتجه للباب وقال:اهم حاجه خلي بالك علي نفسك!

حمزه ابتسم وقال:متقلقش عليا يا مرسي وخلي بالك انت علي نفسك!

ابتسم مرسي وخرج وساب حمزه واللي بدا يغمض عينيه وبيتخيل شكل حنين علشان تجيله في الحلم وبعدما بدا يحس بوجودها نام؟

_______________

في منطقة احلام وبالتحديد في منزل الست ميرفت كان صابر ابنها بيجهز ورقه اللي هيقدمه في شركة الصياد لانه زهق من شغله كسواق تاكسي وحابب يكون ليه وظيفه يقدر من خلالها يعتمد علي نفسه ويتقدم للي قلبه حبها؟

ميرفت قالت وهيا بتدعي ان ابنها يتقبل:روح يا ابن بطني ربنا يوقف في طريقك ولاد الحلال وتتقبل في الشركة اللي بتحبها دي يا رب؟

صابر قرب منها وقبل اعلي راسها وقال بحب:يسمع من بوقك ربنا يا اغلي حاجه في حياتي..

ابتسمت ميرفت وطبطبت علي راسه بحنيه وقالت بحب كبير:ربنا يوسع رزقك ويرزقك ببنت الحلال اللي تريح قلبي من ناحيتك؟

ابتسم صابر وهو بيغمض عينيه وبيتمني انه يقدر ياخد خطوه ويعترف لمروه قبل ما حد تاني يسبقه ..

صابر قال قبل ما يخرج من البيت:انا همشي انا يا امي خلي بالك علي نفسك ..

امه ابتسمت وحركت راسها وقالت:حاضر يا قلب امك روح ربنا يحفظك!

ابتسم صابر وخرج من البيت وركب عربيته واتحرك في طريقة لشركة الصياد !

_______________

وفي شركة الصياد كان قاعد ماهر في مكتبه بيخلص مراجعات لورق الشحنة الجديده وكان مركز جدا في الورق اللي قدامه وكانت قاعده جانبه السكرتيره واللي معاها اوراق محتاجة امضته وكانت من الوقت للتاني بتديله كام ورقة يمضيهم؟

كانوا الاتنين مركزين في الشغل  لدرجة انهم منتبهوش لصوت طرق الباب..

 كانت اللي بتخبط علي الباب احلام واللي جت علشان تكلم ماهر بخصوص والدة حنين وظروفهم لانها لما قعدت مع المدير لوحدهم في المكتب وسألته بينه وبنيها  ليه هوا و اصحابها متهمين حنين بالسرقه  وكانوا متأكدين اوي؟

شرحلها المدير ان حنين بنت فقيره جدا وطول عمرها معروفه في سط زمايلها وبرغم انها شاطره صحيح بس بتيجي المدرسه بلبس قديم وشنطة متبهدله وحتي الكتب الخارجيه بتاعها بتكون واخداها من بنات السنه اللي قبلها..

زعلت احلام علي حالها وفهمت ان الفلوس اللي مع حنين ممكن تكون واخداهم من حد فعلا بس هيا اكيد مش سرقاهم لان حنين من وقت ما احلام عرفتها وهيا بنت محترمه ومش باصه للي في ايد غيرها وافتكرت احلام  لما كانت بتعرض عليها مبلغ مساعدة كانت بترفض ففهمت انها عندها عزة نفس رهيبه فلما خلصت احلام كلامها مع المدير وهو طلب منها تكلم جوزها وتبلغه ان الموضوع خلص بصت احلام في وشه ولقت انها عاوزه تاخد حق حنين منه لانه كانت بيتهجم عليها وعاوز يضربها !

وبعدما احلام  ردتله القلم اللي كان هيصفعه لحنين وخرجت، فكرت انها تروح وتاخد مبلغ من ماهر من غير ما تعرف حد وتديه لوالده حنين وتستغل ان حنين في المدرسه وتروح هيا لوالدتها ؟

ولما احلام وصلت لشركة ماهر كان هناك منعم واللي ساعدها انها تدخل من غير ما تقف عند موظفة الاستقبال واتجهت احلام للاسانسير وطلعت بسرعه لمكتب ماهر؟

خبطت احلام علي الباب ولاكن مسمعتش رد فخبطت تاني ولاكن برضوا مسمعتش رد فقررت احلام تدخل واول ما فتحت الباب وشافت سكرتريه ماهر مقربه منه جدا وبتبصله بنظرات اعجاب…خبطت احلام علي الباب بقوه علشان تثير انتباههم واول ما ماهر شافها أتفاجأ من وجودها ..

السكرتيره بعدت عن ماهر وقربت من احلام وقالت:حضرتك ازاي تقتحمي الغرفة كده وازاي اصلا تدخلي هنا من غير ما تستأذني؟

احلام كانت عينيها علي ماهر واللي كان باصص عليها وساكت فلما انتبهت ان السكرتيره بتشاورلها وبتزعق ..بصتلها وقالت :بتكلميني انا؟

السكرتيره بصت لماهر وقالت:حضرتك البنت دي غريبه يا فندم والمره اللي فاتت كانت تصرفاتها مش طبيعيه تحب حضرتك ابلغ الأمن؟

احلام بدهشه من كلامها:أمن؟

ماهر وقف بسرعه وقرب منهم وقال وهو بيوجه كلامه للسكرتيره:اخرجي انتي يا همس  دلوقت وكملي شغلك!

احلام كانت حاسه بغيره شديده في قلبها من قرب السكرتيره من ماهر ولاكن اللي أثار غضبها دلوقت هوا كلام السكرتيره  ليها ،فأول ما لقته متجاهل كلام السكرتيره عنها وخلاها تخرج قررت احلام تخرج وراها هيا كمان ولاكن ايديه منعتها؟

احلام بضيق:سيب ايدي انا هخرج؟

ماهر ابتسم وقال برفض:لا مش هسيب ايديك !

احلام لفت وبصت في وشه وقالت بصدمة:مش هتسيب ايدي طيب.. قالت كلامها وهيا بتقرب وشها من ايديه علشان تعضه وتخليه يسيبها ولاكن كانت ايديه التانيه اسرع منها وشالها ضمها لصدره بسرعه؟

احلام بخجل:ايييه دا ..نزلني!

بصلها ماهر في وشها وقال:انتي هتجننيني بتصرفاتك دي !! انتي مش لسا كنتي في المدرسه عند حنين وقولتيلي انك رايحه لحمزه؟

احلام ردت عليه بضيق وقالت:منا روحتله وقعدت معاه شويه وسيبته علشان نام ؟

ماهر بصلها وقال بتفهم:طيب انتي كنتي جايه تعمليلي مفجأة هنا ولا ايه؟

احلام برفض:لا طبعا وبعدين انا مش عاوزه حاجه انا همشي ؟

ماهر ابتسم وقال:طيب ممكن تهدي وانا هصالحك!

احلام باستغراب:تصالحني ليه هو انت غلط فيا او عملت حاجه تضايقني!

ماهر بصلها واستغرب انها بتقول كلامها وهيا بصاله بغضب وضيق فقال وهو بيشاور علي حواجبها اللي ضماهم :امال ايه وشك دا وليه ضامه حواجبك كده!

احلام عدلت وشها وبصت في عينيه وقالت :ممكن تنزلني بس الاول علشان انا مش مرتاحه وانت شايلني زي الطفلة كده!

ماهر حرك راسه بالموافقه ونزلها وهيا جريت بسرعه علشان تخرج ولاكنه قفل الباب من عنده بسرعه قبل ما هيا تقرب منه!

احلام بضيق:انا الظاهر غلطت في العنوان مش دي الشركة اللي انا جايلها ،لو سمحت افتح الباب خليني اخرج من هنا!

قرب ماهر منها وهيا كانت بتبصله بتوتر وبتقول:افتح الباب !

ماهر حرك راسه بالرفض وفضل يقرب منها اكتر لحدما وصلت للحيطه وبدات تبص حواليها وهيا بتقول:لو قربت هصوت والم عليك الموظفين واخليهم يشوفوا مديرهم المحترم بيعمل ايه مع بنت بريئة وغلبانه زيي؟

ابتسم ماهر علي كلامها وقال بسخريه :موظفيني لما يعرفوا ان البنت البريئة الغلبانه دي مراتي هيقدروني كويس!

احلام بصت علي ملامحه وقالت بتوتر:هو انت ممكن تبعد شويه علشان انا مش مرتاحه وانت قريب مني كده!

ماهر مسك ايديها ورفعها علي الحيطه وكان مركز مع عيونها وقال برفض: انا مرتاح كده وبعدين انتي متضايقه ولا حاجه!

احلام :ايوا؟

ماهر:معلش!

احلام:ابعد يا ماهر بق بجد انا مش بهزر..؟ ماهر قرب منها اكتر وهيا وشها بدا يحمر وغمضت عينيها بقوة لانها عارفه انها هتستقبل قبلة دلوقت ..

ماهر ضحك علي شكلها فقرر يقبلها واول ما لمس شفايفها ..احلام حست بان قلبها هيخرح من شدة النبض..

بعد ماهر عنها بسرعه وسابها واقفه سرحانه واول ما انتبهت لنفسها بصتله بضيق لانه بيلاعبها ،فقربت منه وقالت :ماهر انت فاكر لما انا قولتلك من شويه في التيلفون اننا نكمل جوازنا.

ماهر مردش عليها وقعد علي الكرسي وهيا قالت بغضب:انا بسحب كلامي وانا بق مش هتجوزك ولو الارض دي اتهدت كدا فوقنا دلوقت برضوا مش هتجوزك علشان انت ماخدتش حقي وزعقت للبنت دي وسايبها تقول عني بتصرف تصرفات مش طبيعيه وغريبة ..وكل دا ليه علشان دخلت مكتبك وانت اصلا مش غريب عني  دا مكتب جوزي؟

قالت كلمة جوزي بغضب وصوت عالي '

ماهر بصلها ودي كانت اول مره يشوفها متضايقه وغيرانه عليه بالمستوي دا ..فقام تاني علشان يصالحها ويهديها ولاكنها كانت بتبعده بايديها كل ما يقرب منها  وبدات دموعها تنزل لانها عمرها ما سمحت لشخص يقل منها ابدا فقالت بغضب:انا هروح اضربها واخد حقي منها ولو عاوزين ترفعوا عليا قضيه انتو الاتنين براحتككوا بق انا عندي ادخل السجن بكرامتي ولا اني اسمح لحد يغلط فيا ؟

ماهر مسكها جامد وضمها لحضنه بعد محاولات كتير وهيا كانت بتحاول تبعد عنه ولاكنه كان مأمن جامد عليها وماسكها كويس!

ماهر بتساؤل:لما انتي مش جايه تعمليلي مفجأة ممكن اعرف كنتي جايه ليه،

احلام افتكرت حنين وقالت:كنت هاخد منك فلوس اروح اديهم لوالدة حنين لان فلوسي خلصت علشان مش بشتغل؟

ماهر حرك راسه بتفهم فقال وهو بيقرب راسه من رقبتها:وتشتغلي ليه بس وانتي زوجة راجل ملياردير!

احلام :اديك قولتها زوجي مش انا..لما ابق مليارديره هوقف شغل؟

ضحك ماهر علي كلامها وقال:خلاص يا ستي انا هديكي ثروتي كلها ومتشتغليش.

احلام غمضت عينيها وقالت بسخريه علي كلامه:شكرا مش عاوزه حاجه منك وبعدين دا واجبك اصلا وفلوسك هيا فلوسي،متحسسنيش انك بتعمل معايا جميل.

ضحك ماهر علي كلامها وقال:وانا بس قولت ايه غير كدا ..

احلام :طيب سيبني كدا بس اروح اخد حقي علشان مش هيجيلي نوم النهارده!

ماهر برفض:مينفعش يا احلام وبعدين هيا كانت بتشوف شغلها لان مش مسموح لاي شخص يدخل هنا بدون اذن؟

احلام:يعني انتي بتعتبرني شخص.

ماهر حرك راسه بالرفض وقال:لا انتي مراتي وحبيبتي'

احلام بضيق:يبق ما تقولش بق بتشوف شغلها والكلام دا علشان انا مش هسكت بق انا بقولك اهو'

ماهر بتعب :انتي مش بتتعبي يا احلام من الفرهده دي وبعدين هتضريبها ازي وانا موجود مينفعش!

احلام بضيق:خلاص لف وشك  او امشي علشان متشوفش'

ضحك ماهر وقال :انتي مشكلة بجد يا احلام انا متوقعتش انك مجنونه بالشكل دا..

احلام :لا بق دا انت زودتها اوي شكلي كده هضرب الموظفة والمدير..

قالت احلام كلامها ونزلت علي ركبتها بسرعه وقدرت تفلت من تحت ايديه فبصتله وقالت بتحدي:انت هطلقني علشان اللي يرفض ياخد حقي يبق مش بيحبني وبعدين انا بقا عاوز دمي اللي انا ادتيته لحمزه  ابن اختك ..انتو اصلا عيله متستاهلش تضحياتي؟

قالت كلامها وهيا بتمد ايديها ورافعه حاجبها وكأن ماهر هيحطلها الدم   افي ايديها ..

ماهر رفع حاجبه بصدمه من كلامها وهيا قالت:انت هتبصلي كتير بقولك عاوزه دمي؟

ماهر لما استوعب كلامها ضحك بقوة لدرجه ان حس ان انفاسه هتنقطع..احلام بصتله واضايقت انه بيسخر منها ولاكنه وقف وقرب منها وكان بينهج وبيقول:انتي عاوزه ايه مني ..دخلتي شقلبتي حياتي وخليتي ليها معني؟

خجلت احلام من كلامه وهوا قال:يا ستي انا من غير ما تقولي كنت هاخدلك حقك منها بس بالعقل .

احلام سكتت وهوا قرب من خدها قبلها وقال:انا بس محتاجها معايا دلوقت علشان عندنا ضغط شغل يعني مقدرش اغير منصبها حاليا!

احلام :انا ممكن اشتغل مكانها؟

ماهر :مش عايز اتعبك معايا وبعدين هيا حاليا  فاهمه شغلها اكتر واوعدك اني اول ما اخلص الشحنات دي هشغلك معايا في الشركه وهديكي منصب يليق بخبراتك؟

احلام بصتله بتفكير وقالت:لا خلاص مش عاوزه حاجه وبعدين انا مش بحب الواسطه في الشغل انا لما بوصل لمنصب بوصله بمجهودي.

ماهر بتفهم:خلاص اللي تشوفيه المهم دلوقت خليني اجي معاكي ونروح لوالدة حنين مع بعض!

حركت احلام راسها بالموافقه وهوا قرب من مكتبه واخد موبايله ومحفظته وقال:خلينا نخرج!

احلام بتساؤل:مفيش مرايا هنا اظبط فيها طرحتي!

ماهر شاورلها علي غرفة وقال:ادخلي الاوضة هناك وظبتي هدومك براحتك!

احلام حركت راسها واتجهت للاوضه وماهر اخد نفس عميق وهوا بيبص عليها وبيقول:هترجعيني اتمرن تاني منك لله؟

دخلت احلام للغرفه وعدلت هدومها وبعد دقايق خرجت لاقته واقف مكانه وفاتح موبايله ومركز فيه..احلام :انا خلصت؟

ماهر انتبه ليها وقال:طيب خلينا نخرج'

احلام حركت راسها بالموافقه وخرجت وهو وراها واول ما خرجت بصت علي مكتب السكرتيره لقتها مش موجوده فبصتله وهو ابتسملها ففهمت انه اكيد طلب منها تمشي لحدما يخرحوا فحركت راسها وقالت بتحذير:ماشي؟

مسك ماهر ايديها وقال:خلاص بق انا فهمتك كل حاجه!

احلام حركت راسها بالموافقه ومشيت جمبه وهوا كان بيحط ايديه علي وسطها ولاكنها بتنزلها بضيق فمسك ايديها بعد معناه منها واول ما الاسانسير نزل اول دور خرجوا الاتنين منه ومشيوا جمب بعض وايديهم في ايدين بعض..

طبعا كل الموظفين كانوا بيبصوا عليهم بصدمه وبيسألوا بعض مين دي اللي معاه ..لحدما ماهر واحلام خرجوا من الشركه ووقتها بدات الاصوات تعلى في الداخل  والكل بيتهامس عليهم وبيسألوا  بعض معقوله يكون ماهر باشا ارتبط؟

في عربية ماهر كان ركب هو واحلام وطلب من منعم ينزلهم عند اقرب ATM وبعدها يوصلهم لبيت حنين ..

احلام كانت بتبصله بضيق لسا وهوا قرب منها وقال بهمس:بحبك يا احلام مهما عملتي'

خجلت احلام من كلامه وبصتله وقالت:وانا مش بحبك يا ماهر يا صياد ؟

لف ماهر وشه وابتسم علي كلامها وفهم انه هيتعب معاها ومع عنادها اللي مالوش اخر فبص علي الطريق واتنهد وقال:معايا يارب ..

اتجه ماهر الصياد برفقة زوجتة أحلام الي منزل والدة حنين..دخلت احلام الاول علشان تبلغ والدة حنين ان زوجها معاها واول ما دخلت وخبطت علي الباب..فتحلها حمزه الصغيرة وهو بيقول :مين اللي بيخبط؟

ابتسمت احلام وهيا بتبصله وبتقول وهيا بتقلد نبرة صوتة :أنا احلام؟

اول ما حمزه شافها ابتسم وقال:طنط احلام ازيك..قربت احلام من الطفل وقبلته بابتسامه وقالت:الحمدلله يا قمري انت عامل ايه؟

حمزه بخجل:كويس؟

احلام:ماما موجوده !!

حمزه حرك راسه بالموافقه وقال:ايوا جوا؟

ابتسمت احلام وقالت :طيب ادخل بلغها اني موجوده وعمو ماهر معايا وخليها لو مش لابسه الطرحة تلبسها..

حرك حمزه راسه بالموافقه ودخل بسرعه يبلغ مامته بالكلام اللي احلام قالته ووقتها أحلام خرجت لماهر اللي مستنيها برا وقالت:مامت حنين جوا بس هنستني دقيتين هنا بس لحدما تجهز؟

ماهر حرك راسه بالموافقه وكان ماسك في ايديه ظرف فيه مبلغ وقال:متأكدة انها هتقبل مننا الفلوس ومش هترفض..

احلام ابتسمت وقالت:متقلقش يا ماهر وبعدين خليني انا اللي اديهملها بيني وبينها علشان متتحرجش!

ماهر حرك راسه بتفهم وادالها الظرف واحلام حاطته في شنطتها ووقتها نورا خرجت وهيا بتقول بابتسامه:استاذ ماهر ،استاذه احلام اتفضلوا ..نورتونا والله؟

لف ماهر واحلام بجسمهم وبصوا لنورا وابتسموا وقالوا في نفس الوقت:دا نورك!

نورا فتحت الباب اكتر وقالت بابتسامه لطيفة :اتفضلوا .معلش وقفتوا برا كتير؟

أحلام بابتسامه صافيه:ولا اي حاجه احنا اصلا يا دوبك لسا واصلين ....

نورا شاورتلهم يقعدوا علي الكنبة وهيا دخلت بسرعه للمطبخ علشان تجيبلهم ضيافة ولاكنها لاقت المطبخ فاضي من كلة..كان حمزة قاعد جمب احلام ومبسوط بوجودها لانها حنينه عليه وبيحبها..

احلام لمست خده بلطف وطلعت مبلغ بسيط من شنطتها وقالت :ممكن تقبل الهدية دي مني!

حمزه بص للفلوس بفرحه وحرك راسه بالموافقه وهيا ادتهاله في ايديه فالطفل اخدها وجري بسرعه علي مامته وهوا فرحان'

كان ماهر بيبص عليها ومبتسم لانها برغم جنونها دا كله الا انه مينكرش انها بتمتلك قلب طيب وحنينة ..فضل ماهر يبص علي ملامحها بحب لحدما دخلت نورا عليهم تاني وهيا شايله صينيه فيها شاي وبتقول بخجل:اتفضلوا..والله البيت نور !

قامت احلام واخدت منها الصينيه وقالت :تعبتي نفسك يا ام حنين والله ؟

ابتسمت نورا وقالت:ولا تعب ولا حاجه دانتوا تستاهلوا كل خير ؟

ابتسمت احلام وقربت الصينيه من ماهر واللي اخد كوبايه واخد منها رشفه وقال بابتسامه:تسلم ايدك يا ام حنين'

نورا فرحت من كلامه وبصت لاحلام واللي شربت هيا كمان وقالت:بجد والله تسلم ايدك دا حرفيا ألذ كوبايه شاي شربتها من يد ما نعدمها يارب؟

نورا حست انهم جبروا بخاطرها فابتسمت وقالت:الله يخليكي يا رب..

احلام بصت لماهر وابتسمت وبعدها بصت لام حنين وقالت:احنا جايين نطمن عليكي طمنينا انتي عاملة ايه دلوقت؟

نورا لمست دماغها وقالت بتعب:الحمد لله دلوقت احسن بكتير'

ماهر :انا كلمت ظابط زميلي ووصيت عليه قاسم جوزك  وطبعا هوا اتعرض علي النيابه وقريب اوي هيتحكم عليه بس كنت عاوز اسألك:هتعملي ايه بعدما هوا يتسجن؟

نورا وهيا بتبص حواليها بحزن :هعيش انا وعيالي في البيت دا زي ما انتوا شايفين الحمدلله ..انا بشتغل وبنتي بتدرس وحمزه بيروح الحضانة وربنا معانا!

ابتسم ماهر واحلام بصتلها وقالت:ممكن كلمة علي جمب يا ام حنين؟

نورا حركت راسها بالموافقه وقالت:حاضر يا حبيبتي!بصوا لماهر واستأذنوه وهوا حرك رأسه بالموافقه،

قامت نورا واحلام وراها ودخلوا الاتنين لأوضة نوم صغيره وقفلوا عليهم الباب!

طلعت احلام الظرف من شنطتها وقالت:دي حاجه بسيطه علشان الظروف اللي بتمرور بيها ..ودي والله مش تقليل منك بس اعتبريني اختك الصغيرة وبساعد معاكي!

نورا بصتلها بخجل وقالت:والله كتر خيرك .. احنا الحمدلله ..

احلام قاطعت كلامها وهيا بتحط الظرف في ايديها وبتقول:انا عارفه انكم قد الدنيا كلها بس متكسفيش ايدي بق ..علشان خاطري!

نورا حركت راسها بالموافقه وحضنت احلام وقالت:متشكره يا حبيبتي ربنا يحفظك يارب ويعوض قلبك ويرزقك كل خير!

ابتسمت احلام وطبطبت علي ضهرها وقالت:ربنا يخليكي ليهم ويباركلك فيهم يا رب!

نورا بعدت عنها بهدوء وبصت للظرف وقالت:ربنا يعلم والله يا حبيبتي ان جميلك دا هيكون فوق راسي طول العمر.. نورا قالت كلامها وعيونها دمعت ولاكن احلام مسكت ايديها بسرعه وطبطبت عليها وقالت:ربنا يعلم والله اني مش عاوزه اي حاجه غير انكم تكونوا بخير وانا بحب حنين وبعتبرها اختي الصغيره ومش عاوزاكي تقصري معاها خالص وانا تحت امرك في اي حاجه تحتاجوها .

نورا :كتر خيرك يا حبيبتي..تسلمي ؟

احلام ابتسمت وقالت:طيب انا هقوم بق علشان ماهر وراه شغل ومش عاوزه اعطله .

نورا بابتسامه:ربنا يصلح حالكم يارب!

خرجت احلام وشاورت لماهر علشان يمشوا وهو اول مشاف نورا قال:سلميلي علي حنين وبلغيها اني ممتن جدا ليها؟

نورا ابتسمت وحركت راسها وقالت:يوصل يا ماهر باشا؟

خرج ماهر وجمبه احلام بعدما ودعوهم وركبوا العربيه .

ونورا كانت بتبص عليهم وهما ماشين بابتسامه وبعدها بصت للسماء وقالت بدموع:ألف حمد وشكر ليك يارب كنت شايله هم هعمل اكل ايه للعيال بس كرمك كبير يارب  ..

حمزه قال وهو بيوري لمامته الفلوس اللي اخدها من أحلام:شوفتي طنط احلام ادتني ايه!

نورا بصت للفلوس وابتسمت وقالت بلطف:مبروك عليك يا حبيبي بس متنساش وانت بتجيب حاجات حلوة ليك تجيب لحنين اختك هيا كمان .

حمزة حرك راسه بالموافقه وهيا مسكت ايديه ودخلوا تاني للبيت وقفلوا علي نفسهم الباب'

وفي عربية ماهر كانت أحلام قاعده ضامة ايديها لصدرها ومش راضية تبص عليه.

ماهر بتساؤل:هتفضلي زعلانه مني كتير.. احلام سكتت فقرب ايديه من خدها وقال:ساكته ليه.

احلام قربت منه وضمت نفسها لحضنة وقالت: بما اني مس عاوزه اكلمك خليني جمبك كده لحدما نوصل للبيت علشان عاوزه انام وخايفه دماغي تتخبط في ازاز العربيه ،وبعد اذنك الزم حدودك لحدما نوصل؟

بصلها ماهر وابتسم وحرك راسه بالموافقه وهيا غمضت عينيها وهيا بتستنشق رائحته المثيرة بكل تلزز  وبرغم انها غيرانه ومتضايقه الا انها مجرد ما بتقرب منه بتنسي كل آلامها فكانت بتحاول بضمة ليها انها تخفف عن غيرتها وغضبها ولاكن كل ما تفتكر نظرات السكرتيرة ليه تحس انها عايزه ترجع وتجيبها من شعرها لان مش مسموح لأي حد يبصله باعجاب غيرها؟

ماهر لاحظ ان احلام حضناه جامد وبتضغط علي حضنه بقوة كبيره فبص علي ملامحها لقاها مغمضه عينها  جامد وكانها بتتخانق مع حد في عقلها.. فبصلها وضحك علي شكلها وفضل طول الطريق يتأملها وبعد وقت بلغه منعم انهم وصلوا القصر'

ماهر بص عليها وقال:احلام احنا وصلنا !

احلام فتحت عينها وبصت حواليها ولما لقت انها في حضنه بعدت بسرعه وخرجت من العربية ودخلت للقصر بدون اي كلمة!

منعم استغل ان احلام خرجت فقال بسرعه: حضرتك انا عرفت معلومات جديدة عن ياسر غنيم!

ماهر بانتباه :عرفت ايه؟

منعم:الباشا طلع عندة مؤسسة سريه  كبيرة  للدع/ارة في مصر ..

اتصدم ماهر من كلام منعم وقال بتساؤل: وانت عرفت المعلومة الكبيرة دي منين!

منعم: مش انا حضرتك كنت براقبه وعرفت انه بيروح لشقق مشبوهه ..بعد ما دورت وراه عرفت انها تبعه ويا باشا انا كنت فاكرة انظف من كده بس المظاهر  طلعت فعلا كدابه ..

ماهر حرك راسه بتفهم وقال: لا دا اللي زيه كتير اوي متعدش وبعدين دا باين عليه انت بس لو ركزت في وشه هتفهم قصدي ،المهم دلوقت ركز  انك  تصوره كتير واتاكد من كل صوره  ان وشه باين فيها كويس  ..وصحيح انت قولتلي انك عارف واحد بيلعب قما/ر ومحترف فيه!

منعم بخجل:ايوا يا فندم دا واحد جارنا عنده خبرة كبيرة  !

ماهر:طيب اعمل حسابك هنروحله بالليل انا وانت ..منعم حرك راسه بالموافقه وماهر قال:طيب يا منعم انا هنزل اريح كام ساعه كده وانت برضوا شوف وراك ايه وخلصه وابق عدي عليا تاني وانا هبق ابعتلك رساله قبل ما اجهز  ..منعم باحترام :حاضر يا فندم!

ماهر انهي كلامه وخرج من العربية ودخل للقصر ورا احلام اللي اتجهت لجناحهم بسرعه واختفت من قدامهم..

منعم كان قاعد في عربيته وبيراجع الصور اللي التقطها لياسر لحد دلوقت واللي كان شكلة نظيف ولاكن تصرفاته كلها وس/خه ..دا كان كلام منعم  وقت ما شاف ياسر وهو بيدخل للشقه دي وبياخد منها عقود خاصه برجال اعمال علشان يستغلهم بيها ويقدر ياخد اللي هوا عايزة منهم بسهوله  ..

فقرر منعم  انه يكمل مراقبه علشان يقدر ماهر  يوقعه  وينتقم منه في اسرع  وقت لان ياسر شخص مؤذي  ووجوده خطر علي البشرية..

وعند ماهر كان ماشي في اتجاه الجناح وفاتح تيلفونه وبيعمل مكالمه ..واول ما الشخص اللي بيتصل عليه رد ماهر قال:بلغ الحيوان اللي بتخوني معاه ان في صفقة كبيره انا داخل عليها وحاطط فيها كل سيولة الشركة؟

شوقي بتوتر:صفقة ايه دي يا فندم!

ابتسم ماهر علي غباءة وقال:دي مش حقيقية يا غبي ركز معايا..انت هتبلغة اني همضي قريب تعاقد مع شركة المانيه وعرفه ان لسا محدش اتكلم في التفاصيل!

شوقي :حاضر يا فندم!

ماهر بجديه:ركز يا شوقي دا مش سهل انك تحور عليه ..عاوزك تمثل عليه زي ما كنت بتمثل عليا كده بالظبط  ..وأقنعة ان كلامك حقيقي علشان لو كل اللي بتعمله دا راح علي الأرض انا مش هيكفيني فيك..

شوقي بمقاطعه:والله هركز يا باشا ..

حرك ماهر راسه وقال:طيب يلا شوف هتعمل ايه وبلغني رد عليك  وقالك ايه؟

شوقي:حاضر يا فندم!

قفل ماهر المكالمه وفتح باب الجناح واول ما دخل بص علي المكان كويس وهو بيدور عليها ولما لقي الجناح فاضي دخل بقلق وهو بينادي علي أحلام ..

ماهر قال بصوت واضح وهو بينادي عليها:احلام !!انتي فين!

كانت احلام في غرفة الملابس بتغير هدومها واول ما سمعت صوته حطت الروج بسرعه وضمت شفايفها علشان تتأكد انه مضبوط.. 

ماهر بدا يتحرك في الجناح علشان يدور عليها فقبل ما يفتح غرفة الملابس لقاها خارجه وهيا لابسه لبس قصير ..يشبه لبس همس السكرتيرة بتاعته وكانت حاطة مكياچ شبه مكياچ همس  بالظبط وفارده شعرها علي جنب وكان شكلها مضحك؟

ماهر بتساؤل:إنتي مين يا حجه؟

احلام برفع حاجب:انا احلام معقول مش عارفني!

ماهر قفل باب الجناح بسرعه ورجع ليها تاني وهو بيبص علي شكلها بتفحص وبيقول:ولما انتي احلام ايه اللي انتي  عملاه في نفسك دا؟ولحقتي تعملي كل دا امتي؟

احلام بضيق:عاملة ايه ياعني دا اقل حاجه عندي وبعدين هو مش دا نوعك المفضل من البنات'

ماهر فهم دماغها فقرب منها وقال برفض:لا خالص انا نوعي المفضل هيا احلام مراتي وحبيبتي انما اللي انتي عملاه دا انا هخاف منه مش هحبه؟

احلام فرحت لما سمعت كلامه وقالت بتساؤل:يا عني ايه بتحب مراتك مش فاهمه ..هو انت متجوز!

قلع ماهر جاكت بدلته وحطه علي السرير وقال بابتسامة:طبعا متجوز..ومتجوز جميلة الجميلات وأميرة الأميرات وست البنات؟

احلام مقدرتش تقاوم سعادتها وبصتله بحب وقالت:وهيا مين دي بق اللي بتوصفها بالطريقه  الحلوة دي..

فك ماهر زرار قميصه وهو بيقرب منها وهيا لما انتبهت انه ثواني وهيكون جسمه باين قدامها خجلت ووشها احمر..

ماهر وهو بيخلع القميص قال :..انتي يا احلام بس..

احلام بتساؤل :بس ايه؟

قرب ماهر منها اكتر وهيا كانت بتبصله بتوتر وكسوف شديد فقال وهو مركز مع شكل شفايفها:بس من غير الحجات دي .:

قرب من شفايفها  اكتر فهيا فكرت انه هيقبلها فغمضت احلام عينيها وهوا طلع مناديل من وراها وبدأ يمسح شفايفها..

فتحت احلام عينيها لما لقته بيمسح شفايفها ومقبلهاش فبصتله وقالت بتساؤل :بتعمل ايه؟

ماهر وهو مركز مع شكل وشها:همسح اللي انتي عملاه دا!

احلام مسكت ايديه تمنعه وقالت:وهتمسحه ليه هوا مضايقك.

ماهر اول ما اتأكد ان كل الروج اتمسح حرك راسه بالموافقه وقال:لونهم الطبيعي اجمل واحلي بكتير ليه بتغيري لونهم !

احلام بتوتر:هما ايه دول .

قبلها ماهر بسرعه وهيا مقدرتش تقاومه واستجابت معاه فبعدما انتهي من تقبيله ليها جاوب علي سؤالها وقال:الكريزه دي يا احلام لونها الطبيعي احلي واجمل من الصناعي..

وشها كان احمر وهوا كان بيبص في عيونها بنظرات جميله فمقدرتش تقاومه وجريت بسرعه من قدامه  قبل ما يغمي  عليها من شدة الخجل .

ماهر حاول يمسكها بسرعه قبل ما تهرب ولاكنها فلتت من تحت ايديه.

فقال بزعل:يا مجنونه استني؟

كانت احلام واقفه ورا الباب وحاطة إيديها علي قلبها وبتقول بتوتر:انا..انا..انا متوتره اوي كدا ليه..

ماهر كان واقف برا بيضحك عليها وهيا قررت تغير هدومها وتظبط شكلها لانه طلع بيحبها هيا اكتر ..وبعدما انتهت وخرجت لقت ماهر نايم علي السرير وحاطت ايديه ورا راسه.

قربت احلام وقالت بخجل:هو انت هتنام هنا.

ماهر حرك راسه بالموافقه وهيا قالت:طيب ارتاح وانا هنام علي الكنبه'

اول ما قالت احلام كلامها قام ماهر بسرعه ومسكها من ايديها وشدها عليه وقال:لا مفيش نوم غير في حضني؟

احلام بكسوف:مش انت عاوز تنام!

ماهر برفض:لا انا مش هنام غير في حضن مراتي ولاكن لو هنام لوحدي فانا مش هيجيلي نوم !

احلام حركت راسها وقالت:طيب هنام جمبك بس هوا احنا مش هنروح لحمزه!

ماهر شدها عليه اكتر وقال:خلينا ننام شويه وبعدها نروحله بالليل!

احلام حركت راسها بالموافقه ونامت جمبه وهوا شدها لحضنه وقال:بقول في حضني؟

ابتسمت علي كلامه وغمضت عينيها بسعاده وهوا كان مبسوط انه قدر يكسب قلبها فعمض عينيه هوا كمان ونام.

_________

وصل صابر لشركة الصياد ودخل وهوا ماسك في ايديه الـ سي ڤي الخاص بيه واول ما قرب من وظفة الإستقبال قال:مساء الخير انا جيت بخصوص الوظيفة اللي اتعرضت علي موقع الشركة امبارح.. 

الموظفه بابتسامه:حضرتك الاستاذ صابر محمد!

صابر حرك راسه بالموافقه والموظفة قالت:حضرتك هتروح لمكتب الاستاذة تغريد في الدور الثالث.

حرك صابر راسه ودخل للشركه وهو بيبص لكل ركن فيها بحب كبير واول ما وصل الاسانسير اخد نفس طويل وعو بيتمني من قلبه انه يتقبل المره دي..

بعذ دقايق وصل صابر لادور الثالث وقرب من المكاتب وهو بيسأل عن الاستاذه تغريد واول ما وصلها قدم الملف بتاعه وقال: مساء الخير يا استاذه تغريد انا صابر محمد سلام جيت اقدم علي وظيفة مسؤول مبيعات ودا السي ڤي بتاعي ؟

تغريد ابتسمت وحركت راسها بالمرافقه وقالت:تمام يا اشتاذ صابر انا هراجع السي ڤي وهحوله لماهر بيه ولو اتقبلت هنتواصل مع حضرتك!

صابر حرك راسة بالموافقه وقام واستأذن منها وخرج وهوا ماشي في طريقه للخروج من الشركة كان شايف الموظفين اللي داخلين وخارجين وواضح عليهم انهم مشغولين..

دقق صابر في شكل اليونيفورم بتاعهم وعجبه جداا واتمني انه يتقبل المره دي ويشتغل في الشركة ويكون زيهم؟

بعد دقايق خرج صابر من الشركه وركب عربيته واتجه في طريق البيت ..

كان طريق صابر هوا نفسه طريق عيادة مروه وهوا ماشي شافها واقفه قدام العمارة اللي فيها العياده ومعاها الدكتور علي وبيضحكوا .

اول ما شافهم صابر واتأكد انها مروه وقف العربيه بسرعه وهوا بيتابعهم من بعيد!

كانت مروه واقفه وبتبارك للدكتور علي لانه هيخطب وكان بيعزمها عل يحفلة خطوبته ..فاخدت مروة منه كارت الدعوة وقالت:الف مبروك يا دكتور ربنا يتتملك علي خير!

علي بابتسامه:الله يبارك فيكي يا انسه مروه ..تخبي اوصلك معايا في طريقي!

مروه حركت راسها بالرفض وهوا ابتسم وقال:طيب خلي بالك علي نفسك. 

مروه حركت راسها بابتسامه وعلي مشي من قدامها وهيا فضلت تبص حواليها وهيا بتدور علي اي عربيه توصلها البيت واول مشافت صابر اللي راكب في عربيته وباصص عليها وملامح وشه غاضبة ..اتخضت مروه وهيا بتقول:بسم الله الرحمن الرحيم هو دا بيعمل ايه هنا..وبيبصلي كدا ليه؟

صابر اول ملقاها اخذت بالها منه اتحرك بالعربيه وقرب منها وقال:ازيك يا انسه مروه ..عاملة ايه 

مروه بصتله وقالت بهدوء:الحمدلله يا استاذ صابر ..حضرتك عامل ايه!

صابر وهوا بيحاول يهدي من نفسه بسبب الغيره:الحمد لله اتفضلي اركبي معايا هوصلك في طريقي!

مروة:لا متتعبش نفسك.....صابر بمقاطعه ..ولا تعب ولا حاجه احنا اصلا طريقنا واحد متقلقيش!

مروة حركت راسها بالموافقه وركبت في العربيه وهو اتحرك واول ما هيا بصتله علشان تفهم ماله لقت وشه كله احمر.. فقررت تبص قدامها وتفتح الدعوة علشان تقراها واول  مفتحتها صابر اخد باله منها  فبص عليها وقال وهو بيسألها :دي دعوة فرح مش كده!

مروه حركت راسها وقالت بابتسامه هاديه:ايوا دا دكتور شغال معايا في العياده هيخطب ان شاء الله..

صابر بتساؤل: الف مبررك هو الدكتور دا هو اللي كان واقف جمبك من شويه دا!

مروه حركت راسها وهوا قال في نفسه:ياعني مفيش علاقه بينكوا؟

مروه بصتله وهيا مستغربه سكوته المفاجئ فققرت تتجاهله ولاكنه فجأها بسؤاله لما قال:هو حضرتك مرتبطة يا انسه مروه ..او في حد في حياتك؟

اتوترت مروه من سؤاله المفاجئ وحركت راسها بالرفض فابتسم صابر بفرحه وقال:طيب مش بتفكري ترتبطي!

مروه بصتله ولقت ان وشه احمر بسبب كلامه فحركت راسها بالموافقه وقالت:والله لو في شاب مناسب وابن خلال ايه المانع يعني!

صابر حس ان قلبه هيخرج من مكانه من الفرحه وقال:ربنا يرزقك بـ ابن الحلال!

مروه ابتسمت وهو قال في سره: ابن الحلال اللي قاعد جمبك في العربيه!

فضلوا طول الطريق مروه باصة علي الطريق وصابر سايق ولاكنه مركز معاها لحدما وصلها قدام بيتها وقال:خلي بالك علي نفسك يا انسه مروه !

مروه حركت راسها بالموافقه وخرجت من العربيه وودعته ودخلت بسرعه لبيتها وهيا متوتره جداا بسبب كلامه معاها  وسؤاله الغريب فدخلت جوا البيت وهيا بتفكر فيه وبتتخيله لو ينفع يكون زوجها المستقبلي ولاكن كلما كانت بتفتكر خجله المبالغ فيه بتشيل الفكرة من دماغها بسرعه ..

و صابر كان حاسس ان دعوة أمه قربت تستجاب لان مروة ادتله امل كبير بان في فرصه ليه يقرب منها فابتسم بفرحه واتحرك من قدام بيتها بالعربيه وهو حاسس بسعاده كبيره !

______________

بعد انتهاء اليوم..

كانت خلصت حنين يومها الدراسي هيا وزمايلها وكانوا في طريقهم للعودة لمنازلهم.. اول ما ركبوا في المواصلات صديقة حنين اللي دفعت الأحرة الصبح بصتلها وقالت:انتي اللي هتحاسبي يا حنين؟

حنين حركت راسها بالموافقه وفتحت شنطتها طلعت منها فلوس وادتها للسواق وكان المبلغ اللي حنين دفتعه صدم اصحابها لانها طول عمرها بتدفع الاجره فكه وبتكون بتجمعها بالعافيه .

ولاكن المرة دي حنين دفعت الأجرة بكل ثقه ومش متوتره زي العاده فبصولاها اصحابها لان شكلها متغير وواضح علي ملامح وشها ان في حاجه كبيره حصلت معاها .

سالتها واحده من اصحابها:انتي كويسه يا حنين وشك ماله!

حنين كانت سرحانه وبتفكر في اللي حصل معاها النهارده بحزن  ولما انتبهت لسؤال صاحبتها حركت راسها يالموافقه وابتسمت:انا الحمدلله كويسه ،في حاجه حصلت ولا ايه ..

صحابها باستغراب:لا احنا بخير بس انتي اللي ملامح وشك متغيره اوي وشكلك كده حزينه!

حنين بصتلهم وحركت راسها بسخريه وقالت:وحتي لو حزينه انتوا يهمكوا .دي اول مره تسألوني مالي يعني معقول تكونوا اتغيرتوا !

صحابها اتفاجئةا من ردها فـ قربوا منها وقالو: حنين هو انتي زعلانه مننا ،احتا اسفين والله مش قصدنا حاجه !

حنين بصتلهم ولفت وشها وقالت:خلاص محصلش حاجه '

صاحبتها بفضول:الا صحيح يا حنين هي مين البنت اللي كانت معاكي النهارده في المدرسه اصل واحده من فصلنا شافتها وهيا داخله معاكي  الفصل ومعاكًر المدير!

اتوترت حنين ومكانتش عارفه ترد تقولهم ايه ولاكن اللي انقذها ونجدها من أسألتهم الكتيره هوا السواق واللي بلغها تاخذ منه باقي فلوسها'

حنين آخذت الفلوس من السواق وانشغلت فيهم علشان تعدهم ولاكن اصحابها فضلوا يتهامسوا عليها ومش مراعيين انها قادرة نسمعهم لانها قريبه منهم!

واحده من صحابها:انا عرفت انها النهارده في المدرسه اخذت فلوس واحده زميلتها في الفصل والبنت الكبيره اللي احنا شوفناها دي تبق قريبتها وهيا جت علشان تحل المشكله!

صحابتها التانيه بهمس:بس تتوقعوا قعلا ان حنين تسرق!

واحده  تالته:بصراحه لا بس برضوا الفلوس اللي معاها دي تخليكي تشكي فيها!

حنين كانت خلصت عد الفلوس وكانت سمعاهم فقالت بصوت عالي لانها متضايقه منهم :معاك لو سمحت!

السواق وقف العربيه وصاحبها بصولها دهشه لما لاقوها هتنزل وقبل ما يسألوها هتنزل ليه كانت حنين نزلت من العربيه بسرعه وقفلت الباب ولفت وشها علشان متبصش في عيونهم..

العربيه اتحركت واصحاب حنين كانوا باصين عليها من الازاز بصدمه وحنين دموعها نزلت لان مفيش حد واثق  فيها وانها اميد مسرقتش فحست قد ايه هيا منبوذه لان حتي اصحابها اللي بقالهم معاها اكتر من ١٠ سنين مع بعض  مش مصدقينها..

مشيت حنين مسافه طويله لحدما وصلت للبيت واول ما دخلت لقت مامتها عامله اكل وجايبه فاكهه ودا غير العادي..حنين بتساؤل:اي دا كله يا ماما!

نورا بابتسامه:تعالي يا حبيبتي زمانك جعانه ..اقعدي كلي!

حنين بحزن:تاني يا ماما!!!! أكل من الجيران تاني.

نورا بصتلها وحركت راسها برفض وقالت:لا والله مش من حد دا انا اللي شرياهم بنفسي متقلقيش دا من فلوسنا!

ضمت حنين حاجبها وقالت باستغراب:ازاي يا ماما واحنا معناش فلوس اصلا !

نورا ابتسمت وقالت:كل الموضوع ان الاستاذ ماهر ومراته احلام كانوا هنا بيزوني وسابولنا مبلغ مساعده!

اتوترت حنين اول ما والدتها قالت اسم احلام فقالت بخضه:هيا احلام كانت هنا بجد..والدتها حركت راسها بالموافقه وهيا قالت:طيب هيا قالتك ايه!

نورا بابتسامه:قالت سلميلي علي حنين وقالتلي كمان انك غاليه علي قلبها وبتعتبرك اختها الصغيره!

حنين بلهفه:قالت كده بس!

نورا حركت راسها بالموافقه وحنين غمضت عينيها براحه ولاكن امها استغربتها وقالت:هوا في حاجه حصلت النهاردة ولا ايه؟ 

حنين ردت علي والدتها بسرعه:لا مفيش حاجه انا بس اتفجأت انها جت هنا يعني..

والدتها فضلت تشكر في ماهر واحلام وتذكرهم بالخير لحدما حنين اطمنت ان الاكل بفلوسهم فعلا فقربت من الاكل واكلت وهيا مبسوطه لان بقالهم كتير ما اكلوش اكل لذيذ كذا..

___________

بعد ما السماء اصبحت باللون الغامق والقمر ظهر  في السماء..قام ماهر واتجه علشان يغير هدومه علشان يروح مع منعم للشخص  اللي محترف في لعب القمار علشان يكلفه بمهمة مع والدة ياسر..

وبعدما انتهي ماهر من تغير هدومه قرب من احلام وصحاها علشان تقوم تاكل لانها مأكلتش من الصبح واول ما احلام صحيت وشافته لابس سالته باستغراب وقالت : اي دا انت لابس مده ورايح فين ؟

ماهر:عندي مشوار سريع هخلصه بسرعه وبعدها نروح لحمزه علشان ميزعلش اننا سايبينه لواحده!

احلام حركت راسها بالموافقه وماهر قعد علي السرير يستناها تخرج بعدما تكون غيرت هدومها!

وبعد وقت انتهت احلام من تغير ملابسها وخرجت من الغرفه وقربت من ماهر وقالت:انا خلاص خلصت خلينا ننزل!

ماهر حرك راسه بالموافقه ومسك ايديها وخرجوا من جناحهم ونزلوا للاسفل .. 

كانوا الخدم مجهزين السفره واول مشافوهم نازلين وقفوا صف لحدما ماهر واحلام قعدوا علي السفره وبعدها ماهر شاورلهم يمشوا وبص لاحلام وقال:بالف هنا يا حبيبتي.

احلام بصتله وابتسمت وحركت راسها بهدوء وبدات تاكل وهو فضل يبص عليها لثواني وبعدها اكل معاها..

كانت احلام بتاكل بجوع وهوا كان بياكل بهدوء..انتهي ماهر من اكله بسرعه وقال:انا هخرج بق علشان متاخرش عليكي وانتي اجهزي براحتك لحدما ارجع!

احلام حركت راسها بالموافقه وهوا خرج وسابها بتكمل اكلها وقرب من منعن واللي كان مستعد لاستقباله..

ماهر قال بحديه:حاهز يا منعم!

منعم بحماس:حاهز يا فندم'

ركب ماهر العربيه وبع ه منعم وفي خلال دقيق كانوا خرجوا من القصر في طريقم لبيت الراجل اللي هيعمل المهمه!

وفي بيت متهالك بسبب الفقر كان قاعد راجل وهوا ماسك في ايديه سيجاره وقدامه صوره بهتانه لعائلته اللي ماتوا في حادس..الراجل دا بكي بحزن زي كل يوم وهو بيفتكر ذكرياته مع عائلته لما كانوا اسره سعيده ولاكن الحادث دا دمر سعادتهم واصبح حاله صعب بعد فراقهم..

وصلت عربيه ماهر الفخمه قدام البيت فنزل منعم الاول وفتح لماهر الباب وشاورله علي البيت وبلغه ان دا بيت ممدوح الراجل اللي محترف في لهبة القمار؟ 

ماهر بص علي البيت بتقزز من سكله وقال:معقول يكون في حد عايش هنا!

  ريحة البيت مكانتش حلوه و ماهر ومنعم مكانوش مرتاحين وهما داخلين واول ما حس بيهم الراجل قام وقال بتساؤل :مين بره!

رد منعم عليه وقال:مساء الخير يا عم ممدوح انا منعم ابن الحاج احمد جارك!

ممدوح ضم عينيه وهو بيحاول يفتكر مين احمد جاره وابنه منعم دا لحدما افتكرهم وقال:ايوا عرفتك ادخل !

دخل منعم ووراه ماهر واول مشافوا شكل ممدوح كتموا أنفهم بضيق وماهر قال:مستحيل اقدر افضل هنا خلونا ننتكلم درا  !

خرج ماهر  بسرعه من البيت ومنعم قرب من ممدوح وقال:عم ممدوح اللي معايا دا  رجل مهم واحنا جاينلك علشان عاوزينك  في خدمه وتقدر تاخد فيها اللي انت عايزه؟

ممدوح برفض ص:مش عاوز حاجه من حد خده وامشي!

منعم :معلش يا عم ممدوح احنا مفيش قدامنا غيرك..لازم تساعدنا ؟

ممدوح بسخريه:وانا بق هساعدك في ايه ..في الخيبة لامؤاخذة ..

منعم حرك راسه برفض وقال:لا في لعب القمار ..مش انت محترف فيها!

ضحك ممدوح علي كلامه وقال:انت جاي تهزر هنا ولا ايه قمار ايه اللي بتتكلم عنه!

منعم بشك :هو مش انت محترف في لعب القمار..احنا بق عاوزينك معانا في مهمه وزي ما قولتلك ليك اللي انت عايزه!

ممدوح حرك راسه وقال بضيق:قمار تاني لأ ..قمار تاني لأ..مش هلعب؟

منعم قرب من ايده ومسكها برجاء وقال :عم ممدوح متصغرنيش قدام مديري انت  مش عارف احنا محتاجينك ازاي؟

ممدوح قام من مكانه وقال:انا هسمع الموضوع ولو معجبنيش هرفض..

منعم بلهفه:يعني لو عجبك هتوافق..

ممدوح :لا هرفض..

منعمكمان بيبصله بصدمه وتعب ولاكن قاطع كلامهم ماهر واللي قرب منهم ومسك ممدوح من هدومه وخرجه لبرا البيت وقال: بتحذير بقولك ايه انت هتسمع كلامي ورجلك فوق رقبتك انت فاهم!

ممدوح بتساؤل:انت مين وازاي تمسكني كده ؟

ماهر بغضب:انت مش عارف انا ممكن اعمل ايه معاك لو مقومتش كده وسمعت الكلام وبمناسبه انا مين ..انا المقدم ماهر الصياد؟

منعم اتفاجئ من رد فعل ماهر وكلامه وكان هيتكلم ولاكن اتفاجئ ان ممدوح استجا لتهديد ماهر وعدل نفسه وقال باحترام:انا تحت امرك يا فندم!

ماهر بص لمنعم اللي واقف مصدوم وغمزله وبعدها بص لممدوح وحرك  راسه بجديه وقال:منعم قالي انك بتلعب قمار كويس اوي ،احنا بق عاوزينك معانا في مهمه ولو نجحت ليك مني الحلاوه ..ودا مبلغ مش بسيط!

ممدوح حرك راسه بالموافقه وقال:انا تحت امرك يا باشا ؟

ماهر قال وهو بيبصله بقرف:قبل اي حاجه عايزك تاخده يامنعم و تغيرله شكله ولبسه كدا وتخليه يستحمي  .

منعم حرك راسه بالموافقه وممدوح بصله وقال:طيب قولي اي حاجه عن المهمه يا باشا ؟

ماهر برفض:بعدين هتعرف كل حاجه المهم دلوقت غير شكلك وريحتك دول علشان عموني ..

ممدوح اتحرك من قدامه بخجل ومشي مع منعم واللي قفل الباب بتاع البيت بسرعه وثال:لا هتستحمي في مكان تاني  مش هنا تعالي معايا؟

ممدوح حرك راسه بالموافقه وكان هيركب عربية ماهر ولاكن ايد منعم منعته تاني وقال:مش هتركب هنا تعالا معايا بقولك!

ممدوح حرك راسه بالموافقه ومنعم مشى وممدوح وراه لحدما وصلوا لمحل ملابس رجالي ودخلوا فيه ..

ماهر سند علي العربيه بتعب وفضل يبص للسماء الضالمه وهو بيتنهد ..

وبعد مرور نص ساعه خرج ممدوح ومنعم من المحل وكان وقتها منعم شكله اتغير عن الاول ..فقربوا  الاتنين  من ماهر واول  ما ماهر شاف ممدوح قال:شوية تعديلات كمان وهتبق زي الفل؟

ممدوح بتساؤل:هو انا هنظف تاني يا باشا!

منعم قال بسخريه:هو انت فاكر ان الدش دا واللبس كده نظافه دا انت لسا قدامك رحلة طويله!

ممدوح مكانش فاهم منعم يقصد ايه بكلامه ولاكن ماهر قاطع كلامهم وقال:اسمعني كويس يا ممدوح انت هتساعدنا في مهمه وطنيه المهم دلوقت المهمه دي اننا نمسك سيدة كبيره بتعشق لعب القمار كل اللي عليك انك هتلاعبها علي انك راجل  اعمال علشن تكون في نفس مستواها وبشطارتك بق في اللعب عاوزك تخسرها كل فلوسها..ها هتقدر تعملها!

ممدوح بصلهم بتوهان وقال:بس دا صعب اوي يا باشا انا ملعبتش بقالي كتير؟

ماهر:بسيطة خد وقتك معاك اسبوع تجهز فيه ولاكن بعد اسبوع لو مجهزتش!

ممدوح بموافقه :انا معاك يا باشا انا تحت أمر الحكومه المهم دلوقت الست دي حلوه؟

ماهر وقف قدام سؤاله وسكن فبص لمنعم وحرك راسه علشان يجاوبه ولاكن منعم بصله وقال بهمس:بصراحه هيا جامده اوي يباشا ..دي شكلها اصغر من ياسر ولو شوفتها متصدقش انها امه؟

ماهر حرك راسه بالايجاب وبص لممدوح وقال:متقلقش هيا حلوه بس انت بتسأل ليه؟

ممدوح بهدوء:يباشا اللي اهم من الشغل تظبيط الشغل وانا لازم اعرف اللي قدامي علي ايه علشان اقدر الاعبه صح!

ماهر بفضول:طيب وايه المثير في انها تكون حلوه؟

ممدوح:يباشا هيا اكيد ست كبيره والستات الكبيره دول بيكونوا مفتقدين الحنية  والدلع والحب فانا هدخلها من السكه دي واكسب قلبها الاول؟

ماهر بصله وحرك واسها باعجاب من كلامه وبص لمنعم وشاورله يقرب منه وقال:انت قولتلي ان مراته وامه وابوه ماتوا في حادثه سببتله عقده نفسيه صح؟

منعم قال مكملًا لحديثه:صح يا فندم هو المفروض انه بق عنده عقده من الجواز والارتباط اصلا؟

ممدوح كان سامعهم فقال:يباشا متقلش دا اكل عيش وملوش علاقه بحياتي الخاصه؟

ماهر بصله وقال:يعني اعتمد عليك يا ممدوح.

ممدوح بثقة :اتوكل علي الله يا باشا ..دا انا ممدوح؟

ماهر رفع حاجبه وقال بخضه :ما هيا المشكه انك ممدوح.. يتبع بقلمي شيماء صبحي 

يا فندم هو المفروض انه بق عنده عقده من الجواز والارتباط اصلا؟

ممدوح كان سامعهم فقال:يباشا متقلش دا أكل عيش وملوش علاقه بحياتي الخاصه؟

ماهر بصله وقال:يعني اعتمد عليك يا ممدوح.

ممدوح بثقة :اتوكل علي الله يا باشا ..دا انا ممدوح؟

ماهر رفع حاجبه وقال بخضه :ما هيا المشكه انك ممدوح..المهم دلوقت انت هتيجي معانا علشان مينفعش تقعد هنا تاني لحد بس ما المهنه تخلص وارجع براحتك.

ممدوح بتساؤل:يعني هعيش فين يا عني يباشا؟

ماهر بص لمنعم وقال:هنروح شقتي اللي في أكتوبر واعمل حسابك هتفضل معاه لحد في الشقة..

منعم بص لممدوح وممدوح بصله وضحك وقال:متخافش انا مش هعضك؟

منعم بلع ريقه وقال:بس يباشا مش شايف انك كده بتقسي عليا جامد !

ماهر بصله وقال :لا مش بقسي ولا حاجه انتوا المفروض جيران وواخدين علي بعض، وبعدين انت الوحيد  اللي هآمن ان ممدوح يكون معاه لانه زي ما انت شايف كده معندوش عقل وومكن يبوظ الدنيا.

منعم بص لماهر بحزن وحرك راسه بالموافقه وماهر ركب العربيه وقال وهوا جواها:يلا اركبوا خلينا نتحرك؟

منعم بص لممدوح وقال:اركب جمبي يلا..

ممدوح اتحرك في اتجاه العربية وركب وبعده منعم واللي اتحرك بسرعه بالعربيه وبعد وقت مش كبير اوي ..وصلوا لشقة ماهر واللي كانت في الدور الخامس؟

ماهر خرج بعدما منعم فتحله الباب وبعدها بص لممدوح وقال:يلا انزل يا ممدوح.

ممدوح بصلهم من داخل العربيه وقال بضيق:هو الباب مش راضي يفتح ليه!

منعم زفر بضيق وهو بيقرب من الباب وبيفتحله الباب وممدوح بصله وقال بابتسامه:تسلم يا ابن الغالي..منعم قفل وراه الباب وقفل العربيه واتحرك جمب ماهر وقال:يباشا والنبي متعملش فيا كده انا مش هقدر اقعد معاه ساعه واحده حتي؟

ماهر بجديه:خلاص يا منعم انا عارف انك قرفان منه بس متنساش برضوا ان محدش يعرفه غيرك وبعدين انت هتسلك معاه ..ممدوح باين عليه معندوش خبره في اي حاجه وانت اللي هتعلمه وهتكون معاه لحدما تدربه يتعامل ازاي  زي رجال الاعمال علشان ميبوظش الخطة؟

منعم :بس انت مش شايف شكله يباشا دا مينفعش حتي يابق بني ادم عادي.. ماهر بصله وقال باستغراب:هوا مش دا كان اختيارك من الاول ..هو انا اللي اقترحته ولا انت؟

ممدوح قرب من منعم قبل ما يرد علي ماهر وحط ايديه علي كتفه وقال بتساؤل:الا هو احنا هنا بنعمل ايه!

منعم اطلق صرخه بتعبر عن رفضه لممدوح وقال:نزل ايديك ،اتكلم بس من بوقك وانا سامعك وهرد عليك..

ماهر ضحك علي شكل منعم فبص لممدوح وقال:انت هتعيش في شقة خاصة بيا لحدما ندربك علي التعامل زي الاغنياء وبعدها هنعرفك هتعمل ايه بالظبط؟

ممدوح حرك راسه بالموافقه وقال:هو مفيش اكل عندكوا يباشا اصل انا جعان!

ماهر بص لمنعم وقال:خده واطلع يلا وابق اشتريله اكل من اي مطعم..ماهر طلع الفيزا بتاعته من جيبه وقال:امسك وابدا من بكره التدريب وانا هبعتلك بكرا ناس يساعدوك .

منعم بصله بحزن وماهر حط ايديه علي كتفه وقال:بعدما كل حاجه تخلص مكافئتي ليك اني هدفع تكاليف فرحك كلها وهعملهولك في احسن فندق في مصر؟

منعم بصله وقال بجديه:بتتكلم بجد يا فندم؟

ماهر حرك راسه بالموافقه ومنعم بص لممدوح وقال:قدامي يا عم ممدوح دا بيقول فرحي..

ماهر ضحك علي شكل منعم وبعدها بص للعربية وركب واتحرك بيها للقصر .

________وفي القصر.

كانت احلام جهزت وكانت في انتظار عودة ماهر واللي كان اتاخر عليها فاول ما لقته داخل عليها وبيضحك قامت وقربت  منه وهيا بتقول :اتاخرت ليه يا ماهر بقالي كتير مستنياك؟

ماهر بصلها وقال بابتسامه:معلش يا احلام كان غصب عني  بس قوليلي ايه الحلاوه دي كلها.

احلام بصتله بخجل وسكتت وهوا قرب من ايديها ومسكها وقال:هنروح لحمزه !

احلام حركت راسها بالموافقه وهو بص حواليه ولما اتاكد ان مفيش حد من الخدم واقف قال بهمس:اي رئيك نكنسل حمزه ونطلع. مع بعض الجناح احكيلك فيه حدوته؟

احلام وشها احمر بشده وضربته في بطنه وقالت بتوتر:بتقول ايه ..انت ناسي اننا مخطوبين.

ماهر برفع حاجب:طيب ايه المشكله هي الحواديت للمتجوزين بس ،ما في حواديت للمخطوبين عادي.

احلام اتوترت اكتر من كلامه فسابته وخرجت بسرعه وهوا ضحك علي شكلها وخرج وراها وقبل ما تركب في الكرسي اللي ورا من العربيه قفل ماهر الباب بسرعه وقال:لا اركبي قدام علشان انا اللي هسوق؟

احلام باستغراب:وهو فين منعم؟

ماهر ابتسم وقال:عنده شغل ومش هيعرف يكون معانا ؟

احلام حركت راسها بالموافقه وقربت من الكرسي الامامي وركبت وماهر لف ركب جمبها وبصلها وقال:طيب فكري تاني في كلامي يمكن تغيري رأيك!

لفت احلام وشها بضيق وهوا شغل العربية واتحرك وخرجوا من القصر؟

وفي شقة ماهر ؟

ممدوح دخل للشقة واتصدم من شكلها فقرب من حوض للأسماك واللي كان  كان مجهز بطريقة شيك جدا ومبهرة  وقال بصدمة:هو انتوا عندكوا بحيرة سمك كمان يا حلاوة..قال كلامه وهو بيمد ايديه بكل عفوية في الحوض وبيمسك سمكه وبيبص لشكلها ..

منعم اتصدم من اللي بيعمله وقرب بسرعه شال ايديه اللي في الحوض  وقال بضيق:اسمعني بق يا عم ممدوح متلمسش اي حاجه من اللي في الشقه علشان دي بتاعت حضرت الظابط ماهر بيه ولو حاجه باظت هندفع حقها وانا وانت علي باب الله وهو مش هيسامحنا لو حاجه من دي حصلها حاجه؟

ممدوح حرك راسه بالموافقه واتحرك لداخل الصالون وقعد علي الكنبه وقعد يتحرك عليها بطريقه مضحكة ومنعم قرب منه تاني وكأنه بيجري ورا عيل صغير شقي  وقال:اقعد براحه ..انت ايه معندكش فهم.

ممدوح بغيظ:اسمع بق يا منعم انت انا ساكتلك من ساعتها وانت عمال تتأمر عليا وفاكرني مش واخد بالي ..احترم نفسك واقعد ساكت!

منعم بصله وهو فاتح بوقه بصدمه وقال:اقعد ساكت؟واحترم نفسي؟ 

ممدوح حرك راسه بالموافقه وقال: ايوا ويلا هاتلي اكل مش ماهر باشا قالك كده!

منعم حرك راسه بالموافقه وسابه واتحرك لمكان بعيد عنه وطلبله اكل من مطعم  وبعدها رجع تاني ليه وقال:قوم خدلك شاور تاني علشان الريحة لسا ظاهره وتعالي معايا اعلمك كده تاخده ازاي!

ممدوح بتساؤل:يعني ايه شاور؟

منعم:يعني تستحمي يا عم ممدوح .

ممدوح بضيق:وهو الاستحمام بق اسمه شارر!

منعم ردد الكلمه بغيظ وقال وهو بيعدلها:شاور اسمه شاور مش شارر؟

ممدوح حرك راسه بالموافقه وقال:وهو فين الحمام بق علشان اخد فيه الشارر دا،

منعم شاورله علي مكان الحمام وقال بضيق :تعالي معايا الحمام هناك.

ممدوح قام ومشي جمب منعم لحد ما وصلوا للحمام وكان الحمام نظيف ومجهز بطريقه حديثة والبانيوا كان كبير فقرب منعم منه وشغل المايه علشان يملاه وقال:بعدما يتملي البانيوا هتقعد فيه نص ساعه وبعدها هتدعك جسمك بالليفه دي وعندك البتاع دا ..مسك ازازه شاور جيل وقال:دا هتحطه علي الليفه وترغي جسمك بيه وبعدها اغسل شعرك دا ..مسك عبوه تانيه وقال:دا شامبوا اغسل شعرك بيه كويسه وبعدما تخلص خالص نشف جسمك بالفوطة دي وبعدها احلق دقنك دي عندك هناك شفرة للحلاقه والمعجون بتاعها؟

ممدوح كان مركز مع شكل الحمام ومش منتبه لكلام منعم ولما منعم ساله :فهم يا عم ممدوح؟ ممدوح حرك راسه بالموافقه ومنعم خرج وقال:هجبلك هدوم تانيه من هدوم ماهر بيه علشان تلبسها بعدما تخلص.

منعم قال كلامه وخرج وممدوح قلع هدومه وقعد في البانيوا بسرعه وحط من الازازه اللي فيها شاور جيل وتقريبا كان خلصها وبدات الرغوه من كترها تخرج برا البنيوا ولما رجع منعم وشاف شكل الحمام  بص لممدوح وقال بصدمة:ايه داا اللي انت عملته .. كمل منعم كلامه بدموع وقال:هوانا قولتلك تعمل كده..منك لله.

ممدوح ضحكله لان شكل منعم كان مصحك فا منعم حطله الهدوم علي الشماعات وقال:بص بق انا هسيبك تعمل اللي انت عايزه بس لو طلعت من هنا ريحتك وحشه هقتلك  يا عم ممدوح انت فاهم.

ممدوح مردش عليه ومنعم خرج وقفل الباب ورجع قعد في الصالون وهوا بياخد نفسه بصعوبه.

___________وفي المستشفي.

وصل ماهر و احلام ودخلوا لغرفة حمزه واللي كان صاحي والممرضة قاعده  جمبه وبتأكله ..

ماهر بصوت واضح:السلام عليكم،ازيك يا قلب خالك عامل ايه !

الممرضة اللي بتأكل حمزه ضحكت علي كلمة قلب خالك لان حمزه كان  من دقايق قاعد بيحكي ليها  ان عنده خال وان خاله دا معتمد عليه في كل حاجه وكان مكلفة بحمايته  وشرحلها قد ايه كان بطل ومحدش بيقدر عليه بس لما دخل ماهر واحلام وقعدوا يدلعوه بالكلام فهمت انه عيل فافي وملوش في اي حاجه وان هو  اللي معتمد عليهم مش هما.

حمزه بص للممرضة اللي وشها اتغير بصدمه لما سمعت طريقة احلام في الكلام معاه وكانه عيل صغير وبتقول:ياتري حمزتنا عامل ايه النهارده!

حمزه بص للمرضة وضحك وبعدها بص لاحلام وقال بابتسامه:حمزتكوا بخير ..اتأخرتوا ليه؟

ماهر قرب من الممرضة واخد منها الصينيه وقال:خليني اكله انا متتعبيش نفسك ..

الممرضة حركت راسها بخجل وسابتهم وخرجت واحلام قربت من حمزه وقالت:بتبصلها علي ايه يا بتاع حنين..دي قد امك؟

حمزه ضحك علي كلامها وقال:بس حنينه دي كانت بتأكلني في بوقي.

ماهر ضحك علي كلام احلام وقرب من حمزه وحطله اكل في بوقه وقال:بتأكل في بوقك ليه هو انت ملكش ايد تاكل بيها !

حمزه رفع ايديه اللي مكسوره وقال:ايوا ايدي مكسوره والتانيه مرهقه وبعدين انت اخدت منها الصينيه ليه يا خالي دي كانت بتاكلني بلطف؟

كان حمزه بيقول كلامه والاكل في بوقه فماهر لف وشه وقال بضيق:طيب كل وابق اتكلم يا مقرف..

حمزه قفل بوقه واكل واحلام قعدت علي الكرسي قدامه  وماهر جمبها وقال وهو بيبص لحمزه:هتخرج بكرا من المستشفي انا كلمت الدكتور النهارده وطلبت منه يعمل اذن خروج بكرا؟

حمزه حرك راسه بفرحه وقال:اخيرا ..بس ازاي يا خالي دا كان رافض.. 

ماهر بصلهم وقال:مفيش بس انا شايف انك لما تبق في القصر هتكون مرتاح وعلشان برضوا الخدم ياخدوا بالهم منك علشان انا مسافر؟

حمزه بص لخاله بدهشه واحلام ضمت حاجبها وقالت بتساؤل:هتسافر تروح فين ،وليه؟

ماهر بصلهم وقال:مسافر دبي علشان الشغل واقف هناك والمفروض كان حمزه هيخلصه بس الاستاذ كان بيتدلع ورجع بعدما سفرته بيوم؟

احلام حزنت من كلامه وقالت بتساؤل:طيب ما تبعت اي حد يا خلصه بدالك ولا هو انت لازم تروح بنفسك  ؟

ماهر:مينفعش حد غيري يخلصه وعموما انا هخلص الشغل دا  بسرعه وممكن ماخدش الاسبوع كله بس كل الحكايه  انا مش عاوز اتجاهله وانساه لاني الفتره الجايه داخل علي شغل كتير ومش هكون فاضي.. 

حمزه بص لخاله وقال:انا كلها كام يوم وهرجع الشغل تاني ماتشلش هم حاجه؟

ماهر برفض:لا يا حمزه انت هتكمل شفائك علي خير وبعدها انا وانت هنتكلم علشان دراستك اللي سايبها دي؟

حمزه حرك راسه بالموافقه وبعدها بص لاحلام اللي ساكته وقال:احلام عندك حاجه عاوزه تقوليها؟

احلام بصتله وحركت راسها وقالت:انت عارف اني كنت بشتغل في شركة البدر ٧ سنين كاملين ياعني انا مش مبتدئة فلو محتاج مساعده مني في اي حاجه انا تحت امرك بس متضغطش علي نفسك ، انا بس عاوزه اساعدك علشان ميكونش الضغط كله عليك!

ماهر ابتسملها وقال:انا بصراحه محتاجك فعلا  بس مش في الشغل.. محتاجك أكتر برا الشغل عاوزك تاخدي بالك من حمزه لحد بس ما الشهر دا يخلص وبعده انا هعملك اللي انتي عايزاه ..

احلام حركت راسها بالموافقه وبصت لحمزه وقالت:موافقه؟

حمزه بصلها وابتسم وبعدها ماهر ضمها لحضنه وقال:متحرمش منك يا حبيبتي.

حمزه بصلهم وكح علشان يلفت انتباههم انه موجود وماهر لما بصله رمقة بنظرة غاضبه وطلب منه يلف وشه وحمزه حرك راسه بالرفض وقال:مش عيب يا خالو تعمل الحركات دي قدام ابن اختك الصغير!

ماهر بصله بغيظ لان احلام بعدت عنه فقرب منه وقال:هو انت يلا مش هتبطل حركاتك دي وتبوظ اللحظات السعيده بتاعتي !

حمزه بص لاحلام وقال بخوف من ماهر:مرات خالو خلي خالو يبعد عني!

احلام حركت راسها بالرفض وسابت ماهر يمسكه من بطنه وفضل حمزه يضحك بكل قوه لحدما دموعه نزلت ولما احلام انتبهت ان حمزه وشه احمر قربت من ماهر وبعدته عنه وقالت:خلاص الولد هيموت من الضحك!

حمزه كان بياخد نفسه بصعوبه وماهر رجع قعد مكانه وقال:بطل شقاوه بق انت بقيت راجل؟

حمزه بصله وقال بفرحه:بجد يا خالي يعني اقدر افتح بيت واتجوز؟

ماهر بصله بضم حاجب وقال بصدمه:تتجوز؟

حمزه بص لاخلام وغمزلها تتكلم علي حنين ولاكن احلام لفت وشها وسكتتومردتش عليه

 فـ بص حمزه لخاله وقال بخجل:خلاص مش دلوقت؟

ماهر حس ان في حاجه هوا مش عارفها بتحصل فقال بتساؤل وهو بيبص لاحلام وحمزه:هو في حاجه بتحصل من ورايا ولا ايه؟

احلام رفعت عينيها وحركت راسها بالرفض وقالت:لا مفيش ،بس حمزه؟

حمزه كح علشان يلغوش علي كلامها وهيا ابتسمت وقالت:لا ولا حاجه!

ماهر بص لحمزه وحرك راسه وقال:ماشي انا هعمل اني مش واخد بالي بس مسيري هعرف كل حاجه وكل حاجه  بوقتها..

حمزه بص للسقف وغمض عينيه وسكت وماهر بصله وقال:انت هتنام ولا ايه؟

حمزه فتح عينيه بسرعه وقال:لا انا صاحي خليكيوا قاعدين معايا!

ماهر حرك راسه بالموافقه وقال متقلقش احنا قاعدين معاك .

حمزه سأل ماهر بفضول وقال :هو انت هتسافر امتي يا خالي بالظبط!

ماهر:هسافر بعد بكرا وممكن ارجع علي اول الاسبوع الجديد المهم بس متتعبش احلام معاك وخد علاجك بانتظام ،علشان لو عرفت انك بتتدلع هزعل منك !

حمزه بصله وقال بحب:متقلقش يا خالي،تروح وترجع بالسلامة ،وبعدين دي مرات خالي احلام انا بحبها ومقدرش ازعلها ابدا..متقلقش..

ابتسم ماهر وبص لاحلام واللي كانت باصه لحمزه ورافعه حاجبها ولما سالها ماهر بتبصله ليه كده قالت بغيظ:اي مرات خالي مرات خالي اللي ماسكهالي دي انا ابق خطيبة خاله بس؟

حمزه بدهشه:خطيبته ؟؟ يا عني ايه هو انتي مش مراته؟

احلام باعتراض:لا مراته بس علي الورق انما في الحقيقه احنا مخطوبين،اصل خالك دا يا حمزه لسا مدخلش دماغي بيني وبينك بفكر افسخ الخطوبة !

ماهر بصلها بدهشه وهيا لفت وشها وسكتت وحمزه اللي فضل يضحك علي شكلهم فبص لخاله وقال:متقلقش يا خالي دي هرومات كل البنات كده اسالني انا؟

ماهر:ايوا انت الخبره بتاعنا اللي مقطع السمكة وديلها!

حمزه باستغراب:انا برضوا ولا انت ..ماهر بصلها بدهشه وهوا غمزله وقال:انت  الخبرة كلها يا خالي يا جامد؟

احلام لفت وشها بسرعه وبصة لحمزه وقالت:قصدك ايه بكلامك دا؟

ماهر بص لحمزه بتحذير وحمزه خاف منه وقال:لا ولا حاجه دي كلمة كده طلعت بالغلط؟

احلام قربت من حمزه وقالت :كلمة غلط .. طيب بقولك ايه عارف لو قولتلي الحقيقه هجبلك رقم حنين؟

حمزه بصلها وقال بابتسامه:بتتكلمي بجد؟

احلام حركت راسها وقالت:امال ههزر؟

حمزه بص لخاله اللي باصصله بتحذير وقال بهمس:دا كان مشهور في دبي انه كل البنات بتحبه كل البنات حلوين ياعني ميغركيش دور الملاك البريئ دا؟

احلام ابتسمت بِشر وقالت:حلاوته وايه كمان!

ماهر قرب منهم لانه حس ان في حاجه بتحصل مش كويسه فقال:اتنين مليون جنيه هيروحو للحساب الشهر دا؟

حمزه لما انتبه لكلام خاله بصلها وقال:بس دي كانت كلها اشاعات مش حقيقه؟

ماهر ابتسم لانه عارف نقطة ضعف حمزه ولما لقاه تراجع عن كلامه رجع بسرعه قعد علي الكرسي واحلام بصت لحمزه وقالت:متاكد؟

حمزه:ايوا يا احلام وهكدب ليه دا خالي دا الاحترام كله والادب كله؟

احلام حركت راسها بتفهم ورجعت قعدت جمبه تاني ..وبعد مرور ساعتين كان جه معاد نوم حمزه فقام ماهر واحلام علشان يروحوا وبلغوا حمزه انهم بكرا هيجوا بدري علشان يكونوا معاه لما يخرج من المستشفي..

وبعدما رجعوا القصر وغيروا هدومهم وقفت احلام قدام ماهر وقالت بتساؤل:انت لسا معرفتش مين اللي كان السبب في الحادثة اللي عملها حمزه؟

ماهر بصلها بتفكير لانه لو عرفها ان ياسر اللي عمل كده ويبلغها خطته ممكن احلام تبوظها لانه عارف انها عاطفيه وبتتصرف من قلبها فقرر يخبي عليها دلوقت لحدما ينفذ خطته وبعدين يعرفها كل حاجه ..

كانت احلام بصاله ومستنيه رده وهو حرك راسه وقال:لسا معرفتش بس الظابط اللي ماسك القضيه بيدور ورجالتي معاه!

احلام حركت راسها بتفهم وهو قال:بمناسبه موضوع العقد انا روحت لياسر بنفسي وقطعته عنده في المكتب متشيليش همه بق؟

احلام بلعت ريقها بتوتر وقالت:انا اسفه علشان خليتك تتورط في مشاكلي!

ماهر لمس شعرها وقال:لا متقوليش كده انا اصلا مبسوط انك بلغتيني بكل حاجه في وقتها ،ودا اللي انا عاوزه يا احلام انتي دلوقتي مسؤله مني واسمك مكتوب علي اسمي ياعني اي حاجه تحصل معاكي تبلغيني بيها لان اللي يزعلك يزعلني وبرضوا اللي يفرحك يفرحني ومشاكلك هيا مشاكلي ،، وانا طبعا اقصد بكلامي دا مش كل حاجه كل حاجه يا عني لو حاجه خاصه اوي والموضوع حساس عادي احتفظي بيه مع نفسك انا مش هزعل بس لو حاجه مضيقاكي او مزعلاكي بلغيني بيها فورا وانا وانتي هنحلها مع بعض؟

احلام حركت راسها بالموافقه وقالت:وانت برضوا يا ماهر اي حاجه تضايقك هتضايقني برضوا يعني عرفني ايه اللي بتفكر فيه وبيدور في راسك وانا اوعدك اني هبذل كل جهدي علشان اساعدك!

قبلها ماهر من اعلي جبينها وقال بموافقه:حاضر يا احلام متقلقيش هعرفك كل حاجه !

احلام بتساؤل:يا عني انت فعلا معرفتش مين عمل الحادثه لحمزه ومش بتكدب عليا!

ماهر بصلها وسكت وهيا قالت :انا عمري ما هعمل حاجه من غير ما تكون انت عارفها ..انا اصلا كنت حاسه من البدايه ان ياسر هو اللي عمل كده بس مكنتش عايزه اقولك غير لما تكتشف انت بنفسك لاني عارفه انك مش هتهدي غير لما تعرف مين اللي عملها..

ماهر بصلها بدهشه لانه متوقعهاش بتفكر بالشكل دا ابدا فحرك راسه وقال:بصراحه ابق كداب لو قولتك مش ياسر اللي عملها واني معرفتش حاجه ..

احلام بصت في عينيه بصة طويله وقالت:بتفكر في ايه يا ماهر وليه هادي كدا حتي بعدما عرفت الحقيقه؟

ماهر بصلها وحرك راسه بهدوء وقال: علشان انا مش متهور يا احلام  ؟ ياعني انا لازم احسب اي حاجه قبل ما اعملها وانتقامي بالذات مش لازم يكون بالدم ؟؟

احلام بصتله بانتباه وهو كمل كلامة وقال:يعني انا لوكنت قت/لته ابق رحمته مش انتقمت منه  ولاكن انا لازم لما اقرر انتقم…انتقم بحاجه يكون ليها قيمة عند الشخص دا لانه لما اذاني اذاني بحاجه وجعتني فانا لازم ارجعه اذاه ليا  باكتر حاجه بيحبها؟

احلام بفضول:واي هيا اكتر حاجه ياسر بيحبها؟

ماهربصلها وضحك وقال:ياعني اشتغلتي معاه ومعرفتيش ايه هيا نفطة ضعفه!

احلام حركت راسها وقالت برفض:انا اشتغلت معاه فعلا بس مبقاليش معاه غير كام يوم فامعرفش حاجه؟

حرك ماهر راسه بتفهم وقال:نقطة ضعف ياسر الفلوس يا احلام ..دا واحد بيموت علي القرش ..

احلام بتساؤل:ياعني انت هتاخد كل فلوسه؟

ماهر:مش بالظبط كده لان فلوسه دي متفرقليش في حاجه وانا مش محتاجها لاني معايا اللي يكفيني وزياده ..بس انا هخليه يخسرها واوقعه في شر اعماله علشان ياسر دا اقذر ما كنتي تتخيليه!

احلام حركت راسها بتفهم وقالت:انا كنت مصدومه فيه بصراحه بس لما اتاكدت دلوقت انه اللي  عمل كده في حمزه احتقرته اكتر  بس انا برضوا خايفه عليك ..حاسه انك في خطر لانه ممكن زي ما آذي حمزه يأذيك!

ضمها ماهر لحضنه وابتسم وقال:لا متخافيش عليا اوي كده مش سهل ان حد يقرب مني هوا ممكن عمل كده في حمزه لانه خايف مني بس ميقدرش يعامل كده معايا؟؟ 

وكمل كلامه وقال : برغم ان ياسر عارف ان حمزه نقطه ضعفي واني مش بسامح اي حد يقرب منه فكر برضوا ياذيه بس اللي هو ميعرفوش  بق هو انا هعمل فيه ايه .. وقريب اوي بعدما يخسر اللي وراه واللي قدامه مش هيلحق يعمل معايا حاجه علشان مش هيكون لسا بعقله؟

احلام سالته باستغراب:ليه هوا هيحصله ايه!

ماهر:هيتجنن طبعا!! اصل اللي بيحب الفلوس زي ياسر دا لما يخسر كل ما يملك كده هيتجنن؟

احلام ضمت حاجبها بزعل وقالت:الفلوس دي رغم انها مهمه في حياتنا الدنيا الا انها بتضيع اللي بيعبدها؟

ماهر مسح علي شعرها وقال:اطمني ومتخافيش انا عارف كويس انا بعمل ايه بس عاوزك تخدي بالك علي نفسك وارجوكي بلاش تروحي في اي مكان من غير ما تعرفيني ..انتي مش عارفه لو انتي حصلك حاجه انا ممكن يحصلي ايه؟

احلام قربت منه اكثر وحركت راسها بـ الموافقه وقالت:حاضر هخلي بالي من نفسي بس انت كمان اوعدني انك مش هيحصلك حاجه!

ابتسم ماهر وحرك راسه بالموافقه وقال:ان شاء الله يا احلام هنكون كلنا كويسين .. المهم دلوقت خلينا ننام علشان نصحي بكرا بدري ونروح لحمزه!

احلام حركت راسها بالموافقه واتحركوا الاتنين للسرير وناموا في حضن بعض.

________وفي فيلا ياسر غنيم؟

ياسر رجع من شغله وكانت والدته قاعده مع اصحابها تاني والمره دي كانت كسبتهم ولما ياسر عرف بصلها وقال بدهشه:مبروك يا ماما بس مش انا قولتلك بلاش قمار تاني؟

مامته بفرحه وهيا ماسكه الشيكات في ايديها:انا مش هبطل غير لما ارجع كل اللي خسرته تاني!

واحد من صحابها بص لياسر وقال:ازيك يا ياسر اي اخبار الشغل عندك!

ياسر بضيق من الشخص دا:كله تمام يا انكل ؟

والدته سالته بفضول:صحيح يا ياسر شركتك ارباحها زادت الفتره دي!

ياسر حرك راسه بالموافقه وبصلهم وقال قبل ما يمشي:انا هطلع علشان عندي ميتنج اون لاين ولازم استعد؟

والدته حركت راسها بالموافقه وهوا مشي من قدامهم وهيا بصت لاصحابها وقالت:كفايا لعب النهارده ونكمل يوم تاني!

قاموا اصحابها ومشيوا وهيا دخلت غرفتها وهيا بتقبل الشيكات اللي فازتهم وبتقول بحب:ما فضلش كتير وارجع ثروتي كلها زي الاول؟

قالت كلامها وخبت الشيكات في درج التسريحه ونامت علشان الوقت اتاخر وعند ياسر كان جاله اتصال من شوقي واللي بيقول:ياسر بيه في خبر قالب الشركة عندنا؟

ياسر بفضول:خبر ايه دا يا شوقي قول بسرعه؟

شوقي بحماس كالعاده:ماهر باشا هيمضي صفقه كبيره وهيكون حاطت كل سيولة الشركة فيها وبصراحه كل الشركة هنا متحمسين للمشروع الجديد دا؟

ياسر ابتسم بحماس وقال:شركة ايه بق اللي هيمضي معاها ؟

شوقي:شركة آلمانية يا باشا بس لسا مش عارفين اسمها لان ماهر الصياد لسا مقعدش معاهم!

ياسر ابتسم وقال:الخبر دا هايل يا شوقي وعلشان انت جدع معايا انا هبعتلك علي حسابك مكافئة!

شوقي حرك راسه بحزن وقال:تشكر يا فندم؟

ياسر قال:اول ما ماهر يقول اسم الشركة بلغني فورا ويلا بق علشان تشوف وراك ايه وتعمله!

قال ياسر كلامه و قفل مع شوقي المكالمه وقام بسرعه ياخد شاور علشان يستعد للميتنج اللي هيكون مع الشركة الايطاليه بخصوص باقي فلوس الشحنه والاستلام النهائي.

__________

وتاني يوم صحي ماهر واحلام وجهزوا بسرعه وراحوا المستشفي وطبعا كانوا الخدم في القصر بيجهزوا غرفة حمزه كويس لاستقباله ..

وفي بيت حنين كانت صاحيه علشان مدرستها ولاكنها لاقت والدتها تعبانه فقربت منها وقالت بقلق:ماما انتي تعبانه؟

نورا حركت راسها بالرفض وقال:لا انا بخير؟

حنين بصت لوالدتها بتفحص وقالت:بس انتي باين علي بتتألمي قوليلي يا ماما حاسه بايه متخبيش عليا؟

نورا كانت حاسه بوجع شديد في بطنها فقالت:شوية وجع في بطني وشويه وهيروح متشيليش همي وروحي مدرستك؟

حنين حركت راسها بالرفض وقالت :لا يماما انا مستحيل اسيبك كدا وامشي قومي نروح المستشفي؟

نورا بصت لبنتها علشان تبلغها انها مش موافقه ولاكن الوجع زاد فجاه فقالت : اااه بطني؟

حنين قربت منها وقالت بلهفه:ماما ..مالك بس !

نورا قالت بتعب:هاتيلي هدوم من الدولاب بتاعي وخلينا نروح المستشفي نكشف مش قادره استحمل اكتر من كدا؟

ماشي حاضر..حنين قالت كلامها وجريت بسرعه تجيب لمامتها هدوم وبعدما جابت عبايه رجعت لمامتها وقالت:خليني يا ماما اساعدك تلبسيها..

نورا حركت راسها بالموافقه وقامت بتعب وبدات حنين تلبسها العبايه بالراحه وبعدما خلصت بدات تساعدها تلف الطرحه وكان حمزه نايم فقربت منه حنين وشالته وخرجت لجارتهم وبلغتها تاخد بالها منه لحدما يرجعوا لان مامتها تعبانه وهتروح معاها المستشفي..

جارتهم عزمت علي حنين تروح معاهم ولاكن حنين رفضت وبلغتها انها هتكون معاها بس تاخد بالها من اخوها وبلغتها انهم مش هيتأخروا عليها.. جارتهم وافقت وحنين جريت بسرعه وسندت مامتها ومشيوا مع بعض لحدما ركبوا مواصله وبعد وقت مش كبير وصلوا للمستشفي الحكوميه اللي كانت والدتها فيها قبل كده؟

حنين قربت بسرعه من كراسي الاستراحه وقعدت مامتها عليها وجريت هيا تسأل تكشفلها عند تخصص ايه وهيا بتجري علي كل الاقسام كان حمزه في غرفته والدكاتره بينقلوه علي كرسي متحرك وكان ماهر واحلام واقفين جمبه وماهر مسك الكرسي علشان يتحكم في حركة حمزه وبعدما شكر الدكاتره مشيوا  كلهم وهما في طريقهم للخروج حمزه اخد باله من حنين اللي بتجري وباين علي وشها القلق فطلب من خاله يوقف العجله وقال:هيا مش دي حنين اللي اتبرعتلي بالدم؟

ماهر واحلام انتبهوا لكلامه وبصوا علي المكان اللي بيشاور عليه ولما شافو حنين بتجري في اتجاه مامتها وبتساعدها تمشي احلام قالت بصدمه:ايوا هيا ومش دي مامتها !

ماهر حرك راسها وقال:ايوا هيا ..شكلها تعبان اوي!

حمزه بصلهم وقال:ما تخلونا نروح نشوف مالها ؟

ماهر حرك راسه برفض وقال:لا خلينا نروحك الاول وبعدها هنرجعلهم!

حمزه حرك راسه بالرفض لانه ما صدق شاف حنين تاني فقال:لا انا كويس المهم خلينا نساعدهم زي ما ساعدونا!

ماهر بص لاحلام وهيا حركت راسها بالموافقه وكلهم اتحركوا للغرفة اللي حنين ومامتها دخلوها..

كانت نورا قعدت علي كرسي الكشف وجمبها حنين وبدات الدكتوره تكشف عليها وقالت:الوجع اللي حايه بيه فين بالظبط ؟ 

رفعت نورا ايديها وهيا بتشاور علي جمب بطنها اليمين وبتقول هنا يا دكتوره!

الدكتوره حركت راسها بتفهم وكشفت عليها وقالت:دي شكلها الزايده انتي اول مرة تحسي بالوجع دا؟

نورا حركت راسها وقالت:لا انا حسيت بيه قبل كده من فتره وجالي كام مره كده بس الوجع كان عادي بس المره دي صعب اوي؟

الدكتوره:يبق دا ورم في منطقة الزايدة وعلشان نتاكد هتعمليلي اشاعه سينيه بسرعه وتجيلي تاني؟

حنين بتساؤل:طيب احنا هنعمل الاشاعه دي فين!

الدكتوره:فوق في قسم اشاعت هتعملي الاشاعه ب١٠٠ جنيه!

حنين حركت راسها بالموافقه وقربت من امها تساعدها واول ما فتحوا الباب كانوا واقفين ماهر واحلام ومعاهم حمزه اللي قاعد علي الكرسي المتحرك ..واول ما شافوهم نورا وحنين اتفاجئوا وحمزه قطع الصمت وقال:هو مين اللي كان بيكشف؟

نورا بصتله وقالت:انا!

حمزه حرك راسه وقال:الف سلامه عليكي يارب تكوني بخير!

حنين بصتلهم وقالت:انتوا كويسين جايين تكشفوا انتوا كمان!

احلام حركت راسها بالرفض وقالت:لا احنا شوفناكوا داخلين هنا فجينا نطمن عليكوا!

نورا كان وجعها بيذيد فبصتلهم وقالت:تسلموا يارب بس احنا طالعين لقسم الاشعه بس هنعمل اشاعه!

احلام بقلق:خير يا ام حنين مالك!

نورا:وجع يا حبيبتي بعيد الشر هنا والدكتوره بتقول زايده؟

احلام بصت لحمزه وماهر وقالت:روحوا انتوا وانا هفضل معاهم! 

ماهر كان هيرد عليها ولاكن حنين قالت بمقاطعه:متتعبيش نفسك يا احلام انا هكون معاها 

حنين بصت لحمزه وقالت:حمدلله علي سلامتك يا استاذ حمزه؟

حمزه بصلها بفرحه لانها اخدت بالها منه وقال:الله يسلمك!

نورا بصت لبنتها وقالت:خلينا نمشي يا حنين بعد اذنكوا علشان منعطلكوش!

ماهر حرك راسه وقال:الف سلامه عليكي يا ام حنين!

نورا :الله يسلمك يا استاذ ماهر منشوفكش في حاجه وحشه يارب!

ماهر :خلي بالك من مامتك يا حنين واحلام هتكون معاكوا علشان متكونوش لواحدكوا!

حنين ونورا كانوا هيعترضوا ولاكن ماهر كان

قال كلامه وبص لاحلام واللي حركت راسها بالموافقه وقربت من نورا ومسكت ايديها بسرعه وقالت: بلاش اعتراض علشان انا مش هرجع في كلامي .

ابتسمت حنين وحركت راسها بالموافقه واحلام بصت لماهر وقالت:روح انت مع حمزه وانا هطمن عليهم وهاجي وراكم!

ماهر حرك راسه بالموافقه وبلغ حمزة اللي بيبص لحنين انه هيتحرك وبعدها مشيوا!

حنين كانت متوتره من نظرات حمزه فانتبهت ليه وهوا بيمشي فبصت لمامتها واحلام بسرعه وسندتها معاها واتحركوا لفوق ..

كان في قسم الاشاعة زحمه كبيره فاتحركت احلام علشان تدفع للمرضة فلوس علشان تدخلهم الاول وبالفعل دخلوا والممرضات اخدوا نورا علشان يعملولها الاشعه اللي الدكتوره طلبتها

 ودخلت نورا بالفعل وفضلت حنين واحلام مستنين بقلق وبعد وقت خرجت نورا ومعاها الاشاعه وبعدها نزلوا تاني للدكتوره واول ما مسكت الاشاعه وشافتها قالت:شكي طلع صح وانتي عندك ورم شديد علي الزايده وهنضطر نستأصلها في اسرع وقت؟

نورا بصت للدكتوره وقالت بقلق:ياعني يا دكتوره انا هعمل عمليه!

الدكتوره:ايوا طبعا دي لازم ضروري تتعمل ولو هتعمليها هنا هتكون جراحة ولاكن انا بنصحك تعمليها في مستشفي خاص علشان هناك المنظار متوفر ودا بيكون اسهل  ..

حنين بصت لوالدتها بقلق ومسكت ايديها وقالت:طيب يا دكتوره تكاليف العمليه دي بيكون قد ايه؟

الدكتوره :في المستشفي الخاص التكاليف بتكون :60 الف؟

نورا بصت للدكتوره بدهشه وكل الكلام دا كان قدام احلام واللي كانت بتبصلهم بحزن وبعدما نورا سألت الدكتوره عنالحل البديل الدكتوره بلغتها  ان لو هتعملها في المستشفي الخاصه هيسأصلوا الزايده بالمنظار ودا افضل بكتير ولاكن لو هتعملها جراحه هنا فالتكلفه هتكون ١٥ الف فبصت نورا لبنتها بحزن وقالت:خلاص يا دكتوره انا هشوف دنيتي وهبلغ حضرتك؟

الدكتوره حركت راسها بالموافقه وحنين سندت والدتها واحلام انتبهت ليهم وساعدتهم واول ما خرجوا من المستشفي كانت في عربية مستنياهم تبع ماهر احلام ركبتهم معاها والسواق اتحرك بالعربيه لبيت حنين واول ما وصلوا احلام قالت:انا ممكن اساعدك في دفع التكاليف يا ام حنين!

نورا برفض:لا يا احلام انا مش عاوزه اتقل عليكوا كفايه اوي  اللي عملتوه معانا وارجوكي متقوليش للاستاذ ماهر حاجه ..علشان خاطري متقوليش حاجه واحنا هنعرف نتصرف..

احلام بصتلهم بحزن وحنين حركت راسها بالموافقه علي كلام والدتها وقالت: ماما قالتلي انكوا ساعدتونا بمبلغ امبارح شكرا علي اللي عملتوه معانا واحنا هنعرف نحل المشكله دي مع بعضنا مش عاوزين نتعبكوا معانا تاني؟

احلام حركت راسها بتفهم لكلامهث وقالت:انا مش هضغط عليكوا ..وانا رقمي معاكي يا حنين لو احتاجتوني اساعدكوا اتصلي عليا وانا هعمل كل اللي اقدر عليه علشان خاطر والدتك ؟

حنين شكرتها ووافقت علي كلامها واحلام سابتهم وخرجت واول ما ركبت العربيه اللي هتوصلها للقصر افتكرت احلام يوم ما والدها عمل الحادث وامها واختها سابوها لوحدها وفجاه لقت نفسها مسؤله عن دفع ١٠ الاف كل شهر للمستشفي علشان يسيبوا والدها تحت الاجهزه بعدما دخل في غيبوبه..

احساسها وقتها بالضعف لما حست انها تايهه ومفيش حد معاها كان مؤلم جدا وقدرت تحس بيه تاني لما شافت حنين ولهفتها علي والدتها المريضه حتي وهيا معهاش حق العلاج رفضت مساعدتها..احلام كانت مستنيه زمان ان حد يساعدها بس محدش عمل كده وعمها لما دفع معاها وساعدها كان بسبب انها اترجتو انها مش قادره تجمع ال١٠ الاف  لوحدها .. 

دموع احلام نزلت وفضلت تبكي لحدما رجعت للقصر..

اول ما دخلت كان في استقبالها حمزه وماهر واللي كانوا مستنينها ترجع واول ما شافتهم مسحت دموعها  بسرعه وقالت بتساؤل:واقفين كده ليه!

حمزه بقلق:بتعيطي ليه هوا حصل حاجه لام حنين!

احلام بصتله وحركت راسها بالرفض وقالت:لا هيا كويسه وبعدين انا مش بعيط؟

ماهر قرب منها وقال وهو بيبص لوشها:مالك يا احلام هو حصل حاجه؟

احلام برفض:لا مفيش حاجه ..خلينا نساعده يطلع اوضته!

حمزه حرك الكرسي بسرعه وبعد عنها لما لقاها بتقرب منه  وهيا لما شافته بيعمل كده دموعها نزلت تاني وقالت:ليه رافض المساعده ..ليييه!

بصلها حمزه بدهشه لما لقاها بتصرخ فيه وهيا بتعيط فقرب ماهر منها لما اتاكد ان حصل حاجه خلاتها تبكي بالشكل دا فقال بتساؤل: هو ايه اللي حصل مع ام حنين يا احلام ؟ بقلمي شيماء صبحي 

يتبع 

#الكاتبة_شيماء_صبحي

اول ما ركبت العربيه اللي هتوصلها للقصر افتكرت احلام يوم ما والدها عمل الحادث وامها واختها سابوها لوحدها وفجأة لقت نفسها مسؤله عن دفع ١٠ الاف جنيه كل شهر للمستشفي علشان يسيبوا والدها تحت الاجهزه بعدما دخل في غيبوبه..

احساسها وقتها بالضعف لما حست انها تايهه ومفيش حد معاها كان مؤلم جدا وقدرت تحس بيه تاني لما شافت حنين ولهفتها علي والدتها المريضه حتي وهيا معهاش حق العلاج رفضت مساعدتها..احلام كانت مستنيه زمان ان حد يساعدها بس محدش عمل كده وعمها لما دفع معاها وساعدها كان بسبب انها اترجتو انها مش قادره تجمع ال١٠ الاف  لوحدها .. 

دموع احلام نزلت وفضلت تبكي لحدما رجعت للقصر..

اول ما دخلت كان في استقبالها حمزه وماهر واللي كانوا مستنينها ترجع واول ما شافتهم مسحت دموعها  بسرعه وقالت بتساؤل:واقفين كده ليه!

حمزه بقلق:بتعيطي ليه هوا حصل حاجه لام حنين!

احلام بصتله وحركت راسها بالرفض وقالت:لا هيا كويسه وبعدين انا مش بعيط؟

ماهر قرب منها وقال وهو بيبص لوشها:مالك يا احلام هو حصل حاجه؟

احلام برفض:لا مفيش حاجه ..خلينا نساعده يطلع اوضته!

حمزه حرك الكرسي بسرعه وبعد عنها لما لقاها بتقرب منه  وهيا لما شافته بيعمل كده دموعها نزلت تاني وقالت:ليه رافض المساعده ..ليييه!

بصلها حمزه بدهشه لما لقاها بتصرخ فيه وهيا بتعيط فقرب ماهر منها لما اتاكد ان حصل حاجه خلاتها تبكي بالشكل دا فقال بتساؤل: هو ايه اللي حصل مع ام حنين يا احلام ؟

احلام مسحت دموعها بايديها وقالت برفض:هيا كويسه متقلقوش عليها..أحلام قالت كلامها ومشيت من قدامهم وطلعت علي السلم وهما كانوا واقفين يبصوا عليها بصدمة..

حمزه بص لخالو بتساؤل ولاكن ماهر كان مركز معاها وحاسس بألمها لان الحزن باين عليها فقرب من حمزه وقال:خليني اطلعك اوضتك انا ومرسي علشان ترتاح ..

حمزه حرك راسه بالموافقه وماهر نده علي مرسي وفي خلال ثواني كان مرسي وصل وبدأوا الاتنين يشيلوا حمزه بإحكام وطلعوا علي السلم وراحوا اوضته وحطوة علي السرير..

ماهر بص لشكل حمزه وقال:مرتاح كده ولا اعدلك النومة!

حمزه:لا تمام تسلم يا خالي.

ماهر حرك راسه بهدوء وابتسم وبص لمرسي وقال:علاج حمزه تحت انزل هاتوا وبلغ الطباخ يجهزله فطار خالي الدسم؟

مرسي حرك رأسه بالايجاب ونزل وماهر بص لإبن أخته وقال:تفتكر حصل معاها ايه؟

حمزه:اكيد ام حنين تعبانه وهيا زعلانه علشانها.

ماهر حرك راسه بالرفض وقال: زعل احلام دلوقت ملوش علاقة بوالدة حنين ..

حمزه بفضول:امال ايه؟

ماهر بتفكير:الموضوع خاص بماضيها ..شكلها اتعرضت لحاجه فكرتها بحاجة هيا مبتحبهاش..

حمزه بص لخاله وقال بجديه:طيب روح يا خالي شوف مالها متسيبهاش لوحدها كتير؟

ماهر بصله وقال:طيب انت..

حمزه قاطعه وقال:انا كويس وبعدين انا عارف العلاج بتاعي ومرسي معايا متقلقش ،روح انت اطمن علي احلام وبالمرة شوف ايه اللي حصل معاها..

ماهر بصله وابتسم وحرك راسه بالموافقه وخرج من اوضته واتجه لجناحه بسرعه واول ما وصل لقي احلام نايمة علي السرير ومغمضة عينيها فقرب منها وضمها لحضنه وقال بهمس:مالك يا قلبي..حاسه بايه '

ضغطت احلام علي عينيها وقالت:مفيش؟

ماهر وضع قبلة رقيقه علي اعلي ضهرها بحنيه وقال:هتخبي عليا انا ..دانا حبيبك!

لفت احلام بجسمها وبصت في عينيه وقالت بدموع:ام حنين تعبانة ومحتاجة تعمل عملية الزايدة ،وهيا طلبت مني اخبي عليك علشان مش عاوزين يضغطوا علينا ..انا زعلانه علي حالهم اوي ..كل شوية تحصلهم حاجه وحالهم يسوء أكتر..

انا عرضت عليهم اساعدهم بس هما رفضوا ..كملت ببكاء وقالت:بس شكلهم وهما محتاجين للفلوس فكرني بحالي بزمان لما كنت زيهم كده!

ماهر ضمها لصدره وقال بهدوء:خلاااص اهديي يا حبيبتي ..مسح علي شعرها بحنية وقال:بلاش تفتكري الماضي ،ارمي كل حاجه ورا ضهرك.

احلام حطت ايديها عل رقبته وهيا بتحاول تتعافي بحضنه وفضلت تغمض عينيها وتاخد نفسها بانتظام علشان تهدي وبالفعل قدرت احلام تهدي خالص وبصتله وقالت:انت زعلان مني؟

ماهر حرك راسه بالرفض:عمري ما ازعل منك ،مهما عملتي لانك حته مني ومقدرش ازعل منها؟

احلام ابتسمت علي كلامه وقالت:تفتكر اللي انا عملته صح..اني قولتلك رغم انهم طلبوا مني اخبي عليك!

ماهر ابتسم وقال:هما طبيعي يقولوك كده لانهم عندهم عزة نفس ومكسوفين لادفع لهم حق العملية بس انتي عارفه انا هعمل ايه؟

احلام قالت بفضول:ايه!!

ماهر ضحك وقال:هكسفهم وادفع حق العمليه وخدي بالك برغم اللي عملته مع حنين ومامتها لحد دلوقت الا اني لسا مردتلهاش اللي عملته مع حمزه؟ دي انقذت روحي يا احلام تفتكري لما اشوفها محتاجه مساعدتي هرفض..

ابتسمت احلام وهوا قبل جبينها بحب وقال:سيبيني انا هتصرف معاهم وانا هعرف اجبهالهم بطريقتي بس المهم دلوقت عاوزك تروقي كده وبلاش اشوف دموعك دي نازله تاني علشان لما بشوفها بتقطعلي قلبي والله.

احلام حركت راسها بالموافقه وهوا لمس خدها كأنها طفلة وقال:انا خليتهم تحت يجهزوا فطار خالي الدسم ايه رئيك نروح اوضة حمزه ونفطر معاه؟

احلام حركت راسها وقالت:تفتكر حمزه هيرضي اني اقعد معاه بعدما زعقت فيه؟

ماهر ضحك علي كلامها وقال:انتي قصدك حمزه ابن اختي انا يزعل..يا حبيبتي ماتشيليش هم وبعدين دا حمزه ياعني ..ماهر يقصد بكلامه ان حمزه علي طول بيتهزق وبينضرب وبرغم كل دا بيسامح علي طول  فهيا لما فهمت قصده ضحكت وقالت:بس برضوا..

ماهر مسك ايديها وقال:قومي بس الاول لفي طرحتك وانا هثبتلك بنفسي انه نسي اللي حصل اصلا..

حركت احلام راسها بالموافقه وقامت تلف طرحتها وهوا اتصل بمدير مستشفي خاصه وبلغة ان في سيدة محتاجه تعمل عملية الزايده وسأله يجهزلها ميعاد بسرعه علشان ماهر يجبهاله والمدير بلغه انه هيرد عليه بعد ساعتين..

ماهر قفل المكالمة وقام من علي السرير وكانت احلام خرجت من اوضة تغير الملابس وكانت انتهت من لف حجابها وهو اول ما شافها ابتسم ومسك ايديها وخرجوا الاتنين وراحوا غرفة حمزه؟

كان حمزه قاعد مبتسم انه شاف حنين وانها اطمنت عليه فحس انها اكيد واخده بالها منه وعندها مشاعر ليه فكان بيتخيل انه قام بالسلامه وراحلها وطلب منها يرتبطوا وهوا قاعد وبيتخيل ومبسوط  دخل ماهر للغرفه ومعاه احلام واول ما حمزة  شاف احلام ابتسم وقال:اخيرا مرات خالو جت!

احلام بصتله وقالت:انا جاية اصالحك علشان زعقت فيك؟

حمزه بتساؤل:وهو انتي زعقتي فيا!  دا حصل امتي دا!

ماهر بصلها وابتسم وهيا حركت راسها وقالت: خلاص مدام مش فاكر مش هفكرك المهم  احنا جايين نفطر معاك.

حمزه بابتسامه:دا انتي هتنوري والله..

احلام ابتسمت وقربت من السرير وقعدت عليه وقالت:كنت بتفكر في ايه ومبسوط كده!

حمزه بهمس:حنين!

ابتسمت احلام وقالت:دانت واقع بجد بق!

حمزه بفرحه:امال ايه انتي مش شايفه جمالها ؟

احلام بصت لماهر وقالت:الظاهر ان حمزه ذوقة حلو وبيعرف يختار؟

ماهر بانشكاح:طالع لخاله.

خجلت احلام من كلامه ووشها احمر وهوا ابتسم علي شكلها وبص لحمزه وقال:اي رئيك يا حموزه لما نجبلك نونو صغير يقرفك زي ما انت منور حياتنا كده؟

حمزه بصله بصدمه وقال:يعني ايه يقرفني وانا منور حياتكوا هو انت مبسوط ولا زعلان ولا ايه؟ وبعدين نونو ايه اللي انت هتجيبه وازاي!

ماهر شاور بعيونه علي احلام وحمزه لما فهم قصده قال:اه انت ومرات خالوا يا عني ..احلام انتبهت ليه وهوا قال:  تخلفوا ايه بس دلوقت مش لما تعملوا فرح الاول وافرح بيكوا بعدين تفكروا في الخلفة!

ماهر بصله وقال بإعجاب:تصدق اقنعتني..عندك حق..

احلام كانت قاعده تبصلهم وهيا مش فاهمه اي حاجه لحدما الخدم جابوا الفطار وحطوه علي الصينيه لحمزه ودخلوا صينيه متحركة لماهر واحلام..

حمزه بص لمرسي وقال:تسلم ايديك يا صاحبي المهم بق تعالي اكلني؟

مرسي بص لماهر بخجل وماهر حرك راسه ليه  بالرفض وقال:لا سيبه انا هاكله وروح انت يا مرسي كمل شغلك..

مرسي حرك راسه ومشي وماهر قرب من حمزه وقال:قولي ابدأ بايه يا قلب خالك!

حمزه بص للاكل وقال:اي حاجه!

ماهر بدأ ياكل وهو بيقول:طعم الاكل دا حلو يسلم ايد الشيف بتاعنا!

حمزه بص لخاله بصدمه وقال بجوع:هو المفروض مين اللي ياكل فينا..

ماهر:انا طبعا..اي دا هو انت جعان!

حمزه ببكاء:لا بتفرج عليك وانت بتاكل اكلي..

ابتسم ماهر وبدا يأكله ويصالحه واحلام بدات تاكل هيا كمان وبعدما ماهر انتهي من اطعام حمزه قرب من احلام وشاركها في الأكل وبعدما انتهوا ماهر بلغهم انه هيروح الشركه يخلص اللي وراه وهيرجعلهم علشان يقضي معاهم باقي اليوم علشان هيسافر بكرا.

وبعدما ماهر مشي وراح الشركة فضلت احلام قاعدة مع حمزه وبيتكلموا مع بعض واحلام كانت طلبت من حمزة يحكيلها عن حياتهم لما كانوا عايشين في دبي وازاي استقروا في مصر وبدا حمزه يحكيلها انهم بعدما قرر ماهر ياخده وينزل مصر كانت والدته وجدته اللي هيا والدة ماهر كانوا رافضين ولاكن ماهر كان مُصر علي قراره وبلغهم انه هيبعتلهم فلوس يصرفوا منها وفي المقابل يسبوه يعيش هوا وحمزه بدون مشاكل لان والدة ماهر طبق الأصل من بنتها چيدا والدة حمزه وكانوا الاتنين عايشين حياتهم ومتجاهلين تماما ماهر وحمزه ومبيسألوش عنهم غير وهما محتاجين فلوس ..علشان كده ماهر وصفهم بالانانيين وكان بيهدد حمزه علي طول انه هيبعته ليهم ولان حمزه عارف أنه ميقدرش يعيش غير مع ماهر كان بيحاول ميعملش مشاكل علشان ماهر ميبعتوش ليهم..

احلام كانت بتسمع كلام حمزه وضامه حاجبها لحدما حمزه حكي ليها عن قصة سيلين وخاله وبلغها انها كانت قصه عابرة وملهاش معني عند ماهر لانه عمره ما حب سيلين وكان معتبرها صديقه بس هيا اللي كانت بتتخطي حدودها معاه وبعدما انهي حمزه كلامه طلب منها تحكيله عن ماضيها هيا وخالوا وعن طفولتهم مع بعض واحلام وافقت وبدات تحكيله وهوا يضحك وفضلوا هما الاتنين يتكلموا مع بعض ومبسوطين.

____________

وفي الشقة اللي فيها ممدوح ومنعم كان وصلوا الناس اللي بعتهم ماهر علشان يدربوا ممدوح كويس واول ما منعم شافهم رحب بيهم ودخلهم وهما اول مشافوا شكل ممدوح قال واحد منهم:دا محتاج إعادة تدوير من أول وجديد.

منعم قال:ماهر باشا عاوزه في خلال اسبوعين يكون بيعرف يتكلم كلمات انجليزي كتير وازاي يتاعمل زي الاغنياء..

الناس بصوله وقالوا:هوا اصلا عنده فكرة يعني ايه راجل غني او ناس راقيه؟

منعم حرك راسه بالرفض وقال:لا هوا ميعرفش اي حاجه في حياته بس الدور الباقي عليكوا بق  انتوا اللي هتعلموه واحنا عاوزينه يكون شخص تاني بعد اسبوعين بالظبط!

الشباب بصوا لممدوح و بلعوا ريقهم وقالوا:والله احنا هنحاول؟بس التساهيل علي ربنا!!

منعم خبط علي كتفهم وقال بتشجيع:ربنا معاكوا يا شباب..انا سيبهولكم تبدأوا معاه لحدما انزل اشتري سجاير واجي؟

الشباب حركوا راسهم بالموافقه ومنعم خرج من الشقه وهما قربوا من ممدوح اللي نايم وبدأوا يصحوه وبعد وقت من محاولاتهم صحي ممدوح وهوا متضايق وبيقول:في ايه مين بيصحيني!

الشباب بصوله باستغراب وقالوا:اصحي يا استاذ ممدوح خلينا نبدأ في التدريب!

ممدوح بتساؤل:تدريب ايه!

الشباب بصوا لبعض وقال:المهمه اللي هيكلفك بيها ماهر بيه!

ممدوح اول ما سمع اسم ماهر قام بسرعه وقال:ايوا المهمه..مسح وشه بايديه وقال:انا جاهز؟

شاب قرب منه وقال برفض:لا مينفعش تقول انك جاهز غير لما تروح تغسل وشك واسنانك وتاخد شاور؟

ممدوح بضيق:شاور تاني!

الشباب حركوا راسهم بالموافقه وممدوح قام ودخل للحمام وبدأ ياخد شاور وبعدما انتهي كان الشاب التاني مستنيه علشان يحلق شعره وبداوا يظبتوا شكل ممدوح وبعدما خلصوا كان منعم رجع من برا واول مشاف شكل ممدوح بعد التغير اتفاجئ، لان كان شكله اتغير خالص وبان عليه النظافه فقال بشك:شكلك هتنجح ولا ايه يا عم ممدوح!

ممدوح بصله وابتسم وقال:اي رئيك يا منعم ..شكلي حلو!

منعم حرك راسه بالموافقه وقال وهو بيوجه كلامه للشباب:تسلموا يا شباب علي العظمة دي ..كملوا بق شغلكوا معاه..

الشباب قربوا من منعم ومسكوا ايدهه واتحركوا للصالون وعلموه ازاي يقعد وبدا الشاب يقعد ويخلي ممدوح يقلده وبعد محوالات كتير ممدوح قدر يظبط الماشية بس فحرك الشاب راسه بتعب وقال:مش مشكله مع الممارسة هتعملها صح.. خلينا نعلمك ازاي لما تتعرف علي شخص جديد اسلوبك معاه هيكون ازاي..

كان واقف منعم يتفرج عليهم وبيبلغ ماهر علي التيلفون كل اللي بيحصل وبدأوا الشباب يعلموا ممدوح كل ما يخلص شخصية الرجل الغني ..

وفي شركة الصياد وصل ملف صابر لمكتب ماهر واول ما ماهر قرأ الاسم وشاف صورة صابر اتفاجئ ووافق عليه علي طول لانه مكانش يعرف ان صابر متعلم ومعاه الشهادات دي ..فبلغ تغريد تتصل عليه وتخليه يجيلوا علي مكتبه في اسرع وقت وبعدما ماهر قال كلامه وقفل المكالمه خرج وبلغ السكرتيره انه مسافر بكرا وانها تأجل اي شغل ليه خلال الاسبوع الجاي وبلغها تنشر في الشركة خبر التعاقد اللي هيكون مع الشركة الالمانية وبعدها اتجه لقسم الحسابات علشان يشوف حمزه كان عامل ايه في فترة شغله ..

وكان وقتها نصر مقرب من ياسمين وبيبلغها انها هتترقي وهتكون موظفه وبلغها انه معجب بيها وعاوز يتقدملها وهيا اول ما سمعت كلامه اتفجأة واتوترت لانها مكانتش تتوقع انه معجب بيها ولاكنه شرحلها انه اعجب بيها من اول يوم شافها وطلب منها تديله فرصه يقرب منها ولو محبتهوش ترفضه وهو مش هيزعل.. ياسمين وافقت ونصر ابتسم بفرحه وهوا مقرر يسيبها تكمل شغلها ويرجع هوا لمكتبه وهو بيتحرك لمكتبه يقعد  لقي ماهر في وشه وبيقول:طمني حمزه كان عامل ايه في فترة شغله هنا؟

نصر بص لماهر واتوتر وقال:حمدلله علي سلامتك يا فندم..حمزه بيه ما شاء الله عليه يا فندم خلص كل شغله وانا بصراحه متفاجئ من مجهودة الكبير بس هوا فعلا ابهرنا كلنا؟

اتبسط ماهر من كلامه وحرك راسه بالموافقه وبلغه انه هيجبله موظف يشتغل متدرب معاه مكان حمزه ونصر حرك راسه بترحيب وبعدها ماهر خرج من المكتب ورجع مكتبه تاني وفي خلال ساعه كان صابر جه الشركة بفرحه ولما عرف ان ماهر قبله قرر يروح ويقابله ويعرفه عن نفسه واول ما وصل لمكتب ماهر رحبت بيه السكرتيرة وبلغته ان ماهر بيه  في انتظاره..

دخل صابر للمكتب واول مشاف ماهر خجل وقال:صباح الخير يا ماهر باشًا. 

ماهر اول ما شافه وقف بسرعه وقال بابتسامه:ازيك يا صابر اتفضل!

قعد صابر وكلن بيبص لماهر بخجل فاتكلم ماهر وقال:انا مبسوط انك قدمت في الشركه بس انت ازاي متقوليش انك معاك شهادات عاليه كده!

صابر بصله وقال بخجل:اصل انا قدمت قبل كده واترفض وحاولت مره تانيه وبرضوا اترفضت فانا كنت فقدت الامل بصراحه فالموضوع مكانش في بالي وانا عارف اني فجأتك بس انا فرحان انك قابلتني.

ماهر :دا شرف كبير لينا والله انك هتشتغل معانا ،عموما يا سيدي حصل خير وانا مسامحك علشان مبلغتتيش بكل الكلام دا …بس هوا انت ازاي مشتغلتش في اي شركة وانت معاك المؤهل العالي دا؟

صابر بصله وابتسم وقال:اصل انا بصراحه كان هدفي اول ما اتخرجت كان مجموعة الصياد وكنت مستعد اسافر بس حصلت ظروف منعتي ولما عرفت ان الشركه هتنقل فرعها الرئيسي في مصر كنت فرحان بس لما قدمت ورقي اترفض؟

ماهر بدهشه:ازاي بس انا ما اخدتش بالي !

صابر:خلاص يا فندم دا في الماضي حصل خير!

ماهر حرك راسه بابتسامه وقال:طيب يا صابر انا محتاجك بصراحه تمسك رئيس قسم المبيعات بس مش دلوقت انا هخليك الاول متدرب في قسم الحسابات وبعد فتره مش كبيره هتتعين في منصب مسؤل المبيعات الرئسيي ؟

صابر بصله بفرحه وقال:يافندم اي حاجه تقول عليها دا انا ماصدقت اتقبلت!

ابتسم ماهر:لا متقولش كده انت تستاهل كل خير عموما انا بلغتهم يجهزولك مكتبك وهتبدأ شغل من بكرا..ايه رئيك ؟

صابر بفرحة: رأيي في ايه يا فندم ،،موافق طبعا!

ماهر ابتسم وطلع عقد من مكتبه واداه لصابر يمضيه وقال:مبروك يا صابر،نورت الشركة!

صابر بحماس:الله يبارك فيكي يا فندم!

ماهر بص في ساعته وقال:تقدر تروح وان شاء الله هتوصل بكرا في معاد الموظفين الساعه ٨ الصبح!

صابر حرك راسه بالموافقه واستاذن من ماهر وخرج وماهر لبس جاكت بدلته واتحرك بسرعه لبيت والدة حنين .

وبعد وقت مش كبير وصل ماهر قدام البيت خرج وهوا بيبص حواليه ولما لقي البيت بتاعهم الباب بتاعه مقفول قرب منه وخبط وبعد ثواني الباب اتفتح وكانت حنين!

حنين باستغراب:استاذ ماهر؟

ماهر بهدوء:ازيك يا حنين ..فين والدتك؟

حنين:ماما جوا ..ثواني هبلغها ان حضرتك موجود !

ماهر حرك راسه بالموافقه وحنين دخلت بلغت والدتها انه موجود وساعدتها تلبس هدومها بسرعه وبعدها رجعت لماهر وقالت:معلش وقفتك علي الباب اتفضل يا استاذ ماهر!

ماهر دخل للبيت واول مشاف والدة حنين قال:ازيك يا ام حنين عاملة ايه دلوقت؟

نورا بتعب:الحمدلله بخير اتفضل ارتاح!

ماهر حرك راسه برفض وقال:في الحقيقه انا جاي اخدك علشان تعملي العملية..

نورا بصتله بصدمه وهوا قال:انا عارف انك متافاجئه من كلامي  بس في الحقيقه انتوا ليكوا عندي جميل وانا بحاول ارد جزء بسيط منه؟

حنين كانت فاهمه قاصده ولاكن نورا مفهمتش فقالت:جميل ايه يا استاذ ماهر دنتوا اللي جمايلكوا اللي  مغرقانا!

ماهر بص لحنين وهيا بلغته بعيونها انها مقالتش لوالدتها حاجه فحرك راسه  بتفهم وقال:انا بلغت دكتور صديقي وهو بيعمل العمليات دي للناس اللي مش معاها حق التكاليف ..وانا لما قولته عليكي طلب مني اجيبك تعملي العمليه في اسرع وقت؟

نورا رغم فرحتها من كلامه الا انها كانت خايفه فقالت بتوتر:يعني معقول عملية مكلفة زي دي تتعمل كده من غير فلوس؟

ماهر :لا بفلوس بس فلوس رمزيه ..المهم دلوقت علشان صحتك لازم تعملي العمليه فورا وهما دلوقت في المستشفي جهزوا غرفة  العمليات ومستنينك بس تروحي!

حنين قربت من والدتها ومسكت ايديها قوالت بفرحه:دي حاجه هايله يا ماما ارجوكي وافقي علشان نلحق الورم قبل ما يكبر !

نورا بلعت ريقها وبصتلهم بتفكير وبعد ثواني قليله حركت راسها بالموافقه وقالت:طيب وانتي واخوكي هتعملوا ايه ؟

ماهر:انا هاخد حنين وحمزه عندي في القصر لحدما تقومي بس السلامه وهيا عمتا العمليه هتاخد بالكتير ساعة او ساعتين يعني متقلقيش من حاجه!

نورا حركت راسها بالموافقه وماهر بص لحنين وقال:انا هسبقوا علي العربيه وانتي ساعدي مامتك وحصلوني علي برا .

حنين حركت راسها بـ الموافقه وساعدت والدتها تجهز وتلبس هدوم تانيه وبعد دقايق خرجت حنين ومامتها ومعاهم حمزه وركبوا كلهم في عربية ماهر واتحركوا للمستشفي..

_______في القصر؟

وصلت لاحلام رساله من ماهر بلغها فيها باللي عمله وعرفها انه هيحيب حنين وحمزه للقصر لحدما والدتهم تكون بخير وبلغها انهم هيفضلوا مع نورا لحدما تعمل العنليه وبعد ما تخرج من العمليات ويطمنوا عليها هيجيب حنين وحمزه للقصر..

احلام فرحت باهتمام ماهر ليهم ومساعدته ليهم فبعتتله رساله بتعبر فيها عن حبها ليه وقد ايه هيا مستنياه علي نار علشان محضراله مفجاه واول ما ماهر قرأ رسالتها ابتسم ورد عليها وقال:بحبك وبموت فيكي!

ابتسمت احلام بخجل وردت عليه:وانا كمان بموت فيك!

ماهر بعتلها قلب وهيا بصت للتيلفون وحضنته بحب وكان كل اللي بيحصل دا قدام حمزه واللي رافع حاجبه وهوا باصص عليها باستغراب ..

احلام بعدت التيلفون عن حضنها وبصت لحمزه واللي قال:مالك يا مرات خالي..هو خالي بعتلك ايه في الرساله علشان تكوني مبسوطة اوي مدا..رفع حمزه جسمه علشان يبص علي التيلفون ولاكن احلام خبته بسرعه وقالت:سيبك من ماهر دلوقت وركز علي اللي هقوله؟

حمزه بصلها باستغراب وقال:ايه!

احلام :حنين وحمزه جايين القصر مع ماهر اصل والدتهم هتعمل العمليه دلوقت وماهر هيجبهم معاه وهو راجع!

حمزه حس بنبضات قلبه بتزيد وكان من حماسه عايز يطنطط من الفرحه فبصلها وقال بفرحه:انتي بتتكلمي بجد!

احلام حركت راسها وقالت:هيباتوا معانا النهارده..اي رئيك بق!

حمزه بفرحه:انتي عارفه يا احلام انا عاوز دلوقت اقوم ارقص من الفرحه..ضحكت احلام علي كلامه وهوا فضل يبص عليها ويضحك وهو بيقول:هيوصلوا انتي؟

احلام:ماهر بيقول بعد ساعتين..مش هيتاخروا!

حمزه بزعل:يااه كتير اوي ساعتين اهو دول بق  هيعدوا عليا وكانهم سنتين!

احلام ضربته بخفه علي صدره وقالت:اصبر يا حمزه هو انت كنت تتخيل انك هتشوفها تاني.

حمزه بتوهان:لا ..بس انا مبسوط..

ضحكت احلام علي كلامة وقالت:طيب انا هروح اوضتي اغير هدومي وارتاح شويه علي ما يوصلوا وانت ناملك شويه؟

حمزه برفض:وانا هيجيلي نوم ازاي بعد الكلام اللي انتي قولتيه..دا انا هفضل صاحي ومركز علشان بس اشوف جمال العيون البنيه وجمال الضحكة  بتاعها الساحرة.

ضحكت احلام علي كلامه وسابته وخرجت وهوا فضل مبتسم ومش مصدق انها هتبات فعلا معاه في نفس المكان!

وعند احلام كانت دخلت الجناح وهيا مبتسمه لانها عاوزه تعمل مفجأة لماهر بما انه هيسافر قررت انها تسهر معاه علشان تشبع منه لانه هيغيب عنها وهيا ما صدقت قابلته تاني..

فقربت من دولابها وطلعت منه فستان ابيض مطرز من اعلي الصدر وعليه ريش علي شكل ورده وكان شكله يخطف القلب.. كان الفستان دا اشترته احلام لانه عجبها جدا لما كانت بتساعد واحده زميلتها في الشغل في اختيار فساتينها اللي بتكون مخصصه للحظات الرمانسيه دي ولما سألتها احلام هيا ليه قصيرة اوي كده البنت بلغتها ان دا اسمه قميص نوم وشرحتلها الوقت اللي بيتلبس فيه ولما احلام تخيلت انها لبسته علشان الحجات دي قلبها فضل يدق بتوتر شديد لانها متوقعتش انها هتتسرع في الموضوع دا بس كانت بتحاول تسيطر علي افكارها لانها حاسه انها محتاجه تقرب من ماهر لانه جوزها ومش عيب ابدا اللي هتعمله ..لانه حبيبها وروح قلبها فمكنتش عاوزه تختم اليوم غير بذكري حلوه ليهم.

_________في المشتفي؟. 

الممرضات جهزوا نورا للعمليه وماهر كان واقف مع حنين وحمزه ومستنيها تخرج ليهم بالسلامه!

وبعد ساعتين خرج الدكتور من غرفة العمليات وبلغهم ان العمليه نجحت وتم استأصال الورم بسلام وان نورا دلوقت لسا تحت تأثير المخدر وبلغوه انهم هينقلوها لغرفه عاديه ولما ماهر طلب انهم يطمنوا عليها بلغهم الدكتور انه مينفعش حد يقرب منها دلوقت وانهم يسيبوها ترتاح ..علشان دا الافضل ليها..

حنين طلبت تفضل مع مامتها ولاكن الدكتور رفض لان المستشفي دلوقت عندهم عجز في النبطشية بسبب ان معظم الدكاتره والممرضين واخدين اجازه فهما عاوزين كل المرضي يرتاحوا بحيث ان لو حد تعب يلحقوه هما وميقلقوش اهله عليه.

شكر ماهر الدكتور وبص لحنين وحمزه وقال:انتو هتيجوا معايا القصر وهتباتوا معانا النهارده وبكرا ان شاء الله هتجولها تطمنوا عليها؟

حنين باعتراض:بس انا ممكن ابات في بتنا انا وحمزه عادي!

ماهر فكر في كلامها للحظة ولاكنه لما حس انه هيكون خطر عليهم لان حنين برضوا مش كبيرة كفايه فقال باعتراض:والدتك طلبت مني اخد بالي منكم وانا شايف ان الانسب ليكوا تيجوا معايا القصر!

حنين حركت راسها بالموافقه بما لقت انه مُصر وهو قال:خلينا نمشي علشان منتاخرش اكتر من كده 

حنين مسكت ايد اخوها باحكام وحركت راسها بالموافقه وخرجوا كلهم برا المستشفي وركبوا عربية ماهر واتحركوا للقصر؟

وبعد مرور نصف ساعه وصلت عربية ماهر للقصر ..قرب واحد من الخدم وفتحلهم الباب واول ما دخلوا كان في استقبالهم احلام واللي لابسه اسدال وحمزه اللي قاعد علي الكرسي المتحرك ومبتسم!

حنين اول مشافت حمزه ونظراته ليها قلبها فضل يدق بقوه وهوا قلبه كان بيدق باضعاف دقات قلبها!

ماهر قرب من احلام وابتسملها يحي كبيروقال:ازيك يا احلام.

احلام بصتله بخجل وقالت:الحمدلله ..حمدلله علي سلامتكوا!

حنين قربت من احلام وسلمت عليها وبعدها حمزه الصغير سلم عليها ولما احلام انتبهت لنظرات حمزه اللي هتموت علي حنين قالت:سلموا علي حمزه ؟

حنين وشها احمر وهيا بتقرب منه وبتسلم عليه وهوا اول ما لمس ايديها حس انه عوز يضمها لحضنه ويقبلها ..لانها كانت جميلة بطريقة تجنن.

حمزه الصغير قرب من حمزه وقال:ازيك يا عمو حمزه ..ايديك عامله ايه؟

حمزه ابتسم وقال:ايدي كويسه بس طمني لسانك قصدي انت عامل ايه؟

حمزه الصغير بابتسامه:الحمدلله.

حنين قربت من اخوها وضمته ليها وماهر بصلها وقال:الخدم هياخدوكي علي الغرفة اللي هتنامي فيها انتي وحمزه؟

حمزه الكبير بخجل:لسا بدري علي الكلام دا احنا لسا مقرأناش فاتحه حتي!

حنين بصتله باستغراب وماهر بصله بدهشه واحلام ضحكت لانها فهمت قصده ..

حمزه اول ما انتبه لكلامه بصلهم وقال:مش قصدي حاجه انا بتكلم مع نفسي.

حنين بصة لماهر وحركت راسها وقالت:متشكره يا استاذ ماهر!

ماهر ابتسم وقال:الشكر لله ..يلا يا حنين خدي اخوكي واطلعي ارتاحي علشان انتي تعبتي النهاره!

حنين حركت راسها بالموافقه وقربت منها بنت من الخدم وقالت:تعالي معايا يا انسه!

حنين مسكت ايد اخوها وحركت راسها ليها ومشيت معاها هيا وحمزه اخوها وحمزه اول ما انتبه انها مشيت زعل وبص لخاله لقاه مش مركز معاه وبيبص لاحلام وتايهه في جمالها..

حمزه ضم شفايفه بزعل واتحرك بالكرسي المتحرك وقال وهو بينا ي علي مرسي :مرسي تعالا طلعني اوضتي.

مرسي قرب منه بسرعه وهو معاه واحد من الخدم وبداوا يشيلوا حمزه ويطلعوه لغرفته وماهر كان بيبص لاحلام وبيقول:خلينا نطلع اوضتنا احنا كمان ؟

احلام حركت راسها بالموافقه ومسكت ايديه وطلعوا لجناحهم واول ما دخلوا ..

ماهر قلع جاكت بدلته ولف بجسمه علشان يبصلها لقاها مش موجوده فبص علي غرفة الملابس لقاها مقفوله فقلع بسرعه التيشرت علشان يدخل وراها بحجة انه هيغير هدومه ويقرب منها ولاكنه وقف من الصدمه لما لقاها خارجه من الارضة وهيا لابسه فستان ابيض جذاب وبتقرب منه بخطوات بطيئة وفيها دلع..

ماهر قال بكلام متقطع:اي…دا..يا اح..لا.م

احلام قربت منه وهيا بتبتسم برقه وهوا كان واقف قدامها بدون تيشرت فلما شافته كده خجلت اكتر وقربت منه وهيا بتبص للارض وبتقول بخجل:ممكن نسهر مع بعض النهاردة..بما انك ياعني هتسافر ومش هشوفك غير بعد اسبوع؟

ماهر رفع وشها بايديه وبص في عيونها بتوهان وقال:انتي بجد يا احلام ولا انا بحلم؟

احلام بتوتر من نظراته اللي مخلياها هتموت من الخجل:لا بجد؟

ماهر شدها من وسطها عليه بطريقه رومانسيه وبسبب حركته دي شفا/يفهم لمست بعض بعفوية وماهر استغل سكوتها بانه يقب/لها واحلام كانت دايبه فيه فاستجابت معاه وبدأ ماهر يشيلها علي دراعه بهدوء وبعد اول قبلة بعدت احلام عنه وهيا بتاخد انفاسها بصعوبه واول ما بصت لوشه خدودها احمرت وهوا فضل يتأملها بحب كبير..

احلام عدلت نفسها وقالت:احنا متجوزين صح؟

ماهر قرب من رقبتها وقبلها واحلام اطلقت شهقه بتدل علي غيرتها وهوا بعد عنها وبص علي ملامحها وقال:انتي عملتي كل دا علشان موافقة صح..

احلام قلبها فضل يدق من كلامه فحركت راسها بهدوء وهوا قرب منها اكتر وخلاها تلمس صد/رة وهيا بصتله وقال بكسوف:ماهر؟

ضحك ماهر ومسك ايديها قبلها برقه وقال:نعم يا قلب ماهر من جوا'

احلام غمضت عينيها وهوا قبل جبينها بسرعه وقال:اي رئيك ننفذ الفكرة اللي اقترحتها النهاردة الصبح علي حمزه ؟

احلام بتساؤل:فكرة إيه؟

ماهر بمغازلة:النونو..ايه رئيك نجيب نونو يونس حمزه..احلام بصتله وسكتت وهوا رفع وشها ليه تاني وقال:انا عاوز اعملك فرح زيك زي اي بنت ..ولا انتي موافقه بجد  نتمم الليلة ولا نأجلها ليوم الفرح؟

احلام بصت في عيونه بتوهان وهوا كان تايهه فيها أكتر منها فـ احلام حست انها مش قادرة تسيطر علي مشاعرها فقربت منه وحضنته بقوة وقالت:مش عارفة..انا مبسوطة اني معاك ومش عايزه اسيبك ابدا..ممكن متسافرش وتفضل معايا..خليك جمبي يا ماهر ،انا عارفة اني طلبي صعب بس لو ممكن تحاول علشاني..انا بكون مطمنة وانت معايا،وبقيت بتوحشني كتير..في كل ثانية وكل دقيقة بتوحشني..لما بتسيبني بالساعات وتروح الشغل بفضل قلقانه عليك ومفتقداك .بقول دايما لنفسي دا مجرد احساس لانك قربت مني الفتره دي فـطبيعي احس انك واحشني بس اتاكدت اني مقدرش اعيش من غيرك ثانية واحده ،ومش بس دلوقت  حسيت بكده انت كنت بتوحشني زمان برضوا كنت بكلم صورتك اللي في اوضتي واشتكيلك كل يوم واعاتبك علشان مرجعتش تاني كنت لما بحس اني زعلانه بقرب من الصوره و...

ماهر كان مركز في عيونها وبيسمع كل كلمة بتقولها بقلبة ..ولاكنه اتفاجئ لما سكتت وسالها بفضول:بتعملي ايه لما بتزعلي مني؟

احلام بتوتر:بقرب الصورة بتاعتك وبلمس وشك بلطف..وبعدها بقرب الصورة من شافيفي وابوسها ..كنت بخجل من نفسي بعدما اعمل كده..كنت بقول ان دا غلط واني مش من حقي اعمل كده لانك غريب عني بس دلوقت ..دلوقت انت بقيت جوزي يا ماهر..

اخدت نفس طويل وكملت وقالت:امبارح بس لما قولت انك مسافر قلبي وجعني اوي وعقلي بق مشغول وبيفكر متير ف …. وبقول لنفسي يا تري انت هترجع تاني ولا ممكن تسيبني من جديد..قلبي مش مرتاح وانا مش لاقية رد علي كل أسألته..هوا بس محتاج اجابه ،عارفة انك وعدتني انك هتكون بخير بس برضوا قلقانه.

ماهر ضمها لحضنه وابتسم وقال:متقلقيش يا احلام..انا هرجعلك المرة دي ومش بس علشان انا وعدتك لا علشان انا مفيش حاجه مهمة اتحمس ليها غيرك..انتي فاكرة اني لما بروح الشغل وببعد عنك بكون مرتاح..لأ يا احلام انا بفكر فيكي ويمكن اكتر منك وبتمني اليوم اللي ترضي عليا فيه واقدر اقرب منك وتكوني زوجتي بجد مش مجرد اسم علي الورق وخلاص..

احلام بخجل:ياعني انت هترجع بجد؟يعني اجاوب قلبي علي أسالته واطمنه؟

ماهر حرك راسه بالرفض وقال:لا متجاوبيش علشان انا اللي هجاوبه علي كل اسالته النهارده.

قال ماهر كلامه وشالها بكل رومانسه علي ايديه الاتنين وضمها لصدره..فكت احلام توكة شعرها وسابته مفرود وضمت ايديها الاتنين وقربت اكتر من ماهر ومسكت في رقبته وبدات تق/بلة بكل حب وشوق..

كان ماهر فرحان ان حب عمرة بقت ليه ..بين ايديه وبتحبه زي ما بيحبها..حطها ماهر علي السرير ومسك ايديها وحطها ورا ضهرها واحلام كانت مغمضة عيونها بكسوف وهوا ضحك علي ملامح وشها اللي بيعشقهم..قرب اكثر منها وبعد خصله من شعرها ورا ودنها وقبلها بكل حب وعشق وبعدها بعد عنها وقال:خلينا نأجل اللحظة دي  ليوم فرحنا ..علشان عايز اليوم دا بالنسبالنا يكون يوم مميز انتي تستاهلي تعيشي كل لحظة فيه بجد ،و انتي مش قليلة علشان معملكيش فرح..لا انتي تستاهلي تلبسي اجمل فستان واجمل طرحة وتمسكي  بوكيه الورد اللي حبيبك جابهولك….،..انتي تستاهلي حبي وتستاهلي عشقي ليكي ..انتي حب عمري اللي عمري ما هقدر انساها ولا انسي حبها..كل تفصيبة فيا بتهمس بإسمك وكل قلبي ملك ليكي ..عقلي مش هيفكر غير فيكي وشافيفي..

سكت وهيا بلعت ريقها وهوا قال قبل ما يقبلها تاني:مش هتقرب غير ليكي..علشان انتي حبيبتي ونور عيني… انا بحبك وبموت فيكي يا احلام 🫂💖يتبع بقلمي شيماء صبحي 

بعدما ماهر قال كلامة لاحلام طلب منها تقوم وتغير هدومها وتلبس بيچاما علشان تنام وهو قام علشان يجهز شنطته واتصل علي منعم الاول وعرفة انه مسافر وانه اللي هيكون مسؤل عن تدريب ممدوح لحدما يرجع ماهر وبعد اسبوع وبعدما انهي ماهر كلامه قفل المكالمة وبعدها استني احلام تخرج وبعدما خرجت بصتله وقالت:هتعمل ايه دلوقت..

ماهر:هجهز شنطتي علشان طيارتي بكرا الساعه ١١ الظهر؟

احلام قربت منه وقالت:طيب خليني اساعدك ونجهزها مع بعض.

ماهر ابتسم وحرك راسه بالموافقة وهيا مسكت ايديه ودخلوا الاتنين مع بعض لغرفة الملابس..ماهر قرب من خزنة صغيرة وطلع منها شنطة سفر صغيرة واول مشافتها احلام اعجبت بيها جدا لان كان شكلها غاليه وهو لما لاقها عجبتها قال بتساؤل:عجبتك الشنطة ؟

احلام بابتسامه قالت :ايوا جعبتني اوي..شكلها يجنن؟

ماهر ابتسم علي شكلها وهيا فتحت الشنطة وبدات تبص لهدومة وقالت:احنا دلوقت في الخريف ياعني في هواء وسقعة ولازم هدومك تكون تقيلة؟

ماهر حرك راسه وقرب من قسم البناطيل وطلع منه بنطلون اسود مريح وقال:دا علشان الطيارة !

احلام بصتله وحركت راسها بالموافقه وهوا قرب منها اكتر وبدا يختار معاها هدوم وقال:انا مش هاخد لبس كتير لان البيت اللي في دبي فيه لبس ليا بس انا حبيت اخد معايا لبس من هنا!

احلام لفت ليه وبصت في عيونه وقالت بتوتر:انت ركبت الطيارة دي كتير؟

ماهر حرك راسه وقال:ايوا لاني بسافر كتير بسبب الشغل بس بصراحه مش فاكر ركبتها كام مره..

احلام عيونها لمعت بحب وهوا قال:وانتي ركبتي الطياره قبل كده!

احلام حركت راسها بالرفض وقالت:لا انا مركبتهاش ..بس نفسي اركبها ..اكيد احساسك بيكون حلو كدا وانت في السماء وشايف المدن تحتك صغيرة وبتلمع..

ماهر ضحك علي كلامها ووصفها  وكان مركز علي لمعة عينيها وفهم انها نفسها تسافر فحرك راسه وقال:بسيطة خالص انتي ممكن تركبي الطيارة وتشوفي المدن براحتك..انا اصلا عندي طيارة خاصة بس هيا الفتره دي بيتعملها صيانه واوعدك اول ما اخلص كل الضغط اللي عليا دا هاخدك ونلف العالم مع بعض  واحققلك كل اللي نفسك فيه؟

ابتسمت احلام وقالت بدهشه:بتتكلم بجد يا ماهر؟

حضنها ماهر وحرك راسه بالموافقه وقال:ايوا طبعا هو انا ليا مين غيرك علشان اسافر معاها .

احلام ضمته اكتر لحضنها وهيا بتستنشق رائحته اللي بتجننها لانها مميزه وبعد وقت بعدت عنه وقالت:طيب خلينا نجهز الشنطة الاول علشان تلحق تنام؟

ماهر حرك راسه وبداوا الاتنين يجهزوا الشنطة مع بعض وبعدما انتهوا ..ماهر خرج الشنطه برا وبدا يغير هدومه ويلبس هدومه مريحه واول ما قرب من السرير كانت احلام نامت عليه ومستنياه ينام..فقرب ماهر منها وشدها لحضنة كالعاده وهيا كانت مبسوطه فطلبت منه يطفي النور وهوا مد ايديه وطفاه وبعدها حط ايديه عليها وسحبها اكترلحضنه وبعد دقايق كانوا الاتنين ناموا؟

______________

في غرفة حمزه كان نايم علي السرير وبيفكر في حنين ونفسه يقوم ويتكلم معاها  ولاكن مش هينفع علشان هيا ممكن تفهمه غلط وبما انها في بيتهم كان لازم يحترمها وعلشان خاطر خاله واحلام اللي واثقين فيه ميزعلوش منه لو عمل اي تصر فمش حلو معاها ..

فقرر حمزه  ينام احسن وبعد تفكير كبير منه قدر انه ينام ويستني للصبح ويشوفها ولان نومه تقيل ما حسش بنفسه وانه نام من غير ما يطفي النور . 

وفي غرفة حنين كان اخوها خايف ينام في الاوضة لانه مش متعود فقال:حنين انا مش عارف انام؟

حنين بتساؤل:ليه بس يا حبيبي؟

حمزه بزعل:اصل ماما مش معانا وانا متعود انام في حضنها؟

حنين ضمته لحضنها وقالت بهدوء :طيب انا معاك اهو  متخافش ولا انت مش بتحبني!

حمزه:لا انا بحبك مش قصدي اقول كده. 

ابتسمت حنين وقالت:خلاص انا مش زعلانه وهحكيلك حدوته حلوة علشان  تساعدك تنام..

حمزه حرك راسه بحماس وحنين نيمته جمبها وحطت ايديها علي شعره وبدات تداعبه وهيا بتحاول تطمنه وتهديه وهوا بدا ينام بعد ما حكتله حنين الحدوته بصوتها الهادئ.

وبعد وقت بصت حنين لحمزه وابتسمت لان شكله بيكون جميل وهوا نام فقربت من خده قبلته بحب  وبدات تحس هيا كمان انها عاوزة تنام ولانها هيا كمان تعبانه اول ما غمضت عينها نامت علي طول.

__________وبداخل شقة في منطقة راقيه؟

كان موجودين  مجموعة رجال اعمال جايين ينبسطوا في الشقة دي لانها معروف عنها ان فيها بنات حلوه ولان المكان شكله نظيف كانوا مرتاحين اكتر فقام واحد منهم وقرب من مكتب الاستقبال وقال:فين الست نعمات؟

البنت بصتله من فوق لتحت بنظرات دلع وقالت:ابلة نعمات مشغولة دلوقت معاها واحد مهم في الاوضة!

الشخص دا بص للبنت بشه/وه وقال:طيب انا والرجاله عاوزين نغير جو ..وبما ان لست نعمات مشغوله اكيد في بنات حلوين زيك كده هيقوموا معانا بالواجب؟

البنت ضحكت وحركت راسها بالموافقه وقالت :طبعا موجودين اتفضلوا معايا يا باشوات..

البنت قالت كلامها وقامت من علي الكرسي واول ما لفت بجسمها وتفاصيل جسمها بانت الشخص دا بصلها وابتسم باعجاب وبعدها بص لبقيت الرجاله اللي معاه وشاورلهم يقوموا والبنت مشيت وهما وراها لحدما وصلوا قدام اربع اوض منفصلين !!! 

البنت قالت وهيا بتتكلم بدلع :في كل اوضة من دول في بنت موجوده جوا  جاهزة ومستنيه ان اي حد يدخلها..اتفضلوا كل واحد يختار الاوضة اللي تعجبة ؟

الرجاله بصوا لبعض وابتسموا وبدا كل واحد منهم يختار اوضة من الاربعه ويدخلها .

وكان كل ما واحد منهم يدخ لاوضة يلاقي فيها سرير مجهز للاستقبال وفي بنت  موجوده غعلا ولا/بسة هدوم جري/ئة وبتبصله بدلع ، واول مشافها الشخص اللي دخل اتجنن من جمالها وقرب منها بسرعه والبنت بدات تضحك بطريقه مغريه لانها عاملة كل دا علشان تشوف النظرة واللهفة دي عليها..، وكان الشخص اللي قدامها بيدوب فيهامن طريقتها وجمالها وبدأوا الاتنين بسرعة يتفاعلوا مع بعض وكل اللي بيحصل بينهم كان مسجل صوت وصوره بكاميرا موجوده في الاوضة ومخفيه بطريقة ذكيه وكانت الكاميرا دي متوصله باللاب توب الخاص بياسر غنيم ..

واللي كان موجود في المكان ونايم في غرفة بعيده عن باقي الغرف تماما وكان نايم علي السرير والست نعمات قاعده بتعمله مسا/چ في ضهروا وهوا بيتكلم معاها وبيبلغها انهم هينقلوا من الشقه دي  قريب وهيروحوا مكان تاني ،علشان الحكومه حاطة عينها علي الشقه وممكن يهجموا عليهم في اي وقت..والست نعمات ضحكت علي كلامه وقالت:وانت قلقان ليه يا ياسر باشا.. لو حصل هجوم فا احنا سبع اخوات عايشين في الشقة وبعدين احنا  عاملين حسابنا علي طول ..والمكان السري اللي بنخبي فيه الرجاله جاهز لاي هجوم!

ياسر بصلها وقال بشك:وانتي بق فاكرة ان حاجه زي دي الحكومه مش هتكشفها ..انتي مش عارفه اني كنت شغال معاهم وفاهم دماغهم  أكتر من أي حد ولا ايه؟

نعمات بتساؤل:انا عارفة يباشا  انك كنت شغال معاهم بس هو انت يباشا سيبتهم ليه.

ياسر اول ما سمع سؤالها بدأ يفتكر اليوم اللي اطرد فيه بسبب واحد غبي من رجالته لما كشفة وخلي الداخليه تعرف انه كان بياخد فلوس من تجار المخد/رات علشان يعدي الشحنات بتاعهم ..

ياسر بعد تذكرة لذكرياته المؤلمة دي بعد عن نعمات بسرعه  وقال بضيق:انا حُر ومش عاوز اشوفك بتتكلمي في الموضوع دا تاني يا نعمات  فاهمه!

نعمات حركت راسها بالموافقه وهو لبس هدومه بسرعه وحط الماسك علي وشه وخرج من الشقه وهوا ماشي كان صوت اللوا وهوا بيقوله:انت اتكشفت يا حضرة الظابط..بقيت كتاب مفتوح قدامنا ..وعلشان الفضيحه متبقاش بجلال هنكتفي بطردك بس ..وانت دلوقتي  مطرووود؟

ياسر بيحس بخنقة شديدة او لما بيفتكر كل حاجه وبيركب عربيته بسرعه وهو بيفتكر كل ذكرياته مع زملائه ايام التدريب وقد ايه كان فرحان انه هيكون ظابط ويحقق حلمه ولاكن بسبب ظروف والده لما فلس بدا يضطر ياخد فلوس من تجار المخدرات علشان يحافظ علي مستواهم الاجتماعي والمادي ولما ابوه عرف كل حاجه وازاي ابنه  بيجيب فلوسه  حزن علي حاله و جاتله سكته قلبيه ومات ولاكن مامته كانت عكس باباه ..كانت فرحانه ان مستواها الاجتماعي متأذاش فمكنتش بتسال ابنها بيجيب الفلوس منين وعايشة حياتها ومتجاهله اي اساله  ولما ياسر انكشف حقيقته بعد سنتين من خيانته اطرد من الداخليه بدل ما يتعاقب وهوا بلغهم انه مظلوم وبرغم كدبه برضوا مصدقوش فقرر ياسر يبني شركة والدة من جديد بالفلوس اللي معاه وقرر يبنيها بإسم مختلف ولإن خبرته في الاداره مكانتش قوية بدا يعتمد علي بقيت الشركات اللي حواليه  وياخد منهم افكارهم ولاكن فشل تاني واللي ساعده ان شركته تتسمع وتتعرف  هوا ماهر واللي لما  ياسر اخد منه عملاءه زمان قدر ينقذ شركته ويقويها..

بس طيعا مفيش حاجه بتفضل علي حالها ..

وياسر مكانش قادر ينجح شركته بمجهوده فاضطر يرجع لشغله القديم تاني وقرر يفتح شقق الدع/ارة ويستغل رجال الاعمال لصالحة …

وصل ياسر لبيته بعدما ساق بسرعه عاليه واول ما وصل اوضته طلع صورته لما كان ظابط في اول مسيرته وكسرها وقال بضيق:ياسر دا مات ودلوقت انت واحد تاني..لازم تنجح ومتسمحش للماضي يهد كل اللي عملته وتعبك كل السنين دي ميروحش علي الارض ..انت فااهم؟

 كان بضرب صورته برجله بكل غضب وبعدما خلص عتاب ولوم مع نفسه  نام علي السرير بتعب وغمض عينيه وهوا بيسمح لعقله يرتاح وبعد دقايق كان نام ياسر.

____________وفي القصر؟

اول ما ماهر اتاكد ان احلام نامت قام من جمبها وراح لحمزة واول ما لقي النور شغال قرب من حمزه وصحاه ولما صحي حمزه ولق ماهر قدانه اتخض وسأله بخوف بيعمل ايه وماهر قال بضيق من رد فعل حمزه:ايه شوفت عفريت اهدي كدا دا انا ماهر؟

حمزه بلع ريقه وقال:ما هوا دا اللي مخوفني؟

ماهر بصله بضيق وحمزه ابتسم علشان ميتضربش وقال:صح انت جاي ف يالوقت دا ليه يا خخالي

ماهر قرب منه وقال بجديه :انا خلاص هساقر بكره وجيت علشان اقولك خلي بالك من احلام ومتقوليش بق دي هيا اللي تاخد بالها مني و الجو دا علاشن دي مهما كانت بنت وانت الراجل ..ها قولت ايه؟

حمزه بابتسامه:وهو فيه كلام يتقال بعد كلامك يا كبير !

ماهر بتساؤل:يعني موافق؟

حمزه :طبعا يا خالي اطمن؟

ماهر باسه من خده وقال بحنيه :ماشي يلا نام ..ومتشغلش النور العالي دا تاني ونام في نور هادي علشان ترتاح اكتر؟

حمزه بهدوء :حاضر!

ماهر خرج من الاوضه وحمزه شغل نور هادي ورجع كمل نوم تاني  وماهر كان رجع لاوضته وقرب من احلام تاني وحضنها ونام هوا كمان علشان يصحي فايق.

وفي يوم جديد صحي ماهر واحلام وبعدها حمزه ونزلوا كلهم تحت علشان يفطروا مع بعض وكان حمزه لسه رابط دماغه بشاش بسبب الجراحة  فاول ماشافه ماهر بيقرب علي السقره وهو قاعد علي الكرسي قال بتساؤل :عامل ايه يا حمزه؟

حمزه رد عليه بابتسامه :الحمد لله يا خالي..هي حنين واخوها فين؟

ماهربص لواحد من الخدم وبلغه يطلع ويخليهم ينزلوا يفطرو وبعدها بص لحمزه تاني وقال:انت شاغل دماغك بيها ليه يا حمزه..

حمزه ابتسم وقال:معجب بيها ايه مش عاجباك!

ماهر حرك راسه وقال:لا هي بنت جميله بس مش لسا بدري علي الحب في الوقت دا؟

ضحك حمزه علي كلامه لان احلام امبارح قالتله كل حاجه عن ماضيهم وبلغته ان ماهر كان عاشق ولهان برغم ان كان اصغر من حمزه في السن وقتها… فبص حمزه لاحلام وقال:بيقولك لسا بدري وهوا كان خاربها معاكي  وهو اصغر مني  كمان 

اتصدمت احلام وضحكت علي كلامه وماهر بصلها وقال بصدمه:هو انتي حكيتيله حاجه ولا ايه!

احلام بصت لحمزه وقالت بصدمه:ابدا هو انا يابني قولتلك حاجه؟

حمزه حرك راسه وقال:ايوا قولتيلي انتي هتكدبي من دلوقت!

احلام فتحت فمها من الصدمه وقالت:شوفوا الكداب..انت بتتبلي عليا علي فكرة يا حمزه!

حمزه ضحك علي رد فعلها وهيا بصت وراه وقالت وعلي ملامح وشها الدهشه : اي دا حنين!

حمزه لف جسمه بسرعه يشوفها  ولما ملقاش حد بصلها ولقاها بتضحك عليه  فقال بغيظ:ماشي يا مرات خالي.. كده عندك واحده؟

ماهر ابتسم علي شكل حمزه وقال وهو بيبص ورا حمزه بنفس الدهشه :دي حنين جت اهي !

حمزه لف بجسمه تاني وملقاش حاجه فضحكت احلام علي رد فعله وهوا بصلهم بضيق وقال:بتضحكوا عليا؟

في الوقت دا جت حنين  فعلا وهما قالوا مع بعض:حنين جت اهي..!!

رفض حمزه انه يلف تاني ولاكن لما سمع صوتها بتقول:صباح الخير..حس ان قلبه  هيخرج من مكانه ولف بجسمه  يشوفها لقاها بتقرب منهم وهيا ماسكه اخوها في ايديها ومبتسمه  ..

فابتسم بسرعه وهوا بيبص علي شكلها باعجاب واول ما حنين انتبهت ليه وشها احمر بخجل وقربت منهم بتوتر من نظرات حمزه ليها وقالت:احنا هنروح لماما؟

ماهر رد عليها وقال:خليكوا افطروا معانا العول وانا هوصلكوا بنفسي؟

حنين شكرته وحركت راسها بهدوء وقعد هيا وحمزه واول ما الفطار نزل قدامهم حمزه الصغير بص للاكل بانبهار وقالت بحماس:كل دا اكل لينا؟

حنين خجلت من رد فعل اخوها ومسكت فيه علشان تخليه يسكت ولاكن الطفل كان فرحان وبدا ياكل بلهفه وحنين بصت للارض بخجل ولاكن ماهر واحلام كانوا باصيلن ليها ومبتسمين علشان هيا متخجلش منهم وتاكل وبالفعل او مشافتهم ابتسمت وبدات تاكل بهدوء ولما اخوها شافها بتاكل بالراحه قلدها واكل بهدوء وكان حمزه بياكل ومتابعها باعجاب ولما حنين رفعت وشها تشوفوا لاقته مركز معاها فنزلت عينيها بسرعه وهوا ابتسم علي خجلها وكمل فطاره..

كانت احلام بتبص لماهر وهو بياكل بكل حب وكانت زعلانه لانها هتقعد اسبوع كامل متشفهوش وهوا علشان عارف هيا بتفكر في ايده مسك ايديها من تحت الطرابيزه وبصلها بحب وهمسلها تاكل وهيا ابتسمت وكملت اكلها وهيا ماسكه في ايديه ومش راضيه تسيبها..

وبعد وقت..

انتهي الجميع من الفطار فوقفت حنين وهيا ماسكه ايد اخوها وقربت من ماهر واللي كان بيتكلم مع احلام واللي مش عايزه تسيبه وعيونها بتدمع فقال وهو بيبص لحنين اللي بتقرب منه:يا احلام انا هرجع تاني هوصلهم للمستشفي بس  وهاجي اخد شنطتي ..

احلام حركت راسها بالموافقه بعدما سمعت كلامه وهو بص لحنين وابتسم وقال:جاهزين؟

حنين حركت راسها بالموافقه وهوا بص لاحلام وشاورلها علي حمزه بانها تعتني بيه وبعدما احلام حركت راسها بالموافقه سلمت علي حنين وحمزه وطلبت من حنين تعتني كويس بوالدتها ووعدتها انها هتزورهم قريب وحنين شكرتها ومشيت هيا وحمزه مع ماهر ..

احلام قربت من حمزه اللي قاعد حزين لانه ملحقش يشبع من حنين وزعلان لان ماهر هيسافر هو كمان ..فاحلام بصتله وقالت :ممكن اعرف قالب بوزك ليه؟

حمزه بصلها وقال بحزن:يعني انتي مش عارفه ليه وبعدين انتي مش زعلانه زيي؟

احلام افتكرت ماهر وحركت راسها وقالت:طبعا زعلانه بس هوا  قالي انه راجع تاني لسا ما اخدش شنطته من فوق؟

حمزه بصلها وقال بسخريه:هيرجع تاني ايه وشنطة ايه اللي هياخدها انتي متاكده؟

احلام بدات تحس بالتوتر وقالت:يعني ايه ..تقصد ايه يا حمزة.. ماهر بيضحك عليا؟

حمزه ابتسم :انتي لسا متعرفيش خالي..هوا جالي امبارح وودعني انه هيسافر ودلوقت ودعك يبق خالي هيوصل حنين وهيطلع علي المطار مش هيجي القصر تاني لانه اخد الشنطة اصلا ؟

احلام اول ما سمعت كلامه جريت بسرعه تتاكد ان الشنطة فوق ولما لقتها مش موجوده عرفت ان  كلام حمزه صح  فخرجت من الاوضة ونزلت تاني وقربت من حمزه  وقالت:هوا خالك بيضحك عليا يعني ..فاكرني عيلة صغيرة علشان يسكتني بكلمتين!

حمزه :لا هوا بيعمل كده علي طول علشان ميحسش بتأنيب الضمير وهوا سايبك..اصل انا كنت بعنل معاه كده وبفضل اترجاه ميمشيش وكان بيرجع تاني يوم وبيسيب الشغل ..بس المرة دي الشغل اللي رايحله مهم فهوا عمل كده  غصب عنه؟

احلام  في اللحظة دي اتأكدت انها مش فاهمه ماهر ولا عارفه هو بيفكر ازاي فبصت لحمزه وحركت راسها بالموافقه وقالت:خلاص هوا يعمل اللي هوا عايزه مادام كله علشان مصلحته..بس قولي بق بما اننا قاعدين اسبوع وشنا في وش بعض مش بتفكر نعمل حاجه جديد تسلينا؟

حمزه ضم حاجبه بزعل وقال:لا انا دخلت في مود اكتئاب ومش عايز اطلع منه؟

احلام بصتله بضيق وقالت:انا لو وافقتك هكتئب زيك بس انا عاوزه اقضي الاسبوع دا مشغوله في اي حاجه علشان انا لما بفكر كتير بتعب وممكن اتخيل ان خالك مش راجع خالص وهنتعب كلنا؟

حمزه بصلها وقال:خلاص موافق بس مش تستني لما نطمن ان خالي وصل بالسلامه؟

احلام بتساؤل:طيب هي الساعه كام؟

حمزه:عشرة لسا..يعني هوا قدامه اربع ساعات علي ما يوصل ..

احلام ..طيب خليني اديلك العلاج واطلع واتصل عليه علشان اهزقه علي اللي عمله معايا؟

حمزه ابتسم وقال:اي دا هو انتي بتهزقي خالي عادي كده او بتعلي صوتك عليه عادي؟

احلام حركت راسها بالموافقه وقالت:ايوا مش جوزي واعمل معاه اللي انا عايزاه؟

حمزه بدهشه:ازاااي!! دا مش ببخليني اقوله بم حتي؟

ابتسمت احلام وقالت بسخريه علي كلامه:في فرق يا حبيبي انا مراته ولاكنت انت مجرد ابن اخته؟

حمزه قال وهو بيضحك:تصدقي في فرق برضوا؟

احلام ضحكت وطلعت علشان تجيبله العلاج وحمزه قرر يخرج للجنينه يشم هوا وبدأ يحرك الكرسي واول ما وصل للجنينه وشاف الورد افتكر حنين تاني وبدا قلبه يدق وقرر انه اول ما يتحسن مش هيسيبها غير لما يرتبط بيها..

بعد دقايق رجعت احلام وادتله العلاج وقعدت معاه في الجنينه لان شكلها كان حلو واول مشافت شكل حمام السباحة انبهرت لانها اول مره تشوف حمام سباحه بالتصميم والجمال دا ..

حمزه لما شاف نظراتها  قالها انه بيعرف يعوم ووعدها يعلمها السباحه لما يخف ولكنها رفضت لما افتكرت ان ماهر محترف في السباحه فقالت:شكرا جوزي هيعلمني!

ضحك حمزه بقوة علي كلامها وقال:اي دا هو انتي منهم..ماشي براحتك؟

احلام ضربته علي دراعه بضيق وهو بدا يغني علشان ينسي وجعه واحلام اول ما سمعت صوته انبهرت وحست انه موهوب فعلا ..فقالت باعجاب :انت صوتك حلو؟

حمزه بخجل:بجد؟

احلام حركت راسها بالموافقه:لا بجد صوتك حلو انا عجبني اوي …ممكن تغني تاني؟

حمزه بمشاكسه:مش قادر؟

احلام بزعل:طيب علشان خاطري وانا هغني معاك؟

حمزه ابتسم وقرر يغني ليها تاني وسألها حابه تسمع ايه واحلام بلغته انها بتحب اغنيه فيروز انا لحبيبي وحمزه قرر يغنيها واول ما قال اول كوبليه احلام كملت وبدأ بينهم ديوتو رائع لان احلام صوتها مميز وحلو في الغني وحمزه كان صوته هادي ومُركز فاحلام وحمزه حسوا انهم هيقضوا احلي اسبوع مميز وبدون ملل مع بعض ..

________وفي المستشفي 

وصل ماهر وحنين وحمزه وقربوا من الغرفه اللي فيها نورا وكانت نورا صاحيه اول ما شافتهم ابتسمت وشكرت ماهر علي تعبه معاها واهتمامه بعيالها وماهر بلغها انه اخدهم معاه للقصر واطمن علي حالتها ولما هيا بلغته انها بقت احسن طلع ماهر من جيبه فيزا ومعاها رقم صغير وقال:اتفضلي يا حنين دي فيزا ومعاهم الرقم بتاعها والفيزا دي هيتحول عليها كل شهر مبلغ تقدروا تصرفوا منها وطبعا مش عايزك ترفضي دي علشان مدرستك وبرضوا علشان مصاريف الشهر..

حنين بصتله بخحل وبصت لمامتها واللي حركت راسها تاخذها وماهر قال:طيب انا اقدر امشي وانا مطمن عليكوا خلي بالكوا من نفسكوا؟

حنين ومامتها شكروه وهوا استاذن منهم وخرج ركب عربيته واللي كان سواقها واحد من رجالة ماهر ..ماهر او لما ركب في العربية بلغ السواق يوديه المطار وهما في الطريق اتواصل ماهر مع ليانا اللي ماسكة الفرع بتاع شركته اللي في ايطاليا وقال:مرحبا ليانا ..اخبريني كيف الحال هل الأمور في الشركة بخير؟

ليانا:أجل يا سيدي كل شئ هنا بخير ولاكن لدي خبر مثير بعض الشيء ..

ماهر بانتبها: اخبريني ..ما هذا الخبر؟

ليانا بابتسامه:لقد سمعت بأن الشركة الإيطاليه هنا التي تركنا التعامل معها انها سوف تستلم الشحنه من شركة ديسكاشيال المصريه ولقد اخربني مدير اعمالي ان المدير يخطط للاحتيال علي مدير الشركه المصريه لانه لم يضع اي شروط في العقد وان العقد خالي تماما من اي حقوق ملكية  ويمكنهم ان ياخذوا الشحنه بالأموال التي دفعوها له بكل سهوبه؟

ماهر اتفاجئ لما سمع كلامها لانه كان عارف ان ياسر متهور وغبي بس مش للدرجادي فابتسم علي سماع كلامها وقال:هل تعلمين موعد الاستلام؟

ليانا:نعم..اخبرني مدير اعمالي ان الاستلام بعد شهر من الان …ولاكن انا اتساءل ما هي رد فعل ذلك الرئيس بعد ان يتم النصب والاحتيال عليه هل هوا غبي يا سيدي..كيف يمضي عقد ضعيف بهذا الشكل؟

ماهر ابتسم بسخريه وقال:لانه لم يمتلك اي خبرات في ذلك المجال يا ليانا هو فقط يعتمد علي عملائنا وصفقاتنا..

ليانا حركت راسها بتفهم وقالت:حسنا يا سيدي لقد فهمت ..هل الامور كلها بخير في مصر!

ماهر:نعم بخير ..اشكرك علي اهتمامك ليانا؟

ليانا :عفوا سيدي يسعدني دائما ان الامور بخير..

ابتسم ماهر وشكرها علي اهتمامها وبعدها قفل معاها المكالمه وكان وقتها وصل للمطار خرج من العربية والسواق قام وخرج  الشنطة من العربيه ودخل مع ماهر للمطار وبعدنا ماهر ختم الباسبور واتجه في طريق المسافرين علشان يركب الطياره؟

سابه السواق وخرج وماهر اتجه في طريق الطيارة وركبها بسلام..

وفي الشقة اللي عايشة فيها مريم اخت احلام ومامتها ..كانت مريم معتمدة علي الفلوس اللي اخدتها من ماهر وبتصرف علي نفسها منها وكانت مامتها طول الوقت بتفكر في احلام ومش متوقعه انها مش هتشوفها تاني ولاكن بعد اللي عملوه فيها كانت متأكدة ان مستحيل احلام هتوافق تقابلهم تاني ..

 فقررت والدة احلام انها تكمل حياتها اللي كانت عايشاها من ٨ سنين  فاتواصلت مع جوزها يوسف وخلته يجي الشقة يعيش معاهم ولما مريم عرفت باللي حصل زعقت مع مامتها وبدات بينهم خناقه كبيره؟

يوسف اول ما وصل وشاف الشقه اتصدم ولما شاف مريم مش عاوزاه يعيش معاهم وعاوزه تطرده قرر يعلمها الادب وقرب منها علشان يضربها ولان والدة احلام بتهيبه وبتخاف منه مقدرتش تدافع عن بنتها وفضلت مريم تقاوم فيه لحدما كان غلبها يوسف جوز امها وقدر يكتفها علي الارض..

ولان مريم مش محجبه فكان من الطبيعي ان تفاصيل من جسمها تبان قدامه بعدما بهدلها بالشكل دا واول ما يوسف شاف جسمها بصلها بدهشه وهيا لما لاحظت نظراته بعدته عنها بسرعه وقالت وهيا بتبص لوالدتها:اتصلتي عليه ليه مش قلنا هنعيش لوحدنا بعيد عن قرفه؟

امها بصتلها وقالت بجديه:دا جوزي ومن حقوا يعيش معانا انتي ناسيه انه..مريم قالت بمقاطعه:منستش بس هوا اخد حقه وزياده مننا مش كفايه السنين اللي عايشنا فيها خادمين ليه..ايه مزهقتيش ومتعبتيش..عاوزه تتهاني وتضربي وفرحانه برجوعه اوي؟

والدتها لما لاقتها بتصرخ فيها بالشكل دا قدام جوزها ضربتها بالقلم ويوسف كان قاعد بيبص لجسم مريم بنظرات اعجاب لان دي كانت اول مرة ينتبه انها حلوه بعدما عاشت معاه كل السنين دي؟

مريم بصتله وقالت:اطلع برا يا يوسف..انت مستحيل تقعد معانا هنا؟

والدتها برفض:يوسف مش هيمشي يا مريم ومتنسيش ان الشقه دي باسمي انا ..مريم بصت لمامتها بصدمه وقالت:لا يا حبيبتي دي شقتنااا..متنسيش انتي كده.

والدتها طلعت العقد من هدومها وحطته قدامها وقالت :لا شقتي اهو اسمي انا بس اللي مكتوب علي العقد ؟

مريم:يعني ايه انتي بتهدديني بداله..انا اللي هفضل وهوا  اللي هيطلع برا؟

والدتها برفض:لا انتو الاتنين هتفضلوا واللي مش عاجبوا  بق كلامي  يمشي والباب يفوت جمل؟

مريم بصراخ :يعني بتطرديني ..عوزاني امشي وتسيبيه هوا؟

والدتها مردتش عليها ومريم بصت ليوسف بكره ودخلت اوضتها بسرعه وهوا فضل يبص عليها وبيفكر فيها تفكير شيطاني وازاي يستغل جسمها في انه يمتع نفسه؟

وبعد ما مريم دخلت اوضتها بصت للمرايه بضيق وقالت:لااا مش هتحمل اعيش تاني تحت قرفه ..يا انا يا هوا في الشقه دي ..

قالت كلامها وطلعت تاني من الاوضة بعدما استجمعت شجاعتها..

كانت والدتها مقربه من يوسف اللي واقع علي الارض وبتحاول تساعده يقوم واول ما شافته وهوا بصلها بنفس الطريقه اتضايقت وقربت منه وقالت:برا؟

والدتها بصتلها وقالت بضيق:احترمي بق نفسك يا مريم ..انا سكت علي قلة ادبك دي كتير بس خلاص كده..احترمي اني امك حتي؟

مريم بضيق:امي..امي ايه هو انتي هتكدبي الكدبة وتصدقيها ..انتي مبتفكريش غير في نفسك ..انتي بس استغليتي اللي حصلي زمان وهربتي ..انتي اصلا عمرك ما حبيتي ابويا ولا انا ولا حتي اختي..

والدتها بضيق:انتي بتقولي ايه يا بت يا قليلة الادب انتي..انتي نسيتي نفسك يا بنت الك/لب انتي..نسيتي اني اللي سترتك بدل ما كنتي هتتفضحي ويسموكي الشمال..انتي واحده سافلة يا مريم وانا فعلا غلطت اني ساعدتك!

مريم بصت لوالدتها بصدمة وكان يوسف قاعد ساكت وكل اللي مركز معاه جسم مريم واللي بتحركه كل ما تتكلم بعفويه ويبان منه تفاصيل .. 

مريم بضيق:طيب احنا خلصنا لحد هنا انا ماشيه وابقي خلي القذر دا ينفعك وانا بقولك اهو يا ماما بكره يهينك تاني ويضربك وهتجيلي بتعيطي بس وقتها انا مش هعبرك فهماني:.

يوسف اتصدم لما سمعها بتقول هتمشي فوقف وقرب منها وقال بمسكنه:انا خلاص عمري ما امد ايدي علي واحده فيكوا دي كانت فتره وخلصت ..انا اتغيرت يا مريم..وعرفت ايمتكوا خلاص؟

مريم بصتله وهوا كان بيحاول ميبينش نيته وهيا لما بصت لوالدتها اللي بتبكي قررت تفضل نعاها علشان عارفه انه هيبهدلها فقالت:ماشي هشوف بس لو عملت اي حركه كده ولا كده والله ما هيكفيني فيك اهلص عليك!

ابتسم يوسف وهيا مشيت من قدامة وهوا كان كل اللي بيفر فيه ازاي هيقرب منها..

بعدما مريم دخلت اوضتها وهبدت وراها الباب قرب يوسف من مراته وقال:خلاص روقي بق دي مش اول مره تعملوا في بعض كده..هنس في ودنها:وحشتيني يا حبيبتي اوي ..اي موحشتكيش؟

والدة مريم بصتله وقالت:انت بتقول ايه يا راجل هو دا وقته؟

يوسف حرك راسه بالموافقه..وقال:دا وقته وابوه ..يلا يا وايه قدامي؟

زقها علشان تتحرك وهوا قال:اجهزي علي اما اجيب اي حاجه نتسلي بيها؟

والدة مريم بتساؤل:هتتاخر؟

يوسف برفض:لا مش هغيب هاجي علي طول ..معاكي فلوس؟

حركت راسها وطلعت مبلغ من هدومها وهو اخده منها وخرج من الشقه وهيا علشان متطلعش تاني من الاوضه ادتله المفتاح قبل ما ينزل وبعدها دخلت اوضتها علشان تجهز.

وعند يوسف نزل المكان اللي هما فيه وسأل علي أقرب صيديله وبعدما وصل قرب من الصيدلي وقال:لو سمحت محتاج منوم علشان بقالي اربع ايام منمتش؟

الدكتور بشك:فين الرشته يا استاذ؟

يوسف ضم عينيه بزعل وقال:ضاعت مني يا دكتور غصب عني ..اصل انا لسا ساكن هنا جديد والمشوار بتاع بيتي القديم بعيد..لو قلقان انا مستعد اعمل اي اجراء مطلوب؟

الدكتور بصله وقال بحزن علي حاله:خلاص يا استاذ هديلك منوم بس خد حبايه واحده علشان دا قوي؟

يوسف حرك راسه واخد الدواء ودفع حقه ومشي واول ما وصل للشقه تاني كان جايب عصير وتسالي وقبل ما يدخل لاوضة مراته حط في كوبايتها حبايتين منوم وبعدها قرب من الباب وفتحه.. بقلمي شيماء صبحي

يتبع .

"يوسف حرك راسه واخد الدواء من الدكتور ودفع حقه ومشي واول ما وصل للشقه تاني كان جايب معاه  عصير وتسالي وقبل ما يدخل لاوضة مراته حط في كوبايتها حبايتين منوم وبعدها قرب من الباب وفتحه.

كانت والدة احلام لابسه هدوم قصيرة وحاطة ميكب واول مشافت جوزها داخل عليها ومعاه العصير والتسالي رفعت حاجبها وقالت بتساؤل:مش عاداتك يا يوسف انك بتهتم بالحجات دي..جرا ايه يا راجل انت حصل لعقلك حاجه؟

ابتسم يوسف وقرب منها بعدما قفل وراه الباب وأول مشاف تفاصيل الأوضة بعفشها الجديد بصلها وقال بخبث:لا انا طول عمري مهتم بس انتي اللي مش واخده بالك..ابقي البسي نظاره بق علشان تشوفي كويس بعد كده؟

حركت والدة احلام شفايفها بتعجب من كلامه وهوا قرب منها كوباية العصير وقال:خدي اشربي حلي بوقك قبل ما نبدأ..قال كلامه وهو بيبصلها بلهفة وحماس وهيا علشان واثقة فيه أخدت كوباية العصير وشربتها..

وبعد وقت كانت بدات تحس ان دماغها تقلت وعاوزه تنام بصت ليوسف بتعب وقالت:خلينا نأجل الحكاية دي ليوم تاني..شكلي عاوزه انام مش قادرة!! اتاوبت وهيا بتقول كلامها وقربت من السرير ونامت..

اول ما شافها يوسف نامت قرب منها وبدأ يصحيها ولان مفعول المنوم كان قوي مكانتش بتستجاب ليه ..فابتسم بشه/وه وهوا بيقرب من الباب وبيفتحه وبدأ يتسحب في اتجاة غرفة مريم واول ما فتح الباب..

مريم كانت بتغير هدومها ومش واخده بالها من اللي فتح عليها الباب وبيبص علي جسمها بخبث شيطاني..ولان يوسف كان هيموت عليها اطلق صوت بيعبر عن حماسه في قربه منها ولان صوته كان واضح انتبهت مريم ليه بسرعه واول مشافت شكلة وهوا فاتح الباب ومدخل رأسه بس شهقت بخضة وهيا بتقول:اي دا يا جوز أمي ..بتعمل ايه نهارك أسود علي دماغك!

يوسف لما شافها اخدت بالها منه عدل نفسه ووقف وقرب منها وقال:أسود ليه بس يا مريم ما النهار ابيض وزي الفل أهو؟

مريم مسكت تيشرت علشان تلبسه بسرعه لانها كانت واقفة قدامة بالملاب/س الدا/خليه وهوا لما لقاها بتعمل كده جري عليها بسرعه ومسك الهدوم من ايديها بيمنعها تلبسها !

مريم اتصدمت من جرأته معاها فحاولت تشد القميص من ايديه ولاكنه كان ماسكة جامد فيه وباصص لجسمها بدهشة ..

مريم قالت بصوت غاضب:سيب الهدوم ..واطلع برا يا يوسف ؟

يوسف قرب منها أكتر وهو بيحرك راسه بالرفض وبيقول:انا ابق غبي وحيوان لو سمعت كلامك..انتي مش شايفة جمالك يا بت ..مين الحيوان اللي قرب منك وسابك دا..بق في حد يسيب الجمال دا كله؟

مريم اول ما سمعت كلام يوسف قلبها دق وهوا كان بيقرب منها أكتر لحدما لمس وشها بإيديه وهيا للحظة نسيت نفسها لأنها بقالها كتير مسمعتش كلام حلو ومغازله وهوا إستغل سرحانها بانه يق/بلها ولاكنها لما فاقت لنفسها بعدته عنها وضربته بالقلم وقالت:انت بتعمل ايه انت جوز أمي ..وانا قد عيالك ..اسمع انت لو مطلعتش برا واتقيت شري هق/تلك يا يوسف؟

يوسف بتوهان:ياريت تقتليني..دانا حتي اموت علي ايدك وانا مرتاح!

مريم صرخت بصوت عالي :مااامااا؟

يوسف ضحك وهو بيلمس ايديها:ماما نايمة يا حبيبتي..مش هتسمعك مهما ناديتي عليها!

فهمت مريم خطته القذرة وضربته بايدها علي صدرة وقالت بصراخ:انا كنت عارفه انك حيوان من البدايه ومكنتش مرتحالك..اطلع برا ياما هقت/لك بجد..انا مش بهزر!

يوسف تجاهل صراخها وضربها ليه المتكرر وبدا يقرب اكتر منها لحدما وصلت مريم للحيطة ،مسك يوسف ايديها بقوة وقال وهو بيمنع حركتها:مهما تصرخي وتنادي محدش هيسمعك لانك النهاردة بتاعتي..

مريم بصت حواليها تدور علي اي حاجه تدافع بيها عن نفسها ولاكن مقدرتش تفلت من تحت إيديه لانه كان أقوي منها بأضعاف..

بدأ يوسف يستغل جسمها في متعته وهيا بتحاول تفلت من تحت ايديه لحدما كان خلاص هيقرب اكتر منها زقته مريم بكل قوتها ووقعته علي الارض ولما لقته بيتألم جريت بسرعه للمطبخ تجيب اي اداه تدافع بيها عن نفسها وبعدما مسكت الس/كينة  لقته واقف وراها وباصصلها بنفس النظرات ،صرخت في وشه:انت عاوز اييييه؟ سيبنا في حالنا بق؟

يوسف برفض:لا انا وانتو حال واحد..قال وهوا بيضحك..انا قدركوا الأسود يا مريم.

مريم حركت راسها بالرفض وقالت:لا انت مش من حقك تعيش هنا..ولا حتي تكون جوز امي..انت لازم تموت علشان نرتاح من قرفك..وانا بق اللي هخلص امي منك؟

قالت كلامها ورفعت السك/ينة تضربه ولاكنه تفاداها ومسك ايديها بكل قوته وقال:لا يا حبيبتي مش قبل ما اخد منك اللي انا عاوزه..لان خلاااص انتي دخلتي دماغي ومش هتخرجي منها؟

مريم سابت السكينه من ايديها ووقعت علي الارض وبعدها سحبت دراعها الي يوسف ماسكه بكل قوتها وبصت حواليها وقالت:انا هوريك يا يوسف والله ما هسيبك عايش هنا؟

دخلت مريم بسرعه لاوضتها وهوا جري وراها بس هيا لحقت نفسها وقفلت الباب كويس عليها وبدات تلبس هدومها بانفاس مقطوعه وبعدما خلصت جهزت شنطتها بسرعه وفتحت الباب تاني .

يوسف اول مشافها لبست هدومها صرخ في وشها:انا مش قولت اني محتاجك بتلبسي ليه؟

زقته مريم بغضب وخرجت من الاوضه وقالت:بطل بق اللي بتعمله دا انا سكتلك كتير بس صدقني هتندم لو لمستني تاني! 

كانت ماشيه في اتجاه الباب ولاكن هوا مسكها جامد من دراعها وقال:اسمعي يا بنت الكل/ب انتي انا هاخد منك اللي انا عاوزة ياعني هاخد واللي عندك اعمليه؟

مريم حاولت تاني معاه علشان تبعد عنه ولاكن هوا كان ضاغط عليها بقوة اكبر..بصت حواليها تشوف اي حاجه تنقذها  منه ولاكنه كان اسرع منها وخبط دماغها في الحيطة..

مريم وقعت مغمي عليها وهوا اول ما  شافها ابتسم وقال:مكان من الاول لازم يعني اضربك؟

قرب منها شالها ودخلها اوضتها وبدأ يخل/عها هدومها وهيا مكانتش في وعيها..اول ما شافها قدامة بدو/ن ملا/بس اتجنن وكان هيهجم عليها ويغت/صبها ولاكن صوت جرس الباب وقفه؟

استغرب يوسف مين ممكن يكون بيرن الجرس وهما محدش يعرفهم غيرو.. فغطي جسم مريم بسرعه وطلع يفتح الباب وكان اللي بيرن الجرس عامل ديلفيري واول مشاف شكل يوسف المبهدل قال بقلق:مش دا منزل الاستاذة مريم السباعي!

يوسف بضيق:ايوا هوا البيت مين حضرتك؟

العامل بهدوء:انا الديليفري يا فندم والأستاذة مريم طالبة الأوردر دا والحساب ٥٠٠ جنيه بالتوصيل؟

يوسف بص للاكياس اللي في ايد العامل وقال:استني اجبلك الفلوس..

العامل حرك راسه بالموافقه ويوسف دخل لغرفة مريم يجيب منها الفلوس ولاكن لقاها صحيت ولبست هدومها فقال:فين الفلوس في واحد برا بيقول جايبلك طلب؟

اول ما مريم سمعت ان في حد برا جريت بسرعه علشان تتحامي فيه وقبل ما تفتح الباب لحقها يوسف وهيا صرخت ولاكنه كتم بوقها ؟

الشاب اللي كان واقف برا سمع صوت خبط علي الباب وكان حد بيستغيث، حس ان في حاجه بتحصل غلط في الشقة دي ولاكنه قرر متدخلش علشان ميتخطاش حدوده فقرر يقف مكانه ولاكن سمع صوت بنت تاني بتقول بصوت متقطع:الحقو..نييي؟

قرر الشاب يدخل يشوف ايه اللي بيحصل وقرب من الباب اللي جاي منه الأصوات وفتحه واول مشاف يوسف اللي كاتم بوق مريم ومكتفها قرب الشاب منه وبعده عنها بقوه؟

مريم جريت علي الشاب ومسكت جامد فيه وقالت بانهيار:الحقني والنبي دا جوز امي وعاوز يغتص/بني؟

الشاب بصلها بصدمه وبص ليوسف بغضب واول ما يوسف سمع كلامها قرب منها علشان يمسكها ولاكن ايد الشاب دا منعته؟

يوسف بغضب:انت مصدق كلامها دي بنتي وانا كنت بعلمها الادب؟

مريم حركت راسها برفض وبكت وقالت:كدااب متصدقوش؟

الشاب قرر يحكم عليهم من شكلهم ولما بصلها لقي شكلها متبهدل كأنه فعلا كان بيتهجم عليها وهوا كان شكله مش حلو ومهرول وكانها كانت بتدافع عن نفسها ويسبب انها بتبعده عنها شعره كان متبهدل فالشاب قرب من يوسف وقال بغضب:عاوز تغت/ب بنت مراتك يا حيوان؟

يوسف بص للشاب بضيق وقال:انت مالك انت وبعدين اطلع بره بيتي؟

مريم بغضب:بيتك ايه دا بيتي انا وانت هتطلع بره؟

الشاب كان مكتف يوسف علشان ميعملش اي حركة  ومريم كانت واقفه وراه وبتتحامي فيه واول ما يوسف جه يقرب منها تاني الشاب ضربه بقوه ووقع يوسف  علي الأرض واغمي عليه؟

الشاب بص لمريم وقال بتساؤل:متاكده انه كان بيتح/رش بيكي'

مريم حركت راسها وعيطت والشاب طلع من جيبه جهاز لاسلكي وقال:محمد تعالي انت وزياد للدور السابع في شقة هنا فيها واحد مجرم؟

مريم اول مشافت اللي عامل التوصيل عمله بصتله بصدمه وقالت:هو انت؟

الشاب بجديه:انا ظابط؟

مريم رجعت ثلاث خطوات لورا بخوف وهوا فكرها خايفة من اللي حصل فقرب منها وقال وهو بينزل لمستواها لانها اقصر منه:متخافيش انا هعرف اتصرف معاه،دا واخد مجرم وهياخد عقابه!

مريم كان كل اللي في دماغها انه يطلع يعرف ادهم الي كانت علي علاقة بيه زمان فقالت بتوتر:ابعد عني متقربش مني كده؟

الشاب بصلها بصدمه من رد فعلها ولاكنه فهم وضعها وقرر يسيبها براحتها فبص لتفاصيل الشقة وقال:في حد موجود معاكوا في الشقة!

مريم شاورت علي اوضة والدتها وقالت:ايوا ماما جوا الحيوان جوزها دا مديلها منوم؟

الشاب بص علي الاوضة وقال:وهيا عارفه بق اللي هوا بيعملة معاكي؟

حركت مريم راسها وقالت:لا هيا اصلا بتحبه ومش هتصدق اللي حصل لو حكتلها!

الشاب بصلها بحزن علي حالتها وهيا قالت:انا كنت ماشية وسايبه البيت ..هو انت هتعمل فيه ايه؟ 

الشاب:هسجنه بتهمة الاعتداء عليكي والتحرش؟

مريم حركت راسها برفض وقالت:طيب لو انا رفضت هتسيبه؟

الشاب استغرب سؤالها ولاكنه حرك راسه بالموافقه وهيا قالت:ولو وافقت هتعمل ايه؟

الشاب:هاخده معايا القسم بس هحتاجك تيجي معايا علشان تمضي علي المحضر اللي هتعمليه؟

مريم قالت بتوتر:لا انا مش عاوزه ادخل اقسام فسيبه هنا احسن؟

الشاب بصلها باستغراب من كلامها وقال بتساؤل:يعني هتسيبيه ومش هتعملي فيه محضر!

مريم بصت ليوسف اللي واقع علي الارض مغمي عليه وبصت علي اوضة مامتها بتفكير..وهوا كان واقف يبصلها ومستني ردها وهيا بعدواني حركت راسها ليه وقالت:سيبه خليه يونسها علشان متبقاش عايشة  لوحدها وانا همشي؟

الشاب بصلها بفضول وقال:وانتي بق هتمشي وتسيبي والدتك وهتروحي فين؟

مريم ردت عليه بتلقائية:هدور علي اي مكان اعيش فيه بعيد عنهم!

الشاب حرك راسه ليها وطلع تيلفونه اللاسيلكي وقال:خلاص خليك يا محمد انت وزياد المشكلة اتحلت خلاه؟

مريم بصتله وحركت راسها وبعدها طلبت منه يستناها لحدما تجهز شنطتها وتمشي وهوا وافق وكان بيبص علي شكلها لان مريم بنت جميلة ومثيرة للاعجاب فاول ما خلصت توضيب شنطتها خرجت من اوضتها بعدما سابت جواب لمامتها شرحت فية اللي حصلها من يوسف وبلغتها انها هتسيبها براحتها مادام هيا اختارته من البدايه وبعدما مريم خلصت بصت للشاب وقالت:خلينا نطلع من هنا؟

خرج الشاب وقرر ينزل معاها ويوصلها واول ما ركبوا الاسانسير مريم بصتله وقالت بتساؤل :هو ازاي انت ظابط وجاي توصلي اوردر؟

الشاب ابتسم وقال:لان عندنا مأموريه في تفتيش العمارة دي لان فيها شقق مشبوهه ولما شوفت عامل التوصيل كاي هنا قررت اطمن ان باقي الشقق هنا سكنيه مش دعا/رة!

مريم حركت راسها بتفهم وقالت:شكرا يا حضرت الظابط علي انقاذي؟

ابتسم الشاب وقال:دا واجبي يا انسه ..اهم حاجه انتبهي وخلي بالك علي نفسك!

مريم حركت راسها بالموافقه ووقتها الاسانسير وصل الدور الارضي فمريم شكرته تاني وخرجت بسرعه من العماره وهوا كان واقف مكانه ويبص عليها ومستغربها.

______________

وفي المستشفي اللي بيملكها ياسر"

دخل شوقي لاحد الغرف اللي موجود فيها اصحاب المرض النادر ولانهم كانوا في غرف مخصصه ليهم كانت الغرف دي بعيده عن باقي غرف المرضي العاديين !

اول ما شوقي دخل الغرفة اللي فيها بنته الصغيرة وشافها وكل جسمها متوصل بالاجهزه ..عيونة دمعت وقرب من ايديها لمسها وهو بيقول ببكاء:روضة قومي بق يا قلب ابوكي وحشتيني..انتي عاوزه تعملي زي امك وتسيبني ولا ايه..معقول محدش فيكوا بيحبني بالشكل دا..

كانت روضة بنت شوقي عايشة علي المسكنات والمنوم من ثلاث سنين وكانت بتاخد الفيتامينات اللي محتاجها جسمها عن طريق المحاليل اللي متعلقه في ايديها طول الوقت..

كانت روضة بنت شوقي عندها ١٢سنة وبتمتلك مرض اسمة السل ودا كان نفس المرض اللي كانت والدة روضة بتمتلكة وماتت بسبب انها ما تلقتش العلاج في الوقت المناسب.. 

كان شوقي قاعد وبيدعي انها تقوم وتتشافي ولاكن لما افتكر كلام ماهر وان ياسر طول السنين دي مش بيعالجها ومعيشها علي المسكنات والمنوم قلبه حرقه بقوة وقرر يدور بنفسه وخرج من اوضتها وطلب من ممرضة تجيبله كل العلاج اللي بنته بتاخده والممرضة رفضت في البدايه ولاكن لما شوقي ادالها ميلغ كبير وافقت وادتله كل العلاج وهو اخده وراح لصيديليه  وقال:لو سمحت عاوز اعرف دا علاج ايه!

الدكتور اخد منه العلاج وبصله وقال بصدمة:انت جبت العلاج دا منين يا استاذ؟

شوقي بقلق:من المستشفي يا دكتور دا علاج لبنتي الصغيرة ؟

الدكتور بصدمة:بنتك دي عندها كام سنة،

شوقي :١٢سنه وعندها مرض السل؟

الدكتور شهق بخضه وقال:دي مستشفى اي دي يا استاذ اللي بتعالج بنتك بالعلاج دا..دا مسكنات قوية جدا وممنوعة انها تدخل مصر اصلا لان تجار المخ/درات حاطين عينيهم عليها وبياخدوها يدوها للناس وبسبب عدد الوفيات اتمنعت انها تدخل مصر نهائيًا .. 

شوقي بصدمة كبيرة:يعني ايه يا دكتور يعني هما بيعالجوا بنتي بمخد/رات؟

الدكتور بدهشه من كلامة:علاج ايه يا استاذ..قول بيضروها ،، بيموتوها انما تقولي علاج؟

انت لازم تاخد إجراء ضد المستشفة دي بسرعه وتوديهم في داهيه وانقذ بنتك منهم؟

شوقي بص للدكتور و حرك راسه بالموافقه واخد منه الدوا وخرج من عنده ورجع للمستشفي وطلب منهم يوقفوا علاج بنته وعرفهم انه هياخدها ويعالجها في البيت.. 

طبعا الدكاتروا وافقوا وبدون ما يعرفوا ياسر سمحوله ياخد بنته وهوا اول ما اخدها راح بيها علي مستشفي تانيه خاصة وطلب منهم يستقبلوها وقال انه هيدفعلهم نص مليون جنية علشان ينقذوها وبالفعل الادارة وافقت بعد سماع المبلغ واستقبلوا بنت شوقي وبدأو يدولها العلاج المناسب لحالتها .

______________ 

انتهي اليوم وكانت نورا لسا في المستشفي مع عيالها لانها لسا بتاخد علاجها فكانت هتقعد ثلاث ايام وبعدها هتخرج ولآن متوصي عليهم جامد من ماهر كان موجود فالغرفه سرير اضافي علشان حنين واخوها يناموا عليه ..

وبعدما حنين ساعدت أخوها  انه ينام بصت لمامتها واللي كان باين عليها التعب بحزن كبير فقررت حنين انها هتبذل كل مجهودها علشان تنجح وتعوض والدتها واخوها عن كل السنين اللي عاشوها في فقر.

نامت حنين بعدما اخدت قرارها في انها تنجح السنة دي وتجيب مجموع عالي علشان يجيلها منحه تساعدها توصل لهدفها بسرعه وكان هدف حنين وحلمها انها تكون دكتورة جراحة ..فاخدت نفسها براحة كبيره وقررت انها تنام ونسيب جسمها يرتاح وبعد دقايق بدات تغوص في نوم عميق..

وفي دبي كان ماهر مشغول من وقت ما وصل واول حاجه عملها بعدما وصل بسلام هوا انه كلم احلام وصالحها وعرفها انه عمل كده غصب عنه وبيتمني انها تسامحه المرة دي ووعدها انه هيخلص كل الشغل بدري ويرجعلها في اقرب وقت..

وبالفعل وبعد مرور اسبوعين كاملين  بيقرر ماهر يرجع مصر بعدما خلص كل  الشغل اللي كان متوقف عليه ..وقبل ما يقرر انه يرجع تاني اخد ماهر قرار انه يروح ويطمن علي والدته واخته لانه بقالو كتير مشافهمش؟

وفي فيلا في أحد المناطق الراقية في دبي..

وصل ماهر بعربيتة قدام الفيلا واللي كان مكتوب علي الباب اسمه فضغط علي ذرار الانذار واول مشافوه الحراس فتحوله بسرعه الباب؟

دخل ماهر بعربيته ووقف في جراچ الفيلا ونزل ودخل واول ما والدته شافته قربت منه وسلمت عليه وقالت:هاي ماهر حمدلله علي سلامتك انت جيت دبي امتى؟

ماهر:بقالي هنا اسبوع وجيت اطمن عليكوا قبل ما ارجع مصر تاني .

والدته بصتله بلوم كبير وقالت:يعني انت هنا بقالك اسبوع وجاي تزونا قبل ما تسافر وكاننا مش اهلك..ازاي بس تعمل كده فينا..ممكن بق تبطل انانية شويه وتهتم بينا!

ماهر بصلها بدهشه وقال:انانيه..انا اناني يا ماما..إنتي متأكده انك تقصديني انا بالاناني..

والداته بصتله وسكتت لانها فهمت قصدة وهوا بص حواليه وقال بسخريه:فين چيدا وجوزها واولادها علشان اسلم عليهم.

والدته بهدوء:چيدا مع اولادها في السيرك وجوزها فوق نايم لانه لسا راجع من الشغل تعبان؟

ماهر حرك راسه بالموافقه علي كلامها وقال:طيب ابقي سلميلي عليها وعرفيها اني جيت اشوفها  ..انا همشي بق علشان ميعاد طيارتي قرب؟

والدته حركت راسها وقالت:طيب هو انت كنت هنا لواحدك ..وفين حمزه مجاش ليه؟

ماهر بسخريه:حمزه في مصر لانه تعبان شويه وانا كنت فاكر ان الاخبار وصلتلك لان الحادث اللي عملة حمزه كان ترند فيسبوك علي مدار ثلاث ايام فطبيعي انك تكوني عارفه؟

والدته اتصدمت من كلامه وقالت بقلق :بتتكلم بجد يعني حمزة عمل  حادثة فعلا واحنا مش واخدين بالنا ..وحتي لو منتبهناش ازاي انت متعرفنيش حاجة زي دي..حتي في دي مش عاوزنا نتدخل؟

ماهر حرك راسه بتعب من انكارها ليه وعدم اهتماما للوضع ولومها الزايد عليه فقرر يستأذن منها بسرعه وميردش علي اسئلتها لانه متاكد انه هو وحمزه مش فارقين معاهم وكل اللي همهم هيا حياتهم فقط..فقرر يوفر وقته ومجهوده ونفسيته ويمشي من المكان اللي عمره نا انتمي ليه .

 وقبل ما يطلع من الباب كانت رجعت اخته وهيا ماسكة اولادها الاتنين من ايديهم ومبسوطه معاهم فبصلهم بضيق واستاذن منهم ومشوا…

جيدا بصت لاخوها الصغير بصدمه من تصرفاته واستغربت انه جه دبي من غير ما يعرفهم فبصت لوالدتها اللي بتبصلها وهيا تبحرك راسها بضيق وقالت:هوا ماهر جاي بواحده ولوامعاه حمزه؟

والدتها بضيق:لا لواحده بس بيقولك حمزه عمل حادث من اسبوع واكتر وتعبان جدا؟

چيدا بصت لوالدتها وقالت بجمود:وهو عامل ايه دلوقت؟

والدتها :ماحقتش اساله لانه عمل زي ما انتي شايفه كده ومشي؟

چيدا بصت لاولادها اللي بيلعبوا وقالت:هوا ماهر كمده يا ماما دماغه صعبه ومستحيل يرجع تاني يعيش معانا؟

والدتها  ابتسمت بسخريه علي كلامهاوقالت: تو انتي مش هتطمني علي حمزه؟

چيدا:هبق اتصل عليه واشوفه عامل ايه؟

زوج چيدا كان نازل علي السلم واول ما هسا شافته وقفت وقربت منه وقالت:حبيبي عامل ايه ..انت رجعت من الشغل امتي؟

جوزها:لسا من شوية طمنيني ميف حالك انتي والاولاد اتبسطوا ف يالسيرم!

چيدا حركت راسها بفرحه ولادها ابتسموا وهما بيقولوا:شكرا بابي علي الخروجه دي بس كنا نريد انك تكون معنا؟

ابتمس والدهم وقال:اوعدكم يا حبايبي اني بچي معكم النرة التانيه ..بس علي شرط تكونوا شاطرين بالمدرسه ةما تتعبوا مامي!

الاطفال بفرحه:حاضر بابي؟

الاولاد حريوا لاوضهم وچيدا بصت لحوزها بحب وهوا قال:شو رئيك نطلع غرفتنا نتحي في شيئ مهم!

چيدا ابتسمت وحركت راسها بالايجاب وبصت لمامتها وقبل ما اقول حاجه ايها مامتها شاورتلها تمشي مع جوزها ..فـ چيدا حركت راسها ومسكت ايد جوزها وطلعت غرفتهم..

اول ما خرج ماهر من الفيلا كان متضايق لان چيدا اخته لما سابت حمزه وهو طفل لسا خمس سنين عمرها مسألت فيه ولا حتي لاعبته وقضت معاه وقت زي اي ام وطفلتا..فازاي بكل جرأة تعامل اولادها التانين بكل الحب دا وسايبه حمزه ومبتسألش عليه حتي وكل اللي يهمها انه يبق موجود وخلاص بس مش مهم هوا هيكون موجود بيعمل ايه او هو بخير ولا لأ ميهمهاش النهم انه عايش وخلاص..

فخرج من الفيلا بعدما حس بخنقة كبيره في صدره بسبب مجهوده الكبير اللي بيبذله معاهم في الكلام فقرر يركب عربيته بسرعه ويروح للمطار علشان يرجع لعيلتة الحقيقيه اللي مستنياه في مصر بكل حب؟

___________

وعند مروه كانت خارجة من العياده بعدما خلصت شغلها وهيا في طريقها للبيت  لقت عربية صابر مستنياها .. واول ما مرة اخدت بالها منه قربت منه وسألتها باستغراب ليه ماشي وراها فاقلت:حضرتك كنت ماشي وشوفتني بالصدفه؟

صابر حرك راسه بالرفض:لا في الحقيقه انا كنت مستنيكي لحدما تخرجي علشان اوصلك!

مروه بدات تتوتر  لما لقته خرج من العربيه وقرب منها وكلامه اللي بدا يكون من غير ألقاب  فقالت بضيق:لو سمحت يا استاذ صابر انا مش بحب ابدا المعاملة دي وانا مقدرة ان حضرتك عاوز تعمل معايا جميل ولاكن انا مش عاوزاه لان انا بنت و ليا سمعتي ولو حد شافني بركب كتير مع حد غريب انا معرفهوش هيطلعوا عليا كلام مش مناسب..ودا انا مش هسمح بيه انه يخصل

صابر بص في عينيها بحب وهيا خجلت من نظراته فقال بكب جديه بعدما قرر اخيرا ما يتحرجش منها ويعبر عن مشاعره ليها ويعترفاها بحبه :انا بصراحه كل الموضوع اني عاوز اطلب ايدك يا انسه مروه وبقالي فتره بحاول الفت نظرك اني معجب بيكي بس انتي مش واحده بالك مني خالص ..فانا عاوز اجي اتقدملك بس طبعا كلوا تيكون  برضاكي..

مروة بعد ما سمعت كلامه حست انها مش في وعيها وانها متلغبطة ومصدومه فحركت راسها بهدوء وقالت:استاذ صابر انت فجأتني بكلامك بس في الحقيقه انا مش عارفه ارد اقولك ايه ممكن تديني فرصة افكر في كلامك وارد عليك.

صابر بابتسامه:طبعا براحتك يا انسه مروه ..بس انا ممكن اعرض عليكي اوصلك النهاردة كمان!

مروه  بصتبه لثواني بتفكير وبعدها حركت راسها بالموافقه وهوا فتحلها الباب بحماس  واول ما ركبت ركب جميها وشغل عربتيه بسرعه ..واول ما اتحركوا شغل صابر اغنية رومانسيه علشان يعبر عن مشاعره ليها ومروه كانت بتبتسم من جواها لانه مهما كلن  شاب لطيف ومقبول .. بس كل اللي مان شاغل تفكيرها وخليها  محتارة هوا انها هتتجاوبة  بعدنا تفكر وتقوله ايه..

وطول الطريق صابر  كان بيبصلها وهيا متجاهله تبصله لانها مكسوفه منه  واول ما وصلوا قدام بيتها خرجت مروة بسرعة من عربيته بدون ما تقول ايه كلمة ودخلت لبيتها ؟

صابر ابتسم علي شكلها وفهم انها عملت مده لانها مكسوفه بس لنا فمر بجديه كان قلقان لترفضة فكان مش عارف يفرح ولا يحزن فقرر يسيب رد فعله لحدما مروة ترد عليه ولاكن كلن بيتمني من كل قلبه انها تقبله لانه فعلا بيحبها..!

 _________وفي القصر"

كانت احلام بتجهز علشان هتخرج مع حمزه واللي استعاد جزء كبير من صحته  اخيرا وقدر يمشي علي رجلة بسلام؟

احلام بصتله وقالت بفضول:هنروح فين النهاردة؟

حمزه بابتسامه:النادي هنلعب بولنج هناك هيعجبك اوي؟

احلام بحماس:ماشي وانا متحمسه؟ 

حمزه ابتسم علي شكلها وقال بتساؤل:كلمتي ماهر وعرفتي منه هيرجع امتي لانه اتاخر اوي؟

احلام حركت راسها بالموافقه وهيا بتجاوبه وبتقول: صحيح اتاخر بس هوا قالي انه هيرجع بكره او بعدوا …كملت بتساؤل:هو انت مكلمتوش؟

حمزه حرك راسه بالرفض وقال:بقالي يومين بس ..ولاكن انا بطمن عليه من عن طريقكاهو  ما انتي كل يوم بتكلميه ومش مديالي فرصه اخد نفسي حتي معاه ..

احلام ضمت حاجبها بضيق منه وهوا قرب منها وقال:يلا لا خلينا نمشي علشان نلحق النادي قبل ما يبق زحمة!

احلام حركت راسها بالموافقه ومشيت معاه وخرجوا الاتنين من القصر ..وبعد وقت مش كبير وصلوا للنادي اللي هيلعبوا فيه بولنج واول ما دخلوا بدات احلام تلعب بعدنا المدرب شرحلها الطريقه ولان احلام ذكية قدرت تلعب بمهارة .. كان حمزه باصللها وبيضحك لانها طلعت بنت مسليه جدا ولذيذه فلقاها بتقرب منه وبتقول:دورك يا باشا!

حمزه بصلها وضم حاحبه وقال:هلعب بايدي ازاي وهيا مكسوره؟

احلام حركت راسها بالموافقه وقالت:مش مشكله انا هساعدك..بصلها حمزه بدهشه ولما لقاها مسكت ايديه فعلا وبتلعب قال بوجع:لا ايدي بتوجعني مش لازم العب يعني؟

احلام حركت راسها بالموافقه وقالت بزهق:خلاص خلاص خلينا نروح نلعب حاجة تانيه!

حمزه بجوع:لا انا عاوز اكل اي رئيك نروح وناكل في مكان رايق كده ونغير جو .. 

احلام بموافقه:طيب يلا بينا اهو فعلا نغير جو بدل الملل دا..

حمزه حرك راسه بالموافقه وهيا اخدت شانطتها اللي كان شايلهالها وخرجوا الاتنين مع بعض..

وبعد اربع ساعات ..وصل ماهر لمصر وكان في استقباله منعم واللي ماهر اتواصل معاه يستناه وبلغه ميعرفش حد انه رجع لانه عاملها مفجأة لحمزه واحلام ..منعم اول مشافه ماهر قال بابتسامه:حمدلله علي سلامتك يا ماهر باشا..

ماهر بابتسامه:الله يسلمك يا منعم اخبارك ايه؟

منعم بخجل:الحمد لله يباشا اتفضل حضرتك!

منعم فتح لماهر الباب وبعدما ماهر ركب العربيه اتجه منعم لمكانه بسرعه واتحرك بالعربيه..

ماهر بص لمنعم بانتباه وقال:ممدوح عامل ايه في التدريب!

ابتسم منعم وقال:ممتاز يباشا ..هوا صحيح جننا شويه، بس برافوا عليه طلع بيفهم!

ماهر بجديه:يا مسهل ..ان شاء الله يظبط كل حاجه زي ما اتدرب عليها وميبوظش الدنيا..

منعم بابتسامه:لا يباشا متقلقش دا حضرتك اول ما هتشوف شكله بعد التغير صدقني مش هتعرفوا؟

ماهر ابتسم:بق عندي فضول اشوفه بصراحه يا منعم .. المهم دلوقت خلينا بس نروح القصر الاول اغير هدومي وبعدها نروحله؟

منعم هز رأسه بالايجاب وقال:تحت أمرك يا فندم..

كان حمزه واحلام راحوا المطعم واكلوا فيه وبعدما خلصوا قرروا يروحوا ياكلوا ايس كريم وهما ماشين كان ماشي شاب وبنت ومن الواضح انهم مرتبطين؟

البنت وهيا ماشيه بصت لحمزه وضحكت علي شكله لانه كان بياكل الايس كريم بايديه المكسوره وكان شكله مضحك..حمزه لما شاف ضحكتها عليه ضم شفايفه وقال بصوت واضح:جمالك مقوي قلبك غوري وانتي شبه القرد كده!

احلام ضحكت علي كلامه والبنت لما سمعت وصفة ليها وقفت وقالت بصدمة:نعم حضرتك بتقول حاجة!

حمزه بضيق هوا كمان:بقول ضحكتك زي القرد ايه مش واخده بالك!

البنت بصت للشاب اللي واقف جمبها وقالت بعصبيه:انت هتسكت علي الكلام دا!

الشاب بص لحمزه وقال:هو انت في وعيك يا استاذ ولا انت شارب حاجه؟

حمزه بص للشاب وقال :شارب خفه تحب تاخدلك حبه..ولا انت اصلك معاك!

احلام اتدخلت بسرعه علشان تلحق الوضع قبل ما يكبر فقالت وهيا بتبص للشاب:خير يا استاذ انت مش بدل ما تكلمة هوا كده تشوف خطيبتك دي  اللي اتريقت عليه الاول.

البنت بانكار:انا قولت ايه يا عني ضحكت علي شكله بس!!

احلام بسخريه:وهوا ضحك علي شكلك ايه مش واخده بالك انك قرده فعلا؟

حمزه بص لاحلام وضحك وضربوا الاتنين كف ايديهم ببعض لان بعد الاسبوع اللي قضوه مع بعض اصبحت علاقتهم اقوي وبقوا قريبين من بعض أكتر.

الشاب والبنت بصولهم بضيق وبدوا يقربوا منهم وحمزه علشان كان جسمه واجعه تراجع وساب احلام تدافع عنه ولان احلام خبراتها في الدفاع عن النفس مش قويه بدأت تستغل كلامها في الدفاع عن نفسها!

البنات قالت بغيظ:طيب علشان قلة ادبك دي مش هسيبك النهارده..احلام بصتلها وردت عليها:مدي ايدك كده عليا  وانا هوريكي هعمل فيكي ايه؟

البنت اتغاظت اكتر منها وقربت ايديها تمسكها من طرحتها ولاكن احلام بعدتها وقالت:لو لمستيني تاني هزعلك يا بت انتي متعرفنيش ولا ايه؟

البنت بسخريه:والله انتي اللي متعرفنيش..بدات احلام والبنت يتخانقوا وبدات الناس تتلم عليهم؟

وحمزه والشاب كان حمزه بيبعد وبيقول:انت مش شايف حالتي عاوز تعمل فيا ايه اكتر من كده؟

الشاب رفع ايديه يضربه علشان مش طايقه ولاكن حمزه نزل بجسمه علشان يتفادى الخبطة ووقتها ضهروا طرقع وصرخ بوجع وقال:اااه ضهرييي؟

احلام بصت لحمزه بصدمه ولما شافته بيتألم زقت البنت بكل قوتها وبعدتها عنها وقربت منه وقالت بقلق :حصلك ايه يا حمزه هوا عمل فيك ايت؟

حمزه بص للشاب اللي واقف يبصله وهوا مش فاهم هوا عمله ايه ..لانه ملمسوش؟

أحلام قالت وهيا بتخوف الشاب بالكلام:انت مش عارف دا يبق مين دا هيوديك في داهيه..

الشاب بص للبنت وهيا شاورتله يمشوا بسرعه لان شكلهم مجانين وهيدخلوهم في حورات واول ما مشيوا حمزه قام وهو بيبص حواليه وبيقول بتساؤل:مشيوا؟

احلام باستغراب:اي دا يعني انت كويس ومش حاسس بوجع؟

حمزه ابتسم وقال:مش انتي كنتي عايزه تشوفي موهبتي في التمثيل اهي دي بق اول مشهد تشوفيه؟

احلام بصتله وقالت:يعني ايه ..انت كنت بتمثل وعملت كده علشان هما يخافوا ان حصلك حاجه؟

حمزه ضحك وقال:اه انا بعمل كده علي طول بس المره دي ربنا سترها معايا علشان انا غلبان؟

احلام ساعدتوا يقف  وقالت بضحك:انت طلعت نكته بجد يا حمزة أنا متوقعتش انك شقي بالشكل دا؟

حمزه ابتسم وركبوا الاتنين العربية واحلام ساقت  واتحركوا في طريقهم للقصر ..حمزه قال:هنروح القصر؟

احلام حرمت راسها وقالت:ايوا علشان نرتاح بعد الفرهده دي ..انا تعبت ؟

حمزه بتعب:ايوا عندك حق يا احلام  انا كمان تعبت..احلام بصتله وابتسمت وقررت تشغل اغنيه تسليهم لحد ما يوصلوا  للقصر ومن التعب حمزه نام منها في الطريق ؟

_______وفي القصر "

كان وصل ماهر وطلع اوضة احلام علشان يعملها مفجأة ولاكن لما لقاها مش موجوده استغرب وراح لاوضة حمزه ولما لقاه هو كمان مش موجود نزل يسال الخدم عليهم واول ما نزل لقاهم جايين من برا وكانوا بيضحكوا بصوت عالي؟

ماهر وقف علي السلم وهو ضامم ايديه لصدرة لانه كان متوقع انه هيرجع يلاقيهم مستنينه بس متوقعش انهم مقضين حياتهم عادي كده من غيروه!

اول ما احلام شافتهم اتفاجئت وبصتله وقالت بفرحه:ماهر..قالت كلامها وجريت عليه وهو كان متضايق لانها كانت خارجه من غير متقوله ولاكن اول ملقاها بتحضنه مقدرش يقاومها وحضنها بحب وابتسم!

حمزه قرب منه وبعد احلام عنه وحضنه هو وقال بابتسانه :وحشتني اوي  يا خالي عامل ايه طمني عليك!

ماهرب صله وضحك ومسح علي شعره بحينه وقال:الحمدلله يا قلب يخالم؟

احلام بصت لحمزه بغيرة وبعدته عن ماهر بسرعه ورجعت هيا حضنته وقالت:مقولتليش ليه انك راجع النهارده…كنت علي الاقل هستقبلك بطريقه احسن؟

ماهر قال  بسخريه:كنت عاوز اعملك مفجأة بس خلاص بق..المفجأة باظت؟

ابتسمت احلام وهيا بتقول علشان تصالحه:انا مبسوطة انك رجعتلي بالسلامه  ودا اهم حاجه..ابتسم ماهر علي كلامها غصب عنه لانه مبيقدرش يقاومها وهيا قالت بخجل:ايه رأيك نطلع فوق واساعدك تغير هدومك ؟

حمزه بصلهم وقال بضيق:وانا؟هتسيبوني  هنالوحدي؟

ماهر بصله وقال بابتسامه:اي دا انت بقيت كويس..حمدلله علي سلامتك ..

حمزه بابتسامه واسعه :الله يسلمك..المهم دلوقت بقولكم  هتطلعوا وتسيبوني لوحدي هنا؟

ماهر بص لاحلام باشتياق وهيا بصت للارض يخجل فبص لحمزه وقال:يرضيك اسيب الجمال دا كله واقعد معاك يا حمزة؟

حمزه ضم حاجبه بضيق وقال:ما انت طول عمرك قاعد معايا  وشي في وشك ولا عمرك مليت ..ولا هيا بق خالص هتاخدك مني!

احلام بصتله وقالت بغيظ :دا جوزي وبعدين انت المفروض تطلع ترتاح بعد اللي حصل النهارده …وسيبني اقعد معاه شويه؟

حمزه حرك راسه بالموافقه وقال:ماشي النهارده بس ..خليكي بس فكراها يا احلام!

احلام ضحكت علي كلامه وماهر بصلها وقال بابتاسمه:وحشتيني اوي يا احلام.

قلبها دق بقوه علي كلامه وقالت:وانت كمان وحشتني..بس انت اتاخرت اوي انت مش قولت اسبوع واحد ليه بقوا اسبوعين؟

ماهر لمس خدها بحنيه وقال:والله يا حبيبتي غصب عني الشغل كان كتير ويادوبك خلصته كله وجيت علي طول؟

كان واضح عليه انه مرهق فعلا فاحلام بصتله وقال :حبيبي خلاص انا مش زعلانه بس كل الحكايه انك يعني وحشتني اوي ..وكملت بخجل:ووحشني حضنك!

ماهر بص حواليه علشان يتاكد ان محدش من الخدم شايفه وقرب من شفايفها بسرعه وقبلها وقال:وانتي وحشتيني بطريقه انتي متتخيلهاش؟

حمزه من فوق:اطلع اوضتك يا خالي فرجت الناس عليك!

احلام جسمها اتنفض بسرعه وبصت لحمزه اللي باصص عليهم وبيضحك ولاكن ماهر كان رد عليه وقال:وانت ايه اللي مخليك واقف وبتتفرج علينا  ما تتلم وتطلع تشوف وراك ايه!

حمزه بسخريه:وهيكون ورايا ايه يا حسره منا قاعد سنجل اهو ..مش حنين لسا مقبتلهاش..هحب مين يعني؟

ماهر كان عاوز يقتله في اللحظة دي لان احلام كانت واقفه ومتوتره فقال بغيظ:طيب ادخل يا حمزه وانا هساعدك تقرب منها!

حمزه بتساؤل:بجد؟

ماهر هز رأسه بجديه وقال:بجد!بس اطلع بق وسيبنا لوحدنا؟

حمزه ابتسم وسابهم يكملوا اللي بيعملوه ودخل اوضته وماها لما بصلها ولقاها ساكته قال:خلينا نطلع اوضتنا ولا عجبك حد يشوفنا  واحنا واقفين كده ويشوفنا واحنا بنعمل ..قال ماهرلامه وهيا بيضغط علي شفايفه..

احلام ضربته بخفه علي صدره وهوا بصلها بابتسامه وقال:يلا ولا ايه..علي فكرة انا ممكن اعمل اي حاجه هنا عادي؟

احلام اتوترت وجريت بسرعه من قدامه وهو جري وراها واول ما وصلوا لجناحهم مسكها ماهر من ايدهيا بسرعه وشدها عليه وقبلها بكل شوق وعشق لدرجة انها مكانتش قادرة تاخد نفسها ..بعد ثواني بعد عنها وبص في عينيها وقال:وحشتيني اوي يا روح قلبي..مش عارف ازاي عيشت اسبوعين من غيرك..او عيشت سنيني اليي فاتت دي كلها ازاي وانا مش معاكي!

احلام بصتله بخجل وقالت:ممكن ننسي اللي فات ونعوضه بحجات اجمل وذكريات اخلي؟

ماهر بتساؤل:حجات زي ايه؟

احلام قبتله بسرعه من شفايفه وقالت:زي دي وقبلته من خده وقالت:زي دي برضوا وقبلته من خده التاني وقالت بلطف :وزي دي كمان..ماهر شدها عليه وقبلها من شفايفها وقال:وزي دي وبعدما استجابت احلام معاها شالها ماهر علي صدره وضمها اكتر ليه واتجه بيها للسرير واول ما حطها عليه قالت احلام بتساؤل : انت هتنام دلوقت.

ماهر بصلها وحرك راسه بالموافقه وقال: انا فعلا عايز انام بس مش هنام قبل ما اخد حقي؟

احلام قالت  بخجل وتوتر وهيا بتبصل ف يعيونه :حقكاللي هوا  ايه؟

ماهر لمس خدها  بابتسامه وقال:كل القبلات اللي فيتاني من أسبوعين'

احلام بصتله بتوتر وهوا قلع التيشرت قدامها وقرب منها وهيا بدات ترجع لورا بتوتر لحدما مسكها وقال:رايحه فين مفيش هروب انتي من النهارده بتاعتي خلاص؟ يتبع بقلمي شيماء صبحي 

في يوم جديد اتجه ماهر للشقة اللي فيها ممدوح ومنعم واول ما وصل كان منعم في استقباله وممدوح مكانش واقف معاه..ماهر بص لمنعم وقال بتساؤل وهو بيدور بعيونه علي ممدوح؟

:فين ممدوح يا منعم..انت مخبيه ولا ايه؟

ابتسم منعم وبص لماهر وقال:لا يباشا بس عامل لحضرتك مفجأه..بص منعم وراه وشاور لممدوح اللي مستخبي وقال:اطلع يا عم ممدوح ماهر باشا وصل وعاوز يشوفك؟

خرج ممدوح واول مشافه ماهر وقف مصدوم..من جماله؟؟

كان ممدوح لابس بدله شيك ومصفف شعرة لورا وحالق دقنة وكان شكله مختلف تماما عن اول مره شافه فيها ماهر..(أصبح شخص تاني)

ماهر بصلة بانبهار وسقف بايديه وهو بيبص لمنعم وبيقول:تسلم بجد يا منعم.. انا مبهور من شكله ..انت عملت فيه ايــه!

ممـدوح اتكلم وقال بتساؤل :يعني انا انفع اكون بيزنس مان يا ماهر باشا ولا مينفعش؟

ماهر بانبهار:الله أكبر هو اتعلم انجليزي كمان؟

ابتسم منعم وحرك راسه بالموافقة وماهر قرب من ممدوح وحط ايديه علي كتفه العريضه وقال:تنفع ونص يا ممدوح  دا انت بقيت ألمع وانظف من ظافر العابدين يا جدع .. كمل ماهر كلامه وقال بجدية :انت عارف يا ممدوح لو نجحت وعملت زي ما انا عاوز بالظبط  انا هعمل معاك ايه؟

عدل ممدوح لياقة قميصه وقال بحماس:هتعمل ايه يباشا؟

ماهر بصله وقال بابتسامه واضحة:هطلعك القمر يا ممدوح ،وهركبك الطيارات وهوديك اماكن عمرك مشوفتها؟

ممدوح  بص لماهر بخوف لانه فهمه غلط وقال بنبرة مليانه قلق:قمر وطيارات هو انت هتموني وتطلع روحي للسماء ولا ايه يباشا؟

ضحك ماهر علي كلامه وقال برفض:لا يا ممدوح مش قصدي انا اقصد اني هديلك فلوس تقدر من خلالها تعمل كل اللي انا بقولك عليه دا .. لان انت بعدما تخلص مهمتك مش هتكون رجل عادي تاني بعد كدة ..وهتكون فعلا بيزنس مان؟

حرك ممدوح راسه وبص للسقف لانه مكانش فاهم اي حاجه من كلام ماهر برغم شرحة ليه ..ولاكن  ماهر قطع تفكيره لما قال بجدية:جهز نفسك هتبدا مهمتك النهارده وعلشان برضوا لو عكيت الدنيا تلاقي اللي يلحقك.. 

بص ماهر لـ منعم وكمل كلامة وقال: منعم هيكون معاك كأنه المساعد بتاعك وطبعا هوا هيقلك هتعمل ايه بالتفصيل؟

ممدوح هز رأسه بالموافقه وماهر طلع من جيب الجاكت بتاعه  فلاشة فيها فيديوهات لوالدة ياسر وهيا قاعده علي الطاوله وبتلعب قمار مع أصحابها ..

(كان اللي جاب الفيديوهات دي واحد من رجالة ماهر لما صور والدة ياسر وهو متنكر في شكل واحد من اللي شغالين في البار اللي هيا بتروحة..وحط كل الفيديوهات علي الفلاشه واداها لماهر)

ماهر قرب الفلاشه من منعم وقال بصوت مليان جدية :الفلاشه دي يا منعم عليها فيديوهات لوالدة ياسر هيا اسمها نبيله بس الشهرة بتاعها ناني هانم ..انت هتشغل لممدوح الفيديوهات دي علي اللاب علشان يعرف من خلالها طريقة لعبها ..ويقدر يكسبها بسهوله .

منعم هز رأسه بالموافقه وماهر بص لممدوح وقال:أجهز للبداية يا ممدوح!

ممدوح حرك راسه وماهر كمل كلامة وقال:ناني هانم اللي هتلاعبها دي مبتلعبش غير علي ملايين .. هيا كانت ثروتها من شهر بس ٢٠٠ مليون حنية؟

اول ما قال ماهر كلامه ممدوح اتصدم ومعاه منعم من سماع المبلغ وماهر كمل كلامه ليهم بجديه اكبر وقال:هيا حاليا معهاش كل الفلوس دي لانها خسرت نصهم ..يعني لعبك كله هيكون مبني علي هدف كسب١٠٠مليون..وانا عاوزك في البدايه تخسر و تكسبها مبلغ ١٠ مليون جنيه ..علشان تكسب ثقتها في انت غاوي لعب،، وانت كل اللي عليك بعد كده تكسبها ومنعم معاك هيقوم بالواجب..يعني الشيكات اللي هتدفع منك او هتاخدها منها منعم هو اللي هيتعامل ملكش دعوه انت بيها ..

ممدوح ومنعم حركوا راسهم بالموافقه وماهر بلغهم ان النهارده هتكون البدايه وبعد مـا ممدوح يشوف الفديوهات هيروح البار اللي هيا هتكون فيه وهيلعب مع واحد اسمه:سامي..ودا هيكون تبع ماهر وهيعمل مشكله بعدما ممدوح يكسبه وطبعا كل حاجه هتكون مدبره لحدما ناني تاخد بالها من ممدوح واللي هيكون اسمه " ديحه باشا" 

منعم ردد الاسم بضحك وقال:بس الاسم مش مضحك شويه يا ماهر باشا..؟

ماهر حرك راسه بالرفض وقال:لا حلو متقلقش انا عارف انا بقولك ايه؟

منعم حرك راسه وهو كاتم ضحكته وممدوح كان واقف وبيسمعهم وساكت لحدما ماهر سابهم ومشي وبدا منعم وممدوح يشوفوا مع بعض  الفديوهات علشان يتعرفوا علي شكل ناني ..واول ما ممدوح شافها قال بدهشه:

يادين البني ايه المرة دي ..هو في كده بجد يا منعم؟

منعم ضحك علي رد فعل ممدوح وحرك راسه بالموافقه وقال:اوعي تعمل كده قدامها احنا عاوزينك تكون تقيل علشان هيا مش بتحب الراجل المدلوق..واي ست كده عمتا..خليك تقيل يا ديحه باشا؟

منعم مقدرش يكتم ضحكته اكتر وانفجر من الضحك لما قال اسم ديحه وممدوح كان بيبتسم علي شكله وبعدما منعم خلص ضحك  اخد نفس طويل بصل لممدوح وقال:خلينا نكمل علشان ماهر باشا بيقولك هنروح البار ولازم نستعد علشان نكون هناك بدري؟

ممدوح حرك راسه بالموافقه وبداو يكملوا فرجه علي الفديوهات وبدا ممدوح يركز مع طريقة لعبها مع اللي حواليها وقدر بسهوله يعرف ازاي هيغلبها؟

وعند ماهر كان خرج من العماره وركب عربيته وقرر يروح الشركة لان عنده اجتماع مهم وقبل ما يتحرك بعربيته كان اتصل بشوقي.

كان شوقي في الشركه قاعد علي مكتبه وباين علي وشه الحزن …فـ أول ما لقي إتصال من ماهر عدل نفسه بسرعه من علي الكرسي ورد عليها

ماهر بتساؤل:اي الاخبار يا شوقي..ياسر اتصل عليك؟

شوقي بتوتر:ايوا يا باشا اتصل..وزعق فيا لاني بقالي اسبوعين مقولتلوش اي اخبار وكان كل اللي بقولهوله ان حضرتك مسافر؟

ماهر بجدية:طيب بلغه اسم المجموعة اللي هنجدد العقد معاها الاسبوع الجاي؟

شوقي بصدمة:قصدك مجموعة الفؤاد يا فندم!

ماهر بضيق منه:ايوا يا شوقي انا عايزك تنقله كل الاخبار عنها عايزه ياخد مننا المشروع في اقرب وقت؟

شوق يكان بيسمع كلام ماهر ومصدوم..ازاي ماهر عايز يوصل ياسر بافضل مجموعه بتمتلكها الشركة فـقال شوقي بتساؤل:هو حضرتك بتتكلم بجد يا فندم..اصل المجموعه دي..مهمة للشركة و..

ماهر قاطع كلامه وقال بجديه واضحة في صوته:اسمع اللي بقولك عليه وخلاص..انت مش هتعرفني شغلي.

شوقي حرك راسه بالموافقه وقال بخجل من نفسة :تحت امرك يا فندم..يعني اعرفه كل المعلومات عنها ازاي؟

ماهر بضيق: عاوزك تعرفه الخبر دا بطريقتك معاه قبل ما اعرف وطينتك؟بلغة بكل المعلومات انا عايزة يعرف كل حاجه عنها وعرفه المكاسب اللي كانت بتيجي للشركة من المجموعه عاوزه يعمل المستحيل علشان ياخدها..

شوقي رد بالموافقه:حاضر يا ماهر باشا..تحت امرك !

ماهر قفل مع شوقي المكالمة وساق العربيه واتجه لشركته ؟

وعند شوقي بعدما ماهر قفل معاه المكالمه اتصل بياسر فورا واول ما رد ياسر شوقي قال بحماس مزيف :ياسر باشا عندي ليك خبر بمليون جنيه

ياسر كان قاعد براحه واول مسمع حماس شوقي عدل نفسه وقال  بفضول:خبر ايه اللي مخليك متحمس اوي كده؟

شوقي:حضرتك سمعت قبل كده عن مجموعة الفؤاد..

ياسر غمض عيونه للحظة وبعدها هز رأسه بالمـوافقة وقال:أيوا سمعت عنها مش دي مجموعة مساهمه في شركة..

شوقي قطع كلامة وقال:مساهمه كبيرة في شركة الصياد ويعتبر يا فندم دي المجموعه اللي معتمده عليها الشركه ف يكل حاجة؟

ياسر بتساؤل:مالها المجموعه وليه فجأة بتتكلم عنها؟

شوقي ضغط علي اعصابه لانه بيبذل مجهود علشان يقنع ياسر وقال:المجموعه دي يا فندم العقد بتاعها هيخلص مع الشركة هنا كمان اسبوع وماهر بيه هيمضي العقد معاهم بس انا قولت ابلغ حضرتك علشان لو هتضمهم لشركتك بدال الشركة هنا؟

ياسر فكر لثواني وقال بنوافقه:طيب هيا المجموعه دي لو عرضت عليهم يساهموا في شركتي هيوافقوا؟

شوقي بفخر:يباشا هما يطولوا يساهموا في شركتك  ..يباشا المجموعه دي شركات كتير حاطة عيونها عليها واكيد الخبر وصلهم وهيبذلوا كل ما في وسعهم علشان يضموها ليهم.

ياسر اخد ثواني تاني يفكر وقال:طيب يا شوقي كويس اوي الخير دا ..ابعتلي كل حاجه تخص المجوعة دي فورا وانا هشوف شغلي معاهم؟

شوقي رد عليها بالمرافقه وقال:تحت انر سيادتك يا فندم .

ياسر قرر يقفل معاه المكالمه ومن غير ما ييبلغه السلام قفل في وشه.

شوقي بص للتيلفون بضيق وبص علي رقم ياسر بكره  شديد وقال:حسابك معايا كبير اوي يا ياسر باشا..لانك استغليت اكتر حاجه بحبها في حياتي..وربنا يقدرني وازلك زي ما زلتني كل السنيين دي!

________في مدرسة حنين "

كان عندها امتحان اخر السنه فكانت قاعده حنين وهيا كانت مركزه جدا علشان تنفذ وعدها لنفسها وتجيب درجه كويسه وبعد اول ساعتين ما خلصوا قرروا ياخدوا بريك واول ما خرجت حنين علشان تشتري اكل لقت سليم واقف بيمنعها تمشي وبيقول برجاء منها :حنين ممكن نتكلم شويه؟

حنين بصتله وحركت راسها بالرفض وقالت بضيق من قربه منها:لا مش هينفع انا معنديش وقت للكلام دا؟

سليم بصلها بضيق من رفضها ليه وقال : طيب يا حنين انا مش هطلب منك نرتبط تاني ، بس عايز اعرف بعدما الامتحنات دي تخلص هتروحي تقدمي في كليه ايه ..لاني مش عارف اتواصل معاكي؟

حنين بصتله برفع حاجب وقالت :مش لما النتيجه تطلع الاول هعرف ..بس انت بتسأل ليه يا سليم ومهتم كده ..وانت اي علاقتك بالكليه اللي هدخلها 

كملت بسك وقالت:اوعي تكون بتفكر تدخل نفس الكليه انت كمان ؟

سليم اتحرك من كلامها وحرك راسه بالرفض وقال:لا مش قصدي انا بس ممكن اوصي عليكي والدي ..لان شركته بتعمل منح للطلاب كل سنه؟

حنين بضيق:لا شكرا يا سليم ..انا هدخل كلية هنا في مصر؟مش بفكر في السفر؟

قالت حنين كلامها وسابته ومشيت وهوا فضل واقف بيبص عليها ومش قادر يستحمل انه مش عارف يقرب منها .. وهوا واقف كده جنة شافته فقربت منه وقالت بسخريه عليه :مش عارفه ايه اللي عاجبك فيها ..دي واحده شايفه نفسها رغم انها فقيرة؟

سليم بصلها بضيق وقال وهو بيدافع عن حنين:وانتي اللي مشاء الله ثراءك مقوي قلبك منتي بالنسبالي فقيره..ومتفكريش علشان والدك شغال في شركة عاليه شويه معناه انك غنيه لا انتي فقيره ..وبعد كده  متقرنيش نفسك مع حنين علشان هيا افضل منك بكتير؟

جنة بصتله بغيظ وهو سابها ومشي واول ما بعد عنها جنة همست بعصبيه:بق دي احسن مني أناا .. احسن مني في ايه ال..ضغطت علي اسنانها وهيا بتبص لحنين اللي ماسكة ساندوتش وبتاكل فيه وبتقرب منها..فلفت جنة وشها ورجعت للفصل تاني وحنين دخلت بعدها..وبعد وقت بدأ الامتحان التاني وبدات حنين تبذل كل مجهودها علشان تحل كل الاسئلة صح…علشان توصل لاهدافها!!

_________وفي القصر عند حمزه ؟

كان مقرر يروح الكليه علشان يعرف مواعيد امتحاناته ولانه كان متاكد وواثق انه هيعيد السنه بس علشان خاله قرر انه يروح حتي لو مش هيحل ..فقرر يروح بدل ما يتهزق من ماهر لانه عرفه ان دي هتكون اخر سنه ليه هيعيدها لانه هيروح غصب عنه بعد كده..

فخرج حمزه وطلب من احلام تساعده يلبس هدوم علي زوقها واحلام قررت تساعده وطلعتله طقم كلاسيك وقالت:دا هيكون تحفه عليك ..بس قولي انت رايح تخطب ولا رايح الكليه؟

حمزه ضحك وقال:لا  رايح الكليه بس انا لازم اكون شيك علشان الطلبة الي مثبتهم هناك…لما يشوفوني ينبهروا واحس اني ناجح في حاجة بدل ما انا عارف اني رايح الامتحان وانا متأكد اني هعيد السنه؟

احلام ضحكت علي كلامه وقالت وهيا بتغيظة:بق رايح تعاكس البنات اهو..مش قولتك انت متنفعش لحنين لانك بتاع بنات وهيا مش هتوافق بيك؟

حمزه عدل نفسه بسرعه وبصلها بلهفه وقال:حنين..وهيا فيين حنين..انا محتاج اشوفها اوي يا احلام..صحيح ان دمها ماشي في دمي بس حاسس انه كله راح لقلبي..ولما بسمع اسمها بحس ان قابي هيخرج من مكانه!

احلام ضحكت علي الشِعر اللي بيقوله فـ ضربته بخفة علي دراعه وقالت:ولما انت واقع كده مش يتحترم نفسك ليه..انا عايز اقولك نصيحه..البنت مننا مش بتحب الولد اللي عليه زحمه..يعني حنين لو شافت ان البنات بتتلزق فيك مش هتحبك يعني خف شويه علشان مفيش واحده توقفك  مرة وانت معاها وتخرب عليك ..

حمزه بصلها وقال:هيا فين بقولك..دي مش راضيه تبص في وشي حتي..انتي مش قولتيلي انها مش مرتبطة؟

احلام ضمت حاجبها بتساؤل وقالت بشك :مش راضيه تبصلك؟ ازاي هو انت شوقتها تاني من ورايا ولا ايه؟

حمزه حاول يهرب من قدامها بسرعه ولاكنها مسكته من هدومه وقالت بتهديد:رايـح فين تعالا قولي قابتلها امتي وفين؟

حمزه بلع ريقه وقال بتوتر:اصل انا روحت اشوفها من يومين كده وهيا اول ما شافتني مردتش تبصلي؟

احلام بصتله بصدمه وقالت:متاكد انها شافتك ..شافتك شافتك يا حمزه ولا كنت لابس حاجه مداريه وشك؟

حمزه حرك راسه بالموافقه وقال:كنت لابس النظاره والماسك وانا متاكد اني عيني جت في عينيها بس معملتش اي رد فعل؟

احلام حست انها هيجيلها جالطة فقالت:لابس نظرات وماسك وعاوزها تعرفك..انت ايه يا اخي ارحمني بق هتجلطني؟

حمزه بصلها بدهشه وقال:يعني ايه قصدك انها ما اخدتش بالها مني؟

احلام سابته ومشيت وهوا جري وراها بيعرج وقال:استني انتي قصدك ايه يعني في امل احاول تاني!

احلام بضيق منه:انا وانت اهو لو عبرتك اصلا لا تاني ولا تالت!

حمزه ابتسم علي كلامها وقال باعتراض:لا هتعبرني انا اصلا مترفضش وهوريكي لهفتها عليا قريب اوي؟

احلام رجعت جناحها تاني وهوا خلص لبس بسرعه وراح للجامعه .

_______

وفي شركة ماهر اول ما وصل كان في استقبالة السكريتره واللي قالت:حضرتك تحب تاخد خمس دقايق راحه قبل الاجتماع ولا تحب  نبدأ علي طول؟

ماهر قال  بتساؤل و هوا ماشي والسكرتيره وراه:المجموعة وصلت ولا لسا؟

السكرتيره:وصلوا يا فندم ومستنين حضرتك في غرفة الاجتماعات.

ماهر حرك راسه بالموافقه وقال:طيب انا هبدأ الاجتماع دلوقت بس قبل اي حاجة بلغي كل الشركة ان الشحنة الاخيره لازم تخلص خلال ثلاث ايام ولو محتاجين وقت اضافي يقدروا يبدأو من النهارده..عاوز شغل بجد ومحدش يتدلع علشان لو لقيت حد بيعمل كده فيعتبر نفسه برا شركتي؟

السكرتيره حركت راسها بالإيجاب وهوا كان وصل لغرفه الاجتماعات فأول ما دخل كل اللي موجودين قاموا وقفوا احتراما ليه واول ما ماهر قعد بصلهم وقال:اتفضلوا ارتاحوا..اهلا وسهلا؟

كل اعضاء المجموعه ابتسموا وقالوا:اهلا بيك يا ماهر باشا؟

ماهر بصلهم بجديه وعدل هدومه وقال: في الحقيقة انا طلبت اننا نعمل الاجتماع دا قبل ما نجدد العقد بينا..

فانا عاوز خدمة منكوا هتفيدني جداا وطبعا كلوا هيكون  بحسابه؟

اعضاء المجموعه بصوله بانتباه وهو قال:في واحد منافس ليا حاشر نفسه في كل حاجه عندي في الشركة حتي انتوا عاوز يضمكوا ليه فانا عاوزكوا توافقوا انكم تروحوا لشركته لما يعرض عليكم وطبعا طلبي هوا انكم تعرضوا عليه انه يدفع ليكوا مبلغ مقابل انضمماكوا ليه؟

اعضاء المجموعه بصوا لبعض وبدأوا يتهماسوا مع بعض لحدما اخدوا قرار وبصوا لماهر وقالوا:وبعدما نوافق وناخد الفلوس ايه اللي هيحصل بعد كده؟

ماهر حرك راسه وقال:بعدما تاخدوا فلوس منه وتنضموا ليه فتره انا عندي مشروع ليه هيلهيه عني خالص وبكده اكون ارتاحت منه؟

اعضاء المجموعه حركوا راسهم وقالوا:طيب حضرتك بتقول كله بحسابه تقصد ايه؟

ماهر ابتسم وقال:اقصد اني ليا عندكوا فلوس ٥مليون جنيه كانوا فوق اخر حسبه ليا وطبعا انا اديتلكوا مهله تدفعوا بس انتوا شكلكوا نسيتوا ..بس انا طبعا زي ما بقدر وبدفع اللي ليكوا دا حقي وانا ممكن اتنازل عن الفلوس دي لو عملتوا اللي طلبته منكوا؟

المجموعه حركوا راسهم ليه بالموافقه وهو قال:ها قولتوا  ايه

رد المتحدث باسمهم وقال بموافقه:موافقين يا ماهر باشا ..برغم ان اللي بينا مش بس فلوس ..بس احنا عارفين حضرتك كويس ومقدرين كل اللي عملته علشانا؟

ماهر حرك راسه وهما قالوا:يعني احنا هنجدد العقد ولا هنمضيه مع المنافس دا؟

ماهر: انا عاوز الموضوع  دا يخلص قبل ما نجدد العقد؟

المتحدث:يعني قبل اسبوعين؟

ماهر حرك راسه بالموافقه ..وبعدها هما حركوا راسهم بالموافقه ..

ماهر وقف وعدل هدومه وقال:وبكده يكون انتهي الاجتماع بتاعنا اتفضلوا حضرتكوا ارتاحوا في الريسبشن الخاص بشركتنا تحت؟

حركوا راسهم بابتسامه لانهم بيحبوا استراحه الشركة لان بيكون يفها كل حاجة حلوه فسلموا علي ماهر بسرعه وخرجوا وهوا رجع لمكتبه واول مشافته همس السكرتيره قربت منه وقالت:حضرتك ليه قولت انشر خبر امبارح ان مجموعه الفؤاد هتنهي عقدها بعد اسبوع؟

ماهر اتكلم وهو بيقعد علي المكتب:علشان حاجه عاوزها تتم من غير ما اي جاسوس هنا فيا لشركه يعرفها؟

همس بصتله باستغراب وقالت :وهو في جواسيس هنا في الشركه يا فندم 

ماهر اتكلم وقال بسخريه كبيره :كتير يا همس متعديش..بس انا هقول ايه ولا هعمل ايه ..اهو نحرص وخلاص؟

همس حركت راسها بالموافقه وهيا بتبص لماهر باعجاب واضح علي ملامحها وماهر اول ملاحظ نظراتها ليه قال بتساؤل:خير يا همس في حاجه  تانيه عاوزه تقوليها؟

اتعدلت همس في وقفتها وقالت:لا يا فندم حضرتك تحب تشرب قهوه؟

ماهر حرك راسه بالموافقه وهيا خرجت بسرعه ووقتها تيلفونه رن وكانت حبيبة قلبه اللي بتتصل واول مشاف اسمها علي شاشة التيلفون ابتسم بحب ومسك التيلفون بسرعه ورد عليها وهو بيقوم وبيقرب من ازاي الغرفه وبيتفرج علي السماء.

ماهر قال بحب كبير واضح في صوته:حبيبة قلبي؟

احلام قلبها دق وقالت بخجل: هو انا رنيت في وقت مناسب ولا ايه؟

ماهر بابتسامه:انتي ترني في اي وقت وانا لو مشغول اسيب اللي في ايدي وارد عليكي..هو انا اطول بس اسمع صوتك ؟

احلام ابتسمت بفرحه كبيره لان كلامه ليها كان كبير بالنسبالها فقالت :انت هترجع امتي..انا عايزه اخرج معاك لأول مره ؟

ماهر بإبتسامه:انا فاضي دلوقت اي رئيك اخرجك انا خروجة علي زوقي؟

احلام :اممم طيب موافقه..هتيجي علي امتي؟

ماهر :يادوبك مسافة الطريق …روحي اجهزي بس اهم حاجه خلي لبسك طويل اتفقنا؟

ضحكت احلام وقالت:حاضر متقلقش .

ماهر اطلق صوت بيعبر عن قبلة رقيقه وقال:مش هتاخر عليكي يا روح قلبي يلا مع السلامه؟

احلام قفلت المكالمة وهيا مبتسمه بحب كبير وبعدها جريت بكل فرحة وحماس تلبس هدومها.

________وعند ماهر في الشركه كان اخد مفاتيحه ومحفظته وخرج من مكتبه وكانت همس في اتجاهه ومعاها القهوه فقال بابتسامه لطيفه:خلاص يا همس اشربيها انتي..وألغي اي ميعاد تاني النهارده علشان انا مشغول؟

همس كانت بتبصله وهوا ماشي ومبتسم وقلبها بيدق فحركت راسها وقالت بصوت واضح علشان يسمعه قبل ما يمشي خالص:حاضر يا ماهر بيــهـ❤️

ماهر ركب الاسانسير وهو متحمس لان دي اول خروجة ليه مع احلام وهما بيحبوا بعض بجد وعلي اتفاق ..فاول ما وصل للدور الارضي وماشي كان الجميع بيبصوا عليه لانه دايما علي لسان الجميع بسبب كل حاجه فيه ..شاغل دماغ البنات لانه مثير ووسيم وشاغل دماغ الشباب بسبب رجولته الطاغية وجديته الشديده..

خرج ماهر وركب عربيته بسرعه وشغل اغنيه رومانسه وبعت لاحلام رساله بلغها انه خلاص في الطريق وهيا اول ما استلمت الرساله ابتسمت بحب وبدات تنهي لبسها بسرعه ..

وبعد وقت وصل ماهر للقصر وطلع لجناحه بسرعه ولان الحب بيغير الاشخاص كان ماهر في اليوم دا شخص تاني علي غير المعتاد.. واول ما دخل وشافها بتحط برافانها قرب منها وقبل خدها بحب كبير وقال:القمر دا كله هيكون خارج معايا النهارده..دا انا محظوظ والله؟

احلام بصتله بخجل وقالت:ايوا..بس انت كمان قمرين..انا خايفه لايخدوك مني؟

ماهر وهوا بيقبل ايديها برومانسيه:مين دول..دانا كنت اموت قبل ما اروح معاهم؟

احلام ضمت نفسها لحضنه بسرعه وقالت بقلق:بعد الشر عليك..ربنا يحفظك وتفضل ونيسي طول العمر؟

قبل ماهر اعلي راسها وقال:يارب يا احلام انا وانتي تفضلي جمبي لحدما نعجز مع بعض ونشوف اولادنا واحفادنا حوالينا؟

احلام بابتسامه:ان شاء الله؟

ماهر قال:خلصتي ولا لسه هتعملي حاجه تانيه؟

احلام حركت راسها بالرفض وهوا مسك ايدهيا وقال:خلاص خلينيا نخرج واحنا لسا بالنهار كده ونقضي اليوم كله مع بعض؟

احلام حركت راسها بالموافقه وهو قال:هو حمزه هنا؟ ولا راح للكليه؟

احلام اجابت:لا راح للكليه ربنا معاه؟

ماهر حرك راسه بالموافقه وقال:طيب كويس.

مسك ايديها وخرجوا من القصر واتجهوا لعربيته اللي واقفه قدام الباب وركبها هيا الأول وبعدها ركب جمبها وقال قبل ما يشغل العربيه:تحبي نروح فين الاول؟

احلام غمضت عينيها وقالت بحماس:ناكل في مطعم..وعلي زوقك انت؟

ماهر شاور بايديه الاتنين علي عينيه وقال:بس كده من العين دي قبل العيندي؟

احلام ضحكت وهو شغل العربيه واتحرك في اتجاه بوابه الخروج واحلام قربت من ايديه ومسكتها بحب وفضلت تبص لملامحه بتوهان وبتقول لنفسها.

(مغلطش ابدا اني ضيعت سنين من عمري وانا دايبه في حُبك،كنت طول عمرك مميز ومن وانت طفل فكان من المتوقع انك تكون مميز لما تكبر كمان)

لاحظ ماهر نظراتها ليه فابتسم وقال:اي رئيك في دقني..

احلام بصتله بصدمه وهو ضحك وغمزات خده بانت فهيا لما شافتهم ابتسمت وقالت:انت حلو كده لمين.

ماهر خجل من كلامها فقال بمشاكسه:لحبيبتي؟

وشها احمر جدا من كلامه وهو ابتسم وبعد وقف مش كبير قال:اي رئيك نطلع المطعم دا؟

شاور ماهر علي مطعم اسمه كان بالانجليزي وكان واضح علييه انه غالي فحركت راسها بالموافقه لان دي او لمره ليها هتدخل مطعم غالي..

فوقف ماهر قدام باب المطعم ونزل وراح فتحلها الباب ومسك ايديها لحدما هيا نزلت واول ما قرب منهم الشاب اللي في الاستقبال اخد من ماهر المفتاح علشان يركن عربيته وماهر مسك ايد احلام وطلعوا الاتين للمطعم وأول ما دخلوا..

كان في استقبالهم بنت وولد لابسين يونيفورم شيك جدا واول ما شافتهم احلام انبهرت لانها مشافتش شياكه زي دي قبل كده؟

الشاب قال باحترام وهو بيوجه كلامه لماهر:اهلا وسهلا يا ماهر باشا حضرتك نورت المكان؟

ماهر ابتسم وحرك راسه وقال:عاوز طرابيزه هاديه تكون بعيد عن الناس.

الشاب ابتسم وحرك راسه بالموافقه :تحت امرك يا فندم اتفضلوا معايا:

الشاب قال كلامو ومشي واحلام وماهر اتحركوا وراه لحدما وصلوا عند طاوله من الواضح انها مميزه والشاب قال بابتسامه :اتفضلوا حضراتكوا اي رأيكوا في المكان دا؟

ماهر بابتسامه:تمام مناسب شكرا ليك؟الشاب ابتسم وماهر قرب من الكرسي وشده لورا واحلام قعدت عليه وبعدها قعد والشاب ساعده يعدله الكرسي وبعدما خلص بصلهم الشاب بإحترام كبير وقال:حضرتك دا منيوا المشروبات ودا منيوا الاكل اتفضل يا فندم وانا تحت أمر حضرتك؟

ماهر بصله وشكره والشاب مشي وماهر بص لاحلام وقال بتساؤل:اي رائيك في المكان عجبك؟

احلام ابتسمت وقالت باعجاب:تحفه..حلو جدا ،بس انت شكلك زبون هنا يعني كله عارفك؟

ضحك ماهر علي كلامها وحرك راسه وقال برفض:لا بالعكس انا اول مره اجي هنا؟

احلام بصدمه:ازاي دا كلو عارفك هنا؟

ماهر رفع حاجبه علشان هيا تفهم قصده ولاكنها ضمت حاجبها وقالت:ايه سكت ليه؟

ماهر لمس خدها بمداعبه وقال:مش بفخم في نفسي بس لو تلاحظي ان جوزك معروف يعني وكده فـ طبيعي انهم يكونوا عارفيني؟

احلام غمضت عينيها علشان حست باحساس  حلو وهو لامس خدها فحركت راسها بالموافقه وبصت للمنيوا وهوا قال:اي رئيك  تيجي جمبي هنا بدل ما احنا قاعدين منفصلين قدام بعض كده؟

احلام بصت حواليها وقالت باعتراض:لا علشان الشكل العام يعني وكده؟

ماهر قام وشد الكرسي جمبها وقال:مش مهم الشكل العام اهم حاجه اننا نكون مبسوطين؟

احلام ابتسمت وحركت راسها بموافقه علي كلامه وهوا ضمها لصدره وبداوا يختاروا مع بعض الاكل اللي هيطلبوه وبدات احلام تختار معاه وقلبها بيدق جامد لان البنات اللي في المكان كانوا باصين عليها فخجلت جدا وقررت تبعد عنه  ولاكن ماهر رفض انها تبعد عنه لحدما يوصل الاكل ..

وبالفعل بعدما طلبوا الاكل ووصل ماهر بعد عنها علشان تعرف تاكل وبدأوا ياكلوا مع بعض بكل حب .

__________وفي شقة والدة أحلام؟

 كانت قاعده وبتبص لجوزها اللي قاعد ياكل بضيق وقالت:بنتي فين يا يوسف..مريم راحت فين؟

يوسف بصلها وقال بضيق من سؤالها المتكرر ليه :معرفش انتي بتسأليني ليه لما انتي مش عارفه تربيها؟

والدة احلام بضيق:اسبوعين وانت بتقول نفس الكلام..،انا مش مطمنة حاسه ان حصل حاجه من بعدما نمت يومها..هو انا حصلي ايه منا كنت كويسه؟

اتوتر يوسف وبصلها بعين واحده وقال:انزلي دوري عليها مادام قلقانه عليها اوي  كده..وبعدين هيا دي يتخاف عليها دي يتخاف منها؟

والدة احلام  قالت باعتراض علي كلامه القاسي:وميتخافش عليها ليه بق مش بني ادمه دي زي وزي الناس ولا انت حاسب نفسك بني  ادم والباقي حيوانات؟

يوسف زفر بضيق في وشها وقال:يووه بق متصدعنيش بق..هو انا اللي زعقتلها وعايرتها قدام جوز امها ولا انتي؟

والدة احلام بصتله وقالت بشهقه :قصدك انها مشيت علشانكمده؟

يوسف بانكار:الله اعلم؟انتي ادري ببنتك؟

والدة احلام بجنون:اه لو اعرف ايه اللي حصل بس..مش فاكرة يا ربي اي حاجه؟

يوسف بلع ريقه وهوا بيفتكر من اسبوعين لما صحي بعدما كان اغمي عليه وشاف الرساله اللي مريم سابتها ولما لقاها كاتبه لوالدتها فيها كل حاجه حصلت منه حرق الورقه  بسرعه وبدا يروق الاوضه بتاع مريم بسرعه ولما اتاكد ان كل حاجه مظبوطته دخل لمراته وقرب منها ونام  جمبها وبعدما صحوا تاني يوم وشافت ان بنتها مشيت كانت هتتجنن لانها متعرفش حصل ايه من بعد ما شربت العصير بس يوسف شرحلها ان ليلتهم كانت حلوه وانها نامت علي طول وعرفها انه ميعرفش حاجه  عن مريم وانه اتفاجئ انها مشيت زيه زيها.. 

والدة احلام صدقت كلامه بس بعد يومين من اختفاء مريم بدأت تشك من تصرفات يوسف لانه يعرف حاجه عن بنتها هيا مش عارفاها  لان كل ما تذكر اسمها  قدامه عيونه بتلمع وكأن حصل حاجه بينهم..

يوسف بصلها وقال:انا نازل ادورلك عليها علشان تبطلي ندب بق..بس خدي بالك كله  هيبق بحسابه،لفي دا مش ببلاش؟

بصتله مراته بقلة صبر وهوا خرج بسرعه من الشقه واتجه لقهوه بعيده عن الحي اللي قاعدين فيه وبدا يشرب هناك شيشه ومتجاهل كل الكلام اللي قاله من دقايق.. 

_______

وأما عن مريم فكانت قاعده في فندق مشبوه ولاكن هيا مكانتش تعرف ..وبعدما قضت فيه اسبوعين كاملين فجأة هجم البوليس علي المكان ولحسن حظها انها كانت برا الفندق ولما رجعت عرفت ان بوليس الاداب كان موجود واخد كل الناس اللي كانت في الفندق وشمعوا المكان..مريم اتصدمت لان كل فلوسها وهدومها في الغرفه اللي حجزاها ..فمكنتش عارفه تتصرف ازاي لانها خايفه لو راحت القسم فجاة يظهرلها ادهم الظابط اللي بيدور عليها من ٩سنين ..فقررت تمشي وتشوف اي حل بدل وقفتها قدام الفندق علشان محدش ياخد باله منها وياخدها هيا كمان للقسم وهيا مش ناقصة..

فقررت مريم تاخد جوله في المنطقة وبعد وقت كبير من اللف  وصلت لحي مهجور بالغلط وتاهت فيه .

_________

وعند ماهر واحلام كانوا خلصوا اكل في المطعم وقرروا يروحوا المول مع بعض ويشتروا حجات جديده ،ولان ماهر مشهور اول ما وصلوا المول كانت ناس كتير اوي بترحب بيه واحلام كانت بتبصله وبتبتسم لان كل اللي سلموا عليه لحدما دلوقت رجاله وشباب بس اول ما لقت مجموعة من البنات بتقرب منه عيونها احمرت وهوا لما لاحظ كده تجاهل البنات بسرعه ومسك ايديها ودخلوا لمحل شنط حريمي؟

اول ما البنات اللي في المحل شافوهم عيونهم لمعت لانهم بيسمعوا عن ماهر وعارفين انه راجل اعمال مشهور وكمان اغني رجال الاعمال في الوطن العربي كله ومشهور كمان برا مصر؟

احلام بصت للشنط وهيا بتشوف ايه اللي مناسب ليها وماخدتش بالها من العيون اللي متابعه جوزها وهتاكله..

ماهر بصلها وقال:اي رئيك حاجباكي حاجه؟

احلام بصتله وهيا بتحرك راسها بالرفض وهوا بص لبنت من البنتين دول وقال:شنط ديور اللي نزلت الجديده فين؟

البنت :متأسفين لانها خلصت يا فندم؟

ماهر حرك راسه وبص لاحلام واللي كانت مستغربه انه يعرف اسماء الماركات العالميه ..بس لما انتبهت ان عارف عادي حركت راسها بالموافقه هيا كمان  وخرجوا الاتنين من المكان ودخلوا محل تاني وكان اللي فيه شباب واول ما شافوا احلام بصولها وابتسموا وماهر وقتها غار عليها وبصلهم وقال:الجديد بتاع شانيل موجود عندكوا؟

الشباب حركوا راسهم بالرفض ووقتها كانت في جزمة عاجبه احلام جدا فقربت تشوفها ولاكن ماهر وقفها وقال:في حاجات احلي من دي .. 

احلام بصتله باستغراب وهوا لما لقي واحد من الشباب دي جايب الجزمه ليها وبيقول:هتكون عليكي تحفه يا فندم؟

ماهر بصله وقال:لا شكرا مش محتاجينها..بعد اذنكوا؟

مسك ماهر ايد احلام وخرجوا من المكان وهيا بصتله وقالت:في ايه يا ماهر الجزمة كانت حلوه؟

ماهر قال وهو بيحاول يتحكم غيرته عليها:مش عجباني ،،تعالي بس معايا وانا عارف محلات حلوه فيها حجات هتعجبك اكتر!

ابتسمت احلام علي شكله وحركت راسها ومشيوا الاتنين لحدما وصلوا لمحل فيه ملابس من ماركة غاليه..

كانت اللي موجوده في المحل بنت محجبه واول مشافتهم رحبت بيهم باحترام وماهر بصلها والبنت بصتله بنظرات عاديه ولما احلام شافتها ارتاحتلها فبدأت احلام وماهر يختاروا هدوم لاحلام وكانت الهدوم كلها حلوه وبدات احلام تختار بحماس لان الهدوم عاجباها فبصتبه وقالت:اي رئيك في دول؟

ماهر بإبتسامه:حلوين ؟

احلا بتساؤل:هما ايه دول؟

ماهر بتوهان:عيونك ،حلوين اوي؟

احلام ضحكت علي كلامه وخجلت اكتر لما قرب منها وقال:اي رئيك تختاريلي حاجه علي زوقك؟

احلام حركت راسها بالموافقه وقربت تختاره هدوم وهو كان واقف واحلام بترفع الهدوم وتقيسيها عليه بعيونها وهو واقف بعيد عنها ،وهو كان بيبصلها ومبتسم لحدما احلام خلصت البرفات اللي بتعملها عليه من بعيد فقربت منه وقالت:دا ودا ودا هيبقوا تحفه عليك؟

ماهر اخد الهدوم من ايديها وقال:اي رئيك ادخل أقيسهم وتشوفيهم عليا ..

احلام حركت راسها بموافقه وقالت:والله فكره ماشي روح؟

ماهر ضحك و اتجه لقسم البروفات ودخل لغرفه وهيا قربت من البنت وقالت:انا هاخد دول ..

البنت ابتسمت وبصت علي احلام اللي مركزه مع البروفه وقالت بتساؤل: هو حضراتكوا اخوات..

احلام  بصتلها وضمت عيونها باستغراب وحركت راسها بالرفض والبنت قالت:انا اسفه بس اصل فيكوا شبه كبير من بعض..

احلام حركت راسها بتفهم وابتسمتلها وقالت:لا احنا متجوزين!

البنت ابتسمت وقالت:ما شاء الله ربنا يخليكوا لبعض؟

احلام: اللهم امين،شكرا لزوقك!

ماهر كان خلص لبس اول طقم وخرج واول ما احلام شافته تاهت في جماله ووقتها البنت قالت باعجاب شديد:جميل اوي الطفم  دا يا فندم..حضرتك طالع فيه شبه الممثلين الاتراك؟

احلام كانت سرحانه في جمال ماهر ولاكن لما انتبهت لمغازلة البنت ليه ضمت حاجبها برفض وقالت بضيق:لا وحشين شوف حاجه تانيه؟

ماهر بصلها واستغرب لانها هيا اللي اختارتهم وكانت واثقه انهم هيكونوا حلوين عليه..فلما لقاها مُصره انه يغيره دخل يبدل هدومه ولبس الطقم التاني 

وبعدما خرج البنت سقفت وهيا بتغازله تاني:بجد واو ..يجنن يا فندم!

ماهر ابتسم بهدوء وبص لاحلام لقاها ضامه حاجبها بضيق فـ منغير ما يقول حاجه دخل يغير هدومه ولبس اخر طقم وخرج وكان شكله وقتها هادي وكلاسيكي واول ماشفته البنت سكتت بسبب جماله ووقتها احلام  لما لاقتها سكتت ومغازلتوش حركت  رأسها باعجاب وقالت:هو دا؟

البنت كانت هتغازله بعدما انتبهت لنفسها ولاكن احلام قاطعتها وقالت :شوفيلنا  الحساب لو سمحتي..

البنت حركت راسها بالموافقه وماهر دخل يغير هدومهه ولما خرج تاني لقي البنت خلصت الحساب وقتها طلع الفيزا من محفظته ودفع الحساب وشال كل الشنط وادالها الطقم اللي عجب احلام تحطه في شنطه وبعدما خلصت البنت اخد منها اخر شنطته وبص لاحلام اللي كانت بصاله بجديه وخرجوا واول ما خرجوا من المول قالت بضيق:حلوة الابتسامة بتاعتك دي ..متبتسمهاش تاني بق؟

ماهر باستغراب:ابتسامه ايه؟

احلام ركبت العربيه وهو بصلها بدهشه وحط كل الشنط في العربيه بسرعه وقرب منها وقال:ابتسامه ايه يا احلام!

احلام رفعت حاجبها ولفت وشها وقالت:معرفش..انت ادري بابتساماتك؟

ضحك ماهر وقال بعد ما فهم انها غيرانه:انا ابتسمت لمين بس..دي مجامله؟

احلام بصتله بغيظ لانه بيضحك ودا عصبها  اكتر فحطت ايديها الاتين علي وشه وقالت:متضحكش ومتبتسمش..اسكت خالص؟

ماهر مقدرش يقاوم ضحكه وهيا من جماله مقدرتش تعاقبه اكتر من كده وتاهت في جماله فاستغل سرحانها وقبلها بسرعه ولما لقاها اتفجأت اتحرك بالعربيه وسابها قاعده مكسوفه؟

___________

وبعدما حمزه خرج من الجامعه بعدما عرف ميعاد امتحاناته ركب عربيته وكان وقتها معاه سواق علشان مش هيقدر يسوق ..فقال وهو بيفتكر حنين:وديني المنطقة اللي روحناها من يومين فاكرها؟

السواق حرك راسه بالموافقه:طبعا يا فندم حاضر!

حمزه سند بضهرة علي الكرسي براحه ووقتها السواق اتحرك بالعربيه في اتجاه منطقة حنين؟

حنين وقتها كانت خرجت من مدرستها وروحت مع اصحابها وقبل ما ترجع بيتها افتكرت ان مامتها كانت طلبت منها تشتري من محل بيبيع لحوم ..لحمة تطبخالهم واول ما حنين  وصلت هناك لقت جنه وزمايلها هناك واول ما شاوفوها بصولها من فوق لتحت بسخريه .. ولاكن حنين تجاهلتهم وقربت تشتري اللحمه ووقتها جنه قالت قال بسخريه علشان تضايقها:يا تري بق هتجيبيها شحاته ولا هتدفعي حقها؟

حنين مردتش عليها واشترت اللحمه وخرجت وجنه اتضايقت منها وخرجت وراها وقالت:انا مش بكلمك يا شحاته انتي..ازاي تسيبني وتمشي كده؟

حنين ضغطت علي اعصابها ولاكن لما جنه غلطت في والدتها حنين قربت منها وقالت بضيق:اسمعي انا سكتلك كتير بس انا بحظرك دي اخر مره لو تخطيتي حدودك تاني هزعلك؟

جنه رفعت حاجبها وضحت وبصت لاصحابها بضحكه وقالت:شايفين مين اللي بتتكلم..

حنين بصتلهم بكره كبير وجت علشان تمشي ولاكن جنة شدتها من طرحتها بغضب وقالت:مش قولتلك لما اكلمك تقفي؟

حنين مسكت ايديها وقالت  بغضب:وانا حظرتك لو تخطيتي حدودك معايا هزعلك؟

اول ما حنين قالت كلامها جت علشان تضربها  ولاكن اصحاب جنه وقفولها وزقوها بعيد عنها وجنة بصتلها وقالت بغيظ:مش عارفه بيحبك علي ايه دا انتي مجرد شحاته قذره؟

حين بسخريه عليها:ولما  انتي شايفه نفسك غنيه ونظيفه مختاركيش بدالي ليه؟

كلام حنين فكر جنة برد سليم عليها فخلاها تغضب اكتر وتقرب منها وتقول:عاجبه بق الشحاته الحراميه معندوش زوق..الحيوان؟

حنينه زقتها بغضب وجنة رفعت ايديها تدربها بس فجأة لق اللي بيمنعها..رفعت جنة تشوفه لقته سليم واللي باصص عليها بغضب و بيقول:انا حظرتك تبعدي عنها قبل كده بس انتي مش بتحرمي!

جنة بغيرة وغضب:انت ايه مش شايف اني احسن منها!

سليم حرك راسه بالرفض وقال:لا هيا احلي واجمل وانظف منك؟

حنين بصتله بصدمة وهوا قرب منها وقال:انتي كويسه!

في اللحظة اللي سليم حط ايديه ولمس دراع حنين كان وصل حمزه بعربيته ولما شافهم نار الغيرة حرقت قلبه وكان هينزل يكسر دماغ سليم ولاكن هدأ  لما لقاها بتنزل ايدين الشاب  وبتضرب سليم بالقلم وبتصرخ فيهم  كلهم وبتقول:لو حد فيكوا قرب ااني مني مش هيكفيني فيكوا اني هشتكي للمدير ولو تطاولتوا هرفع عليكوا محضر عدم تعرض ؟

حمزه بصلها وابتسم لانها بنت محترمه فعلا فقرر يمشي وراها لما لقاها مشيت ولما اتاكد ان زمايلها مش شايفنهم وقف العربيه قبلهابشويه ونزل وهو بيقول وهو مبتسم:انسه حنين..ممكن نتكلم ؟

حنين بصتله بضيق ولاكن لما دققت في ملامحه عرفته فبصتله بدهشه وقالت:استااذ حمزه؟

حمزه حس ان قلبه هيطلع من مكانه بسبب الفرحه فبصلها وقال:ايوا انا استااذ حمزه..طالعه من بوقك زي العسل؟

حنين قلبها دق لما شافته تاني فلما لقته بيقرب منها وهو بيعرج قالت بتوتر:حضرتك بتعمل ايه هنا؟

حمزه بفرحه:جاي اشوفك!

حنين بتساؤل :ليه هو حصل حاجه مني؟

حمزه برفض:لا بس انا كان لازم اجي اشكرك بنفسي علي.. علي الدم اللي اتبرعتيلي بيه وانقذتي بيه حياتي؟

حنين اتوترت وقالت وهيا بتبص حواليها:الحمد لله انك بخير..بس انا اسفه لازم ارجع بيتنا لان ماما مستنياني؟

حمزه قال بتساؤل لماذكرت مامتها:ايوا صح هيا والدتك عامله ايه..انا اسف علشان مقدرتش ازورها!

ابتسمت حنين علي كلامه وقالت:هيا بخير الحمدلله بس انت برضوا كنت معذور؟

حمزه لما شاف ابتسامتها داب فيها وقال:ممكن اجي اطمن عليها بنفسي ولا مش هينفع؟

حنين اتوترت وكانت هترد عليه ولاكن لقت اللي واقفين وراها وبيقولوا بصوت واضح مليان سخريه :شايفين المحترمه بتعمل ايه هنا لأ واتحمقت اوي لما سليم لمس ايديها؟

لفت حنين بسرعه تشوف مين ولما لقت جنة واصحابها بصتلهم بتوتر وغضب كبير واول ما لفت تبص لحمزه لاقته باصص لجنه بغيظ لان نظراتها لحنين مش كويسه؟

فقربت منه علشان تطلب منه يمشي ولاكنه كان قرب من جنة وقال:انتي مين يا شبر ونص انتي وازاي تكلمي حنين كدا؟

جنة بصتله ولاقت انه مش باينله ملامح فقالت بسخريه:وانت مين انت كمان..واقع في حبها زي سليم!

حمزه غار جدا لما عرف ان في شخص غيره بيحب حنين فحرك راسه وقال:ايوا بحبها انتي مالك  انتي وحاشرة نفسك في حياتها ليه..ولا انتي بق شكلك فاضيه ومش لاقيه حد يعبرك؟

حنين بصتله بصدمه لانه رد علي جنه وكسفها ولماا اصحابها ضحكوا علي كلامه جنة صرخت فيهم بغضب وبعدها بصت لحنين بضيق وقالت وهيا ماشيه من جميها:شحاته!

قالت كلامه ومشيت وسابتهم ووقتها حنين اتوترت لما جنة قالت كده قدام حمزه بس اللي حنين متعرفوش ان حمزه اتوعد لجنة بالعقاب لانه سمع كلمتها ووصفها ليها واول ما بص في عينها قال:انتي بخير؟

حنين قلبها فضل يدق بقوه لانه اعترف انه بيحبها  فحركت راسها ليه بالموافقه وهو قال:طيب انا ممكن اصولك للبيت؟

حنين بخجل:مش عايزه اتعبك معايا؟

حمزه برفض:لا ولا تعب ولا حاجة؟

اصحاب جنة جريوا وراها وجنة صرخت في وشهم بانها مش عايزه تشوفهم تاني ووقتها بصت لحنين وحمزه من بعيد بغل ودخلت لبيتها وحمزه كان اقنع حنين بانه هيوصلها فعلا..ومشيوا الاتنين مع بعض

______

وفي حي مهجور كانت موجودة مريم اخت احلام وهيا بتحاول تخرج من المكان لان الليل قرب يهجم فقربت من شارع طويل ومشيت فيه واول ما وصلت لاخره شافت نور فحست انها اخيرا لقت مخرج ولاكنها لما وصلت لقت انها كانت عربية وواقفين عليها شباب وماسكين بنت مغمي عليها ومتهجمين عليها وبيغت/صبوها بكل قسوة ؟

يتبع بقلمي شيماء صبحي

في حي مهجور كانت موجودة مريم اخت احلام وهيا بتحاول تخرج من المكان لان الليل قرب يهجم فقربت من شارع طويل ومشيت فيه واول ما وصلت لاخره شافت نور فحست انها اخيرا لقت مخرج ولاكنها لما وصلت لقت انها كانت عربية وواقفين عليها شباب وماسكين بنت مغمي عليها ومتهجمين عليها وبيغت/صبوها بكل قسوة ؟

مريم شهقت اول مشافت المنظر واول ما انتبهوا ليها الشباب قررت مريم الهروب بسرعه من قدامهم وبالفعل جريت مريم  بكل قوة عندها والشباب اول ما اخدوا بالهم منها قرر اتنين منهم يجروا وراها وبدأت المطاردة بينهم وبين مريم؟

كانت مريم بتجري بكل قوتها وكانت بتدور بعيونها علي مكان تستخبي فيه بسرعه وتتحامي منهم وفي اللحظة اللي بتجري فيها مريم والخوف مسيطر عليها..، بدأ شريط ذكرياتها يتفتح قدام عينيها وكأن دي لحظاتها الأخيرة!

بدأت ذكريات مريم مع أحلام ووالدها ووالدتها وكل حاجه كانت شيفاها وسماعها قدامها..صوتها وكل كلامها وهيا بتعيط وبتقول لوالدتها انها غلطت مع واحد واكتشفت انه ظابط.. ولما عرف انها حامل منه رفضها وطلب منها تنزل البيبي وتبعد عنه ولاكن مريم رفضت وطلبت منه يتجوزها بس هو رفض ..فقررت مريم تستغل حملها في انها تنتقم منه وتفضحه علشان يترفد من شغله وبالفعل مريم رفعت عليه قضية اعتدا/ء جن/س/ي واغتصا/ب وبعدما اتاكدوا من صحة كلامها تم بالفعل رفد القائد ادهم ابن اللوا شفيق المغربي من الداخليه ..وبعدما ادهم  عرف اللي هيا عملته قرر يعاقبها  بقسوة وكان وقتها قالب عليها الدنيا.. ووقتها قررت مريمان  كل هدفها هوا انقاذ نفسها وكل اللي مريم كانت عارفاه ان ادهم بيدور عليها ..فقررت هيا والدتها يهربوا مع بعض بسبب المشاكل اللي هما كانوا فيها وبالفعل هربوا وبعدوا عن احلام ووالدها٨ سنين؟

الشباب كانوا بيجروا وراها بكل قوتهم وهيا قربت تستسلم بسبب انها جريت كتير ومش قادره خلاص وبتاخد انفاسها بسعويه..

ولحسن حظها لتاني مرة في نفس اليوم سمعت مريم أصوات جايه من بعيد عنهم بمسافه فصرخت بصوت عالي:إلحقووووني؟

الشباب قرروا يزودوا سرعتهم ويمسكوها بسرعة قبل ما تفضحهم وبالفعل كانوا قدروا يمسكوا مريم وكانوا الثلاثه بينهجوا ومش قادرين يتنفسوا؟

اول ما مسكوها بصولها وقالوا:انتي مين وكنتي بتعملي ايه هنا وشوفتي ايه؟

مريم بصتلهم بقرف وقالت:شوفت قذارتكم دا انا هوديكوا في داهيه؟

واحد من الشباب بص علي جس/مها بتلذذ وقال:دي هتظبط لينا الليلة خلينا ناخدها لبقيت الرجاله ونكمل السهرة..؟

مريم بصتلهم بغضب وقالت بصوت عالي:ابعد ايدك منك ليه ولو لمستني تاني هقطعهالك..وكملت بتهديد:انت فاهم ؟

الشباب بصوا لبعض بسخريه وواحد قرب من وشها لمسها وهيا عضته من ايديه فـ إتألم الشاب وصفعها بقوة علي وجهها؟

مريم صرخت بصوت عالي قبل ما يتهجم عليها تاني :الحقوون…

الشاب التاني كتم فمها بسرعه ولاكن مقدرش يعمل أكتر من كدة بسبب الهجوم اللي حصل عليهم من قبل مجموعة من رجالة الشرطة؟

مريم بصتلهم وقالت بعياط:الحقوني..دول كانوا بيغت/صبوا بنت في الشارع اللي هناك..كانت مغمي عليها وانا لما شوفتهم كانوا عاوزين يعملوا فيا زيها؟

(كانت مريم بتقول كلامها ببكاء لانها برغم اللي عملته طول حياتها الا انها بتكرة الاعتدا/ء الجن/سي ومش بتوافق ان حد يستغل جسم حد بدون ارادته)

في وسط بكاءها الشديد قرب منها وهوا بيبصلها وهو مصدوم وبيقول:هو دا بق المكان اللي انتي ساكنه فيه؟

استغربت مريم الصوت لانها تعرفه..فرفعت عينها تشوفه ولاقت انه نفس الظابط اللي انقذها من إسبوعين..

عيونها لمعت لانه أصبح منقذها لتاني مره فقربت مريم منه بسرعه ومسكت في هدومة بلهفه وقالت: حضرت الظابط إلحق البنت الثانيه هيموتوها؟

حرك راسه وهو بيشاور لرجالته يقبضوا علي الشباب دي والباقي يبحث عن البنت اللي مريم بتتكلم عنها؟

وبعدما كل فريقه منهم اللي اتجه للبوكس ومنهم اللي راح يدور علي البنت وباقي الشباب ..فضلت مريم واقفه مع الظابط وهيا ماسكة في هدومه ومش راضيه تسيبه؟

بصلها بابتسامه وقال:انا مش ههرب متخافيش انا واقف معاكي؟

انتبهت مريم بسرعه لكلامه وبعدت عنه بخجل وقالت:انا كنت تايهه هنا ومش عارفه اخرج وفجأة لقيتهم و.

قاطع كلامها بجديه وقال:انتي ساكنه فين..بعدما سيبتي والدتك يعني بقيتي عايشة مع مين؟

مريم بصتله وقالت بخجل لأول مره:في فندق وطلع مشبوه وانا مكنتش اعرف..والنهارده وانا بره الفندق الحكومه اخدت كل الناس اللي فيه وشمعوا المكان..وانا فلوسي وحاجتي كلها هناك..فانا بالغلط وانا بلف علشان   اشوف حل جيت هنا..بس انت انقذتني تاني..شكرا ليك يا حضرت الظابط؟

كان باصص في عيونها بإعجاب كبير ومستغرب كمية الصدف اللي بتجمعهم مع بعض فقال بتساؤل:اسم الفندق دا ايه؟

مريم قالتله اسم الفندق وهو بصلها بدهشه كبيرة لانه هوا قائد الفريق اللي شمع الفندق دا النهارده وكان جاي هنا علشان وصلهم بلاغ ان بيطلع اصوات من هنا كل يوم وكأن حد بيستغيث.. 

فبصلها وقال:انا هساعدك تلاقي حاجتك بس انتي توعديني تاخدي بالك من نفسك المره الجايه علشان انا مش واثق اني هكون موجود وانقذك كده علي طول؟

خجلت مريم من كلامه وقالت بجديه:انا  بعرف احمي نفسي كويس بس مش عارفه مالي اليومين دول..شكلي مرهقه؟

ابتسم علي كلامها ولما لاقاها بترتعش وهيا بتتكلم بسبب البرد خلع الجاكت بتاعه وقربه عليها وقال:البسي دا وتعالي معايا علشان اوصلك لمكان أمن؟

حركت مريم راسها ومشيت وراه بسرعه واول ما وصل قدام عربيته طلع تيلفونه اللاسيلكي واتواصل مع فريقه علشان يعرف أخر الأخبار فقال بتساؤل:اي يا رجاله عملتوا ايه؟

رد واحد:خلاص لقينا البنت اللي مغمي والشباب وجايين لحضرتك يا فندم؟

رد عليهم:طيب هاتوهم علي القسم والبنت حولوها للمستشفي بسرعه  وانا هاخد البنت اللي انقذناها هنا واوصلها لبيتها ..لانها ملهاش ذنب ناخدها للقسم ونعرضها لمشاكل ؟

وافقوا رجالتوا علي كلامه وهو قفل معاهم وبص لمريم اللي بتبص حواليها وسرحانه وقال:خلينا نمشي احنا علشان وجودك هنا مالوش لازمه خصوصا ان رجالتي زمانهم  جايين وممكن تخافي لو شوفتي الشباب دي تاني ؟

مريم حركت راسها وقالت بتساؤل وهيا بتبص حواليها:وبقيت الفريق بتاعك..هتسيبهم لوحدهم هنا؟

ضحك وقال برفض:لا متقلقيش هما هيعروفوا يروحوا القسم لوحدهم وانا هوصلك متخافيش؟

حركت راسها وهو شغل عربيته واتحرك بيها وفي طريقهم  كانوا واقفين في الاشاره وكانت عربية احلام وماهر واقفة جمبهم واول ما ماهر شاف مريم اخت احلام  في العربيه اللي جمبهم بصلها باستغراب وهيا لما شافته اتوترت ولفت وشها بسرعه ولاحظ الظابط اللي جمبها توترها فبص لمكان ما بتبص ولقاها بتبص علي شاب .. بس بسبب انه لف وشه مقدرش يعرف هو مين؟

قال بتساؤل وهو بيبصلها : هو انتي تعرفيه؟

مريم بصتله وقالت بتساؤل:هو مين دا؟

الظابط وهو بيبص علي عربية ماهر:اللي قاعد في العربيه هناك؟

مريم  اتوترت وهيا بتبص علي ماهر فحركت راسها بالايجاب وقالت:ايوا  دا جوز اختي؟

اتكلم بدهشه:طيب ولما انتي ليكي اخت ومروحتش عندها ليه بعد اللي حصلك من جوز والدتك..

سرحت مريم في كلامه وافتكرت كل اللي حصل منها  هيا ووالدتها والكلام اللي قالته لاختها وجرحتها بيه فحركت راسها بالرفض وقالت:مش عاوزه اخرب عليها!

في الوقت اللي قالت فيه كده ولفت وشها لقت احلام اختها واقفه قدامها وباصه عليها من برا وبتخبط علي ازاز العربيه وعيونها فيها دموع؟

اول ما مريم شافتها بان علي ملامحها الانزعاج الشديد ففتحت الباب بسرعه ونزلت واول ما احلام شافتها قالت:انتي بتعملي ايه مع الشاب دا وفين ماما؟

مريم بضيق منها:بتسألي ليه مش أنتي طردتينا من بيتك!

احلام ضغطت علي اعصابها وقالت:ردي علي سؤالي وبلاش الغرور اللي انتي فيه دا ؟بتعملي ايه هنا وفين مامتك!

الاشاره قلبت للون الاخضر ووقتها بدات العربيات تزمرلهم علشان يتحركوا فشاورت احلام للشاب اللي معاها وقالت:دي بنت محترمة واي حاجه بتفكر فيها انا بحظرك تعملها انت فاهم؟

الظابط بص لاحلام واستغربها وبص لمريم اللي ركبت جمبه تاني وهيا متجاهله كلام اختها فقفلت الباب وهيا متعصبه وبتقول:خلينا نمشي؟

حرك راسه بالموافقه واتحرك وهو مش فاهم حاجه!!!!

وعند احلام اول ما ركبت العربيه ماهر كان باصصلها ومستغرب هيا ليه عملت كده؟

فقال بتساؤل:حصل ايه ؟

احلام بانزعاج:مش هتبطل غرور..فاكره اني هموت اوي عليها وانا اصلا بكرهها ومش  طيقاها؟

طبعا كل اللي قالته احلام كان كدب لانها كانت بتتكلم وهيا بتبص لاختها بلهفه لانها مهما كانت اختها بس هيا كل ما بتقرب بيبعدوها رغم انهم اللي غلطانين في حقها !

مريم بصت لعربيتهم قبل ماالعربية اللي راكبه فيها تتحرك بضيق..فبصلها ماهر بانزعاج وبص لمراته وقال:اهدي يا احلام وخلينا نكنل كلامنا في البيت '

حركت احلام راسها بالموافقه وماهر اتحرك بالعربيه وكانوا في طريقهم للقصر؟

________

في البار اللي هيتم فيه المقابلة بين ممدوح وناني هانم والدة ياسر؟

دخل ممدوح ووراه منعم واللي ماسك الجاكت اللي كان لابسه ممدوح وبيقول:ديحة باشا سامي اللي هتلعب معاه قاعد هناك؟

رفع منعم ايديه وهو بيشاور علي راجل كبير قاعد علي طربيزه وبيبص عليهم ؟

حرك ممدوح راسه بالموافقه وقرب من طرابيزه سامي ووراه منعم اللي اول ما وصلوا وقف وراه كحراسه ليه؟

سامي بصلهم وقالت:اهلا وسهلا حضرتك ديحة باشا؟ 

ممدوح حرك راسه وقال:ايوا وانت بق سامي!

سامي ابتسم وحرك راسه وقال:هنلعب علي كام النهارده؟

منعم بص لسامي وقال:مش علي حاجه انت ناسي الاتفاق اللي بينك وبين ماهر باشا !

سامي حرك راسه وهو بيقول:لا منستش بس بتأكد انكوا الحقيقيين اللي هلعب معاهم!مش مزيفين؟

حرك ممدوح ومنعم راسهم وفي الوقت دا وصلت ناني واصحابها للمكان وقعدوا علي الطاوله.. 

اول مشافها ممدوح حس باحساس غريب وقال بهمس/الست دي بتغريني لما بشوفها يا منعم..شايف لابسه ايه!

منعم بص عليها ولقاها لابسه فستان قصير مبين تفاصيل رجليها كلها فحرك راسه وقال:لا حاول تتماسك يا ديحة باشا ومتفضحناش..اهدي كده خالص!

حرك ممدوح راسه وهو بيبعد عينيه عنها وبيبص لسامي واللي بدأ يجهز اللعبه؟

كانت ناني بدات لعب مع اصحابها وكسبت اول مره وبعدها لقت دوشه وصوت عالي وراها..لفت بجسمها ولقت سامي بيتضارب مع ممدوح وبيقول:انا مستحيل اخسر…انت اكيد غشاش؟

ممدوح اتعصب علي كلامه وقال:غشاش في ايه ما انت اللي مغفل ومش عارف تلعب..

سامي بعصبيه:انا طول عمري بكسب ملايين من الناس تيجي انت وتاخد كل الفلوس دي؟

(طبعا الخناقه دي كانت مزيفه لان سامي متفق معرماهر عليها)

ناني كانت بتبص علي الشخص اللي كسب سامي ومستغرباه لانها اول مره تشوفه؟

حاولت الاداره اللي في المكان يهدوا سامي واخدوه بعيد عن الطاولات علشان ميزعجش بقيت الناس وقعد ممدوح تاني علي الطاوله واول ما بصلها لقي في عيونها لمعه كبيره فابتسم ورفع الكاس اللي قدامه وهيا ابتسمت ولفت بوشها؟

اصحابها بصولها وقالوا بتساؤل:عجبك ولا ايه يا ناني..مش كبرتي علي الكلام دا؟

ناني حركت راسها بانزعاج وقالت:كبرت ايه وكلام فاضي انا عاوزه ألاعبه؟

واحد من اصحابها قال وهو بيحظرها:بس دا كسب سامي يا ناني تفتكري انك هتكسبيه؟

ناني باصرار:هجرب ..اهو اجدد بدل منا زهقت من القعده معاكوا..

قالت كلامها وهيا بتسحب شنطتها من قدامهم وبتقرب من ممدوح واللي اول ما لقاها بتقرب  منه فضل قلبه يدق بقوه..

منعم همس في ودنه:امسك نفسك يا ديحه باشا..متبوظش الخطه!

عدل ممدوح نفسه ولما لقاها بتمد ايديها تسلم عليه وبتقول:ناني هانم سيدة اعمال سابقا ..انت بق  جديد هنا ولا إيه أصل انا اول مره أشوفك؟

إبتسم ممدوح بهدوء ووقف وسلم عليها وهوا بيضغط  علي ايديها وبيقول باعجاب :ديحة باشا..رجل اعمال وايوا اول مره اجي هنا..حضرتك جميلة اوي انتي بتلعبي صح؟

منعم اتعصب لان ممدوح كان بيتكلم وهو باصص عليها باعجاب وهيا كانت فرحانه بنظراته ليها فقالت:ايوا بلعب..تحب العب معاك واشاركك الطاوله النهارده ؟

قالت ناني كلامها بدلع واضح في صوتها فحرك ممدوح راسه بالموافقه وقال:طبعا اتفضلي والمشاريب هتكون علي حسابي؟

ناني بابتسامه:شكرا لزوقك!

كان منعم باصصله ومبتسم لانه قدر يقرب منها لانه فكر انها ممكن تمشي بس نظرتها لممدوح كانت حلوه..

فقعدت ناني قدام ممدوح وحطت شنطتها جمبها وممدوح طلبلها مشروب غالي جدا وبصلها وقال:انا هلعب علي ١٠ مليون بتعرفي تلعبي بق ولا هكسبك بسهوله!

اتغرت ناني في الوقت دا وقالت بكل ثقه:لا بعرف العب خاف انت علي فلوسك بق مني ؟قالت اخر كلامها بضحك..وهوا ابتسم وحرك راسه؟ 

ناني بصتله وقالت:وانت بق راجل اعمال في ايه ..شركتك دي فين واسمها ايه؟

ممدوح بص لمنعم ومنعم غمزله يحكي اللي حفظهوله وقال:انا شركاتي كلها برا مصر مش هنا بس انا جيت هنا في اجازه وبصراحه لما اصحابي عرفوني علي المكان دا وقالولي انه مليان بسيدات حلوة وجميلة ورقيقه..قال كلامه وهو بيبصلها بنظرات اعجاب وبسبب نظراته خلاها تخجل وتثق في جمالها ..فـ كمل ممدوح وقال:قولت اني مش لازم افوت اي فرصه واجي هنا في اسرع وقت..وبصراحه انا مبسوط اني اتعرفت عليكي؟

ناني قالت بابتسامه :انا اللي اتشرفت بمعرفتك يا..

ممدوح بابتسامه:ديحه باشا..اصل الاسم دا غالي اوي علي قلبي ومش بحب حد يندهلي غير بيه

ناني بصتله بابتسامه كبيره وقالت :يبق تشرفت بيك يا ديحه باشا؟

حرك ممدوح راسه وبدأوا اللعب مع بعض ولان ماهر طلب منه يخسر قدامها علشان تطلب تلاعبه تاني فخلاها فعلا تكسبه وبعدما خلصوا قالت بفخر: مش انا قولتلك خاف علي فلوسك!

ابتسم ديحه وقال بلامبالاة:ميغلوش عليكي يا ناني هانم ..هات يا مو دفتر الشيكات ؟

منعم استغرب الاسم اللي ممدوح ندهله بيه ولاكنه استجاب ايه وقال:حاضر يا ديحه باشا..طلع ممدوح دفتر الشيكات اللي في شيك جاهز بالفعل بمبلغ ١٠ مليون واول ما عطاه لممدوحمثل كانه بيمضي عليه  اداه لمنعم تاني ومنعم قطع الشيك واداه لناني واللي اول ما مسكته ابتسمت وقالت بحماس:اتمني يا ديحه باشا اننا نلعب مع بعض تاني..بعد اذنك!

قالت كلامها واتحركت من قدامه ورجعت لاصحابها وكانت بتوريلهم الشيك اللي فيه المبلغ اللي كسبته وهيا بتغيظهم بيه ووقتها اصحابها بصوا علي ديحه واللي حط رجل في التانيه وبص عليهم بغرور وبعدها منعم بلغه انهم هيمشوا وبالفعل قام وخرجوا من البار؟

اول ما خرج ممدوح ومنعم وركبوا العربيهالغاليه  اللي جايين فيها وكانوا مستنيها تخرج وتشوفهم وقبل ما يتحركوا بالعربيه كانت خرجت ناني وهيا بتدور بعيونها علي ممدوح ولما شافت شكل العربيه اللي راكبها عيونها لمعت بطمع وقررت تستناه وتلعب معاه من تاني..

منعم بص لممدوح وقال:عاش يا ديحه الصنارة غمزت من اول قاعده ..دا ماهر بيه هيفرح بيك اوي؟

ابتسم ممدوح وبص عليها ولما عينيه جت في عيونها ابتسمت وهوا ابتسم ابتسامه خفيفه وشاور لمنعم يتحرك بالعربيه.. 

(وبكده اول يوم في الخطة عدي علي خير وتم التنفيذ بنجاح)

__________

وفي منطقة حنين ..خرج حمزه من بيت حنين بعدما اطمن علي والدتها وقبل ما يركب عربيته كانت حنين بتوصله فبصلها وقال:اتمني اشوفك تاني يا انسه حنين..انتي انسانه محترمه واحنا دمنا واحد؟

حنين كانت بصاله بخجل كبير وهو قال :انتي بتمتحني القتره دي صح!

حركت حنين راسها بالموافقه وهوا قال:عامله ايه ..في الامتحنات ؟

حنين حركت راسها بهدوء وقالت :الحمد لله كل حاجه منام!

ابتسم حمزه  وقال:ناويه تدخلي كلية ايه ان شاء الله.

حنين بصت حواليها بتوتر وقالت :طب..قسم الجراحة ؟

ابتسم حمزه وقال بحب:يعني عاوزه تكرني جَراحة؟

حنين حركت راسها وهوا قال :ان شاء الله هتحققي حلمك وتوصلي للي انتي عاوزاه؟

ابتسمت حنين علي كلامه وهوا قال:خلي بالك علي نفسك ومتسمحيش لاي حد يتخطي حدوده معاكي..وخدي بالك هيا بتغير منك علشان انتي احسن منها؟

حنين رفعت عينها باستغراب وهيا بتقول بتساؤل :هيا مين؟

حمزه :البنت القصيرة دي..بتغير منك علشان انتي احسن منها..لانها لو واثقه في نفسها مش هتشغل بالها بيكي!

حنين حركت راسها وهوا ابتسملها ودخل للعربيه وودعها وقبل ما العربيه تمشي قال :خلي بالك علي نفسك مع السلامه..

حنين ابتسمت وردت السلام ووقتها  عربية حمزه اتحركت بسرعه وحنين اخدت نفسها بلهفه وهيا بتقول:انا مالي كده مش علي بعضي ليه..وليه قولتله هدخل كلية ايه..وليه برد علي اسالته من غير ما فكر كده؟

قالت كلامها لنفسها ودخلت لبيتها تاني وهيا بتفكر في كلامه لما دافع عنها قدام جنه وقال انه بيحبها.

قلبها فضل يدق بقوه لانها كانت حاسه بشعور غريب اتجاهه.. 

فاقت من شرودها بعد دقايق علي صوت والدتها واللي بتده عليها علشان تساعدها في المطبخ؟

فقامت حنين بسرعه ودخلت اوالدتها المطبخ وبدات تساعدها ولاكن حمزه مش راضي يطلع من دماغها لحدما قالت بضيق:كفايه بق؟

والدتها انتبهت ليها وقالت:في ايه يا حنين مالك يا حبيبتي انتي كويسه !!كنتي بتكلمي مين!

حنين انتبهت لنفسها وقالت بتردد :لا يا ماما انا بخير متقلقيش بس كنت بفكر في حاجه وقولت كده غصب عني؟

ضحكت والدتها علي كلامها وخبطت علي كتفها وقالت:ربنا يقويكي يا حبيبتي انا عارفه ان الامتحانات والمذاكره ضاغطين عليكي'

حنين ابتسمت وحركت راسها بهدوء وبدأت تكمل طبخ مع والتدها

___________وفي القصر

 اول ما وصل ماهر واحلام نزلت احلام بسرعة من العربية وطلعت بسرعه لجناحهم واول مشافها ماهر نزل وراها وهوا بيمشي بسرعه علشان يلحقها؟

احلام وصلت للجناح وهيا متضايقه من اختها ومش فاهمه هيا ليه بتعمل كده واول ما وصل ماهر بصلها بلوم وهيا قربت منه وقالت:شايف ..شايف يا ماهر تصرفاتها..وبتتعامل معايا ازاي؟

ماهر قال بجديه:انتي نزلتي ليه مش احنا خلاص اتفقنا انك هتنسي وهتسيبيهم يعملوا اللي هما عاوزينيه؟

احلام بصتله وهيا متعصبه فقرب من دراعها ومسكه وقال:هيا حره تعمل اللي هيا عاوزاه ملكيش دعوة بيها يا احلام سيبيها ؟

احلام بماقطعه:لا هيا مش حره هيا مش لازم تتصرف كده ..انت مش شايف راكبه عربيه مع واحده وكان بيبصلها ازاي..دي بنت محترمه و؟

ماهر بضيق :يا احلام هيا مش صغيره وانتي تعرفي هوا مين دا علشان تحكمي عليها وحش كدا..

احلام بكت بزعل وهوا لما شاف دموعها قرب منها حضنها وقال:اهدي يا احلام وفكري كويس قبل ما تحكمي عليها..ممكن يكون سواق اوبر او اي حاجه مش شرط يكون معاها يعني وانتي كده حرجتيها؟

احلام بعدت عنه وقالت..لا كان بيبصلها بنظرات بتدل انه يعرفها.

ماهر بتساؤل:طيب دلوقت انتي متضايقه ليه ما هيا حره تقابله او تقابل غيره هيا مش مسؤله عن نفسها وعارفه هيا بتعمل ايه؟

احلام حركت راسها وبصت حواليها وقالت:طيب انا هروح اغير هدومي علشان انام ؟

ماهر حرك راسه بالرفض وقال:لا مفيش مرواح في حته من غير ما نخلص كلامنا؟

احلام باعتراض:مش عاوزه اتكلم في الموضوع دا..ماهر مسك ايديها وضغط عليها علشان متمشيش وهيا قالت بضيق:خلاص يا ماهر بق سيبني؟

ساب ماهر ايديها وهيا دخلت تغير هدومها وهوا فضل واقف مكانه وطلع سيجار ودخنها واول ما خرجت وشافته واقف قالت بتساؤل:هو انت بتدخن؟

ماهر حرك راسه وهو باصصلها  بزعل فقربت منه وقالت علشان تصالحه:خلاص بص متزعلش مني انا اسفه؟

حرك راسه بزعل برضوا وهيا قربت من صدره حضنته وغمضت عينيها وقالت:مش هقدر اشوفك زعلان مني اكتر من كده!

بصلها وحرك راسه ولمس شعرها بحنيه وهيا بصتله وقالت:خلاص كده سماح؟

حرك راسه بالرفض وهوا بيبعد السيجار عنها علشان متأذيهاش وقال:لا المره دي مش هتصالح كده؟

احلام بعدت عنه وبصتله بتساؤل وهوا رمي السيجاره في باسكت صغير وقرب منها وقال:انتي لازم تتعاقبي علي اللي عملتيه!

احلام رجعت خطوة لورا لانه بيقرب منها فقالت برفض:والعقاب دا ليه مش موافقه عليه؟

قرب منها وشدها عليه اكتر وقال:مش مسموح الاعتراض انتي كل اللي عليكي هتنفذي اللي هقوله وبس؟

كان باصص في عينيها بجديه وهيا قالت بتوتر:مش فاهمة!

ماهر بص لشفايفها وقال وهوا بيضغط علي شفايفه بإحكام؟

هبوسك يا احلام..تفتكري اي العقاب اللي هيكون مناسب ليكي بعد اللي حصل؟

احلام وشها كله اتقلب باللون الاحمر وهوا سحبها عليه وقال:انتي اللي جبتيه لنفسك بعدما بقيتي بالحلاوة دي كلها؟

بلعت ريقها وهيا بترجع برقبتها لورا ولاكنه مدهاش فرصه وقبلها بسرعه!

احلام اتصدمت وبصتله لقته بيقبلها وهو مغمض عينيه ومش في وعيه فاستلمت للوضع وغمضت عينيها وحطت ايديها الاتنين علي رقبته وضمت نفسها ليه 

ماهر شالها علي صدره وهوا مكمل تقبيل وبدات احلام تبعد عنه علشان تاخد نفسها لانهم بقالهم كتير قريبين من بعض وهوا كاتم علي نفسها فقالت وهيا بتبصله بنفس مقطوع:كفا..يه يا ما.هر!

حرك ماهر راسه بالرفض:انتي اللي جبتيه لنفسك..مسك دقنها بايديه وقبلها تاني من شفايفها وهيا مقدرتش تقول اي كلمه لانها واقعه في حبه غصب عنها ..مهما حاولت تزعل منه مبتقدرش..مش فاهمه هوا ليه بيأثر فيها اوي كده وبق نقطه ضعفها..؟

ماهر كان نفسه انها تنسي اختها لانها هتأذيها..لأن مريم مش زي احلام ..مريم عارفه تتعايش مع اي مجتمع اذا كان فاسد او متحضر..عارفه تعيش في وسط الناس مهما كانو متلونين ..ولاكن احلام مختلفه..احلام عامله زي البيبي اللي متعلق بامه ومن غيرها هيموت ..هو عارف ومتأكد انها قويه وشجاعه وبتدافع عن نفسها بس هيا مش قد الناس برضوا..الناس المؤذيه والحقوده..اللي بيستغلوا اي قلب طيب ويحولوه لوحش مفترس ..لحدما بينسي خالص نفسه ويكون عدواني حتي مع نفسه..

ماهر عاوز يحافظ عليها وعلي قلبها قبل ما حد يقرب منها ويفسده ..هوا شايف ان مريم مفسدة ومتأكد ان الشاب اللي كان معاها يعرفها بس مش هيقدر يحكم عليها من غير ما يعرف كل القصه..

احلام بعدما بعدت عنه وبصت لملامحه خافت اوي ليبعد عنها هوا كمان  لانها بقت قويه بيه وبوجوده .. بصت في عيونه بدموع بتتجمع في عيونها  وهوا لما لاحظ انها هتبكي مسك وشها بايديه الاتنين وقال: احلام اللي انا اعرفها اقوي من كده بكتير؟

احلام ببكاء:قلبي واجعني!

ماهر برفض:احلام اللي انا اعرفها مش بتبكي علي حاجات تافهه؟

احلام ببكاء:أذوني؟

ماهر بحنيه:احلام اللي انا اعرفها بتقدر تتخطي وتنسي؟

احلام ببكاء أكتر:وحشوني؟

اول ما قالت كلامها انفجرت في البكاء وهوا ضمها بسرعه لحضنه وهوا بيقول:لا يا حبيبتي اهدي مش عاوز اشوف دموعك ؟

احلام غمضت عينيها وهيا بتحاول تهدي في حضن حبيبها وهوا كان بيمسح علي شعرها بهدوء..بص عليها وبدا يفتكر والدته واخته لما كانوا قاسيين عليه بعدما والده مات؟ 

افتكر ماهر ذكري ليه مع اخته لما كان حمزه مريض وطلب منها تاخده في حضنها وتخفف عنه الوجع بس هيا وقتها ردت عليه بكل قسوه و قالت جملة عمره مـا نساها :انا مش عاوزه اشوفه لان كل ما اشوفه بيفكرني بابوه ..انا بكرهه وبكره ابنه..خده وابعده عني ومتخلهوش يلمسني؟

دمعه نزلت علي خده اول ما افتكر قسوه اخته علي ابنها الوحيد اللي ملوش ذنب نهائي في اختيارها الغلط لوالده..

احلام رفعت عينيها تشوف ماهر لقته سرحان وفي دمعه نزلت من عيونه..عدلت نفسها ولمست وشه برفق وقالت بتساؤل:ايه اللي مخليك بتبكي كده يا ماهر قولي يا حبيبي مين اللي ساب في قلبك حزن كبير كده؟

ماهر كان طول عمره قافل علي قلبه باحزانه وذكرياته بس لما احلام سالته مقدرش يسكت وفتح قلبه ليها بسرعه..شدها بقوة لحضنه وبدا يبكي وهيا طبطبت عليه بحنيه ..فضل يفتكر كل اللي حصل معاه علشان يوصل للي هوا فيه دلوقت..بدايةً من موت والده والمسؤليه اللي شالها في سن صغير..وغير حمزه اللي كان مسؤول منه .. 

كان ماهر تاييه في بحر عميق مالوش اخر بيحاول يعوم برغم الأمواج العاليه اللي فيه .. لقي فجأة نفسه مدير و انه مطلوب منه يدير شركة ميعرفش هيا ماشيه ازاي ولا بتعمل ايه.. مينكرش انه هرب وقتها وساب المسؤليه بس اما لقي حياتهم بتتهد وتتدمر  قرر يرجع ويلحقها بسرعه ..

احلام لمست شعره بحنيه وقالت:انا جمبك يا حبيبي اوعي تخاف وانا معاك..عارفه انك حاميني بس انا هكون حمياك..ايدي مع ايديك وهنتعافي مع بعض..

فاق ماهر لنفسه بعدما سمع كلامها وقال:انتي طول عمرك جمبي ومش سيباني!

قبلته احلام بحب وهوا استجاب ليها وبعدما بعدوا عن بعض قال بحب كبير: عاوز نتمم جوازنا في اقرب وقت..وعاوز اعمل فرحنا بسرعه..

احلام حركت راسها بالموافقه وهو فال:الشهر دا اول ما يخلص هنعمل فرحنا عاوزك تشوفي ايه احتياجاتك كـعروسة وتجيبيها..قولتي ايه؟

احلام بابتسامه:موافقه ؟

ماهر قام وسندها وبصلها بحب وقال:انا لازم امشي دلوقت..عندي حاجه مهمة لازم اعملها؟

احلام بصتله بقلق وقالت:ايه الحاجه دي يا ماهر؟

ماهر بجديه:رد حق يا احلام..لازم اخد حقي من اللي وجعني في يوم من الايام؟

بصتله احلام بخوف وقالت برفض:لا اوعي تروح وترمي نفسك في النار برجليك..انا مش عارفه انت هتعمل ايه بس قلبي واجعني لما قولت كلامك دا فجأة ؟ ارجع في كلامك دا وافضل معايا؟

ماهر باعتراض:متقلقيش انا مش هأذي نفسي..انا مش غبي للدرجادي..بس دا الوقت المناسب اني اخد حقي من اللي اذاني..ارجوكي سيبيني امشي وهرجعلك تاني؟

احلام بصتله بدموع وهوا قال:استنيني ومتخافيش..انا متأكد من اللي هعمله؟

احلام بوجع بتحاول تداريه:طيب قولي رايح فين؟

ماهر بجديه:ياسر يا احلام ..هنتقم منه؟

احلام باعتراض:مش انت قولت انك حاطت خطه ليه عاوز دلوقت تروح وتبوظها؟

ماهر بضيق:مش قادر استني كل ما اشوفه ببق عاوز انتقم منه واشرب من دمه..

احلام لمست ايديه وقالت بهدوء:اهدي وفكر تاني..بلاش تبوظ خطتك بسبب شويه غضب جم فجأة..استني وحاربه وانتم منه من غير دم ..مش دا كلامك!

ماهر هدأ اول ما سمع كلامه فحرك راسه بالموافقه وهيا قالت وهيا بتضمه لحضنها:خلينا ننام..احنا تعبنا اوي النهارده؟

ماهر حرك راسه بالموافقه واتجهوا الاتنين للسرير واول ما نامت احلام شدها ماهر لحضنه وغمض عينيه وهوا بيحاول يهدأ فغمض عينيه بتعب وقرر يسمح لعقله يرتاح.

______وفي عربية الظابط كان وصل للفندق اللي مريم كانت قاعده فيه .:

خرج من العربيه وهيا وراه واول ما دخل من الباب مريم  دخلت جمبه فقال بتساؤل: كنتي حاجزه الغرفة رقم كام؟

مريم  اتكلمت بقلق وقبضة قلب لان  المكان فجأة بق مخيف : رقم ٩..بس المكان هنا  بق ضلمة اوي؟

حرك الظابط راسه وقال وهو بيمسك ايديها علشان يطمنها :تعالي معايا ومتخافيش؟

مريم حركت راسها بالموافقه برغم انه ماسك ايديها فدخلت معاه وبعد وقت وصلوا لأوضتها اللي كانت حجزاها؟

فتح الظابط الأوضة واول ما دخل ومريم وراه  قفل الباب بقوة وفجأة النور إشتغل وظهر في الغرفه بتاعت مريم أدهم ودا يبق الظابط اللي مريم مستخبيه منه من ٩ سنين!

مريم بصت للظابط  اللي كان معاها ومسكت ايده بلهفه علشان يحميها ولاكنه ساب ايديها بغضب وبص لأدهم ورمي التحيه وقال باحترام :ادهم باشا انا جبتهالك اهي لحد عندك؟

حست مريم انها  هيغمي عليها من الصدمه  اللي اتعرضتلها فبصت للظابط  وقالت بصدمه كبيره وخوف:انت..انت كنت بتضحك عليا كل ده؟

يتبع بقلمي شيماء صبحي 

"فتح الظابط الأوضة واول ما دخل ومريم وراه  قفل الباب بقوة وفجأة النور إشتغل وظهر في الغرفه بتاعت مريم أدهم ودا يبق الظابط اللي مريم مستخبيه منه من ٩ سنين!

مريم بصت للظابط  اللي كان معاها ومسكت ايده بلهفه علشان يحميها ولاكنه ساب ايديها بغضب وبص لأدهم ورمي التحيه وقال باحترام :ادهم باشا انا جبتهالك اهي لحد عندك؟

حست مريم انها  هيغمي عليها من الصدمه  اللي اتعرضتلها فبصت للظابط  وقالت بصدمه كبيره وخوف:انت..انت كنت بتضحك عليا كل ده؟

بصلها من فوق لتحت بضيق ومردش عليها فقررت مريم الهروب من قدامهم بسرعة  ولاكن ادهم مسكها من ايديها وقال:ياااه يا مريم ٩سنيين بحالهم وانا قالب عليكي الدنيا..

مريم بخوف وصوت متقطع:سي..بني في حالي؟

ادهم بغضب وهوا بيضغط علي ايديها:وانتي مسبتنيش في حالي زمان ليه وخربتي حياتي؟هاااا! صرخ فيها بغضب وهيا ردت عليه بصوت عالي وبكاء شديد وقالت!

مريم ببكاء:انت اللي دمرتني الاول ..ضحكت عليا وفهمتني انك بتحبني …وطلعت مخادع؟

ادهم شدها عليه ومسك وشها بايديه وضغط عليه بقوة :تقومي تحرميني من اكتر حاجة بحبها…ترفعي عليا قضية وتخليني اطرد من شغلي..

كان بيحركها تحت ايديه بغضب شديد  وهيا بتبكي واول ما رفعت عينيها علشان تشوفه وهوا واقف في جمب يبص عليها ..بكت أكتر وقالت :فكرت ان في حد ممكن يخاف عليا في الدنيا دي بجد بس..بس انت طلعت مخادع .. 

بصلها الظابط في صمت وهيا بصت لادهم وقالت بعصبيه:خلاص يا ادهم انا بقيت تحت ايديك شوف عاوز تعمل فيا ايه واعمل.. عاوز تقتل/ني اقت/لني وارميني لكلاب السكك شوف عاوز تعمل ايه واعمل..انا خلاص مش عاوزه اعيش تاني؟

ادهم ضحك بسخريه علي كلامها ومسكها جامد من شعرها وقال:لا يا مريم ..انا لو قت/لتك يبق رحمتك من العذاب اللي هتشوفيه ..انتي لازم تاخدي عقابك لان انتي حقيره يا مريم  وتستاهلي؟

مريم قالت بصراخ:بس بق كفايه انت اللي غلط في حقي  الاول..كنت فاكر لما تعمل فيا كده محدش هيقفلك علشان منصبك..انا كنت صح لما عملت فيك كده ولو رجع بيا الزمن هعمل فيك كده يا ادهم؟

صفعها ادهم بقوه علي وجهها وهيا وقعت علي الارض مسكها ادهم وسحبها بغضب من شعرها وجرجرها علي الارض لحد ما وصل عن الظابط اللي ساعد مريم وزقها بغضب عليه لحدما اترمت عند رجل الظابط واللي جسمه اتنفض اول مشافها قدامه علي الارض ..

بصلها بصدمه لانه مكانش يعرف ان ادهم هيبهدلها كده فكان هيقرب منها يساعدها ولاكن ادهم كان قرب منها تاني وسحبها تاني من شعرها وقال وهو بيقرب وشه من وشها بتهديد:منصبي اللي دمرتيه زمان رجع من تاني يا مريم وخلاني أقوي تاني واقدر انتقم منك انتي واللي يشهدلك ويساعدك !

مريم حاولت تفك نفسها من قبضه بكل ضعف وهوا لما شافها مش قادره سابها علي الارض وبص للظابط صديقه وقال:خدها يا حسن للرجاله واعملوا فيها اللي انتو عاوزينه بهدلوها مش عاوزها تقدر تبص في وش اي راجل تاني من النهارده؟

الظابط بصله وحرك راسه وادهم قال قبل ما يخرج من الاوضه:حسابنا لسا مخلصش يا مريم ..انا وانتي والايام جايه كتير؟

قال كلامه وخرج من الاوضه والظابط حسن قرب منها وهيا زقته بعيد عنها بخوف..

بصلها بتردد كبير وهو مش مصدق انه ممكن يأخدها ويأذيها هو ورجالته فعلا فقرر يقوي قلبه تاني ويمسكها ويقومها ولاكنه ضعف اول ما بصتله بعيونها اللي مليانه كسره..

حسن قال بلطف:قومي خليني اساعدك؟

ردت عليه مريم بكسره:ابعد عني انت كداب وغشاش؟

لمس شعرها اللي نازل علي وشها علشان يبعده لانها مش عارفه تتكلم ولاكنها زقته تاني وحاولت تقف لوحدها واول ما وقفت كانت هتقع بسبب الوقعة اللي وقعتها كانت اتأذت في رجليها ..فقرب منها بسرعه وسندها علي جسمه وهيا اول ما لقت نفسها في حضنه بكت بقوة لانها فكرت انه بق حاميها ومنقذها بس صدمها صدمة عمرها لما سلمها لأكتر إنسان قاسي عليها في الدنيا.. 

حسن حس بقلبه اللي بيدق جامد وبص عليها لقاها تعبانه ومش قادره تتحرك  فقرر مينفذش كلام ادهم وياخدها بعيد عنه .. 

قال بهمس:اتجاوبي معايا علشان أساعدك تخرجي من هنا؟

مريم بفقدان أمل:سيبني أموت ..انا استاهل لاني وثقت فيك؟

لمس وشها بحنيه وقال بأسف:غصب عني صدقيني..دا القائد بتاعي وكنت مضغوط !

سكتت وهيا بتبلع غصة في حلقها بألم فأول ما لاقته بيشيلها ضمت نفسها ليه جامد وفضلت تبكي بقوة ..قالت بهمس:ليه كله بيكرهني..ذنبي ايه اني اتولدت في بيئة سيئة كل اللي فيها أناني..ذنبي ايه اني حبيته وهو غدر بيا..هو انا مستاهلش اوي كده..حتي انت غدرت بيا بعدما وثقت فيك؟

بصلها وهو حاسس بالندم الكبير  فاول ما وصل لعربيته وحطها في الكرسي ركب جمبهاا بسرعه واتحرك في اتجاه بيته،

ادهم خرج من الفندق ورجع للقسم وهو مرتاح لانه اخيرا لقاها..بعت رساله للرائد حسن وبلغه انهم يحبسوها بعدما يغت/صبوها وهو هيكمل عليها..فرد عليه حسن بالموافقه وقفل تيلفونه بسرعه وبص عليها لقلها لسا بتبكي..

وصل قدام بيته وخرج من العربيه وقرب منها وقال:انزلي علشان وصلنا!

بصتله بتردد وحركت راسها بالرفض فقال وهو بيمد ايديه وبيمسك ايديها:دا بيتي متخافيش محدش عايش هنا غيري؟

بصت مريم حواليها بخوف وقالت:لا مش واثقه فيك؟

حسن بهدوء:بلاش تضيعي وقت علي الفاضي قولتلك متخافيش وانزلي؟

حركت رأسها بالموافقه ونزلت بعدما لقت ان مفيش قدامها حل تاني بس اول ما مشيت خطوطين وقعت علي الارض بسبب انها مش قادره تتحكم في اعاصبها بسبب الصدمة الكبيره اللي اتعرضتلها..

فقرب منها حسن تاني وشالها وسندها علي صدره ولما لقاها ساكته ومش راضيه تساعده في انه يشيلها من غير ما يوقعها قال:امسكي في رقبتي كويس ؟

حركت راسها برفض وقالت :بتعمل معايا كده ليه مش انت بعتني؟

تجاهل كلامها وقال بتهديد:هتقعي..

مردتش عليه وهو اول ما اتحرك كانت هتقع فعلا فمسكت في رقبته بسرعه..

دخل حسن لبيته وهو شايلها واتجه بيها لاوضة النوم وحطها علي السرير وقال  :هتفضلي هنا لحدما الاقي حل وانقذك منه؟

قالت برفض واعتراض:وليه انت بق بتعمل كده  مش انت سلمتني ليه.. كمات بضيق :هو انت مش عارف هوا يبق مين؟

حسن بصلها بحزن وقال:دا القائد بتاعي ..وهو طلب مني ادور عليكي ولما لقيتك جبتك ليه بس انا مكنتش اعرف اني لما الاقيكي ها…

بصتله بانتباه وهو سكت وقال بعدما رتب أفكارة بسرعه:هاتصعبي عليا..مكنتش اعرف انه عاوز يأذيكي بالشكل دا؟

مريم بصتله بحزن وقالت:يعني جايبني هنا علشان تحميني منه؟

حسن حرك راسه و قال:لو سمعتي كلامي هنقذك منه بسلام بس لو عملتي اي حركة كده ولا كده هيقدر يمسكك تاني وانا مش عارف ممكن يعمل تاني معاكي ايه؟

حركت مريم راسها بالموافقه وهو فضل يبصلها شويه لحدما لقاها هتنام قال وهو بيتحرك لباب للخروج:هسيبك انتي ترتاحي .. 

مردتش عليه بسبب انها تعبانه وخلاص كانت نامت وهوا قفل عليها الباب واول ما خرج بص لنفسه في المرايه وقال بلوم لنفسه :ليه عملت كده يا حسن ..انت مش وقعت في حبها!

 ليه سلمتها ليه وانت عارف انه هيأذيها..

فضل يبص لنفسه بلوم لحدما كان الوقت اتاخر فقرر يخرج بسرعه علشان يجيب فتاه ليل ويبعتها لبقيت الرجاله علي انها مريم علشان لما أدهم يسألهم يعرف ان انتقامة ماشي زي ما هوا عايز.. وان حسن نفذ اللي هوا عاوزه!!

___________وفي يوم جديد !!

اتصل ياسر بمجموعة الفؤاد وعرض عليهم انهم ينضموا ويستثمروا في شركته ..ولانهم عارفينه ومتفقين عليه مع ماهر وافقوا وياسر اتفاجئ ولما سألهم ليه وافقوا بسهوله كده !! 

بلغوه انهم هيسيبوا شركة ماهر الصياد وعاوزين شركة ينضموا ليها وشرطهم تكون في نفس المستوي ولان شركته مناسبه فطبيعي انهم يوافقوا..

ابتسم ياسر علي كلامهم وطلب منهم يجيوا شركته ويمضوا العقد مع بعض بما انهم مستعدين والمجموعه وافقت وبلغوه انهم هيوصلوا لشركته بعد الظهر؟

اتصل ياسر بشوقي بعدما قفل مع مجموعة الفؤاد واول ما شوقي رد ياسر قال:لانك عملت معايا واقفة رجالة دلوقت  يا شوقي فأنا هبعتلك الهديه بتاعتك ..

شوقي بتساؤل:هدية ايه دي يا ياسر باشا؟

ياسر بابتسامة:هسفر بنتك تتعالج برا مصر علي حسابي؟

شوقي قام وقف بسرعه من مكانه وقال  بلهفه:ازاي يا ياسر بيه ..بس انا خلاص هعالجها هنا في مصر؟

ياسر باعتراض:علاج بنتك مش موجود في مصر يا شوقي..انت مش واثق فيا ؟

شوقي اتوتر وقرر يرفض المره دي لان ياسر من الواضح ان نيته مش حلوه فقال باعتراض:لا يا بيه انا مش عاوز ابهدلها أكتر من كده كفايا عليها السنين اللي قضتها هنا في  تعب..انا بعتذر لاني معرفتش حضرتك اني اخدتها من المستشفي بتاعك بس انا خلاص لقيت علاجها المناسب في مستشفي تانيه؟

ياسر بان علي ملامح وشه الانزعاج فقال بضيق: ماشي يا شوقي عموما انا حبيت اساعدك وانت خليك فاكر اني عرضت عليك وانت رفضت!

شوقي اتضايق من كلامه وقال:متشكر لكل اللي عملته علشاني انا وبنتي يا باشا؟

ياسر قال قبل ما يقفل المكالمة:عاوزك تجيلي الشركه علشان مجموعة الفؤاد هتمضي معايا عقد النهارده.

اتفاجئ شوقي من سرعته في التنفيذ وقال:حاضر ياباشا اجي لحضرتك امتي؟

ياسر:الظهر يا شوقي ..يلا سلام!

قفل ياسر المكالمة واتجه لمكتب السكرتيره وطلب منها تعمله قهوه وبعدها رجع لمكتبه وهوا حاسس انه قرب ينتصر علي شركة ماهر وياخد هوا المركز الاول مكانه؟

فسند ضهره بغرور علي الكرسي وهو بيتخيل لما يدمر شركة ماهر وياخد هوا الشهره مكانه؟

________

وعند ناني والدة ياسر كانت صحيت وهيا بتفكر في ديحة باشا واللي مطلعش من دماغها من بعدما قابلته امبارح ..

كان من الواضح علي شكلها انه عاجبها وحست انها ممكن تفتح قلبها من أول وجديد تاني واول ما قالت كلامها لنفسها ابتسمت بخجل وقررت انها تقرب من ديحة وتلاعبه تاني وتغريه علشان يبصلها بنظرة الجواز وبعدما جهزت نفسها قررت تستعد وتروح لاصحابها لحدما الليل يجي وتروح البار علشان تقابله تاني .

رواية حبيبي المدير بقلمي شيماء صبحي 

وعند ممدوح ومنعم كانوا  قاعدين بياكلوا مع بعض ومنعم بيقول:انا متاكد انها هتيجي البار و تدور عليك اصل اللي زيها بيحبوا النوع اللي ذيك دا يا ديحه من الرجالة ؟

ممدوح ابتسم وقال وهوا بيمثل انها قدامه :هيا اصلا حلوه اوي نفسي اوي اخدها في حضني كده واعوض سنين الشقي دي كلها بقي؟

منعم بصله بصدمه وقال :اهدي يا عم ممدوح انت بتقول ايه انت ناسي انك في مهمه ومينفعش خالص تحضنها والكلام  دا خالص؟

ممدوح حرك راسه باعتراض وقال:لا انا هحضنها عادي هو مش انتوا عاوزين الفلوس  بس يبق انا هاخد اللي انا عايزه انا كمان وبكده نكون ضربنا عصفورين بحجر واحد؟

منعم بقلق من كلامه :بس ماهر باشا هيتضايق لما يعرف اللي انت عايز تعمله دا خد بالك؟

ممدوح باستغراب من كلام منعم :وهو ماهر باشا هيعرف منين بس هو مش انا وانت بس اللي بنفذ المهمه..انت مش هتقوله حاجه وخلاص؟

منعم حرك راسه برفض:لا يا عم ممدوح احنا هنفذ كلام ماهر باشا بس ومش عاوزين نعمل مشاكل احنا مش قد غضب ماهر باشا انت لسا متعرفوش لما يغضب؟

ممدوح كان بيتخيل ناني وهيا معاه ولما حس انه مش قادر يطلعها من دماغه قال:متقلقش انا مش هعمل حاجه تضايق الباشا بس برضوا مش قادر اطلعها من دماغي..يخربيت جمال امها الوليه دي..لا وليه ايه احنا نقول ست الكُل بق علي كده !

منعم ضرب كف بكف وقال:ربنا يسترها يا ديحة باشا ونخلص الاسبوع دا علي خير قبل ما توديني في داهيه وانا عريس علي وش جواز ولسا مدخلتش دُنيا!

ممدوح قام من جمبه وهو بيضحك علي كلامه ومنعم بص عليه وقال وهو بيبلع ريقه :معانا يارب؟

__________في القصر؟

صحي ماهر وبص جمبه لقي احلام نايمه وماسكه في ايديه جامد فابتسم علي شكلها ولف بجسمه يشوف الساعه ولما لقي انه اتاخر علي الشغل قام بسرعه من جمبها وبدا يستعد للشغل وبعد دقايق كان خرج وهوا لابس هدومه وبدا يصفف شعره وبعدها لقاها  صحيت وبتبص عليه فبصلها وقال:صباح الخير؟

احلام بصوت هادي:صباح النور يا حبيبي..انت رايح الشغل؟

ماهر حرك راسه بالموافقه وهيا قامت وقربت منه وقالت:ربنا يوفقك يا حبيبي..بس انا كنت بستأذنك اروح لمروه علشان بقالي كتير مشوفتهاش ووحشتني اوي؟

ماهر بصلها وقال بقلق:طيب ما تخليها تيجي هنا احسن ؟

أحلام حركت راسها بالرفض وقالت باعتراض:لا اصل احنا هنخرج نقعد في مكان هادي علشان نعرف نكون براحتنا؟

ماهر حرك راسه بالموافقه وطلع من محفظته فيزا وادهالها وقال:خلي دي معاكي والرقم بتاعها السنه اللي اتولدتي فيها شوفوا لو محتاجين تشتروا حاجه وهاتوها ! 

ضمت احلام عيونها باستغراب وهوا لف وشه بخجل وقال:عارفة الرقم الاول ولا اقولهولك؟

اتكلمت احلام بسخريه مليانه بضحكه:وهو في حد ميعرفش السنه اللي اتولد فيها برضوا يا سيادة جوزي المدير ؟

ماهر ايتسن علي كلامها ولبس الجاكت بتاع البدله وهيا ساعدته وقال:المهم عندي خلي بالك علي نفسك وانا هبلغ واحد من رجالتي يكون معاكوا علشان اكون مطمن اكتر عليكوا؟

حركت احلما راسها بالموافقه وهوا قرب من خدها وقبلها وقال:انا همشي انا بق علشان اتاخرت علي الشركه؟

حركت راسها بابتسامه واول ما لف بجسمه علشان يمشي بصتله بنظرات كلها حب وبعدما خرج من الباب وقفله لفت احلام جسمها علشان تستعد هيا كمان وتخرج ..

وفي غرفة حمزه كان جهز لبسه وخرج علشان يروح مدرسه حنين يستناها لحدما تخلص امتحانها ويوصلها للبيت وعلشان برضوا كان قلقان لزمايلها دول يتعرضولها  من تاني ولاكن كان السبب الرئيسي كان علشان الشاب اللي سمع من زمايلها انه بيحبها فكان حاسس بغيره شديده عليها فخرج بسرعه من غرفته وكان وقتها ماهر خارج من اوضته واول مشافه قال بتساؤل:علي فين علي الصبح كده  يا حمزه باشا؟

حمزه اتوتر وقال:رايح لواحد صاحبي متفقين نتقابل علشان نراجع امتحانات الكليه؟

ماهر حرك راسه بالموافقه وقال:طيب خلي بالك علي نفسك وخد السواق معاك!

حمزه حرك راسه بالموافقه وماهر نزل بسرعه علي السلم ووقتها حمزه حط ايديه علي قلبه وفضل متابعه لحدما اتاكد انه خرج فنزل وراه بسرعه وشاور للسواق بتاعه وبلغه انهم هيتحركوا وبلغه عموان مدرستها واللي قدر يجيبه من مراقبته ليها؟

وعند احلام كانت خلصت لبس بعد وقت قصير واتواصلت مع مروه واللي كانت واخده أجازه علشان تقابل احلام لانها بقالها كتير مشافتهاش من وقت اخر مره كانت عندها في بيت والدها..

خرجت احلام بسرعه من اوضتها بعدما قفلت مع مروه فنزلت علشان تبلغ الحارس اللي هيكون معاها انها هتخرج دلوقت ولاكنها لاقته مستنيها وهوا واقف قدام عربيه من عربيات ماهر الفخمه ..

احلام بتساؤل:هنروح بالعربية دي؟

الحارس حرك راسه بالموافقه وهيا بصت للعربيه تاني وقالت:طيب طيب خلينا نتحرك..بما انه اللي عاوز كده يبق مش مشكله؟

"احلام كانت شايفه ان العربيه غاليه اوي علي الاماكن اللي هتروحها النهارده فكانت خايفه عليها لتتجرح لان الشوارع بتكون ضيقه ولاكن لما لقت ان اكيد ماهر اللي طلب من الحارس دا يختار العربيه دي فوافقت"

ركبت احلام العربية ووصفت للحارس الاماكن اللي هتروحها مع صديقتها بعدما تقابلها وهوا بلغها انه عارف الاماكن وانها متقلقش.

وبعد وقت كانت وصلت احلام لبيت مروه واول مانزلت من العربيه علشان تبلغها انها وصلت لقت مروه مستنياها بالفعل وهيا مش علي طبيعتها فحضنتها احلام باشتياق وقالت:وحشتيييني اوي اوي يا مروه !

مروه ابتسمت وضغطت علي حضنها بفرحه وقالت:انتي اللي وحشتيني يا حيوانه ..بق كل الفتره دي ما اشوفكيش ولا مره؟

ابتسمت احلام وهيا بتلمس خدها بحب وبتقول:غصب عني كنت مشغوله مع حمزه !

ضحكت مروه وقالت:خلاص مسمحاكي..قوليلي بق هنروح فين!

احلام شاورتلها علي العربيه وقالت:بصي احنا معانا عربيه فري وسواق كمان يعني اي حته عاوزه تروحيها قوليله عليها..

مروه بصت للعربيه باعجاب وقالت:دي عربية ماهر مش كده؟

احلام حركت راسها بالموافقه ومروه قربت من العربيه ولمستها باعجاب وقالت:ربنا يجعل تعدداته عربيات وميتجوزش عليكي؟

احلام بصتلها بغيره وقالت:يتجوز عليا؟

مروه ابتسمت وقالت :لا هو ميستغناش غنك طبعا  ..دا انتي حب الطفوله يا احلام؟

ابتسمت احلام بخجل علي كلامها وقالت:خلاص خلينا بق نركب العربيه ونتحرك علشان اسمع منك الموضوع اللي حمستيني علشانه في التيلفون دا؟

خجلت مروه وحركت راسها بالموافقه ودخلت للعربية هيا واحلام وبعدها العربيه اتحركت .

وفي مدرسة حنين كانت خلصت امتحانها في المادة الاولي وكانت خرجت علشان تجيب اكل ليها ولقت جنة واصحابها بيلقحوا عليها تاني بالكلام  ..فافتكرت حنين كلام حمزه عن جنة ولما شافت نظراتها ليها عرفت انه عنده حق وان جنة بتغير منها فعلا لانها افضل منها ..

فقررت تتجاهلهم خالص لان وصفهم ليها ميخصهاش لانها شايفه انها افضل منهم وكل كلامهم دا ميفرقش معاها حاجه فعدت من قدامهم وهما بدأ يقسوا عليها بالكلام فتجاهلتهم واول ما وصلت للمكان اللي هتجيب منه الاكل لقت سليم واقف ومستنيها وكان شاريلها اكل فقال وهو بيدهولها:اتفضلي يا حنين انا جبتلك دا؟

حنين مردتش عليه ودخلت اشترت لنفسها اكل وبعدما خرجت لاقته باصصلها وعيونه حمرا فقالت بضيق:مش انا قولت محدش يتعرضلي تاني ..مش كفايه احراج لنفسك بق يا سليم انا قولتلك مش موافقه عليك..اعمل ايه اكتر من كده علشان تسيبني في حالي؟

سليم بجديه:مهما تعملي برضوا مش هنساكي لاني بموت فيكي يا حنين؟

حنين غضبت من كلامه وقالت:احنا لسا صغيرين علي الحب دا انا مش بفكر غير في الدراسه وتقريبا انا قولتلك الكلام دا ١٠٠ مرة قبل كده؟

سليم بزعل:ماشي يا حنين ..اللي انتي شايفاه بس انا مش هسمح لاي حد يقرب منك مهما كان هو مين؟

مشيت حنين من قدامه بسرعه وبعد وقت وصل حمزه ووقف قدام المدرسه وبعد ساعتين من الانتظار خرجوا الطلاب كلهم من المدرسه ووقتها كان حمزه بيبص عليهم بتفحص لحدما لقاها خارجه وماشيه مع اصحابها فشاور للسواق يمشي وراهم بالراحه وبالفعل كانت ماشيه حنين واصحابها وعربية حمزه بعيد عنهم بمسافه صغيره لحدما فجأة حصل شجار ما بين حنين واصحابها واللي اتهموها بالغبيه لانها رافضه واحد زي سليم .. فزعقت حنين فيهم بانهم ميتدخلوش في حياتها لانها حره وعارفه مصلحتها اكتر منهم ..

فزعلوا اصحابها منها انها زعقت فيهم بالطريقه دي وسابوها لوحدها ومشيوا بعدما وصفوها بالمتكبرة '

وحنين لما شافتهم سابوها لوحدها ومشيوا زعلت منهم جامد ..فقررت تروح لوحدها وتسيبهم لانهم مش هيتغيروا مهما حصل ..

لما شافاها حمزه ماشيه لوحدها قرر يقرب منها ويطلب منها يوصلها ولاكنه وقف مكانه لما لقي عربيته تانيه بتقرب منها وكان اللي فيها سليم واللي بيعرض عليها يوصلها وهيا لما شافته  اتكلمت بضيق منه :امشي بق يا سليم انت كده هتخلي الناس يفهموا اني بنت مش كويسه وهيطلعوا عليا كلام مش حلو؟

سليم حرك راسه بالموافقه والسواق همسلة وقال:هيا عندها حق يباشا وبعدين زمايلها حواليها ممكن يضايقوها بالكلام!

سليم حرك راسه وشاورله يمشي وسابوها تاني لوحدها.. 

حمزه شاور للسواق وقتها يقرب منها واول ما وقفوا قدامها نزل حمزه الازاز وقال:انسه حنين؟

حنين لما سمعت صوته جسمها اتفض وكانت بتبصله وهيا مش مصدقة انه قدامها فقالت بتوتر:استاذ حمزه حضرتك بتعمل ايه هنا ..

بصلها وقال:لو مش هضايقك اتفضلي معايا اوصلك..

حنين برفض:لا متشكره انا قربت اوصل للموقف وهركب مواصله؟

حمزه: في موضوع  مهم عاوز اتكلم معاكي فيه ..ارجوكي اركبي ومتقلقيش!

حنين بلعت ريقها بتوتر وبصت حواليها وهيا بتشوف لو حد شايفها من زمايلها وهو انتبه ليها وابتسم وهيا فتحت الباب بسرعه وركبت جميه وهيا بتاخد نفسها بتوتر.

حمزه شاور للسواق يتحرك وشد الستاره اللي بتفصل بينه وبين السواق علشان ياخد راحته معاها وهيا متخجلش ..فبصلها وقال:انسه حنين ..انا اسف لو هاتكلم معاكي في حاجه هتضايقك بس انا معجب بيكي بصراحه وبفكر فيكي كتير ونفسي لو توافقي اننا نرتبط؟

جسمها كله اتنفض وقلبها دق بقوه علي كلامه فبصت لملامحه ولقت انه وسيم وعاجبها بس بما افتكرت رفضها لسليم وقد ايه هيا طول عمرها بتحافظ علي سمعتها وبرغم كل دا هيا مركزه في دراستها ورافضة الارتباط لانه ممكن يشتتها في الوصول لحلمها فقالت باعتذار:انا اسفه بس انا مش بفكر في الارتباط بانه هيشتتل يافكاري وانا دلوقت كل تركيزي في دراستي وبس؟

رواية حبيبي المدير بقلمي شيماء صبحي 

حمزه بصلها وقال بلهفه :متقلقيش انا مستحيل اشتتلك افكارك اياد انا بس هخطبك والله وبعدما تخلصي كليتك براحتك نتجوز ووقتها اكون حتي اتخرجت انا كمان ؟

حنين بصتله بصدمه وهو قال:وافقي ..دي مجرد خطوبه وحتي هتكون بعدما تقدمي في الكليه كمان؟

حنين بصت علي الشارع بتردد وهوا قال :بصي انا هقترح عليكي حاجه وبرغم اني هكون قلقان بس اهي اي حاجه تساعد حتي؟

بصتله بانتباه وهو قال:لو نجحتي واتقبلتي في الكليه توافقي عليا؟

حنين رفعت حاجبها باعتراض وهو قال:ولو اترفضتي بق وافقي برضوا انا بصراحه بحبك اوي ومش هقدر استحمل انك رفضاني؟

حنين برفض:احنا لسا صغيرين علي الحجات دي انا؟

حمزه قاطعها:انا كلها شهرين وهتم ال20سنه وانتي في اخر سنة ثالثه يعني هتكوني ماشيه في ال١٩ سنه صح؟

حنين حركت راسها :انا عندي ١٨ سنه وشهر ؟

ابتسم علي كلامها وقال:يعني تميتي السن القانوني اهو ..قولتي ايه بق اكلم خالي ونيجي نطلب ايدك؟

حنين بلعت ريقها بتوتر وقالت:لا ..بصلها بوش احمر وهيا كملت كلامها وقالت:سيبني افكر..هرد عليكي بعدما الامتحانات تخلص؟

بصلها بفرحه وحرك راسه بآمل كبير وهيا حاولت تداري ابتسامتها وهوا كان نفسه يحضنها من الفرحه ولاكن مقدرش يلسمها.. لانه عارف ان العلقة المرة دي هتكون منها لو لمسها  فقرر يقعد هادي لحدما يوصلها ويبق يحضن مرسي لما يرجع القصر براحته.

__________

وفي الكافيه اللي مروه واحلام متعودين يروحوه ..كانوا قاعدين وبيتكلموا واحلام بتقول بفرحه :بس صابر شاب محترم وعلي فكره دا بيحبك من زمان؟

مروه بصتلها بصدمة لانها اول مرة تعترف بحاجة زي دي وقالت:يعني انتي كنتي عارفه موضوع اعجابه بيا دا وساكته؟

ضحكت احلام وقالت:انا كنت حاسه انه بيحبك لان في كل مره كنتي بتجيلي الشقه وانا بوصلك كان بيكون واقف يبص عليكي ومبيشيلش عينيه بس والله برافوا انه اتشجع واعترفلك؟

مروه بخجل:دا عاوز يجي يطلب ايدي؟

احلام بفرحه:طيب دا خبر هايل يا مروه وانتي اي رئيك فيه؟

مروة بخجل:مش عارفه اعمل ايه انا برضوا حاسه بمشاعر ليه بس مش متاكدا اوي اذا كان هوا دا اللي انا عاوزاه ولا لأ؟

احلام بصتلها بتفكير وقالت:طيب قلبك يا مروة ..قلبك بيقولك ايه؟

مروه بابتسامه خجولة:قلبي بيقولي وافقي بس عقلي بيقولي استني ؟

احلام باعتراض:وهتستني لحد امتي بق  ..هو انتي مش ملاحظة ان احنا بنكبر يا مروه احنا دلوقت ماشيين في٢٩ وعشرين يبق هتستني لحد امتي فين؟

مروه اتنهدت وهيا بتقول:مش عارفه بس انا محتاره اوي ومش عارفه اعمل ايه!

احلام مسكت ايديها وقالت بابتسامة:اديله فرصه مش هتخسري حاجه وبعدين انا متاكده انك هتحبيه اوي كمان.

مروه حركت راسها بالموافقه وقالت باقتناع:خلاص هوافق ؟

احلام بصتلها بحب وابتسامه وقالت:هي دي صحبتي العاقله اللي بحبها!

مروه ضحكت بخجل وبصتلها وقالت:صحيح يا احلام طمنيني انتي وماهر عاملين ايه؟

احلام:الحمدلله؟

مروه حركت راسها وقالت:يارب دايما بس انا قصدي علي الحجات التانيه اييه النظام؟قالت كلامها بغمزه 

واحلام ضربتها علي ايديها بخجل ووشها أحمر وقالت:احنا مأجلين الموضوع دا لحد يوم الفرح؟

مروه بانتباه:يعني  ماهر هيعملك فرح؟

احلام حركت راسها بفرحه:ايوا  طبعا وهيكون بعد شهر من دلوقت..وقالي اشوف ايه احتياجاتي كـعروسه واجيبها.

ضحكت مروه وقالت وهيا بتشكر في ماهر: طلع بيفهم ماهر..كملت بضحكه ..اه  لو عرف انتي كنتي جايبه ايه لجهازك وعيناه؟

ضربتها احلام بخفه علي ايديها علشان تسكتها ومروه ضحكت بقوه وقالت:الكنغر يا احلام  ..جيبه طقم  الكنغر؟

احلام مقدرتش تمسك ضحكتها واصوات ضحكهم بق عالي  ومكانوش قادرين يسيطروا علي ضحكهم لحدما مروه افتكرت طقم سمكة القرش اللس احلام كانت جابته بعد طقم الكنغر ووقتها ضحكها زاد وقالت:ولا سمكة القرش..

احلام من كتر الضحك ضربت علي الطرابيزه بقوه ووقتها انتبه ليهم الناس اللي في المكان وضحكوا علي ضحكهم لحدما مروه واحلام حاولوا يسيطروا علي نفسهم وبعدما اخدوا نفسهم مروه قالت:الظاهر ان ماهر هيكون مبسوط معانا اوي؟

ضحكت احلام وحركت راسها:لازم يشوف العجب كله ..مش سابني لوحدي سنين كتيره؟

مروه حضنتها بضحك وقالت:ربنا يكملك بعقلك يا صحبتي..

أحلام ابتسمت وشاورت للويتر علشان يحاسبوا وكانت مروة بتفتح شنطتها ولاكن احلام وقفت ايديها وهيا بتوريلها الفيزا اللي ماهر اداهالها وقالت:ماهر ادهالي..شوفي نفسك في ايه وخلينا نجيبه؟

مروه بصت للفيزا باعجاب واحلام حاسبت بيها وبصتلها وقالت:بما انك معايا تعالي نختار حجات لينا ونشتريها.

مروة باعتراض:بس مش ممكن ماهر يتضايق؟

احلام برفض:لا لا متشيليش هم دا قالي براحتنا؟

مروه بشك:متأكدة؟